ᑯᕉᓂᑲ ᐂᑉᐸᖏᑦ 14:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐂᓴᓗ ᐱᓇᓱᐊᑦᓯᐊᓚᐅᕐᐳᖅ ᓇᓛᒎᕐᑐᒥᒡᓗ ᐱᓂᐊᕐᓂᖃᕐᓗᓂ ᐊᑕᓂᐅᑉ ᒎᑎᖓᑕ ᑕᑯᓐᓇᕐᑕᖓᓂ.

ᑯᕉᓂᑲ ᐂᑉᐸᖏᑦ 14:2 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 15:14

ᑭᓯᐊᓂᓕ ᒎᑎᓐᖑᐊᓄᑦ ᑐᒃᓯᐊᕐᕖᑦ ᑐᒃᓯᐊᕐᕕᐅᖃᑦᑕᕐᓂᕐᐹᑦ ᐲᔭᓚᐅᓐᖏᓔᑦ. ᑍᒤᒃᑲᓗᐊᕐᑎᓪᓗᒍᓕ ᐋᓴ ᐊᑕᓂᕐᒧᑦ ᑲᔪᓯᑦᓯᐊᕐᑐᒥᒃ ᐃᓅᓯᖃᓚᐅᕐᐳᖅ ᐃᓅᓯᓕᒫᒥᓂ.

ᐊᑕᓃᑦ ᓯᕗᓪᓖᑦ 15:11

ᐋᓴ ᐃᓱᐊᕐᑐᒥᒃ ᐃᓅᓚᐅᕐᐳᖅ ᐊᑕᓂᐅᑉ ᓵᖓᓂ, ᓯᕗᓕᕐᒥᑐᑦ ᑍᕕᑎᑐᑦ.

ᓘᑲᓯᐅᑉ ᐊᒡᓚᖏᑦ 1:75

ᐃᑦᔪᕐᓁᓐᓂᕐᒥ ᓈᒻᒪᒋᔭᐅᓂᕐᒥᓗ ᑖᑦᓱᒪ ᓵᖓᓂ ᐃᓅᓯᑦᑕ ᐃᓱᐊᓄᑦ.

ᑯᕉᓂᑲ ᐂᑉᐸᖏᑦ 31:20

ᕼᐃᓯᑬᐊ ᑍᒫᒃ ᐱᓇᓱᐊᓚᐅᕐᐳᖅ ᔫᑕᓕᒫᒥ; ᐱᐅᔪᒥᒃ ᓈᒻᒪᒃᑐᒥᒡᓗ ᑲᔪᓯᑦᓯᐊᕐᓗᓂ ᐱᓇᓱᐊᓚᐅᕐᐳᖅ ᐊᑕᓂᐅᑉ ᒎᑎᖓᑕ ᑕᑯᓐᓇᕐᑕᖓᒍᑦ.

ᐊᑕᓃᑦ ᓯᕗᓪᓖᑦ 15:12

ᐊᖑᑎᓪᓗ ᐊᑐᕐᑐᐊᒊᑦ ᓄᓇᒥᓂ ᑐᒃᓯᐊᕐᕕᐅᕙᒃᑐᓂ ᓄᖅᑲᕐᑎᓚᐅᕐᐰᑦ, ᒎᑎᓐᖑᐊᓪᓗ ᐲᔭᕐᓗᒋᑦ ᓯᕗᓕᖏᑕ ᓴᓇᓚᐅᕐᑕᖏᑦ.

ᑯᕉᓂᑲ ᐂᑉᐸᖏᑦ 14:1

ᑕᕝᕙ ᐊᐰᔭ ᑐᖁᓚᐅᕐᐳᖅ ᓯᕗᓕᕐᒥᓄᐊᕐᓗᓂᓗ, ᐃᓗᕕᕐᑕᐅᕗᕐᓗ ᑍᕕᑎᐅᑉ ᐃᒡᓗᒐᓴᖏᓐᓂ; ᐂᓴᓗ ᑖᑦᓱᒪ ᐃᕐᓂᖓ ᐊᖓᔪᖅᑳᕈᓚᐅᕐᐳᖅ ᑖᑦᓱᒥᖓ ᐃᓇᖐᓪᓗᓂ. ᐊᖓᔪᖅᑳᖑᑎᓪᓗᒍ ᐊᕐᕌᒍᓂᒃ ᖁᓕᓂᒃ ᐅᓇᑕᕐᓂᖃᓚᐅᓐᖏᓚᖅ.

ᑯᕉᓂᑲ ᐂᑉᐸᖏᑦ 14:3

ᑖᑦᓱᒪ ᔫᑎᐅᖏᑦᑐᑦ ᑐᓂᕐᕈᓯᕐᕕᖏᑦ ᒎᑎᓐᖑᐊᓄᑦ ᐲᔭᕐᐰᑦ, ᒎᑎᓐᖑᐊᓄᓪᓗ ᑐᒃᓯᐊᕐᕖᑦ, ᓇᐸᔪᓪᓗ ᓱᕋᒃᑎᕐᐰᑦ ᐅᕐᕈᑎᓪᓗᒋᑦ, ᕿᔪᐃᓪᓗ ᓴᓇᓐᖑᐊᕐᓯᒪᔪᑦ ᐊᕐᓇᓐᖑᐊᑦ ᐊᓯᕋᒥᒃ ᐊᑎᓖᑦ ᒎᑎᓐᖑᐊᑦ ᓱᕋᒃᑎᕐᐰᑦ ᐅᕐᕈᑎᓪᓗᒋᑦ.

ᑯᕉᓂᑲ ᐂᑉᐸᖏᑦ 15:16

ᒫᑲᓗ ᐊᒡᓛᑦ ᐲᕐᑎᑉᐹ ᑯᐃᖑᓂᕐᒥᑦ, ᐊᓈᓇᖓ ᓇᕐᕈᓇᕐᑐᒥᒃ ᒎᑎᓐᖑᐊᒥᒃ ᓴᓇᓚᐅᕐᓂᖓᓄᑦ ᐊᓯᕋᒥᒃ ᐊᕐᓇᓐᖑᐊᒥᒃ ᓇᐸᔪᒥᒃ. ᐂᓴᐅᓪᓗ ᒎᑎᓐᖑᐊᖅ ᓱᕋᒃᓗᒍ ᐅᕐᕈᑎᑉᐹ, ᓯᖁᑦᑎᕐᓗᒍᓗ, ᐃᑯᐊᓪᓚᒡᓗᒍᓗ ᑭᑐᕌᓂᐅᑉ ᑰᖓᑕ ᓴᓂᐊᓂ.

ᑯᕉᓂᑲ ᐂᑉᐸᖏᑦ 21:12

ᑎᑎᖅᑲᐅᓯᐊᓚᐅᕐᐳᕐᓗ ᐃᓔᑦᔭᒥᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓂᑦ, ᐃᒤᓕᔪᓂᒃ, “ᐊᑕᓂᖅ ᐃᒫᒃ ᐅᖃᕐᐳᖅ, ᑍᕕᑎᐅᑉ ᓯᕗᓕᕕᑦ ᒎᑎᖓ, ᐱᓂᐊᕐᓂᖃᖏᓐᓇᕕᑦ ᐊᑖᑕᒃᑐᑦ ᔨᕼᐆᓴᐸᑦᑐᑦ, ᐂᓴᑐᓪᓗ ᔫᑕᐅᑉ ᐊᖓᔪᖅᑳᕐᔪᐊᖓᑐᑦ.

ᒨᓯᓯ ᐂᑉᐸᖏᑦ 23:24

ᑖᒃᑯᐊᓗ ᒎᑎᒋᔭᖏᓐᓄᑦ ᐹᒻᒪᒃᑎᕐᑐᒃᓴᐅᓐᖏᓚᓯ, ᑐᒃᓯᐊᕐᕕᒋᓇᒋᓪᓗ, ᐅᒃᐱᕆᔭᖏᓪᓗ ᒪᓕᖏᓪᓗᒋᑦ, ᐊᑕᖏᓪᓚᕆᒃᑐᒥᒡᓕ ᒎᑎᓐᖑᐊᖁᑎᒋᔭᖏᑦ ᐲᔭᕐᑕᒃᓴᕆᕙᓯ ᓇᐸᔪᖁᑎᒋᔭᖏᓪᓗ ᐅᔭᕅᑦ ᐅᕐᕈᑎᓪᓗᒋᑦ ᓯᖁᒥᑕᒃᓴᕆᕙᓯ.

ᒨᓯᓯ ᑕᓪᓕᒪᖏᑦ 12:3

ᑐᓂᕐᕈᓯᕐᕕᖁᑎᖏᑦ ᐅᕐᕉᕋᕐᑎᑕᒃᓴᕆᕙᓯ, ᐅᔭᕅᓪᓗ ᓇᐸᔪᖁᑎᖏᑦ ᑐᒃᓯᐊᕐᕖᑦ ᓯᖁᑦᑎᕐᓗᒋᑦ. ᒎᑎᓐᖑᐊᖏᓪᓗ ᐊᓯᕋᒥᒃ ᐊᑎᓖᑦ ᐃᑯᒪᒧᑦ ᐃᑯᐊᓪᓚᒡᓗᒋᑦ; ᒎᑎᓐᖑᐊᖏᓪᓗ ᓴᓇᓯᒪᔪᑦ ᑲᓱᐊᕐᓗᒋᑦ ᓄᖑᓪᓗᒋᑦ, ᐊᑎᖏᓪᓗ ᑕᕝᕙᓃᑦᑐᑦ ᓄᓇᒥ ᓯᖁᑦᑎᕐᓗᒋᑦ ᓄᖑᓪᓗᒋᑦ.

ᑯᕉᓂᑲ ᐂᑉᐸᖏᑦ 17:6

ᓴᐱᖏᑦᓯᐊᓚᐅᕐᐳᖅ ᐱᓂᐊᕐᓂᒥᒍᑦ ᐊᑕᓂᕐᒧᑦ; ᒎᑎᓐᖑᐊᓄᓪᓗ ᑐᒃᓯᐊᕐᕖᑦ ᐱᓪᓚᕆᒋᔭᐅᔪᑦ ᕿᔪᐃᓪᓗ ᐃᓄᓐᖑᐊᑦ ᐊᓯᕋᒥᑦ ᔫᑕᒥᑦ ᐲᔭᕐᐰᑦ.

ᑯᕉᓂᑲ ᐂᑉᐸᖏᑦ 20:32

ᐊᑖᑕᒥᑐᑦ ᐂᓴᑐᑦ ᐃᓅᓯᖃᓚᐅᕐᐳᖅ ᐊᓯᐊᓄᓪᓗ ᓴᖑᓚᐅᕋᓂ; ᐃᓱᐊᕐᑐᒥᒃ ᐱᓂᐊᕐᓂᖃᓚᐅᕐᐳᖅ ᐊᑕᓂᐅᑉ ᑕᑯᓐᓇᕐᑕᖓᒍᑦ.

ᑯᕉᓂᑲ ᐂᑉᐸᖏᑦ 31:1

ᑕᒪᒃᑯᐊᓕᒫᑦ ᐱᔭᕇᕐᒪᑕ, ᐃᓴᕆᐊᓕᒥᐅᓕᒫᑦ ᑍᑲᓃᓚᐅᕐᑐᑦ ᐂᕗᑦ ᔫᑕᐅᑉ ᐃᒡᓗᒐᓴᖏᓐᓄᑦ ᓇᐸᔪᐃᓪᓗ ᒎᑎᓐᖑᐊᑦ ᓯᖁᑦᑎᕐᐰᑦ ᕿᔪᐃᓪᓗ ᓴᓇᓐᖑᐊᕐᓯᒪᔪᑦ ᒎᑎᓐᖑᐊᑦ ᐊᓯᕅᑦ ᓇᑲᑎᕐᐰᑦ ᐃᒋᓪᓗᒋᓪᓗ ᑐᓂᕐᕈᓯᕐᕕᖁᑎᖏᑦ ᔫᑕᒦᑦᑐᑦ ᐱᓐᔭᒥᓂᒦᑦᑐᓪᓗ, ᐃᕗᕅᑎᒦᑦᑐᓪᓗ ᒫᓇᓯᒦᑦᑐᓪᓗ, ᐊᑕᖏᕐᓗᒋᑦ ᓯᖁᑦᑎᕐᐰᑦ. ᐃᓴᕆᐊᓕᒥᐅᓪᓗ ᐃᒡᓗᒐᓴᖕᒥᓄᑦ ᐅᑎᕐᐳᑦ, ᐊᑐᓂᑦ ᓄᓇᒥᖕᓄᐊᕐᓗᑎᒃ.

ᑯᕉᓂᑲ ᐂᑉᐸᖏᑦ 34:7

ᑐᓂᕐᕈᓯᕐᕖᑦ ᓯᖁᑦᑎᕐᐰᑦ, ᕿᔪᒡᓗ ᓴᓇᓐᖑᐊᕐᓯᒪᔪᖅ ᐊᓯᕋᓐᖑᐊᖅ ᓯᖁᑦᑎᕐᐹ ᓯᖃᓪᓕᓪᓗᒍ ᓴᓇᓐᖑᐊᕐᓯᒪᔪᓕᒫᓪᓗ ᐳᔪᕋᓐᖑᕐᑎᑉᐰᑦ, ᑎᐱᑦᓯᐊᕆᒃᑐᓂᒡᓗ ᐃᑯᐊᓚᑦᓯᕖᑦ ᓯᖁᑦᑎᕐᐰᑦ ᐃᓴᕆᐊᓕᒥᐅᑦ ᓄᓇᓕᒫᖏᓐᓂ. ᑕᕝᕙ ᐅᑎᕐᐳᖅ ᔨᕉᓴᓕᒧᑦ.