ᑎᒧᑎᒧᑦ ᓯᕗᓪᓖᑦ 5:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐱᓇᓱᐊᑦᓯᐊᖃᑦᑕᕐᓯᒪᓗᓂ ᐅᖃᐅᓯᐅᑦᓯᐊᖃᑦᑕᓗᓂ; ᕿᑐᕐᖓᒥᓂᒃ ᐱᕈᕐᓮᑦᓯᐊᕐᓯᒪᓗᓂ, ᑐᓐᖓᒋᔭᐅᓗᓂ, ᐃᑦᔪᕐᓁᑦᑐᓪᓗ ᐃᑎᒐᖏᓐᓂᒃ ᐅᐊᓴᖃᑦᑕᕐᓗᓂ, ᐃᑲᔪᕆᐊᓕᖕᓂᒃ ᐃᑲᔪᖃᑦᑕᕐᓗᓂ, ᐱᐅᔪᒥᒡᓗ ᐱᓇᓱᐊᖃᑦᑕᕐᓗᓂ ᓱᓇᓕᒫᓂᒃ.

ᑎᒧᑎᒧᑦ ᓯᕗᓪᓖᑦ 5:10 ပူးပေါင်းရင်းမြစ်များ

ᑎᒧᑎᒧᑦ ᓯᕗᓪᓖᑦ 6:18

ᐱᐅᔪᒥᒃ ᐱᓇᓱᐊᖁᒃᑭᑦ, ᐱᓇᓱᐊᑦᓯᐊᕐᓂᒃᑯᑦ ᐊᔪᕐᓴᓐᖏᑦᑑᖁᓪᓗᒋᑦ, ᐊᓐᓂᕈᓱᖁᓇᒋᑦ ᐱᒋᔭᒥᖕᓂᒃ ᐃᑲᔪᖁᓪᓗᒋᓪᓗ ᐃᓅᖃᑎᒥᖕᓄᑦ.

ᑍᑑᓯᒧᑦ 3:8

ᑕᒪᑦᔭ ᐅᖃᐅᓯᖅ ᓱᓕᔪᖅ. ᑕᒪᒃᑯᓂᖓ ᐃᒃᐱᒍᓱᑦᓯᐊᕐᓗᑎᑦ ᐊᔪᕆᕐᑐᐃᖁᕙᒋᑦ, ᒎᑎᒧᑦ ᐅᒃᐱᕐᑐᑦ ᐱᓇᓱᐊᑦᓯᐊᕈᒪᓂᕐᒥᒃ ᑲᔪᖏᓕᖁᓪᓗᒋᑦ ᐱᕕᖃᕐᓂᓕᒫᒥᒍᑦ; ᑍᒤᓕᐅᕐᓃᑦ ᑕᒪᒃᑯᐊ ᐱᐅᖕᒪᑕ ᐊᑐᕐᓇᕐᑑᓪᓗᑎᒡᓗ ᐃᓄᓕᒫᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 9:36

ᔮᐸᒥ ᐃᓕᓐᓂᐊᕐᑎᑕᖃᓚᐅᕐᐳᖅ ᑕᐱᓴᒥᒃ ᐊᑎᓕᖕᒥᒃ, ᒍᕇᑭᑎᑐᑦ ᑍᔭᐅᔪᒥᒃ ᑑᑲᓯᒥᒃ, ᑖᓐᓇ ᐱᓂᐊᕐᓂᖃᑦᓯᐊᓚᐅᕐᐳᖅ ᐃᑲᔪᑦᓯᐊᕐᐸᒡᓗᓂᓗ ᐊᔪᕐᓴᕐᑐᓄᑦ.

ᑍᑑᓯᒧᑦ 3:1

ᐃᖅᑬᑎᒃᑭᑦ ᐊᐅᓚᑦᓯᔨᓂᒃ ᐊᖓᔪᖅᑳᓂᒡᓗ ᓈᓚᑦᓯᐊᖁᓗᒋᑦ, ᐃᒻᒥᖕᓂᒃ ᑐᓂᓯᒪᑦᓯᐊᕐᓗᑎᒃ ᑖᒃᑯᓄᖓ, ᐱᓇᓱᐊᑦᓯᐊᕈᒪᓂᕐᒥᒡᓗ ᖃᖓᓕᒫᒃᑯᑦ ᐊᑐᐃᓐᓇᐅᑦᓯᐊᖁᓪᓗᒋᑦ.

ᑍᑑᓯᒧᑦ 2:7

ᐃᕝᕕᓪᓕ ᓇᖕᒥᓂᖅ ᑖᒃᑯᓄᖓᓕᒫᖅ ᒪᓕᒐᒃᓴᑦᓯᐊᖑᔪᒃᓴᐅᕗᑎᑦ ᐃᓅᑦᓯᐊᕐᓂᒃᑯᑦ, ᐊᔪᕆᕐᑐᐃᓕᕌᖓᕕᑦ ᓱᓕᑦᓯᐊᕐᓗᑎᑦ ᐱᓪᓚᕆᒃᑐᒥᒃ ᐊᔪᕆᕐᑐᐃᖃᑦᑕᕐᓗᑎᑦ,

ᑎᒧᑎᒧᑦ ᐂᑉᐸᖏᑦ 3:17

ᒎᑎᐅᑉ ᐃᓄᖁᑎᖓ ᓈᒻᒪᒃᓯᑦᓯᐊᖁᓪᓗᒍ, ᐱᓇᓱᐊᕈᓐᓇᕐᓯᖁᓪᓗᒍᓗ ᐱᐅᔪᓂᒃ ᐱᓇᓱᐊᕐᓂᓕᒫᓂᒃ.

ᕉᒪᒥᐅᓄᑦ 12:13

ᒎᑎᐅᑉ ᐃᓄᖁᑎᖏᑦ ᐱᔭᕆᐊᖃᕐᑕᖏᓐᓂᒃ ᑐᓂᓯᕕᒋᓯᒋᒃ, ᑐᓐᖓᓱᒃᑎᑦᓯᕙᒡᓗᓯᓗ ᑎᑭᓯᒪᔪᓂᒃ.

ᓘᑲᓯᐅᑉ ᐊᒡᓚᖏᑦ 7:44

ᐊᕐᓇᒧᑦ ᑕᑯᓴᕋᒥ ᓮᒨᓂ ᐅᖃᐅᑎᕚ, “ᐅᓇ ᐊᕐᓇᖅ ᑕᑯᕕᐅᒃ? ᐃᒡᓗᖕᓄᑦ ᐃᑎᕋᒪ, ᐃᒥᕐᒥᒃ ᕾᑦᓯᓚᐅᓐᖏᓚᕐᒪ ᐃᑎᒐᓐᓄᑦ ᐅᐊᓴᐅᑎᒃᓴᓐᓂᒃ, ᑖᑦᓱᒪᓕ ᐃᑎᒐᒃᑲ ᖃᐅᓯᓕᕐᑎᕐᐰᑦ ᖁᕝᕕᒥᓄᑦ ᐊᓪᓚᕐᑎᕐᓗᒋᓪᓗ ᓄᔭᕐᒥᓄᑦ.

ᒫᑎᐅᓯᐅᑉ ᐊᒡᓚᖏᑦ 5:16

ᑍᒫᒃᑕᐅᖅ ᖃᐅᒻᒪᖁᑎᓯ ᐃᓄᖕᓄᑦ ᖃᐅᒪᑎᓯᐅᒃ, ᐱᓂᐊᑦᓯᐊᕐᓂᑦᓯᓐᓂᒃ ᑕᑯᖁᓪᓗᒋᑦ, ᐊᑖᑕᓯ ᕿᓚᖕᒦᑦᑐᖅ ᓂᕐᑐᕐᑕᐅᖁᓪᓗᒍ.”

ᐲᑦᑐᕉᓯ ᓯᕗᓪᓖᑦ 2:12

ᐅᒃᐱᖏᑦᑐᓂᒃ ᐃᓚᖃᕐᑎᓪᓗᓯ ᐱᐅᔪᒥᒃ ᐱᓂᐊᕐᓂᖃᕆᐊᖃᕐᐳᓯ, ᐃᓕᑦᓯᓐᓂᒃ ᐱᐅᖏᑦᑐᓕᓂᕅᓇᓱᓕᕈᑎᒃ, ᖃᐅᔨᖁᓪᓗᒋᑦ ᐱᓂᐊᑦᓯᐊᕐᓂᑦᓯᓐᓂᒃ ᒎᑎᒥᒡᓗ ᓂᕐᑐᐃᔪᒫᖁᓪᓗᒋᑦ ᐅᓪᓗᕐᔪᐊᒥ ᑎᑭᑦᓱᒫᕐᑐᒥ.

ᐄᑉᕈᐃᓄᑦ 13:21

ᑖᑦᓱᒪ ᐱᔪᓐᓇᕐᑎᓪᓕᓯ ᐱᓂᐊᑦᓯᐊᕐᓂᕐᓂᒃ ᑕᒤᓐᓂᒃ ᐱᔪᓐᓇᑦᓯᖁᓪᓗᓯ ᑖᑦᓱᒪ ᐱᔪᒪᔭᖓᒍᑦ, ᐃᓗᑦᓯᓐᓂ ᐱᓇᓱᐊᕐᓗᓂ ᖁᕕᐊᒋᔭᒥᓂᒃ, ᔩᓱᓯ ᙭ᔅᑑᓯᒃᑯᑦ; ᑖᓐᓇ ᓂᕐᑐᕐᑕᐅᓕ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒥᓐ.

ᐄᑉᕈᐃᓄᑦ 13:2

ᓯᓂᒃᑕᕐᕕᐅᔪᒪᓗᓯ ᑐᓐᖓᓮᖃᑦᑕᕆᑦᓯ ᓂᐅᕐᕈᐊᓂᒃ, ᐃᓚᖏᑦ ᑍᒤᓕᐅᕋᒥᒃ ᖃᐅᔨᒪᓇᑎᒃ ᐂᖏᓕᓂᒃ ᑐᓐᖓᓱᒃᑎᑦᓯᓯᒪᖕᒪᑕ.

ᐄᑉᕈᐃᓄᑦ 10:24

ᐅᕙᑦᑎᓐᓄᓪᓗ ᑲᒪᒋᑦᓯᐊᖃᑦᑕᐅᑎᓚᐅᕐᑕ ᐃᑲᔪᖃᑦᑕᐅᑎᓗᑕᓗ ᓇᒡᓕᖕᓂᑦᑎᓐᓂᒃ ᓴᖅᑭᑎᑦᓯᖃᑦᑕᐅᑎᓗᑕ ᐱᐅᔪᒥᒡᓗ ᐱᓇᓱᐊᑦᓯᐊᕐᓗᑕ.

ᑍᑑᓯᒧᑦ 3:14

ᐃᓅᖃᑎᕗᑦ ᐱᓂᐊᑦᓯᐊᕈᓐᓇᕐᓂᕐᒥᒃ ᐃᓕᓐᓂᐊᕈᓐᓇᖁᓪᓗᒋᑦ, ᐃᑲᔪᕐᑕᐅᔭᕆᐊᖃᓪᓚᕆᒃᑐᓂᒃ ᐃᑲᔪᕈᓐᓇᕐᓯᖁᓪᓗᒋᑦ, ᐊᑑᑎᖃᖏᑦᑐᒥᒡᓗ ᐃᓅᓯᖃᖁᓇᒋᑦ.

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.

ᓘᑲᓯᐅᑉ ᐊᒡᓚᖏᑦ 7:38

ᔩᓱᓯᐅᑉ ᑐᓄᐊᓂ ᓇᖏᕐᐳᖅ ᐃᑎᒐᖏᑕ ᓴᓂᐊᓂ, ᕿᐊᓪᓗᓂ, ᖁᕝᕕᒥᓄᑦ ᐃᑎᒐᖏᑦ ᖃᐅᓯᓕᕐᑎᕐᐰᑦ, ᐊᓪᓚᕐᑎᕐᓗᒋᓪᓗ ᓄᔭᕐᒥᓄᑦ, ᐃᑎᒐᖏᓪᓗ ᑯᓂᒃᐰᑦ, ᑎᐱᑦᓯᐊᕆᒃᑐᒥᒃ ᑯᕝᕕᕆᓪᓗᒋᑦ.

ᒨᓯᓯ ᓯᕗᓪᓖᑦ 18:4

ᐃᒥᕐᒥᒃ ᒥᑭᔪᒥᒃ ᕾᑦᓯᓂᐊᕋᒪ, ᐃᑎᒐᑦᓯ ᐅᐊᓴᐅᑎᒃᓴᖓᓂᒃ, ᓇᐹᕐᑑᓪᓗ ᐊᑖᓂ ᑕᕾᕐᓯᕐᓗᓯ.

ᔪᐊᓇᓯᐅᑉ ᐱᖓᔪᖏᑦ 1:12

ᑎᒥᑐᕆᐊᓯ ᑕᒤᓐᓄᑦ ᐱᑦᓯᐊᕐᓂᕋᕐᑕᐅᓪᓗᓂ ᐅᓐᓂᕐᓯᐅᑕᐅᕗᖅ, ᓱᓕᔫᓪᓗ ᓇᖕᒥᓂᖅ ᐅᓐᓂᕐᓯᐅᑎᒋᓯᒪᒋᕚ; ᐅᕙᖓᑦᑕᐅᖅ ᑖᑦᓱᒥᖓ ᐱᑦᓯᐊᕐᓂᕅᔪᓄᑦ ᐃᑲᔪᕐᑐᐃᖃᑕᐅᒋᕗᖓ, ᖃᐅᔨᒪᕗᓯᓗ ᓇᓗᓁᕐᓯᓂᕆᔭᕗᑦ ᑕᒪᓐᓇ ᓱᓕᖕᒪᑦ.

ᐲᑦᑐᕉᓯ ᓯᕗᓪᓖᑦ 4:9

ᐊᖏᕐᕋᑦᓯᓐᓄᑦ ᑐᓐᖓᓱᑎᑦᑎᖃᑦᑕᕆᑦᓯ ᓈᒻᒪᒃᓴᖏᑦᔪᑎᒋᓐᖏᓪᓗᒍ.

ᑎᒧᑎᒧᑦ ᐂᑉᐸᖏᑦ 3:15

ᓄᑕᕋᐅᓂᕐᓂᓪᓗ ᐊᒡᓔᑦ ᖃᐅᔨᒪᒐᕕᒋᑦ ᐱᐅᓕᔭᐅᓐᓇᕐᑐᒥᒃ ᖃᐅᔨᑎᑦᓯᔪᓐᓇᕐᓂᖏᓐᓂᒃ ᐅᒃᐱᕐᓂᒃᑯᑦ ᙭ᔅᑑᓯ ᔩᓱᓯᒥᒃ.

ᑎᒧᑎᒧᑦ ᐂᑉᐸᖏᑦ 2:21

ᐱᐅᖏᓐᓇᕐᑐᓂᒃ ᐊᑐᕐᑍᓕᔪᖃᕈᓐᓇᕐᐸᑦ ᑖᓐᓇ ᐊᑐᒐᒃᓴᓐᖑᕐᑎᑕᐅᓂᐊᕐᐳᖅ ᓇᓪᓕᐅᓐᓂᕐᓯᐅᕐᑐᓂ, ᓴᓂᕐᕙᒃᑕᐅᓯᒪᓂᐊᕐᐳᕐᓗ ᐊᖓᔪᖅᑳᒥᓄᑦ ᐱᓪᓚᕆᖕᒧᑦ ᐊᑐᒐᒃᓴᐅᖁᓪᓗᒍ, ᐊᑐᐃᓐᓇᐅᓗᓂ ᓱᓇᑐᐃᓐᓇᕐᓄᑦ ᐱᐅᔪᓄᑦ ᐊᑐᕐᑐᒃᓴᐅᓗᓂ.

ᑎᒧᑎᒧᑦ ᐂᑉᐸᖏᑦ 1:5

ᐃᖅᑲᐅᒪᒐᒪ ᓱᓕᑦᓯᐊᕐᑐᒥᒃ ᐅᒃᐱᕐᓃᖃᕋᕕᑦ, ᐊᓈᓇᑦᓯᐊᕕᑦ ᓗᐃᓯᐅᑉ ᐅᒃᐱᕐᓂᖓᑐᑦ ᐊᓈᓇᕕᓪᓗ ᔫᓁᓯᐅᑉ, ᖁᓚᖏᑦᓯᐊᕋᒪ ᐃᓕᖕᓃᓐᓂᖓᓂᒃᑕᐅᖅ.

ᑎᒧᑎᒧᑦ ᓯᕗᓪᓖᑦ 5:25

ᑍᒫᒃᑕᐅᖅ ᐱᓇᓱᐊᕐᓂᐅᕙᒃᑐᑦ ᓇᓗᓇᖏᒻᒥᒪᑕ; ᐃᓚᖏᑦ ᐱᓇᓱᐊᕐᓂᐅᕙᒃᑐᑦ ᑕᑯᒃᓴᐅᓗᐊᓐᖏᑦᑑᒐᓗᐊᑦ ᓇᓗᓇᕈᓐᓃᓂᐊᕐᒥᔪᑦ.

ᑎᒧᑎᒧᑦ ᓯᕗᓪᓖᑦ 2:10

ᐱᐅᔪᒥᒃ ᐱᓇᓱᐊᕐᓗᑎᒃ, ᐊᕐᓇᑎᑐᑦ ᓈᒻᒪᒃᑐᒥᒃ ᐱᓇᓱᐊᕐᓗᑎᒃ ᒎᑎᒥᒃ ᐅᐱᒋᔭᖃᕐᓗᑎᒃ.

ᑯᓘᓯᐊᒥᐅᓄᑦ 1:10

ᐃᓅᓯᖃᕈᓐᓇᖁᓪᓗᓯ ᐊᑕᓂᐅᑉ ᓈᒻᒪᒋᔭᖓᒍᑦ, ᖁᕕᐊᒋᔭᐅᓗᓯᓗ ᑖᑦᓱᒧᖓ, ᐃᓅᓯᑦᓯᒍᓪᓗ ᐱᐅᔪᓂᒃ ᐱᕈᕐᑎᑦᓯᖁᓪᓗᓯ ᐊᑦᔨᒌᖏᑦᑐᓂᒃ ᖃᐅᔨᕙᓪᓕᐊᓗᓯᓗ ᒎᑎᒥᒃ.

ᐃᐱᓯᒥᐅᓄᑦ 2:10

ᒎᑎᐅᑉ ᓴᓇᓯᒪᕚᑎᒍᑦ, ᙭ᔅᑑᓯ ᔩᓱᓯᒃᑯᑦ ᐱᓐᖑᕐᑎᓚᐅᕐᐹᑎᒍᑦ ᐱᓇᓱᐊᑦᓯᐊᖁᓪᓗᑕ, ᒎᑎᐅᑉ ᑕᒪᓐᓇ ᓯᕗᓂᖓᒍᑦ ᐅᐸᓗᖕᒊᔭᕇᕐᓯᒪᓚᐅᕐᐹ, ᑍᒤᓕᐅᖁᓪᓗᑕ.

ᐋᐴᓯᑕᓖᑦ ᐱᓂᐊᕐᓂᖏᑦ 22:12

“ᐊᓇᓁᐊᓯᒥᒃ ᐊᑎᓕᐅᑉ, ᑕᕝᕙᓂ ᑕᑯᔭᕐᑐᓚᐅᕐᐹᖓ ᑖᓐᓇ ᐅᒃᐱᑦᓯᐊᕐᑑᓪᓗᓂ ᐱᖁᔭᓂᒃ ᒪᓕᑦᓯᐊᕐᐳᖅ, ᔫᑎᓂᑦ ᓄᓇᖃᑎᖏᓐᓂᑦ ᐱᓪᓗᕆᒃᑐᖁᑕᐅᔪᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 10:22

ᑖᒃᑯᐊ ᑭᐅᕚᑦ, “ᑰᓂᓕᐅᓯᐅᑉ ᐅᓇᑕᕐᑐᒃᓮᑦ ᐊᖓᔪᖅᑳᖓᑦᑕ ᑎᓕᕚᑎᒍᑦ, ᑖᓐᓇ ᐅᒃᐱᑦᓯᐊᕐᑑᕗᖅ ᒎᑎᒥᒡᓗ ᐃᒃᐱᒋᔭᖃᑦᓯᐊᕐᓗᓂ, ᔫᑎᓕᒫᑦ ᐊᑲᐅᓂᕋᕐᑕᖓᑦ, ᒎᑎᐅᑉ ᐂᖏᓕᖓᓄᑦ ᐅᖃᐅᑦᔭᐅᓪᓗᓂ ᕾᖁᔭᐅᖁᖕᒪᑎᑦ ᐃᒡᓗᒥᓄᑦ, ᐅᖃᐅᓯᕐᓂᒃ ᑐᓴᕈᒪᓪᓗᓂ ᐃᓕᖕᓂᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 9:39

ᐲᑦᑐᕉᓯ ᐸᕐᓇᒃᑲᒥ ᑖᒃᑯᐊᒃ ᐃᓚᒋᓪᓗᒋᒃ ᐊᐅᓪᓚᕐᐳᑦ. ᑕᕝᕗᖓ ᑎᑭᒻᒪᑕ ᐋᑉᐹᑦ ᐃᒡᓘᑉ ᖁᓛᓃᑦᑐᒧᑦ. ᐅᐃᒡᒐᕐᓃᑦ ᑕᕝᕙᓃᑦᑐᑦ ᕿᐊᕗᑦ, ᐅᕕᓂᕈᕐᓂᒃ ᐊᓐᓄᕌᓂᒡᓗ ᐊᓯᖏᓐᓂᒃ, ᑑᑲᓯᐅᑉ ᐃᓅᓪᓗᓂ ᓴᓇᖃᑦᑕᕐᑕᕕᓂᖏᓐᓂᒃ ᐲᑦᑐᕉᓯᒧᑦ ᑕᑯᔭᐅᑎᑦᓯᕗᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 6:3

ᑍᒤᒻᒪᑦ, ᐃᓅᖃᑎᒃᑲ, ᓂᕈᐊᓚᐅᕆᑦᓯ ᐊᖑᑎᓂᒃ 7ᓂᒃ ᖃᐅᔨᒪᔭᕆᑦᓯᐊᕐᑕᑦᓯᓐᓂᒃ, ᐊᓂᕐᓂᕐᒥᒡᓗ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᓯᒪᔪᓂᒃ ᓯᓚᑐᓂᖃᕐᑐᓂᒃ, ᐱᔨᑦᓯᕐᓂᕐᒧᑦ ᑕᒪᑐᒧᖓ ᑲᒪᔨᐅᓂᐊᕐᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 1:17

ᐊᑲᐅᔪᒥᒃ ᐃᓕᓐᓂᐊᓕᕆᑦᓯ, ᐸᓯᔭᐅᓐᓇᖏᑦᑐᒥᒃ ᕿᓂᕆᑦᓯ, ᓵᓚᓯᐊᖃᕐᓂᖅ ᐋᖅᑭᒋᐊᕐᓗᒍ; ᐃᓕᐊᕐᔪᐃᑦ ᓴᐳᓐᓂᐊᕐᓗᒋᑦ, ᐅᐃᒡᒐᕐᓃᓪᓗ ᐃᑲᔪᕐᓗᒋᑦ.

ᐃᓐᖏᕈᑎᑦ 119:4

ᐱᖁᓚᐅᕐᐸᑦᑎᒍᑦ ᐊᑐᕐᑕᐅᖁᔭᕐᓂᒃ ᒪᓕᖁᓪᓗᑕ ᑖᒃᑯᐊᓗ ᒪᓕᑦᓯᐊᕐᓗᒋᑦ ᑲᔪᓯᑦᓯᐊᖁᓪᓗᑕ.

ᒨᓯᓯ ᐱᖓᔪᖏᑦ 25:35

“ᐃᓴᕆᐊᓕᒥᐅᖑᖃᑎᓯ ᐊᔪᕐᓴᓕᕐᐸᑦ ᐃᓅᑦᔪᑎᒃᓴᒥᓂᒡᓗ ᓇᖕᒥᓂᖅ ᐊᔪᓕᕐᓗᓂ, ᐃᑲᔪᕆᐊᖃᕐᐸᓯ ᓲᕐᓗ ᓂᐅᕐᕈᐊᑎᑐᑦ ᐃᖅᑲᓁᔭᕐᑎᑐᓪᓘᓐᓃᑦ ᑲᒪᒋᑎᒋᓗᒍ, ᓄᓇᑦᓯᓐᓂ ᐃᓂᖃᓯᐊᑦᓮᓐᓇᖁᓪᓗᒍ.

ᒨᓯᓯ ᓯᕗᓪᓖᑦ 24:32

ᑕᕝᕙ ᐊᖑᑦ ᐃᒡᓗᒧᑦ ᐃᑎᕐᐳᖅ; ᓔᐸᓂᐅᓪᓗ ᑳᒥᓖᑦ ᓇᖕᒪᒃᑕᖏᑦ ᐲᔭᕐᐰᑦ, ᐃᕕᒃᓱᒐᕐᓂᒡᓗ ᓂᕿᖏᓐᓂᒡᓗ ᑐᓂᓯᕕᒋᓪᓗᒍ ᑳᒥᓕᖁᑎᖏᑕ ᐱᓂᐊᕐᑕᖏᓐᓂᒃ, ᐃᒥᕐᒥᒡᓗ ᐃᑎᒐᖏᑕ ᐃᓚᒋᔭᖏᑕᓗ ᐊᖑᑎᑦ ᐅᐊᓴᐅᑎᒋᓂᐊᕐᑕᖏᓐᓂᒃ.

ᒨᓯᓯ ᓯᕗᓪᓖᑦ 19:2

ᐅᖃᕐᐳᖅ, “ᐊᖓᔪᖅᑳᒃᑲᒃ ᐅᖃᐅᑎᕙᑦᓯᒃ ᑕᒪᐅᖓ ᓄᖅᑲᖁᓪᓗᓯᒃ, ᐱᔨᑦᓯᓗ ᐃᒡᓗᖓᓄᐊᖁᓪᓗᓯᒃ ᓯᓂᒃᑕᕐᓗᓯᒡᓗ, ᐃᑎᒐᓯᒡᓗ ᐅᐊᓴᕐᓗᒋᑦ. ᐅᓪᓛᕈᕐᓗᓯᒃ ᒪᑭᒃᑯᑦᓯᒃ ᐅᐸᒃᑕᑦᓯᖕᓄᑦ ᐊᐅᓪᓚᕐᓂᐊᕋᑦᓯᒃ.” ᑖᒃᑯᐊᒡᓕ ᑭᐅᕘᒃ, “ᐋᒃᑲᓕ, ᒫᓂ ᐃᒡᓗᒐᓴᒡᔪᐊᑦ ᐊᖅᑯᑎᖏᓐᓂ ᐅᓐᓄᐊᕐᓯᐅᕐᓂᐊᕐᑐᒍᒃ.”

ᑎᒧᑎᒧᑦ ᓯᕗᓪᓖᑦ 5:16

ᐊᕐᓇᖅ ᐅᒃᐱᕐᑐᖅ ᐅᐃᒡᒐᕐᓂᕐᓂᒃ ᐃᓚᖃᕈᓂ, ᑖᒃᑯᐊ ᑲᒪᒋᔭᕆᐊᖃᕐᐰᑦ; ᐅᒃᐱᕐᑑᖃᑎᒌᑦ ᐅᖁᒤᑎᑕᐅᖁᓇᒋᑦ, ᑲᒪᖔᕈᓐᓇᖁᓪᓗᒋᓪᓕ ᐅᐃᒡᒐᕐᓂᕐᓂᒃ ᐃᓅᖃᑎᒃᓴᖃᓐᖏᓗᐊᕐᑐᓂᒃ.

ᑎᒧᑎᒧᑦ ᓯᕗᓪᓖᑦ 3:7

ᐱᓪᓚᕆᒃᑐᖁᑎᒋᔭᐅᔪᕐᓴᐅᕗᖅ ᐅᒃᐱᕐᑑᖃᑎᒌᑦ ᓯᓚᑖᓃᑦᑐᓄᑦ, ᑲᓐᖑᓲᑎᒃᓴᐅᒐᔭᕐᑐᒧᑦ ᑲᑕᖁᓇᒍ ᓵᑖᓇᓯᐅᑉ ᓂᒐᕐᑎᑦᓯᓂᖓᓄᑦ.

ᒨᓯᓯ ᓯᕗᓪᓖᑦ 43:24

ᑕᕝᕙ ᐊᖑᑎᐅᑉ ᑖᒃᑯᐊ ᐊᖑᑏᑦ ᔫᓯᐱᐅᑉ ᐃᒡᓗᖓᓄᑦ ᐃᑎᕐᑎᑉᐰᑦ, ᐃᒥᕐᒥᒡᓗ ᑐᓂᓯᕕᒋᕔᑦ, ᑖᒃᑯᐊᓗ ᐃᑎᒐᖕᒥᖕᓂᒃ ᐃᕐᕈᕐᑐᐃᕗᑦ, ᓯᐅᑎᖅᑯᕐᑐᔪᖁᑎᖏᓪᓗ ᓂᕿᒃᓴᖏᓐᓂᒃ ᐊᑐᐃᓐᓇᕈᐃᕕᒋᕔᑦ,

ᑎᒧᑎᒧᑦ ᓯᕗᓪᓖᑦ 3:2

ᐅᒃᐱᕐᑑᖃᑎᒌᓂ ᓯᕗᓕᕐᑎᐅᔪᖅ ᐃᓅᓯᕐᒥᒍᑦ ᐸᓯᔭᒃᓴᐅᔪᒃᓴᐅᓐᖏᓚᖅ; ᐊᑕᐅᓯᕐᒥᒃ ᓄᓕᐊᖃᕐᓗᓂ, ᐃᓱᒪᖓ ᐃᖅᑭᐊᓱᖏᓪᓗᓂ, ᐃᒻᒥᓂᒡᓗ ᐱᓯᒪᔪᓐᓇᑦᓯᐊᕐᓗᓂ, ᐅᐱᒋᔭᐅᑦᓯᐊᕐᓗᓂ, ᑐᔪᕐᒥᕕᐅᔪᓐᓇᕐᓗᓂ, ᐃᓕᓮᔨᐅᔪᒃᓇᕐᓗᓂᓗ;

ᒫᑎᐅᓯᐅᑉ ᐊᒡᓚᖏᑦ 25:17

ᑍᒫᑦᓮᓐᓇᖅ ᐱᔨ ᑮᓇᐅᔭᕐᑖᓚᐅᕐᑐᖅ 2,000ᓂᒃ ᑮᓇᐅᔭᕐᑖᒃᑲᓐᓂᕆᕗᖅ ᐊᓯᖏᓐᓂ 2,000ᓂᒃ.