ᓴᒧᐃᓕ ᓯᕗᓪᓖᑦ 25:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᐃᓱᒪᒋᔪᓐᓁᕐᕕᒋᓐᖓ ᐊᖓᔪᖅᑳᒃ ᐊᔪᕐᑐᓕᓂᓐᓂᒃ; ᐊᑕᓂᐅᑉ ᐊᖓᔪᖅᑳᕋ ᕿᓄᐃᓵᕐᑎᑉᐹ ᐃᒡᓗᒥᐅᖃᑎᖏᓪᓗ, ᐊᖓᔪᖅᑳᕋ ᐅᓇᑕᖃᑦᑕᕐᒪᑦ ᐊᑕᓂᐅᑉ ᐅᓇᑕᕐᓂᖏᓐᓂᒃ; ᐱᐅᖏᑦᑐᒥᒡᓗ ᓇᓂᓯᔪᖃᕐᓂᐊᓐᖏᓚᑦ ᐃᓕᖕᓂ ᐃᓅᓂᓕᒫᕐᓂ.

ᓴᒧᐃᓕ ᓯᕗᓪᓖᑦ 25:28 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 5:2

ᑍᑦᓱᒪᓂ, ᓴᐅᓕ ᐊᖓᔪᖅᑳᕐᔪᐊᖑᑎᓪᓗᒍ, ᐃᓴᕆᐊᓕᒥᐅᑦ ᐃᓄᖏᑦ ᐅᓇᑕᕐᓂᒃᑯᑦ ᑕᓯᐅᓚᐅᕐᐸᑎᑦ, ᐊᑕᓂᐅᓪᓗ ᐊᖏᕐᕕᒋᓚᐅᕐᐹᑎᑦ, ‘ᐃᓄᖁᑎᓐᓂᒃ ᐰᕐᓯᔨᐅᓂᐊᕐᐳᑎᑦ, ᐊᖓᔪᖅᑳᕐᔪᕆᔭᐅᓗᑎᓪᓗ.’”

ᓴᒧᐃᓕ ᐂᑉᐸᖏᑦ 7:11

ᑍᒪᓐᖓᑦ ᐃᓱᐊᕐᓮᔨᓂᒃ ᑎᓕᓯᖃᑦᑕᓕᓚᐅᕐᓂᓐᓂᑦ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ; ᐸᒡᕕᓴᒃᑕᐅᑎᓐᓂᐊᕈᓐᓁᕐᐸᑦᓯ ᐊᑭᕋᕐᑐᕐᑎᓕᒫᑦᓯᓐᓂᑦ. ᓱᓕᓗ ᐊᑕᓂᐅᑉ ᓇᓗᓁᕐᓯᕕᒋᓪᓗᓯ ᐅᖃᐅᑎᕚᓯ ᐊᑕᓂᐅᑉ ᑭᖑᕚᒃᓴᓕᐅᕐᑎᓐᓂᐊᓕᕐᐹᓯ.

ᓴᒧᐃᓕ ᐂᑉᐸᖏᑦ 7:16

ᑭᖑᕚᑎᓪᓕ ᐊᑕᓂᐅᕖᓪᓗ ᓱᖁᓯᔪᐃᑦᑑᑎᑦᓱᒪᕙᒃᑲ ᐃᓱᖃᖏᑦᑐᒧᑦ; ᐊᖓᔪᖅᑲᐅᓃᓪᓗ ᑲᔪᓯᓂᐊᕐᐳᖅ ᐃᓱᖃᖏᑦᑐᒧᑦ.’”

ᓴᒧᐃᓕ ᐂᑉᐸᖏᑦ 7:27

ᐃᕝᕕᑦ ᐊᑕᓃᖅ ᖁᑦᓯᖕᓂᕐᐹᖑᔪᑎᑦ, ᐃᓴᕆᐊᓕᒥᐅᑦ ᒎᑎᖓ, ᑕᒪᓐᓇ ᐱᔨᖕᓄᑦ ᑕᑯᔭᐅᑎᓚᐅᕋᕕᐅᒃ ᐅᖃᕐᓗᑎᑦ, ‘ᑭᖑᕚᑎᑦ ᐊᖓᔪᖅᑳᕐᔪᐊᖑᔪᒫᕐᐳᑦ’; ᑍᒤᒻᒪᑦ ᐱᔩᑦ ᓴᐱᖏᓪᓗᓂ ᑐᒃᓯᐊᕈᓐᓇᓕᕐᐳᖅ ᑐᒃᓯᐊᕐᓂᕐᒥᒃ ᑕᒪᑐᒥᖓ ᐃᓕᖕᓄᑦ.

ᐊᑕᓃᑦ ᓯᕗᓪᓖᑦ 15:3

ᐊᐰᔭ ᐊᑖᑕᖓᑕ ᐊᔪᕐᑐᓕᓂᕆᓚᐅᕐᑕᖓᓂᒃ ᒪᓕᓚᐅᕆᕗᖅ, ᐊᑕᓂᕐᒧᑦ ᒎᑎᒥᓄᑦ ᒪᓕᑦᓯᐊᕋᓂ, ᓯᕗᓪᓕᕐᒥᒃ ᐊᑖᑕᑦᓯᐊᓕᖅᑭᐅᑎᖓᑕ ᑍᕕᑎᐅᑉ ᒪᓕᑦᓯᐊᓚᐅᕐᓂᖓᑐᑦ.

ᐊᑕᓃᑦ ᓯᕗᓪᓖᑦ 15:5

ᑍᕕᑎ ᐊᑕᓂᐅᑉ ᓈᒻᒪᒋᔭᖓᓂᒃ ᐃᓅᓚᐅᕐᓂᖓᓄᑦ, ᕿᒤᓚᐅᕋᓂᓗ ᐊᑕᓂᐅᑉ ᐱᖁᔭᖏᓐᓂᒃ ᑕᒤᓐᓂᒃ ᐃᓅᓯᓕᒫᒥᓂ, ᑭᓯᐊᓂ ᐃᓱᐊᖏᑦᔪᑎᑐᐊᖃᓚᐅᕐᐳᖅ ᔪᕅᐊᒥᒃ ᕼᐃᑍᑎᒥᐅᑕᕐᒥᒃ.

ᐊᑕᓃᑦ ᓯᕗᓪᓖᑦ 9:5

ᐊᖏᕈᑎᒋᓯᒪᔭᒃᑲ ᑲᔪᓯᑎᓐᓂᐊᕐᐸᒃᑲ ᐊᑖᑕᖕᓄᑦ ᑍᕕᑎᒧᑦ, ᐅᖃᐅᑎᓯᒪᒐᒃᑯ ᐃᒫᒃ, ‘ᐃᓴᕆᐊᓕ ᐊᐅᓚᑕᐅᖏᓐᓇᕐᓂᐊᕐᐳᖅ ᑭᖑᕚᕐᓄᑦ.’

ᑯᕉᓂᑲ ᓯᕗᓪᓖᑦ 17:10

ᑍᑦᓱᒪᓂᐅᑎᓪᓗᒍ ᐃᓗᐊᕐᓮᔩᑦ ᑎᓕᓚᐅᕐᐸᒃᑲ ᐃᓄᖁᑎᓐᓂᒃ ᐃᓴᕆᐊᓕᒥᐅᓂᒃ ᑲᒪᔨᐅᖁᓪᓗᒋᑦ; ᐊᑭᕋᕐᑐᕐᑎᑎᓪᓗ ᓵᓚᒋᔪᒫᕐᐸᒃᑲ. ᓱᓕᓗ ᐅᖃᐅᑎᒃᑲᓐᓂᕐᐸᒋᑦ ᐊᑕᓂᐅᑉ ᐃᒡᓗᓕᐅᕈᒫᕐᐹᑎᑦ.

ᑯᕉᓂᑲ ᓯᕗᓪᓖᑦ 17:25

ᐃᕝᕕᑦ ᒎᑎᒑ, ᐱᔩᑦ ᑕᑯᑎᓚᐅᕋᕕᐅᒃ ᐃᒡᓗᓕᐅᕐᓂᐊᕐᓂᕋᕐᓗᒍ; ᑍᒤᒻᒪᑦ ᐱᔩᑦ ᓴᐱᕈᓐᓃᕐᐳᖅ ᑐᒃᓯᐊᕈᒪᓪᓗᓂ ᓵᖕᓂ.

ᑯᕉᓂᑲ ᐂᑉᐸᖏᑦ 20:15

ᐅᖃᕐᐳᕐᓗ, “ᓈᓚᒋᑦᓯ, ᔫᑕᒥᐅᓕᒫᑦ ᔨᕉᓴᓕᒥᐅᓕᒫᓪᓗ, ᐊᖓᔪᖅᑳᕐᔪᐊᕐᓗ ᔨᕼᐆᓴᐸᑦ: ᐊᑕᓂᖅ ᐅᖃᕐᐳᖅ ᐃᓕᑦᓯᓐᓄᑦ, ‘ᑲᑉᐱᐊᓱᖏᓪᓗᓯ, ᓴᐱᖏᓪᓗᓯᓗ ᐃᓄᒋᐊᒃᑐᕐᔪᐊᓂᒃ; ᐃᓕᑦᓯ ᑕᒪᓐᓇ ᐅᓇᑕᕐᓂᕆᖏᓐᓇᑦᓯᐅᒃ, ᒎᑎᐅᓪᓕ.

ᐃᓐᖏᕈᑎᑦ 7:3

ᐊᑕᓃᖅ ᒎᑎᒐ, ᐅᑯᓂᖓ ᐱᓚᐅᕐᓂᕈᒪ; ᐊᒡᒐᓐᓂ ᐱᐅᖏᑦᑐᓕᓂᕐᑕᖃᕐᐸᑦ,

ᐃᓐᖏᕈᑎᑦ 89:29

ᑭᖑᕚᖏᑦ ᓱᕐᕋᔪᐃᑎᑦᓱᒪᕙᒃᑲ ᐃᓱᖃᖏᑦᑐᒧᑦ, ᐊᖓᔪᖅᑲᐅᕕᖓᓗ ᓱᖁᓯᔪᐃᑦᑑᓂᐊᕐᐳᖅ ᕿᓚᖃᕐᓂᖓᓂ.

ᒨᓯᓯ ᓯᑕᒪᖏᑦ 23:21

ᔧᑰᑉ ᐱᐅᖏᑦᑐᓕᓂᖏᑦ ᑲᒪᒋᓐᖏᓔᑦ, ᐃᓴᕆᐊᓕᒥᐅᓪᓗ ᐊᔪᕐᑐᓕᓂᖏᓐᓂᒃ ᑕᑯᓚᐅᓐᖏᓚᖅ. ᐊᑕᓂᐅᑉ ᒎᑎᖓᑕ ᐃᓚᒋᖕᒪᒋᑦ, ᐊᖓᔪᖅᑳᕐᔪᐊᑉ ᓂᐱᕐᔪᐊᒧᑦ ᓂᓪᓕᐊᓂᖓᑕ ᐃᓚᒋᕔᑦ.

ᒫᑎᐅᓯᐅᑉ ᐊᒡᓚᖏᑦ 5:16

ᑍᒫᒃᑕᐅᖅ ᖃᐅᒻᒪᖁᑎᓯ ᐃᓄᖕᓄᑦ ᖃᐅᒪᑎᓯᐅᒃ, ᐱᓂᐊᑦᓯᐊᕐᓂᑦᓯᓐᓂᒃ ᑕᑯᖁᓪᓗᒋᑦ, ᐊᑖᑕᓯ ᕿᓚᖕᒦᑦᑐᖅ ᓂᕐᑐᕐᑕᐅᖁᓪᓗᒍ.”

ᓘᑲᓯᐅᑉ ᐊᒡᓚᖏᑦ 23:41

ᐅᕙᒍᒃᓕ ᑍᒫᒃ ᐱᔭᐅᑦᔪᑎᒃᓴᖃᕋᓐᓄᒃ ᐱᓂᐊᕐᕕᐅᕗᒍᒃ ᐱᓂᐊᕐᓂᕆᓚᐅᕐᑕᕗᒃ ᒪᓕᒡᓗᒋᑦ; ᐅᓇᓕ ᐊᖑᑦ ᓈᒻᒪᖏᑦᑐᒥᒃ ᐱᓚᐅᓐᖏᓚᖅ.”

ᓘᑲᓯᐅᑉ ᐊᒡᓚᖏᑦ 23:47

ᐅᓇᑕᕐᑐᒃᓮᑦ ᐊᖓᔪᖅᑳᖓᑦ ᑕᑯᒐᒥ ᐱᓂᐊᕐᓂᐅᔪᒥᒃ, ᒎᑎ ᓂᕐᑐᓕᕐᐹ, ᐅᖃᕐᓗᓂ, “ᐃᓛᒃ ᐊᖑᑦ ᑖᓐᓇ ᓱᓕᓪᓗᓂ ᐸᓯᔭᐅᑦᔪᑎᒃᓴᖃᓚᐅᓐᖏᓚᖅ!”

ᓴᒧᐃᓕ ᓯᕗᓪᓖᑦ 15:28

ᓴᒧᐃᓕᐅᓪᓗ ᐅᖃᐅᑎᕚ, “ᐊᑕᓂᐅᑉ ᐃᓴᕆᐊᓕᒥᐅᓄᑦ ᐊᖓᔪᖅᑲᐅᕖᑦ ᐊᓕᒃᐹ ᐅᓪᓗᒥ, ᑐᓂᓪᓗᒍᓗ ᓯᓚᖅᑲᑎᖕᓄᑦ, ᐃᓕᖕᓂᑦ ᐱᐅᓂᕐᓴᐅᔪᒧᑦ.

ᓴᒧᐃᓕ ᓯᕗᓪᓖᑦ 17:47

ᐅᑯᐊᓗ ᑲᑎᒪᔪᓕᒫᑦ ᖃᐅᔨᖁᓪᓗᒋᑦ ᐊᑕᓂᖅ ᐱᐅᓕᒃᓯᖏᒻᒪᑦ ᓴᕕᒡᔪᐊᒃᑯᑦ ᖃᓗᒋᐊᒃᑯᓪᓗ; ᐅᓇᑕᕐᓂᖅ ᐊᑕᓂᐅᑉ ᐅᓇᑕᕐᓂᕆᕚ ᑐᓂᓂᐊᕐᐹᑎᓪᓗ ᐱᔪᓐᓇᕐᓂᑦᑎᓐᓄᑦ.”

ᓴᒧᐃᓕ ᓯᕗᓪᓖᑦ 18:17

ᑕᕝᕙ ᓴᐅᓕ ᐅᖃᕐᐳᖅ ᑍᕕᑎᒧᑦ, “ᐅᓇ ᐸᓂᒐ ᐊᖓᔪᒃᓯᖅ ᒥᕋᑉ; ᐃᓕᖕᓄᑦ ᑐᓂᔭᕋ ᓄᓕᐊᕐᑖᖑᖁᓪᓗᒍ, ᓯᕘᕋᖏᓪᓗᑎᑦ ᐅᓇᑕᕐᓂᐊᕈᕕᑦ, ᐊᑕᓂᐅᑉ ᐅᓇᑕᕐᓂᖓᓂᒃ.” ᓴᐅᓕ ᐃᓱᒪᖃᓚᐅᕋᒥ, “ᐱᔪᓐᓇᕐᓂᓐᓄᑦ ᑖᑦᓱᒥᖓ ᐱᓇᓱᐊᖏᓪᓗᖓ, ᐱᓕᔅᑍᓂᒥᐅᓪᓕ ᐱᔪᓐᓇᕐᓂᖏᑦ ᐱᓇᓱᐊᖔᓕᕐᓕᑦ ᑖᑦᓱᒥᖓ.”

ᓴᒧᐃᓕ ᓯᕗᓪᓖᑦ 2:35

ᒪᑭᑎᑦᓯᔪᒫᕐᐳᖓ ᑐᓂᕐᕈᓯᕐᑎᑦᓯᔨᒥᒃ ᐅᒃᐱᕐᓇᑦᓯᐊᕐᑐᒥᒃ ᐆᒻᒪᑎᒪ ᐊᑐᖁᔭᖏᓐᓂᒃ ᐃᓱᒪᒋᔭᓐᓂᒡᓗ ᐊᑐᕈᓐᓇᑦᓯᐊᕐᑐᒥᒃ; ᑖᓐᓇᓗ ᑭᖑᕚᖃᕐᑎᑦᓱᒫᕐᐸᕋ ᐱᐅᔪᓂᒃ, ᐃᓅᔪᒫᕐᐳᕐᓗ ᐃᑎᖃᑦᑕᕐᓗᓂ ᐊᓂᖃᑦᑕᕐᓗᓂᓗ ᓂᕈᐊᕐᓯᒪᔭᒪ ᓵᖓᓂ ᐃᓱᖃᖏᑦᑐᒧᑦ.

ᓴᒧᐃᓕ ᓯᕗᓪᓖᑦ 22:14

ᑕᕝᕙ ᐊᕼᐃᒥᓕᒃ ᑭᐅᕗᖅ ᐊᖓᔪᖅᑳᕐᔪᐊᒧᑦ, “ᑍᕕᑎ ᐅᐱᓐᓇᕐᑑᓪᓗᓂ ᐱᔨᒋᕙᑦ, ᐊᖓᔪᖅᑳᕐᔪᐊᕐᒧᓪᓗ ᓂᖓᐅᒋᔭᐅᓪᓗᓂ, ᐊᖓᔪᖅᑳᖑᓪᓗᓂᓗ ᓴᐳᓐᓂᐊᕐᑎᖁᑎᖏᓐᓄᑦ, ᑖᓐᓇ ᐃᓕᖕᓂᒃ ᓈᓚᒃᐳᖅ ᐅᐱᓐᓇᑦᓯᐊᕐᓗᓂᓗ ᐃᒡᓗᖁᑎᖕᓂ.

ᓴᒧᐃᓕ ᓯᕗᓪᓖᑦ 24:11

ᓱᓕᓗ ᐊᑕᑖᒃ, ᑕᑯᒋᑦ! ᐅᓕᒡᔪᐊᕕᑦ ᐃᓚᖓ ᑎᒍᒥᐊᕐᑕᕋ ᑕᑯᕕᐅᒃ; ᐅᓕᒡᔪᐊᕕᑦ ᓯᓇᕐᔪᐊ ᐅᑭᓚᐅᕐᐸᕋ, ᑐᖁᓐᓇᓱᓚᐅᓐᖏᓚᒋᓪᓗ, ᖃᐅᔨᒪᓕᕆᑦ ᑕᑯᓗᑎᓪᓗ ᐃᓕᖕᓂᒃ ᐊᑭᕋᕐᑐᖏᓐᓇᒪ, ᐊᔪᕐᑐᓕᓚᐅᕐᓇᖓᓗ ᐃᓕᖕᓄᑦ, ᐃᕝᕕᓪᓕ ᐅᕙᓐᓂᒃ ᐱᓇᓱᐊᕐᐳᑎᑦ ᑐᖁᓐᓇᓱᐊᕐᓗᖓ.

ᓴᒧᐃᓕ ᓯᕗᓪᓖᑦ 24:17

ᑍᕕᑎᒧᓪᓗ ᐅᖃᕐᐳᖅ, “ᐃᓱᐊᕐᑐᓕᓂᕐᓴᐅᕗᑎᑦ ᐅᕙᓐᓂᑦ; ᐱᐅᔪᒥᒃ ᐊᑭᓕᖔᕋᕕᖓ; ᐅᕙᖓᓕ ᐱᐅᖏᑦᑐᒥᒃ ᐃᓕᖕᓄᑦ ᐱᓇᓱᐊᓚᐅᕐᑎᓪᓗᖓ.

ᓴᒧᐃᓕ ᓯᕗᓪᓖᑦ 24:21

ᑍᒤᒻᒪᑦ ᐊᖏᕐᕕᒋᓐᖓ ᐊᑕᓂᐅᑉ ᐊᑎᖓᓂ ᐃᓚᒃᑲ ᐱᑦᓯᐊᕐᕕᒋᓗᒋᑦ ᑐᖁᑦᓱᒫᓐᖏᓚᑎᑦ, ᐊᑎᕋ ᐊᓯᕈᕐᑕᐅᖁᓇᒍ, ᐊᑖᑕᒪᓗ ᐃᒡᓗᒥᐅᖃᑎᖏᑦ.”

ᓴᒧᐃᓕ ᓯᕗᓪᓖᑦ 24:4

ᑍᕕᑎᐅᓪᓗ ᐃᓄᖁᑎᖏᑦ ᐅᖃᕐᐳᑦ, “ᐅᓪᓗᖅ ᑕᕝᕙ ᐊᑕᓂᐅᑉ ᕾᑎᑉᐹ ᐅᖃᓚᐅᕐᑕᖓ ᐃᓕᖕᓄᑦ, ‘ᑕᑯᒋᑦ ᐊᑭᕋᑎᑦ ᐃᓕᖕᓄᑦ ᑐᓂᔪᒫᕐᐸᒃᑲ, ᐃᓱᒪᕐᓲᑎᒋᔪᒫᕐᐸᑎᓪᓗ ᖃᓄᐃᓕᐅᕈᒪᑐᐊᕈᕕᒋᑦ.’” ᑕᕝᕙ ᑍᕕᑎ ᒪᑭᑉᐳᖅ ᑎᕐᓕᐊᕐᓗᒍ ᐲᕐᓯᕗᖅ ᓴᐅᓕᐅᑉ ᐅᓕᒡᔪᐊᖓᑕ ᐃᓚᖓᓂᒃ.

ᓴᒧᐃᓕ ᓯᕗᓪᓖᑦ 25:24

ᐃᑎᒐᖏᓐᓄᑦ ᐹᒻᒪᒃᓗᓂ ᐅᖃᕐᐳᖅ, “ᐅᕙᓐᓄᑐᐊᖅ ᐊᖓᔪᖅᑳᖅ, ᐅᕙᓐᓄᑦ ᑕᒪᓐᓇ ᐸᓯᔭᒃᓴᐅᓂᖅ ᐃᓕᖓᓕ; ᑐᒃᓯᐊᕐᐳᖓ ᐱᔩᑦ ᐃᓕᖕᓄᑦ ᐅᖃᕈᓐᓇᕐᑎᓚᐅᕈᒃ, ᐅᖃᐅᓯᖏᓪᓗ ᑐᓴᕐᓗᒋᑦ.

ᓴᒧᐃᓕ ᓯᕗᓪᓖᑦ 29:3

ᐱᓕᔅᑍᓂᒥᐅᓪᓕ ᐊᖓᔪᖅᑳᖏᑦ ᐅᖃᕐᐳᑦ, “ᖃᓄᐃᒻᒪᓄᑯᐊ ᐄᑉᕈᐃᑦ ᐃᓚᐅᕚᑦ?” ᐊᑭᔅ ᑭᐅᕗᖅ, “ᐅᓇ ᑍᕕᑎ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑕ ᓴᐅᓕᐅᑉ ᐱᔨᖓ, ᐅᕙᓐᓃᓕᕐᑐᖅ ᐊᑯᓂᒐᓚᒃ, ᑍᒪᓐᖓᑦ ᐅᕙᑦᑎᓐᓃᓕᕐᑎᓪᓗᒍ ᐸᓯᔭᒃᓴᐅᔪᑎᒃᓴᒥᒃ ᓇᓂᓯᕕᒋᓯᒪᓐᖏᑕᕋ ᐅᓪᓗᒥᒧᑦ ᑎᑭᑦᓱᒍ.”

ᓴᒧᐃᓕ ᓯᕗᓪᓖᑦ 30:26

ᑍᕕᑎᓗ ᐅᑎᕋᒥ ᔨᒡᓛᒡᒧᑦ, ᐱᑖᕆᓚᐅᕐᑕᒥ ᐃᓚᖏᓐᓂᒃ ᑐᓂᓯᓚᐅᕐᐳᖅ ᐱᖃᓐᓇᕆᔭᒥᓄᑦ, ᔫᑕᐅᓪᓗ ᐊᖓᔪᖅᑳᖏᓐᓄᑦ, ᐃᒫᒃ ᐅᖃᐅᓯᕐᑕᖃᕐᑐᒥᒃ, “ᐅᓇ ᐃᓕᖕᓄᑦ ᐂᑦᑑᑎᕗᑦ ᐊᑕᓂᕐᒧᑦ ᐊᑭᕋᕐᑐᕐᑐᓂᑦ ᐱᓚᐅᕐᑕᑦᑎᓐᓂᑦ.”