ᓴᒧᐃᓕ ᓯᕗᓪᓖᑦ 25:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᐅᒡᒍᐊᕈᑎᖃᕐᓂᐊᓐᖏᓚᑎᑦ, ᐃᓱᒪᒃᑯᓪᓗ ᕿᒃᓵᒍᑎᖃᕐᓂᐊᕐᓇᒃ, ᐊᖓᔪᖅᑳᒃ, ᑐᖁᑦᓯᒐᔭᓚᐅᕈᕕᑦ ᐱᑦᔪᑎᖃᖏᓪᓗᑎᑦ ᐅᕝᕙᓘᓐᓃᑦ ᓇᖕᒥᓂᖅ ᐱᑦᔪᑎᒋᓗᑎᑦ ᐊᑭᒋᐊᕋᔭᓚᐅᕈᕕᑦ. ᐊᑕᓂᐅᓪᓗ ᐱᓂᐊᑦᓯᐊᕐᕕᒋᓕᕐᐸᑎᑦ, ᐊᖓᔪᖅᑳᒃ, ᐱᔩᑦ ᐳᐃᒍᕐᑍᓕᓛᕐᐸᑦ.”

ᓴᒧᐃᓕ ᓯᕗᓪᓖᑦ 25:31 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 40:14

ᐃᖅᑲᐅᒪᓛᕐᐸᕐᒪ ᖃᓄᐃᖏᑦᓯᐊᓕᕈᕕᑦ, ᕿᓄᕗᖓ ᓈᒃᑭᒋᔪᒫᕐᐸᕐᒪ ᐅᖃᐅᓯᕆᓗᖓᓗ ᐰᕉᒧᑦ, ᐅᕙᓐᖓᑦ ᐊᓂᑎᑕᐅᖁᓪᓗᖓ ᐃᓂᒋᔭᓐᓂᑦ.

ᓴᒧᐃᓕ ᐂᑉᐸᖏᑦ 22:48

ᒎᑎᐅᑉ ᓵᓚᖃᕐᑎᑉᐹᖓ ᐊᑭᕋᕐᑐᕐᑎᓐᓂᒃ; ᐃᓅᖃᑎᒋᒡᔪᐊᓪᓗ ᓵᓐᓄᑦ ᐱᑎᑉᐰᑦ,

ᐃᓐᖏᕈᑎᑦ 94:1

ᐊᑕᓃᖅ ᒎᑏ ᓱᒋᐊᕐᓯᓂᕐᒥᒃ ᐱᖃᕐᐳᑎᑦ, ᒎᑏ ᓱᒋᐊᕐᓯᓂᕐᒥᒃ ᐱᑕᖃᕋᕕᑦ, ᓴᖅᑭᓕᕆᑦ!

ᓘᑲᓯᐅᑉ ᐊᒡᓚᖏᑦ 23:42

ᔩᓱᓯᒧᑦ ᐅᖃᕐᐳᖅ, “ᔩᓱᓰ ᐃᖅᑲᐅᒪᓛᕐᐸᕐᒪ ᐊᑕᓂᐅᕕᖕᓄᑦ ᑎᑭᒍᕕᑦ!”

ᕉᒪᒥᐅᓄᑦ 12:19

ᐃᓚᓐᓇᕆᔭᒃᑲ, ᓇᖕᒥᓂᖅ ᐊᑭᒋᐊᕐᓂᐊᕋᓯ, ᒎᑎᐅᓪᓕ ᓂᓐᖓᖕᓂᕆᔪᒫᕐᑕᖓᓄᑦ ᑐᕌᖓᑎᓕᕐᓯᐅᒃ; ᐊᒡᓚᒃᓯᒪᖕᒪᑦ, “ᐊᑭᓂᐊᕐᓂᖅ ᐱᒋᕙᕋ, ᐅᕙᖓ ᐊᑭᓂᐊᕈᒫᕐᐳᖓ, ᐊᑕᓂᖅ ᐅᖃᕐᐳᖅ.”

ᕉᒪᒥᐅᓄᑦ 14:21

ᐱᐅᓂᕐᓴᐅᕗᖅ ᓂᕿᒥᒃ ᓂᕆᖏᒃᑯᕕᒃ ᐅᐂᓂᒥᒡᓘᓐᓃᑦ ᐃᒥᖏᒃᑯᕕᑦ ᐊᓯᖏᓐᓂᒡᓘᓐᓃᑦ ᐅᒃᐱᕐᑑᖃᑎᕕᑦ ᑲᑕᒍᑎᒋᒐᔭᕐᑕᖓᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:12

ᐅᕙᑦᑎᓐᓂᒃ ᑕᕝᕙ ᖁᕕᐊᓲᑎᒋᔭᕗᑦ, ᐃᒃᐱᒋᔭᑦᑎᒍᑦ ᓄᓇᒥ ᐃᓅᑎᓪᓗᑕ ᐃᓕᑦᓯᓐᓂᒃ ᐃᓚᖃᕐᓂᕗᑦ, ᐊᐅᓚᑕᐅᓯᒪᖕᒪᑦ ᒎᑎᐅᑉ ᐃᑦᔪᕐᓁᑎᑦᓯᓂᖓᓄᑦ ᓇᓛᒎᕐᓂᖓᒍᓪᓗ, ᓯᓚᕐᔪᐊᕐᒥᐅᑦ ᓯᓚᑐᓂᖓᓅᖏᑦᑐᖅ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ.

ᓴᒧᐃᓕ ᓯᕗᓪᓖᑦ 24:15

ᑍᒤᒻᒪᑦ ᐊᑕᓂᖅ ᐃᖅᑲᕐᑐᐃᓕᕐᓕ, ᓇᓗᓁᕐᓯᓗᓂᓗ ᓇᓕᕐᐳᒃ ᐸᓯᔭᒃᓴᐅᖕᒪᖔᑦ, ᑕᑯᓕᕐᓕ ᐱᓂᐊᕐᓂᑦᑎᓐᓂᒃ, ᖃᐅᔨᓴᕐᓗᖓ, ᐱᐅᓕᓗᖓᓗ ᐊᒡᒐᖕᓂᑦ.”

ᓴᒧᐃᓕ ᓯᕗᓪᓖᑦ 25:30

ᐊᑕᓂᐅᑉ ᐱᓇᓱᐊᕐᕕᒋᔭᕇᕐᐸᑎᑦ ᐱᐅᔪᓂᒃ ᐅᖃᐅᓯᕆᓚᐅᕐᑕᒥᓂᒃ ᐱᑦᔪᑎᒋᓗᑎᑦ, ᑎᓕᓚᐅᕐᐹᑎᓪᓗ ᐊᖓᔪᖅᑳᕐᔪᐊᓐᖑᖁᓪᓗᑎᑦ ᐃᓴᕆᐊᓕᒥᐅᓄᑦ.

ᓴᒧᐃᓕ ᓯᕗᓪᓖᑦ 25:33

ᒎᑎ ᖁᔭᒋᔭᐅᓕ ᐱᑦᓯᐊᕐᓂᕐᓄᑦ ᐱᓂᐊᕐᓂᕐᓄᓪᓗ, ᐊᑭᓂᐊᕐᑎᖏᓐᓇᕕᓐᖓ, ᑐᖁᑦᓯᑎᓐᓇᖓᓗ ᐅᕙᓐᓂᒃ ᐊᑭᓂᐊᕈᒪᓕᕐᑎᓪᓗᖓ ᐱᔪᓐᓇᕐᓂᓐᓄᑦ.

ᓴᒧᐃᓕ ᓯᕗᓪᓖᑦ 25:40

ᑍᕕᑎᐅᓪᓗ ᐱᔨᖏᑦ ᐊᐱᒊᓕᒧᑦ ᐂᕗᑦ ᑳᕐᒥᐅᓪᒧᑦ, ᐅᖃᐅᑎᓪᓗᒍᓗ, “ᑍᕕᑎᐅᑉ ᑎᓕᕚᑎᒍᑦ ᐃᓕᖕᓂᒃ ᐂᒃᓯᖁᓪᓗᑕ ᓄᓕᐊᕐᑖᕆᔪᒪᖕᒪᑎᑦ.”

ᓴᒧᐃᓕ ᓯᕗᓪᓖᑦ 26:23

ᐊᑕᓂᐅᑉ ᐊᑭᓕᑦᓯᐊᖃᑦᑕᕐᐰᑦ ᓇᓛᒍᑦ ᐱᓇᓱᐊᕐᑐᑦ ᐃᓱᐊᕐᑐᓪᓗ; ᐅᓪᓗᒥ ᐊᑕᓂᐅᑉ ᐅᕙᓐᓄᑦ ᑐᓂᓚᐅᕐᐹᑎᑦ, ᑭᓯᐊᓂᓕ ᐱᒋᐊᓚᐅᓐᖏᓚᒋᑦ ᐊᑕᓂᐅᑉ ᐊᖓᔪᖅᑳᕐᔪᐊᕈᕐᑎᓚᐅᕐᒪᑎᑦ.