ᓴᒧᐃᓕ ᓯᕗᓪᓖᑦ 8:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᐃᓅᖃᑎᒌᒡᔪᐊᓕᒫᓂᒃ ᐊᑦᔨᖃᕐᓂᐊᕋᑦᑕ, ᓇᖕᒥᓂᖅ ᐊᖓᔪᖅᑳᕐᔪᐊᖃᕐᓗᑕ ᐊᐅᓚᑦᓯᔨᒋᓂᐊᕐᑕᑦᑎᓐᓂᒃ ᓯᕗᓕᕐᑎᒃᓴᑦᑎᓐᓂᒡᓗ ᐅᓇᑕᕐᓂᕐᒧᑦ ᐅᓇᑕᕐᑎᒋᓗᑎᒍᓗ.”

ᓴᒧᐃᓕ ᓯᕗᓪᓖᑦ 8:20 ပူးပေါင်းရင်းမြစ်များ

ᐃᓐᖏᕈᑎᑦ 106:35

ᐃᓅᖃᑎᒌᒡᔪᐊᓄᓪᓕ ᐃᓚᓕᐅᑎᓚᐅᕐᐳᑦ ᐂᑉᐸᕐᑖᖃᑦᑕᓕᕐᓗᑎᒃ, ᐃᓕᓐᓂᐊᕐᕕᒋᓗᒋᓪᓗ ᐱᓇᓱᐊᕐᓂᖏᓐᓂᒃ.

ᒨᓯᓯ ᐂᑉᐸᖏᑦ 33:16

ᖃᓄᕐᓕ ᖃᐅᔨᒪᔭᐅᑦᓯᐊᕈᓐᓇᕋᔭᕐᐲᑦ ᐃᓄᖁᑎᖕᓂᒃ ᖁᕕᐊᓲᑎᖃᕐᓂᕐᓂᒃ ᐅᕙᓐᓂᒡᓗ ᐅᕙᑦᑎᓐᓄᑦ ᐱᖃᑕᐅᓂᐊᖏᓪᓗᑎᑦ? ᐃᓕᖕᓄᑦ ᐃᓚᒋᔭᐅᑐᐊᕈᑦᑕ ᐅᐱᓐᓇᕐᑎᑕᐅᓂᕐᓴᐅᒐᔭᕋᑦᑕ ᓯᓚᕐᔪᐊᕐᒥ ᐃᓄᒋᔭᐅᔪᓕᒫᓂᑦ.”

ᒨᓯᓯ ᓯᑕᒪᖏᑦ 23:9

ᐃᓐᓈᕈᐃᑦ ᖄᖏᓐᓂᑦ ᐅᔭᕋᓱᒃᔪᖕᓂᑦ ᑕᑯᕙᒃᑲ, ᐱᖑᐃᑦ ᖄᖏᓐᓂᑦ ᑕᐅᑐᒃᐸᒃᑲ; ᑖᕙᓂ! ᐃᓄᐃᑦ ᑕᖕᒫᕐᓯᒪᔪᑦ ᐃᓄᑑᓪᓗᑎᒃ, ᐃᓅᖃᑎᒌᒡᔪᐊᓂᒃ ᐊᓯᒥᓂᒃ ᐃᓚᖃᕆᐊᒥᒃ ᐃᓱᒪᓇᑎᒃ.

ᔪᐊᓇᓯᐅᑉ ᐊᒡᓚᖏᑦ 15:19

ᓯᓚᕐᔪᐊᕐᒥᐅᑕᐅᖏᓐᓇᑦᓯ, ᓯᓚᕐᔪᐊᕐᒥᐅᑦ ᓇᖕᒥᓂᕐᒥᖕᓂᒃ ᓇᒡᓕᒍᓱᒃᑲᔭᕐᐳᑦ; ᓯᓚᕐᔪᐊᕐᒥᐅᓪᓕ ᐃᓚᒋᖏᓐᓇᑦᓯᒋᒃ, ᓯᓚᕐᔪᐊᕐᒥᐅᓂᑦ ᓂᕈᐊᓚᐅᕐᐸᑦᓯ, ᑍᒤᒻᒪᑦ ᓯᓚᕐᔪᐊᕐᒥᐅᑦ ᐆᒥᒋᕚᓯ.

ᕉᒪᒥᐅᓄᑦ 12:12

ᓂᕆᐅᖕᓂᑦᓯᓄᑦ ᖁᕕᐊᓱᒃᑎᑕᐅᒋᑦᓯ, ᐊᒃᓱᕈᑎᑕᐅᓂᕐᒥᒃ ᕿᓄᐃᓵᕆᑦᓯ, ᑐᒃᓯᐊᑦᓮᓐᓇᕐᓗᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:17

ᑍᒤᒻᒪᑦ ᐊᑕᓂᖅ ᐅᖃᕐᐳᖅ, “ᑍᒃᑯᓇᓐᖓ ᐊᓂᒋᑦᓯ ᐃᓚᒋᔪᓐᓃᕐᓗᒋᓪᓗ. ᒎᑎᒧᑦ ᓇᕐᕈᓇᕐᑐᓂᒃ ᐱᓇᓱᐊᕐᓂᐊᕋᓯ, ᑕᕝᕙ ᐃᓚᓕᐅᕐᓂᐊᕐᐸᑦᓯ.

ᒨᓯᓯ ᑕᓪᓕᒪᖏᑦ 7:6

ᑍᒤᓕᐅᕐᑐᒃᓴᐅᕗᓯ ᐃᓕᑦᓯ ᐊᑕᓂᐅᑉ ᒎᑎᑦᓯ ᐃᓄᖁᑎᒋᖕᒪᓯ ᐃᑦᔪᕐᓁᑎᑕᐅᔪᑦ ᑖᑦᓱᒧᖓ. ᐊᑕᓂᐅᑉ ᒎᑎᑦᓯ ᓂᕈᐊᕐᓯᒪᖕᒪᓯ ᓇᖕᒥᓂᖅ ᐃᓄᖁᑎᒋᓗᓂᓯ ᑖᑦᓱᒧᖓ ᐱᒋᔭᐅᖁᓪᓗᓯ, ᓯᓚᕐᔪᐊᕐᒥᐅᑦ ᐃᓄᓕᒫᖏᓐᓂᑦ ᓂᕈᐊᕐᑕᐅᓯᒪᒐᑦᓯ.

ᐱᓕᐱᒥᐅᓄᑦ 3:20

ᐅᕙᒍᓪᓕ ᓄᓇᒋᔭᕗᑦ ᕿᓚᖕᒦᑉᐳᖅ, ᑕᑉᐹᓐᖓᓪᓗ ᕿᓚᓈᕐᓗᑕ ᐅᑕᖅᑭᕙᕗᑦ ᐱᐅᓕᔨ, ᔩᓱᓯ ᙭ᔅᑑᓯ ᐊᑕᓂᕗᑦ.

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.

ᓴᒧᐃᓕ ᓯᕗᓪᓖᑦ 12:12

ᑭᓯᐊᓂᓕ ᐊᖓᔪᖅᑳᕐᔪᐊᖅ ᓇᕼᐊᔅ ᐊᒧᓁᑎᒥᐅᑕᖅ ᑕᑯᒐᑦᓯᐅᒃ ᐅᓇᑕᕆᐊᕐᑐᖅ ᐃᓕᑦᓯᓐᓂᒃ, ᐅᕙᓐᓄᑦ ᐅᖃᓚᐅᕐᐳᓯ, ‘ᐋᒃᑲ ᐊᖓᔪᖅᑳᕐᔪᐊᕐᑖᕈᒪᕗᒍᑦ ᐊᐅᓚᑦᓯᔨᒃᓴᑦᑎᓐᓂᒃ,’ ᐊᑕᓂᕐᒥᒃ ᒎᑎᑦᓯᓐᓂᒃ ᐊᖓᔪᖅᑳᕐᔪᐊᖃᕋᓗᐊᕐᑎᓪᓗᓯ.

ᓴᒧᐃᓕ ᓯᕗᓪᓖᑦ 12:2

ᒫᓐᓇᓕ ᑕᑯᒋᑦ, ᑕᕝᕙ ᐊᖓᔪᖅᑳᕐᔪᐊᓯ ᐱᓱᓕᕐᐳᖅ ᓵᑦᓯᓐᓂ; ᐅᕙᖓᓕ ᐃᑦᑑᓕᕋᒪ ᖀᖑᓕᕐᓗᖓᓗ, ᑕᑯᒋᑦ ᐃᕐᓂᒃᑲ ᐃᓕᑦᓯᓐᓃᑉᐳᑦ; ᐃᓕᑦᓯᓐᓂᒃ ᑕᓯᐅᕐᓯᓚᐅᕐᐳᖓ ᐃᓅᓱᒃᑑᓂᓐᓂᑦ ᐅᓪᓗᒥᒧᑦ ᑎᑭᓪᓗᒍ.

ᓴᒧᐃᓕ ᓯᕗᓪᓖᑦ 8:5

ᐅᖃᐅᑎᓪᓗᒍᓗ, “ᑕᑯᓚᐅᕆᑦ, ᐃᑦᑑᓕᕐᑐᑎᑦ ᐃᕐᓃᒃᑭᒡᓕ ᐃᓕᖕᓂᒃ ᒪᓕᓐᖏᓛᒃ; ᑍᒤᒻᒪᑦ ᑎᓕᓯᓚᐅᕆᑦ ᐊᖓᔪᖅᑳᕐᔪᐊᕐᒥᒃ ᐊᐅᓚᑦᓯᓂᐊᕐᑐᒥᒃ ᐅᕙᑦᑎᓐᓂᒃ ᐃᓅᖃᑎᒌᒡᔪᐊᑎᑐᑦ ᑍᒤᓐᓂᐊᕋᑦᑕ.”