ᑯᕉᓂᑲ ᐂᑉᐸᖏᑦ 15:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᒫᑲᓗ ᐊᒡᓛᑦ ᐲᕐᑎᑉᐹ ᑯᐃᖑᓂᕐᒥᑦ, ᐊᓈᓇᖓ ᓇᕐᕈᓇᕐᑐᒥᒃ ᒎᑎᓐᖑᐊᒥᒃ ᓴᓇᓚᐅᕐᓂᖓᓄᑦ ᐊᓯᕋᒥᒃ ᐊᕐᓇᓐᖑᐊᒥᒃ ᓇᐸᔪᒥᒃ. ᐂᓴᐅᓪᓗ ᒎᑎᓐᖑᐊᖅ ᓱᕋᒃᓗᒍ ᐅᕐᕈᑎᑉᐹ, ᓯᖁᑦᑎᕐᓗᒍᓗ, ᐃᑯᐊᓪᓚᒡᓗᒍᓗ ᑭᑐᕌᓂᐅᑉ ᑰᖓᑕ ᓴᓂᐊᓂ.

ᑯᕉᓂᑲ ᐂᑉᐸᖏᑦ 15:16 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 23:15

ᐱᑎᓕᒥᑦᑕᐅᖅ ᑐᓂᕐᕈᓯᕐᕕᒃ ᔨᕈᐳᐊᒻ ᓂᐹᑎᐅᑉ ᐃᕐᓂᖓᑕ, ᓴᓇᔭᐅᑎᓚᐅᕐᑕᕕᓂᖓ ᐃᓴᕆᐊᓕᒥᐅᓂᒃ ᐊᔪᕐᑐᓕᑎᑦᓯᓚᐅᕐᑐᖅ, ᐱᓪᓚᕆᒋᔭᐅᓪᓗᓂ ᒎᑎᓐᖑᐊᒧᑦ ᑐᒃᓯᐊᕐᕕᒃ ᓯᖁᑦᑎᕐᑕᐅᑎᑉᐹ, ᐃᑯᐊᓪᓚᒃᑎᓚᐅᕐᓗᒋᑦ ᓯᖃᓕᔭᐅᑎᓪᓗᒋᑦ ᓄᖑᑕᐅᑎᑉᐰᑦ; ᓇᐸᔪᖁᑎᖏᓪᓗᑦᑕᐅᖅ ᐊᓯᕅᑦ ᐃᑯᐊᓚᒃᑕᐅᑎᒃᑭᕔᑦ.

ᐊᑕᓃᑦ ᐂᑉᐸᖏᑦ 23:6

ᐊᑕᓂᐅᑉ ᐃᒡᓗᖓᓂᑦ ᐲᕐᑕᐅᑎᑉᐹ ᒎᑎᓐᖑᐊᖅ ᐊᓯᕋ ᐊᑕᓂᐅᑉ ᐃᒡᓗᖓᓃᑦᑐᖅ ᓴᓇᓐᖑᐊᕐᓯᒪᔪᖅ ᐃᒡᓗᒐᓴᒡᔪᐊᑉ ᔨᕉᓴᓕᐅᑉ ᓯᓚᑖᓄᑦ ᐊᐅᓪᓚᕈᑎᓪᓗᒍ ᑭᑐᕌᓂᐅᑉ ᓇᕐᓴᖓᓂ ᐃᑯᐊᓪᓚᒃᐹ, ᐃᑯᐊᓚᔭᕇᕐᒪᑦ ᑲᓱᐊᕐᓗᒍ ᓯᖃᓪᓕᕚ ᐊᕐᔭᓕᓂᓐᖑᕐᑎᓪᓗᒍ, ᓯᐊᒻᒪᕐᑎᑉᐹᓗ ᐃᓗᕕᕐᓯᕕᐅᖃᑦᑕᕐᑐᒧᑦ.

ᐊᑕᓃᑦ ᓯᕗᓪᓖᑦ 15:10

ᐊᖓᔪᖅᑳᕐᔪᐊᖑᓚᐅᕐᐳᕐᓗ ᐊᕐᕌᒍᓂᒃ 41ᓂᒃ ᔨᕉᓴᓕᒥ. ᐊᓈᓇᖃᓚᐅᕐᐳᖅ ᒫᑲᒥᒃ ᐋᐱᓴᓗᒥᐅᑉ ᐸᓂᖓᓂᒃ.

ᐊᑕᓃᑦ ᓯᕗᓪᓖᑦ 15:2

ᐊᕐᕌᒍᓂᒡᓗ ᐱᖓᓱᓂᒃ ᐊᐅᓚᑦᓯᓚᐅᕐᐳᖅ ᔨᕉᓴᓕᒥ. ᐊᓈᓇᖓ ᐊᑎᖃᕐᐳᖅ ᒫᑲᒥᒃ ᐋᐱᓴᓗᒥᐅᑉ ᐸᓂᖓ.

ᒨᓯᓯ ᐂᑉᐸᖏᑦ 34:13

ᑐᓂᕐᕈᓯᕐᕕᖁᑎᖏᓪᓕ ᓯᖁᒥᑕᒃᓴᕆᕙᓯ, ᓇᐸᔪᖁᑎᖏᓪᓗ ᐱᓪᓚᕆᑯᑎᖏᑦ ᐅᔭᕅᑦ ᓄᖑᑎᓪᓗᒋᑦ, ᒎᑎᓐᖑᐊᕆᔭᖏᓪᓗ ᐊᕐᓇᓐᖑᐊᑦ ᐊᓯᕋᒥᒃ ᐊᑎᓖᑦ ᓯᖁᒥᓪᓗᒋᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:16

ᒫᓐᓇᓕ ᑕᕝᕙ, ᑍᒤᒻᒪᑦ, ᑭᓇᒥᒡᓘᓐᓃᑦ ᐃᓱᒪᒋᔭᖃᕈᓐᓃᕐᐳᒍᑦ ᓯᓚᕐᔪᐊᕐᒥᐅᑦ ᐃᓱᒪᒋᔭᖃᕐᓂᖏᑎᑐᑦ; ᑍᑦᓱᒪᓂᑦᑕᐅᖅ ᙭ᔅᑑᓯ ᓯᓚᕐᔪᐊᕐᒥᐅᑎᑐᑦ ᐃᓱᒪᒋᓚᐅᕋᓗᐊᕋᑦᑎᒍ, ᒫᓐᓇᓕ ᑍᒫᒃ ᐃᓱᒪᒋᓐᖏᓕᕐᐸᕗᑦ.

ᒫᑯᓯᐅᑉ ᐊᒡᓚᖏᑦ 3:21

ᐃᓚᖏᑦ ᓇᖕᒥᓂᖏᑦ ᑕᒪᑐᒥᖓ ᑐᓴᕋᒥᒃ, ᐅᐸᒍᑎᕗᑦ ᑕᕝᕙᓐᖓᑦ ᐊᓂᑎᑦᓱᒪᓪᓗᒍ, ᐃᓄᐃᑦ ᐅᖃᖃᑦᑕᓕᕐᒪᑕ, “ᔩᓱᓯ ᐃᓱᒤᕈᑎᓂᕋᕐᓗᒍ.”

ᓴᑲᕅᐊᐅᑉ ᐊᒡᓚᖏᑦ 13:3

ᐃᒫ ᐱᔪᖃᕈᒫᕐᐳᖅ, ᓇᓚᐅᑦᑍᔪᖃᒃᑲᓐᓂᕋᓱᐊᕐᐸᑦ, ᓇᖕᒥᓂᖅ ᐊᑖᑕᖓᑕ ᐊᓈᓇᖓᑕᓗ ᐊᓂᕕᒋᓚᐅᕐᑕᖏᑕ ᐅᖃᐅᑎᔪᒫᕐᐹ, ‘ᐆᒪᔭᕆᐊᖃᓐᖏᓚᑎᑦ, ᐊᑕᓂᐅᑉ ᐊᑎᖓᓂ ᓱᓕᖏᑦᑐᓂᒃ ᐅᖃᐅᓯᖃᕋᕕᑦ’; ᐊᖓᔪᖅᑳᖏᒃᑕᓗ ᑲᐱᔪᒫᕐᐹ ᓇᓚᐅᑦᑍᑎᓪᓗᒍ.

ᑯᕉᓂᑲ ᐂᑉᐸᖏᑦ 34:7

ᑐᓂᕐᕈᓯᕐᕖᑦ ᓯᖁᑦᑎᕐᐰᑦ, ᕿᔪᒡᓗ ᓴᓇᓐᖑᐊᕐᓯᒪᔪᖅ ᐊᓯᕋᓐᖑᐊᖅ ᓯᖁᑦᑎᕐᐹ ᓯᖃᓪᓕᓪᓗᒍ ᓴᓇᓐᖑᐊᕐᓯᒪᔪᓕᒫᓪᓗ ᐳᔪᕋᓐᖑᕐᑎᑉᐰᑦ, ᑎᐱᑦᓯᐊᕆᒃᑐᓂᒡᓗ ᐃᑯᐊᓚᑦᓯᕖᑦ ᓯᖁᑦᑎᕐᐰᑦ ᐃᓴᕆᐊᓕᒥᐅᑦ ᓄᓇᓕᒫᖏᓐᓂ. ᑕᕝᕙ ᐅᑎᕐᐳᖅ ᔨᕉᓴᓕᒧᑦ.

ᐊᑕᓃᑦ ᐂᑉᐸᖏᑦ 23:12

ᑐᓂᕐᕈᓯᕐᕖᓪᓗ ᓯᖁᑦᑎᕐᑕᐅᑎᑉᐰᑦ ᔫᑕᐅᑉ ᐊᖓᔪᖅᑳᕐᔪᐊᖏᑕ ᓇᑉᐸᕐᑕᐅᑎᑕᕕᓂᖏᑦ ᐂᕼᐊᓯᐅᑉ ᐃᒡᓗᖃᕐᕕᖓᑕ ᖁᓛᖓᓃᑦᑑᑉ ᓴᓂᐊᓂ ᐃᓂᖃᕐᑐᑦ, ᒫᓇᓯᐅᓪᓗ ᑐᓂᕐᕈᓯᕐᕕᓕᐊᕕᓂᖏᒃ ᐊᑕᓂᐅᑉ ᐃᒡᓗᖓᑕ ᓯᓚᓪᓕᖏᖕᓂ, ᓯᖁᑦᑎᕐᓗᒋᒃ ᐃᒋᑕᐅᑎᑉᐰᑦ ᓇᕐᓴᒧᑦ ᑍᔭᐅᔪᒧᑦ ᑭᑐᕌᓂᒥᒃ.

ᒨᓯᓯ ᑕᓪᓕᒪᖏᑦ 33:9

ᑖᒃᑯᐊ ᐊᑖᑕᒥᖕᓂᒃ ᐊᓈᓇᒥᖕᓂᒡᓗ ᐃᒫᒃ ᐅᖃᐅᓯᖃᓚᐅᕐᐳᑦ, ‘ᑖᒃᑯᐊ ᐃᓱᒪᒋᓐᖏᓚᒃᑲ’; ᖃᑕᓐᖑᑎᑎᒃ ᐃᓚᒋᓂᕋᓐᖏᓔᑦ, ᕿᑐᕐᖓᑎᒡᓗ ᐃᒃᐱᒋᓇᒋᑦ. ᐅᖃᐅᓯᕐᓂᒃ ᒪᓕᑦᓯᐊᓗᐊᒧᑦ, ᐊᖏᖃᑎᒌᖕᓂᒃᑯᑦ ᐅᖃᕐᕕᒋᓯᒪᔭᑎᑦ ᒪᓕᒡᓗᒋᑦ.

ᒨᓯᓯ ᑕᓪᓕᒪᖏᑦ 9:21

ᑭᖑᓂᖓᒍᑦ ᐱᐅᖏᑦᑐᒥᒃ ᐱᓇᓱᐊᓕᓚᐅᕆᕗᖓ, ᑍᓐᓇ ᐃᒻᒧᒃᓯᐅᒐᐅᑉ ᓄᕐᕋᓐᖑᐊᖓ ᓴᕕᕋᔭᒃ ᓴᓇᓚᐅᕐᑕᓯ ᐱᑦᔪᑎᒋᓪᓗᒍ, ᐃᑯᒪᒧᑦ ᐃᑯᐊᓪᓚᒃᑎᓚᐅᕐᓗᒍ ᐊᐅᖕᒪᑦ ᓯᖃᓪᓕᑦᑎᐊᓚᐅᕐᐸᕋ, ᓯᖃᓪᓕᑦᑎᐊᕐᓗᓂ ᐊᒡᓛᑦ ᐳᔪᕋᕐᑎᑐᑦ ᑍᒤᓕᕐᑎᓚᐅᕐᐸᕋ, ᑖᓐᓇᓗ ᓯᖃᓪᓕᓂᖓ ᑰᖕᒧᑦ ᓈᕕᓚᐅᕐᐸᕋ ᖃᖅᑲᒥᑦ ᑰᒃᑐᒧᑦ.

ᒨᓯᓯ ᑕᓪᓕᒪᖏᑦ 7:5

ᑍᒤᒻᒪᑦ ᐃᒫᒃ ᐱᓇᓱᐊᕐᕕᒋᔭᒃᓴᕆᕙᓯ, ᒎᑎᓐᖑᐊᓄᑦ ᑐᓂᕐᕈᓯᕐᕕᖏᑦ ᓱᕋᒃᑎᒐᒃᓴᕆᕙᓯ, ᓱᑲᖁᑎᒋᔭᖏᓪᓗ ᓇᐸᔪᑦ ᐱᓪᓚᕆᖁᑎᒋᔭᖏᑦ ᓯᖃᓪᓕᓗᒋᑦ, ᐊᕐᓇᓐᖑᐊᓪᓗ ᒎᑎᓐᖑᐊᖏᑦ ᐊᓯᕋᒥᒃ ᐊᑎᓖᑦ ᐅᕐᕈᑎᑕᒃᓴᕆᕙᓯ, ᒎᑎᓐᖑᐊᖏᓪᓗ ᐃᑯᐊᓪᓚᒃᑎᓪᓗᒋᑦ.

ᒨᓯᓯ ᐱᖓᔪᖏᑦ 26:30

ᑐᒃᓯᐊᕐᕕᒃᓯ ᖃᖅᑲᓃᑦᑐᑦ ᓯᖁᒥᒐᔭᕐᐸᒃᑲ, ᐃᓯᕐᓗᐊᕐᓂᑎᑦᓯᕕᖁᑎᓯᓗ ᑐᓂᕐᕈᓯᕐᕖᑦ ᐅᕐᕈᑎᓪᓗᒋᑦ, ᑎᒥᓯᓗ ᑐᖁᖓᔪᑦ ᐃᒋᒃᑲᔭᕐᐸᒃᑲ ᒎᑎᓐᖑᐊᑦᓯᓐᓄᑦ ᓯᖁᒥᓯᒪᓕᕐᑐᓄᑦ, ᓂᓐᖓᐅᒪᓗᖓ.

ᒨᓯᓯ ᐂᑉᐸᖏᑦ 32:20

ᓄᕐᕋᓐᖑᐊᕐᓗ ᓴᓇᔭᐅᓯᒪᔪᖅ ᑎᒍᕚ, ᐃᑯᒪᒧᓪᓗ ᐊᐅᒃᑎᑉᐹ, ᓯᖃᓪᓕᑦᓯᐊᕐᓗᒍᓗ ᐳᔪᕋᕐᑎᑐᑦ ᑍᒤᓕᕐᑎᑉᐹ, ᐃᒥᕐᒥᒡᓗ ᐃᓚᓪᓗᓂᐅᒃ. ᐃᓴᕆᐊᓕᒥᐅᑦ ᑕᒪᑐᒥᖓ ᐃᒥᕐᑎᑉᐰᑦ.

ᔪᐊᓇᓯᐅᑉ ᐊᒡᓚᖏᑦ 18:1

ᔩᓱᓯ ᑐᒃᓯᐊᕇᕋᒥ, ᐃᓕᓐᓂᐊᕐᑎᓂ ᐃᓚᒋᓪᓗᒋᑦ ᑕᕝᕙᓐᖓᑦ ᓅᑉᐳᑦ, ᑰᒃ ᑭᑦᑐᕌᓂ ᐃᑳᕐᐹᑦ, ᑕᕝᕙᓂ ᐱᕈᕐᓰᕕᒃᑕᖃᕐᒪᑦ, ᐃᓕᓐᓂᐊᕐᑎᓂ ᐃᓚᒋᓪᓗᒋᑦ ᑕᕝᕗᓐᖓᕐᐳᑦ.

ᑯᕉᓂᑲ ᐂᑉᐸᖏᑦ 15:17

ᐱᓪᓚᕆᒋᔭᐅᔪᓪᓕ ᑐᒃᓯᐊᕐᕖᑦ ᐲᔭᕐᑕᐅᓚᐅᓐᖏᓚᑦ ᐃᓴᕆᐊᓕᒥ. ᑍᒤᒃᑲᓗᐊᕐᒪᑦ ᐂᓴ ᐆᒻᒪᑎᒥᒍᑦ ᓇᓛᒎᖏᓐᓇᓚᐅᕐᐳᖅ ᐃᓅᓯᓕᒫᒥᓂ.

ᑯᕉᓂᑲ ᐂᑉᐸᖏᑦ 29:16

ᑐᓂᕐᕈᓯᕐᑎᑦᓯᔩᑦ ᐊᑕᓂᐅᑉ ᐃᒡᓗᖓᓄᑦ ᐃᓗᐊᓃᓐᓂᕐᓴᒧᑦ ᐃᑎᕐᐳᑦ ᓴᓗᒻᒪᕐᓴᕆᐊᕐᑐᕐᓗᒍ, ᓇᓂᔭᓕᒫᑎᒡᓗ ᓴᓗᒤᑦᑐᑦ ᐊᓂᑉᐰᑦ ᐊᑕᓂᐅᑉ ᐃᒡᓗᖓᓂᑦ ᑐᒃᓯᐊᕐᕕᐅᓪᓗ ᐱᕕᑐᓂᖓᓄ ᐊᓂᓪᓗᒋᑦ; ᓕᕔᑏᓪᓗ ᑖᒃᑯᐊ ᑎᒍᓪᓗᒋᑦ ᐊᒡᔭᕐᐰᑦ ᑰᖕᒧᑦ ᑭᑐᕌᓂᒧᑦ ᓇᕐᓴᒧᑦ.

ᐊᑕᓃᑦ ᐂᑉᐸᖏᑦ 23:4

ᑕᕝᕙ ᐊᖓᔪᖅᑳᕐᔪᐊᖅ ᑎᓕᓯᕗᖅ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓐᓂᒃ ᕼᐃᓪᑬᐊᒥᒃ ᐃᑲᔪᕐᑎᖏᓐᓂᒡᓗ, ᑐᒃᓯᐊᕐᕕᒡᔪᐊᓪᓗ ᐃᑎᕐᑕᕐᕕᖓᓂ ᖃᐅᔨᓴᕐᑎᐅᔪᓕᒫᑦ ᒎᑎᓐᖑᐊᒧᑦ ᐰᓕᒧᑦ ᑐᒃᓯᐊᕐᓗᑎᒃ ᐊᑐᕐᑕᐅᖃᑦᑕᕐᑐᓕᒫᑦ, ᒎᑎᓐᖑᐊᒧᓪᓗ ᐊᓯᕋᒧᑦ, ᐅᓪᓗᕆᐊᓄᓪᓗ, ᑕᒪᒃᑯᐊᓕᒫᑦ ᐊᖓᔪᖅᑳᕐᔪᐊᑉ ᐃᑯᐊᓪᓚᒃᑕᐅᑎᑉᐰᑦ ᐃᒡᓗᒐᓮᑦ ᔨᕉᓴᓕᐅᑉ ᓯᓚᑖᓂ ᓇᕐᓴᒥ ᑭᑐᕌᓂᒥᒃ ᑍᔭᐅᔪᒥ ᐊᕐᔭᓕᓂᖏᓪᓗ ᐱᑎᓕᒧᑦ ᐋᑕᐅᑎᓪᓗᓂᒋᑦ.

ᑯᕉᓂᑲ ᐂᑉᐸᖏᑦ 30:14

ᑐᓂᕐᕈᓯᕐᕖᓪᓗ ᔨᕉᓴᓕᒦᑦᑐᑦ ᐲᔭᕆᐊᕐᑐᓚᐅᕐᐰᑦ, ᑎᐱᑦᓯᐊᕆᒃᑐᒥᒡᓗ ᑐᓂᕐᕈᓯᕐᕕᓕᒫᑦ ᐲᔭᕐᐰᑦ ᐃᒋᓪᓗᒋᓪᓗ ᓇᕐᓴᒧᑦ ᑭᑐᕌᓂᒧᑦ.