ᑎᓴᓗᓁᑲᒥᐅᓄᑦ ᓯᕗᓪᓖᑦ 4:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑍᒤᒻᒪᑦ ᐃᓄᒃ ᐅᒃᐱᕐᑑᖃᑎᒥᓂᒃ ᙭ᔅᑑᓯᒥ ᐅᖁᒤᑎᑦᓯᑦᑍᓕᓕ ᓄᓕᐊᕐᓂᕐᒧᑦ ᐅᐃᕕᕐᕆᓇᒍᓗ ᓱᓇᑐᐃᓐᓇᕐᒧᑦ, ᑕᒪᑐᒥᖓ ᐅᖃᐅᑎᓚᐅᕐᐸᑦᓯ, ᐅᓗᕆᐊᓇᕐᓂᖓᓂᒃ ᐊᑕᓂᖅ ᓱᒋᐊᕐᓯᕙᖕᒪᑦ ᑍᒤᓕᐅᕐᑐᓕᒫᓂᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:6 ပူးပေါင်းရင်းမြစ်များ

ᐄᑉᕈᐃᓄᑦ 13:4

ᓄᓕᐊᕇᖕᓂᖅ ᑕᒤᓐᓄᑦ ᐅᐱᒋᔭᐅᑦᓯᐊᕆᐊᖃᕐᐳᖅ, ᓄᓕᐊᕇᓪᓗ ᐃᓐᓇᖓᕕᐊ ᓇᕐᕈᓇᕐᓯᑎᑕᐅᑦᑍᓕᓕ; ᓄᓕᐊᕇᖕᓂᕐᒥᒃ ᐊᑐᕐᓂᕐᓗᒃᑐᑦ ᐊᓯᓐᓂᐊᕐᑐᓪᓗ ᒎᑎᐅᑉ ᓱᒋᐊᕈᒫᕐᒪᒋᑦ.

ᕉᒪᒥᐅᓄᑦ 12:19

ᐃᓚᓐᓇᕆᔭᒃᑲ, ᓇᖕᒥᓂᖅ ᐊᑭᒋᐊᕐᓂᐊᕋᓯ, ᒎᑎᐅᓪᓕ ᓂᓐᖓᖕᓂᕆᔪᒫᕐᑕᖓᓄᑦ ᑐᕌᖓᑎᓕᕐᓯᐅᒃ; ᐊᒡᓚᒃᓯᒪᖕᒪᑦ, “ᐊᑭᓂᐊᕐᓂᖅ ᐱᒋᕙᕋ, ᐅᕙᖓ ᐊᑭᓂᐊᕈᒫᕐᐳᖓ, ᐊᑕᓂᖅ ᐅᖃᕐᐳᖅ.”

ᒨᓯᓯ ᐂᑉᐸᖏᑦ 20:17

“ᐃᓅᖃᑎᕕᑦ ᐃᒡᓗᖓᓂᒃ ᐃᒃᓯᒎᕐᑐᒃᓴᐅᓐᖏᓚᑎᑦ, ᓄᓕᐊᖓᓂᒡᓘᓐᓃᑦ ᐃᒃᓯᒎᕐᑐᒃᓴᐅᓐᖏᓚᑎᑦ, ᐱᔨᖓᓂᒡᓘᓐᓃᑦ, ᐆᒪᔪᖁᑎᖓᓂᒡᓘᓐᓃᑦ, ᓯᐅᑎᖅᑯᕐᑐᔪᖁᑎᖓᓂᒡᓘᓐᓃᑦ ᓱᓇᑐᐃᓐᓇᕐᒥᒡᓘᓐᓃᑦ ᐃᓅᖃᑎᕕᑦ ᐱᒋᔭᖓᓂᒃ ᐱᔪᒪᕕᒡᔪᐊᕐᑐᒃᓴᐅᓐᖏᓚᑎᑦ.”

ᕉᒪᒥᐅᓄᑦ 1:18

ᒎᑎᐅᑉ ᓂᓐᖓᐅᓯᖓ ᕿᓚᖕᒥᑦ ᓴᖅᑭᑎᑕᐅᖕᒪᑦ ᒎᑎᖃᖏᑦᑐᓕᒫᓄᑦ ᐃᓄᐃᓪᓗ ᐱᐅᖏᑐᓕᐅᕐᓂᖏᓐᓄᑦ ᓱᓕᓂᕐᒥᒃ ᐊᒡᕕᐊᕐᓯᔪᓄᑦ ᐱᐅᖏᑦᑐᓕᐅᕐᓂᕐᒥᖕᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:24

ᓇᓪᓕᐊᑦ ᐊᑖᑕᒥᓂᑦ ᐊᓈᓇᒥᓂᓪᓘᓐᓃᑦ ᑎᒡᓕᒃᑐᖅ ᐅᖃᕐᓗᓂᓗ, “ᑕᒪᓐᓇ ᑕᒻᒪᕐᓂᐅᓐᖏᓚᖅ,” ᑖᓐᓇ ᐃᓚᖃᕐᐳᖅ ᐊᖑᒻᒥᒃ ᓱᒃᑯᑎᕆᔨᒥᒃ.

ᒨᓯᓯ ᐂᑉᐸᖏᑦ 20:15

“ᑎᒡᓕᒃᑐᒃᓴᐅᓐᖏᓚᑎᑦ.

ᔧᒥᓯᐅᑉ ᐊᒡᓚᖏᑦ 5:4

ᑕᑯᒋᑦ, ᐱᓇᓱᐊᕐᑐᑦ ᐱᕈᕐᓰᕕᖁᑎᑦᓯᓐᓂ ᐱᕈᕐᑐᓂᒃ ᓇᑲᑎᕆᔪᑦ ᐊᑭᓕᓚᐅᓐᖏᓚᓯ ᑮᓇᐅᔭᒃᓴᖏᓐᓂᒃ, ᓯᓔᕐᕆᒃᓯᓂᒃᑯᑦ, ᓈᒻᒪᒃᓴᕈᓐᓃᕐᓗᑎᒃ ᓂᓪᓕᐊᓂᖏᑦ ᑐᓴᓕᕐᓯᐅᒃ; ᐱᕈᕐᓰᕕᖁᑎᑦᓯᓐᓂ ᓇᑲᑎᕆᔪᑦ ᓂᓪᓕᐊᓂᖏᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑐᓵᓕᕐᐰᑦ.

ᔧᒥᓯᐅᑉ ᐊᒡᓚᖏᑦ 2:6

ᐃᓕᑦᓯᓕ ᐊᔪᕐᓴᕐᑐᓂᒃ ᓇᕐᕈᖃᑕᐅᕙᒃᑲᑦᓯ. ᐊᔪᕐᓴᖏᑦᑐᓅᑦ ᐅᖁᒤᒋᔭᑦᓯᓐᓃᑎᑕᐅᕙᓐᖏᓚᓯ? ᑖᒃᑯᓇᓐᖓᓪᓗ ᐃᖅᑲᕐᑐᒐᒃᓴᓐᖑᕐᑎᑕᐅᕙᒡᓗᓯ.

ᒐᓔᑎᐊᒥᐅᓄᑦ 5:21

ᐃᒃᓯᒍᖕᓂᖅ, ᐋᖓᔮᕐᓂᖅ, ᑲᑎᓐᖓᓪᓗᑎᒃ ᓄᓕᐊᖃᑦᑕᕐᓃᑦ, ᐊᓯᖏᓐᓂᒡᓗ ᐊᑐᕐᓂᕐᓗᖃᑦᑕᕐᓃᑦ. ᓯᕘᕋᒋᔭᒃᓴᑦᓯᓐᓂᒃ ᐅᖃᐅᑎᕙᑦᓯ ᐅᖃᐅᑎᓚᐅᕐᓯᒪᒐᓗᐊᕆᓪᓗᓯ, ᑕᒪᒃᑯᐊ ᑍᒤᓕᐅᖃᑦᑕᕐᑐᑦ ᒎᑎᐅᑉ ᐊᑕᓂᐅᕕᖓᓂᒃ ᑭᖑᕐᖑᑦᔨᓂᐊᓐᖏᓚᑦ.

ᕉᒪᒥᐅᓄᑦ 13:4

ᐊᐅᓚᑦᓯᔨᐅᔪᑦ ᒎᑎᐅᑉ ᐱᔨᓯᕐᑎᒋᖕᒪᒋᑦ ᐱᕙᓪᓕᕈᑎᒃᓴᕐᓄᑦ. ᓈᒻᒪᖏᑦᑐᒥᒡᓕ ᐱᒍᕕᑦ, ᓯᕘᕋᒋᑦ, ᑕᒪᐅᖓᑐᐃᓐᓇᖅ ᓱᒋᐊᕐᓯᓂᕐᒥᒃ ᐱᔪᓐᓇᕐᓂᖃᕐᑎᑕᐅᖏᒻᒪᑕ; ᒎᑎᐅᓪᓕ ᐱᔨᑦᓯᕐᑎᒋᒪᒋᑦ ᖃᓄᐃᖏᑦᑎᐊᕐᓇᕐᑐᒥ ᐃᓅᖁᓪᓗᑎᑦ.

ᓘᑲᓯᐅᑉ ᐊᒡᓚᖏᑦ 12:5

ᐅᖃᐅᑎᔪᒪᕙᑦᓯ ᓯᕘᕋᒋᔭᕆᐊᖃᕐᑕᑦᓯᓐᓂᒃ: ᑖᓐᓇ ᓯᕘᕋᒋᓯᐅᒃ, ᑐᖁᑦᓯᔭᕇᕈᓂ, ᐱᔪᓐᓇᕐᓂᖃᕐᒥᔪᖅ ᑲᑉᐱᐊᓇᕐᑐᕕᖕᒧᑦ ᐃᒋᑦᓯᓂᕐᒥᒃ; ᐃᓛᒃ, ᐅᖃᐅᑎᕙᑦᓯ ᑖᓐᓇ ᓯᕘᕋᒋᓯᐅᒃ!

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 22:13

“ᑕᑯᒋᑦ, ᑍᒤᒻᒪᑦ ᑎᒡᓕᒐᕐᐸᒃᑐᓯ ᖄᖏᕐᓂᑯᓕᐅᕐᓂᒃᑯᑦ ᐱᒋᐊᕈᒫᕐᐸᑦᓯ ᐱᔪᓐᓇᕐᓂᓐᓄᑦ, ᑐᖁᕅᕙᒃᑐᓯᓗ ᐱᖃᓯᐅᑎᓗᓯ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:8

ᐃᑯᒪᒧᑦ ᐃᑯᐊᓚᔪᒧᑦ, ᓱᒋᐊᕈᒫᕐᐰᑦ ᒎᑎᒥᒃ ᖃᐅᔨᒪᖏᑦᑐᑦ ᐅᖃᐅᓯᕐᓂᒡᓗ ᑐᓴᕈᒥᓇᕐᑐᓂᒃ ᐊᑕᓂᑦᑎᓐᓂᒃ ᔩᓱᓯᒥᒃ ᓈᓚᓚᐅᖏᑦᑐᑦ.

ᐃᐱᓯᒥᐅᓄᑦ 5:6

ᑭᓇᒃᑯᑐᐃᓐᓇᕐᓄᑦ ᓯᓔᕐᕆᔭᐅᓂᐊᕋᓯ ᐅᖃᐅᓯᕐᓄᑦ ᓱᓕᖏᑦᑐᓄᑦ, ᑍᒤᑦᑐᑦ ᐱᓪᓗᒋᑦ ᒎᑎᐅᑉ ᓂᓐᖓᐅᓯᖓ ᑎᑭᓐᓂᐊᕐᒪᑦ ᑖᑦᓱᒥᖓ ᓈᓚᖏᑦᑐᓄᑦ.

ᐃᐱᓯᒥᐅᓄᑦ 4:17

ᐊᑕᓂᐅᑉ ᐱᖁᔨᓂᖓᒍᑦ ᐃᓂᕐᑎᕐᐸᑦᓯ, ᐅᒃᐱᖏᑦᑐᑎᑐᑦ ᐃᓅᔭᕆᐊᖃᕈᓐᓃᕋᑦᓯ, ᐊᑐᖏᑦᑐᓂᒃ ᐃᓱᒪᖃᕐᓗᑎᒃ ᐃᓅᓇᓱᐊᕐᑐᑎᑐᑦ;

ᒫᑯᓯᐅᑉ ᐊᒡᓚᖏᑦ 10:19

ᐱᖁᔭᓂᒃ ᖃᐅᔨᒪᕗᑎᑦ: ‘ᐃᓄᐊᕐᑐᒃᓴᐅᓐᖏᓚᑎᑦ, ᓄᓕᐊᕆᔭᕐᓂᒃ ᐅᐃᒋᔭᕐᓂᒃᓘᓐᓃᑦ ᐊᓯᓐᓂᐊᕐᑐᒃᓴᐅᓐᖏᓚᑎᑦ, ᑎᒡᓕᒃᑐᒃᓴᐅᓐᖏᓚᑎᑦ, ᐸᓯᔭᒃᓴᕈᕐᑎᑦᓯᓇᓱᐊᕐᑐᒃᓴᐅᓐᖏᓚᑎᑦ ᓱᓕᖏᑦᑐᒧᑦ, ᐅᐃᕖᕐᕆᒃᓯᔪᒃᓴᐅᓐᖏᓚᑎᑦ, ᐊᑖᑕᖕᓂᒃ ᐊᓈᓇᖕᓂᒃᓗ ᐅᐱᒍᓱᑦᓯᐊᕐᑐᒃᓴᐅᕗᑎᑦ.’”

ᔨᐸᓁᐊᐅᑉ ᐊᒡᓚᖏᑦ 3:5

ᐊᑕᓂᕐᓕ ᑖᑦᓱᒪᓃᑦᑐᖅ ᐃᓱᐊᕐᑑᕗᖅ, ᐃᓱᐃᑦᑐᓕᓂᐊᓐᖏᓚᕐᓗ. ᐅᓪᓛᑕᒫᑦ ᐃᓱᐊᕐᑐᓕᓂᓂ ᓴᖅᑭᑎᑉᐹ ᖃᐅᒪᔪᓄᑦ; ᐅᕐᕈᔪᓐᓇᖏᑦᑐᖅ, ᐃᓱᐃᑦᑐᓕᔪᓪᓕ ᖃᐅᔨᒪᓐᖏᓚᑦ ᑲᓐᖑᓱᖕᓂᕐᒥᒃ.

ᔨᐸᓁᐊᐅᑉ ᐊᒡᓚᖏᑦ 3:1

ᑲᑉᐱᐊᓐᓇᒦᒃ ᑍᓐᓇ ᐃᒡᓗᒐᓴᒃ ᐊᑭᕋᕐᑐᕐᑐᖅ ᓇᕐᕈᓇᕐᓯᔪᕐᓗ, ᐱᐅᖏᑦᑐᒥᓪᓗ ᑕᑕᑦᑐᖅ!

ᔨᕆᒤᐊᐅᑉ ᐊᒡᓚᖏᑦ 9:4

ᐃᓚᓐᓇᕆᔭᑎᑦ ᐅᑦᔨᕆᑦᓯᐊᒃᑭᑦ; ᖃᑕᓐᖑᑏᑦ ᐅᒃᐱᕆᑦᑍᓕᒍᒃ, ᖃᑕᓐᖑᑎᒌᑦ ᓴᒡᓗᕿᖃᑦᑕᐅᑎᔪᐃᓐᓇᐅᓕᕐᒪᑕ, ᐃᓚᓐᓈᕇᓪᓗ ᓱᓕᓂᖃᕈᓐᓃᕐᓗᑎᒃ ᐅᖃᐅᓯᖏᑦ.

ᔨᕆᒤᐊᐅᑉ ᐊᒡᓚᖏᑦ 7:6

ᐅᖁᒤᒃᓴᕐᑎᑦᓯᖏᓪᓗᓯᓗ ᐃᓅᖃᑎᑐᖃᕆᓐᖏᑕᑦᓯᓐᓂᒃ, ᐃᓕᐊᕐᔪᖕᓂᒃ, ᐅᐃᒡᒐᕐᓂᕐᓂᒡᓗ ᐸᓯᔭᒃᓴᐅᖏᑦᑐᓂᒡᓗ ᑐᖁᑕᐅᑎᑦᓯᕙᖏᓪᓗᓯ, ᒎᑎᓐᖑᐊᓂᒡᓗ ᒪᓕᒐᖃᕐᓂᑦᓯᓐᓄᑦ ᓇᖕᒥᓂᖅ ᓱᕋᒍᑎᒋᕙᖕᓂᐊᖏᓐᓇᑦᓯᐅᒃ.

ᐂᓮᐊᓯᐅᑉ ᐊᒡᓚᖏᑦ 5:7

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᕔᓂᒃᓴᓕᐅᕐᕕᒋᖕᒪᒋᑦ ᐃᓴᕆᐊᓕᐅᑉ ᑭᖑᕚᖏᑦ; ᔫᑕᐅᓪᓗ ᐃᓄᖏᑦ ᑕᑯᒥᓇᕐᑐᖁᑎᒋᓪᓗᒋᑦ ᐱᕈᕐᓰᕕᖁᑎᒋᕔᑦ; ᓂᕆᐅᒡᕕᒋᓚᐅᕐᐰᑦ ᐊᑦᔨᒌᒃᑎᑦᓯᓂᕐᒥᒃ, ᑭᓯᐊᓂᓕ ᐅᖁᒤᒃᓴᕐᑎᑦᓯᓯᒪᕗᑦ; ᐃᓱᐊᕐᓂᕐᒥᒡᓗ ᓂᕆᐅᒡᕕᒋᓚᐅᕐᐰᑦ, ᕿᐊᔪᓂᒡᓕ ᑐᓵᕗᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:8

ᑕᑯᒍᕕᑦ ᐊᔪᕐᓴᕐᑐᒥᒃ ᐅᖁᒤᑎᑕᐅᔪᒥᒃ, ᐊᑦᔨᒌᒃᑎᑦᓯᑦᓯᐊᕐᓂᐅᓪᓗ ᐃᓱᐊᕐᑐᓕᓂᐅᓪᓗ ᐊᑐᕐᑕᐅᖏᓐᓂᖓᓂᒃ ᑲᑉᐱᐊᓇᕐᑐᒃᑯᑦ, ᓄᓇᐅᑉ ᐊᐅᓚᑦᓯᔨᖏᑎᒍᑦ, ᑕᒪᓐᓇ ᑕᑕᒥᓐᓂᐊᕈᑎᒋᓇᒍ; ᐊᖓᔪᖅᑳᖅ ᖃᐅᔨᓴᕐᑎᖃᕐᒪᑦ ᐊᖓᔪᖅᑲᐅᖅᑭᔭᒥᓂᒃ, ᑖᒃᑯᐊᓗ ᐊᖓᔪᖅᑳᖑᖅᑭᔭᖃᕆᓪᓗᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:23

ᐅᖁᒤᓐᓂᕐᓯᐅᑏᑦ ᐅᐃᕕᕆᒃᓯᕈᑕᐅᓯᒪᔪᑦ ᐊᑕᓂᐅᑉ ᓇᕐᕈᒋᕔᑦ, ᐆᒃᑐᕋᐅᑎᓪᓗ ᓱᓕᔪᒥᒃ ᐊᑐᕐᑕᐅᖏᑦᑐᑦ ᐊᑕᓂᐅᑉ ᐱᐅᒋᓐᖏᓔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:14

ᓂᐅᕕᕐᑐᖅ ᐅᖃᕐᐳᖅ, “ᐱᐅᖏᑦᑐᖅ ᐅᓇ, ᐱᐅᖏᑦᑐᖅ ᐅᓇ,” ᐅᓇᖕᒥᓁᔭᓕᕐᓂᐊᕆᓪᓗᓂ ᐱᐅᔪᐊᓗᖕᒥᒃ ᐱᑖᕐᓂᕋᕐᓗᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:1

ᓴᒡᓗᕿᑦᓯᓪᓗᑎᒃ ᐅᖁᒤᓐᓂᓂᐊᕈᑎᑎᒍᑦ ᐊᑭᓕᕐᑐᐃᔪᑦ ᐊᑕᓂᐅᑉ ᓇᕐᕈᒋᕔᑦ, ᓱᓕᓪᓗᑎᒡᓕ ᐅᖁᒤᓐᓂᕐᓯᐅᑎᓂᒃ ᐊᑐᕐᑐᑦ ᐊᑕᓂᐅᑉ ᖁᕕᐊᒋᕔᑦ.

ᐃᓐᖏᕈᑎᑦ 140:12

ᖃᐅᔨᒪᕗᖓ ᐊᑕᓂᖅ ᓴᖅᑭᑎᑦᓯᑦᓯᐊᕐᓂᐊᕐᒪᑦ ᓱᖕᒪᑦ ᐋᓐᓂᐊᑎᑕᐅᓂᕐᑕᖃᕐᒪᖔᑦ, ᐃᑲᔪᕐᑕᐅᔭᕆᐊᓖᓪᓗ ᓈᒻᒪᓈᑦᓯᐊᕐᑐᒥᒃ ᐱᓇᓱᐊᕐᕕᒋᓗᒋᑦ.

ᐃᓐᖏᕈᑎᑦ 94:1

ᐊᑕᓃᖅ ᒎᑏ ᓱᒋᐊᕐᓯᓂᕐᒥᒃ ᐱᖃᕐᐳᑎᑦ, ᒎᑏ ᓱᒋᐊᕐᓯᓂᕐᒥᒃ ᐱᑕᖃᕋᕕᑦ, ᓴᖅᑭᓕᕆᑦ!

ᒨᓯᓯ ᑕᓪᓕᒪᖏᑦ 32:35

ᐊᑭᓂᐊᕐᓂᖅ ᐱᒋᕙᕋ, ᐊᑭᒪᓂᕐᓗ, ᐹᓪᓚᒡᕕᒃᓴᖓᑦ ᓇᓪᓕᐅᑎᓕᕐᐳᖅ; ᐊᓯᕈᕐᑕᐅᓂᒃᓴᖓᑕᓗ ᐅᓪᓗᖓ ᑎᑭᓕᕐᐳᖅ, ᐊᓯᕈᕐᑕᐅᕕᒃᓴᖓᑦ ᐊᑯᓂᐅᔪᓐᓃᕐᐳᖅ.

ᒨᓯᓯ ᑕᓪᓕᒪᖏᑦ 24:7

“ᓇᓪᓕᐊᑦ ᐃᓴᕆᐊᓕᒥᐅᖑᖃᑎᒥᓂᒃ ᐃᔨᕋᕐᑐᕐᓗᓂ ᑎᒍᓯᒃᐸᑦ ᑖᓐᓇᓗ ᓯᐊᓛᕐᑖᕆᓗᓂᐅᒃ ᐅᕝᕙᓗ ᓯᐊᓛᕐᑕᕆᔭᐅᖁᓪᓗᒍ ᓂᐅᕐᕈᑎᒋᒃᐸᒍ ᑖᓐᓇ ᑍᒤᓕᐅᕐᑐᖅ ᑐᖁᑕᐅᔪᒃᓴᐅᕗᖅ; ᑕᕝᕙ ᑍᒤᓕᐅᕐᓗᓯ ᑕᒪᓐᓇ ᐊᔪᕐᑐᓕᓂᖅ ᓄᖅᑲᕐᑎᒃᑲᔭᕐᐸᓯ.

ᒨᓯᓯ ᐱᖓᔪᖏᑦ 25:17

ᐃᓴᕆᐊᓕᒥᐅᖑᖃᑎᒌᒃᓗᓯ ᓯᓔᕆᖃᑦᑕᐅᑎᔪᒃᓴᐅᓐᖏᓚᓯ, ᒎᑎᓯ ᓯᕘᕋᒋᔭᒃᓴᕆᕙᓯ ᐅᕙᖓ ᐊᑕᓂᐅᒐᒪ ᒎᑎᓯ.”

ᒨᓯᓯ ᐱᖓᔪᖏᑦ 25:14

ᓄᓇᒥᒃ ᓂᐅᕈᑎᖃᕈᑦᓯ ᓄᓇᖃᑎᑦᓯᓐᓄᑦ ᐅᕝᕙᓘᓐᓃᑦ ᓂᐅᕕᕈᑦᓯ ᓄᓇᖃᑎᑦᓯᓐᓂᑦ, ᓯᓔᕆᒃᓯᕐᓂᐊᕋᓯ.

ᒨᓯᓯ ᐱᖓᔪᖏᑦ 19:13

“ᐃᓅᖃᑎᖕᓂᒃ ᓯᓔᕐᕆᒃᓯᔪᒃᓴᐅᓐᖏᓚᑎᑦ, ᐱᖁᑎᖏᓐᓂᒡᓗ ᑎᒡᓕᒡᕕᒋᔭᒃᓴᕆᓐᖏᓚᑦ ᐃᖅᑲᓁᔭᕐᑎᑕᕐᓂᒃ ᐊᑭᓖᑦᑍᓕᒪᔪᒃᓴᐅᓐᖏᓚᑎᑦ ᖃᐅᑦᓯᐊᕆᑦᑍᓕᓗᒍ ᐊᒡᓛᑦ.

ᒨᓯᓯ ᐱᖓᔪᖏᑦ 19:11

“ᑎᒡᓕᒃᑐᒃᓴᐅᓐᖏᓚᑎᑦ, ᓴᒡᓗᔪᒃᓴᐅᓇᒃᓗ, ᓯᓔᕐᕆᒃᓯᔪᒃᓴᐅᓇᒡᓗ ᐊᓯᖕᓂᒃ.

ᐃᐱᓯᒥᐅᓄᑦ 4:28

ᑎᒡᓕᒃᐸᓚᐅᕐᑐᖅ ᑎᒡᓕᖃᑦᑕᕈᓐᓁᕐᓕ, ᓇᖕᒥᓂᕐᓕ ᐃᖅᑲᓁᔭᓕᕐᓕ, ᐱᐅᔪᒥᒃ ᐱᓇᓱᐊᕐᓗᓂ ᓇᖕᒥᓂᖅ ᐃᓅᑦᔪᑎᒃᓴᓕᐊᒥᓄᑦ ᒪᑭᑕᑎᒍᓐᓇᕐᓯᓂᐊᕐᒪᑦ, ᐊᓯᒥᓂᒡᓗ ᐊᔪᕐᓴᕐᑐᓂᒃ ᐃᑲᔪᕈᓐᓇᕐᓯᓗᓂ.

ᒤᑲᐅᑉ ᐊᒡᓚᖏᑦ 2:2

ᐱᕈᕐᓰᕕᖕᓂᒃ ᐱᔪᒪᕕᒃᔪᐊᓕᕌᖓᒥᒃ ᐱᕋᔭᖕᓂᒃᑯᑦ ᐊᕐᓵᕐᓯᕙᒃᐳᑦ, ᐃᒡᓗᑖᕐᐸᒡᓗᑎᒡᓗ ᐊᕐᓵᕐᓯᓪᓗᑎᒃ. ᐅᖁᒤᒃᓴᕐᑎᑦᓯᓪᓗᑎᒡᓗ ᐊᖏᕐᕋᓕᖕᓂᒃ, ᐊᕐᓵᕐᓯᕙᒡᓗᑎᒡᓗ ᑭᖑᕐᖑᑎᔭᒃᓴᕆᔭᐅᔪᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:11

ᐅᖁᒤᓐᓂᕐᓯᐅᑏᑦ ᐆᒃᑐᕋᐅᑎᓪᓗ ᐊᑦᔨᒌᒃᑎᑦᓯᔪᑦ ᐊᑕᓂᕐᒥᑦ ᐱᕗᑦ; ᐴᕐᒧᑦ ᐴᕐᓯᒪᔪᑦ ᐅᖁᒤᓐᓂᖏᑦ ᑖᑦᓱᒪ ᐱᓂᐊᕐᓂᖓᓄᑦ ᐃᓕᖓᕗᑦ.

ᓘᑲᓯᐅᑉ ᐊᒡᓚᖏᑦ 16:28

ᑕᓪᓕᒪᓂᒃ ᖃᑕᓐᖑᑎᖃᕋᒪ, ᑖᑦᓱᒪ ᐅᖃᐅᑎᓂᐊᕐᒪᒋᑦ, ᐅᕗᖓ ᐋᓐᓂᐊᓇᕐᑐᒧᐊᖁᓇᒋᑦᑕᐅᖅ.’

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:11

ᑕᕝᕙ ᖃᐅᔨᓕᕆᑦᓯ ᑕᒪᓐᓇ ᕿᒃᓵᒃᑎᑕᐅᓂᓯ ᖃᓄᖅ ᒎᑎᒧᑦ ᐊᑐᕐᑕᐅᓯᒪᓂᖓᓂᒃ; ᐱᒋᐊᒃᑲᓐᓂᕈᑎᒋᒐᑦᓯᐅᒃ ᐸᓯᔭᒃᓴᐅᔪᒪᖏᓐᓂᑦᓯᓐᓄᓪᓗ ᓇᓗᓁᕐᓯᑦᔪᑎᒋᓪᓗᒍ, ᓯᕘᕋᓂᖃᕐᑎᓚᐅᕐᒪᓯ ᓇᒡᓕᒍᓱᖕᓂᖃᕐᑎᒻᒪᓯᓗ ᐃᓱᒪᔮᕈᑎᖃᕐᑎᒻᒪᓯᓗ, ᐊᑲᐅᔪᒥᒃ ᐃᖅᑲᕐᑐᐃᓂᖅ ᓴᖅᑭᖁᓪᓗᒍ. ᑕᕝᕙ ᑕᒤᑎᒍᑦ ᓇᓗᓁᕐᐳᓯ ᐸᓯᔭᒃᓴᐅᖏᓐᓂᑦᓯᓐᓂᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:11

ᖃᐅᔨᒪᕗᓯ ᐃᓕᑦᓯᓐᓄᑦ ᐊᑐᓂᑦ ᐱᓇᓱᐊᕐᓂᖃᓚᐅᕋᑦᑕ ᐊᑖᑕᐅᑉ ᕿᑐᕐᖓᒥᓂᒃ ᐱᓂᐊᕐᓂᕆᒐᔭᕐᑕᖓᑐᑦ, ᑲᔪᖏᕐᓮᓪᓗᑕ ᓮᒻᒪᕐᑎᑦᓯᓪᓗᑕᓗ ᐃᓕᑦᓯᓐᓂᒃ.

ᐄᑉᕈᐃᓄᑦ 2:6

ᐊᒡᓚᖕᓂᓕ ᐅᖃᕐᓯᒪᔪᖃᕐᐳᖅ: “ᐃᓄᒃ ᓱᓇᐅᖕᒪᑦ, ᑍᒫᒃ ᐃᓱᒪᒋᒐᕕᐅᒃ? ᐃᓅᓪᓗ ᐃᕐᓂᖓ, ᑍᒫᒃ ᑲᒪᒋᒐᕕᐅᒃ?