ᓴᒧᐃᓕ ᓯᕗᓪᓖᑦ 25:30 - ᐊᒡᓔᑦ ᐃᑦᔪᕐᖕᓁᑦᑐᑦ

³⁰ ᐊᑕᓂᐅᑉ ᐱᓇᓱᐊᕐᕕᒋᔭᕇᕐᐸᑎᑦ ᐱᐅᔪᓂᒃ ᐅᖃᐅᓯᕆᓚᐅᕐᑕᒥᓂᒃ ᐱᑦᔪᑎᒋᓗᑎᑦ, ᑎᓕᓚᐅᕐᐹᑎᓪᓗ ᐊᖓᔪᖅᑳᕐᔪᐊᓐᖑᖁᓪᓗᑎᑦ ᐃᓴᕆᐊᓕᒥᐅᓄᑦ.

ᓴᒧᐃᓕ ᓯᕗᓪᓖᑦ 25:30 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 5:2

ᑍᑦᓱᒪᓂ, ᓴᐅᓕ ᐊᖓᔪᖅᑳᕐᔪᐊᖑᑎᓪᓗᒍ, ᐃᓴᕆᐊᓕᒥᐅᑦ ᐃᓄᖏᑦ ᐅᓇᑕᕐᓂᒃᑯᑦ ᑕᓯᐅᓚᐅᕐᐸᑎᑦ, ᐊᑕᓂᐅᓪᓗ ᐊᖏᕐᕕᒋᓚᐅᕐᐹᑎᑦ, ‘ᐃᓄᖁᑎᓐᓂᒃ ᐰᕐᓯᔨᐅᓂᐊᕐᐳᑎᑦ, ᐊᖓᔪᖅᑳᕐᔪᕆᔭᐅᓗᑎᓪᓗ.’”

ᐃᓐᖏᕈᑎᑦ 89:20

ᐱᔨᒐ ᑍᕕᑎ ᓇᒡᕚᕐᓯᒪᕙᕋ; ᐅᕐᓱᒧᑦ ᐃᑦᔪᕐᓁᑦᑐᖁᑎᓐᓄᑦ ᐅᕐᓱᕐᑎᓚᐅᕐᐸᕋ.

ᓴᒧᐃᓕ ᓯᕗᓪᓖᑦ 13:14

ᒫᓐᓇᓕ ᐊᖓᔪᖅᑲᐅᕖᑦ ᑲᔪᓯᓂᐊᕈᓐᓃᕐᐳᖅ; ᐊᑕᓂᖅ ᕿᓂᕈᒫᓕᕐᐳᖅ ᐃᓄᖕᒥᒃ ᐊᑕᓂᐅᑉ ᐆᒻᒪᑎᖓᓂᒃ ᕿᓂᕐᑐᒥᒃ; ᐊᑕᓂᐅᓪᓗ ᐊᖓᔪᖅᑳᓐᖑᕐᑎᑦᓱᒫᕐᐹ ᐃᓄᖁᑎᒥᓄᑦ, ᐊᑕᓂᐅᑉ ᐱᖁᔭᖓᓂᒃ ᓈᓚᓚᐅᖏᓐᓃᑦ ᐱᑦᔪᑎᒋᓗᒍ.”

ᓴᒧᐃᓕ ᓯᕗᓪᓖᑦ 15:28

ᓴᒧᐃᓕᐅᓪᓗ ᐅᖃᐅᑎᕚ, “ᐊᑕᓂᐅᑉ ᐃᓴᕆᐊᓕᒥᐅᓄᑦ ᐊᖓᔪᖅᑲᐅᕖᑦ ᐊᓕᒃᐹ ᐅᓪᓗᒥ, ᑐᓂᓪᓗᒍᓗ ᓯᓚᖅᑲᑎᖕᓄᑦ, ᐃᓕᖕᓂᑦ ᐱᐅᓂᕐᓴᐅᔪᒧᑦ.

ᓴᒧᐃᓕ ᓯᕗᓪᓖᑦ 23:17

ᐅᖃᐅᑎᓪᓗᒍᓗ, “ᑲᑉᐱᐊᓱᒃᑍᓕᒋᑦ; ᓴᐅᓕᐅᑉ ᐊᑖᑕᒪ ᐱᔪᓐᓇᕐᓂᒥᒍᑦ ᓇᓂᓂᐊᓐᖏᓛᑎᑦ; ᐊᖓᔪᖅᑳᕐᔪᐊᓐᖑᕐᑐᒃᓴᐅᕗᑎᑦ ᐃᓴᕆᐊᓕᒥᐅᓄᑦ, ᐃᓕᖕᓄᓪᓗ ᑐᖓᓕᐅᔪᒃᓴᐅᕗᖓ; ᑕᒪᓐᓇᓗ ᐊᑖᑕᒪ ᖃᐅᔨᒪᒋᕚ.”

ᓴᒧᐃᓕ ᓯᕗᓪᓖᑦ 24:21

ᑍᒤᒻᒪᑦ ᐊᖏᕐᕕᒋᓐᖓ ᐊᑕᓂᐅᑉ ᐊᑎᖓᓂ ᐃᓚᒃᑲ ᐱᑦᓯᐊᕐᕕᒋᓗᒋᑦ ᑐᖁᑦᓱᒫᓐᖏᓚᑎᑦ, ᐊᑎᕋ ᐊᓯᕈᕐᑕᐅᖁᓇᒍ, ᐊᑖᑕᒪᓗ ᐃᒡᓗᒥᐅᖃᑎᖏᑦ.”

ᓴᒧᐃᓕ ᓯᕗᓪᓖᑦ 25:31

ᐅᒡᒍᐊᕈᑎᖃᕐᓂᐊᓐᖏᓚᑎᑦ, ᐃᓱᒪᒃᑯᓪᓗ ᕿᒃᓵᒍᑎᖃᕐᓂᐊᕐᓇᒃ, ᐊᖓᔪᖅᑳᒃ, ᑐᖁᑦᓯᒐᔭᓚᐅᕈᕕᑦ ᐱᑦᔪᑎᖃᖏᓪᓗᑎᑦ ᐅᕝᕙᓘᓐᓃᑦ ᓇᖕᒥᓂᖅ ᐱᑦᔪᑎᒋᓗᑎᑦ ᐊᑭᒋᐊᕋᔭᓚᐅᕈᕕᑦ. ᐊᑕᓂᐅᓪᓗ ᐱᓂᐊᑦᓯᐊᕐᕕᒋᓕᕐᐸᑎᑦ, ᐊᖓᔪᖅᑳᒃ, ᐱᔩᑦ ᐳᐃᒍᕐᑍᓕᓛᕐᐸᑦ.”