ᑯᕉᓂᑲ ᐂᑉᐸᖏᑦ 1:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᒎᑎᐅᑉ ᓲᓗᒨᓂ ᑭᐅᕚ, “ᑕᒪᓐᓇ ᐆᒻᒪᒻᒥᐅᑕᕆᒐᕕᐅᒃ, ᑐᒃᓯᐊᕈᑎᖃᕐᓇᒡᓗ ᐱᖁᑎᖃᕐᓂᕐᒥᒃ, ᐊᒃᓗᐃᓐᓂᕐᒥᒃ, ᐅᐱᒋᔭᐅᓂᕐᒥᒃ, ᐊᑭᕋᑎᓪᓘᓐᓃᑦ ᓄᖑᑕᐅᖁᓗᒋᑦ, ᐅᕝᕙᓘᓐᓃᑦ ᐃᓅᑯᑖᒍᒪᓂᕐᒥᒃ, ᓯᓚᑐᓂᕐᒥᒡᓕ ᖃᐅᔨᒪᓂᕐᒥᒡᓗ ᑐᒃᓯᐊᕈᑎᖃᕋᕕᑦ ᐊᐅᓚᑦᓯᑦᓯᐊᕈᒪᓪᓗᑎᑦ ᐃᓄᖁᑎᓐᓂᒃ ᐊᖓᔪᖅᑳᕐᔪᐊᓐᖑᕐᑎᑕᐅᕕᒋᔭᕐᓂᒃ,

ᑯᕉᓂᑲ ᐂᑉᐸᖏᑦ 1:11 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 10:24

ᓯᓚᕐᔪᐊᕐᒥᐅᓕᒫᓂᑦ ᑕᑯᔭᕐᑐᕈᒪᔭᐅᓚᐅᕐᐳᑦ ᓲᓗᒨᓂᐅᑉ ᓯᓚᑐᓂᖓᓂᒃ ᑐᓴᕈᒪᓪᓗᑎᒃ, ᒎᑎᐅᑉ ᑐᓂᔭᖏᓐᓂᒃ ᑖᑦᓱᒪ ᐃᓱᒪᖓᓄᑦ.

ᐊᑕᓃᑦ ᓯᕗᓪᓖᑦ 3:28

ᐃᓴᕆᐊᓕᐅᑉ ᐃᓄᓕᒫᖏᑦ ᑕᒪᑐᒥᖓ ᑐᓴᕋᒥᒃ ᐊᖓᔪᖅᑳᕐᔪᐊᑉ ᑐᑭᑖᕈᑎᖓᓂᒃ, ᐊᖏᔪᐊᓗᖕᒥᑉ ᑲᒪᓕᕐᐳᑦ ᐊᖓᔪᖅᑳᕐᔪᐊᒥᒃ, ᖃᐅᔨᒐᒥᒃ ᒎᑎᐅᑉ ᓯᓚᑐᓂᖓ ᑖᑦᓱᒪᓃᒻᒪᑦ, ᓱᓕᔪᒥᒃ ᐱᓇᓱᐊᖁᓪᓗᒍ.

ᐊᑕᓃᑦ ᓯᕗᓪᓖᑦ 8:18

ᐊᑕᓂᕐᓕ ᐅᖃᓚᐅᕐᐳᖅ ᑍᕕᑎᒧᑦ ᐊᑖᑕᓐᓄᑦ, ‘ᐆᒻᒪᒻᒥᐅᑕᖃᓚᐅᕋᕕᑦ ᐃᒡᓗᓕᐅᕆᔪᒪᓪᓗᑎᑦ ᐊᑎᓐᓂᒃ, ᓈᒻᒪᓈᓚᐅᕐᐳᑎᑦ ᐃᓱᒪᒋᔭᕐᓂᒃ;

ᑯᕉᓂᑲ ᓯᕗᓪᓖᑦ 28:2

ᑕᕝᕙ ᐊᖓᔪᖅᑳᕐᔪᐊᖅ ᑍᕕᑎ ᓂᑯᕕᑉᐳᖅ ᐅᖃᕐᓗᓂᓗ: “ᑐᓴᕐᓯᓐᖓ, ᖃᑕᓐᖑᑎᒃᑳ ᐃᓄᖁᑎᒃᑲᓗ; ᐆᒻᒪᒥᐅᑕᕆᓚᐅᕐᐸᕋ ᐃᒡᓗᓕᐅᕈᒪᓪᓗᖓ ᐊᑕᓂᕐᒧᑦ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᐃᓂᖃᑦᓯᐊᖁᓪᓗᒍ, ᒎᑎᑦᑕᓗ ᐃᑎᒐᖏᑦ ᐃᑯᕐᕋᒃᓴᖃᖁᓪᓗᒋᑦ; ᐅᐸᓗᖎᔭᓚᐅᕐᐳᖓᓗ ᐃᒡᓗᓕᐅᕈᒪᓪᓗᖓ.

ᑯᕉᓂᑲ ᐂᑉᐸᖏᑦ 1:12

ᓯᓚᑐᓂᖅ ᖃᐅᔨᒪᓂᕐᓗ ᐃᓕᖕᓄᑦ ᑐᓂᔭᐅᕗᑦ. ᐊᒃᓗᐃᓐᓂᕐᒥᒃ ᐱᖁᑎᖃᕐᓂᕐᒥᒡᓗ ᐅᐱᒋᔭᐅᓂᕐᒥᒡᓗ ᑐᓂᓯᕕᒋᒋᕙᒋᑦ, ᐊᖓᔪᖅᑳᕐᔪᐊᓄᑦ ᓯᕗᓪᓕᕐᓄᑦ ᑐᓂᔭᐅᓚᐅᕐᓯᒪᖏᑦᑐᒥᒃ, ᑭᖑᓂᕐᓂᓗ ᑍᒤᓪᓗᐊᕐᑐᒥᒃ ᑐᓂᔭᐅᔪᖃᓚᐅᕐᓯᒪᓂᐊᓐᖏᓚᖅ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:8

ᓯᓚᑐᓂᕐᒥᓄᑦ ᓯᕗᓂᒃᓴᕐᓯᐅᑦᓯᐊᕐᑑᑉ ᐊᖅᑯᑎᒋᔭᓂ ᐅᑦᔨᕐᑐᑦᓯᐊᕐᓗᒍ ᐃᓅᕗᖅ, ᓯᓔᑦᑐᓪᓕ ᐱᓂᐊᕐᓂᖃᕐᐳᑦ ᑕᒻᒪᕐᑎᑦᓯᓪᓗᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:7

ᐆᒻᒪᑎᒥᒍᑦ ᐃᓱᒪᒋᔭᓂ, ᐃᓕᖅᑯᓯᕆᖕᒪᒋᑦ, “ᓂᕆᒋᑦ ᐃᒥᕐᓗᑎᓪᓗ” ᐃᓕᖕᓄᑦ ᐅᖃᕐᐳᖅ; ᐆᒻᒪᑎᖓᑕᓕ ᐃᓚᒋᓐᖏᓛᑎᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:15

ᐅᕙᒃᑯᑦ ᐊᖓᔪᖅᑳᕐᔪᐊᑦ ᐊᐅᓚᑦᓯᕙᒃᐳᑦ, ᐱᖁᔭᓕᐅᕈᓐᓇᕐᐸᒃᓗᑎᒡᓗ ᓈᒻᒪᓈᑦᓯᐊᕐᑐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 5:4

ᓂᐅᕕᐊᖑᓚᐅᕐᑎᓐᓇᒍ ᓇᖕᒥᓂᕆᓚᐅᕐᐸᑦ, ᓂᐅᕐᕈᑎᒋᔭᕇᕋᕕᐅᒃ ᑮᓇᐅᔧᑦ ᓇᖕᒥᓂᕆᓚᐅᕐᐸᑎᑦ, ᓱᖕᒪᑦ ᑍᒤᓕᐅᕐᐲᑦ? ᐃᓄᖕᓄᑦ ᓴᒡᓗᓐᖏᓚᑎᑦ, ᒎᑎᒧᓪᓕ.”

ᐄᑉᕈᐃᓄᑦ 4:12

ᒎᑎᐅᑉ ᐅᖃᐅᓯᖓ ᐆᒪᖕᒪᑦ ᐱᓇᓱᐊᕐᓗᓂᓗ, ᐃᒡᓗᒃᑐᑦ ᑮᓇᓕᖕᒥᑦ ᓴᕕᒡᔪᐊᒥᑦ ᐃᐱᖕᓂᕐᓴᐅᓪᓗᓂ, ᑭᓪᓕᒍᑎᔪᓐᓇᕐᐳᖅ ᑕᕐᓂᖅ ᐊᓂᕐᓂᕐᓗ ᑎᑭᓪᓗᒋᒃ, ᓇᒡᒍᐊᓪᓗ ᐸᑎᕐᓗ ᑎᑭᓪᓗᒋᒃ, ᓴᖅᑭᑎᑦᓯᔪᓐᓇᕐᓗᓂᓗ ᐃᓅᑉ ᐃᓱᒪᖓᓂᒃ ᐱᔪᒪᔭᖏᓐᓂᒡᓗ.

ᔧᒥᓯᐅᑉ ᐊᒡᓚᖏᑦ 3:13

ᑭᓇ ᓇᓪᓕᓯᓂ ᓯᓚᑐᓪᓗᓂᓗ ᑐᑭᓯᐊᕙ? ᑕᕝᕙ ᐱᓇᓱᐊᑦᓯᐊᕐᓂᕐᒥᒍᑦ ᓴᖅᑭᑎᑦᓯᔪᒃᓴᐅᕗᖅ ᐃᓅᓯᐊᕐᓂᕐᒥᒃ ᐱᐅᔪᕆᖏᓐᓂᕐᒥᒃ ᓯᓚᑐᓂᕐᒥᒡᓗ.

ᔧᒥᓯᐅᑉ ᐊᒡᓚᖏᑦ 3:17

ᓯᓚᑐᓂᕐᓕ ᕿᓚᖕᒥᑦ ᐱᔪᖅ ᓯᕗᓪᓕᐅᑦᔨᕗᖅ ᓴᓗᒪᑦᓯᐊᕐᓂᕐᒥᒃ, ᐊᒻᒪ ᓮᓕᓂᕐᒥᒃ, ᐅᐃᒪᔮᖏᓐᓂᕐᒥᒃ, ᐱᖃᓐᓂᕐᓗᓂᓗ; ᐱᑦᔪᑎᒃᓴᑦᓯᐅᑦᓯᐊᕐᐳᖅ, ᓂᑲᒍᓱᒃᐳᖅ ᐱᐅᔪᓂᒡᓗ ᐱᕈᕐᑎᑦᓯᓪᓗᓂ, ᐊᑦᔨᒌᒃᑎᑦᓯᕗᖅ ᓱᓕᑦᓯᐊᕐᓗᓂᓗ.

ᓴᒧᐃᓕ ᓯᕗᓪᓖᑦ 16:7

ᐊᑕᓂᕐᓕ ᐅᖃᕐᐳᖅ ᓴᒧᐃᓕᒧᑦ, “ᑕᑯᔪᒃᓴᐅᓐᖏᓚᑎᑦ ᑕᐅᑦᑐᖓᓂᒃ, ᐊᖏᓂᖓᓂᒡᓘᓐᓃᑦ, ᑖᓐᓇ ᓇᕐᕈᒋᒐᒃᑯ; ᐊᑕᓂᖅ ᑕᑯᓐᓇᖏᒻᒪᑦ ᐃᓅᑉ ᑕᑯᓐᓇᕐᓂᖓᑐᑦ; ᐃᓄᒃ ᑕᑯᓐᓇᕐᒪᑦ ᑕᐅᑦᑐᖓᓂᒃ, ᐊᑕᓂᕐᓕ ᑕᑯᓐᓇᕐᐳᖅ ᐆᒻᒪᑎᒥᒃ.”