ᑯᕉᓂᑲ ᐂᑉᐸᖏᑦ 15:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐃᓴᕆᐊᓕᒥᐅᑦ ᐊᑯᓂᐊᓗᒃ ᒎᑎᒥ ᓱᓕᔪᒦᓚᐅᖏᒻᒪᑕ, ᑐᓂᕐᕈᓯᕐᑎᑦᓯᔨᒥᒡᓗ ᐃᓕᓮᔨᖃᕋᑎᒃ, ᐱᖁᔭᖃᕋᑎᒡᓗ;

ᑯᕉᓂᑲ ᐂᑉᐸᖏᑦ 15:3 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 17:7

ᐊᕐᕌᒍᐃᑦ ᐱᖓᔪᐊᓐᓂ ᐊᖓᔪᖅᑳᕐᔪᐊᖑᓕᕐᓗᓂ ᐊᖓᔪᖅᑳᖁᑎᓂ ᑎᓕᕔᑦ, ᐱᓐ-ᕼᐂᓪ, ᐅᐸᑍᐊ, ᓴᑲᕅᐊ, ᓇᑖᓂᐅᓪ, ᒥᑬᐊᓗ, ᐃᓕᓐᓂᐊᕐᑎᑦᓯᖁᓪᓗᒋᑦ ᔫᑕᐅᑉ ᐃᒡᓗᒐᓴᖏᓐᓂ;

ᓂᕼᐃᒤᐊᐅᑉ ᐊᒡᓚᖏᑦ 8:9

ᐃᓄᓕᒫᑦ ᑐᓴᕋᒥᒃ ᐱᖁᔭᓂᒃ, ᐊᒃᑐᕐᑕᐅᒻᒪᕆᒃᐳᑦ ᕿᐊᓕᕐᓗᑎᒡᓗ. ᑍᒤᒻᒪᑦ ᓂᕼᐃᒤᐊ, ᑖᓐᓇ ᐊᐅᓚᑦᓯᔨᐅᔪᖅ, ᐄᓱᕋᓗ, ᑐᓂᕐᕈᓯᕐᑎᑦᓯᔨ ᐱᖁᔭᓂᒡᓗ ᐃᓕᓯᒪᔪᖅ, ᓕᕔᑏᓪᓗ ᐱᖁᔭᓂᒃ ᑐᑭᓯᓇᕐᓯᑎᑦᓯᓚᐅᕐᑐᑦ ᐃᓄᖕᓄᑦ ᐅᖃᕐᐳᑦ, “ᐅᓪᓗᖅ ᑖᓐᓇ ᐃᑦᔪᕐᓁᑦᑑᕗᖅ ᐊᑕᓂᕐᒧᑦ ᒎᑎᑦᓯᓐᓄᑦ, ᑍᒤᒻᒪᑦ ᕿᒃᓵᒃᑐᒃᓴᐅᓐᖏᓚᓯ, ᕿᐊᖏᓪᓗᓯᓗ.

ᔨᕆᒤᐊᐅᑉ ᐊᒡᓚᖏᑦ 10:10

ᐊᑕᓂᕐᓕ ᒎᑎᐅᓪᓗᓂ ᓱᓕᔪᑑᕗᖅ; ᒎᑎᐅᓪᓗᓂ ᐆᒪᕗᖅ, ᐃᓱᖃᖏᑦᑐᒧᑦ ᐊᖓᔪᖅᑳᕐᔪᐊᖅ. ᓂᓐᖓᒃᐸᑦ ᓄᓇ ᓴᔪᒃᐱᓗᒃᐳᖅ, ᓂᓐᖓᒡᓗᓂ ᐱᓇᓱᐊᓕᕐᐸᑦ ᐃᓅᖃᑎᒌᒡᔪᐊᓄᑦ ᓵᓚᒋᔭᐅᔪᓐᓇᓐᖏᓚᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:9

ᔨᕉᓴᓕᐅᑉ ᐃᑎᕐᑕᕐᕕᖏᑦ ᓄᓇᒧᑦ ᒪᖑᒃᑎᑉᐰᑦ, ᐹᖏᑕᓗ ᓴᕕᕋᔭᒃᑕᖏᑦ ᓯᖁᑦᑎᕐᐰᑦ, ᐊᖓᔪᖅᑳᕐᔪᐊᖓᑦ ᐃᕐᓂᖏᓪᓗ ᐊᐅᓪᓚᕈᑦᔭᐅᕗᑦ ᐃᓅᖃᑎᒌᒡᔪᐊᓄᑦ; ᐱᖁᔭᖏᓪᓗ ᐊᑑᑎᔪᓐᓁᕐᐳᑦ, ᒎᑎᐅᓪᓗ ᐅᖃᕐᑎᖏᑦ ᐊᑕᓂᕐᒥᑦ ᐱᔪᓂᒃ ᑕᑯᑎᑕᐅᕙᒍᓐᓁᕐᐳᑦ.

ᕼᐆᓯᐊᑉ ᐊᒡᓚᖏᑦ 3:4

ᑍᒫᒃᑕᐅᖅ ᐃᓴᕆᐊᓕᐅᑉ ᐃᓄᖏᑦ ᐃᓅᔭᕆᐊᖃᕈᒫᕐᐳᑦ ᐊᑯᓂ ᐊᖓᔪᖅᑳᕐᔪᐊᖃᖏᓪᓗᑎᒃ ᓯᕗᓕᕐᑎᖃᖏᓪᓗᑎᒡᓗ, ᑐᓂᕐᕈᓯᖃᑦᑕᖏᓪᓗᑎᒃ ᐅᔭᕋᖕᓂᒡᓗ ᓇᐸᔪᓂᒃ ᐊᑐᖏᓪᓗᑎᒃ, ᒎᑎᓐᖑᐊᓂᒡᓘᓐᓃᑦ ᖃᐅᔨᓇᓱᐊᕈᑕᐅᕙᒃᑐᓂᒃ ᐊᑐᖏᓪᓗᑎᒃ.

ᒨᓯᓯ ᐱᖓᔪᖏᑦ 10:11

ᐃᓴᕆᐊᓕᒥᐅᓕᒫᑦ ᐃᓕᓐᓂᐊᕐᑎᑦᓴᕆᐊᖃᕐᐸᓯ ᐊᑕᓂᐅᑉ ᐱᖁᔭᖏᓐᓂᒃ ᒨᓯᓯᒃᑯᑦ ᑐᓂᔭᖏᓐᓂᒃ.”

ᒨᓯᓯ ᐱᖓᔪᖏᑦ 10:8

ᐊᑕᓂᐅᑉ ᐂᕉᓂ ᐅᖃᐅᑎᕚ,

ᐂᒨᓯᐅᑉ ᐊᒡᓚᖏᑦ 8:11

ᐊᑕᓂᖅ ᒎᑎ ᐅᖃᕐᐳᖅ, “ᑕᑯᒋᑦ ᐅᓪᓗᐃᑦ ᕾᕗᑦ, ᓄᓇᒥ ᑳᖕᓂᕐᔪᐊᖃᕐᑎᑦᓯᔪᒫᕐᐳᖓ, ᓂᕿᒥᒃ ᑳᖕᓂᕐᒨᖏᑦᑐᖅ, ᐃᒥᕐᒥᒃ ᐃᒥᕈᖕᓂᕐᒨᖏᑦᑐᕐᓘᓐᓃᑦ, ᐊᑕᓂᐅᓪᓕ ᐅᖃᐅᓯᖏᓐᓂᒃ ᑐᓴᕈᒪᓂᕐᒧᑦ.

ᒤᑲᐅᑉ ᐊᒡᓚᖏᑦ 3:11

ᓯᕗᓕᕐᑎᐅᔪᑦ ᐃᖅᑲᕐᑐᐃᖕᒪᑕ ᐊᑭᓕᕐᑕᐅᔪᒪᓂᒃᑯᑦ ᑭᓯᐊᓂ, ᑐᓂᕐᕈᓯᕐᑎᑦᓯᔩᓪᓗ ᐱᖁᔭᓂᒃ ᐃᓕᓮᕙᖕᒪᑕ ᐊᑭᓕᕐᑕᐅᓪᓗᑎᒃ ᑭᓯᐊᓂ, ᓇᓚᐅᑦᑍᔩᓪᓗ ᓇᓚᐅᑦᑍᖕᒪᑕ ᑮᓇᐅᔭᒧᑦ ᑭᓯᐊᓂ, ᐃᓘᓐᓇᑎᒃ ᐊᑕᓂᕐᒧᑦ ᐃᓚᒋᔭᐅᓂᕋᕐᒪᑕ ᐅᖃᕐᐸᖕᒪᑕᓗ, ‘ᐊᑕᓂᐅᑉ ᐃᓚᒋᕚᑎᒍᑦ, ᑲᑉᐱᐊᓇᕐᑐᒧᑦ ᑎᑭᑕᐅᓂᐊᓐᖏᓚᒍᑦ.’

ᒪᓚᑬᑉ ᐊᒡᓚᖏᑦ 2:7

ᑐᓂᕐᕈᓯᕐᑎᑦᓯᔨᐅᑉ ᖃᓂᖓ ᓴᐳᒻᒥᔪᒃᓴᐅᖕᒪᑦ ᖃᐅᔨᒪᓂᕐᒥᒃ, ᐃᓄᐃᓪᓗ ᕿᓂᕐᑐᒃᓴᐅᕗᑦ ᐊᔪᕆᕐᑐᕐᑕᐅᓂᕐᒥᒃ ᑖᑦᓱᒪ ᖃᓂᖓᓂᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐅᖃᕐᑎᒋᒪᒍ.

ᔪᐊᓇᓯᐅᑉ ᐊᒡᓚᖏᑦ 17:3

ᐃᓅᓯᖅ ᓄᖑᓱᐃᑦᑐᖅ ᐃᒤᓕᖓᕗᖅ, ᐃᓕᖕᓂᒃ ᖃᐅᔨᓗᓂ ᓇᓛᒍᑦ ᓱᓕᔪᒥᒃ ᒎᑎᑐᐊᖑᓂᕐᓂᒃ, ᑎᓕᓚᐅᕐᑕᕐᓂᒡᓗ ᔩᓱᓯ ᙭ᔅᑑᓯᒥᒃ.

ᕉᒪᒥᐅᓄᑦ 2:12

ᐊᔪᕐᑐᓕᔪᑦ ᐱᖁᔭᖃᕋᑎᒃ ᐊᓯᐅᔪᒫᕐᐳᑦ ᐱᖁᔭᖃᖏᓪᓗᑎᒃ, ᐱᖁᔭᖃᕐᓗᑎᒡᓗ ᐊᔪᕐᑐᓕᔪᓕᒫᑦ ᐱᖁᔭᑦ ᒪᓕᒡᓗᒋᑦ ᐃᖅᑲᕐᑐᕐᑕᐅᔪᒫᕐᐳᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:21

ᐱᖁᔭᖃᖏᑦᑐᓂᓕ ᐱᖁᔭᖃᖏᑦᑐᑎᑐᑦ ᐃᓕᖅᑯᓯᖃᕐᐳᖓ, ᒎᑎᐅᑉ ᐱᖁᔭᖏᓐᓂᒃ ᓈᓚᖏᑦᑑᖏᒃᑲᓗᐊᕐᓗᖓ, ᙭ᔅᑑᓯᐅᓪᓕ ᐱᖁᔭᖏᓐᓂᒃ ᐱᖃᕐᐳᖓ, ᐱᖁᔭᖃᖏᑦᑐᑦ ᐱᐅᓕᔭᐅᖁᓪᓗᒋᑦ.

ᒨᓯᓯ ᑕᓪᓕᒪᖏᑦ 33:10

ᑖᒃᑯᐊ ᐃᓕᓮᓂᐊᕐᐳᑦ ᒪᓕᒐᒃᓴᓂᒃ ᔧᑰᑉ ᑭᖑᕚᖏᓐᓄᑦ, ᐱᖁᔭᕐᓂᒡᓗ ᐃᓴᕆᐊᓕᒥᐅᓄᑦ; ᐃᓯᕐᓗᐊᕐᓂᑎᑦᓯᓗᑎᒡᓗ ᓵᖕᓂ, ᑐᓂᕐᕈᓯᕐᕕᖁᑎᖕᓂᓗ ᐃᑯᐊᓚᑦᓯᓗᑎᒃ ᑐᓂᕐᕈᓯᕐᓂᐊᕐᐳᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:9

ᐃᓄᓕᒫᑦ ᐃᓕᑦᓯᓐᓂᒃ ᐅᓐᓂᕐᓯᐅᑎᖃᕐᒪᑕ ᐅᕙᑦᑎᓐᓂᒃ ᑐᓐᖓᓱᒃᑎᑦᓯᓂᕆᓚᐅᕐᑕᑦᓯᓐᓂᒃ ᑎᑭᑎᓪᓗᑕ, ᖃᓄᕐᓗ ᒎᑎᓐᖑᐊᖃᕐᓂᒥᒃ ᕿᒤᓪᓗᓯ ᒎᑎᒧᑦ ᓵᒋᐊᓚᐅᕐᓂᑦᓯᓐᓂᒃ, ᒎᑎ ᓱᓕᔪᑐᐊᖅ ᐱᔨᑦᓯᓕᕐᓗᒍ.

ᑎᒧᑎᒧᑦ ᓯᕗᓪᓖᑦ 3:2

ᐅᒃᐱᕐᑑᖃᑎᒌᓂ ᓯᕗᓕᕐᑎᐅᔪᖅ ᐃᓅᓯᕐᒥᒍᑦ ᐸᓯᔭᒃᓴᐅᔪᒃᓴᐅᓐᖏᓚᖅ; ᐊᑕᐅᓯᕐᒥᒃ ᓄᓕᐊᖃᕐᓗᓂ, ᐃᓱᒪᖓ ᐃᖅᑭᐊᓱᖏᓪᓗᓂ, ᐃᒻᒥᓂᒡᓗ ᐱᓯᒪᔪᓐᓇᑦᓯᐊᕐᓗᓂ, ᐅᐱᒋᔭᐅᑦᓯᐊᕐᓗᓂ, ᑐᔪᕐᒥᕕᐅᔪᓐᓇᕐᓗᓂ, ᐃᓕᓮᔨᐅᔪᒃᓇᕐᓗᓂᓗ;

ᔪᐊᓇᓯ ᓯᕗᓪᓖᑦ 5:20

ᖃᐅᔨᒪᕗᒍᓪᓗ ᒎᑎᐅᑉ ᐃᕐᓂᖓ ᑎᑭᓯᒪᖕᒪᑦ ᑖᑦᓱᒪᓗ ᑐᑭᓯᐊᓕᕐᑎᑉᐹᑎᒍᑦ, ᖃᐅᔨᖁᓪᓗᑕ ᑭᓇ ᓱᓕᖕᒪᖔᑦ; ᑖᑦᓱᒪᓃᑉᐳᒍᓪᓗ ᓱᓕᔪᒥ, ᐃᕐᓂᖓᓂ ᔩᓱᓯ ᙭ᔅᑑᓯᒥ. ᑖᓐᓇ ᒎᑎ ᓱᓕᔫᕗᖅ ᐃᓅᓯᐅᓪᓗᓂᓗ ᓄᖑᓱᐃᑦᑐᖅ.