ᑯᕉᓂᑲ ᐂᑉᐸᖏᑦ 13:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐊᓂᑦᑎᓚᐅᓐᖏᓚᓰ ᐊᑕᓂᐅᑉ ᑐᓂᕐᕈᓯᕐᑎᑦᓯᔨᖏᓐᓂᒃ, ᐂᕉᓂᐅᓪᓗ ᐃᕐᓂᖏᓐᓂᒃ, ᓕᕔᑎᓂᒡᓗ, ᓇᖕᒥᓂᕐᓗ ᑐᓂᕐᕈᓯᕐᑎᑦᓯᔨᒃᓴᑦᓯᓐᓂᒃ ᑎᓕᓯᓪᓗᓯ, ᐃᓅᖃᑎᒌᒡᔪᐊᑦ ᐊᓯᓯ ᒪᓕᒡᓗᒋᑦ? ᓇᓪᓕᐊᑦ ᑐᓂᕐᕈᓯᕆᐊᖃᕐᑎᓪᓗᒍ ᐃᒻᒥᓂᒃ ᐃᑦᔪᕐᓁᓕᑎᓪᓗᓂ ᐊᖑᓴᓪᓗᕐᒥᒃ ᐅᕝᕙᓗ 7ᓂᒃ ᓰᐱᐅᑉ ᐊᖑᓴᓪᓗᖏᓐᓂᒃ ᑐᓂᕐᕈᓯᕐᑎᑦᓯᔨᓐᖑᕐᑎᑉᐱᓯᐅᒃ ᒎᑎᐅᖏᑦᑐᓄᑦ?

ᑯᕉᓂᑲ ᐂᑉᐸᖏᑦ 13:9 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 13:33

ᑕᒪᑐᒪ ᑭᖑᕐᖓᒍᑦ ᔨᕈᐳᐊᒻ ᕿᒤᓚᐅᓐᖏᓚᖅ ᐊᔪᕐᑐᓕᓂᕐᒥᓂᒃ, ᓱᓕᓕ ᑐᓂᕐᕈᓯᕐᑎᑦᓯᔨᓐᖑᕐᑎᑦᓯᖃᑦᑕᓚᐅᕐᐳᖅ ᐃᓄᑐᐃᓐᓇᕐᓂᒃ ᑐᓂᕐᕈᓯᕐᕕᓕᐊᕆᓚᐅᕐᑕᒥᓄᑦ, ᐱᔪᒪᔪᑐᐃᓐᓇᒥᒃ ᑐᓂᕐᕈᓯᕐᑎᑦᓯᔨᓐᖑᕐᑎᑦᓯᖃᑦᑕᓚᐅᕐᐳᖅ ᑐᒃᓯᐊᕐᕕᓕᐊᕆᓯᒪᔭᒥᓄᑦ.

ᐊᑕᓃᑦ ᐂᑉᐸᖏᑦ 19:18

ᒎᑎᒋᔭᖏᓐᓂᒡᓗ ᐃᑯᐊᓪᓔᓪᓗᑎᒃ ᓄᖑᕅᓯᒪᕗᑦ, ᒎᑎᓪᓚᕆᐅᖏᒻᒪᑕ, ᕿᔪᑐᐃᓐᓇᐅᕗᑦ ᐅᔭᕋᐅᓪᓗᑎᒡᓗ ᐃᓄᑐᐃᓐᓇᕐᓄᑦ ᓴᓇᔭᐅᓯᒪᒐᒥᒃ; ᑍᒤᒻᒪᑦ ᑕᒪᒃᑯᐊ ᐊᓯᕈᕐᑕᐅᓯᒪᕗᑦ.

ᑯᕉᓂᑲ ᓯᕗᓪᓖᑦ 29:5

ᒎᓗᓂᒃ ᓯᐅᓪᕕᕆᓂ, ᓱᓇᓕᒫᓂᒡᓗ ᓴᓇᔨᓄᑦ ᓴᓇᔭᐅᔪᒃᓴᓂᒃ, ᑭᓇᓖ ᑍᒪ ᐅᓪᓗᒥ ᐱᔪᒪᑦᓯᐊᕐᓗᓂ ᐃᒻᒥᓂᒃ ᑐᓂᔪᒪᕚ ᐊᑕᓂᕐᒧᑦ?”

ᑯᕉᓂᑲ ᐂᑉᐸᖏᑦ 13:10

“ᐅᕙᒍᓪᓕ ᐊᑕᓂᖅ ᒎᑎᒋᕙᕗᑦ, ᕿᒪᓚᐅᕐᓇᒍᓗ. ᑐᓂᕐᕈᓯᕐᑎᑦᓯᔨᐊᕐᐳᒍᓪᓗ ᐱᓇᓱᐊᕐᑐᓂᒃ ᐊᑕᓂᕐᒧᑦ ᐂᕉᓂᐅᑉ ᐃᕐᓂᖏᓐᓂᒃ, ᓕᕔᑏᓪᓗ ᐱᔭᒃᓴᒥᓂᒃ ᐱᓇᓱᐊᕐᓗᑎᒃ.

ᑯᕉᓂᑲ ᐂᑉᐸᖏᑦ 29:31

ᑕᕝᕙ ᕼᐃᓯᑬᐊ ᐅᖃᕐᐳᖅ, “ᒫᓐᓇ ᐃᑦᔪᕐᓁᑎᑦᓴᕇᕋᑦᓯ ᐊᑕᓂᕐᒧᑦ; ᖃᒡᓕᒋᐊᕆᑦᓯ, ᑐᓂᕐᕈᓯᕐᓗᓯ ᑐᓂᕐᕈᑎᓂᒃ ᖁᔭᓕᓂᕐᒧᑦ ᐊᑕᓂᐅᑉ ᐃᒡᓗᖓᓄᑦ.” ᑲᑎᓐᖓᔪᓪᓗ ᑐᓂᕐᕈᓯᕐᐳᑦ ᖁᔭᓕᑦᔪᑎᓂᒡᓗ ᑐᓂᕐᕈᓯᕐᓗᑎᒃ; ᐆᒻᒪᑎᒥᒍᓪᓗ ᑲᔪᖏᕐᑐᓕᒫᑦ ᐃᑯᐊᓪᓚᒃᑎᑕᒃᓴᓂᒃ ᑐᓂᕐᕈᓯᕐᐳᑦ.

ᒨᓯᓯ ᐂᑉᐸᖏᑦ 29:1

“ᐃᒫᒃ ᑕᕝᕙ ᐱᔪᒃᓴᐅᕗᑎᑦ ᐂᕉᓂᒧᑦ ᐃᕐᓂᖏᓐᓄᓪᓗ ᑐᓂᕐᕈᓯᕐᑎᑦᓯᔨᓐᖑᕐᑎᑕᐅᖁᓪᓗᒋᑦ ᑐᓂᔭᐅᖁᓪᓗᒋᓪᓗ ᐅᕙᓐᓄᑦ, ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᐊᖑᓴᓪᓗᕐᒥᒃ ᐊᑕᐅᓯᕐᒥᒃ ᓰᐱᐅᓪᓗ ᐊᖑᓴᓪᓗᖏᖕᓂᒃ ᒪᕐᕉᖕᓂᒃ ᖃᓄᐃᑦᔪᑎᖃᖏᑦᓯᐊᕐᑐᓂᒃ ᓇᒃᓴᕐᑐᒃᓴᐅᕗᑎᑦ.

ᒨᓯᓯ ᐂᑉᐸᖏᑦ 29:29

“ᐂᕉᓂᐅᓪᓕ ᑐᓂᕐᕈᓯᕐᑎᑦᓯᔨᐅᓂᕐᒧᑦ ᐊᓐᓄᕌᖏᑦ ᐃᑦᔪᕐᓁᑎᑕᐅᓯᒪᔪᑦ ᐃᕐᓂᖏᓐᓄᑦ ᐱᔭᐅᔭᕆᐊᖃᕈᒫᕐᐳᑦ ᐂᕉᓂᐅᑉ ᑭᖑᓂᖓᓂ, ᒥᖑᐊᕐᑕᐅᓂᒃᑯᑦ ᑎᓕᔭᐅᓂᒃᑯᓪᓗ ᐱᒋᐊᕐᓂᖃᕐᓗᑎᒃ.

ᒨᓯᓯ ᐂᑉᐸᖏᑦ 29:35

“ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨᐅᓂᕐᒧᑦ ᑎᓕᓯᔪᒃᓴᐅᕗᑎᑦ ᐂᕉᓂᒥᒃ ᐃᕐᓂᖏᓐᓂᒡᓗ; ᐱᖁᔨᓯᒪᓂᕋ ᒪᓕᒡᓗᒍ; ᐅᓪᓗᓂᒃ 7ᓂᒃ,

ᒨᓯᓯ ᐂᑉᐸᖏᑦ 32:29

ᒨᓯᓯᓗ ᐅᖃᕐᐳᖅ ᓕᕔᑎᓄᑦ, “ᐅᓪᓗᒥ ᐃᓕᑦᓯᓐᓂᒃ ᐃᑦᔪᕐᓁᓕᕐᑎᑉᐳᓯ ᐱᑎᑕᐅᓪᓗᓯᓗ ᑐᓂᕐᕈᓯᕐᑎᑦᓯᔨᐅᓂᕐᒥᒃ ᐊᑕᓂᕐᒧᑦ ᑕᒪᓐᓇ ᐱᔨᑦᓯᕈᑕᐅᖁᓪᓗᒍ ᐃᓕᑦᓯᓐᓄᑦ ᑐᖁᑦᓯᓚᐅᕐᓂᑦᓯᓐᓄᑦ ᐃᕐᓂᑦᓯᓐᓂᒃ ᖃᑕᓐᖑᑎᑦᓯᓐᓂᒡᓗ, ᑍᒤᒻᒪᑦ ᐊᑕᓂᐅᑉ ᑐᓂᓯᕕᒋᕚᓯ ᓇᖕᒥᓂᖅ ᓮᒻᒪᕐᑎᑦᓯᓂᕐᒥᓂᒃ.”

ᔨᕆᒤᐊᐅᑉ ᐊᒡᓚᖏᑦ 2:11

ᐃᓅᖃᑎᒌᒡᔪᐊᑦ ᒎᑎᒥᖕᓂᒃ ᐊᓯᑦᔩᓲᖑᕚᑦ? ᒎᑎᐅᖏᒃᑲᓗᐊᕐᑎᓪᓗᒋᑦ ᒎᑎᒋᔭᖏᑦ, ᐃᓄᖁᑎᒪᓕ ᐃᓅᖃᓐᓂᕐᓯᑎᑕᐅᓯᒪᓂᕆᔭᑎᒃ ᐃᓇᖏᕐᑕᐅᑎᑉᐹᑦ ᒎᑎᓐᖑᐊᓄᑦ ᐊᑑᑎᒃᓴᖃᖏᑦᑐᓄᑦ.

ᔨᕆᒤᐊᐅᑉ ᐊᒡᓚᖏᑦ 5:7

“ᓱᖕᒪᑦ ᐃᓱᒪᒋᔪᓐᓁᕐᕕᒋᔭᖃᕐᑐᒃᓴᐅᕗᖔ ᐃᓕᑦᓯᓐᓂᒃ? ᕿᑐᕐᖓᓯ ᐊᒡᓛᑦ ᒪᓕᒍᒪᔪᓐᓁᕐᐳᑦ ᐅᕙᓐᓂᒃ, ᐊᖏᒻᒪᕆᒃᐸᒡᓗᑎᒡᓗ ᒎᑎᓐᖑᐊᑦ ᐊᑎᖏᑦ ᐊᑐᕐᓗᒋᑦ. ᐃᓅᑦᔪᑎᒃᓴᓕᒫᖏᓐᓂᒃ ᐊᔪᕐᓴᕐᑎᖏᒃᑲᓗᐊᕋᒃᑭᑦ, ᓱᓕᓕ ᐊᓯᓐᓂᐊᕐᐳᑦ, ᐊᖑᓐᓂᐊᕐᑎᓪᓗ ᐃᒡᓗᖏᓐᓃᖃᑦᑕᕐᓗᑎᒃ.

ᕼᐆᓯᐊᑉ ᐊᒡᓚᖏᑦ 8:6

ᐃᓴᕆᐊᓕᒥ: ᓴᓇᔩᑦ ᓴᓇᓯᒪᔭᖓ, ᒎᑎᐅᓐᖏᓚᖅ; ᓴᒥᐊᕆᐊᒥ ᓄᕐᕋᐅᔮᕐᑐᓐᖑᐊᖅ ᓯᖁᒥᑕᐅᔪᒫᕐᐳᖅ.

ᒨᓯᓯ ᐱᖓᔪᖏᑦ 16:32

ᑐᓂᕐᕈᓯᕐᑎᑦᓯᔨ ᒥᖑᐊᕐᑕᐅᓂᒃᑯᑦ ᐅᕐᓱᒧᑦ ᑐᓂᕐᕈᓯᕐᑎᑦᓯᔨᓐᖑᕐᓯᒪᔪᖅ ᐊᑖᑕᒥᓂᒃ ᑭᖑᕝᕖᓯᒪᔪᖅ, ᑐᓂᕐᕈᓯᕐᑎᑦᓯᔨᕐᔪᐊᓐᖑᕐᑎᑕᐅᓯᒪᔪᖅ ᐃᓱᒪᒋᔪᓐᓁᕐᕕᐅᓂᕐᒥᒃ ᑲᒪᔭᕆᐊᖃᕐᐳᖅ. ᖃᓪᓗᓈᕐᑍᓪᓗ ᐊᓐᓄᕌᓂ ᐃᑦᔪᕐᓁᑦᑐᑦ ᐊᑎᔭᕆᐊᖃᕐᐰᑦ.

ᒨᓯᓯ ᐱᖓᔪᖏᑦ 8:2

“ᐂᕉᓂᓗ ᐃᕐᓂᖏᓪᓗ ᐊᓐᓄᕌᒃᓴᖏᓐᓂᒃ ᑐᓂᓯᕕᒋᒃᑭᑦ, ᐅᕐᓱᒥᒡᓗ ᒥᖑᐊᕐᓯᑦᔪᑎᒥᒃ, ᐃᒻᒧᒃᓯᐅᒐᐅᓪᓗ ᐸᖕᓂᖓᓂᒃ, ᒪᕐᕉᖕᓂᒡᓗ ᓰᐱᐅᑉ ᐊᖑᓴᓪᓗᖏᖕᓂᒃ, ᐃᕕᐅᔭᒥᒡᓗ ᓂᐊᖂᔭᓂᒃ ᐆᓯᒪᔪᓂᒃ ᐳᕙᓪᓚᕐᓴᐅᑎᖃᖏᑦᑐᓂᒃ ᐃᓗᓕᓕᖕᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 19:26

ᖃᐅᔨᒪᕗᓯ ᑐᓴᐅᒪᓕᕐᓗᓯᓗ ᐸᐅᓗᓯ ᖃᓄᐃᓕᐅᖃᑦᑕᕐᓂᖓᓂᒃ ᐃᐱᓲᓯᒥᑐᐃᓐᓇᐅᖏᑦᑐᖅ, ᐂᓯᐊᒥᓗ ᓇᓂᑐᐃᓐᓇᖅ ᑖᓐᓇ ᐸᐅᓗᓯ ᐅᒃᐱᕈᓐᓃᕐᑎᑦᓯᓇᓱᐊᕐᒪᑦ ᐃᓄᖕᓂᒃ ᐊᒥᓱᓂᒃ, ᐅᖃᕐᓗᓂ, ‘ᒎᑏᑦ ᐊᒡᒐᓄᑦ ᓴᓇᓯᒪᔪᑦ ᒎᑎᐅᖏᓐᓂᕋᕐᖢᓂᒋᑦ.’

ᒐᓔᑎᐊᒥᐅᓄᑦ 4:8

ᑕᒪᑐᒪ ᓯᕗᓂᖓᒍᑦ, ᒎᑎᒥᒃ ᖃᐅᔨᒪᓚᐅᕐᑎᓐᓇᓯ, ᓯᐊᓛᕆᔭᐅᓚᐅᕐᐳᓯ ᐃᓕᖅᑯᓯᑐᐃᓐᓇᕐᓄᑦ ᒎᑎᐅᖏᑦᑐᓄᑦ.

ᒨᓯᓯ ᑕᓪᓕᒪᖏᑦ 32:17

ᐊᓂᕐᓂᕐᓗᖕᓄᑦ ᑐᓂᕐᕈᓯᖃᑦᑕᓚᐅᕐᐳᑦ ᒎᑎᒨᖏᑦᑐᖅ, ᒎᑎᓄᑦ ᓯᕗᓕᕕᓂᖏᑕ ᖃᐅᔨᒪᓚᐅᓐᖏᑕᖏᓐᓄᑦ, ᓄᑖᓄᑦ ᒎᑎᓄᑦ ᖃᐅᔨᒪᓚᐅᓐᖏᑕᒥᖕᓄᑦ, ᒎᑎᓄᑦ ᓯᕗᓕᕕᓂᑦᓯ ᓈᓚᓚᐅᕐᓯᒪᓐᖏᑕᖏᓐᓄᑦ.