ᑯᕉᓂᑲ ᐂᑉᐸᖏᑦ 15:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐃᕝᕕᓪᓕ, ᓴᐱᓕᕐᑍᓕᒋᑦ! ᐱᔪᓐᓇᕐᓃᓪᓗ ᓴᓐᖐᓕᑎᑦᑍᓕᒍᒃ, ᐱᓂᐊᕐᓂᑎᑦ ᐊᑭᓕᕐᑕᐅᔪᒫᕐᒪᑕ.”

ᑯᕉᓂᑲ ᐂᑉᐸᖏᑦ 15:7 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 15:1

ᑕᒪᑐᒪᓗ ᑭᖑᓂᖓᒎᓕᕐᑐᖅ ᐊᑕᓂᐅᑉ ᐅᖃᐅᓯᖓ ᐂᑉᕋᒻᒧᑦ ᑎᑭᑉᐳᖅ ᑕᑯᑎᑕᐅᓂᒃᑯᑦ, ᐅᖃᕐᓗᓂ, “ᑲᑉᐱᐊᓱᖕᓇᒃ ᐂᑉᕋᒻ ᓴᐴᓗᑕᕆᕙᕐᒪ; ᐊᑭᓕᕐᑕᐅᓃᑦ ᐊᖏᔪᕐᔪᐊᖑᔪᒫᕐᐳᖅ.”

ᑯᕉᓂᑲ ᓯᕗᓪᓖᑦ 28:20

ᑕᕝᕙ ᑍᕕᑎᐅᑉ ᐃᕐᓂᓂ ᓲᓗᒨᓂ ᐅᖃᐅᑎᕚ, “ᓲᖑᓕᕆᑦ ᑲᑦᓱᖎᑦᓯᐊᕐᓗᑎᓪᓗ, ᐱᓇᓱᐊᕈᒫᕐᐳᑎᑦ. ᓯᕘᕋᖏᓪᓗᑎᑦ, ᓴᐱᕐᑍᓕᓗᑎᑦ; ᐊᑕᓂᐅᑉ ᒎᑎᐅᑉ, ᐊᒡᓛᑦ ᒎᑎᒪ ᐃᓚᒋᖕᒪᑎᑦ. ᑖᑦᓱᒪ ᕿᒪᖕᓂᐊᓐᖏᓛᑎᑦ ᐊᓚᕐᓂᐊᓐᖏᓛᑎᓪᓗ, ᐱᔭᕇᓚᐅᖅᑳᕐᑎᓐᓇᑎᑦ ᐱᓇᓱᐊᕆᐊᓕᖕᓂᒃ ᐱᔨᑦᓯᕐᓂᓕᒫᕐᓂ ᐊᑕᓂᐅᑉ ᐃᒡᓗᖓᓂᒃ.

ᑯᕉᓂᑲ ᐂᑉᐸᖏᑦ 19:11

ᑕᑯᒋᓪᓗ, ᐊᒪᕅᐊ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑦ ᐃᓕᑦᓯᓐᓂᒃ ᑲᒪᔨᒻᒪᕆᐅᕗᖅ ᓱᓇᑐᐃᓐᓁᑦ ᐊᑕᓂᐅᑉ ᐱᖁᔭᖏᑦ ᐱᓪᓗᒋᑦ; ᔨᐸᑍᐊᓗ ᐃᓯᒥᐅᓕᐅᑉ ᐃᕐᓂᖓ, ᔫᑕᐅᑉ ᑎᖑᕚᖏᑕ ᐊᐅᓚᑦᓯᔨᖓ, ᑲᒪᔨᒻᒪᕆᐅᕗᖅ ᐊᖓᔪᖅᑳᕐᔪᐊᖅ ᐱᖁᑎᖏᓪᓗ ᐱᑦᔪᑎᒋᓪᓗᒋᑦ; ᓕᕔᑏᓪᓗ ᐃᓕᑦᓯᓐᓂᒃ ᐱᔨᑦᓯᕐᑎᐅᓂᐊᕐᐳᑦ ᖃᐅᔨᓴᕐᑎᐅᓗᑎᒃ. ᐱᓇᓱᐊᕆᑦᓯ ᓴᐱᖏᓪᓗᓯ, ᐊᑕᓂᐅᓪᓗ ᐱᑦᓯᐊᕐᑐᑦ ᐃᓚᒋᓕᒋᑦ!”

ᑯᕉᓂᑲ ᐂᑉᐸᖏᑦ 32:7

“ᓲᖑᒋᑦᓯ ᓴᐱᖏᓪᓗᓯᓗ, ᑲᑉᐱᐊᓱᒃᑍᓕᒋᑦᓯ ᓴᓐᖐᓕᕐᓂᐊᕋᓯᓗ ᐊᓯᕆᐊᑉ ᐊᖓᔪᖅᑳᕐᔪᐊᖓᓂᒃ ᐃᓄᒋᐊᒃᑐᕐᔪᐊᓂᒡᓘᓐᓃᑦ ᐃᓚᒋᔭᖏᓐᓂᒃ; ᐊᔪᖏᓐᓂᕐᓴᕐᔪᐊᒥᒃ ᐃᓚᖃᕋᑦᑕ ᑖᑦᓱᒪᓐᖓᑦ.

ᐃᓐᖏᕈᑎᑦ 19:11

ᑖᒃᑯᓄᖓ ᐱᔩᑦ ᐃᓂᕐᑎᕐᑕᐅᕗᖅ, ᑖᒃᑯᓂᖓᓗ ᒪᓕᑦᓯᐊᕐᑐᖅ ᐊᖏᔪᒥᒃ ᐊᑭᓕᕐᑕᐅᓪᓗᓂ.

ᐃᓐᖏᕈᑎᑦ 27:14

ᐊᑕᓂᖅ ᐅᑕᖅᑭᒍᒃ; ᑯᒃᓴᓱᖏᓪᓗᑎᑦ, ᑕᕝᕙ ᐆᒻᒪᑏᑦ ᓴᓐᖏᓂᕐᒥᒃ ᑐᓂᓯᕕᒋᓂᐊᕐᐹ; ᐅᖃᕐᐳᖓ, ᐊᑕᓂᖅ ᐊᑏ ᐅᑕᖅᑭᒍᒃ!

ᐃᓐᖏᕈᑎᑦ 58:11

ᐃᓄᐃᑦ ᑕᕝᕙ ᐅᖃᕈᒫᕐᐳᑦ, ᓱᓕᔪᒥᒃ ᐃᓱᐊᕐᑐᑦ ᐊᑭᓕᕐᑕᐅᕗᑦ; ᓱᓕᔪᒥᒃ ᐃᓛᒃ ᒎᑎ ᐃᖅᑲᕐᑐᐃᕗᖅ ᓄᓇᕐᔪᐊᕐᒥᒃ.

ᔨᕆᒤᐊᐅᑉ ᐊᒡᓚᖏᑦ 31:16

ᐃᒫᒃ ᐊᑕᓂᖅ ᐅᖃᕐᐳᖅ, “ᕿᐊᔪᓐᓃᕆᑦ, ᐃᔩᒃᑭᒡᓗ ᖁᕝᕕᖏᐊᕐᓗᒋᒃ ᐱᓇᓱᐊᕐᓂᑎᑦ ᐊᑭᓕᕐᑕᐅᔪᒫᕐᐳᑦ, ᐊᑕᓂᖅ ᐅᖃᕐᐳᖅ, ᐊᑭᕋᖏᑦᑕ ᓄᓇᖏᓐᓂᑦ ᐅᑎᕈᒫᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 10:19

ᐅᖃᐅᑎᓪᓗᖓᓗ, “ᑲᑉᐱᐊᓱᖏᓪᓗᑎᑦ, ᐊᒃᓱᐊᓗᒃ ᐅᐱᒋᔭᐅᑦᓯᐊᕐᐳᑎᑦ, ᓮᓪᓕᓕᕆᑦ! ᓴᓐᖏᔫᓕᕆᑦ! ᓴᓐᖏᔫᓕᕆᑦ!” ᐅᖃᕐᕕᒋᖕᒪᖓ, ᓄᑭᒃᑖᓚᐅᕐᐳᖓ ᐅᖃᕐᓗᖓᓗ, “ᐊᑕᓂᕋ ᐅᖃᓕᕆᑦ, ᓄᑭᒃᑖᕐᑎᒃᑲᕕᖓ.”

ᓴᑲᕅᐊᐅᑉ ᐊᒡᓚᖏᑦ 8:9

ᐃᒫᒡᓗ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕆᕗᖅ: “ᐃᓕᑦᓯ ᒫᓐᓇ ᐅᖃᐅᓯᕐᓂᒃ ᑐᓴᕐᑐᓯ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓂᑦ ᐅᖃᐅᓯᐅᕙᓚᐅᕐᑐᑦ ᐊᑦᔨᖏᓐᓂᒃ ᐊᑕᓂᐅᑉ ᐃᒡᓗᖓᑕ ᑐᓐᖓᕕᖏᑦ ᓴᓇᔭᐅᕙᓪᓕᐊᑦᔪᑎᒃᓴᖏᓐᓄᑦ, ᐊᒡᒐᓯ ᓴᓐᖏᔫᑦᓯᐊᕐᓕᑦ ᑐᒃᓯᐊᕐᕕᒡᔪᐊᖅ ᓴᓇᔭᐅᔪᓐᓇᖁᓪᓗᒍ.

ᒫᑎᐅᓯᐅᑉ ᐊᒡᓚᖏᑦ 5:12

ᖁᕕᐊᓱᒋᑦᓯ ᓯᕆᓗᓯᓗ, ᐊᖏᔪᒥᒃ ᐊᑭᓕᕐᑕᐅᔪᒫᕋᑦᓯ ᕿᓚᖕᒥ, ᓇᓚᐅᑦᑍᔪᑦᑕᐅᖅ ᑍᒤᓕᐅᕐᑕᐅᓚᐅᕐᒪᑕ ᓯᕗᓂᑦᓯᓐᓂ.”

ᒫᑎᐅᓯᐅᑉ ᐊᒡᓚᖏᑦ 5:46

ᐃᓕᑦᓯᓐᓂᒃ ᓇᒡᓕᒍᓱᒃᑐᑦ ᑭᓯᒥ ᓇᒡᓕᒋᔭᑐᐊᕆᒍᑦᓯᒋᒃ, ᓱᓇᒥᒃ ᐊᑭᓕᕐᑕᐅᑦᔪᑎᒃᓴᖃᕐᐱᓰ? ᕉᒪᒥᐅᑦ ᑮᓇᐅᔧᕐᑎᑦᓯᔨᖁᑎᖏᑦ ᐊᒡᓛᑦ ᑍᒤᓕᐅᕐᐸᒃᑭᕗᑦ!

ᒫᑎᐅᓯᐅᑉ ᐊᒡᓚᖏᑦ 6:1

“ᑲᒪᑦᓯᐊᕆᑦᓯ ᐅᒃᐱᕐᓂᕐᒥᒃ ᐱᓇᓱᐊᕐᓂᓯ ᐊᓯᑦᓯᓐᓄᑦ, ᐃᓄᖕᓄᑦ ᑕᑯᒃᓴᐅᓇᓱᑐᐃᓐᓇᕐᓗᓯ ᐱᖁᓇᓯ; ᐃᓄᖕᓄᑦ ᑕᑯᒃᓴᐅᓇᓱᑐᐃᓐᓇᕈᑦᓯ, ᐊᑭᓕᕐᑕᐅᓂᒃᓴᖃᖏᓐᓇᑦᓯ ᐊᑖᑕᑦᓯᓐᓂᑦ ᕿᓚᖕᒦᑦᑐᒥᑦ.

ᒫᑎᐅᓯᐅᑉ ᐊᒡᓚᖏᑦ 6:18

ᐊᓯᑦᓯᓐᓂᑦ ᖃᐅᔨᔭᐅᓂᐊᖏᓐᓇᑦᓯ ᓂᕆᑦᑍᓕᓂᑦᓯᓐᓂᒃ ᐊᑖᑕᑦᓯ ᑭᓯᒥ, ᑕᑯᒃᓴᐅᖏᑦᑑᑉ ᖃᐅᔨᒪᓂᐊᕐᐹᓯ; ᐊᑖᑕᑦᓯ ᐃᓄᑑᑎᓪᓗᓯ ᐱᓂᐊᕐᓂᑦᓯᓐᓂᒃ ᑕᑯᓐᓇᕐᑑᑉ, ᐊᑭᓕᕈᒫᕐᐹᓯ.”

ᒫᑎᐅᓯᐅᑉ ᐊᒡᓚᖏᑦ 6:4

ᑐᓂᕐᕈᓯᕐᓃᑦ ᖃᐅᔨᔭᐅᓂᐊᖏᒻᒪᑦ; ᐊᑖᑕᕕᓪᓗ ᑕᒤᓐᓂᒃ ᑕᑯᓐᓇᕐᑑᑉ ᐊᑭᓕᕈᒫᕐᐹᑎᑦ.”

ᒫᑎᐅᓯᐅᑉ ᐊᒡᓚᖏᑦ 6:6

ᑐᒃᓯᐊᓕᕌᖓᑦᓯᓕ, ᐃᓄᑑᕕᒋᔪᓐᓇᕐᑕᑦᓯᓐᓄᑦ ᐃᑎᕆᑦᓯ, ᐅᒃᑯᐊᖓ ᐅᒃᑯᐊᕐᓗᒍ, ᐊᑖᑕᓯ ᑕᑯᒃᓴᐅᖏᑦᑐᖅ ᑐᒃᓯᐊᕐᕕᒋᓕᕐᓯᐅᒃ, ᐊᑖᑕᑦᓯ ᑕᒤᓐᓂᒃ ᑕᑯᓐᓇᕐᑑᑉ ᐊᑭᓕᕈᒫᕐᐹᓯ.

ᓘᑲᓯᐅᑉ ᐊᒡᓚᖏᑦ 6:35

ᐊᑭᕋᕐᑐᕐᑎᓯ ᓇᒡᓕᒋᓯᐅᒃ, ᐱᑦᓯᐊᕐᕕᒋᓗᒋᓪᓗ, ᐊᑐᕐᑎᑉᐸᒡᓗᒋᓪᓗ ᐅᑎᕐᑎᑦᓯᕕᐅᓂᐊᕆᐊᒃᓴᖅ ᐃᓱᒪᖏᓪᓗᓯ; ᑕᕝᕙ ᐊᑭᓕᕐᑕᐅᓂᒃᓴᓯ ᐊᖏᔪᐊᓘᔪᒫᕐᐳᖅ, ᖁᑦᓯᖕᓂᕐᐹᖑᔫᑉ ᐃᕐᓂᕆᓂᐊᕐᐹᓯ; ᑖᓐᓇ ᐱᑦᓯᐊᕐᒪᑦ ᖁᔭᓕᖏᑦᑐᓄᑦ ᐱᐅᖏᑦᑐᓕᔪᓄᓪᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:58

ᑍᒤᒻᒪᑦ ᐃᓚᒃᑳ, ᓱᕐᕋᔪᐃᑦᑑᓗᓯ ᓇᖏᕆᑦᓯ, ᓱᓇᑐᐃᓐᓇᕐᒧᑦ ᐊᐅᓚᑕᐅᓕᕐᑍᓕᓗᓯ, ᐃᓕᑦᓯᓐᓂᒃ ᑍᒪᓐᖓᑦ ᑐᓂᓯᒪᓗᓯ ᐊᑕᓂᐅᑉ ᐱᓇᓱᐊᕐᓂᖓᓄᑦ, ᖃᐅᔨᒪᒐᑦᓯ ᐱᓇᓱᐊᕐᓂᓯ ᐊᑕᓂᕐᒥ ᑕᒪᐅᖓᑐᐃᓐᓈᕐᑐᖃᕐᓂᐊᖏᒻᒪᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:13

ᖃᐅᔨᓴᑦᓯᐊᕆᑦᓯ, ᐅᒃᐱᕐᓂᕐᒥ ᓂᑯᕕᖓᑦᓯᐊᕐᓗᓯ, ᓯᕘᕋᖏᓪᓗᓯ, ᓴᓐᖏᔫᓗᓯᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:14

ᑐᓐᖓᕕᐅᑉ ᖄᖓᓂ ᓴᓇᔭᐅᓯᒪᔪᖅ ᐃᑯᒪᒧᑦ ᖃᓄᐃᓕᖏᑉᐸᑦ, ᑕᕝᕙ ᐱᓇᓱᐊᕐᑐᕕᓂᖅ ᐊᑭᓕᕐᑕᐅᔪᒫᕐᐳᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:8

ᐱᕈᕐᓯᐊᒃᓴᒥᒃ ᑲᓐᖓᕐᓱᐃᔪᖅ, ᐃᒥᕐᒥᒡᓗ ᑯᕕᓯᔪᖅ ᐊᑦᔨᒌᒃᐴᒃ, ᐊᑐᓂᓪᓗ ᐊᑭᓕᕐᑕᐅᔪᒫᕐᐴᒃ ᐱᓇᓱᐊᕐᓂᖏᒃ ᒪᓕᒡᓗᒋᒃ.

ᐃᐱᓯᒥᐅᓄᑦ 6:10

ᑭᖑᓪᓕᕐᐹᒥᒡᓕ, ᓴᓐᖏᔫᒋᑦᓯ ᐊᑕᓂᕐᒥ ᐊᔪᒐᖃᖏᓐᓂᖓᑕ ᐱᔪᓐᓇᕐᑎᑦᓯᓂᖓᓄᑦ.

ᑯᓘᓯᐊᒥᐅᓄᑦ 3:24

ᖃᐅᔨᒪᒐᑦᓯ ᐊᑕᓂᕐᒥᑦ ᐊᑭᓕᕐᑕᐅᔪᒫᕋᑦᓯ ᑭᖑᕐᖑᑎᔭᒃᓴᐅᑎᑕᖓᓂᒃ ᐊᑭᓕᕐᑕᐅᓗᓯ; ᐊᑕᓂᖅ ᙭ᔅᑑᓯ ᐱᔨᑦᓯᕋᑦᓯᐅᒃ.

ᐄᑉᕈᐃᓄᑦ 10:35

ᑍᒤᒻᒪᑦ ᓴᐱᓕᕐᑍᓕᒋᑦᓯ ᑕᑎᖃᕐᓂᑦᓯᓐᓂᒃ, ᑕᒪᓐᓇ ᐊᖏᔪᒥᒃ ᐊᑭᓕᕐᑕᐅᓂᒃᓴᖃᕐᒪᑦ.

ᐄᑉᕈᐃᓄᑦ 6:10

ᒎᑎ ᐊᑦᔨᒌᖏᑎᑦᓯᖏᒻᒪᑦ; ᐱᓇᓱᐊᕐᓯᒪᔭᑦᓯᓐᓂᒃ ᖄᖐᓐᓁᓂᐊᖏᓚᖅ ᑖᑦᓱᒥᖓᓗ ᐱᓪᓚᕆᖃᕐᓂᕐᒥᒃ ᓴᖅᑭᑎᓯᒪᔭᑦᓯᓐᓂᒃ ᐃᓄᖁᑎᖏᓐᓂᒃ ᐃᑲᔪᖃᑦᑕᕐᓯᒪᓂᑦᓯᒍᑦ ᓱᓕᓗ ᐃᑲᔪᖃᑦᑕᕋᑦᓯᒋᒃ.

ᔮᓱᐊᑉ ᐊᒡᓚᖏᑦ 1:6

ᓲᖑᓂᖃᓕᕆᑦ ᖁᓚᖏᓪᓗᑎᓪᓗ; ᓯᕗᓕᕐᑎᐅᓛᕋᕕᑦ ᐃᓄᖕᓄᑦ ᓄᓇᑖᓕᕐᑎᓪᓗᒋᑦ ᑕᒪᓐᓇ ᑍᒫᒃ ᓯᕗᓕᖏᓐᓄᑦ ᐊᖏᕈᑎᒋᓚᐅᕋᒃᑯ.

ᔮᓱᐊᑉ ᐊᒡᓚᖏᑦ 1:7

ᓲᖑᓂᖃᓕᕆᑦ ᓯᕘᕋᖏᑦᓯᐊᕐᓗᑎᓪᓗ, ᓈᓚᑦᓯᐊᓪᓗᑎᑦ ᐱᖁᔭᓐᓂᒃ ᒨᓯᓯᐅᑉ ᐱᔨᒪ ᑐᓂᓚᐅᕐᑕᖏᓐᓂᒃ ᐃᓕᖕᓄᑦ, ᑕᓕᕐᐱᒧᓪᓘᓐᓃᑦ, ᓴᐅᒥᒧᓪᓘᓐᓃᑦ ᓴᖑᑦᑍᓕᒋᑦ ᐱᔪᓐᓇᑦᓯᐊᖁᓪᓗᑎᑦ ᓇᒧᓐᖓᕐᓂᐊᕋᓗᐊᕈᕕᑦ.

ᔮᓱᐊᑉ ᐊᒡᓚᖏᑦ 1:9

ᐃᖅᑲᐅᒪᓂᐊᕐᐳᑎᑦ ᑎᓕᓚᐅᕋᒃᑭᑦ, ᓴᓐᖏᔫᓕᕆᑦ ᓴᐱᖏᓪᓗᑎᓪᓗ; ᑲᑉᐱᐊᓱᒃᑍᓕᒋᑦ, ᖁᓚᖏᓪᓗᑎᓪᓗ; ᐊᑕᓂᐅᑉ ᒎᑎᕕᑦ ᐃᓚᒋᓂᐊᕐᐹᑎᑦ ᓇᒧᓐᖓᕐᓂᐊᕈᕕᓪᓘᓐᓃᑦ.”

ᔮᓱᐊᑉ ᐊᒡᓚᖏᑦ 14:14

ᕼᐃᐸᕋᓐᓗ ᓱᓕ ᐅᓪᓗᒥ ᓄᓇᒋᔭᐅᕗᖅ ᑬᓚᐱᐅᑉ ᑭᖑᕚᖏᓐᓄᑦ ᔨᐳᓂᐊᐅᑉ ᐃᕐᓂᖓᓄᑦ ᑍᔭᐅᔪᖅ ᑭᓂᔧᑦᒥᒃ ᑖᒃᑯᓄᖓ ᑭᖑᕐᖑᑎᔭᐅᖁᓪᓗᒍ, ᓱᓕᑦᓯᐊᕐᑐᒥᒃ ᓈᓚᓚᐅᕐᓂᖓᓄᑦ ᐊᑕᓂᕐᒥᒃ, ᐃᓴᕆᐊᓕᒥᐅᑦ ᒎᑎᖓᓂᒃ.

ᔪᐊᓇᓯᐅᑉ ᐂᑉᐸᖏᑦ 1:8

ᐃᓕᑦᓯᓐᓂᒃ ᖃᐅᔨᓴᕆᑦᓯ, ᐱᓇᓱᐊᕐᓯᒪᔭᑦᓯᓐᓂᒃ ᐊᓯᐅᔨᖁᓇᓯ, ᐊᑭᓕᕐᑕᐅᖁᓪᓗᓯᓕ ᑕᒪᒃᑭᑦᑎᐊᕐᑐᒥᒃ.

ᕉᑎᐅᑉ ᐅᓂᒃᑲᐅᓯᓂᖓ 2:12

ᐊᑕᓂᐅᑉ ᐊᑭᓕᕐᓕᑎᑦ ᐱᓇᓱᐊᕐᓂᕆᓯᒪᔭᕐᓄᑦ, ᐱᑦᓯᐊᕐᓂᕆᓯᒪᔧᓪᓗ ᐊᑕᖏᕐᓗᒍ ᐃᓗᐃᑦᑐᒥᒃ ᐊᑭᓕᕐᑕᐅᖁᓪᓗᒍ ᐃᓴᕆᐊᓕᒥᐅᑦ ᐊᑕᓂᖓᓄᑦ ᒎᑎᖓᓄᓪᓗ, ᑖᑦᓱᒧᖓ ᓴᐳᑦᔨᔨᒋᔪᒪᓯᒪᓕᕐᑕᕐᓄᑦ.”