ᓴᒧᐃᓕ ᓯᕗᓪᓖᑦ 9:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ (ᑍᑦᓱᒪᓂ ᐃᓴᕆᐊᓕᒥ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᑍᔭᐅᕙᓚᐅᕐᐳᑦ ᓇᓚᐅᑦᑍᔨᒥᒃ, ᓇᓪᓕᐊᑐᐃᓐᓇᖅ ᒎᑎᒧᑦ ᐊᐱᖅᑯᑎᒃᓴᖃᕈᓂ, ᐅᖃᕐᐸᓚᐅᕐᐳᑦ, “ᓇᓚᐅᑦᑍᔨᒧᑦ ᐂᓚᐅᕐᑕ.”)

ᓴᒧᐃᓕ ᓯᕗᓪᓖᑦ 9:9 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 30:10

ᓇᓚᐅᑦᑍᔪᓄᑦ ᐅᖃᖃᑦᑕᕐᐳᑦ, “ᓱᓕᔪᓂᒃ ᓇᓚᐅᑦᑍᓂᐊᕋᓯ ᐅᕙᑦᑎᓐᓄᑦ, ᐅᖃᐅᑦᔪᐃᖃᑦᑕᓚᐅᕆᑦᓯ ᑐᓴᕈᒪᔭᑦᑎᓐᓂᒃ ᐊᑐᓪᓚᕆᒍᒫᖏᑦᑐᓂᒃ ᐅᕙᑦᑎᓐᓄᑦ.

ᐂᒨᓯᐅᑉ ᐊᒡᓚᖏᑦ 7:12

ᐊᒪᔧᐊᓗ ᐅᖃᕐᐳᖅ ᐂᒨᓯᒧᑦ, “ᐊᐅᓪᓚᓕᕆᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ! ᕿᒫᓕᕆᑦ ᔫᑕᐅᑉ ᓄᓇᖓᓄᑦ, ᑍᑲᓂᓗ ᓂᕆᖃᑦᑕᕐᓗᑎᑦ ᓂᐊᖂᔭᒥᒃ, ᐅᖃᓪᓚᖃᑦᑕᕆᐊᕐᑐᓕᕆᑦ.

ᑯᕉᓂᑲ ᓯᕗᓪᓖᑦ 29:29

ᐊᖓᔪᖅᑲᕐᔪᐊᑉ ᑍᕕᑎᐅᑉ ᐱᓂᐊᕐᓂᕆᓚᐅᕐᑕᖏᑦ, ᐱᒋᐊᕐᓂᖓᓂᑦ ᑭᖑᓪᓕᕐᐹᒧᑦ, ᑎᑎᕋᕐᓯᒪᕗᑦ ᓴᒧᐃᓕᐅᑉ ᐱᓂᐊᕐᓂᐅᕙᓪᓕᐊᔪᓂᒃ ᐊᒡᓚᒃᓯᒪᔭᖏᓐᓂ, ᓁᑕᓂᐅᓪᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐊᒡᓚᒃᑕᐅᓯᒪᐅᑎᖏᓐᓂ, ᒑᑦᓗ ᐊᒡᓚᒃᑕᐅᓯᒪᐅᑎᖏᓐᓂ,

ᑯᕉᓂᑲ ᓯᕗᓪᓖᑦ 26:28

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᓴᒧᐃᓕᐅᑉ ᑐᓂᕐᕈᑎᖏᑦ, ᓴᐅᓕᐅᓪᓗ ᑭᔅ ᐃᕐᓂᖓᑕ, ᐋᑉᓅᓪᓗ ᓂᕆᐅᑉ ᐃᕐᓂᖓᑕ, ᔪᐊᐱᐅᓪᓗ ᔨᕈᐃᐊᐅᑉ ᐃᕐᓂᖓᑕ ᑐᓂᔭᕕᓂᖏᑦ, ᐃᑦᔪᕐᓁᑎᑕᐅᓯᒪᔪᓕᒫᓪᓗ ᓯᓗᒥᑎᒧᑦ ᐃᓚᒋᔭᖏᓐᓄᓪᓗ ᑲᒪᒋᔭᐅᓚᐅᕐᐳᑦ.

ᐊᑕᓃᑦ ᐂᑉᐸᖏᑦ 17:13

ᐊᑕᓂᐅᑉ ᐅᖃᕐᑎᓂ ᑎᓕᕙᓚᐅᕋᓗᐊᕐᐰ ᐃᖅᑬᑎᑦᓯᔭᕐᑐᕐᑎᓪᓗᓂᒋᑦ ᐃᓴᕆᐊᓕᒥᐅᓂᒃ ᔫᑕᒥᐅᓂᒡᓗ, ᐅᖃᕐᓗᓂ, ᐃᓕᖅᑯᓯᕆᔭᓯ ᓈᒻᒪᖏᑦᑐᑦ ᕿᒪᒡᓗᒋᑦ ᐱᖁᔭᒃᑲ ᒪᓕᒐᒃᓴᕆᕙᓯ ᓯᕗᓕᕕᓂᑦᓯᓐᓄᑦ ᑐᓂᔭᐅᑎᓚᐅᕐᑕᒃᑲ ᒪᓕᒃᑕᐅᖁᓪᓗᒋᑦ ᐃᓕᑦᓯᓐᓄᑦᑕᐅᖅ ᐅᖃᐅᓯᕆᔭᐅᑎᓯᒪᔭᒃᑲ ᒪᓕᒃᑕᐅᖁᓪᓗᒋᑦ ᐱᔨᒋᔭᒃᑲ ᐅᖃᕐᑎᖁᑎᒃᑲᓗ ᐊᖅᑯᑎᒋᓪᓗᒋᑦ.

ᓴᒧᐃᓕ ᐂᑉᐸᖏᑦ 24:11

ᖃᐅᑎᓪᓗᒍ ᐅᓪᓛᒃᑯᑦ ᑍᕕᑎ ᒪᑭᒻᒪᑦ, ᐊᑕᓂᖅ ᐅᖃᕐᐳᖅ ᒑᑦᒧᑦ, ᑍᕕᑎᐅᑉ ᐅᖃᕐᑎᖓᓄᑦ ᐅᖃᕐᓗᓂ,

ᐂᓮᐊᓯᐅᑉ ᐊᒡᓚᖏᑦ 29:10

ᐊᑕᓂᐅᑉ ᐊᓂᕐᓂᕐᒥᒃ ᑯᕕᓯᕕᒋᖕᒪᓯ ᐃᑎᔪᒥᒃ ᓯᓂᒃᑎᑦᓯᔪᒥᒃ, ᐃᔨᓯᓗ ᐅᐃᑕᔪᓐᓁᓪᓕᑎᓪᓗᒋᑦ, ᒎᑎᐅᓪᓗ ᐱᔪᖃᓛᕐᑐᒥᒃ ᐅᖃᕐᑎᖏᑕ ᓂᐊᖁᓯ ᐅᓕᒃᐰᑦ, ᓯᕗᓂᒃᓴᒥᒃ ᓇᓚᐅᑦᑍᔩᑦ.

ᒨᓯᓯ ᓯᕗᓪᓖᑦ 25:22

ᓄᑕᕋᒃᓵᒡᓗ ᐃᒻᒥᖕᓅᓕᕐᐴᒃ ᐃᓗᖓᓂ; ᕇᐱᑲᓗ ᐅᖃᕐᐳᖅ, “ᖃᓄᐃᖏᑉᐸᑎᒃ, ᓱᖕᒪᑦ ᑍᒤᒃᐳᖔ?” ᐊᑕᓂᕐᒧᓪᓗ ᐊᐱᕐᓱᓕᕐᐳᖅ.

ᑯᕉᓂᑲ ᐂᑉᐸᖏᑦ 16:10

ᐂᓴᓕ ᓂᓐᖓᒃᐳᖅ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ, ᑎᒍᕚᓗ ᐊᑦᓱᖏᐅᑎᒧᐊᕐᓗᒍ, ᑎᒍᔭᐅᓯᒪᕕᖕᒧᐊᕐᐹ, ᓂᓐᖓᐅᑎᒻᒪᕆᒃᐹ ᑕᒪᓐᓇ ᐱᓪᓗᒍ. ᐃᓚᖏᓪᓗ ᐃᓄᐃᑦ ᓂᑲᒋᓇᒋᑦ ᐅᖁᒤᒃᓴᕐᑎᓕᕐᐰᑦ ᑍᑦᓱᒪᓂᐅᑎᓪᓗᒍ.

ᑯᕉᓂᑲ ᐂᑉᐸᖏᑦ 16:7

ᑍᑦᓱᒪᓂᐅᑎᓪᓗᒍ ᕼᐊᓇᓁ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᐂᕗᖅ ᐂᓴᒧᑦ ᔫᑕᐅᑉ ᐊᖓᔪᖅᑳᕐᔪᐊᖓᓄᑦ, ᐅᖃᐅᑎᓪᓗᒍᓗ, “ᑕᑎᖃᓚᐅᕋᕕᑦ ᓯᕆᐊᑉ ᐊᖓᔪᖅᑳᕐᔪᐊᖓᓂᒃ, ᐊᑕᓂᕐᒥᒃ ᒎᑎᖕᓂᒃ ᑕᑎᖃᓚᐅᕐᓇᒃ, ᑍᒤᒻᒪᑦ ᓯᕆᐊᑉ ᐊᖓᔪᖅᑳᕐᔪᐊᖓᑕ ᐅᓇᑕᕐᑐᒃᓴᖁᑎᖏᑦ ᐃᓕᖕᓂᒃ ᕿᒤᕗᑦ.

ᑯᕉᓂᑲ ᓯᕗᓪᓖᑦ 9:22

ᑖᒃᑯᐊ ᓂᕈᐊᕐᑕᐅᓯᒪᔪᑦ ᐃᑎᕐᑕᕐᕕᓕᕆᔨᐅᖁᓪᓗᒋᑦ ᑲᑎᑦᓱᑎᒃ 212ᖑᕗᑦ. ᑎᑎᕋᕐᑕᐅᓯᒪᕗᑦ ᑭᖑᕚᕇᖕᓂᖏᑦ ᒪᓕᒡᓗᒋᑦ ᓄᓇᖏᓐᓂ. ᑍᕕᑎᐅᑉ ᓴᒧᐃᓕᐅᓪᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᑎᓕᓚᐅᕐᒪᒋᑦ ᐅᐱᓐᓇᕐᑐᒥᒃ ᐱᓇᓱᐊᒐᖃᖁᓪᓗᒋᑦ.

ᐃᓗᐊᕐᓮᔩᑦ ᐊᒡᓚᖏᑦ 1:1

ᔮᓱᐊᑉ ᑐᖁᓂᖓᑕ ᑭᖑᓂᐊᒍᑦ ᐃᓴᕆᐊᓕᒥᐅᑦ ᐃᓄᖏᑦ ᐊᐱᕆᓕᕐᐳᑦ ᐊᑕᓂᕐᒧᑦ, “ᐃᓴᕆᐊᓕᐅᑉ ᑭᖑᕚᕇᖏᓐᓂᑦ ᓇᓪᓕᐊᑦ ᓯᕗᓪᓕᕐᐸᐅᓗᑎᒃ ᐅᓇᑕᕆᐊᕐᑐᒃᓴᐅᕚᑦ ᑬᓇᓂᒥᐅᓂᒃ, ᐅᕙᑦᑎᓐᓂᒃ ᐱᑦᔪᑦᔨᓗᑎᒃ?”

ᓴᒧᐃᓕ ᓯᕗᓪᓖᑦ 9:10

ᓴᐅᓕᓗ ᑭᐅᕗᖅ, “ᐅᖃᑦᓯᐊᕐᐳᑎᑦ! ᐊᑏ ᐂᓕᕐᑕ.” ᑕᕝᕙ ᐃᒡᓗᒐᓴᖕᓄᐊᕐᐳᑦ ᒎᑎᐅᑉ ᐃᓄᖁᑎᖓᑕ ᓄᓇᖓᓄᑦ.

ᑯᕉᓂᑲ ᓯᕗᓪᓖᑦ 21:9

ᐊᑕᓂᕐᓗ ᐅᖃᕐᐳᖅ ᒑᑦᒧᑦ, ᑍᕕᑎᐅᑉ ᐅᖃᕐᑎᖓᓄᑦ, ᐅᖃᕐᓗᓂ,

ᐃᓗᐊᕐᓮᔩᑦ ᐊᒡᓚᖏᑦ 18:5

ᐅᖃᐅᑎᕚᓪᓗ, “ᒎᑎ ᐊᐱᕆᓚᐅᕈᒃ, ᕿᓄᕕᒋᕙᑦᑎᒋᑦ, ᖃᐅᔨᒪᖁᓪᓗᑕ ᐃᖏᕐᕋᓗᑕ ᐱᓇᓱᐊᕆᐊᕐᑐᕐᑕᑦᑎᓐᓂᒃ ᐱᔪᓐᓇᑦᓯᐊᕐᓂᐊᕐᒪᖔᑦᑕ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:17

ᑎᒥᓕᒫᖅ ᐃᔨᐅᒃᐸᑦ, ᓇᐅᑯᓪᓕ ᑐᓵᒐᔭᕐᐹ? ᑎᒥᓕᒫᕐᓗ ᓯᐅᑕᐅᒃᐸᑦ, ᓇᐅᑯᓪᓕ ᓁᒪᔪᓐᓇᕋᔭᕐᐹ?