ᓴᒧᐃᓕ ᓯᕗᓪᓖᑦ 20:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² ᑕᕝᕙ ᔫᓇᑕᓂ ᑭᐅᕗᖅ ᐊᑖᑕᒥᓄᑦ ᓴᐅᓕᒧᑦ ᐅᖃᕐᓗᓂ, “ᖃᓄᐃᒻᒪᑦ ᑐᖁᔪᒃᓴᐅᕚ? ᓱᓇᒥᒃ ᐱᓇᓱᐊᕐᓯᒪᖕᒪᑦ?”

ᓴᒧᐃᓕ ᓯᕗᓪᓖᑦ 20:32 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 31:36

ᔧᑯ ᑕᕝᕙ ᓂᓐᖓᒡᓗᓂ ᓱᐊᖓᓕᕐᐳᖅ ᓔᐸᓂᒧᑦ, “ᓱᓇᒥᒃ ᐱᕋᔭᒃᓯᒪᒐᒪ? ᓱᓇᒥᒡᓗ ᐱᐅᖏᑦᑐᓕᓯᒪᒐᒪ ᐊᒃᓱᕈᕐᓗᑎᑦ ᒪᓕᓚᐅᕐᐱᖓ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:24

ᐃᓚᓐᓈᕐᑖᕋᓱᐊᕐᑍᓕᒋᑦ ᓂᓐᖓᒃᓴᕅᑦᑐᒥᒃ, ᓂᓐᖓᒃᑳᓗᖕᒥᒡᓗ ᐃᓅᖃᑎᑖᕋᓱᐊᕐᓂᐊᕐᓇᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:9

ᐊᓂᕐᓃᑦ ᑐᐊᕕᕐᑎᓐᓂᐊᕐᓇᒍ ᓂᓐᖓᖕᓂᕐᒧᑦ, ᓂᖓᐅᒪᓂᖅ ᐃᓂᖃᕐᒪᑦ ᓯᓔᑦᑐᑦ ᓈᖏᓐᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:3

ᑕᒪᓐᓇ ᑕᒪᑦᔭ ᐱᐅᖏᑦᑐᖅ ᑕᒪᑭᕐᓗᓂ ᐊᑐᕐᑕᐅᔪᖅ ᓯᕿᓂᐅᑉ ᐊᑖᓂ; ᐊᑦᔨᒌᒃᑐᒥᒃ ᑕᒪᕐᒥᒃ ᐱᓂᐊᕐᕕᐅᖕᒪᑕ. ᓱᓕᔪᒥᒃ ᐃᓄᐃᑦ ᐆᒻᒪᑎᖏᑦ ᑕᒪᕐᒥᒃ ᐱᐅᖏᑦᑐᒥᒃ ᑕᑕᒻᒪᑕ; ᐃᓱᒤᕈᑎᓂᐅᔮᕐᑐᒥᒃ ᐆᒻᒪᑎᖏᑦ ᑕᑕᑉᐳᑦ ᐃᓅᓂᕐᒥᖕᓂ, ᑕᒪᑐᒪᓗ ᑭᖑᓂᖓᒍᑦ ᑐᖁᕙᒃᐳᑦ.

ᔨᕆᒤᐊᐅᑉ ᐊᒡᓚᖏᑦ 17:9

ᐆᒻᒪᑎᓕ ᐅᐃᕖᓐᓂᕐᐹᖑᕗᖅ ᓱᓇᓕᒫᓂᑦ, ᐱᐅᖏᑦᑐᕐᔪᐊᖑᓪᓗᓂᓗ; ᑭᐊᓕ ᑐᑭᓯᔪᓐᓇᕐᐸᐅᒃ?

ᒫᑎᐅᓯᐅᑉ ᐊᒡᓚᖏᑦ 27:23

ᐰᓛᑑᓯᓗ ᐅᖃᕐᐳᖅ, “ᓱᓇᒥᒃ ᑐᖁᑕᐅᑦᔪᑎᒃᓴᒥᒃ ᐱᓯᒪᖕᒫᑦ?” ᑕᕝᕙ ᕾᒐᓛᓕᕐᐳᑦ ᓂᐱᖅᑯᕐᑐᓪᓗᑎᒃ, “ᑭᑭᐊᒃᑐᕐᑕᐅᓕ!”

ᓘᑲᓯᐅᑉ ᐊᒡᓚᖏᑦ 23:22

ᐰᓛᑑᓯᐅᑉ ᐱᖓᔪᐊᓐᓂᒃ ᓱᓕ ᐅᖃᐅᑎᒃᑲᓐᓂᕆᕔᑦ, “ᓱᖕᒪᑦ, ᓱᓇᒥᒃ ᐱᕋᔭᐅᑎᖃᕐᓯᒪᖕᒫᑦ? ᓇᓂᓯᖏᓐᓇᒪ ᐊᑐᕐᓯᒪᔭᖓᓂᒃ ᑐᖁᑕᐅᑦᔪᑎᒃᓴᒥᒃ ᑖᑦᓱᒪᓂ; ᑍᒤᒻᒪᑦ ᑏᒐᕐᑐᕐᑕᐅᑎᓪᓗᒍ ᓴᒃᑯᑕᐅᖁᓕᕐᐸᕋ.”

ᔪᐊᓇᓯᐅᑉ ᐊᒡᓚᖏᑦ 7:51

“ᐱᖁᔭᕗᑦ ᒪᓕᒡᓗᒋᑦ ᐃᓄᖕᒥᒃ ᓱᒋᐊᕐᑕᐅᖁᔨᔪᓐᓇᓐᖏᓚᒍᑦ, ᑐᓴᓚᐅᖅᑳᕋᑕ ᖃᐅᔨᓴᓚᐅᖅᑳᕋᑕᓗ ᐃᓅᑉ ᐱᓂᐊᕐᓂᕆᓯᒪᔭᖓᓂᒃ.”

ᓴᒧᐃᓕ ᓯᕗᓪᓖᑦ 18:11

ᓴᐅᓕ ᐃᓱᒪᖃᕐᓗᓂ, “ᐊᑭᓐᓇᒧᑦ ᐳᑐᒻᒥᑖᕐᓗᒍ ᐸᐅᒍᐊᕐᓂᐊᕐᐸᕋ,” ᑲᐱᒋᐊᕐᐹᓗ ᖃᓗᒋᐊᕐᒧᑦ ᒪᕐᕉᐊᕐᑎᕐᓗᓂ; ᑍᕕᑎᓕ ᐊᒡᕖᖃᑦᑕᓚᐅᕐᐳᖅ ᑕᒪᖏᖕᓄᑦ.

ᓴᒧᐃᓕ ᓯᕗᓪᓖᑦ 19:4

ᔫᓇᑕᓂᐅᑉ ᑍᕕᑎ ᐅᐱᒋᑦᓯᐊᕐᓗᒍ ᐊᑖᑕᒥᓄᑦ ᓴᐅᓕᒧᑦ ᐅᖃᐅᑎᒋᕚ, ᐅᖃᐅᑎᓪᓗᒍᓗ, “ᐊᖓᔪᖅᑳᕐᔪᐊᖅ ᐊᔪᕐᑐᓕᑦᑍᓕᓕ ᑍᕕᑎ ᐱᔨᓂ ᐱᓪᓗᒍ; ᐃᓕᖕᓄᑦ ᐊᔪᕐᑐᓕᓚᐅᖏᒻᒪᑦ, ᐱᓇᓱᐊᕐᓯᒪᔭᓕᒫᖏᓪᓗ ᐃᑲᔪᕐᓯᒪᓪᓗᑎᒃ ᐃᓕᖕᓂᒃ;

ᓴᒧᐃᓕ ᓯᕗᓪᓖᑦ 19:5

ᐃᒻᒥᓂᒃ ᐃᓅᓯᕐᒥᓂᒃ ᐊᓐᓂᕈᓱᓚᐅᓐᖏᓚᖅ ᑐᖁᑦᓯᔭᕐᑐᕐᑎᓪᓗᒍ ᐱᓕᔅᑍᓂᒥᐅᑕᕐᒥᒃ, ᐊᑕᓂᕐᓗ ᐊᖏᔪᕐᔪᐊᒥᒃ ᐱᐅᓕᒃᓯᓚᐅᕐᐳᖅ ᐃᓴᕆᐊᓕᒥᐅᓂᒃ. ᑕᑯᒐᕕᑦ, ᖁᕕᐊᓱᓚᐅᕐᐳᑎᑦ; ᓱᖕᒪᓪᓕ ᒫᓐᓇ ᐊᔪᕐᑐᓕᔪᒪᕖᑦ ᐊᐅᖕᒥᒃ ᐸᓯᔭᒃᓴᐅᖏᑦᑐᒥᒃ ᑐᖁᑦᓯᔪᒪᓪᓗᑎᑦ ᑍᕕᑎᒥᒃ ᐱᑦᔪᑎᒃᓴᖃᖏᑦᓯᐊᕐᓗᑎᑦ?”

ᓴᒧᐃᓕ ᓯᕗᓪᓖᑦ 20:1

ᑕᕝᕙ ᑍᕕᑎ ᕿᒫᕗᖅ ᓁᐅᑎᒥᑦ ᕌᒪᒦᑦᑐᒥᑦ, ᔫᓇᑕᓂᒧᓪᓗ ᐂᓪᓗᓂ ᐅᖃᐅᑎᕚ, “ᓱᓚᐅᕐᐳᖔ? ᐱᐅᖏᑦᑐᒥᒃ ᐸᓯᔭᒃᓴᐅᑦᔪᑎᖃᕐᐳᖔ? ᓱᓇᒥᒃ ᐊᔪᕐᑐᓕᓚᐅᕐᐳᖓ ᐊᑖᑕᖕᓄᑦ, ᐃᓅᓯᓐᓂᒃ ᑐᖁᑕᐅᓇᓱᐊᕈᑎᒃᓴᒥᒃ?”

ᓴᒧᐃᓕ ᓯᕗᓪᓖᑦ 20:7

ᐅᖃᕐᐸᑦ, ‘ᖃᓄᐃᖏᑦᑐᖅ!’ ᑕᕝᕙ ᐱᔩᑦ ᑲᑉᐱᐊᓇᖏᑦᑐᒦᓐᓂᐊᕐᐳᖅ; ᑭᓯᐊᓂᓕ ᓂᓐᖓᒃᐸᑦ, ᖃᐅᔨᒪᒐᔭᕐᐳᑎᑦ ᐱᐅᖏᑦᑐᒥᒃ ᐱᓇᓱᐊᕈᒪᓂᖓᓂᒃ.

ᓴᒧᐃᓕ ᓯᕗᓪᓖᑦ 22:14

ᑕᕝᕙ ᐊᕼᐃᒥᓕᒃ ᑭᐅᕗᖅ ᐊᖓᔪᖅᑳᕐᔪᐊᒧᑦ, “ᑍᕕᑎ ᐅᐱᓐᓇᕐᑑᓪᓗᓂ ᐱᔨᒋᕙᑦ, ᐊᖓᔪᖅᑳᕐᔪᐊᕐᒧᓪᓗ ᓂᖓᐅᒋᔭᐅᓪᓗᓂ, ᐊᖓᔪᖅᑳᖑᓪᓗᓂᓗ ᓴᐳᓐᓂᐊᕐᑎᖁᑎᖏᓐᓄᑦ, ᑖᓐᓇ ᐃᓕᖕᓂᒃ ᓈᓚᒃᐳᖅ ᐅᐱᓐᓇᑦᓯᐊᕐᓗᓂᓗ ᐃᒡᓗᖁᑎᖕᓂ.