ᑎᒧᑎᒧᑦ ᓯᕗᓪᓖᑦ 6:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐃᕝᕕᓪᓕ ᒎᑎᐅᑉ ᐃᓄᖁᑎᖓ, ᑕᒪᒃᑯᐊ ᐱᓇᓱᐊᕐᓂᐊᕐᓇᒋᑦ; ᐱᓇᓱᐊᓕᕆᓪᓕ ᐃᓗᐊᕐᑐᓕᓂᕐᒥᒃ, ᒎᑎᒧᑦ ᐅᒃᐱᕐᓂᕐᒥᒃ, ᐅᒃᐱᕐᓂᕐᒥᒃ, ᓇᒡᓕᖕᓂᕐᒥᒃ, ᕿᓄᐃᓵᕐᓂᕐᒥᒃ, ᐃᓕᕋᑦᑖᖏᓐᓂᕐᒥᒃ.

ᑎᒧᑎᒧᑦ ᓯᕗᓪᓖᑦ 6:11 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 13:1

ᑕᑯᒋᓪᓗ, ᒎᑎᐅᑉ ᐃᓄᖁᑎᖓ ᑎᑭᓚᐅᕐᐳᖅ ᐱᑎᓕᒧᑦ ᔫᑕᒥᑦ ᐊᑕᓂᐅᑉ ᐅᖃᐅᓯᖓᓂᒃ ᐅᖃᕆᐊᕐᑐᕐᓗᓂ. ᔨᕈᐳᐊᒻ ᓇᖏᓕᕐᑎᓪᓗᒍ ᑐᓂᕐᕈᓯᕐᕕᐅᑉ ᓵᖓᓂ ᐃᑯᐊᓚᑎᑦᓯᓗᓂ ᐃᓯᕐᓗᐊᕐᓂᑎᑦᓯᓂᐊᓕᕐᑎᓪᓗᒍ.

ᐊᑕᓃᑦ ᓯᕗᓪᓖᑦ 13:26

ᑖᑦᓱᒪ ᐃᑑᑉ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᑐᖃᖓᑕ ᑕᒪᓐᓇ ᑐᓴᕋᒥᐅᒃ, ᐅᖃᕐᐳᖅ, “ᑍᓐᓇᐅᕗᖅ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᔫᑕᒥᑦ ᐱᓯᒪᔪᖅ, ᓈᓚᓚᐅᖏᑦᑐᖅ ᐊᑕᓂᐅᑉ ᐅᖃᐅᓯᕆᓚᐅᕐᑕᖓᓂᒃ; ᑍᒤᒻᒪᑦ ᐊᑕᓂᖅ ᑎᓕᓯᓚᐅᕐᐳᖅ ᓛᔭᒥᒃ ᐅᒋᐊᕐᑕᐅᖁᓪᓗᓂᐅᒃ, ᑕᒪᓐᓇ ᐊᑕᓂᐅᑉ ᐅᖃᐅᓯᕆᓚᐅᕐᑕᓂ ᑲᔪᓯᑎᑕᖓ.”

ᐊᑕᓃᑦ ᓯᕗᓪᓖᑦ 17:18

ᑕᕝᕙ ᐊᕐᓇᖅ ᐃᓔᑦᔭᒧᑦ ᐅᖃᕐᐳᖅ, “ᒎᑎᐅᑉ ᐃᓄᖁᑎᖓ, ᓱᓇᒥᒃ ᐅᕙᓐᓄᑦ ᓈᒻᒪᒃᓴᖏᑦᔪᑎᖃᕐᐱᑦ? ᐊᔪᕐᑐᓕᓂᓐᓃᒃ ᐃᖅᑬᑎᑦᓯᔭᕐᑐᕐᐲᑦ, ᐃᕐᓂᕋᓗ ᑐᖁᑎᓪᓗᒍ?”

ᐊᑕᓃᑦ ᓯᕗᓪᓖᑦ 17:24

ᐊᕐᓇᕐᓗ ᐃᓔᑦᔭᒧᑦ ᐅᖃᕐᐳᖅ, “ᒫᓐᓇ ᖃᐅᔨᕗᖓ ᒎᑎᐅᑉ ᐃᓄᖁᑎᒋᖕᒪᑎᑦ, ᐊᑕᓂᐅᓪᓗ ᐅᖃᐅᓯᖓ ᖃᓂᒃᑰᕐᑐᖅ ᓱᓕᖕᒪᑦ.”

ᐊᑕᓃᑦ ᓯᕗᓪᓖᑦ 20:28

ᒎᑎᐅᑉ ᐃᓄᖁᑎᖓ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓᓄᐊᕋᒥ ᐅᖃᐅᑎᕚ, “ᐊᑕᓂᖅ ᐃᒫᖅ ᐅᖃᕐᐳᖅ, ‘ᓯᕆᐊᒥᐅᑦ ᐃᒫᒃ ᐅᖃᓚᐅᕐᒪᑕ, “ᐊᑕᓂᖅ ᒎᑎᐅᕗᑦ ᖃᖅᑲᒥᐅᓄᑦ ᓇᕐᓴᒥᐅᓄᓪᓕ ᒎᑎᐅᓐᖏᓚᖅ,” ᑍᒤᒻᒪᑦ ᑖᒃᑯᐊ ᐅᓄᕐᑐᕐᔪᐊᑦ ᐃᓕᖕᓄᑦ ᑐᓂᓂᐊᕐᐸᒃᑲ, ᖃᐅᔨᖁᓪᓗᑎᑦ ᐅᕙᖓ ᐊᑕᓂᐅᒐᒪ.’”

ᐊᑕᓃᑦ ᐂᑉᐸᖏᑦ 1:13

ᓱᓕ ᐊᖓᔪᖅᑳᕐᔪᐊᖅ ᑎᓕᓯᒃᑲᓐᓂᕆᕗᖅ ᐱᖓᔪᒋᓕᕐᑕᖓᓐᓂᒃ ᐅᓇᑕᕐᑐᒃᓮᑦ ᐊᖓᔪᖅᑳᖓᓐᓂᒃ ᐅᓇᑕᕐᑐᒃᓴᓂᒃ 50ᓂᒃ ᐃᓚᖃᕐᑎᓪᓗᒍ. ᑖᓐᓇᓕ ᐅᓇᑕᕐᑐᕐᓮᑦ ᐊᖓᔪᖅᑳᖓᑦ ᐃᓔᑦᔭᐅᑉ ᓵᖓᓄᑦ ᓰᖁᕐᓗᓂ ᐃᓚᓐᓂᕐᓴᕐᕕᒋᓪᓗᒍ ᐅᖃᕐᐳᖅ, “ᒎᑎᐅᑉ ᐃᓄᖁᑎᖓ, ᐃᓅᓯᕋ ᐅᑯᐊᓗ ᐅᓇᑕᕐᑐᒃᓮᑦ ᐱᔨᒋᔭᕕᑦ ᐃᓅᓯᖏᑦ ᐊᓐᓂᕆᒃᑭᑦ.

ᐊᑕᓃᑦ ᐂᑉᐸᖏᑦ 1:9

ᐊᖓᔪᖅᑳᕐᔪᐊᖅ ᑕᕝᕙ ᑎᓕᓯᕗᖅ ᐅᓇᑕᕐᑎᖁᑎᒥ ᐊᖓᔪᖅᑳᖓᓐᓂᒃ 50ᓂᒃ ᐅᓇᑕᕐᑐᒃᓴᓂᒃ ᐃᓚᖃᕐᑎᓪᓗᒍ, ᐅᓇᑕᕐᑐᒃᓴᑦ ᐊᖓᔪᖅᑳᖓᑦ ᐃᓔᑦᔭᒧᑦ ᑎᑭᓐᓇᒥᒃ, ᐃᒃᓯᕚᕐᑎᓪᓗᒍ ᐱᖑᐊᕐᔫᑉ ᖄᖓᓂ ᐅᖃᐅᑎᕚ, “ᒎᑎᐅᑉ ᐃᓄᖁᑎᖓ, ᐊᖓᔪᖅᑳᕐᔪᐊᑉ ᕾᖁᖕᒪᑎᑦ.”

ᐊᑕᓃᑦ ᐂᑉᐸᖏᑦ 23:17

ᑕᕝᕙ ᐊᖓᔪᖅᑳᕐᔪᐊᖅ ᐊᐱᕆᕗᖅ, “ᑮᓇᐅᓪᓕᐅᓈ ᓇᓗᓁᒃᑯᑕᖓ ᒫᓃᑦᑐᖅ?” ᐃᒡᓗᒐᓴᒡᔪᐊᕐᒥᐅᓄᑦ ᐃᓄᖕᓄᑦ ᑭᐅᔭᐅᕗᖅ, “ᐅᓇ ᓇᓗᓁᕐᑕᐅᓯᒪᔪᖅ ᒎᑎᐅᑉ ᐃᓄᖁᑎᖓᓄᑦ ᔫᑕᒥᐅᕕᓂᕐᒧᑦ ᐃᓗᕕᕆᔭᐅᓂᕋᕐᑕᐅᓪᓗᓂ, ᐅᖃᐅᓯᖃᓚᐅᕐᑐᖅ ᑕᒪᓐᓇ ᐱᓂᐊᕐᓂᕆᔧᑦ; ᐱᓇᓱᐊᕐᑕᐅᓛᕐᓂᐊᕐᓂᕋᕐᓗᓂᐅᒃ ᒎᑎᓐᖑᐊᓄᑦ ᑐᓂᕐᕈᓯᕐᕖᑦ ᓄᖅᑲᕐᑎᑕᐅᓛᕐᓂᖓᓄᑦ ᐱᑎᓕᒥ.”

ᐊᑕᓃᑦ ᐂᑉᐸᖏᑦ 5:20

ᒋᕼᐋᓯ, ᐃᓔᓴᐅᑉ ᐃᑲᔪᕐᑎᖓ ᒎᑎᐅᑉ ᐃᓄᖁᑎᖓᑕ ᐃᓱᒪᓕᕋᒥ, “ᐊᖓᔪᖅᑳᕅᓐᓇ ᐱᔭᕐᓂᓈᕐᓯᑎᑦᓯᓗᐊᕐᑐᖅ ᓁᒪᓐᒥᒃ ᓯᕆᐊᒥᐅᒥᒃ, ᑐᓂᑦᔪᑎᒋᓇᓱᒃᑕᖏᓐᓂᒃ ᐃᓚᓐᖎᖏᑦᓯᐊᕐᑐᖅ, ᐊᑕᓂᖅ ᐆᒪᔪᖅ ᐱᑦᔪᑎᒋᓪᓗᒍ ᒪᓕᐊᓪᓚᒡᓗᒍ ᐃᓚᖏᓐᓂᒃ ᐱᑖᕆᐊᕐᑐᓚᐅᕐᓚᖓ.”

ᑯᕉᓂᑲ ᓯᕗᓪᓖᑦ 23:14

ᒨᓯᓯᐅᓪᓕ ᒎᑎᐅᑉ ᐃᓄᖁᑎᖓᑕ ᐃᕐᓂᖏᑦ ᐱᓇᓱᐊᒐᒃᓴᖃᕐᑎᑕᐅᓚᐅᕐᐳᑦ ᓕᕔᑉ ᑭᖑᕚᖏᓐᓂ.

ᑯᕉᓂᑲ ᐂᑉᐸᖏᑦ 8:14

ᐊᑖᑕᖓᑕ ᑍᕕᑎᐅᑉ ᐊᑐᕐᑕᐅᖃᕐᑕᖁᓚᐅᕐᑕᖏᑦ ᒪᓕᒡᓗᒋᑦ, ᑎᓕᓯᕗᖅ ᑐᓂᕐᕈᓯᕐᑎᑦᓯᔩᑦ ᐊᕕᒃᑐᕐᓗᒋᑦ ᐱᓂᐊᒐᒃᓴᖏᓐᓄᑦ, ᓕᕔᑏᓪᓗ ᐱᓂᐊᒐᒃᓴᖏᓐᓄᑦ ᓂᕐᑐᐃᔨᐅᖁᓪᓗᒋᑦ ᐱᔨᑦᓯᕐᓗᑎᒃ ᑐᓂᕐᕈᓯᕐᑎᑦᓯᔨᓂᒃ ᐅᓪᓗᑕᒫᑦ ᐱᔭᒃᓴᖏᑦ ᒪᓕᒡᓗᒋᑦ, ᐃᑎᕐᑕᕐᕕᖕᒥᐅᑍᓪᓗ ᐊᕕᒃᑐᕐᓯᒪᓂᖏᑦ ᐃᑎᕐᑕᕐᕕᖕᓂ ᒪᓕᒡᓗᒋᑦ; ᑍᕕᑎᐅᑉ ᒎᑎᐅᑉ ᐃᓄᖁᑎᖓᑕ ᐱᖁᔨᑦᔪᑎᒋᓚᐅᕐᑕᖏᑦ ᒪᓕᒡᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 12:24

ᓕᕔᑎᒃᑯᓐᓄᑦ ᐅᑯᐊ ᐊᖓᔪᖅᑳᕆᔭᐅᓚᐅᕐᐳᑦ: ᕼᐊᓴᐰᐊ, ᓯᕆᐰᐊ, ᔩᓱᐊᓗ ᑲᑦᒤ-ᓕᐅᑉ ᐃᕐᓂᖓ, ᐃᓚᒋᔭᖏᑕ ᐊᑭᐊᓃᓪᓗᑎᒃ ᐱᓇᓱᐊᖃᑕᐅᖃᑦᑕᓚᐅᕐᑐᑦ, ᓂᕐᑐᐃᓪᓗᑎᒃ ᖁᔭᓕᓪᓗᑎᒡᓗ, ᐊᕕᒃᑐᕐᓯᒪᓪᓗᑎᒃ ᐊᑭᓕᕇᖑᕙᓚᐅᕐᒪᑕ, ᑖᑦᓱᒪ ᑍᕕᑎᐅᑉ ᒎᑎᐅᑉ ᐃᓄᖁᑎᖓᑕ ᐱᖁᔨᓂᕆᓯᒪᔭᖓᓂᒃ ᒪᓕᒃᓗᑎᒃ.

ᓂᕼᐃᒤᐊᐅᑉ ᐊᒡᓚᖏᑦ 12:36

ᑖᑦᓱᒪᓗ ᐃᓚᒋᔭᖏᑦ, ᓯᒤᐊ, ᐊᔭᕆᐅᓪ, ᒥᓚᓔ, ᒊᓚᓔ, ᒪᐂ, ᓇᑖᓂᐅᓪ, ᔫᑕ, ᕼᐊᓇᓁᓗ, ᑍᕕᑎᐅᓪᓗ ᒎᑎᐅᑉ ᐃᓄᖁᑎᖓᑕ ᐊᑐᖃᑦᑕᓚᐅᕐᑕᖏᑕ ᐊᑦᔨᖏᑦ ᓂᑦᔭᐅᑏᑦ ᐊᑐᕐᑕᐅᓚᐅᕆᕗᑦ; ᐄᓱᕋ ᐱᖁᔭᓂᒃ ᐃᓕᓯᒪᔪᖅ ᑖᒃᑯᐊ ᓯᕗᓂᖓᓃᓪᓗᓂ.

ᐃᓐᖏᕈᑎᑦ 34:14

ᐱᐅᖏᑦᑐᖅ ᕿᒪᒍᒃ, ᐱᐅᔪᒥᒃ ᐱᓇᓱᐊᓕᕆᑦ; ᓮᒪᑦᓯᐊᕐᓂᖅ ᐱᓇᓱᐊᕈᒃ, ᒪᓕᒡᓗᒍᓗ.

ᐃᓐᖏᕈᑎᑦ 38:20

ᐱᐅᖏᑦᑐᒧᓪᓗ ᐊᑭᓂᐊᕐᐸᒃᑐᑦ ᐅᕙᓐᓂᒃ ᐱᐅᔪᒥᒃ ᐱᓇᓱᐊᕐᑎᓪᓗᖓ ᐅᖃᕐᓂᕐᓘᑎᒋᕚᖓ ᐱᐅᔪᓂᒃ ᐱᓇᓱᐊᕐᓂᕋ ᐱᓪᓗᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:9

ᐱᐅᖏᑦᑐᑦ ᐊᖅᑯᑎᖏᑦ ᐊᑕᓂᐅᑉ ᓇᕐᕈᒋᕔᑦ, ᐊᑕᓂᐅᓪᓕ ᓇᒡᓕᒋᕚ ᐃᓱᐊᕐᓯᑎᑕᐅᓂᕐᒥᒃ ᕿᓂᕐᑐᖅ.

ᐂᓮᐊᓯᐅᑉ ᐊᒡᓚᖏᑦ 51:1

“ᓈᓚᒃᓯᓐᖓ, ᐃᓕᑦᓯ ᓇᓛᒎᕐᓂᕐᒥᒃ ᒪᓕᒃᑐᓯ, ᐊᑕᓂᕐᒥᒡᓗ ᕿᓂᕐᑐᓯ; ᕾᕐᑐᖅ ᐃᓚᓐᖔᔭᐅᕕᒋᓯᒪᔭᓯ ᓵᕝᕕᒋᓯᐅᒃ, ᐃᑎᕐᓴᓕᐅᕐᓯᒪᔪᕐᓗ ᑕᑯᓗᒍ ᐅᔭᕋᖕᓂᐊᕐᕕᐅᔪᑎᑐᑦ ᐲᕐᓯᕕᐅᕕᒋᓚᐅᕐᑕᓯ.

ᔨᕆᒤᐊᐅᑉ ᐊᒡᓚᖏᑦ 35:4

ᐊᑕᓂᐅᑉ ᐃᒡᓗᖓᓄᐊᕐᑎᓚᐅᕐᐸᒃᑲ, ᑲᑎᖃᑎᒋᓪᓗᒋᓪᓗ ᒎᑎᐅᑉ ᐅᖃᕐᑎᖓᑕ ᕼᐊᓇᓐᓂᐅᑉ ᐃᓕᓐᓂᐊᕐᑎᖏᑕ ᐃᒡᑕᓔᐊᐅᑉ ᐃᕐᓂᖓᑕ ᐃᒡᓗᕈᓯᕆᖃᑦᑕᓚᐅᕐᑕᖓᓂ ᐊᖓᔪᖅᑳᕐᔪᐊᑦ ᐃᒡᓗᕈᓯᕆᖃᑦᑕᕐᑕᖏᑕ ᓴᓂᐊᓃᑦᑐᒥ, ᒫ-ᐊᓯᐊᑉ ᓴᓗᒻᒥᐅᑉ ᐃᕐᓂᖓᑕ ᐃᑎᕐᑕᕐᕕᓕᕆᔨᐅᑉ ᐃᒡᓗᕈᓯᖓᑕ ᖁᓕᓪᑎᐊᖓᓂ.

ᕉᒪᒥᐅᓄᑦ 14:19

ᑍᒤᒻᒪᑦ ᐊᒃᓱᕈᕐᓗᑕ ᐱᓇᓱᐊᓚᐅᕐᑕ ᐃᓱᒫᓘᑕᐅᓇᖏᑦᑐᓂᒃ ᑕᓯᐅᕐᓯᓂᕐᒥᒃ ᑕᒤᓐᓄᑦ ᐱᕈᕐᐸᓪᓕᐊᑦᔪᑕᐅᔪᓐᓇᕐᑐᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:14

ᑍᒤᒻᒪᑦ ᓇᒡᓕᒋᔭᒃᑲ, ᒎᑎᓐᖑᐊᓄᑦ ᑭᒡᒐᕐᑐᕐᓂᕐᒥᒃ ᐱᖃᑕᐅᓂᐊᕋᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:1

ᓇᒡᓕᖕᓂᖅ ᐱᓇᓱᐊᕐᓯᐅᒃ ᐊᖏᓂᕐᐸᐅᑎᓪᓗᒍ, ᐊᓂᕐᓂᐅᓪᓗ ᑐᓂᕐᕈᑎᖏᑦ ᐊᔪᐃᓐᓈᕆᓯᒋᒃ, ᐱᓗᐊᕐᑐᒥᒡᓕ ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᕈᓐᓇᕐᑎᑕᐅᓂᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:18

ᐊᖑᓐᓂᐊᕐᓂᖅ ᐊᕐᓇᕐᓂᐊᕐᓂᕐᓗ ᐅᓗᕆᐊᒋᓯᐅᒃ. ᐊᔪᕐᑐᓕᓃᑦ ᐊᓯᓕᒫᖏᑦ ᑎᒥᐅᑉ ᓯᓚᑖᓂᑦ ᐱᖕᒪᑕ; ᐊᖑᓐᓂᐊᕐᑐᕐᓕ ᐊᕐᓇᕐᓂᐊᕐᑐᕐᓗ ᓇᖕᒥᓂᖅ ᑎᒥᒥᓄᑦ ᐊᔪᕐᑐᓕᕗᑦ.

ᒨᓯᓯ ᑕᓪᓕᒪᖏᑦ 16:20

ᓈᒻᒪᓈᕐᓯᒪᔪᒥᒃ ᐊᑦᔨᒌᓐᖏᑎᑦᓯᖏᑦᑐᒥᒡᓗ ᑖᑦᓱᒥᖓᑐᐊᖅ ᒪᓕᒃᑐᒃᓴᐅᕗᓯ, ᐃᓅᖁᓪᓗᓯ ᑭᖑᕐᖑᑦᔨᓗᓯᓗ ᓄᓇᒥᒃ ᐊᑕᓂᐅᑉ ᒎᑎᑦᓯ ᑐᓂᓯᒪᔭᖓᓂ ᐃᓕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 33:1

ᐅᑯᐊ ᑕᕝᕙ ᒨᓯᓯᐅᑉ ᒎᑎᐅᑉ ᐃᓄᖁᑎᖓᑕ ᓮᒻᒪᕐᑎᑦᓯᑦᔪᑎᒋᓚᐅᕐᑕᖏᑦ, ᐃᓴᕆᐊᓕᒥᐅᓄᑦ ᑐᖁᓚᐅᖅᑳᕋᓂ.

ᑎᒧᑎᒧᑦ ᓯᕗᓪᓖᑦ 1:14

ᐊᑕᓂᑦᑕᓕ ᐱᑦᓯᐊᕐᓂᒧᑦ ᐱᔪᓐᓇᕐᑎᑦᓯᓂᓂ ᐅᕙᓐᓄᑦ ᑯᕕᓚᐅᕐᐹ ᐅᒃᐱᕐᓂᕐᒥᒃ ᓇᒡᓕᖕᓂᕐᒥᒡᓗ ᐱᑖᕆᔭᑦᑎᓐᓂᑦ ᙭ᔅᑑᓯ ᔩᓱᓯᒥ.

ᑎᒧᑎᒧᑦ ᓯᕗᓪᓖᑦ 4:12

ᓇᕐᕈᒋᔭᐅᑦᑍᓕᒋᑦ ᐃᓅᒃᓱᒃᑑᓃᑦ ᐱᑦᔪᑎᒋᓗᒍ, ᐅᒃᐱᕐᑐᓄᓪᓕ ᒪᓕᒐᒃᓴᐅᓕᕆᑦ ᐅᖃᐅᓯᒃᑯᑦ ᐱᓂᐊᕐᓂᒃᑯᓪᓗ, ᓇᒡᓕᖕᓂᒃᑯᑦ, ᐅᒃᐱᕐᓂᒃᑯᓪᓗ, ᐃᓗᐊᕐᑐᓕᓂᒃᑯᓪᓗ.

ᑎᒧᑎᒧᑦ ᓯᕗᓪᓖᑦ 5:10

ᐱᓇᓱᐊᑦᓯᐊᖃᑦᑕᕐᓯᒪᓗᓂ ᐅᖃᐅᓯᐅᑦᓯᐊᖃᑦᑕᓗᓂ; ᕿᑐᕐᖓᒥᓂᒃ ᐱᕈᕐᓮᑦᓯᐊᕐᓯᒪᓗᓂ, ᑐᓐᖓᒋᔭᐅᓗᓂ, ᐃᑦᔪᕐᓁᑦᑐᓪᓗ ᐃᑎᒐᖏᓐᓂᒃ ᐅᐊᓴᖃᑦᑕᕐᓗᓂ, ᐃᑲᔪᕆᐊᓕᖕᓂᒃ ᐃᑲᔪᖃᑦᑕᕐᓗᓂ, ᐱᐅᔪᒥᒡᓗ ᐱᓇᓱᐊᖃᑦᑕᕐᓗᓂ ᓱᓇᓕᒫᓂᒃ.

ᑎᒧᑎᒧᑦ ᓯᕗᓪᓖᑦ 6:20

ᑎᒧᑏ, ᐃᓕᖕᓄᑦ ᐱᓯᒪᖁᔭᐅᓯᒪᔪᖅ ᐱᓯᒪᑦᓯᐊᕈᒃ. ᐅᖄᕈᓘᔭᕐᓃᑦ ᓯᓔᑦᑐᑦ ᖃᐅᔨᒪᓂᐅᓂᕋᕐᑕᐅᔪᕐᓗ ᓱᓕᖏᑦᑐᖅ ᐃᓚᐅᕕᒋᖏᓪᓗᒍ,

ᑎᒧᑎᒧᑦ ᐂᑉᐸᖏᑦ 2:21

ᐱᐅᖏᓐᓇᕐᑐᓂᒃ ᐊᑐᕐᑍᓕᔪᖃᕈᓐᓇᕐᐸᑦ ᑖᓐᓇ ᐊᑐᒐᒃᓴᓐᖑᕐᑎᑕᐅᓂᐊᕐᐳᖅ ᓇᓪᓕᐅᓐᓂᕐᓯᐅᕐᑐᓂ, ᓴᓂᕐᕙᒃᑕᐅᓯᒪᓂᐊᕐᐳᕐᓗ ᐊᖓᔪᖅᑳᒥᓄᑦ ᐱᓪᓚᕆᖕᒧᑦ ᐊᑐᒐᒃᓴᐅᖁᓪᓗᒍ, ᐊᑐᐃᓐᓇᐅᓗᓂ ᓱᓇᑐᐃᓐᓇᕐᓄᑦ ᐱᐅᔪᓄᑦ ᐊᑐᕐᑐᒃᓴᐅᓗᓂ.

ᑎᒧᑎᒧᑦ ᐂᑉᐸᖏᑦ 2:22

ᐃᓅᓱᒃᑐᑦ ᐃᒃᓯᒎᕐᓂᖏᑦ ᐃᓚᒋᓂᐊᕐᓇᒋᑦ ᐃᓗᐊᕐᑐᓕᓂᕐᒥᒡᓕ ᓯᕗᓂᖃᕆᑦ, ᐅᒃᐱᕐᓂᕐᒥᒃ, ᓇᒡᓕᖕᓂᕐᒥᒃ, ᓮᒻᒪᓂᕐᒥᒡᓗ, ᐊᑕᓂᕐᒧᑦ ᑐᒃᓯᐊᕐᑐᑦ ᐃᓚᒋᓗᒋᑦ ᐆᒻᒪᑎᒥᒍᑦ ᐃᑦᔪᕐᓁᑦᑐᒃᑯᑦ.

ᑎᒧᑎᒧᑦ ᐂᑉᐸᖏᑦ 3:10

ᐊᔪᕆᕐᑐᐃᓂᕋ ᑕᑯᓐᓈᕐᓯᒪᒐᕕᐅᒃ, ᐱᐅᓯᕋᓗ, ᐃᓅᓯᕐᒥᓗ ᑐᕌᕋᓱᐊᕐᑕᕋ, ᐅᒃᐱᕐᓂᕋ, ᕿᓄᐃᓵᕐᓂᕋ, ᓇᒡᓕᖕᓂᕋ, ᐊᒃᓱᕈᕐᓇᕐᑐᓃᖃᑦᑕᕐᓂᕋ,

ᑎᒧᑎᒧᑦ ᐂᑉᐸᖏᑦ 3:17

ᒎᑎᐅᑉ ᐃᓄᖁᑎᖓ ᓈᒻᒪᒃᓯᑦᓯᐊᖁᓪᓗᒍ, ᐱᓇᓱᐊᕈᓐᓇᕐᓯᖁᓪᓗᒍᓗ ᐱᐅᔪᓂᒃ ᐱᓇᓱᐊᕐᓂᓕᒫᓂᒃ.

ᐄᑉᕈᐃᓄᑦ 12:14

ᐃᓅᖃᑎᓕᒫᑦᓯᓐᓂᒃ ᐃᓅᖃᑎᖃᑦᓯᐊᕋᓱᐊᕆᑦᓯ, ᐃᓅᓯᖃᕐᓗᓯᓗ ᐃᑦᔪᕐᓁᑦᑐᒥᒃ ᑍᒫᒃ ᐃᓅᓯᖃᖏᑦᑐᑦ ᐊᑕᓂᖅ ᑕᑯᓂᐊᖏᒻᒪᑦᔪᒃ.

ᐲᑦᑐᕉᓯ ᓯᕗᓪᓖᑦ 3:11

ᐊᔪᕐᓂᕐᒥᒃ ᑐᓄᐃᓗᓂ ᐊᑲᐅᔪᒥᒃ ᐃᓅᓯᖃᓕᕐᓕ; ᓮᒪᓂᕐᒥᒃ ᕿᓂᕐᑐᒃᓴᐅᕗᖅ ᐱᓇᓱᐊᓪᓚᕆᒡᓗᒍ.

ᓴᒧᐃᓕ ᓯᕗᓪᓖᑦ 2:27

ᒎᑎᐅᓪᓗ ᐅᖃᕐᑎᖓ ᐃᓔᒧᐊᕐᐳᖅ ᐅᖃᕐᓗᓂᓗ: “ᐊᑕᓂᖅ ᐃᒫᒃ ᐅᖃᕐᐳᖅ, ‘ᐅᕙᓐᓂᒃ ᖃᐅᔨᔭᑎᓚᐅᕐᐳᖓ ᓯᕗᓕᑦᓯᓐᓄᑦ ᐂᕉᓂᒧᑦ ᐄᑦᔨᑉᑎᒦᑎᓪᓗᒋᑦ ᐰᕉᒧᑦ ᐊᐅᓚᑕᐅᑎᓪᓗᒋᑦ.

ᓴᒧᐃᓕ ᓯᕗᓪᓖᑦ 9:6

ᐱᔨᖓ ᑭᐅᕗᖅ, “ᑕᑯᒋᑦ, ᑕᕝᕙᓂ ᐃᒡᓗᒐᓴᖕᓂ ᐊᖑᒻᒥᒃ ᒎᑎ ᐃᓄᖁᑎᖃᕐᐳᖅ, ᐃᒃᐱᒋᔭᐅᑦᓯᐊᕐᑐᒥᒃ; ᐅᖃᕐᑕᕕᓂᓕᒫᖏᓪᓗ ᓇᓪᓕᐅᑦᓯᕙᒃᓗᑎᒃ. ᑍᑯᓐᖓᓚᐅᕐᑕ; ᐃᒻᒪᖄ ᐅᖃᐅᑎᔪᓐᓇᕐᐹᑎᒍᑦ ᓇᒧᓐᖓᕐᑐᒃᓴᐅᓂᑦᑎᓐᓂᒃ.”