ᑎᒧᑎᒧᑦ ᓯᕗᓪᓖᑦ 4:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑎᑭᓚᐅᖏᓐᓂᓐᓂ, ᐱᔪᓐᓇᕐᓃᑦ ᐊᑐᕐᓗᒍ ᐊᒡᓔᑦ ᐃᓄᖕᓄᑦ ᐊᑐᐊᖃᑦᑕᒃᑭᑦ, ᐊᔪᕆᕐᑐᐃᖃᑦᑕᕐᓗᑎᑦ, ᐃᓕᓐᓂᐊᕐᑎᑦᓯᓗᑎᓪᓗ.

ᑎᒧᑎᒧᑦ ᓯᕗᓪᓖᑦ 4:13 ပူးပေါင်းရင်းမြစ်များ

ᐋᐴᓯᑕᓖᑦ ᐱᓂᐊᕐᓂᖏᑦ 6:4

ᐅᕙᒍᓪᓕ ᑍᒪᓐᖓᑦ ᐱᓇᓱᐊᕐᓂᐊᕐᐳᒍᑦ ᑐᒃᓯᐊᕐᓂᕐᒥᒃ ᐊᔪᕆᕐᑐᐃᓂᕐᒥᒡᓗ.”

ᑍᑑᓯᒧᑦ 2:15

ᑕᒪᒃᑯᓂᖓ ᐊᔪᕆᕐᑐᐃᒋᑦ; ᑲᔪᖏᕐᓮᓗᑎᒃ ᐃᓂᕐᑎᕆᓗᑎᓪᓗ ᐱᔪᓐᓇᕐᑎᑕᐅᓂᕆᔧᑦ ᐊᑐᕐᓗᒍ. ᑭᓇᒧᓪᓘᓐᓃᑦ ᓇᕐᕈᒋᔭᐅᑦᑍᓕᓗᑎᑦ.

ᑎᒧᑎᒧᑦ ᐂᑉᐸᖏᑦ 4:2

ᐊᔪᕆᕐᑐᐃᖁᓪᓗᑎᑦ ᐅᖃᐅᓯᕐᓂᒃ, ᐊᔪᐃᓐᓇᕐᓗᑎᑦ ᐱᕕᒃᓴᖃᑦᓯᐊᕈᕕᑦ ᐱᕕᒃᓴᖃᑦᓯᐊᖏᒃᑲᓗᐊᕈᕕᓪᓘᓐᓃᑦ, ᓇᓗᓁᕐᓯᓗᑎᑦ, ᐃᓂᕐᑎᕆᓗᑎᑦ, ᐃᓇᑦᓯᓗᑎᓪᓗ, ᑲᔪᓯᓗᑎᑦ ᕿᓄᐃᓵᕐᓂᒃᑯᑦ ᐊᔪᕆᕐᑐᐃᓂᒃᑯᓪᓗ.

ᑎᒧᑎᒧᑦ ᓯᕗᓪᓖᑦ 4:16

ᐃᓕᖕᓂᒃ ᐊᔪᕆᕐᓱᖃᓯᐅᔨᓴᑦᓯᐊᕆᑦ ᐊᔪᕆᕐᑐᐃᓂᕐᓂᒡᓗ. ᑕᒪᒃᑯᐊ ᐊᓯᐊᓄᐊᕐᑍᓕᒋᑦ, ᑍᒤᒃᑯᕕᑦ ᐃᓕᖕᓂᒃ ᐱᐅᓕᓂᐊᕐᐳᑎᑦ ᐊᔪᕆᕐᑐᕐᑕᕐᓂᒡᓗ.

ᑎᒧᑎᒧᑦ ᓯᕗᓪᓖᑦ 4:6

ᑕᒪᒃᑯᐊ ᐅᖃᐅᑦᔪᐃᑦᔪᑎᒋᒍᕕᒋᑦ ᐅᒃᐱᕐᑑᖃᑎᒌᓄᑦ, ᐱᔨᑦᓯᕐᑎᐅᑦᓯᐊᕐᓂᐊᕐᐳᑎᑦ ᙭ᔅᑑᓯ ᔩᓱᓯᒥᒃ, ᓇᖕᒥᓂᖅ ᐱᒋᐅᕐᓴᓗᑎᑦ ᐅᖃᐅᓯᕐᓄᑦ ᐅᒃᐱᕐᓂᒃᑯᑦ ᐊᔪᕆᕐᑑᓯᕐᓄᓪᓗ ᓱᓕᔪᓄᑦ ᒪᓕᒃᓯᒪᔭᕐᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 17:11

ᑕᕝᕙᓂ ᔫᑎᑦ ᐃᓱᒪᒃᓴᕐᓯᐅᑦᓯᐊᕐᓂᕐᓴᐅᕗᑦ ᑎᓴᓗᓁᑲᒥᐅᓂᑦ, ᐅᖃᐅᓯᕐᓂᒃ ᐃᓚᓕᐅᕆᑦᓯᐊᕐᓗᑎᒃ, ᒎᑎᐅᑉ ᐅᖃᐅᓯᖏᓐᓂᒃ ᐃᓱᒪᒃᓴᕐᓯᐅᕈᑎᖃᕐᐳᑦ ᖃᐅᑕᒫᑦ ᑐᑭᓯᓇᓱᐊᕐᓗᑎᒃ ᐸᐅᓗᓯᐅᑉ ᐅᖃᐅᓯᕆᔭᖏᑦ ᓱᓕᖕᒪᖔᑕ.

ᔪᐊᓇᓯᐅᑉ ᐊᒡᓚᖏᑦ 5:39

ᐊᒡᓚᖕᓂᒃ ᕿᓂᕐᐳᓯ, ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᓂᐊᕋᓱᒋᓪᓗᓯ ᑖᒃᑯᓇᖓᑦ; ᑖᒃᑯᐊᓕ ᐅᕙᓐᓂᒃ ᓇᓗᓁᕐᓯᕗᑦ;

ᔮᓱᐊᑉ ᐊᒡᓚᖏᑦ 1:8

ᐅᑯᐊ ᐱᖁᔭᑦ ᖃᓂᒃᑯᑦ ᐅᖃᐅᓯᕆᔪᓐᓃᕐᑍᓕᒃᑭᑦ, ᐃᓱᒪᒃᓴᕐᓯᐅᕈᑎᒋᖃᑦᑕᒃᑭᑦ ᐅᓪᓗᑯᑦ ᐅᓐᓄᒃᑯᓪᓗ, ᓈᓚᑦᓯᐊᕐᓗᒋᓪᓗ ᑎᑎᕋᕐᓯᒪᓂᖏᑦ ᒪᓕᒡᓗᒋᑦ, ᑍᒤᒃᑯᕕᑦ ᐊᖅᑯᑎᒋᔭᕐᓂ ᖃᓄᐃᓕᐅᕐᑕᓕᒫᕐᓂᓗ ᐱᕙᓪᓕᐊᑎᑦᓯᖃᑦᑕᕐᓂᐊᕐᐳᑎᑦ.

ᒨᓯᓯ ᑕᓪᓕᒪᖏᑦ 17:19

ᑖᒃᑯᐊᓗ ᑍᒪᓐᖓᑦ ᓇᔪᕐᑎᒋᑦᓮᓐᓇᕆᐊᖃᕐᐰᑦ ᐅᖃᓕᒫᖃᑦᑕᕐᓗᓂᒋᓪᓗ ᐃᓅᓯᓕᒫᒥᓂ, ᐊᑕᓂᕐᒥᒃ ᒎᑎᒥᓂᒃ ᓯᕘᕋᒋᔭᖃᓕᖁᓪᓗᒍ, ᐱᖁᔧᑦ ᒪᓕᒐᒃᓮᓪᓗ ᐅᑯᐊ ᐅᖃᐅᓯᖏᓐᓂᒃ ᒪᓕᑦᓯᐊᕐᓂᕐᒥᓄᑦ, ᐊᑐᑦᓯᐊᕐᓗᒋᓪᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:26

ᖃᓄᕐᓕ ᐅᖃᕐᓂᐊᓕᕐᐳᖓ ᐃᓚᒃᑳ? ᑲᑎᖃᑎᒌᒑᖓᑦᓯ ᐃᓚᑦᓯ ᐊᑐᓂᑦ ᐃᓐᖏᕈᑎᒃᓴᖃᕐᐳᑦ, ᐃᓚᖓᑦ ᐊᔪᕆᕐᑐᐃᑦᔪᑎᒃᓴᖃᕐᐳᖅ, ᐃᓚᖓᑦ ᒎᑎᒧᑦ ᑕᑯᑎᑕᐅᓯᒪᕗᖅ, ᐃᓚᖓᑦ ᑐᓴᕐᖓᕐᑕᓄᑦ ᐅᖃᐅᓯᒃᓴᖃᕐᐳᖅ, ᐅᕝᕙᓗ ᐃᓚᖓᑦ ᑐᓴᕐᖓᕐᑕᓄᑦ ᐅᖃᐅᓯᐅᔪᓂᒃ ᑐᑭᓯᓇᕐᓯᑎᑦᓯᑦᔪᑎᒃᓴᖃᕐᐳᖅ. ᑕᒪᒃᑯᐊᓕᒫᓪᓕ ᐊᑐᕐᑕᐅᔪᒃᓴᐅᕗᑦ ᐃᓚᒌᒃᑐᑦ ᐱᕙᓪᓕᕐᑎᑕᐅᑦᔪᑎᒃᓴᖏᓐᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:3

ᒎᑎᐅᓪᓕ ᐅᖃᐅᓯᕆᖁᔭᖏᓐᓂᒃ ᐅᖃᐅᓯᖃᕐᑐᖅ ᐃᓄᖕᓄᑦ ᐅᖃᓪᓚᒃᐳᖅ, ᑖᒃᑯᐊ ᓲᖑᓯᑎᑕᐅᖁᓪᓗᒋᑦ ᐱᕙᓪᓕᕐᑎᑕᐅᖁᓪᓗᒋᓪᓗ ᓮᒻᒪᕐᓴᕐᓗᒋᓪᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:6

ᑕᕝᕙᓕ ᐃᓚᒃᑳ, ᐃᓕᑦᓯᓐᓄᑦ ᑎᑭᓪᓗᖓ ᐅᖃᐅᓯᕐᓄᑦ ᑐᓴᕐᖓᕐᑕᓄᑦ ᐅᖃᕕᒋᓕᕈᑦᓯ, ᓱᓇᒧᑦ ᐊᑐᕐᓇᕋᔭᕐᐹ? ᐊᑐᕐᓇᕋᔭᖏᑦᓯᐊᕐᐳᖅ, ᐅᖃᓪᓚᒡᕕᒋᒍᑦᓯᓕ ᓴᖅᑭᑎᑦᓯᕕᒋᒍᑦᓯᓗ ᒎᑎᒥᑦ ᐱᔪᒥᒃ, ᖃᐅᔨᑎᑦᓯᒍᒪᓘᓐᓃᑦ, ᒎᑎᐅᓪᓘᓐᓃᑦ ᐅᖃᐅᓯᕆᖁᔭᖏᓐᓂᒃ ᐅᖃᓪᓚᒡᕕᒋᒍᑦᓯ, ᐊᔪᕆᕐᑐᐃᒍᒪᓘᓐᓃᑦ ᑭᓯᐊᓂ.

ᕉᒪᒥᐅᓄᑦ 12:8

ᐱᕙᓪᓕᕐᑎᑦᓯᓂᕐᒥᒃ ᑐᓂᕐᕈᓯᐊᕈᓂ ᐱᕙᓪᓕᕐᑎᑦᓯᓕ, ᓇᓪᓕᐊᑦ ᑐᓂᓯᒍᓂ ᐊᓐᓂᕈᓱᖏᓪᓗᓂ ᑐᓂᓯᓕ; ᑕᓯᐅᕐᑎᐅᓂᕐᒥᒃ ᐱᓯᒪᒍᓂ ᐊᒃᓱᕈᕐᓕ; ᓂᑲᒍᓱᖕᓂᕐᒥᒃ ᐱᓇᓱᐊᕈᓂ, ᖁᕕᐊᓱᒡᓗᓂ ᑍᒤᓕᐅᕐᓕ.

ᑎᒧᑎᒧᑦ ᐂᑉᐸᖏᑦ 3:15

ᓄᑕᕋᐅᓂᕐᓂᓪᓗ ᐊᒡᓔᑦ ᖃᐅᔨᒪᒐᕕᒋᑦ ᐱᐅᓕᔭᐅᓐᓇᕐᑐᒥᒃ ᖃᐅᔨᑎᑦᓯᔪᓐᓇᕐᓂᖏᓐᓂᒃ ᐅᒃᐱᕐᓂᒃᑯᑦ ᙭ᔅᑑᓯ ᔩᓱᓯᒥᒃ.