ᓴᒧᐃᓕ ᓯᕗᓪᓖᑦ 20:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑍᕕᑎᓕ ᑭᐅᕗᖅ, “ᐊᑖᑍᑦ ᖃᐅᔨᒪᑦᓯᐊᕐᐳᖅ ᖃᓄᖅ ᐱᑦᓯᐊᕐᑎᒋᖕᒪᖔᕐᐱᑦ ᐅᕙᓐᓂᒃ, ᐃᓱᒪᖃᕐᐳᕐᓕ, ‘ᔫᓇᑕᓂ ᑕᒪᑐᒥᖓ ᖃᐅᔨᑎᑕᐅᑦᑍᓕᓕ, ᕿᒃᓵᓕᖁᓇᒍ.’ ᓱᓕᑦᓯᐊᕐᐳᖓ, ᐊᑕᓂᐅᑉ ᐆᒪᓂᖓᒍᑦ ᐃᕝᕕᓪᓗ, ᑐᖂᑉ ᐊᓪᓗᕆᐊᕐᓂᖓᓃᓕᕋᒪ.”

ᓴᒧᐃᓕ ᓯᕗᓪᓖᑦ 20:3 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 2:6

ᐃᓔᑦᔭᐅᑉ ᐊᒻᒪ ᐅᖃᐅᑎᓕᕆᕚ, “ᑕᒫᓂᒋᑦ, ᐊᑕᓂᐅᑉ ᑰᖕᒧᑦ ᔪᐊᕐᑕᓂᓕᐊᖁᖕᒪᖔ.” ᐃᓔᓴᐅᑉ ᑭᐅᕚ, “ᐊᑕᓂᖅ ᐃᓅᖕᒪᑦ, ᐃᕝᕕᓪᓗ ᐃᓅᓂᕐᓂ, ᕿᒪᖕᓂᐊᓐᖏᓚᒋᑦ.” ᑕᕝᕙ ᑕᒪᕐᒥᒃ ᐱᓱᖃᑎᒌᓕᕐᐴᒃ.

ᓴᒧᐃᓕ ᓯᕗᓪᓖᑦ 27:1

ᑍᕕᑎᓗ ᐆᒻᒪᑎᒥᒍᑦ ᐃᓱᒪᓕᕐᐳᖅ, “ᐅᓪᓗᐃᑦ ᐃᓚᖓᓐᓂ ᓴᐅᓕᐅᑉ ᑐᖁᓛᓕᕋᖓ; ᐱᐅᓂᕐᐸᐅᓕᕐᐳᖅ ᐱᓕᔅᑍᓂᒥᐅᓄᑦ ᕿᒪᒃᓯᓗᖓ; ᓴᐅᓕ ᓴᐱᓕᕋᔭᕐᐳᖅ ᕿᓂᕈᓐᓃᕐᓗᓂ ᐃᓴᕆᐊᓕᒥ, ᓯᕘᕋᓇᕐᑐᒦᑦᓱᓐᓃᕋᔭᕐᐳᖓᓗ.”

ᓴᒧᐃᓕ ᓯᕗᓪᓖᑦ 25:26

ᒫᓐᓇᓕ ᐊᖓᔪᖅᑳᒃ, ᐊᑕᓂᖅ ᐆᒪᖕᒪ, ᑕᕐᓃᓪᓗ ᐆᒪᑎᓪᓗᒍ, ᐊᑕᓂᐅᑉ ᐃᓂᕐᑎᓚᐅᕐᐹᑎᑦ ᑐᖁᑦᓯᖁᓇᒃ ᐊᑭᒋᐊᖁᓇᒡᓗ ᐊᒡᒐᖕᓄᑦ, ᒫᓐᓇᓕ, ᐊᑭᕋᑎᑦ ᐃᓕᖕᓂᒃ ᓱᕅᓇᓱᐊᕐᑐᑦ ᓁᐳᓪᑎᑐᑦ ᑍᒤᓕᕐᓕᑦ.

ᒨᓯᓯ ᑕᓪᓕᒪᖏᑦ 6:13

ᐊᑕᓂᖅ ᒎᑎᓯ ᓯᕘᕋᒋᔭᒃᓴᕆᕙᓯ, ᑖᓐᓇᑐᐊᕐᓗ ᑐᒃᓯᐊᕐᕕᒋᓗᒍ, ᐊᖏᒻᒪᕆᓕᕈᑦᓯᓗ ᐊᑎᖓ ᑖᓐᓇᑐᐊᖅ ᐊᑐᕐᑕᒃᓴᕆᕙᓯ.

ᐊᑕᓃᑦ ᐂᑉᐸᖏᑦ 2:4

ᐊᒻᒪ ᐃᓔᑦᔭᐅᑉ ᐃᓔᓴ ᐅᖃᐅᑎᓕᕆᕚ, “ᐃᓔᓵ ᑕᒫᓃᒋᑦ, ᐊᑕᓂᐅᑉ ᔨᕆᑯᒧᑦ ᐂᖁᖕᒪᖓ.” ᐃᓔᓴᐅᑉ ᑭᐅᕚ, “ᐊᑕᓂᖅ ᐃᓅᖕᒪᑦ, ᐃᕝᕕᓪᓗ ᐃᓅᓂᕐᓂ ᕿᒪᖕᓂᐊᓐᖏᓚᒋᑦ.” ᑕᒪᕐᒥᒃ ᐊᒻᒪ ᔨᕆᑯᓕᐊᓕᕆᕘᒃ.

ᐊᑕᓃᑦ ᐂᑉᐸᖏᑦ 2:2

ᐃᓔᑦᔭᐅᑉ ᐃᓔᓴ ᐅᖃᐅᑎᕚ, “ᑕᒫᓂᒋᑦ, ᐊᑕᓂᐅᑉ ᐱᑎᓕᒧᐊᖁᖕᒪᖓ.” ᐃᓔᓴᐅᓪᓕ ᐅᖃᐅᑎᕚ, “ᐊᑕᓂᖅ ᐃᓅᖕᒪᑦ, ᐃᕝᕕᓪᓗ ᐃᓅᓂᕐᓂ, ᕿᒪᖕᓂᐊᓐᖏᓚᒋᑦ.” ᑕᕝᕙ ᑕᒪᕐᒥᒃ ᐱᑕᓕᓕᐊᓕᕐᐴᒃ.

ᓴᒧᐃᓕ ᓯᕗᓪᓖᑦ 1:26

ᕼᐋᓇᓗ ᐅᖃᕐᐳᖅ, “ᐊᖓᔪᖅᑳᒃ! ᐃᖅᑲᐅᒪᕕᖔ? ᑖᓐᓇᐅᕗᖓ ᐊᕐᓇᖅ ᑕᕝᕙᓃᑎᓪᓗᑎᑦ ᑕᑯᓚᐅᕐᓯᒪᔧᑦ ᑕᒫᓂ ᓇᖏᕐᑎᓪᓗᖓ, ᑐᒃᓯᐊᕐᑎᓪᓗᖓ ᐊᑕᓂᕐᒧᑦ.

ᐄᑉᕈᐃᓄᑦ 6:16

ᐃᓄᒃ ᐅᖃᕕᒡᓗᓂ ᐊᖏᒻᒪᕆᒑᖓᒥ ᐊᑎᕐᒥᒃ ᑍᓯᖃᓯᐅᑦᔨᓲᖑᕗᖅ ᐊᖏᖅᑭᔭᒥᓂᒃ, ᐅᖃᕕᒡᓗᑎᒡᓗ ᐊᖏᒻᒪᕆᒍᑎᖃᕌᖓᑕ ᐂᕙᔭᐅᔪᓐᓇᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 38:16

ᐊᖓᔪᖅᑳᕐᔪᐊᓪᓕ ᔨᑎᑬᐊ ᔨᕆᒤᐊᒧᑦ ᐊᖏᒻᒪᕆᒃᐳᖅ ᐃᓄᖕᓄᑦ ᖃᐅᔨᔭᐅᓇᓂ: “ᐊᑕᓂᐅᑉ ᐆᒪᔫᑉ ᐅᕙᑦᑎᓐᓂᒃ ᐊᓂᕐᓂᖃᕐᑎᑦᓯᔫᑉ ᐊᑎᖓᓂ ᑐᖁᓐᓂᐊᓐᖏᓚᒋᑦ ᐱᔭᐅᑎᓐᓂᐊᓐᖏᓚᒋᓪᓗ ᐃᓕᖕᓂᒃ ᑐᖁᑦᓯᔪᒪᔪᓄᑦ.”

ᔨᕆᒤᐊᐅᑉ ᐊᒡᓚᖏᑦ 4:2

ᓱᓕᑦᓯᐊᕈᒪᓕᕐᓗᓯ, ᐊᑲᐅᔪᒥᒡᓗ ᐱᓇᓱᐊᕈᒪᒍᑦᓯ, ᐊᖏᒻᒪᕆᓚᐅᕆᑦᓯ ᐊᑕᓂᐅᑉ ᐊᑎᖓᓂ, ᑕᕝᕙ ᐃᓅᖃᑎᒌᒡᔪᐊᑦ ᓮᒻᒪᕐᑎᑕᐅᓂᐊᕐᐳᑦ, ᐊᑕᓂᕐᓗ ᓂᕐᑐᕐᓂᐊᕐᐹᑦ.

ᐃᓐᖏᕈᑎᑦ 116:3

ᑐᖂᑉ ᕿᓚᕈᑎᖏᑕ ᐊᕙᑎᓐᓂᑦ ᕿᓚᒃᓱᓚᐅᕐᐹᖓ, ᑲᑉᐱᐊᓇᕐᑐᕕᐅᑉ ᐋᓐᓂᐊᓇᕐᓂᖓᑕ ᑎᒍᒥᐊᓚᐅᕐᐹᖓ; ᐃᓱᒪᔮᕐᓇᕐᑐᒧᑦ ᕿᒃᓵᖕᓇᕐᑐᒧᓪᓗ ᑎᑭᐅᑎᓚᐅᕐᐳᖓ.

ᓴᒧᐃᓕ ᐂᑉᐸᖏᑦ 15:21

ᐃᑍᓕ ᑭᐅᕗᖅ, “ᐊᖓᔪᖅᑳᒃ, ᐊᑕᓂᖅ ᐃᓅᖕᒪᑦ, ᐊᑕᓂᕋᓗ ᐊᖓᔪᖅᑳᕐᔪᐊᕋ ᐃᓅᓪᓗᓂ, ᐊᖓᔪᖅᑳᕐᔪᐊᕋ ᐊᑕᓂᕋᓗ ᓇᒧᓐᖓᑐᐊᕐᐸᑦ ᒪᓖᓐᓇᐅᔭᕐᓂᐊᕐᐸᕋ, ᑐᖁᓂᐊᕋᓗᐊᕈᒪ ᐃᓅᓂᐊᕈᒪᓘᓐᓃᑦ ᓇᔪᕐᑕᖓᓃᖃᑕᐅᖏᓐᓇᕐᓂᐊᕐᐳᖓ.”

ᓴᒧᐃᓕ ᓯᕗᓪᓖᑦ 17:55

ᓴᐅᓕᓕ ᑍᕕᑎᒥᒃ ᑕᑯᓐᓇᕋᒥ ᐱᓕᔅᑍᓂᒧᑦ ᐂᓕᕐᑎᓪᓗᒍ, ᐋᑉᓄᒧᑦ ᐅᖃᕐᐳᖅ, ᐅᓇᑕᕐᑐᒃᓴᓄᑦ ᐊᖓᔪᖅᑲᐅᔪᒧᑦ, “ᐋᑉᓅ ᑭᐊᖑᓇ ᐃᕐᓂᖓ ᐃᓅᓱᒃᑐᖅ?” ᐋᑉᓄ ᐅᖃᕐᐳᖅ, “ᐊᖓᔪᖅᑳᕐᔪᐊᖅ, ᖃᐅᔨᒪᓐᖏᓚᖓ.”

ᒨᓯᓯ ᑕᓪᓕᒪᖏᑦ 28:66

ᐃᓅᓯᓯ ᑍᒪᓐᖓᑦ ᓇᓗᓇᕐᑐᒦᑦᓱᒫᕐᐳᑦ; ᐅᓪᓗᒃᑯᑦ ᐅᓐᓄᐊᒃᑯᓪᓗ ᖁᐊᕐᓵᖓᓇᕐᑐᒦᑦᓱᒫᕐᐳᓯ, ᐃᓅᓂᐊᕐᒪᖔᑦᓯ ᓇᓗᓗᓯ.

ᓴᒧᐃᓕ ᓯᕗᓪᓖᑦ 20:2

ᔫᓇᑕᓂ ᑭᐅᕗᖅ, “ᑕᒪᓐᓇ ᐃᓱᒪᒋᔭᕆᐊᖃᓐᖏᑍᑦ! ᑐᖁᓂᐊᓐᖏᓚᑎᑦ. ᑕᑯᒋᑦ, ᐊᑖᑕᒪ ᐅᖃᐅᑎᖃᑦᑕᕐᐹᖓ ᓱᓇᓕᒫᓂᒃ, ᐱᒻᒪᕆᐅᒃᐸᑦ ᐱᒻᒪᕆᐅᖏᑉᐸᓪᓘᓐᓃᑦ, ᖃᓄᐃᒻᒪᓪᓕ ᐊᑖᑕᒪ ᑕᒪᓐᓇ ᐃᔨᕐᓯᒪᒐᔭᕐᐹ ᐅᕙᓐᓂᑦ? ᑍᒤᑦᔮᓐᖏᓚᖅ.”

ᓴᒧᐃᓕ ᓯᕗᓪᓖᑦ 20:4

ᑕᕝᕙ ᔫᓇᑕᓂ ᐅᖃᓕᕐᐳᖅ ᑍᕕᑎᒧᑦ, “ᓱᓇᒥᒃ ᐱᓇᓱᐊᖁᔨᑐᐊᕈᕕᑦ, ᐱᓇᓱᐊᕈᓐᓇᕐᐳᖓ.”