ᑯᕉᓂᑲ ᐂᑉᐸᖏᑦ 1:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᓲᓗᒨᓂ ᐃᓴᕆᐊᓕᒥᐅᓕᒫᓄᑦ ᐅᖃᓪᓚᓚᐅᕐᐳᖅ ᐊᖓᔪᖅᑳᐅᑎᓄᑦ 1,000ᓄᑦ 100ᓄᓪᓗ, ᐃᓱᐊᕐᓮᔨᓄᑦ, ᓯᕗᓕᕐᑎᓕᒫᓄᓪᓗ ᐃᓴᕆᐊᓕᒦᑦᑐᓄᑦ, ᐊᖓᔪᖅᑳᖑᔪᓄᓪᓗ ᐃᓚᒌᓄᑦ.

ᑯᕉᓂᑲ ᐂᑉᐸᖏᑦ 1:2 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 3:4

ᑕᕝᕙ ᐊᖓᔪᖅᑳᕐᔪᐊᖅ ᒋᐱᐅᓂᒧᐊᕐᐳᖅ ᑐᓂᕐᕈᓯᕆᐊᕐᑐᕐᓱᓂ ᑖᓐᓇ ᑐᓂᕐᕈᓯᕐᕕᒃ ᐅᓄᕐᑐᓄᑦ ᖃᐅᔨᒪᔭᐅᖕᒪᑦ, ᓲᓗᒨᓂ ᐅᓄᕐᑐᕐᔪᐊᓂᒃ 1000 ᐅᖓᑖᓂᑦᑐᓂᒃ ᑕᕝᕙᓂ ᑐᓂᕐᕈᑎᓂᒃ ᑐᓂᕐᕈᓯᖃᑦᑕᕐᓯᒪᒐᒥ ᑕᒪᑐᒪ ᓯᕗᓂᖓᒍᑦ.

ᑯᕉᓂᑲ ᓯᕗᓪᓖᑦ 13:1

ᑕᕝᕙ ᑍᕕᑎ ᐅᖃᖃᑎᖃᓚᐅᕐᐳᖅ ᐊᖓᔪᖅᑲᐅᔪᓄᑦ ᑕᐅᓴᓐᑎᓄᑦ 100ᓄᓪᓗ, ᓯᕗᓕᕐᑎᓕᒫᓄᓪᓗ.

ᑯᕉᓂᑲ ᓯᕗᓪᓖᑦ 15:12

ᐅᖃᐅᑎᓪᓗᒋᓪᓗ, “ᐃᓕᑦᓯ ᐊᖓᔪᖅᑳᖑᒐᑦᓯ ᐊᑖᑕᑦᓯ ᐃᓚᒋᔭᖏᓐᓂ ᓕᕔᑎᓂ; ᐃᑦᔪᕐᓁᓕᑎᕆᑦᓯ, ᐃᓚᒋᔭᓯᓗ, ᐂᒃᓯᕈᓐᓇᖁᓪᓗᓯ ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑕ ᐃᒃᓯᕐᕕᖁᑎᖓᓂᒃ, ᐃᓕᔭᐅᖁᓪᓗᒍ ᐃᓂᒃᓴᖓᓄᑦ ᐊᑐᐃᓐᓇᕈᓚᐅᕐᑕᓐᓄᑦ.

ᑯᕉᓂᑲ ᓯᕗᓪᓖᑦ 15:3

ᑍᕕᑎᐅᓪᓗ ᐃᓴᕆᐊᓕᒥᐅᓕᒫᑦ ᑲᑎᑎᑦᐰᑦ ᔨᕉᓴᓕᒧᑦ, ᐊᑕᓂᐅᑉ ᐃᒃᓯᕐᕕᖁᑎᖓ ᑎᑭᐅᑦᔭᐅᖁᓪᓗᒍ ᐃᓕᔭᐅᖁᓪᓗᒍᓗ ᐃᓂᖓᓄᑦ, ᐃᓂᒃᓴᓕᐊᕆᓚᐅᕐᑕᒥᓄᑦ.

ᑯᕉᓂᑲ ᓯᕗᓪᓖᑦ 24:31

ᑖᒃᑯᐊᓗ ᓇᓚᐅᑦᑖᕈᑎᒧᑦ ᐱᓇᓱᐊᕐᑕᐅᒋᕗᑦ ᐂᕉᓂᐅᑉ ᐃᕐᓂᖏᑎᑐᑦ, ᐊᖓᔪᖅᑳᕐᔪᐊᕐᒧᑦ ᑍᕕᑎᒧᑦ, ᔭᑑᒃᒧᑦ, ᐊᕼᐃᒥᓕᒃᒧᓪᓗ, ᐊᖓᔪᖅᑳᖑᓂᐊᕐᑐᑦ ᐊᑖᑕᖏᑕ ᐃᓚᖏᓐᓂ ᑐᓂᕐᕈᓯᕐᑎᑦᓯᔨᓄᑦ ᓕᕔᑎᓄᓪᓗ.

ᑯᕉᓂᑲ ᓯᕗᓪᓖᑦ 24:4

ᐃᓕᓯᕆᐅᑉ ᐃᕐᓂᖏᑦ ᐊᖓᔪᖅᑳᖑᔪᑦ ᐅᓄᕐᓂᕐᓴᐅᓚᐅᕐᐳᑦ ᐃᑕᒫᕆᐅᑉ ᐃᕐᓂᖏᓐᓂᑦ, ᑖᒃᑯᐊ ᒪᓕᒡᓗᒋᑦ ᐊᕕᒃᑐᕐᑕᐅᕗᑦ ᐃᓕᓯᕆᐅᑉ ᐃᕐᓂᖏᑦ 16ᖑᓚᐅᕐᒪᑕ ᐊᖓᔪᖅᑳᖑᔪᑦ ᓯᕗᓕᖏᑕ ᐃᓚᖏᓐᓂ, ᐃᑕᒫᕆᐅᓪᓗ ᐃᕐᓂᖏᑦ ᓯᑕᒪᐅᔪᕐᑑᑎᓪᓗᒋᑦ ᐊᖓᔪᖅᑳᖑᔪᑦ ᓯᕗᓕᖏᑕ ᐃᓚᖏᓐᓂ.

ᑯᕉᓂᑲ ᓯᕗᓪᓖᑦ 27:1

ᐃᓴᕆᐊᓕᒃᑯᑦ ᐃᓄᖏᑕ ᐅᓄᕐᓂᖏᑦ ᒪᓕᒡᓗᒋᑦ ᑎᑎᕋᕐᑕᐅᓯᒪᕗᑦ, ᐊᖓᔪᖅᑳᑦ ᐊᑖᑕᖏᑕ ᐃᓚᖏᓐᓄᑦ, ᐊᖓᔪᖅᑳᑦ ᑕᐅᓴᓐᑎᓄᑦ 100ᓄᓪᓗ ᐊᖓᔪᖅᑳᖁᑎᖏᓪᓗ, ᐱᔨᑦᓯᕐᑎᐅᔪᑦ ᐊᖓᔪᖅᑳᕐᔪᐊᕐᒧᑦ ᓱᓇᓕᒫᓂᒃ ᐅᓇᑕᕐᑐᒃᓮᑦ ᐊᒡᒍᕐᑕᐅᓯᒪᓂᖏᓐᓄᑦ, ᑖᒃᑯᐊ ᐊᕕᒃᑐᕐᑕᐅᓯᒪᓂᖏᑦ ᑎᑭᑉᐸᓪᓕᐊᔪᑦ ᐊᐅᓪᓚᕐᐸᓪᓕᐊᔪᓪᓗ, ᑕᖅᑭᑕᒫᑦ ᐊᕐᕌᒎᑉ ᐃᓗᐊᓂ, ᐊᕕᒃᑐᕐᑕᐅᓯᒪᔪᑦ ᐅᓄᕐᓂᖃᕐᐳᑦ 24,000ᓂᒃ.

ᑯᕉᓂᑲ ᓯᕗᓪᓖᑦ 28:1

ᑍᕕᑎᐅᓪᓗ ᐃᓴᕆᐊᓕᒥᐅᓄᑦ ᓯᕗᓕᕐᑎᓕᒫᑦ ᑲᑎᖁᕔᑦ ᔨᕉᓴᓕᒧᑦ, ᐅᑯᐊ ᐊᖓᔪᖅᑳᑦ ᑭᖑᕚᕇᓄᑦ, ᐊᖓᔪᖅᑳᑦ ᐊᕕᒃᑐᕐᓯᒪᔪᓄᑦ ᐊᖓᔪᖅᑳᕐᔪᐊᒧᑦ ᐱᔨᑦᓯᕐᑎᓄᑦ, ᐊᖓᔪᖅᑳᑦ ᑕᐅᓴᓐᑎᓄᑦ, ᐊᖓᔪᖅᑳᓪᓗ 100ᓄᑦ, ᐱᖁᑎᖏᓐᓄᑦ ᐆᒪᔪᖁᑎᖏᓐᓄᓪᓗ ᑲᒪᔨᐅᔪᑦ ᐊᖓᔪᖅᑳᕐᔪᐊᓪᓗ ᐃᕐᓂᖏᓐᓄᑦ, ᐊᖓᔪᖅᑳᕐᔪᐊᓪᓗ ᐃᒡᓗᕐᔪᐊᖓᓄᑦ ᐊᖓᔪᖅᑳᖑᔪᑦ, ᐊᔪᖏᑦᑐᕐᔪᐊᓪᓗ ᑲᑉᐱᐊᓱᖏᑦᑐᑦ, ᖃᖓᓕᒫᒃᑯᓪᓗ ᐅᓇᑕᕐᑎᒻᒪᕆᐅᔪᑦ.

ᑯᕉᓂᑲ ᓯᕗᓪᓖᑦ 29:1

ᑕᕝᕙ ᐊᖓᔪᖅᑳᕐᔪᐊᖅ ᑍᕕᑎ ᐅᖃᕐᐳᖅ ᑲᑎᒪᔪᓕᒫᓄᑦ: “ᐃᕐᓂᕋ ᓲᓗᒨᓂ, ᒎᑎᐅᑉ ᓇᖕᒥᓂᖅ ᓂᕈᐊᓚᐅᕐᒪᒍ, ᐃᓅᓱᒃᑑᖕᒪᑦ ᐱᓇᓱᐊᓚᐅᕐᓯᒪᓇᓂᓗ, ᑕᒪᓐᓇᓗ ᐱᓇᓱᐊᒐᒃᓴᖅ ᐊᖏᔪᐊᓘᖕᒪᑦ; ᐃᓄᖕᒧᓪᓗ ᐃᒡᓗᒃᓴᕆᔭᐅᑦᔮᓇᓂ ᐊᑕᓂᕐᒧᓪᓕ ᒎᑎᒧᑦ ᐃᒡᓗᕐᔪᐊᒃᓴᐅᓂᐊᕐᐳᖅ.

ᑯᕉᓂᑲ ᐂᑉᐸᖏᑦ 1:3

ᓲᓗᒨᓂᓗ, ᑲᑎᒪᔪᓕᒫᓪᓗ ᐃᓚᒋᓪᓗᒋᑦ ᒋᐱᐅᓂᒧᑦ ᐂᕗᑦ ᐱᓪᓗᐊᑕᕆᔭᐅᔪᒧᑦ; ᑐᐱᕐᒧᑦ ᒎᑎᒧᑦ ᑐᒃᓯᐊᕐᕕᐅᕙᒃᑐᒧᑦ, ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᓴᓇᓚᐅᕐᑕᖓᓄᑦ ᐃᓄᖃᔪᐃᑦᑐᒥ.

ᑯᕉᓂᑲ ᐂᑉᐸᖏᑦ 29:20

ᑕᕝᕙ ᐊᖓᔪᖅᑳᕐᔪᐊᖅ ᕼᐃᓯᑬᐊ ᐅᓪᓛᒻᒪᕆᒃᑯᑦ ᒪᑭᑉᐳᖅ ᐃᒡᓗᒐᓴᖕᓂᓗ ᐊᐅᓚᑦᓯᔩᑦ ᑲᑎᕐᓱᕐᐰᑦ, ᑕᑉᐸᐅᓐᖓᕐᓗᑎᒡᓗ ᐊᑕᓂᐅᑉ ᐃᒡᓗᖓᓄᑦ.

ᑯᕉᓂᑲ ᐂᑉᐸᖏᑦ 30:2

ᐊᖓᔪᖅᑳᕐᔪᐊᖅ ᐊᖓᔪᖅᑳᖁᑎᖏᓪᓗ ᐃᓄᓕᒫᓪᓗ ᔨᕉᓴᓕᒥ ᐊᖏᖃᑎᒌᓚᐅᕐᒪᑕ ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕈᒪᓪᓗᑎᒃ ᑕᖅᑭᐅᑉ ᐂᑉᐸᖓᓂ.