ᑎᒧᑎᒧᑦ ᓯᕗᓪᓖᑦ 5:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐅᒃᐱᕐᑑᖃᑎᒌᓄᑦ ᓈᒻᒪᒃᑐᒥᒃ ᓯᕗᓕᕐᑏᑦ ᐱᔭᒃᓴᒥᖕᓂᒃ ᐱᓇᓱᐊᑦᓯᐊᕐᑐᑦ ᐅᐱᒋᔭᐅᔭᕆᐊᖃᕐᓂᖏᑕ ᐅᖓᑖᓄᑦ ᐊᑭᓕᕐᑕᐅᖃᑦᑕᕐᑐᓴᐅᕗᑦ, ᐱᓗᐊᕐᑐᒥᒃ ᐊᒃᓱᕈᕐᓗᑎᒃ ᐊᔪᕆᕐᑐᐃᖃᑦᑕᕐᑐᑦ ᐃᓕᓮᖃᑦᑕᕐᑐᓪᓗ;

ᑎᒧᑎᒧᑦ ᓯᕗᓪᓖᑦ 5:17 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 2:9

ᐃᑳᕇᕋᒥᒃ, ᐃᓔᑦᔭᐅᑉ ᐃᓔᓴ ᐊᐱᕆᕚ, “ᐅᖃᐅᑎᔪᓐᓇᕐᐱᖔ ᓱᓇᒥᒃ ᐱᑦᔪᑦᔭᐅᔪᒪᖕᒪᖔᕐᐱᑦ ᐃᓕᖕᓂᒃ ᕿᒤᑎᑕᐅᓚᐅᖏᓐᓂᓐᓂ?” ᐃᓔᓴᐅᑉ ᑭᐅᕚ, “ᑭᖑᕐᖑᑦᔨᔪᒪᔪᖓ ᐊᓂᕐᓂᕐᐲᑦ ᒪᕐᕈᐃᕐᑐᓪᓗᐊᕐᓗᓂ ᓇᔫᑎᓂᖓᓂᒃ.”

ᐂᓮᐊᓯᐅᑉ ᐊᒡᓚᖏᑦ 40:2

“ᐅᖃᓪᓚᓕᕆᑦ ᒪᓂᒍᕐᑕᐅᓇᕐᑐᓂᒃ ᔨᕉᓴᓕᒧᑦ, ᐅᖃᓪᓚᒡᕕᒋᒃᑭᑦ ᐅᓇᑕᕐᓂᖓᑦ ᐃᓱᓕᒻᒪᑦ, ᐊᔪᕐᑐᓕᓂᖏᓪᓗ ᐃᓱᒪᒋᔪᓐᓁᕐᑕᐅᖕᒪᑕ, ᐊᑕᓂᕐᒧᑦ ᓱᒋᐊᕐᑕᐅᓯᒪᖕᒪᑕ ᐊᔪᕐᑐᓕᓂᖏᑕ ᒪᕐᕈᐃᕐᑑᑎᓪᓗᐊᖏᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 16:18

ᒪᕐᕈᐃᕐᑐᓪᓗᐊᕐᑐᒥᒃ ᐊᑭᓂᐊᕐᕕᒋᔪᒫᕐᐸᒃᑲ ᐱᐅᖏᑦᑐᓕᓂᖏᓐᓄᑦ ᐊᔪᕐᑐᓕᓂᖏᓐᓄᓪᓗ, ᓄᓇᖁᑎᒐ ᓇᕐᕈᓇᕐᓯᑎᑕᐅᓯᒪᖕᒪᑦ ᐆᒪᖏᑦᑐᓂᒃ ᒎᑎᓐᖑᐊᓕᐅᕐᕕᐅᓪᓗᑎᒃ, ᑭᖑᕐᖑᑎᔭᒃᓴᕋᓗ ᓇᕐᕈᓇᕐᑐᓂᒃ ᒎᑎᓐᖑᐊᓂᒃ ᑕᑕᑎᕐᓯᒪᕚᑦ.”

ᔨᕆᒤᐊᐅᑉ ᐊᒡᓚᖏᑦ 17:18

ᐊᑭᕋᕐᑐᕐᑎᒃᑲ ᑲᓐᖑᓇᕐᑐᒧᐊᕐᑎᒃᑭᑦ, ᑲᓐᖑᓇᕐᑐᒧᐊᕐᑎᓐᓇᖓ; ᓴᐱᓕᕐᑎᒃᑭᑦ ᓴᐱᕐᓇᕐᑐᒧᐊᕐᑎᓐᓇᖓ, ᐱᐅᖏᑦᑐᒧᑦ ᑎᑭᕝᕕᐅᑎᒃᑭᑦ; ᐊᓯᕈᒃᑭᑦ ᐊᓯᕈᕐᑕᐅᓇᕐᑐᒧᑦ ᒪᕐᕈᕕᓪᓗᐊᕐᑐᒧᑦ.

ᓴᑲᕅᐊᐅᑉ ᐊᒡᓚᖏᑦ 9:12

ᐅᑎᓕᕆᑦᓯ ᐊᕙᓗᖃᕐᑐᒧᑦ ᓴᓐᖏᔪᒥᒃ ᓴᐳᑦᔭᐅᕕᖕᒧᑦ, ᓂᕆᐅᒋᔭᒃᓴᖃᓕᕐᑐᓯ: ᐅᓪᓗᒥ ᓇᓗᓁᕐᓯᕕᒋᕙᑦᓯ ᒪᕐᕈᐃᕐᑑᑎᓪᓗᐊᒥᒃ ᐅᑎᕐᑎᓯᕕᒋᔪᒪᕙᑦᓯ.

ᒨᓯᓯ ᓯᑕᒪᖏᑦ 18:31

ᓇᓂᑐᐃᓐᓇᖅ ᓂᕆᔪᓐᓇᕐᐸᓯ, ᐃᕝᕕᑦ ᐃᒡᓗᒥᐅᖃᑎᓯᓗ, ᑐᓂᕐᕈᓯᐊᕆᒐᑦᓯᐅᒃ ᑐᐱᕐᔪᐊᒥ ᑲᑎᒪᕕᖕᒥ ᐱᓇᓱᐊᕐᑎᐅᓂᑦᓯᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 24:25

ᑕᑯᒋᑦ, ᑕᒪᒃᑯᓂᖓ ᐅᖃᐅᑎᕙᑦᓯ ᓯᕗᓂᖓᒍᑦ, ᓱᓕ ᐊᑐᓚᐅᕐᑎᓐᓇᒋᑦ.

ᓘᑲᓯᐅᑉ ᐊᒡᓚᖏᑦ 10:7

ᐃᒡᓗᒥᑦ ᑕᕝᕙᓐᖓᑦ ᓅᓐᓂᐊᕋᓯ, ᓂᕆᕙᒡᓗᓯ ᐃᒥᕐᐸᒡᓗᓯᓗ ᒪᓂᔭᐅᔪᓂᒃ ᐃᓕᑦᓯᓐᓄᑦ, ᐱᓇᓱᐊᕐᑐᖅ ᐊᑭᓕᕐᑕᐅᔭᕆᐊᖃᕐᒪᑦ; ᓯᓂᒃᑕᕐᕕᒋᔭᑦᓯ ᐊᓯᐊᓄᑦ ᓄᒃᑎᕐᓂᐊᕋᓯ.

ᓘᑲᓯᐅᑉ ᐊᒡᓚᖏᑦ 12:42

ᐊᑕᓂᐅᑉ ᑭᐅᕚ, “ᑭᓇᓕ ᑍᒪ ᑲᔪᓯᑦᓯᐊᕐᑑᓪᓗᓂ ᓯᓚᑐᓪᓗᓂᓗ ᐱᔨᐅᕙ? ᑍᒤᑦᑐᖅ ᐊᖓᔪᖅᑳᖓᑕ ᐊᐅᓚᑦᓯᔨᓐᖑᕐᑎᓐᓂᐊᕐᐹ ᐱᔨᖁᑎᒥᓄᑦ, ᑖᑦᓱᒪ ᓂᕆᑎᖃᑦᑕᕐᓂᐊᕐᐰᑦ ᓂᕆᕕᒃᓴᖓᑦ ᓇᓪᓕᐅᑎᔭᕌᖓᑦ.

ᔪᐊᓇᓯᐅᑉ ᐊᒡᓚᖏᑦ 4:38

ᑎᓕᓚᐅᕐᐸᑦᓯ ᐱᕈᕐᓰᕕᖕᒥ ᑲᑎᕐᓱᐃᖁᓪᓗᓯ ᐱᕈᕇᕐᑐᓂᒃ ᐱᓇᓱᐊᓚᐅᓐᖏᑕᑦᓯᓐᓂᑦ; ᐊᓯᓯ ᐊᒃᓱᕈᕐᓗᑎᒃ ᐱᓇᓱᐊᓚᐅᕐᐳᑦ, ᐃᓕᑦᓯᓗ ᐱᓇᓱᐊᕐᓯᒪᔭᖏᓐᓂᒃ ᐱᓇᓱᐊᓕᕐᐳᓯ.”

ᐋᐴᓯᑕᓖᑦ ᐱᓂᐊᕐᓂᖏᑦ 11:30

ᑍᒤᓕᐅᕐᓗᑎᒡ, ᑐᔪᐃᓚᐅᕐᐳᑦ ᓯᕗᓕᕐᑎᐅᔪᓄᑦ ᔨᕉᓴᓕᒻᒥ ᐸᕐᓇᐹᓯᒃᑯᒃ ᓴᐅᓗᓯᒃᑯᒃ ᐊᖅᑯᑎᒋᓪᓗᒋᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 20:35

ᓇᖕᒥᓂᖅ ᖃᐅᔨᑎᓚᐅᕐᐸᑦᓯ ᐊᒃᓱᕈᕐᓂᑦᑎᓐᓄᑦ ᐱᓇᓱᐊᕐᓗᑕ ᓴᓐᖐᑦᑐᓂᒃ ᐃᑲᔪᕆᐊᖃᕋᑦᑕ, ᐊᑕᓂᐅᑉ ᔩᓱᓯᐅᑉ ᐅᖃᐅᓯᖏᑦ ᐃᖅᑲᕐᓗᒋᑦ ᐅᖃᕐᓯᒪᖕᒪᑦ, ‘ᑐᓂᓯᓂᖅ ᓮᒻᒪᕐᑎᑕᐅᓇᕐᓂᕐᓴᐅᕗᖅ ᐂᑦᑐᕐᑕᐅᓂᕐᒥᑦ.’”

ᐋᐴᓯᑕᓖᑦ ᐱᓂᐊᕐᓂᖏᑦ 28:10

ᓱᓇᑐᐃᓐᓇᕐᓂᒡᓗ ᐊᒥᓱᓂᒃ ᑐᓂᓯᕕᒋᕚᑎᒍᑦ; ᐅᒥᐊᕐᔪᐊᒃᑯᑦ ᐊᐅᓪᓚᓕᕋᑦᑕ ᑕᖁᐊᒃᓴᕐᑖᕐᑎᑉᐹᑎᒍᑦ ᐱᔭᕆᐊᑲᕐᑕᓕᒫᑦᑎᓐᓂᒃ.

ᕉᒪᒥᐅᓄᑦ 12:8

ᐱᕙᓪᓕᕐᑎᑦᓯᓂᕐᒥᒃ ᑐᓂᕐᕈᓯᐊᕈᓂ ᐱᕙᓪᓕᕐᑎᑦᓯᓕ, ᓇᓪᓕᐊᑦ ᑐᓂᓯᒍᓂ ᐊᓐᓂᕈᓱᖏᓪᓗᓂ ᑐᓂᓯᓕ; ᑕᓯᐅᕐᑎᐅᓂᕐᒥᒃ ᐱᓯᒪᒍᓂ ᐊᒃᓱᕈᕐᓕ; ᓂᑲᒍᓱᖕᓂᕐᒥᒃ ᐱᓇᓱᐊᕈᓂ, ᖁᕕᐊᓱᒡᓗᓂ ᑍᒤᓕᐅᕐᓕ.

ᕉᒪᒥᐅᓄᑦ 15:27

ᖁᕕᐊᓱᒡᓗᑎᒃ ᑍᒫᒃ ᐃᒻᒥᖕᓂᒃ ᐱᔪᒪᓚᐅᕐᒪᑕ, ᐅᓐᓃᓄᓇ ᐃᑲᔪᕆᐊᖃᕋᒥᒃ ᑍᒃᑯᓂᖓ, ᔫᑎᐅᖏᑦᑐᑦ ᐱᖃᑕᐅᓯᒪᒍᑎᒃ ᔫᑎᑦ ᐅᒃᐱᕐᓂᒃᑯᑦ ᓮᒻᒪᕐᑎᑕᐅᓂᖏᓐᓂᒃ, ᑍᒫᒃᑕᐅᖅ ᑕᑯᒃᓴᐅᔪᒃᑯᑦ ᓮᒻᒪᕐᑎᑕᐅᓂᕐᒥᖕᓂᒃ ᑲᑐᑦᔨᖃᑎᒋᔭᕆᐊᖃᕐᒪᒋᑦ.

ᕉᒪᒥᐅᓄᑦ 16:12

ᑕᕝᕙᐅᕗᑏᕐᐸᒃᑲ ᑐᕅᐲᓇ ᑐᕅᐴᓴᓗ, ᑖᒃᑯᐊᒃ ᐊᕐᓈᒃ ᐱᓇᓱᐊᕐᑑᒃ ᐊᑕᓂᕐᒥ. ᓇᒡᓕᖕᓇᕐᑐᕐᓗ ᐳᕐᓯᓯ, ᑖᓐᓇᑦᑕᐅᖅ ᐊᕐᓇᐅᓪᓗᓂ ᐊᓱᕈᒻᒪᕆᒃᓯᒪᔪᖅ ᐊᑕᓂᕐᒥ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:10

ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐃᓅᓯᕆᓕᕐᑕᕋ ᒫᓐᓇ ᐃᓅᓯᕆᕙᕋ, ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓗ ᑕᒪᐅᖓᑐᐃᓐᓈᕐᓯᒪᓐᖏᓚᖅ ᐅᕙᓐᓄᑦ. ᐋᐴᓯᑕᓕᖕᓂᓪᓕ ᑕᒤᓐᓂᑦ ᐊᒃᓱᕈᕐᓇᕐᑐᑰᓂᕐᓴᐅᓯᕐᒪᕗᖓ ᐱᓇᓱᐊᕐᑎᓪᓗᖓ, ᓇᖕᒥᓂᕐᓕ ᐱᓇᓱᐊᕐᓂᓐᓅᖏᑦᑐᖅ, ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐅᕙᓐᓃᑦᑐᖅ ᐱᓇᓱᐊᕐᓯᒪᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:16

ᑍᒤᑦᑐᓄᑦ ᐃᓄᖕᓄᑦ ᐃᓕᑦᓯᓐᓂᒃ ᑐᓂᓯᒪᖁᕙᑦᓯ ᑕᒤᓐᓄᓪᓗ ᐱᓇᓱᐊᖃᑕᐅᔪᓄᑦ ᐱᓇᓱᐊᕐᑎᓄᓪᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:9

ᒎᑎᐅᑉ ᐱᓇᓱᐊᖃᑎᒌᒃᑎᒻᒪᑎᒍᑦ; ᒎᑎᐅᑉ ᐱᕈᕐᓰᕕᖁᑎᒋᕚᓯ, ᒎᑎᐅᑉ ᐃᒡᓗᖁᑎᒋᕚᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:1

ᑖᑦᓱᒥᖓ ᐱᓇᓱᐊᖃᑎᖃᕋᑦᑕ, ᑍᒤᒻᒪᑦ, ᐃᓇᑉᐸᑦᓯ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐃᓚᓕᐅᕐᓯᒪᔭᓯ ᑕᒪᐅᖓᑐᐃᓐᓈᕐᑎᑦᑍᓕᓯᐅᒃ.

ᒐᓔᑎᐊᒥᐅᓄᑦ 6:6

ᐅᒃᐱᕐᓂᕐᒥᒃ ᐊᔪᕆᕐᑐᕐᑕᐅᔪᖅ ᐃᓕᓮᔨᒥᓂᒃ ᑲᑐᑦᔨᖃᑎᖃᕐᑐᒃᓴᐅᕗᖅ ᐱᐅᔪᓂᒃ ᐱᓯᒪᔭᓕᒫᒥᓂᒃ.

ᒨᓯᓯ ᑕᓪᓕᒪᖏᑦ 18:8

ᑍᒫᓪᓗᐊᕐᑕᐅᖅ ᓂᕿᒃᓴᓂᒃ ᐱᑎᑕᐅᖃᑦᑕᕐᑐᒃᓴᐅᕗᖅ ᐊᓯᖏᑎᑐᑦ ᑐᓂᑦᕈᓯᕐᑎᑦᓯᔨᑎᑐᑦ, ᐱᖁᑎᖏᑕᓗ ᓂᐅᕕᕐᑕᐅᑦᔪᑎᕕᓂᖏᓐᓂᒃ ᐱᖃᑕᐅᔪᒃᓴᐅᓪᓗᓂ.”

ᐱᓕᐱᒥᐅᓄᑦ 2:16

ᐊᑕᕕᒋᑦᓯᐊᕐᓗᒍ ᐅᖃᐅᓯᖅ ᐃᓅᑦᔪᑕᐅᔪᖅ, ᑕᕝᕙ ᙭ᔅᑑᓯᐅᑉ ᐅᓪᓗᒃᓴᖓᓂ ᖁᕕᐊᓱᒍᑎᒃᓴᖃᕋᔭᕐᐳᖓ ᐅᓪᓚᐅᑎᔪᓂ ᓵᓚᐅᔪᑎᑐᑦ ᑍᒤᑦᑑᖏᓐᓂᓐᓄᑦ ᐅᕝᕙᓗ ᐊᒃᓱᕈᕐᓗᖓ ᐱᓇᓱᐊᓚᐅᕐᓂᕐᒪ ᑕᒪᐅᖕᒊᓐᓈᕐᓯᒪᖏᓐᓂᖓᓄᑦ.

ᐱᓕᐱᒥᐅᓄᑦ 2:29

ᑍᒤᒻᒪᑦ ᐃᓚᓕᐅᕐᓯᐅᒃ ᖁᕕᐊᓱᒻᒪᕆᒡᓗᓯ ᐊᑕᓂᕐᒥ; ᑍᒤᑦᑐᓪᓗ ᑖᑦᓱᑐᓇᖅ ᐅᐱᒋᑦᓯᐊᕐᓯᒋᒃ,

ᐱᓕᐱᒥᐅᓄᑦ 4:3

ᐃᕝᕕᓪᓗᑦᑕᐅᖅ ᑲᔪᓯᑦᓯᐊᕐᑐᒥᒃ ᐱᓇᓱᐊᖃᑎᒐ, ᕿᓄᕕᒋᕙᒋᑦ ᑖᒃᑯᐊᒃ ᐊᕐᓈᒃ ᐃᑲᔪᕐᑕᐅᖁᓪᓗᒋᒃ, ᐊᒃᓱᕈᒻᒪᕆᒃᓗᑎᒃ ᐱᓇᓱᐊᖃᑎᒋᓯᒪᒐᒃᑭᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓯᐊᒻᒪᕐᑎᑦᓯᖃᑎᒋᓪᓗᒋᒃ, ᒃᓕᒥᓐᑎ ᐃᓚᒋᓪᓗᒍ ᐊᓯᖏᓪᓗ ᐱᓇᓱᐊᖃᑎᒃᑲ ᐃᓚᒋᓪᓗᒋᑦ, ᐊᑎᖏᑦ ᑎᑎᕋᕐᓯᒪᔪᑦ ᐃᓅᓯᕾᓐᓇᕈᒫᕐᑐᑦ ᐊᑎᖃᕐᕕᖓᓐᓂ.

ᑎᒧᑎᒧᑦ ᓯᕗᓪᓖᑦ 3:5

ᐊᖑᑦ ᐃᒡᓗᒥᐅᖃᑎᒥᓂᒃ ᐊᐅᓚᑦᓯᑦᓯᐊᕐᓂᕐᒥᒃ ᖃᐅᔨᒪᖏᑦᑐᖅ, ᖃᓄᕐᓕ ᒎᑎᐅᑉ ᐅᒃᐱᕐᑐᖁᑎᖏᓐᓂᒃ ᑲᒪᔨᐅᔪᒃᓇᕋᔭᕐᐸ?

ᑎᒧᑎᒧᑦ ᓯᕗᓪᓖᑦ 4:10

ᒫᓐᓇᒧᑦ ᑎᑭᓪᓗᒍ ᐱᓇᓱᐊᕐᐸᒃᐳᒍᑦ ᐊᒃᓱᕈᕐᓗᑕ, ᓂᕆᐅᖕᓂᖃᕋᑦᑕ ᒎᑎᒥᒃ ᑐᖁᓱᐃᑦᑐᒥᒃ, ᐱᐅᓕᔨᐅᔪᒥᒃ ᐃᓄᖕᓂᒃ ᑕᒤᓐᓂᒃ, ᐱᓗᐊᕐᓗᓂᓕ ᐅᒃᐱᕈᓱᒃᑐᓄᑦ.

ᑎᒧᑎᒧᑦ ᓯᕗᓪᓖᑦ 4:14

ᑐᓂᕐᕈᓯᐊᕆᓯᒪᔧᑦ ᑲᒪᒋᔪᓐᓃᕐᑍᓕᒍᒃ, ᑐᓂᕐᕈᓯᐊᕆᓚᐅᕐᑍᑦ ᐊᓂᕐᓂᒃᑯᑦ ᐅᖃᓪᓚᒡᕕᐅᑎᓪᓗᑎᑦ ᐅᒃᐱᕐᑑᖃᑎᒌᑦ ᐊᖓᔪᖅᑳᖏᓐᓄᑦ ᐸᑎᒻᒥᔭᐅᓪᓗᑎᑦ.

ᑎᒧᑎᒧᑦ ᓯᕗᓪᓖᑦ 4:16

ᐃᓕᖕᓂᒃ ᐊᔪᕆᕐᓱᖃᓯᐅᔨᓴᑦᓯᐊᕆᑦ ᐊᔪᕆᕐᑐᐃᓂᕐᓂᒡᓗ. ᑕᒪᒃᑯᐊ ᐊᓯᐊᓄᐊᕐᑍᓕᒋᑦ, ᑍᒤᒃᑯᕕᑦ ᐃᓕᖕᓂᒃ ᐱᐅᓕᓂᐊᕐᐳᑎᑦ ᐊᔪᕆᕐᑐᕐᑕᕐᓂᒡᓗ.

ᑎᒧᑎᒧᑦ ᓯᕗᓪᓖᑦ 4:6

ᑕᒪᒃᑯᐊ ᐅᖃᐅᑦᔪᐃᑦᔪᑎᒋᒍᕕᒋᑦ ᐅᒃᐱᕐᑑᖃᑎᒌᓄᑦ, ᐱᔨᑦᓯᕐᑎᐅᑦᓯᐊᕐᓂᐊᕐᐳᑎᑦ ᙭ᔅᑑᓯ ᔩᓱᓯᒥᒃ, ᓇᖕᒥᓂᖅ ᐱᒋᐅᕐᓴᓗᑎᑦ ᐅᖃᐅᓯᕐᓄᑦ ᐅᒃᐱᕐᓂᒃᑯᑦ ᐊᔪᕆᕐᑑᓯᕐᓄᓪᓗ ᓱᓕᔪᓄᑦ ᒪᓕᒃᓯᒪᔭᕐᓄᑦ.

ᑎᒧᑎᒧᑦ ᓯᕗᓪᓖᑦ 5:19

ᐅᒃᐱᕐᑑᖃᑎᒌᑦ ᓯᕗᓕᕐᑎᖓᓂᒃ ᐸᓯᔭᒃᓴᓐᖑᕐᑎᑦᓯᔪᒃᓴᐅᓐᖏᓚᑎᑦ ᑭᓯᐊᓂ ᒪᕐᕉᖕᓂᑦ ᐱᖓᓱᓂᓪᓘᓐᓃᑦ ᖃᐅᔨᓯᒪᔪᓂᑦ ᐅᖃᐅᓯᐅᓯᒪᒃᐸᑦ.

ᑎᒧᑎᒧᑦ ᓯᕗᓪᓖᑦ 5:3

ᐅᐃᒡᒐᕐᓃᑦ ᐅᐱᒋᑦᓯᐊᕐᓗᒋᑦ ᐅᐃᒡᒐᕐᓂᓚᕇᑦ.

ᑎᒧᑎᒧᑦ ᐂᑉᐸᖏᑦ 2:6

ᐱᕈᕐᓰᕕᓕᕆᔨ ᐊᒃᓱᕈᕐᓗᓂ ᐱᓇᓱᐊᕐᓯᒪᔪᖅ ᐱᕈᕐᑐᓂᒃ ᓯᕗᓪᓕᕐᐹᖑᓗᓂ ᐱᑖᕐᑐᒃᓴᐅᕗᖅ.

ᑎᒧᑎᒧᑦ ᐂᑉᐸᖏᑦ 4:2

ᐊᔪᕆᕐᑐᐃᖁᓪᓗᑎᑦ ᐅᖃᐅᓯᕐᓂᒃ, ᐊᔪᐃᓐᓇᕐᓗᑎᑦ ᐱᕕᒃᓴᖃᑦᓯᐊᕈᕕᑦ ᐱᕕᒃᓴᖃᑦᓯᐊᖏᒃᑲᓗᐊᕈᕕᓪᓘᓐᓃᑦ, ᓇᓗᓁᕐᓯᓗᑎᑦ, ᐃᓂᕐᑎᕆᓗᑎᑦ, ᐃᓇᑦᓯᓗᑎᓪᓗ, ᑲᔪᓯᓗᑎᑦ ᕿᓄᐃᓵᕐᓂᒃᑯᑦ ᐊᔪᕆᕐᑐᐃᓂᒃᑯᓪᓗ.

ᐄᑉᕈᐃᓄᑦ 13:17

ᓯᕗᓕᕐᑎᓯ ᓈᓚᒃᓯᒋᒃ ᐱᖁᔨᓂᖏᓪᓗ ᐊᑐᑦᓯᐊᕐᓗᒋᑦ; ᑕᕐᓂᑦᓯᓐᓂᒃ ᑲᒪᒋᔭᖃᕐᒪᑕ, ᐱᓂᐊᕐᓂᕆᔭᒥᓂᒃᑕᐅᖅ ᓇᓗᓁᕐᓯᔭᕆᐊᖃᕈᒫᕐᒪᑕ ᒎᑎᒧᑦ. ᖁᕕᐊᓱᒡᓗᑎᒃ ᐱᓇᓱᐊᖁᓪᓗᒋᑦ, ᖁᕕᐊᓱᖏᑦᑑᖏᓪᓗᑎᒃ, ᖁᕕᐊᒋᖏᓪᓗᒍ ᐱᓇᓱᐊᕐᐸᑕ ᐃᓕᑦᓯᓐᓄᑦ ᐃᑲᔪᕐᓂᖃᑦᔮᖏᒻᒪᑕ.

ᐄᑉᕈᐃᓄᑦ 13:24

ᓯᕗᓕᕐᑎᓕᒫᓯ ᑕᕝᕙᐅᕗᑏᕐᐸᕗᑦ ᐃᑦᔪᕐᓁᑎᑕᐅᓯᒪᔪᓕᒫᓪᓗ. ᐃᑕᓕᒥᐅᓪᓗ ᐅᒃᐱᖃᑎᑦᑕ ᑕᕝᕙᐅᕗᑏᕐᐹᓯ.

ᐄᑉᕈᐃᓄᑦ 13:7

ᐃᖅᑲᐅᒪᓯᐅᒃ ᓯᕗᓕᕐᑎᓯ, ᒎᑎᐅᑉ ᐅᖃᐅᓯᖏᓐᓂᒃ ᐃᓕᑦᓯᓐᓄᑦ ᐅᖃᕐᐸᒃᑐᑦ; ᐃᓱᒪᒋᓯᐅᒃ ᖃᓄᖅ ᐃᓅᓯᖃᕐᒪᖔᑕ, ᐅᒃᐱᕐᓂᖏᓪᓗ ᒪᓕᒡᓗᒋᑦ.