ᑎᒧᑎᒧᑦ ᓯᕗᓪᓖᑦ 3:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐅᒃᐱᕐᑑᖃᑎᒌᓂ ᓯᕗᓕᕐᑎᐅᔪᖅ ᐃᓅᓯᕐᒥᒍᑦ ᐸᓯᔭᒃᓴᐅᔪᒃᓴᐅᓐᖏᓚᖅ; ᐊᑕᐅᓯᕐᒥᒃ ᓄᓕᐊᖃᕐᓗᓂ, ᐃᓱᒪᖓ ᐃᖅᑭᐊᓱᖏᓪᓗᓂ, ᐃᒻᒥᓂᒡᓗ ᐱᓯᒪᔪᓐᓇᑦᓯᐊᕐᓗᓂ, ᐅᐱᒋᔭᐅᑦᓯᐊᕐᓗᓂ, ᑐᔪᕐᒥᕕᐅᔪᓐᓇᕐᓗᓂ, ᐃᓕᓮᔨᐅᔪᒃᓇᕐᓗᓂᓗ;

ᑎᒧᑎᒧᑦ ᓯᕗᓪᓖᑦ 3:2 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 56:10

ᐃᓴᕆᐊᓕᒥᐅᑦ ᖃᐅᔨᓴᕐᑎᖏᑦ ᑕᐅᑐᖏᒻᒪᑕ, ᐃᓕᓯᒪᓂᖃᕋᑎᒡᓗ; ᕿᒻᒥᑎᑐᑦ ᐅᖃᕈᓐᓇᖏᑦᑐᑎᑐᑦ ᑍᒤᑉᐳᑦ, ᕿᓗᒍᓐᓇᖏᒻᒪᑕᓘᓐᓃᑦ, ᓇᓚᕋᑐᐃᓐᓇᕐᐳᑦ ᓯᓐᓇᒃᑑᒪᑐᐃᓐᓇᕐᓗᑎᒃ ᓯᓂᒍᒪᑐᐃᓐᓇᕋᒥᒃ.

ᓘᑲᓯᐅᑉ ᐊᒡᓚᖏᑦ 1:6

ᑖᒃᑯᐊᒃ ᐃᓅᓯᖃᓚᐅᕐᐳᒃ ᒎᑎᐅᑉ ᖁᕕᐊᒋᔭᖓᓂᒃ, ᐊᑕᓂᐅᑉ ᐱᖁᔭᓕᒫᖏᓐᓂᒃ ᐊᑐᕐᑕᐅᑯᔭᖏᓐᓂᒡᓗ ᒪᓕᑦᓯᐊᕐᓗᑎᒃ.

ᓘᑲᓯᐅᑉ ᐊᒡᓚᖏᑦ 2:36

ᑕᕝᕙᓃᑦᑐᖃᓚᐅᕆᕗᖅ ᓇᓚᐅᑦᑍᔪᒥᒃ ᐊᕐᓇᕐᒥ ᐋᓇᒥᒃ ᐊᑎᓕᖕᒥᒃ, ᐸᓄᐃᓕᐅᑉ ᐸᓂᖓᓂᒃ, ᐋᓱᕆᐅᑉ ᑭᖑᕚᖏᓐᓄᑦ ᐃᓚᒋᔭᐅᔪᒥᒃ; ᑖᓐᓇ ᓂᖏᐅᖑᓕᓚᐅᕐᐳᖅ, ᓯᕗᓂᖓᒍᑦ ᐅᐃᖃᓚᐅᕐᑐᖅ ᐊᕐᕌᒍᓂᒃ 7ᓂᒃ,

ᕉᒪᒥᐅᓄᑦ 12:13

ᒎᑎᐅᑉ ᐃᓄᖁᑎᖏᑦ ᐱᔭᕆᐊᖃᕐᑕᖏᓐᓂᒃ ᑐᓂᓯᕕᒋᓯᒋᒃ, ᑐᓐᖓᓱᒃᑎᑦᓯᕙᒡᓗᓯᓗ ᑎᑭᓯᒪᔪᓂᒃ.

ᐱᓕᐱᒥᐅᓄᑦ 2:15

ᐸᓯᔭᒃᓴᐅᖁᓇᓯ ᓴᓗᒪᑦᓯᐊᖁᓪᓗᓯᓗ, ᒎᑎᐅᑉ ᕿᑐᕐᖓᖏᑎᑐᑦ ᑕᕝᕙᓂ ᓯᓚᕐᔪᐊᕐᒥ ᐃᓅᑎᓪᓗᓯ ᑭᒡᓗᕐᒨᕐᑐᓂ ᐊᔪᕐᑐᓕᔪᓂᓗ, ᑖᒃᑯᐊ ᐊᑯᕐᖓᓐᓂ ᖃᐅᒪᓂᐅᔪᒃᓴᐅᒐᑦᓯ ᓄᓇᒥ ᓇᓂᕈᐊᑎᑐᑦ,

ᑎᒧᑎᒧᑦ ᓯᕗᓪᓖᑦ 3:12

ᐅᒃᐱᕐᑑᖃᑎᒌᓂ ᐃᑲᔪᕐᑎ ᐊᑕᐅᓯᕐᒥᒃ ᓄᓕᐊᖃᕐᑐᒃᓴᐅᕗᖅ, ᕿᑐᕐᖓᒥᓂᒡᓗ ᐊᐅᓚᑦᓯᑦᓯᐊᕈᓐᓇᕐᓗᓂ ᐃᒡᓗᒥᐅᖃᑎᒥᓂᒡᓗ;

ᑎᒧᑎᒧᑦ ᓯᕗᓪᓖᑦ 3:8

ᐅᒃᐱᕐᑑᖃᑎᒌᓂ ᐃᑲᔪᕐᑏᑦ ᐃᓕᖅᑯᓯᑦᓯᐊᕆᒃᑐᒃᓴᐅᕗᑦ, ᐅᖃᐅᓯᖏᑦ ᐅᒃᐱᕆᔭᒃᓴᐅᓗᑎᒃ; ᐅᐂᓂᒧᑦ ᐊᔪᓕᕐᓯᒪᖏᓪᓗᑎᒃ, ᑮᓇᐅᔭᓂᒡᓗ ᐱᔪᒪᓗᐊᕐᑎᐅᖏᓪᓗᑎᒃ;

ᑎᒧᑎᒧᑦ ᓯᕗᓪᓖᑦ 4:3

ᑖᒃᑯᐊ ᐊᔪᕆᕐᑐᐃᕗᑦ ᓄᓕᐊᓂᖃᑦᑕᖁᔨᓇᑎᒃ ᓂᕆᔭᕆᐊᖃᓐᖏᓂᕅᓪᓗᑎᒃᓗ ᓂᕿᑦ ᐃᓚᖏᓐᓂᒃ ᒎᑎᐅᓪᓕ ᓂᑭᑦ ᐱᓐᖑᕐᑎᓯᒪᕔᑦ ᓂᕿᒋᔭᐅᖁᓪᓗᒋᑦ ᑐᒃᓯᐊᕐᓂᒃᑯᑦ ᖁᔭᓕᑦᔪᑕᐅᓗᑎᒃ, ᐅᒃᐱᕐᑐᓄᑦ ᓱᓕᓂᕐᒥᒡᓗ ᖃᐅᔨᒪᔪᓄᑦ.

ᑎᒧᑎᒧᑦ ᓯᕗᓪᓖᑦ 5:10

ᐱᓇᓱᐊᑦᓯᐊᖃᑦᑕᕐᓯᒪᓗᓂ ᐅᖃᐅᓯᐅᑦᓯᐊᖃᑦᑕᓗᓂ; ᕿᑐᕐᖓᒥᓂᒃ ᐱᕈᕐᓮᑦᓯᐊᕐᓯᒪᓗᓂ, ᑐᓐᖓᒋᔭᐅᓗᓂ, ᐃᑦᔪᕐᓁᑦᑐᓪᓗ ᐃᑎᒐᖏᓐᓂᒃ ᐅᐊᓴᖃᑦᑕᕐᓗᓂ, ᐃᑲᔪᕆᐊᓕᖕᓂᒃ ᐃᑲᔪᖃᑦᑕᕐᓗᓂ, ᐱᐅᔪᒥᒡᓗ ᐱᓇᓱᐊᖃᑦᑕᕐᓗᓂ ᓱᓇᓕᒫᓂᒃ.

ᑎᒧᑎᒧᑦ ᓯᕗᓪᓖᑦ 5:22

ᐊᑕᓂᕐᒧᑦ ᐱᔨᑦᓯᕐᑐᒃᓴᓂᒃ ᑐᐊᕕᕐᓗᑎᑦ ᐸᑎᒻᒥᓯᓂᐊᕐᓇᒃ, ᐊᓯᕕᑦ ᐊᔪᕐᑐᓕᓂᖏᓐᓄᑦ ᐃᓚᐅᑦᑍᓕᒋᑦ; ᓇᖕᒥᓂᖅ ᐃᑦᔪᕐᓁᑎᑦᓯᐊᕆᑦ.

ᑎᒧᑎᒧᑦ ᓯᕗᓪᓖᑦ 5:9

ᐅᐃᒡᒐᕐᓂᖅ ᐊᑎᖁᑎᑦᓯᓄᑦ ᐃᓚᓕᐅᑎᑍᓕᓯᐅᒃ 60ᐅᖓᑖᓂ ᐅᑭᐅᖃᖏᒃᐸᑦ, ᐊᒻᒪᓗ ᐊᑕᐅᓯᐊᕐᓗᓂ ᐅᐃᖃᕐᓯᒪᓐᓂᕐᐸᑦ ᐃᓚᓕᐅᑎᔭᐅᔪᓐᓇᕐᐳᖅ.

ᑎᒧᑎᒧᑦ ᐂᑉᐸᖏᑦ 2:24

ᐊᑕᓂᐅᑉ ᐱᔨᑦᓯᕐᑎᖁᑎᖓ ᐂᕙᔨᐅᔪᒃᓴᐅᖏᒻᒪᑦ ᐱᑦᓯᐊᕐᑐᒃᓴᐅᕗᕐᓕ ᐃᓅᖃᑎᓕᒫᒥᓄᑦ, ᐊᔪᕆᕐᑐᐃᑦᓯᐊᕈᓐᓇᕐᓗᓂ, ᕿᓄᐃᓵᕈᓐᓇᕐᓗᓂ,

ᑍᑑᓯᒧᑦ 2:2

ᐃᒃᓇᐅᓂᕐᓴᐅᓕᕐᑐᑦ ᐅᑦᔨᕈᓱᑦᓯᐊᖁᓗᒋᑦ ᐊᔪᕆᕐᑐᒃᑭᑦ, ᐅᐱᓐᓇᕐᑑᑦᓯᐊᕐᓗᑎᒃ, ᐃᒻᒥᖕᓂᒃ ᐱᓯᒪᑦᓯᐊᕈᓐᓇᕐᓗᑎᒃ, ᐅᒃᐱᕐᓂᕐᒦᑦᓯᐊᕐᓗᑎᒃ, ᓇᒡᓕᖕᓂᖃᕐᓗᑎᒃ, ᕿᓄᐃᓵᕐᓂᖃᑦᓯᐊᕐᓗᑎᒡᓗ ᐱᖁᓪᓗᒋᑦ.

ᐄᑉᕈᐃᓄᑦ 13:2

ᓯᓂᒃᑕᕐᕕᐅᔪᒪᓗᓯ ᑐᓐᖓᓮᖃᑦᑕᕆᑦᓯ ᓂᐅᕐᕈᐊᓂᒃ, ᐃᓚᖏᑦ ᑍᒤᓕᐅᕋᒥᒃ ᖃᐅᔨᒪᓇᑎᒃ ᐂᖏᓕᓂᒃ ᑐᓐᖓᓱᒃᑎᑦᓯᓯᒪᖕᒪᑕ.

ᐄᑉᕈᐃᓄᑦ 3:14

᙭ᔅᑑᓯ ᐱᓇᓱᐊᖃᑎᒋᒐᑦᑎᒍᑦ, ᐱᒋᐊᓕᕐᓗᑕ ᑕᑎᖃᕐᓂᕆᓚᐅᕐᑕᕗᑦ ᑲᔪᓯᑎᓐᓂᐊᑐᐊᕈᑦᑎᒍᑦ ᐃᓱᐊᓄᑦ.

ᐲᑦᑐᕉᓯ ᓯᕗᓪᓖᑦ 4:7

ᓱᓇᓕᒫᑦ ᐃᓱᓕᕝᕕᒃᓴᖓᑦ ᖃᒡᓕᕗᖅ; ᑍᒤᒻᒪᑦ ᖃᐅᔨᒪᓇᓱᑦᓯᐊᕆᐊᖃᓕᕐᐳᓯ ᐃᒻᒥᓂᒃ ᐱᓯᒪᑦᓯᐊᕈᓐᓇᕐᑐᒥᒃ ᐃᓅᓯᑲᕐᓗᓯ ᑐᒃᓯᐊᕈᓐᓇᕐᓂᐊᕋᑦᓯ.

ᐲᑦᑐᕉᓯ ᓯᕗᓪᓖᑦ 4:9

ᐊᖏᕐᕋᑦᓯᓐᓄᑦ ᑐᓐᖓᓱᑎᑦᑎᖃᑦᑕᕆᑦᓯ ᓈᒻᒪᒃᓴᖏᑦᔪᑎᒋᓐᖏᓪᓗᒍ.

ᐲᑦᑐᕉᓯ ᓯᕗᓪᓖᑦ 5:8

ᐅᑦᔨᕐᑐᑦᓯᐊᕆᑦᓯ, ᑲᐅᔨᓴᕐᓗᓯᓗ. ᐊᑭᕋᕐᑐᕐᑎᓯ ᓵᑖᓇᓯ ᓇᒧᑐᐃᓐᓇᖅ ᐃᖏᕐᕋᖕᒪᑦ ᓔᔭᓐᑎᑐᑦ ᓂᓪᓕᐊᔪᕐᔪᐊᑎᑐᑦ, ᑭᓇᑐᐃᓐᓇᕐᒥᒃ ᓂᕆᔭᒃᓴᕐᓯᐅᕐᓗᓂ.