ᓴᒧᐃᓕ ᓯᕗᓪᓖᑦ 20:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᖃᐅᔨᒪᓐᖏᓚᑏᑦ ᔨᓯᐅᑉ ᐃᕐᓂᖓ ᐃᓅᑎᓪᓗᒍ ᓄᓇᕐᔪᐊᕐᒥ, ᐊᖓᔪᖅᑳᕐᔪᐊᓐᖑᕈᓐᓇᑦᔮᖏᓐᓇᕕᑦ, ᐊᖓᔪᖅᑲᐅᕕᖃᑦᔮᓇᒡᓘᓐᓃᑦ? ᑍᒤᒻᒪᑦ ᒫᓐᓇ ᕾᑎᓚᐅᕈᒃ ᐅᕙᓐᓄᑦ, ᑖᓐᓇ ᑐᖁᔪᒃᓴᐅᖕᒪᑦ.”

ᓴᒧᐃᓕ ᓯᕗᓪᓖᑦ 20:31 ပူးပေါင်းရင်းမြစ်များ

ᓴᒧᐃᓕ ᓯᕗᓪᓖᑦ 20:8

ᑍᒤᒻᒪᑦ ᑕᒪᓐᓇ ᐱᑦᓯᐊᕐᓗᑎᑦ ᐱᓇᓱᐊᕈᒃ ᐱᑦᔪᑎᒋᓗᖓ, ᐱᔩᑦ ᐊᖏᕈᑎᒋᓯᒪᒐᕕᐅᒃ ᐊᑕᓂᕐᒧᑦ. ᐸᓯᔭᒃᓴᐅᒍᒪᓕ, ᐃᕝᕕᑦ ᓇᖕᒥᓂᖅ ᑐᖁᑕᒃᓴᕆᕙᕐᒪ; ᓱᖕᒪᑦ ᐊᑖᑕᖕᓄᐊᕈᑎᔭᒃᓴᕆᕕᖓ ᑐᖁᑕᐅᔭᕐᑐᕐᑎᓪᓗᖓ?”

ᓴᒧᐃᓕ ᓯᕗᓪᓖᑦ 19:6

ᓴᐅᓕᐅᓪᓗ ᔫᓇᑕᓂᐅᑉ ᐅᖃᐅᓯᖏᑦ ᓈᓚᓚᐅᕐᐰᑦ, ᐊᖏᒻᒪᕆᒃᐳᕐᓗ ᐅᖃᕐᓗᓂ, “ᐊᑕᓂᖅ ᐃᓅᖕᒪᑦ, ᑍᕕᑎ ᑐᖁᑕᐅᔪᒃᓴᐅᓐᖏᓚᖅ.”

ᐃᓐᖏᕈᑎᑦ 79:11

ᑎᒍᔭᐅᓯᒪᔪᑦ ᓂᐹᓂᖏᑦ ᐃᓕᖕᓄᑦ ᑎᑭᐅᑎᓚᐅᕐᓕᑦ; ᐱᔪᓐᓇᕐᓂᕐᔪᐊᑦ ᒪᓕᒡᓗᒍ ᑐᖁᑕᒃᓴᕈᕐᑎᑕᐅᓯᒪᔪᑦ ᓴᐳᑎᓚᐅᒃᑭᑦ!

ᓴᒧᐃᓕ ᐂᑉᐸᖏᑦ 19:28

ᐊᑖᑕᒪ ᐃᓚᓕᒫᖏᑦ ᑐᖁᑕᒃᓴᐅᒐᓗᐊᕐᐳᑦ ᐊᖓᔪᖅᑳᕐᔪᐊᖅ ᐃᓕᖕᓄᑦ; ᑭᓯᐊᓂᓕ ᓂᕆᔪᓐᓇᕐᑎᓚᐅᕐᐸᕐᒪ ᓂᕐᕆᕕᖕᓂ. ᖃᓄᕐᓕ ᐱᑦᓯᐊᕐᕕᐅᒋᐊᓪᓚᒍᓐᓇᕐᐳᖓ ᓱᓇᑐᐃᓐᓇᕐᒥᒃ ᐱᑦᔪᑦᔭᐅᓗᖓ ᐃᓕᖕᓄᑦ ᐊᖓᔪᖅᑳᕐᔪᐊᖅ.”

ᓴᒧᐃᓕ ᓯᕗᓪᓖᑦ 26:16

ᐱᔭᒃᓴᕐᓂᒃ ᐱᓇᓱᐊᖏᓐᓇᕕᑦ ᐋᑉᓅ. ᓱᓕᑦᓯᐊᕐᐳᖓ ᐃᓘᓐᓇᓯ ᑐᖁᔪᒃᓴᐅᕗᓯ, ᓴᐳᓐᓂᐊᓚᐅᖏᓐᓇᑦᓯ ᐊᖓᔪᖅᑳᑦᓯᓐᓂᒃ, ᐊᑕᓂᐅᑉ ᐊᖓᔪᖅᑳᕐᔪᐊᕈᕐᑎᓯᒪᔭᖓᓂᒃ. ᑕᑯᒋᑦ ᓇᐅᒡᓕ ᐊᖓᔪᖅᑳᕐᔪᐊᑉ ᖃᓗᒋᐊᖓ? ᐃᒪᖃᐅᑎᖓᓕ ᓇᐅᒃ ᓂᐊᖁᐊᑕ ᓴᓂᐊᓃᓚᐅᕐᑐᖅ?”

ᓴᒧᐃᓕ ᓯᕗᓪᓖᑦ 20:30

ᑕᕝᕙ ᓴᐅᓕ ᓂᓐᖓᒻᒪᕆᒃᐳᖅ ᔫᓇᑕᓂᒧᑦ, ᐅᖃᐅᑎᓪᓗᒍᓗ, “ᐱᐅᖏᑦᑐᐊᓗᖕᒧᑦ ᐊᑭᕋᕐᑐᕐᑎᐊᓗᖕᒧᓪᓗ ᐊᕐᓇᒧᑦ ᐃᕐᓂᕆᔭᐅᕗᑎᑦ! ᒫᓐᓇ ᖃᐅᔨᕗᖓ ᔨᓯᐅᑉ ᐃᕐᓂᖓ ᐃᓚᓕᐅᕇᕋᕕᐅᒃ ᐃᓕᖕᓂᒃ ᐊᓈᓇᖕᓂᒡᓗ ᓇᕐᕈᓇᕐᑎᓕᕐᐳᑎᑦ!

ᓴᒧᐃᓕ ᓯᕗᓪᓖᑦ 23:17

ᐅᖃᐅᑎᓪᓗᒍᓗ, “ᑲᑉᐱᐊᓱᒃᑍᓕᒋᑦ; ᓴᐅᓕᐅᑉ ᐊᑖᑕᒪ ᐱᔪᓐᓇᕐᓂᒥᒍᑦ ᓇᓂᓂᐊᓐᖏᓛᑎᑦ; ᐊᖓᔪᖅᑳᕐᔪᐊᓐᖑᕐᑐᒃᓴᐅᕗᑎᑦ ᐃᓴᕆᐊᓕᒥᐅᓄᑦ, ᐃᓕᖕᓄᓪᓗ ᑐᖓᓕᐅᔪᒃᓴᐅᕗᖓ; ᑕᒪᓐᓇᓗ ᐊᑖᑕᒪ ᖃᐅᔨᒪᒋᕚ.”

ᓴᒧᐃᓕ ᐂᑉᐸᖏᑦ 12:5

ᑕᕝᕙ ᑍᕕᑎ ᓂᓐᖓᒻᒪᕆᒃᐳᖅ ᑖᑦᓱᒧᖓ ᐊᒃᓱᐃᑦᑐᒧᑦ ᐅᖃᕐᓗᓂᓗ, “ᐊᖏᒻᒪᕆᒃᐳᖓ ᐊᑕᓂᕐᒧᑦ ᐃᓅᔪᒧᑦ, ᑖᓐᓇ ᐊᖑᑦ ᑍᒤᓕᐅᓚᐅᕐᑐᖅ ᑐᖁᔪᒃᓴᐅᕗᖅ!