ᑯᕉᓂᑲ ᐂᑉᐸᖏᑦ 11:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐃᓴᕆᐊᓕᒥᐅᓪᓕ ᑭᖑᕚᖏᓐᓂᑦ ᐱᔪᑦ ᐱᔪᒪᓪᓚᕆᒃᓗᑎᒃ ᕿᓂᕐᑐᑦ ᐊᑕᓂᕐᒥᒃ, ᐃᓴᕆᐊᓕᒥᐅᑦ ᒎᑎᖓᓂᒃ, ᓕᕔᑎᓂᒃ ᒪᓕᒃᐳᑦ ᔨᕉᓴᓕᒧᑦ ᑐᓂᕐᕈᓯᕆᐊᕐᓗᑎᒃ ᐊᑕᓂᕐᒧᑦ ᓯᕗᓕᖏᑕ ᒎᑎᖓᓄᑦ.

ᑯᕉᓂᑲ ᐂᑉᐸᖏᑦ 11:16 ပူးပေါင်းရင်းမြစ်များ

ᑯᕉᓂᑲ ᓯᕗᓪᓖᑦ 16:29

ᐊᑕᓂᖅ ᑐᓂᓯᕕᒋᓯᐅᒃ ᐊᑎᖓᑕ ᓂᕐᑐᕐᓇᕐᓂᖓᓂᒃ; ᑐᓂᕐᕈᑎᒃᓴᓯ ᓇᒃᓴᕐᓗᒋᑦ, ᑖᑦᓱᒧᖓ ᐂᒋᑦᓯ, ᐊᑕᓂᖅ ᑐᒃᓯᐊᕐᕕᒋᓯᐅᒃ ᐃᑦᔪᕐᓁᑦᑑᑉ ᐱᐅᓯᑎᑦᓯᓂᖓᒍᑦ!

ᑯᕉᓂᑲ ᓯᕗᓪᓖᑦ 22:1

ᑕᕝᕙ ᑍᕕᑎ ᐅᖃᕐᐳᖅ, “ᐊᑕᓂᐅᑉ ᒎᑎᐅᑉ ᐃᒡᓗᖓ ᑕᕝᕙᓃᑦᑐᒃᓴᐅᕗᖅ, ᑐᓂᕐᕈᓯᕐᕕᒡᓗ ᐆᑕᒃᓴᓄᑦ ᐃᓴᕆᐊᓕᒥᐅᑦ ᐱᑦᔪᑎᒋᓗᒋᑦ ᒫᓃᑦᑐᒃᓴᐅᕗᖅ.”

ᑯᕉᓂᑲ ᓯᕗᓪᓖᑦ 22:19

ᐆᒻᒪᑎᓯ ᑕᕐᓂᓯᓗ ᐱᕕᒃᓴᖃᕐᑎᓯᒋᒃ ᕿᓂᕈᓐᓇᖁᓪᓗᓯ ᐊᑕᓂᕐᒥᒃ ᒎᑎᑦᓯᓐᓂᒃ. ᒪᑭᓪᓗᓯ ᓴᓇᓕᕆᑦᓯ ᐊᑕᓂᐅᑉ ᒎᑎᐅᑉ ᐃᑦᔪᕐᓁᑦᑐᕕᖁᑎᖓᓂᒃ, ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᐃᑦᔪᕐᓁᑦᑐᖁᑎᖏᓪᓗ ᐃᑎᕐᑎᑕᐅᔪᓐᓇᕐᓯᖁᓪᓗᒋᑦ ᒎᑎᐅᑉ ᐃᒡᓗᖓᓄᑦ ᓴᓇᔭᐅᓯᒪᔪᒧᑦ ᐊᑕᓂᐅᑉ ᐊᑎᖓᓄᑦ.”

ᑯᕉᓂᑲ ᐂᑉᐸᖏᑦ 11:17

ᓲᖑᓯᑎᑦᓯᕗᓪᓗ ᐃᑲᔪᕐᑐᕐᓗᒍ ᔫᑕᐅᑉ ᐊᖓᔪᖅᑳᕐᔪᐊᖃᕐᕕᖓᓂᒃ, ᐊᕐᕌᒍᓂᒃ ᐱᖓᓱᓂᒃ ᓇᔫᑎᓪᓗᑎᒃ ᕆᕼᐅᐳᐊᒻ ᓲᓗᒨᓂᐅᑉ ᐃᕐᓂᖓ ᓲᖑᓯᑎᑉᐹᑦ, ᐱᓇᓱᐊᓚᐅᕐᒪᑕ ᑍᕕᑎᑐᑦ ᓲᓗᒨᓂᑐᓪᓗ ᐊᕐᕌᒍᓂᒃ ᐱᖓᓱᓂᒃ.

ᑯᕉᓂᑲ ᐂᑉᐸᖏᑦ 15:12

ᐊᖏᖃᑎᒌᒃᐳᓪᓗ ᐊᑕᓂᕐᒥᒃ ᓯᕗᓕᖏᑕ ᒎᑎᖓᓂᒃ ᖃᐅᔨᓇᓱᖃᑦᑕᕈᒪᓪᓗᑎᒃ, ᐆᒻᒪᑎᒥᖕᓄᑦ ᑕᕐᓂᕐᒥᖕᓄᓪᓗ ᐃᓘᓐᓈᓄᑦ.

ᑯᕉᓂᑲ ᐂᑉᐸᖏᑦ 15:15

ᔫᑕᒥᐅᓕᒫᓪᓗ ᖁᕕᐊᓱᒃᐳᑦ ᐅᖃᕕᒃᓗᑎᒃ ᐊᖏᕈᑎᒋᔭᒥᖕᓂᒃ; ᐊᖏᒻᒪᕆᓚᐅᕋᒥᒃ ᐆᒻᒪᑎᒥᖕᓄᑦ ᐃᓘᓐᓈᓄᑦ, ᖃᐅᔨᓇᓱᓚᐅᕋᒥᑦᔪᒡᓗ ᐱᔪᓐᓇᕐᓂᓕᒫᒥᖕᓄᑦ, ᓇᓂᓚᐅᕋᒥᑦᔪᒡᓗ, ᐊᑕᓂᐅᓪᓗ ᐸᒡᕕᓴᒃᑕᐅᑎᓚᐅᓐᖏᓔᑦ ᐊᕙᑎᒥᐅᑕᓕᒫᖏᓐᓂᑦ.

ᑯᕉᓂᑲ ᐂᑉᐸᖏᑦ 15:9

ᔫᑕᒃᑯᓕᒫᓪᓗ ᐱᓐᔭᒥᓂᒃᑯᓕᒫᓪᓗ ᑲᑎᖁᕔᑦ, ᐃᕗᕅᒥᓗ, ᒫᓇᓯᒥ, ᓯᒥᐅᓂᒥᓗ ᓄᓇᓖᑦ, ᐅᓄᕐᑐᕐᔪᐊᓪᓗ ᐃᓴᕆᐊᓕᒥᐅᑦ ᑕᕝᕗᓐᖓᕆᕗᑦ ᑕᑯᒐᒥᒃ ᐊᑕᓂᐅᑉ ᑖᑦᓱᒪ ᒎᑎᖓᑕ ᐃᓚᒋᖕᒪᒍ.

ᑯᕉᓂᑲ ᐂᑉᐸᖏᑦ 19:3

ᑍᒤᒃᑲᓗᐊᕐᒪᑦ, ᐱᐅᔪᓂᒃ ᓇᓂᓯᕕᐅᕗᑎᑦ, ᕿᔪᐃᑦ ᐊᓯᕅᑦ ᒎᑎᓐᖑᐊᑦ ᐃᒋᓚᐅᕋᕕᒋᑦ ᓄᓇᒥᑦ, ᐆᒻᒪᑏᓪᓗ ᐋᖅᑭᒃᓯᒪᒐᕕᐅᒃ ᒎᑎᒥᒃ ᕿᓂᕈᒪᓪᓗᑎᑦ.”

ᑯᕉᓂᑲ ᐂᑉᐸᖏᑦ 20:3

ᑕᕝᕙ ᔨᕼᐆᓴᐸᑦ ᑲᑉᐱᐊᓱᓕᕐᐳᖅ, ᐊᑕᓂᕐᒥᒡᓗ ᖃᐅᔨᓴᕈᒪᓕᕐᓗᓂ, ᓂᕆᑦᑍᓕᖁᔨᓕᕐᐳᕐᓗ ᔫᑕᒥᐅᓕᒫᓂᒃ.

ᑯᕉᓂᑲ ᐂᑉᐸᖏᑦ 20:4

ᔫᑕᒥᐅᓪᓗ ᑲᑎᕗᑦ ᐊᑕᓂᕐᒥᑦ ᐃᑲᔪᕐᑕᐅᔪᒪᓪᓗᑎᒃ; ᔫᑕᐅᓪᓗ ᐃᒡᓗᒐᓴᓕᒫᖏᓐᓂᑦ ᐱᓯᒪᔪᑦ ᑲᑎᕗᑦ ᐊᑕᓂᕐᒥᒃ ᖃᐅᔨᓴᕈᒪᓪᓗᑎᒃ.

ᑯᕉᓂᑲ ᐂᑉᐸᖏᑦ 30:11

ᐅᓄᖏᑦᑐᓪᓕ ᐃᓚᖏᑦ ᐋᓱᕆᒥᐅᑦ, ᒫᓇᓯᒥᐅᓪᓗ, ᓯᐳᓗᓂᒥᐅᓪᓗ ᐃᒻᒥᖕᓂᒃ ᒥᑭᒡᓕᑎᕐᓗᑎᒃ ᔨᕉᓴᓕᒧᐊᓚᐅᕐᐳᑦ.

ᔫᐱᐅᑉ ᐊᒡᓚᖏᑦ 34:14

ᑖᑦᓱᒪ ᐃᓱᒪᕐᓲᑎᒋᑦᓯᐊᕐᐹ, ᐅᑎᕐᑎᑦᓱᒪᒍᓂᒋᒃ ᐊᓂᕐᓂᓂ ᐃᓅᓯᖁᑎᓂᓗ,

ᐃᓐᖏᕈᑎᑦ 108:1

ᒎᑏ, ᐆᒻᒪᑎᒐ ᐃᓕᖕᓄᑦ ᐊᑐᐃᓐᓇᕈᕐᓯᒪᕗᖅ; ᐃᓐᖏᕐᓂᐊᕐᐳᖓ ᓂᕐᑐᕐᓗᑎᑦ! ᐱᔪᓐᓇᕐᓂᓕᒫᑦᓯᐊᓐᓄᑦ! ᑕᕐᓃᒃ ᑐᐸᓕᕆᑦ!

ᐃᓐᖏᕈᑎᑦ 62:10

ᐊᒃᓱᕈᕐᑎᑕᐅᓂᕐᒧᑦ ᓵᓚᖃᕋᓱᐊᕐᓂᖅ ᑕᑎᒋᓂᐊᕐᓇᒍ, ᐱᐅᔪᕆᑦᔪᑎᒋᓂᐊᕐᓇᒋᓪᓗ ᑎᒡᓕᒐᕕᓃᑦ; ᐊᒃᓗᐃᓕᒐᓗᐊᕈᕕᑦ, ᐆᒻᒪᑏᑦ ᑕᕝᕙᓂ ᐃᓂᖃᓕᕐᑎᓐᓂᐊᕐᓇᒍ.

ᒨᓯᓯ ᐂᑉᐸᖏᑦ 9:21

ᐊᓯᖏᓪᓕ ᐊᑕᓂᐅᑉ ᐅᖃᐅᓯᕆᔭᖏᓐᓂᒃ ᐃᒃᐱᒍᓱᖏᑦᑐᑦ ᐆᒪᔪᖁᑎᒥᖕᓂᒃ ᓯᐊᓛᒥᖕᓂᒡᓗ ᐱᕈᕐᓰᕕᖕᒦᑐᐃᓐᓇᕐᑎᑦᓯᓚᐅᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 6:14

ᐊᖓᔪᖅᑳᕐᔪᐊᕐᓕ ᑕᒪᑐᒥᖓ ᑐᓴᕋᒥ ᐃᓱᒪᔮᒻᒪᕆᓕᕐᐳᖅ, ᖃᓄᑐᐃᓐᓇᕐᓗ ᕿᓂᓕᕐᐳᖅ ᑖᓂᐊᓕ ᓴᐳᑎᔪᒪᓪᓗᒍ ᓯᕿᓂᐅᑉ ᓂᐱᓂᖓ ᑎᑭᓪᓗᒍ.

ᕼᐆᓯᐊᑉ ᐊᒡᓚᖏᑦ 4:8

ᐊᒃᓱᐃᓕᕗᓯ ᐃᓄᖁᑎᒪ ᐊᔪᕐᓂᖏᓐᓄᑦ; ᑖᒃᑯᐊᓗ ᑲᔪᖏᓛᕐᐳᑦ ᐊᔪᕐᑐᓕᓂᕐᒧᑦ.

ᕼᐊᒊᑉ ᐊᒡᓚᖏᑦ 1:5

ᑍᒤᒻᒪᑦ ᒫᓐᓇ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ: ‘ᐃᓱᒪᒋᓚᐅᕐᓯᐅᒃ ᖃᓄᐃᓕᐅᕐᓯᒪᓂᓯ!

ᓴᑲᕅᐊᐅᑉ ᐊᒡᓚᖏᑦ 8:21

ᓄᓇᓖᑦ ᐃᒡᓗᒐᓴᒡᔪᐊᕐᒥ ᐊᑕᐅᓯᕐᒥ, ᓄᓇᓖᑦ ᐊᓯᖏᓐᓄᑦ ᐅᐸᒍᑎᔪᒫᕐᐳᑦ, ᐅᖃᕐᓗᑎᒡᓗ, ᑐᐊᕕᕐᓗᑕ ᐊᑕᓂᐅᑉ ᓵᖓᓄᑦ ᑐᒃᓯᐊᕆᐊᕐᑐᓕᕐᑕ, ᕿᓚᖕᒥᐅᖔᓴᒡᔪᐃᑦ ᐊᑕᓂᖓᑦ ᕿᓂᕐᓗᒍ: ᐊᑕᓂᖅ ᐅᖃᕆᕗᖅ ᐅᕙᖓᑦᑕᐅ ᕾᔪᒪᒋᕗᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 11:23

ᑍᑯᖓ ᑎᑭᓐᓇᒥ ᑕᑯᕗᖅ ᒎᑎᐅᑉ ᓮᒻᒪᕐᑎᑦᓯᓂᖓᓂᒃ ᐃᓄᖕᓂᒃ, ᖁᕕᐊᓱᒃᐳᑦ; ᑲᔪᖏᕐᓴᕐᐰᑦ ᑕᒪᕐᒥᒃ ᑲᔪᓯᑦᓯᐊᖁᓪᓗᒋᑦ ᐊᑕᓂᕐᒥᒃ ᐊᑕᕕᖃᑦᓮᓐᓇᖁᓪᓗᒋᑦ.

ᒨᓯᓯ ᑕᓪᓕᒪᖏᑦ 12:11

ᑕᕝᕙᓂᓗ ᐊᑕᓂᖅ ᒎᑎᓯ ᓂᕈᐊᕈᒫᕐᐳᖅ ᐊᑕᐅᓯᕐᒥᒃ ᑖᑦᓱᒧᖓ ᑐᒃᓯᐊᖃᑦᑕᕐᕕᒃᓴᑦᓯᓐᓂᒃ, ᑕᕝᕙᓂ ᑐᓂᓯᖃᑦᑕᕐᕈᒫᕐᐳᓯ ᐃᓕᑦᓯᓐᓄᑦ ᐱᖁᔨᑦᔪᑎᒋᓯᒪᔭᓕᒫᓐᓂᒃ: ᑐᓂᕐᕈᑎᒃᓴᑦᓯᓐᓂᒃ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᑐᓂᕐᕈᑎᒃᓴᑦᓯᓐᓂᒃ ᑐᓂᓯᔪᓐᓇᖁᓪᓗᓯ, ᑕᓪᓕᒪᐅᔪᐃᕈᑎᒋᔭᓯᓗ ᐊᓯᖏᓪᓗ ᑐᓂᕐᕈᑎᒃᓴᕆᔭᓯ, ᑐᓂᔭᒃᓴᓯᓗ ᐱᓪᓚᕆᐅᔪᑦ ᐊᑕᓂᕐᒧᑦ ᑐᓂᔭᒃᓴᕆᓪᓗᒋᑦ ᐊᖏᕈᑎᒋᓯᒪᔭᓯ.

ᒨᓯᓯ ᑕᓪᓕᒪᖏᑦ 32:46

ᐃᓄᖕᓄᑦ ᐅᖃᕐᐳᖅ, “ᐆᒻᒪᑎᑦᓯᓐᓄᑦ ᑐᖅᑯᕐᓯᐅᒃ ᐅᖃᐅᓯᓕᒫᑦ ᐅᖃᐅᓯᕆᔭᒃᑲ, ᒪᓕᒃᑕᒃᓴᕆᕙᓯ ᐅᓪᓗᒥ ᐃᓕᑦᓯᓐᓄᑦ ᐅᖃᐅᓯᕆᓯᒪᔭᒃᑲ, ᕿᑐᕐᖓᑦᓯᓐᓄᑦ ᐊᔪᕆᕐᑐᐃᑦᔪᑎᒋᔭᒃᓴᕆᕙᓯ, ᑖᒃᑯᐊᑦᑕᐅᖅ ᑲᒪᑦᓯᐊᕐᓗᑎᒃ ᒪᓕᖁᓪᓗᒋᑦ ᐱᖁᔧᑦ ᐅᑯᐊ ᐅᖃᐅᓯᓕᒫᖏᓐᓂᒃ.

ᔮᓱᐊᑉ ᐊᒡᓚᖏᑦ 22:19

ᒫᓐᓇᓕ, ᓄᓇᖁᑎᑦᓯ ᑐᒃᓯᐊᕐᕕᒋᒋᐊᖓ ᓈᒻᒪᖏᐸᑦ, ᕾᓚᐅᕆᑦᓯ ᐃᑳᕐᓗᓯ ᑕᒪᐅᖓ ᐊᑕᓂᐅᑉ ᓄᓇᖓᓄᑦ, ᑐᐱᖁᑎᖓᓄᑦ ᓇᔪᕐᑕᖓᓄᓪᓗ, ᓄᓇᑖᕈᒪᓗᓯᓗ ᐊᑯᓐᓇᑦᑎᓐᓂ; ᑭᓯᐊᓂᓕ ᐊᑭᕋᕐᑐᓕᕐᑍᓕᒋᑦᓯ ᐊᑕᓂᕐᒥᒃ, ᐅᕝᕙᓘᓐᓃᑦ ᐊᑭᕋᕐᑐᓕᕐᑎᑦᑍᓕᑎᒍᑦ ᑐᓂᕐᕈᓯᕐᕕᓕᐅᕐᓂᑦᓯᓐᓄᑦ ᑐᓂᕐᕈᓯᕐᕕᒋᐊᓪᓚᖕᒥᒃ ᐊᑕᓂᕐᒧᑦ ᒎᑎᑦᑎᓐᓄᑦ.