ᑯᕉᓂᑲ ᐂᑉᐸᖏᑦ 1:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᓲᓗᒨᓂ ᑍᕕᑎᐅᑉ ᐃᕐᓂᖓ ᐊᐅᓚᑦᓯᓕᓚᐅᕐᐳᖅ ᐊᑕᓂᐅᕕᖕᒥᓂ, ᐊᑕᓂᐅᓪᓗ ᓲᓗᒨᓂᐅᑉ ᒎᑎᖓᑕ ᓇᔪᓚᐅᕐᐹ ᐊᔪᖏᑦᑐᕐᔪᐊᓐᖑᕐᑎᓪᓗᒍᓗ.

ᑯᕉᓂᑲ ᐂᑉᐸᖏᑦ 1:1 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 21:22

ᑍᑦᓱᒪᓂᐅᑎᓪᓗᒍ ᐊᐱᒥᓕᑭ ᐱᖃᑎᖃᕐᓗᓂ ᐱᑰᓕᒥᒃ, ᐅᓇᑕᕐᑐᒃᓴᖁᑎᖏᑕ ᐊᖓᔪᖅᑳᖓᓂᒃ, ᐂᑉᕋᕼᐋᒻᒧᑦ ᐅᖃᕐᐳᖅ, “ᒎᑎᐅᑉ ᐃᓚᒋᕚᑎᑦ ᐱᓇᓱᐊᕐᑕᓕᒫᕐᓂ;

ᒨᓯᓯ ᓯᕗᓪᓖᑦ 39:2

ᐊᑕᓂᐅᓪᓕ ᔫᓯᐱ ᐃᓚᒋᕚ, ᐱᓇᓱᐊᕐᑕᒥᓂᒡᓗ ᐱᕙᓪᓕᐊᑦᓯᐊᕐᑎᑉᐹ; ᐊᖓᔪᖅᑳᖓᑕᓗ ᐄᑦᔨᑉᑎᒥᐅᑕᐅᑉ ᐃᒡᓗᖓᓂᒥᐅᑕᐅᓕᕐᐳᖅ.

ᒨᓯᓯ ᓯᕗᓪᓖᑦ 39:21

ᐊᑕᓂᐅᓪᓕ ᔫᓯᐱ ᐃᓚᒋᓚᐅᕐᐹ, ᓇᒡᓕᖕᓂᕐᒥᓂᒡᓗ ᓱᖁᓯᔪᐃᑦᑐᒥᒃ ᖃᐅᔨᒪᑎᓪᓗᒍ, ᖁᕕᐊᒋᔭᐅᓕᕐᑎᓪᓗᒍᓗ ᑎᒍᔭᐅᓯᒪᕕᐅᑉ ᐊᖓᔪᖅᑳᖓᓄᑦ.

ᒨᓯᓯ ᓯᕗᓪᓖᑦ 39:3

ᐊᖓᔪᖅᑳᖓᑕᓕ ᖃᐅᔨᕚ ᐊᑕᓂᐅᑉ ᐃᓚᒋᖕᒪᒍ, ᐊᑕᓂᐅᓪᓗ ᖃᓄᐃᓕᐅᕐᑕᓕᒫᖏᑦ ᐱᕙᓪᓕᐊᑦᓯᐊᕐᑎᖃᑦᑕᕐᒪᒋᑦ.

ᐊᑕᓃᑦ ᓯᕗᓪᓖᑦ 2:12

ᓲᓗᒨᓂᐅᑉ ᐊᑖᑕᓂ ᑍᕕᑎ ᐃᓇᖏᕐᐹ ᐊᖓᔪᖅᑳᕐᔪᐊᓐᖑᕐᓗᓂ, ᐊᖓᔪᖅᑳᕐᔪᐊᖑᓂᖓᑕᓗ ᐱᔪᓐᓇᕐᓂᖓ ᑲᔪᓯᑦᓯᐊᓕᕐᓗᓂ.

ᐊᑕᓃᑦ ᓯᕗᓪᓖᑦ 2:46

ᑍᒤᒻᒪᒃ ᐊᖓᔪᖅᑳᕐᔪᐊᖅ ᐱᖁᔨᕗᖅ ᐱᓁᐊᒥᒃ ᔨᕼᐅᐃᐊᑕᐅᑉ ᐃᕐᓂᖓᓂᒃ; ᑖᑦᓱᒪᓗ ᓯᒥᐂ ᐅᐸᒃᑲᒥᐅᒃ ᑐᖁᑉᐹ, ᑖᓐᓇᓗ ᑐᖁᕗᖅ. ᑕᕝᕙ ᓲᓗᒨᓂ ᑕᒪᒃᑯᐊ ᐱᔭᕇᕐᒪᑕ ᑕᒤᓐᓂᒃ ᐊᐅᓚᑦᓯᓪᓚᕆᓕᕐᐳᖅ.

ᑯᕉᓂᑲ ᓯᕗᓪᓖᑦ 17:8

ᐃᓚᒌᓐᓇᓚᐅᕐᐸᒋᑦ ᓇᒧᑐᐃᓐᓇᖅ ᐂᑎᓪᓗᑎᑦ, ᓄᖑᑎᓚᐅᕐᐸᒃᑲᓗ ᐊᑭᕋᑎᑦ ᓯᕗᓂᕐᓂ; ᐊᑏᓪᓗ ᐃᓚᒋᓕᐅᑎᓐᓂᐊᕐᐸᕋ ᐊᔪᖏᑦᑐᕐᔪᐊᓄᑦ ᓄᓇᕐᔪᐊᕐᒥ.

ᑯᕉᓂᑲ ᓯᕗᓪᓖᑦ 22:11

“ᒫᓐᓇᓕ ᐃᕐᓃᒃ, ᐊᑕᓂᐅᑉ ᐃᓚᒋᓕᑎᑦ, ᑲᔪᓯᑦᓯᐊᖁᓪᓗᑎᒃ ᐊᑕᓂᐅᑉ ᒎᑎᕕᑦ ᐃᒡᓗᖓᓂᒃ ᓴᓇᔪᓐᓇᕐᓗᑎᑦ, ᐅᖃᐅᑎᒋᓚᐅᕐᑕᖏᑦ ᐃᓕᖕᓄᑦ ᒪᓕᒡᓗᒋᑦ.

ᑯᕉᓂᑲ ᓯᕗᓪᓖᑦ 22:16

ᒎᓗᓂᒃ ᓯᐅᓪᕕᕆᓂᒃ ᑲᓐᓄᔭᓂᒃ ᓴᕕᕋᔭᖕᓂᒡᓗ. ᒪᑭᓪᓗᑎᑦ ᐱᓇᓱᐊᓕᕆᑦ! ᐊᑕᓂᐅᑉ ᐃᓚᒋᓕᑎᑦ!”

ᑯᕉᓂᑲ ᓯᕗᓪᓖᑦ 29:23

ᑕᕝᕙ ᓲᓗᒨᓂ ᐃᖏᑉᐳᖅ ᐊᑕᓂᐅᑉ ᐃᒃᓯᕙᐅᑕᕐᔪᐊᖓᓄᑦ ᐊᖓᔪᖅᑳᕐᔪᐊᓐᖑᕐᓗᓂ ᐊᑖᑕᓂ ᑍᕕᑎ ᐃᓇᖏᕐᓗᒍ; ᐱᔪᓐᓇᕐᓯᕙᓪᓕᐊᕗᕐᓗ, ᐃᓴᕆᐊᓕᒥᐅᓕᒫᓪᓗ ᓈᓚᒃᐹᑦ.

ᑯᕉᓂᑲ ᓯᕗᓪᓖᑦ 29:25

ᐊᑕᓂᐅᓪᓗ ᓲᓗᒨᓂ ᐊᔪᕈᓐᓁᕐᑎᑉᐹ ᐃᓴᕆᐊᓕᒥᐅᓕᒫᑦ ᓵᖓᓂ, ᑐᓂᕚᓗ ᐊᖓᔪᖅᑳᕐᔪᐊᖑᓂᕐᒥᒃ ᐊᔪᖏᓐᓂᕐᒥᒃ ᑐᓂᔭᐅᓚᐅᕐᓯᒪᖏᑦᑐᒥᒃ ᐊᖓᔪᖅᑳᕐᔪᐊᓄᑦ ᓯᕗᓪᓕᖏᓐᓄᑦ ᐃᓴᕆᐊᓕᒥ.

ᑯᕉᓂᑲ ᓯᕗᓪᓖᑦ 29:30

ᐊᐅᓚᑦᓯᓂᖓ ᐊᔪᖏᑦᑑᓂᖓᓗ ᐱᓂᐊᕐᓂᐅᓯᒪᔪᓪᓗ ᑖᑦᓱᒧᖓ ᐃᓴᕆᐊᓕᒥᐅᓂᓗ, ᐊᖓᔪᖅᑲᐅᕕᐅᔪᓂᓗ ᓄᓇᓕᓕᒫᓂ ᐊᒡᓚᒃᓯᒪᕗᑦ ᑖᒃᑯᓇᓂ.

ᑯᕉᓂᑲ ᐂᑉᐸᖏᑦ 32:23

ᐅᓄᕐᑐᕐᔪᐊᓪᓗ ᑐᓂᓯᕗᑦ ᐊᑕᓂᕐᒧᑦ ᔨᕉᓴᓕᒥ ᐱᐅᔪᒻᒪᕆᖕᓂᒡᓗ ᑐᓂᓯᕗᑦ ᕼᐃᓯᑬᐊᒧᑦ ᔫᑕᐅᑉ ᐊᖓᔪᖅᑳᕐᔪᐊᖓᓄᑦ, ᑕᒪᑐᒪᖓᑦ ᐱᒋᐊᕐᓗᓂ ᑭᖑᕐᖓᒍᑦ ᐃᓅᖃᑎᒌᒡᔪᐊᓕᒫᑦ ᐅᐱᒋᓪᓗᒍ ᐊᖏᒡᓕᑎᓕᓚᐅᕐᐹᑦ.

ᒨᓯᓯ ᐂᑉᐸᖏᑦ 3:12

ᒎᑎᐅᓪᓗ ᑭᐅᕙ, “ᐱᖃᑎᒋᓂᐊᕐᐸᒋᑦ, ᐃᓄᐃᓪᓗ ᐄᑦᔨᑉᑎᒥᑦ ᐊᐅᓪᓚᕈᑎᒍᕕᒋᑦ ᑕᕝᕙᓂ ᖃᖅᑲᒥ ᑐᒃᓯᐊᕐᕕᒋᔪᒫᕐᐸᕐᒪ; ᑖᓐᓇ ᓇᓗᓁᒃᑯᑕᐅᓛᕐᒪᑦ ᐅᕙᓐᓄᑦ ᑎᓕᔭᐅᓯᒪᒐᕕᑦ.”

ᒫᑎᐅᓯᐅᑉ ᐊᒡᓚᖏᑦ 28:20

ᐊᔪᕆᕐᑐᕐᓗᒋᓪᓗ ᒪᓕᖁᓪᓗᒋᑦ ᐃᓕᑦᓯᓐᓄᑦ ᐱᖁᔨᓂᕆᓚᐅᕐᑕᓐᓂᒃ ᑕᒤᓐᓂᒃ; ᑕᑯᒋᑦ ᑍᒪᓐᖓᓕᒫᖅ ᐃᓚᒋᓂᐊᕐᐸᑦᓯ, ᓯᓚᕐᔪᐊᑉ ᓇᒡᒐᑖ ᑎᑭᓪᓗᒍ.”

ᔮᓱᐊᑉ ᐊᒡᓚᖏᑦ 3:7

ᐊᑕᓂᕐᓗ ᐅᖃᕐᐳᖅ ᔮᓱᐊᒧᑦ, “ᐅᓪᓗᒥ ᐃᓄᖕᓄᑦ ᐃᓴᕆᐊᓕᒥᐅᓄᑦ ᐅᐱᒋᔭᐅᑎᑦᓯᐊᕐᓂᐊᕐᐸᒋᑦ ᐊᖏᔪᕈᕐᑎᑕᐅᓗᑎᑦ, ᖃᐅᔨᓂᐊᕐᒪᑕ ᐃᓕᖕᓂ ᓇᔫᑎᓂᓐᓂᒃ ᒨᓯᓯᒥ ᓇᔫᑎᓂᕆᓚᐅᕐᑕᑦᑐᑦ.