ᑯᕉᓂᑲ ᐂᑉᐸᖏᑦ 10:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᑍᒫᒃ ᐊᖓᔪᖅᑳᕐᔪᐊᖅ ᓈᓚᓚᐅᓐᖏᓚᖅ ᐃᓄᖕᓂᒃ; ᐱᓂᐊᕐᓃᑦ ᒎᑎᐅᑉ ᑍᒤᑎᓚᐅᕐᐰᑦ, ᐊᑕᓂᐅᑉ ᐅᖃᐅᓯᖏᑦ ᓇᓚᐅᑦᓯᖁᓪᓗᒋᑦ, ᐊᕼᐂᔭᐅᑉ ᓮᓗᓁᑎᒥᐅᑕᐅᑉ ᐅᖃᐅᓯᕆᓚᐅᕐᑕᖏᑦ ᔨᕈᐳᐊᒻᒧᑦ ᓂᐹᑉ ᐃᕐᓂᖓᓄᑦ.

ᑯᕉᓂᑲ ᐂᑉᐸᖏᑦ 10:15 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 17:14

ᐋᑉᓴᓚᒻ ᐃᓴᕆᐊᓕᒥᐅᓕᒫᓪᓗ ᐅᖃᕐᐳᑦ, “ᕼᐅᓮᑉ ᐊᑬᑎᒥᐅᑕᐅᑉ ᐃᓱᒻᒥᕐᑐᐃᑦᔪᑎᒋᔭᖓ ᐱᐅᓂᕐᓴᐅᕗᖅ ᐊᕼᐃᑐᐱᐅᑉ ᐃᓱᒻᒥᕐᓱᐃᑦᔪᑎᖏᓐᓂᑦ.” ᐊᑕᓂᖅ ᐱᒋᐊᕐᑎᑦᓯᓚᐅᕐᒪᑦ ᐊᕼᐃᑐᐱᓕᐅᑉ ᐃᓱᒻᒥᕐᑐᐃᒍᑎᒋᔭᖓ ᐱᐅᔪᐊᓗᒃ ᒪᓕᒃᑕᐅᖁᓇᒍ, ᑲᑕᖕᓇᕐᑐᒧᑦ ᑎᑭᑎᑦᓯᔪᓐᓇᖁᓪᓗᒍ ᐋᑉᓴᓚᒻᒧᑦ.

ᐊᑕᓃᑦ ᓯᕗᓪᓖᑦ 12:15

ᐊᖓᔪᖅᑳᕐᔪᐊᖅ ᐃᓄᐃᑦ ᐅᖃᐅᓯᕆᔭᖏᓐᓂᒃ ᓈᓚᓚᐅᓐᖏᓚᖅ, ᐊᑕᓂᐅᑉ ᐅᖃᐅᓯᕆᓚᐅᕐᑕᖓ ᓇᓛᐅᑦᓯᖁᓪᓗᒍ, ᐊᑕᓂᖅ ᐅᖃᓚᐅᕐᒪᑦ ᐊᕼᐂᔭᒃᑯᑦ ᓮᓗᓁᑎᒥᐅᑕᒃᑯᑦ ᔨᕈᐳᐊᒻᒧᑦ ᓂᐹᑦ ᐃᕐᓂᖓᓄᑦ.

ᐊᑕᓃᑦ ᓯᕗᓪᓖᑦ 12:24

‘ᐊᑕᓂᖅ ᐃᒫᒃ ᐅᖃᕐᐳᖅ, ᐅᓇᑕᕆᐊᕐᑐᒃᓴᐅᓐᖏᓚᓯ ᓇᖕᒥᓂᖅ ᖃᑕᓐᖑᑎᑦᓯᓐᓄᑦ ᐃᓴᕆᐊᓕᒥᐅᓄᑦ. ᑕᒪᑦᓯ ᐊᖏᕐᕋᑐᐃᓐᓇᓕᕆᑦᓯ ᑕᒪᓐᓇ ᐱᐅᓯᕆᓕᕐᑕᓯ ᐅᕙᖓ ᑍᒤᑎᓐᓇᒃᑯ.’” ᐊᑕᓂᐅᑉ ᐅᖃᐅᓯᕆᔭᖏᑦ ᑎᓕᓯᑦᔪᑎᖏᓪᓗ ᓈᓚᒃᑕᐅᓚᐅᕐᐳᑦ, ᐊᖏᕐᕋᕐᓗᑎᒃ ᐊᑕᓂᐅᑉ ᐅᖃᐅᓯᖓ ᒪᓕᒡᓗᒍ.

ᐊᑕᓃᑦ ᓯᕗᓪᓖᑦ 22:20

ᐊᑕᓂᕐᓗ ᐅᖃᕐᐳᖅ, ‘ᑭᓈ ᑎᓕᐅᕆᓂᐊᕐᐹ ᐂᕼᐊᑉᒥᒃ, ᐅᓇᑕᕆᐊᖁᓪᓗᒍ ᑐᖁᑕᐅᖁᓪᓗᒍ ᕌᒪᑦ-ᒋᓖᑦᒥ?’ ᐃᓚᖓ ᐃᒫᒃ ᐅᖃᕐᐳᖅ, ᐊᓯᐊᓗ ᐊᓯᐊᓂᒃ ᐅᖃᕆᓪᓗᓂ.

ᑯᕉᓂᑲ ᐂᑉᐸᖏᑦ 10:14

ᑕᕝᕙ ᐅᖃᐅᑎᕔᑦ ᐃᓅᓱᒃᑐᐃᑦ ᐅᖃᐅᓯᖏᑦ ᒪᓕᒡᓗᒋᑦ, ᐅᖃᕐᓗᓂ, “ᐊᑖᑕᒪ ᐅᖁᒤᑦᑐᓂᒃ ᓇᖕᒪᒃᑎᓚᐅᕐᐹᓯ, ᐅᕙᖓᓕ ᐃᓚᒋᐊᕈᒪᕙᒃᑲ; ᐊᑖᑕᒪ ᓱᒋᐊᓚᐅᕐᐹᓯ ᐃᐸᕋᐅᑕᕐᒧᑦ, ᐅᕙᖓᓕ ᓱᒋᐊᕈᒫᕐᐸᑦᓯ ᑏᒐᕈᑎᓄᑦ ᓴᑯᐊᕐᐱᐅᓂᓄᑦ.”

ᑯᕉᓂᑲ ᐂᑉᐸᖏᑦ 11:4

‘ᐊᑕᓂᖅ ᐃᒫᒃ ᐅᖃᕐᐳᖅ: ᐅᓇᑕᕆᐊᕐᑐᒃᓴᐅᓐᖏᓚᓯ ᖃᑕᓐᖑᑎᑦᓯᓐᓄᑦ. ᐊᑕᖏᕐᓗᓯ ᐅᑎᓕᕆᑦᓯ ᐊᖏᕐᕋᑦᓯᓐᓄᑦ, ᑕᒪᓐᓇ ᐱᓂᐊᕐᓂᖅ ᐅᕙᓐᓂᑦ ᐱᖕᒪᑦ.’” ᑕᕝᕙ ᐊᑕᓂᐅᑉ ᐅᖃᐅᓯᖏᓐᓂᒃ ᓈᓚᒃᐳᑦ, ᐅᑎᕐᓗᑎᒡᓗ ᐅᓇᑕᕆᐊᕋᑎᒃ ᔨᕈᐳᐊᒻᒥᒃ.

ᑯᕉᓂᑲ ᐂᑉᐸᖏᑦ 22:7

ᔨᕼᐅᕌᒻᒧᑦ ᐳᓛᕆᐊᕐᓂᖓ ᒎᑎᐅᑉ ᐋᖅᑭᒃᓯᒪᓚᐅᕐᐹ ᐊᕼᐊᔧᐊᐅᑉ ᑲᑕᒍᑎᒃᓴᖓᓄᑦ. ᑎᑭᓐᓇᒥᓗ ᑕᕝᕗᖓ ᔨᕼᐅᕋᒻ ᑲᑎᓯᔭᕐᑐᖃᑎᒋᕚ ᔨᕼᐆᒥᒃ ᓂᒻᓮᑉ ᐃᕐᓂᖓᓂᒃ, ᑖᓐᓇ ᐊᑕᓂᐅᑉ ᐱᔪᓐᓇᕐᓂᕐᑖᕐᑎᓚᐅᕐᒪᒍ ᐊᓯᕈᐃᖁᓪᓗᒍ ᐂᕼᐊᑉ ᐃᓚᖏᓐᓂᒃ.

ᑯᕉᓂᑲ ᐂᑉᐸᖏᑦ 9:29

ᓲᓗᒨᓂᐅᑉ ᐱᓂᐊᕐᓂᕆᓚᐅᕐᑕᖏᑕ ᐃᓚᖏᑦ, ᐱᒋᐊᕐᓂᖓᓂᑦ ᐃᓱᐊᓄᑦ, ᑎᑎᕋᕐᑕᐅᓯᒪᕗᑦ ᓁᑕᓂᐅᑉ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐱᕙᓪᓕᐊᓯᒪᔪᓂᒃ ᐊᒡᓚᖁᑎᖏᓐᓂ, ᐊᕼᐂᔭᐅᓪᓗ ᓮᓗᓁᑎᒥᐅᑦ ᐅᖃᓪᓚᖕᓂᖏᓐᓂ, ᐃᑑᓪᓗ ᑕᑯᑎᑕᐅᓂᖓᒍᑦ ᓯᕗᓂᒃᓴᒥᒃ ᔨᕈᐳᐊᒻ ᓂᐹᑦ ᐃᕐᓂᖓᓂᒃ ᐱᑦᔪᑎᖃᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 19:14

ᐊᑕᓂᐅᑉ ᓇᓗᓕᕐᓇᕐᑐᒥᒃ ᐊᓂᕐᓂᕐᒥᒃ ᑯᕕᓯᕕᒋᓯᒪᖕᒪᒋᑦ; ᑍᒃᑯᐊ ᐄᑦᔨᑉᑎᒥᐅᑦ ᐅᕐᕈᔮᓕᕐᐳᑦ ᖃᓄᐃᓕᐅᕐᓂᓕᒫᒥᒃᑎᒍᑦ ᐋᖓᔮᕐᑐᑎᑐᑦ ᒥᕆᐊᒥᖕᓄᑦ ᖁᐊᔭᕿᑦᑖᕐᑐᑎᑐᑦ.

ᔪᐊᓇᓯᐅᑉ ᐊᒡᓚᖏᑦ 19:24

ᑕᕝᕙ ᐅᓇᑕᕐᑐᒃᓮᑦ ᐃᒻᒥᖕᓄᑦ ᐅᖃᖃᑦᑕᐅᑎᕗᑦ, “ᑖᓐᓇ ᐊᕕᒍᓐᓁᕐᓚᕗᑦ; ᓇᓚᐅᑦᓵᕐᓗᑕᓕ ᒪᑭᑦᓯᒋᐊᖃᑦᑕᓕᕐᑕ ᓇᓪᓕᐊᑦᑕ ᐱᓂᐊᕐᒪᖔᒍ.” ᑕᒪᓐᓇ ᐊᑐᕐᑕᐅᓚᐅᕐᐳᖅ ᐊᒡᓔᑦ ᓇᓚᐅᑦᓯᖁᓪᓗᒋᑦ ᐃᒤᓕᔪᑦ, “ᐊᓐᓄᕌᒃᑲ ᐃᒻᒥᖕᓄᑦ ᐊᑐᓂᑦ ᐊᒡᒍᓚᐅᕐᐰᑦ, ᐅᓕᒡᔪᐊᕋᓗ ᓇᓚᐅᑦᓵᕈᑎᒋᓚᐅᕐᐹᑦ.” ᑕᕝᕙ ᐅᓇᑕᕐᑐᒃᓮᑦ ᑍᒤᓕᐅᓚᐅᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:23

ᑖᓐᓇ ᔩᓱᓯ, ᒎᑎᐅᑉ ᐱᖁᔨᓯᒪᓂᖓ ᐸᕐᓇᒃᓯᒪᓪᓚᕆᖕᓂᖓᓗ ᒪᓕᒡᓗᒍ ᐃᓕᑦᓯᓐᓄᑦ ᑎᒍᔭᐅᑎᑕᐅᓚᐅᕐᐳᖅ, ᑖᓐᓇ ᑭᑭᐊᒃᑐᕐᑕᐅᑎᓚᐅᕐᐸᓯ ᑐᖁᑕᐅᑎᓪᓗᒍᓗ ᐃᓄᖕᓄᑦ ᐊᔪᕐᑐᓕᔪᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 4:28

ᑖᒃᑯᐊ ᑍᒤᓕᐅᓚᐅᕐᐳᑦ ᐋᖅᑭᒃᓯᒪᔭᕇᕐᑍᑦ ᐱᔪᓐᓇᕐᓂᕐᓄᑦ ᐱᓇᓱᐊᕈᒪᓯᒪᔧᑦ ᐱᓂᐊᕈᑎᒋᓪᓗᒍ,

ᒨᓯᓯ ᑕᓪᓕᒪᖏᑦ 2:30

“ᕼᐃᓴᐸᓂᒥᓕ ᐊᖓᔪᖅᑳᕐᔪᐊᖅ ᓮᕼᐆᓂ ᓄᓇᒥᒍᑦ ᐊᖅᑯᓵᖁᔨᓚᐅᓐᖏᓚᖅ ᐅᕙᑦᑎᓐᓂᒃ. ᐊᑕᓂᐅᑉ ᒎᑎᑦᓯ ᐊᖓᔪᖅᑳᕐᔪᐊᑉ ᐆᒻᒪᑎᖓ ᓯᑎᔫᑎᓚᐅᕐᒪᒍ ᓈᒻᒪᒃᓴᖏᑦᑑᑎᑦᓱᓂᐅᒡᓗ, ᓵᓚᖃᕈᓐᓇᖁᓪᓗᑕ ᓄᓇᖁᑎᖓᓗ ᓄᓇᖁᑎᑖᕆᓗᒍ, ᒫᓐᓇ ᓱᓕ ᑖᓐᓇ ᓇᔪᕐᐸᕗᑦ.

ᐃᓗᐊᕐᓮᔩᑦ ᐊᒡᓚᖏᑦ 14:4

ᐊᑖᑕᖓᓕ ᐊᓈᓇᖓᓗ ᖃᐅᔨᒪᓚᐅᓐᖏᓚᒃ ᐊᑕᓂᕐᒥᑦ ᑕᒪᓐᓇ ᐱᖕᒪᖔᑦ; ᑍᒤᑎᑦᓯᓚᐅᕐᒪᑦ ᐱᕕᒃᓴᓕᐅᕐᓗᓂ ᐱᓕᔅᑍᓂᒥᐅᓂᒃ ᐊᑭᓂᐊᕈᑎᒃᓴᒧᑦ. ᑍᑦᓱᒪᓂ ᐱᓕᔅᑍᓂᒥᐅᑦ ᐊᐅᓚᑦᓯᓚᐅᕐᒪᑕ ᐃᓴᕆᐊᓕᒥᐅᓂᒃ.

ᓴᒧᐃᓕ ᓯᕗᓪᓖᑦ 2:25

ᐃᓄᒃ ᐊᔪᕐᑐᓕᒃᐸᑦ ᐃᓅᖃᑎᒥᓄᑦ, ᒎᑎᐅᑉ ᓴᐳᑎᔪᓐᓇᕐᐹ; ᐊᑕᓂᕐᒧᓪᓕ ᐊᔪᕐᑐᓕᒃᐸᑦ, ᑭᓇᒧᑦ ᓴᐳᓐᓂᐊᕐᑕᐅᔪᓐᓇᕐᐹ?” ᓈᓚᓚᐅᓐᖏᓚᓪᓕ ᐊᑖᑕᖓᑕ ᐅᖃᐅᓯᖏᓐᓂᒃ; ᑕᕝᕙ ᐊᑕᓂᐅᑉ ᑐᖁᑦᓱᒪᓕᓚᐅᕐᐰᑦ.