12 ᓯᕗᓪᓕᕐᒥᒡᓗ ᐊᖏᕈᑎᒋᓚᐅᕐᑕᒥᖕᓂᒃ ᑖᑦᓱᒧᓐᖓ ᐊᑐᕈᒃᓃᓲᖑᓪᓗᑎᒃ.
ᐃᓴᕆᐊᓕ ᐱᐅᔪᒥᒃ ᐊᕕᑦᓯᓚᐅᕐᒪᑦ; ᐊᑭᕋᖏᑕ ᒪᓕᒍᒫᕐᐹᑦ.
ᐃᓚᓯᓕ ᑳᒃᐸᑦ, ᐊᖏᕐᕋᒥᓂ ᓂᕆᔪᒃᓴᐅᕗᖅ; ᑲᑎᒪᓂᑦᓯᓐᓄᑦ ᐸᓯᔭᒃᓴᐅᑦᔪᑎᖃᖁᓇᓯ. ᐊᓯᖏᓪᓕ ᑎᑭᒃᑯᒪ ᐋᖅᑭᒋᐊᕈᑎᒃᓮᑦ ᐱᓇᓱᐊᓛᕐᐸᒃᑲ.
ᑲᒪᓂᐊᕈᑎᒋᕙᑦᓯ ᕿᒤᓯᒪᓕᕇᕋᑦᓯ ᕾᖁᔭᐅᓂᕆᓚᐅᕐᑕᑦᓯᓐᓂᒃ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐊᓯᖏᓐᓂᒡᓗ ᐅᖃᐅᓯᕐᓂᒃ ᑐᓴᕈᒥᓇᕐᑑᓂᕋᕐᑕᐅᖕᒥᔪᓂᒃ ᐃᓚᓕᐅᕐᓯᓪᓗᓯ.
ᐅᐃᒡᒐᕐᓃᓪᓕ ᐃᓅᓱᖕᓂᕐᓮᑦ ᐅᐃᒡᒐᕐᓃᑦ ᐊᑎᖏᓐᓄᑦ ᐃᓚᓕᐅᑎᓂᐊᕐᓇᒋᑦ; ᐱᔪᒪᓂᕐᒥᖕᓄᑦ ᐅᐃᓂᒃᑲᓐᓂᕈᒪᑎᑕᐅᓕᕐᐸᑕ, ᙭ᔅᑑᓯᒥᑦ ᕿᒪᕉᑎᑐᐃᓐᓇᕆᐊᖃᕐᒪᑕ.
ᓱᓕᒃᑲᓐᓂᖅ, ᓱᓇᓕᕆᔪᒪᔪᓐᓃᕐᐸᒃᑭᕗᑦ, ᐳᓚᕋᑐᐃᓐᓇᓕᕐᓗᑎᒃ, ᐳᓚᕋᑐᐃᓐᓇᕋᑎᒡᓗ ᐃᓅᖃᓐᓂᐊᕐᐸᒃᐳᑦ ᑲᒪᒋᔭᒃᓴᕆᓐᖏᑕᒥᖕᓂᒡᓗ ᐅᖃᐅᓯᖃᕐᐸᓕᕐᓗᑎᒃ.
ᐊᒥᓲᓐᖏᑦᑐᓯᒍᑦ ᐊᔪᕆᓱᐃᔨᖑᕐᑐᒃᓴᐅᕗᓯ, ᐅᒃᐱᕐᑑᖃᑎᒃᑲ, ᖃᐅᔨᒪᒐᑦᓯ ᐅᕙᒍᑦ ᐊᔪᕆᕐᓱᐃᕙᒃᑐᒍᑦ ᓂᑲᒋᔭᐅᓐᖏᓐᓂᕐᓴᐅᓗᑕ ᐃᖅᑲᕐᑐᕐᑕᐅᔪᒫᕋᑦᑕ.
ᒫᓐᓇ ᐃᖅᑲᕐᑐᕐᑕᐅᓂᖅ ᐱᒋᐊᕐᒪᑦ ᒎᑎᐅᑉ ᐃᓄᖁᑎᖏᓐᓂᑦ; ᐅᕙᑦᑎᓐᓂᓪᓗ ᐱᒋᐊᕐᓂᖃᕐᐸᑦ, ᖃᓄᕐᓕ ᒎᑎᐅᑉ ᐅᖃᐅᓯᖏᓐᓂᒃ ᑐᓴᕈᒥᓇᕐᑐᖁᑎᖏᓐᓂᑦ ᓈᓚᒍᒪᖏᑦᑐᑦ ᐃᓱᓕᑉᕕᖃᓛᕐᐸᑦ?
