ᑯᕉᓂᑲ ᐂᑉᐸᖏᑦ 14:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᔫᑕᒥᐅᓂᒡᓗ ᐱᖁᔨᕗᖅ ᐊᑕᓂᐅᑉ ᐱᔪᒪᔭᖓᓂᒃ ᕿᓂᖁᓪᓗᒋᑦ, ᓯᕗᓕᖏᑕ ᒎᑎᖓᓂᒃ, ᒪᓕᖁᓪᓗᒋᓪᓗ ᐱᓂᐊᕐᑕᖁᔭᖏᓐᓂᒃ ᐱᖁᔭᖏᓐᓂᒡᓗ.

ᑯᕉᓂᑲ ᐂᑉᐸᖏᑦ 14:4 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 18:19

ᐊᓐᖏᒍᑎᓂᐊᓐᖏᓚᕋ, ᓂᕈᐊᕐᓯᒪᒐᒃᑯ, ᐱᖁᔨᔪᒫᕐᒪᑦ ᕿᑐᕐᖓᒥᓂᒃ ᐃᓚᒥᓂᒡᓗ ᐊᑕᓂᐅᑉ ᐊᖅᑯᑎᖓᓃᖁᓪᓗᒋᑦ ᐃᓱᐊᕐᑐᓕᓂᒃᑯᑦ ᐊᑦᔨᒌᒃᑎᑦᓯᓂᒃᑯᓪᓗ; ᐊᑕᓂᖅ ᑐᓂᓯᖁᓪᓗᒍ ᐂᑉᕋᕼᐋᒧᑦ ᐊᖏᕈᑎᒋᓯᒪᔭᒥᓂᒃ ᑖᑦᓱᒧᖓ.”

ᑯᕉᓂᑲ ᐂᑉᐸᖏᑦ 11:16

ᐃᓴᕆᐊᓕᒥᐅᓪᓕ ᑭᖑᕚᖏᓐᓂᑦ ᐱᔪᑦ ᐱᔪᒪᓪᓚᕆᒃᓗᑎᒃ ᕿᓂᕐᑐᑦ ᐊᑕᓂᕐᒥᒃ, ᐃᓴᕆᐊᓕᒥᐅᑦ ᒎᑎᖓᓂᒃ, ᓕᕔᑎᓂᒃ ᒪᓕᒃᐳᑦ ᔨᕉᓴᓕᒧᑦ ᑐᓂᕐᕈᓯᕆᐊᕐᓗᑎᒃ ᐊᑕᓂᕐᒧᑦ ᓯᕗᓕᖏᑕ ᒎᑎᖓᓄᑦ.

ᑯᕉᓂᑲ ᐂᑉᐸᖏᑦ 14:3

ᑖᑦᓱᒪ ᔫᑎᐅᖏᑦᑐᑦ ᑐᓂᕐᕈᓯᕐᕕᖏᑦ ᒎᑎᓐᖑᐊᓄᑦ ᐲᔭᕐᐰᑦ, ᒎᑎᓐᖑᐊᓄᓪᓗ ᑐᒃᓯᐊᕐᕖᑦ, ᓇᐸᔪᓪᓗ ᓱᕋᒃᑎᕐᐰᑦ ᐅᕐᕈᑎᓪᓗᒋᑦ, ᕿᔪᐃᓪᓗ ᓴᓇᓐᖑᐊᕐᓯᒪᔪᑦ ᐊᕐᓇᓐᖑᐊᑦ ᐊᓯᕋᒥᒃ ᐊᑎᓖᑦ ᒎᑎᓐᖑᐊᑦ ᓱᕋᒃᑎᕐᐰᑦ ᐅᕐᕈᑎᓪᓗᒋᑦ.

ᑯᕉᓂᑲ ᐂᑉᐸᖏᑦ 14:5

ᒎᑎᓐᖑᐊᓄᓪᓗ ᑐᒃᓯᐊᕐᕕᓕᒫᑦ ᑐᓂᕐᕈᓯᕐᕖᓪᓗ ᐳᔫᕐᑎᑦᓯᕖᑦ ᐲᔭᕐᑕᐅᖁᕔᑦ ᔫᑕᐅᑉ ᐃᒡᓗᒐᓴᓕᒫᖏᓐᓂᑦ. ᐊᖓᔪᖅᑲᐅᕕᖓᓗ ᐅᓇᑕᕐᓂᖃᓚᐅᓐᖏᓚᖅ ᑖᓐᓇ ᐊᐅᓚᑦᓯᑎᓪᓗᒍ.

ᑯᕉᓂᑲ ᐂᑉᐸᖏᑦ 29:21

ᐃᒻᒧᒃᓯᐅᒊᓪᓗ ᐸᖕᓂᖏᓐᓂᒃ 7ᓂᒃ ᓇᒃᓴᕐᐳᑦ, ᓰᐲᓪᓗ ᐊᖑᓴᓪᓗᖏᓐᓂᒃ 7ᓂᒃ, ᓄᕐᕋᕐᓂᒡᓗ 7ᓂᒃ, ᒎᑦᓰᓪᓗ ᐊᖑᓴᓪᓗᖏᓐᓂᒃ 7ᓂᒃ ᐊᔪᕐᑐᓕᓂᕐᒧᑦ ᑐᓂᕐᕈᑎᒃᓴᓂᒃ ᐊᖓᔪᖅᑳᒃᑯᕕᖓᓄᑦ ᐃᑦᔪᕐᓁᑦᑐᒃᑯᕕᖕᒧᓪᓗ ᔫᑕᒥᐅᑦ ᐱᓪᓗᒋᑦ. ᑐᓂᕐᕈᓯᕐᑎᑦᓯᔩᓪᓗ ᑎᓕᕔᑦ ᐂᕉᓂᐅᑉ ᐃᕐᓂᖏᑦ ᑐᓂᕐᕈᓯᖁᓪᓗᒋᑦ ᑐᓂᕐᕈᓯᕐᕕᖕᒥ ᐊᑕᓂᕐᒧᑦ.

ᑯᕉᓂᑲ ᐂᑉᐸᖏᑦ 29:27

ᕼᐃᓯᑬᐊᐅᓪᓗ ᑎᓕᕔᑦ ᑐᓂᕐᕈᓯᖁᓪᓗᒋᑦ ᐃᑯᐊᓪᓚᒋᐊᓕᖕᓂᒃ ᑐᓂᕐᕈᓯᕐᕕᖕᒥ. ᐃᑯᐊᓪᓚᒋᐊᓖᓪᓗ ᑐᓂᕐᕈᑏᑦ ᐱᒋᐊᕐᒪᑕ, ᐊᑕᓂᕐᒧᑦ ᐃᓐᖏᕐᓂᖅ ᐱᒋᐊᕆᕗᑦ, ᑎᑦᑐᓚᐅᑏᓪᓗ, ᓂᑦᔭᐅᑏᓪᓗ ᑍᕕᑎᐅᑉ ᐊᖓᔪᖅᑳᕐᔪᐊᑉ ᐃᓴᕆᐊᓕᒥᐅᓄᑦ ᐱᖁᑎᖏᑦ ᐱᒋᐊᕐᑎᑕᐅᒋᕗᑦ.

ᑯᕉᓂᑲ ᐂᑉᐸᖏᑦ 29:30

ᐊᖓᔪᖅᑳᕐᔪᐊᕐᓗ ᕼᐃᓯᑬᐊ ᐊᖓᔪᖅᑳᓪᓗ ᑎᓕᓯᕗᑦ ᓕᕔᑎᓂᒃ ᐃᓐᖏᕐᓗᑎᒃ ᓂᕐᑐᐃᖁᓪᓗᒋᑦ ᐊᑕᓂᕐᒥᒃ ᑍᕕᑎᐅᑉ ᐊᓴᐸᐅᓪᓗ ᓇᓚᐅᑦᑍᔫᑉ ᐅᖃᐅᓯᖏᖅ ᒪᓕᒡᓗᒋᑦ. ᐃᓐᖏᓚᐅᕐᐳᓪᓗ ᓂᕐᑐᐃᓪᓗᑎᒃ ᖁᕕᐊᓱᒡᓗᑎᒃ, ᐅᑯᓪᓗᑎᒡᓗ ᑐᒃᓯᐊᕐᐳᑦ.

ᑯᕉᓂᑲ ᐂᑉᐸᖏᑦ 30:12

ᒎᑎᐅᓪᓗ ᐱᔪᓐᓇᕐᓂᖓᑕ ᑎᑭᑉᐰᑦ ᔫᑕᒥᐅᑦ ᐊᑕᐅᓯᕐᒥᒃ ᐆᒻᒪᑎᑖᕐᑎᓪᓗᒋᑦ ᐊᖓᔪᖅᑳᕐᔪᐊᑉ ᐊᖓᔪᖅᑳᓪᓗ ᐱᖁᔨᓂᖏᓐᓂᒃ ᒪᓕᖁᓪᓗᒋᑦ ᐊᑕᓂᐅᑉ ᐅᖃᐅᓯᖏᑦ ᒪᓕᒡᓗᒋᑦ.

ᑯᕉᓂᑲ ᐂᑉᐸᖏᑦ 30:19

ᐆᒻᒪᑎᒥᒍᑦ ᕿᓂᕐᑐᑦ ᒎᑎᒥᒃ, ᐊᑕᓂᕐᒥᒃ ᓯᕗᓕᖏᑕ ᒎᑎᖓᓂᒃ, ᐃᑦᔪᕐᓁᓕᑎᑕᐅᑦᔪᑏᑦ ᒪᓕᒡᓗᒋᑦ ᓴᓗᒻᒪᕐᑎᑕᐅᓯᒪᖏᒃᑲᓗᐊᕐᑎᓪᓗᒋᑦ.”

ᑯᕉᓂᑲ ᐂᑉᐸᖏᑦ 33:16

ᐊᑕᓂᐅᓪᓗ ᑐᓂᕐᕈᓯᕐᕕᐊ ᐋᖅᑭᒋᐊᕐᐹ, ᑕᕝᕙᓂᓗ ᑐᓂᕐᕈᓯᕐᐳᖅ ᓮᒻᒪᕐᑎᑕᐅᓂᕐᒧᑦ ᖁᔭᓕᓂᕐᒧᓪᓗ ᑐᓂᕐᕈᑎᓂᒃ; ᔫᑕᒥᐅᓪᓗ ᐱᖁᕔᑦ ᐊᑕᓂᕐᒥᒃ ᐃᓴᕆᐊᓕᒥᐅᑦ ᒎᑎᖓᓂᒃ ᐱᔨᑦᓯᖁᓪᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 13:9

ᑕᕝᕙ ᑎᓕᓯᓚᐅᕐᐳᖓ ᓴᓗᒻᒪᕐᓴᕐᑕᐅᖁᓪᓗᒍ ᑖᓐᓇ ᓱᓇᑐᐃᓐᓇᖃᐅᑎ; ᑕᕝᕙ ᐅᑎᕐᑎᓚᐅᕐᐸᒃᑲ ᐴᒍᑍᑦ ᑕᓪᓕᒪᐅᔪᐃᕈᑎᒃᓴᓄᑦ ᐆᒃᑐᕋᐅᑕᐅᕙᒃᑐᑦ ᒎᑎᐅᑉ ᐃᒡᓗᖓᓄᑦ, ᐃᓚᖃᕐᑎᓪᓗᒋᑦ ᓂᕿᒃᓴᓂᒃ ᑐᓂᕐᕈᑕᐅᓯᒪᔪᓂᒃ ᑎᐱᑦᓯᐊᕆᒃᓴᐅᑎᒃᓴᓂᒡᓗ.

ᐃᓐᖏᕈᑎᑦ 119:10

ᐆᒻᒪᒻᒧᑦ ᐃᓗᖏᕐᓱᕐᓗᖓ ᕿᓂᓚᐅᕐᐸᒋᑦ; ᑍᒤᒻᒪᑦ ᐱᖁᔭᕐᓂᒃ ᕿᒤᑎᑦᑍᓕᓐᖓ.

ᐂᒨᓯᐅᑉ ᐊᒡᓚᖏᑦ 5:4

ᐃᒫᒃ ᐊᑕᓂᖅ ᐅᖃᕐᐳᖅ ᐃᓴᕆᐊᓕᐅᑉ ᑭᖑᕚᖏᓐᓄᑦ: “ᐅᕙᓐᓂᒃ ᕿᓂᓕᕆᑦᓯ ᐃᓅᓕᕐᓗᓯᓗ;

ᔮᓱᐊᑉ ᐊᒡᓚᖏᑦ 24:15

ᐊᑕᓂᕐᓕ ᐱᔨᑦᓯᕈᒪᓂᐊᖏᒃᑯᑦᓯᐅᒃ, ᐅᓪᓗᒥ ᑐᑭᑖᓕᕆᑦᓯ ᑭᓇᒥᒃ ᐱᔨᑦᓯᕐᓂᐊᕐᒪᖔᑦᓯ, ᓯᕗᓕᓯ ᒎᑎᒋᓚᐅᕐᑕᒋᓐᓂᒃ ᑐᒃᓯᐊᕐᕕᒋᖃᑦᑕᓚᐅᕐᑕᖏᓪᓗ ᑰᑉ ᐊᑭᐊᓂ, ᐅᕝᕙᓗ ᐊᒧᕅᒥᐅᑦ ᒎᑎᖏᓐᓂᒃ, ᒫᓐᓇ ᑖᒃᑯᐊ ᓄᓇᖓᓂ ᓄᓇᖃᓕᕋᑦᓯ; ᐅᕙᖓᓕ ᐃᒡᓗᒥᐅᖃᑎᒃᑲᓗ, ᐊᑕᓂᖅ ᐱᔨᑦᓯᕐᓂᐊᕐᐸᕗᑦ.”

ᓴᒧᐃᓕ ᓯᕗᓪᓖᑦ 3:13

ᐅᖃᐅᑎᓚᐅᕐᐸᕋ ᐃᓚᖏᑦ ᓱᒋᐊᕐᓂᐊᕐᓂᕋᓕᕐᓗᒋᑦ ᐃᓱᖃᖏᑦᑐᒧᑦ, ᐃᓔᑉ ᖃᐅᔨᒪᓚᐅᕐᐰᖅ ᐱᐅᖏᑦᑐᓕᓂᖏᑦ, ᐃᕐᓂᖏᑦ ᐅᖃᕐᓂᕐᓘᑦᔨᓚᐅᕐᒪᑕ ᒎᑎᒥᒃ, ᐃᓂᕐᑎᓚᐅᓐᖏᓔᓪᓕ.