ᑯᕉᓂᑲ ᐂᑉᐸᖏᑦ 1:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᓲᓗᒨᓂᐅᓪᓗ ᒎᑎ ᐅᖃᐅᑎᕚ, “ᓈᒃᑭᒍᓱᕕᒡᔪᐊᕐᓯᒪᒐᕕᑦ ᓇᒡᓕᒍᓱᒃᓗᑎᓪᓗ ᐊᑖᑕᓐᓂᒃ ᑍᕕᑎᒥᒃ, ᐊᖓᔪᖅᑳᕐᔪᐊᓐᖑᕐᑎᓯᒪᕙᕐᒪᓗ ᑖᑦᓱᒥᖓ ᐃᓇᖐᑎᓪᓗᖓ.

ᑯᕉᓂᑲ ᐂᑉᐸᖏᑦ 1:8 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 22:51

ᐊᖏᔪᒥᒃ ᓵᓚᖃᕐᑎᑦᓯᕗᖅ ᐊᖓᔪᖅᑳᕐᔪᐊᖁᑎᒥᓂᒃ; ᓇᒡᓕᒍᓱᐃᓐᓇᕐᓂᕐᒥᓂᒃ ᓴᖅᑭᑎᑦᓯᕗᖅ ᐅᕐᓱᕐᑎᕐᓯᒪᔭᒥᓄᑦ, ᑍᕕᑎᒧᑦ, ᑭᖑᕚᖏᓐᓄᓪᓗ ᐃᓱᖃᖏᑦᑐᒧᑦ.”

ᐊᑕᓃᑦ ᓯᕗᓪᓖᑦ 3:6

ᓲᓗᒨᓂ ᑭᐅᕗᖅ “ᓇᒡᓕᒍᓱᖕᓂᕐᓂᒃ ᐊᖏᔪᒥᒃ ᓱᖁᓯᔪᐃᑦᑐᒥᒃ ᐱᔨᖕᓄᑦ ᐊᑖᑕᓐᓄᑦ ᑍᕕᑎᒧᑦ ᓴᖅᑭᑎᑦᓯᓯᒪᕗᑎᑦ, ᑖᓐᓇ ᐃᓅᓯᖃᓚᐅᕐᒪᑦ ᐃᓕᖕᓂᒃ ᒪᓕᑦᓯᐊᕐᓱᓂ, ᐃᓱᐊᕐᑐᓕᓂᕐᒥ, ᑲᔪᓯᑦᓯᐊᕐᓗᓂᓗ ᐆᒻᒪᑎᒥᒍᑦ ᐃᓕᖕᓄᑦ; ᓇᓗᓁᕐᓯᕕᒋᓯᒪᒐᕕᐅᒡᓗ ᐊᖏᔪᐊᓗᖕᒥᒃ ᓇᒡᓕᖕᓂᕐᓂᒃ ᓱᕐᕋᔪᐃᑦᑐᒥᒃ, ᐃᕐᓂᕐᑖᕐᑎᓪᓗᒍ ᐊᖓᔪᖅᑳᕐᔪᐊᖑᕕᖓᓂ ᐃᒃᓯᕙᓂᐊᕐᑐᒥᒃ ᐅᓪᓗᒥ ᐊᑐᓕᕐᑐᒥᒃ.

ᑯᕉᓂᑲ ᓯᕗᓪᓖᑦ 17:16

ᑕᕝᕙ ᐊᖓᔪᖅᑳᕐᔪᐊᖅ ᑍᕕᑎ ᐃᑎᕋᒥ ᐃᖏᑉᐳᖅ ᐊᑕᓂᐅᑉ ᓵᖓᓄᑦ; ᐅᖃᕐᓗᓂᓗ, “ᖃᓄᐃᑦᑑᕗᖔ, ᐊᑕᓃᖅ ᒎᑏᒃ? ᐃᓚᒃᑲᓗ ᖃᓄᐃᑦᑑᕙᑦ, ᑕᒪᐅᖓ ᑎᑭᐅᑎᑎᓯᒪᓕᕋᕕᓐᖓ?

ᑯᕉᓂᑲ ᓯᕗᓪᓖᑦ 28:5

ᐃᕐᓂᓕᒫᓐᓂᓪᓗ (ᐊᑕᓂᐅᑉ ᐃᕐᓂᕐᑖᕐᑎᓚᐅᕐᒪᖓ ᐅᓄᕐᑐᓂᒃ) ᓂᕈᐊᓚᐅᕐᐹ ᐃᕐᓂᕋ ᓲᓗᒨᓂ ᐃᒃᓯᕙᐅᑕᕐᔪᐊᕐᒥ ᐃᒃᓯᕙᖁᓪᓗᒍ ᐊᑕᓂᐅᑉ ᐊᖓᔪᖅᑲᐅᕕᖓᓂ ᐃᓴᕆᐊᓕᒥᐅᓂ.

ᑯᕉᓂᑲ ᓯᕗᓪᓖᑦ 29:23

ᑕᕝᕙ ᓲᓗᒨᓂ ᐃᖏᑉᐳᖅ ᐊᑕᓂᐅᑉ ᐃᒃᓯᕙᐅᑕᕐᔪᐊᖓᓄᑦ ᐊᖓᔪᖅᑳᕐᔪᐊᓐᖑᕐᓗᓂ ᐊᑖᑕᓂ ᑍᕕᑎ ᐃᓇᖏᕐᓗᒍ; ᐱᔪᓐᓇᕐᓯᕙᓪᓕᐊᕗᕐᓗ, ᐃᓴᕆᐊᓕᒥᐅᓕᒫᓪᓗ ᓈᓚᒃᐹᑦ.

ᑯᕉᓂᑲ ᓯᕗᓪᓖᑦ 29:28

ᑕᕝᕙ ᑭᖑᓂᖓᒍᑦ ᑐᖁᕗᖅ ᐃᓄᑐᖃᐅᑦᓯᐊᓕᕐᓗᓂ, ᐅᓪᓗᖏᑦ ᓈᑦᓯᐊᕐᓗᒋᑦ, ᐊᒃᓗᐃᑦᑑᓚᐅᕐᐳᖅ ᐅᐱᒋᔭᐅᓪᓗᓂᓗ; ᓲᓗᒨᓂᓗ ᑍᕕᑎᐅᑉ ᐃᕐᓂᖓ ᐊᐅᓚᑦᓯᓕᓚᐅᕐᐳᖅ ᑖᑦᓱᒥᖓ ᐃᓇᖐᓪᓗᓂ.

ᐃᓐᖏᕈᑎᑦ 86:13

ᐅᕙᓐᓄᑦ ᓱᖁᓯᔪᐃᑦᑐᒥᒃ ᓇᒡᓕᖕᓂᖃᕋᕕᑦ; ᑕᕐᓂᕋ ᓴᐳᑎᓚᐅᕋᕕᐅᒃ ᑲᑉᐱᐊᓇᕐᑐᕐᔪᐊᕐᒥᑦ ᑐᖁᖓᔪᑦ ᐃᓂᖓᓂᑦ.

ᐃᓐᖏᕈᑎᑦ 89:49

ᐊᑕᓃᖅ ᑍᑦᓱᒪᓂᐊᓗᒃ ᓱᖁᓯᔪᐃᑦᑐᒥᒃ ᓇᒡᓕᖕᓂᕆᓚᐅᕐᑍᑦ ᖃᓄᐃᓕᖓᓕᕐᒪᑦ? ᓱᖁᓯᔪᐃᑦᑑᓂᕐᓄᑦ ᐊᖏᕈᑎᒋᒻᒪᕆᓚᐅᕐᑍᑦ ᑍᕕᑎᒧᑦ?

ᐂᓮᐊᓯᐅᑉ ᐊᒡᓚᖏᑦ 55:3

ᓯᐅᑎᓯ ᒪᓂᓗᒋᒃ, ᐅᕙᓐᓄᑦ ᕾᓗᓯ; ᑐᓵᑦᓯᐊᕆᑦᓯ ᑕᕐᓂᓯ ᐃᓅᖁᓪᓗᒋᑦ; ᐊᖏᖃᑎᒋᔪᒪᕙᒋᑦ ᐃᓱᖃᖏᑦᑐᒧᑦ ᐊᑐᕐᓂᐊᕐᑐᒥᒃ, ᑍᕕᑎᒧᑦ ᐊᖏᖃᑎᒌᒍᑎᒋᓚᐅᕐᑕᓐᓂᒃ ᓇᒡᓕᒍᓱᖕᓂᓐᓂᒃ ᓱᖁᓯᕐᓂᐊᖏᑦᑐᒥᒃ.