ᑎᓴᓗᓁᑲᒥᐅᓄᑦ ᓯᕗᓪᓖᑦ 4:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᒎᑎᐅᑉ ᕾᖁᓚᐅᖏᒻᒪᑎᒍᑦ ᐊᑐᕈᒥᓇᖏᑦᑐᓂᒃ ᑕᒪᒃᑯᓂᖓ ᐃᓕᖅᑯᓯᖃᖁᓗᑕ, ᐃᑦᔪᕐᓁᖁᓪᓗᑕᓕ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:7 ပူးပေါင်းရင်းမြစ်များ

ᒨᓯᓯ ᐱᖓᔪᖏᑦ 11:44

ᐊᑕᓂᐅᒐᒪ ᒎᑎᓯ; ᐃᓕᑦᓯᓐᓂᒃ ᑐᓂᓕᕆᑦᓯ ᐃᑦᔪᕐᓁᓕᕐᓗᓯᓗ, ᐅᕙᖓ ᐃᑦᔪᕐᓁᓐᓇᒪ. ᐃᓕᑦᓯᓐᓂᒃ ᓴᓗᒤᓕᕐᑎᓐᓂᐊᕋᓯ ᐆᒪᔪᐃᑦ ᐹᕐᖑᕐᑐᑦ ᓄᓇᒥ ᐱᑦᔪᑎᒋᓗᒋᑦ.

ᒨᓯᓯ ᐱᖓᔪᖏᑦ 19:2

“ᐃᓴᕆᐊᓕᒥᐅᓕᒫᑦ ᐃᒫᒃ ᐅᖃᐅᑎᒃᑭᑦ, ᐃᑦᔪᕐᓁᒋᑦᓯ, ᐅᕙᖓ, ᐊᑕᓂᖅ ᒎᑎᓯ, ᐃᑦᔪᕐᓁᓐᓇᒪ.

ᕉᒪᒥᐅᓄᑦ 1:7

ᕉᒪᒥᐅᑕᓕᒫᖑᔪᓯ ᑎᑎᕋᕐᕕᒋᕙᑦᓯ ᒎᑎᐅᑉ ᓇᒡᓕᒋᔭᖏᑦ, ᐃᑦᔪᕐᓁᑦᑑᓗᑎᒃ ᐃᓄᖁᑎᒋᔪᒪᓪᓗᓂᒋᑦ ᕾᖁᔭᖏᑦ: ᒎᑎᐅᑉ ᐊᑖᑕᑦᑕ ᐊᑕᓂᑦᑕᓗ ᔩᓱᓯ ᙭ᔅᑑᓯᐅᑉ ᑐᓂᓯᕕᒋᓕᓯ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᒥᓂᒃ ᖃᓄᐃᖏᑦᓯᐊᕐᑎᑦᓯᓂᖓᓂᒡᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:2

ᒎᑎᐅᑉ ᐃᓚᒌᒃᑐᖁᑎᖏᓐᓄᑦ ᐅᒃᐱᕐᑐᓄᑦ ᑯᕆᓐᑎᒦᑦᑐᓄᑦ, ᐃᑦᔪᕐᓁᑎᑕᐅᓯᒪᔪᓄᑦ ᔩᓱᓯ ᙭ᔅᑑᓯᒃᑯᑦ, ᐃᑦᔪᕐᓁᑎᑕᐅᖁᓪᓗᒋᑦ ᕾᖁᔭᐅᓯᒪᔪᓕᒫᓄᑦ ᑐᒃᓯᐊᕐᐸᒃᑐᓄᓪᓗ ᐊᑕᓂᐅᑉ ᔩᓱᓯ ᙭ᔅᑑᓯᐅᑉ ᐊᑎᖓᓄᑦ, ᐊᑕᓂᕆᔭᒥᖕᓄᑦ ᐊᑕᓂᕆᔭᑦᑎᓐᓄᓪᓗ.

ᒐᓔᑎᐊᒥᐅᓄᑦ 5:19

ᑎᒥᐅᑉ ᐱᓇᓱᐊᕐᓂᖏᑦ ᓇᓗᓇᓐᖏᓚᑦ ᐃᒤᑦᑐᑦ; ᐊᕐᓇᕐᓂᐊᕐᓂᖅ ᐊᖑᓐᓂᐊᕐᓂᕐᓗ, ᑲᓐᖑᓇᕐᑐᓕᓂᖅ, ᓄᓕᐊᕐᓂᕐᒥᒃ ᐊᑐᕐᓂᕐᓗᖕᓂᖅ;

ᐃᐱᓯᒥᐅᓄᑦ 1:4

ᐊᒡᓛᑦ ᓯᓚᕐᔪᐊᖅ ᓴᓇᔭᐅᓚᐅᖅᑳᕐᑎᓐᓇᒍ ᒎᑎᐅᑉ ᓂᕈᐊᓚᐅᕐᐹᑎᒍᑦ ᙭ᔅᑑᓯᒃᑯᑦ, ᐃᑦᔪᕐᓁᖁᓪᓗᑕ ᐸᓯᔭᒃᓴᐅᓂᖃᖁᓇᑕᓗ ᑖᑦᓱᒪ ᓵᖓᓂ ᓇᒡᓕᖕᓂᕐᒥᒍᑦ.

ᐃᐱᓯᒥᐅᓄᑦ 2:10

ᒎᑎᐅᑉ ᓴᓇᓯᒪᕚᑎᒍᑦ, ᙭ᔅᑑᓯ ᔩᓱᓯᒃᑯᑦ ᐱᓐᖑᕐᑎᓚᐅᕐᐹᑎᒍᑦ ᐱᓇᓱᐊᑦᓯᐊᖁᓪᓗᑕ, ᒎᑎᐅᑉ ᑕᒪᓐᓇ ᓯᕗᓂᖓᒍᑦ ᐅᐸᓗᖕᒊᔭᕇᕐᓯᒪᓚᐅᕐᐹ, ᑍᒤᓕᐅᖁᓪᓗᑕ.

ᐃᐱᓯᒥᐅᓄᑦ 4:1

ᑍᒤᒻᒪᑦ, ᐃᓇᑉᐸᑦᓯ ᐅᕙᖓ ᑎᒍᔭᐅᓯᒪᕕᖕᒦᑦᑐᖓ ᐊᑕᓂᖅ ᐱᑦᔪᑎᒋᓪᓗᒍ, ᒎᑎᒧᑦ ᕾᖁᔭᐅᓯᒪᓂᓯ ᐊᑐᑦᓯᐊᕐᓗᒍ ᐃᓅᖁᓪᓗᓯ ᑕᒪᑐᒧᖓ ᕾᖁᔭᐅᓯᒪᒐᑦᓯ.

ᐃᐱᓯᒥᐅᓄᑦ 4:19

ᑲᓐᖑᓱᖕᓂᕐᒥᒃ ᐃᒃᐱᒋᔭᖃᕈᓐᓃᕐᐳᑦ; ᐃᒻᒥᖕᓂᒡᓗ ᑐᓂᕗᑦ ᐊᔪᕐᑐᓕᓂᕐᒧᑦ, ᓇᕐᕈᓇᕐᑐᓂᒡᓗ ᖃᓄᐃᑦᑐᑐᐃᓐᓇᕐᓂᒃ ᐱᓇᓱᐊᕐᐳᑦ ᐱᒃᑲᓐᓂᕈᒪᕙᓪᓕᐊᑐᐃᓐᓇᕐᓗᑎᒡᓗ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:3

ᐊᒃᓱᕈᕐᓗᑕ ᐱᓇᓱᐊᕐᓂᕆᔭᕗᑦ ᑕᒪᕐᑎᑦᓯᓇᓱᐊᕐᓂᕐᒥᒃ ᑐᓐᖓᕕᖃᓚᐅᖏᒻᒪᑦ ᓇᒻᒪᖏᑦᑐᒥᒃᓘᓐᓃᑦ, ᓯᓔᕐᕆᒃᓯᓇᓱᐊᕐᓂᕐᒥᒡᓘᓐᓃᑦ ᐃᓚᖃᓚᐅᓐᖏᓚᑦ.

ᑎᒧᑎᒧᑦ ᐂᑉᐸᖏᑦ 1:9

ᑖᑦᓱᒪ ᐱᐅᓕᓚᐅᕐᒪᑎᒍᑦ ᕾᖁᓪᓗᑕᓗ ᕾᖁᔨᓂᕐᒧᑦ ᐃᑦᔪᕐᓁᑦᑐᒧᑦ, ᐱᓇᓱᐊᕈᓐᓇᕐᓂᕗᑦ ᐱᑦᔪᑎᒋᓇᒋᑦ ᐱᓇᓱᐊᕈᒪᔭᓂᓕ ᐱᑦᔪᑎᒋᓪᓗᒍ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᑐᓂᕐᕈᑎᒋᓯᒪᔭᖓ ᙭ᔅᑑᓯ ᔩᓱᓯᒃᑯᑦ ᓱᓇᓕᒫᑦ ᐱᒋᐊᓚᐅᖅᑳᕐᑎᓐᓇᒋᑦ.

ᐄᑉᕈᐃᓄᑦ 12:14

ᐃᓅᖃᑎᓕᒫᑦᓯᓐᓂᒃ ᐃᓅᖃᑎᖃᑦᓯᐊᕋᓱᐊᕆᑦᓯ, ᐃᓅᓯᖃᕐᓗᓯᓗ ᐃᑦᔪᕐᓁᑦᑐᒥᒃ ᑍᒫᒃ ᐃᓅᓯᖃᖏᑦᑐᑦ ᐊᑕᓂᖅ ᑕᑯᓂᐊᖏᒻᒪᑦᔪᒃ.

ᐲᑦᑐᕉᓯ ᐂᑉᐸᖏᑦ 2:10

ᐱᓗᐊᕐᑐᒥᒃ ᑖᒃᑯᐊ ᑎᒥᐅᑉ ᐃᒃᓯᒎᕐᓂᖏᓐᓂᒃ ᐊᑐᓗᐊᕐᑐᑦ, ᐊᖓᔪᖅᑳᖃᕐᓂᕐᒥᒡᓗ ᓇᕐᕈᔪᑦ. ᑖᒃᑯᐊ ᓯᕘᕋᓇᑎᒃ ᓴᖑᑎᑕᐅᔪᓐᓇᓐᖏᓚᑦ, ᑲᑉᐱᐊᓱᒐᑎᒡᓗ ᐅᖃᕐᓂᕐᓘᑎᖃᕐᐳᑦ ᕿᓚᖕᒥᐅᑦ ᐱᓐᓇᕐᓇᕐᓂᖏᓐᓂᒃ.