ᓴᒧᐃᓕ ᓯᕗᓪᓖᑦ 2:35 - ᐊᒡᓔᑦ ᐃᑦᔪᕐᖕᓁᑦᑐᑦ

³⁵ ᒪᑭᑎᑦᓯᔪᒫᕐᐳᖓ ᑐᓂᕐᕈᓯᕐᑎᑦᓯᔨᒥᒃ ᐅᒃᐱᕐᓇᑦᓯᐊᕐᑐᒥᒃ ᐆᒻᒪᑎᒪ ᐊᑐᖁᔭᖏᓐᓂᒃ ᐃᓱᒪᒋᔭᓐᓂᒡᓗ ᐊᑐᕈᓐᓇᑦᓯᐊᕐᑐᒥᒃ; ᑖᓐᓇᓗ ᑭᖑᕚᖃᕐᑎᑦᓱᒫᕐᐸᕋ ᐱᐅᔪᓂᒃ, ᐃᓅᔪᒫᕐᐳᕐᓗ ᐃᑎᖃᑦᑕᕐᓗᓂ ᐊᓂᖃᑦᑕᕐᓗᓂᓗ ᓂᕈᐊᕐᓯᒪᔭᒪ ᓵᖓᓂ ᐃᓱᖃᖏᑦᑐᒧᑦ.

ᓴᒧᐃᓕ ᓯᕗᓪᓖᑦ 2:35 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 7:11

ᑍᒪᓐᖓᑦ ᐃᓱᐊᕐᓮᔨᓂᒃ ᑎᓕᓯᖃᑦᑕᓕᓚᐅᕐᓂᓐᓂᑦ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ; ᐸᒡᕕᓴᒃᑕᐅᑎᓐᓂᐊᕈᓐᓁᕐᐸᑦᓯ ᐊᑭᕋᕐᑐᕐᑎᓕᒫᑦᓯᓐᓂᑦ. ᓱᓕᓗ ᐊᑕᓂᐅᑉ ᓇᓗᓁᕐᓯᕕᒋᓪᓗᓯ ᐅᖃᐅᑎᕚᓯ ᐊᑕᓂᐅᑉ ᑭᖑᕚᒃᓴᓕᐅᕐᑎᓐᓂᐊᓕᕐᐹᓯ.

ᓴᒧᐃᓕ ᐂᑉᐸᖏᑦ 7:27

ᐃᕝᕕᑦ ᐊᑕᓃᖅ ᖁᑦᓯᖕᓂᕐᐹᖑᔪᑎᑦ, ᐃᓴᕆᐊᓕᒥᐅᑦ ᒎᑎᖓ, ᑕᒪᓐᓇ ᐱᔨᖕᓄᑦ ᑕᑯᔭᐅᑎᓚᐅᕋᕕᐅᒃ ᐅᖃᕐᓗᑎᑦ, ‘ᑭᖑᕚᑎᑦ ᐊᖓᔪᖅᑳᕐᔪᐊᖑᔪᒫᕐᐳᑦ’; ᑍᒤᒻᒪᑦ ᐱᔩᑦ ᓴᐱᖏᓪᓗᓂ ᑐᒃᓯᐊᕈᓐᓇᓕᕐᐳᖅ ᑐᒃᓯᐊᕐᓂᕐᒥᒃ ᑕᒪᑐᒥᖓ ᐃᓕᖕᓄᑦ.

ᐊᑕᓃᑦ ᓯᕗᓪᓖᑦ 1:45

ᔭᑑᑭᐅᓪᓗ ᑐᓂᕐᕈᓯᕐᑎᑦᓯᔨᐅᑉ ᓁᑕᓂᐅᓪᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐅᕐᓱᕐᑎᕐᐹ ᐊᖓᔪᖅᑳᕐᔪᐊᓐᖑᕐᑎᓪᓗᒍ ᒋᕼᐅᓂᒥ; ᑕᕝᕙᓐᖓᑦ ᐃᒡᓗᒐᓴᖕᓄᑦ ᒪᔪᕋᓕᕐᐳᑦ ᖁᕕᐊᓱᒻᒪᕆᒡᓗᑎᒃ, ᐃᒡᓗᒐᓴᒡᔪᐊᕐᒥᐅᑦ ᐅᐃᒻᒪᒃᓯᒪᓕᕐᐳᑦ. ᑕᒪᓐᓇ ᑕᕝᕙ ᓂᐱᕐᔪᐊᖅ ᑐᓵᔭᓯ.

ᐊᑕᓃᑦ ᓯᕗᓪᓖᑦ 1:8

ᔭᑑᒃᓕ ᑐᓂᕐᕈᓯᕐᑎᑦᓯᔨ, ᐱᓁᐊᓗ ᔨᕼᐅᐃᐊᑕᐅᑉ ᐃᕐᓂᖓ, ᓁᑕᓂᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ, ᓯᒥᐂᓗ, ᕆᐂᓗ, ᑍᕕᑎᐅᓪᓗ ᓴᐳᓐᓂᐊᕐᑎᖏᑦ ᐊᔪᖏᑦᑐᕐᔪᐊᑦ ᐊᑐᓁᔭᒥᒃ ᐃᑲᔪᕐᑐᓚᐅᓐᖏᓚᑦ.

ᐊᑕᓃᑦ ᓯᕗᓪᓖᑦ 11:38

ᓈᓚᑦᓯᐊᕈᕕᖓ ᐱᖁᔨᑦᔪᑎᒋᔭᒃᑲᓗ ᒪᓕᒃᑯᕕᒋᑦ, ᐊᑐᕐᑕᐅᖁᔭᒃᑲᓗ ᒪᓕᒡᓗᒋᑦ ᐃᓅᓂᐊᕈᕕᑦ, ᓵᓐᓂᓗ ᓇᓛᒎᕐᑐᒥᒃ ᐱᓇᓱᐊᕐᓂᐊᕈᕕᑦ ᐊᑐᕐᑕᐅᖁᔭᒃᑲ ᐱᖁᔭᒃᑲᓗ ᒪᓕᖕᓂᐊᕈᕕᒋᑦ, ᐱᔨᑦᑐᑦ ᑍᕕᑎᑐᑦ, ᓇᔪᕐᓂᐊᕐᐸᒋᑦ, ᐊᖓᔪᖅᑳᕐᔪᐊᓐᖑᕐᑎᓐᓂᐊᕐᐸᒋᑦ ᐃᓴᕆᐊᓕᒧᑦ ᐊᑦᑕᕐᓇᖏᑦᑐᒥᒃ, ᑍᕕᑎᒥᒃ ᐃᑲᔪᓚᐅᕐᓂᕋ ᒪᓕᒡᓗᒍ, ᑍᒫᒃᑕᐅᖅ ᐃᓴᕆᐊᓕ ᐃᓕᖕᓄᑦ ᑐᓂᓂᐊᕐᐸᕋ.

ᐊᑕᓃᑦ ᓯᕗᓪᓖᑦ 2:35

ᐊᖓᔪᖅᑳᕐᔪᐊᑉ ᐱᓁᐊ ᔨᕼᐅᐃᐊᑕᐅᑉ ᐃᕐᓂᖓ ᐊᖓᔪᖅᑳᕈᕐᑎᑉᐹ ᐅᓇᑕᕐᑐᒃᓴᓄᑦ ᔪᐊᐱᒥᒃ ᐃᓇᖐᓪᓗᓂ, ᔭᑑᒡᓗ ᑐᓂᕐᕈᓯᕐᑎᑦᓯᔨᓐᖑᕐᑎᓪᓗᒍ ᐊᐰᐊᑕᒥᒃ ᐃᓇᖐᑎᓪᓗᒍ.

ᑯᕉᓂᑲ ᓯᕗᓪᓖᑦ 29:22

ᓂᕆᕗᓪᓗ ᐃᒥᕐᓗᑎᒡᓗ ᐊᑕᓂᐅᑉ ᓵᖓᓂ ᐊᖏᔪᒥᒃ ᖁᕕᐊᓱᒡᓗᑎᒃ ᐅᓪᓗᒥ ᑖᑦᓱᒪᓂ. ᓲᓗᒨᓂᓗ ᑍᕕᑎᐅᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᓛᕐᓂᖓᓂᒃ ᓇᓗᓁᕐᐹᑦ ᑐᖓᓕᐊᓂᒃ, ᐅᕐᓱᕐᑎᕐᓗᒍᓗ ᐊᑕᓂᐅᑉ ᓵᖓᓂ ᐊᖓᔪᖅᑳᖑᖁᓪᓗᒍ, ᔭᑑᒡᓗ ᑐᓂᕐᕈᓯᕐᑎᑦᓯᔨᓐᖑᕐᑎᑉᐹᑦ.

ᐃᓐᖏᕈᑎᑦ 18:50

ᐊᖓᔪᖅᑳᔪᐊᖁᑎᒥᓂᒃ ᓴᐳᑦᔨᓂᖓ ᐊᖏᔪᐊᓘᕗᖅ, ᐅᕐᓱᕐᑎᕐᓯᒪᔭᒥᓄᑦ ᓇᒡᓕᒍᓱᖕᓂᓂ ᓴᖅᑭᑎᑉᐹ, ᑍᕕᑎᒧᑦ ᑭᖑᕚᖏᓐᓄᓪᓗ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 2:2

ᓄᓇᒥ ᐊᖓᔪᖅᑳᕐᔪᐊᑦ ᐸᕐᓇᓕᕐᐳᑦ, ᐊᐅᓚᑦᓯᔨᓪᓗ ᐃᓱᒪᓕᐅᖃᑎᒌᒃᐳᑦ, ᐊᑭᕋᕐᑐᕈᒪᓪᓗᑎᒃ ᐊᑕᓂᕐᒥᒃ, ᐅᕐᓱᒧᓪᓗ ᒥᖑᐊᕐᓯᒪᔭᖓᓂᒃ, ᐅᖃᕐᓗᑎᒃ;

ᒨᓯᓯ ᐂᑉᐸᖏᑦ 1:21

ᐃᓴᕆᐊᓕᒥᐅᓪᓗ ᐅᓄᕐᓯᕙᓪᓕᐊᑐᐃᓐᓇᓚᐅᕐᐳᑦ ᐃᕐᓂᓱᒃᓰᔩᑦ ᒎᑎᒥᒃ ᓯᕘᕋᒋᔭᖃᓚᐅᕐᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 34:23

ᐊᑕᐅᓯᕐᒥᒃ ᐰᕐᓯᔨᑖᕐᑎᑦᓱᒫᕐᐸᒃᑲ, ᐱᔨᓐᓂᒃ ᑍᕕᑎᒥᒃ, ᑖᑦᓱᒪᓗ ᓂᕆᑎᑦᓱᒫᕐᐰᑦ; ᑲᒪᒋᔪᒫᕐᐰᑦ ᑖᒃᑯᓇᓐᖓᓪᓗ ᐰᕐᓯᔨᒋᔭᐅᔪᒫᕐᐳᖅ.

ᒨᓯᓯ ᓯᑕᒪᖏᑦ 25:13

ᑖᓐᓇ ᑭᖑᕚᖏᓪᓗ ᐊᖏᖃᑎᒌᒍᑎᒧᑦ ᑐᓂᕐᕈᓯᕐᑎᑦᓯᔨᐅᖏᓐᓇᕐᓂᐊᓕᕐᐳᑦ ᐃᓱᖃᖏᑦᑐᒧᑦ, ᒎᑎᒥᓂᒃ ᐊᒃᓱᕈᕈᑎᖃᓚᐅᕐᒪᑦ ᓴᐳᑎᔪᒪᓪᓗᒍ, ᐃᓴᕆᐊᓕᒥᐅᓂᒃ ᐃᓱᒪᒋᔪᓐᓁᕐᕕᐅᑎᑦᓯᓚᐅᕐᒪᑦ.”

ᐄᑉᕈᐃᓄᑦ 2:17

ᑍᒤᒻᒪᑦ ᐃᓅᖃᑎᓂ ᐊᑦᔨᒋᓕᕆᐊᖃᓚᐅᕐᐰᑦ ᓇᐅᒃᑯᑐᐃᓐᓇᓕᒫᖅ, ᓂᑲᒍᓱᒃᑑᓗᓂ ᓱᕐᕋᔪᐃᑦᑑᓗᓂᓗ ᑐᓂᕐᕈᓯᕐᑎᑦᓯᔨᐅᓗᓂ ᐊᖓᔪᖅᑲᐅᖁᓪᓗᒍ ᑖᒃᑯᓄᖓ ᐱᔨᑦᓯᕐᓗᓂ ᒎᑎᒥᒃ, ᐃᓄᐃᑦ ᐊᔪᕐᓂᖏᑦ ᐃᓱᒪᒋᔪᓐᓁᕐᑕᐅᖁᓪᓗᒋᑦ.

ᓴᒧᐃᓕ ᓯᕗᓪᓖᑦ 10:10

ᖃᖅᑲᒧᓪᓗ ᑎᑭᓐᓇᒥᒃ ᒋᐱ-ᐊᒧᑦ, ᓇᓚᐅᑦᑍᔨᓂᑦ ᐅᐸᒃᑕᐅᕗᑦ; ᒎᑎᐅᓪᓗ ᐊᓂᕐᓂᖓᑕ ᐊᖏᔪᕐᔪᐊᒧᑦ ᑎᑭᑉᐹ, ᓇᓚᐅᑦᑍᖃᑕᐅᓕᕐᓗᓂᓗ ᑖᒃᑯᓇᓂ.

ᓴᒧᐃᓕ ᓯᕗᓪᓖᑦ 10:9

ᓴᐅᓕᓕ ᓴᒧᐃᓕᒥᑦ ᑐᓄᓪᓗᓂ ᐊᐅᓪᓚᕐᒪᑦ, ᒎᑎᐅᑉ ᐆᒻᒪᑎᒥᒃ ᐊᓯᐊᓂᒃ ᑐᓂᓯᕕᒋᕚ; ᑖᒃᑯᐊᓗ ᓇᓗᓁᒃᑯᑕᓕᒫᑦ ᐅᓪᓗᒥ ᑍᑦᓱᒪᓂ ᓇᓚᐅᑦᓯᓚᐅᕐᐳᑦ.

ᓴᒧᐃᓕ ᓯᕗᓪᓖᑦ 12:3

ᒫᓐᓇ ᑕᒫᓃᑉᐳᖓ; ᑕᒻᒪᓚᐅᕈᒪ ᐸᓯᔭᐅᓕᕐᓚᖓ ᐊᑕᓂᐅᑉ ᓵᖓᓂ ᐅᕐᓱᕐᑎᓚᐅᕐᑕᖓᑕᓗ ᓵᖓᓂ. ᑎᒍᓯᓚᐅᐳᖔ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ? ᓯᐅᑎᖅᑯᕐᑐᔪᒥᒡᓘᓐᓃᑦ ᐱᒋᔭᐅᔪᒥᒃ? ᑭᓇᑐᐃᓐᓇᒥᑦ ᐊᑭᓕᕐᑕᐅᓗᖓ ᓴᒡᓗᓂᒃᑯᑦ ᐱᓇᓱᐊᓚᐅᕐᐳᖔ? ᓇᓪᓕᐊᓐᓂᒃ ᐅᑯᒤᒃᓴᕐᑎᑦᓯᓚᐅᕐᐳᖔ? ᑕᒪᒃᑯᓂᖓ ᐱᓇᓱᐊᓚᐅᕈᒪ ᑎᒍᓯᓚᐅᕈᒪᓘᓐᓃᑦ ᐃᓕᑦᓯᓐᓄᑦ ᐅᑎᕐᑎᑦᓱᒪᕙᒃᑲ.”

ᓴᒧᐃᓕ ᓯᕗᓪᓖᑦ 16:13

ᑕᕝᕙ ᓴᒧᐃᓕᐅᑉ ᓇᒡᔪᒃ ᐅᕐᓱᒥᒃ ᐃᒪᓕᒃ ᑎᒍᕚ, ᐅᕐᓱᕐᑎᕐᓗᒍᓗ ᖃᑕᓐᖑᑎᖏᑦ ᑕᑯᓐᓇᕐᑎᓪᓗᒋᑦ; ᐊᑕᓂᐅᓪᓗ ᐊᓂᕐᓂᖓᑕ ᐱᔪᓐᓇᕐᓂᖓ ᑍᕕᑎᒧᐊᕐᐳᖅ ᐅᓪᓗᒥ ᑕᕝᕙᓂ ᓇᔪᐃᓐᓇᓕᕐᓗᒍᓗ. ᓴᒧᐃᓕᓗ ᒪᑭᓐᓇᒥ, ᕌᒪᒧᐊᕐᐳᖅ.

ᓴᒧᐃᓕ ᓯᕗᓪᓖᑦ 2:36

ᓇᓪᓕᐊᑦ ᐃᒡᓗᖕᓂ ᐊᒥᐊᒃᑰᔪᖅ ᑖᑦᓱᒪ ᓵᖓᓄᑦ ᐹᒻᒪᒃᑎᕈᒫᕐᐳᖅ ᓯᐅᓪᕕᕆᒧᑦ ᐅᕝᕙᓗ ᓂᐊᖂᔭᒧᑦ ᐊᑕᐅᓯᕐᒧᑦ, ᐅᖃᕐᓗᓂᓗ, “ᕿᓄᕗᖓ ᑐᓂᕐᕈᓯᕐᑎᑦᓯᔨᓄᑦ ᐃᓚᓕᐅᑎᓚᐅᓐᖓ, ᓂᐊᖂᔭᒥᒃ ᑐᓂᕐᕈᑕᐅᓯᒪᔪᓂᒃ ᓂᕆᔪᓐᓇᖁᓪᓗᖓ.”’”

ᓴᒧᐃᓕ ᓯᕗᓪᓖᑦ 25:28

ᐃᓱᒪᒋᔪᓐᓁᕐᕕᒋᓐᖓ ᐊᖓᔪᖅᑳᒃ ᐊᔪᕐᑐᓕᓂᓐᓂᒃ; ᐊᑕᓂᐅᑉ ᐊᖓᔪᖅᑳᕋ ᕿᓄᐃᓵᕐᑎᑉᐹ ᐃᒡᓗᒥᐅᖃᑎᖏᓪᓗ, ᐊᖓᔪᖅᑳᕋ ᐅᓇᑕᖃᑦᑕᕐᒪᑦ ᐊᑕᓂᐅᑉ ᐅᓇᑕᕐᓂᖏᓐᓂᒃ; ᐱᐅᖏᑦᑐᒥᒡᓗ ᓇᓂᓯᔪᖃᕐᓂᐊᓐᖏᓚᑦ ᐃᓕᖕᓂ ᐃᓅᓂᓕᒫᕐᓂ.

ᓴᒧᐃᓕ ᓯᕗᓪᓖᑦ 3:1

ᓱᕈᓯᖅ ᓴᒧᐃᓕ ᐱᔨᑦᓯᓚᐅᕐᐳᖅ ᐊᑕᓂᕐᒥᒃ ᐃᓔᒧᑦ ᑲᒪᒋᔭᐅᓪᓗᓂ. ᐊᑕᓂᐅᑉ ᐅᖃᐅᓯᖏᑦ ᑐᓴᕐᑕᐅᔪᓐᓇᓚᐅᓐᖏᓚᑦ ᐅᓪᓗᓂ ᑖᒃᑯᓇᓂ, ᑕᑯᑎᑕᐅᔪᖃᓚᐅᕐᓯᒪᓇᓂᓗ ᖃᒻᒥᒃᑯᑦ.

ᓴᒧᐃᓕ ᓯᕗᓪᓖᑦ 7:9

ᑕᕝᕙ ᓴᒧᐃᓕ ᑐᖁᑦᓯᕗᖅ ᓰᐱᐅᑉ ᓄᕐᕋᖓᓂᒃ ᐊᑕᖏᕐᓗᒍᓗ ᐃᑯᐊᓪᓚᒡᓗᒍ ᑐᓂᕐᕈᑎᒋᕚ ᐊᑕᓂᕐᒧᑦ; ᑐᒃᓯᐊᕐᐳᕐᓗ ᐊᑕᓂᕐᒧᑦ ᐃᓴᕆᐊᓕᒥᐅᑦ ᐃᑲᔪᕐᑕᐅᖁᓪᓗᒋᑦ, ᐊᑕᓂᐅᓪᓗ ᑭᐅᕚ ᑐᒃᓯᐊᕈᑎᖓᓂᒃ.

ᓴᒧᐃᓕ ᓯᕗᓪᓖᑦ 8:3

ᐃᕐᓂᖏᒡᓕ ᐃᓅᓚᐅᓐᖏᓛᒃ ᑖᑦᓱᑐᓇᖅ; ᓴᖑᓚᐅᕐᐴᒡᓕ ᑮᓇᐅᔭᓕᐅᕈᒪᓂᕐᒧᑦ ᐱᓕᕆᓕᕐᓗᑎᒃ; ᓯᓔᕐᕆᒃᓯᓪᓗᑎᒃ ᐱᓇᓱᐊᖃᑦᑕᓚᐅᕐᒪᑎᒃ ᓱᓕᖏᑦᑐᒥᒃ ᐱᓂᐊᕐᓂᖃᓕᕐᓗᑎᒃ.

ᓴᒧᐃᓕ ᓯᕗᓪᓖᑦ 9:12

ᑭᐅᕚᑦ, “ᐄ, ᑕᑯᒋᑦ ᐊᒡᓛᑦ ᓯᕗᓂᑦᑎᐊᑦᓯᓐᓃᑉᐳᖅ, ᑐᐊᕕᕈᑦᓯᒃ ᐊᖑᔪᓐᓇᕐᐸᓯᒃ; ᐃᒡᓗᒐᓴᖕᓄᐊᓕᓵᕐᒪᑦ ᐅᓪᓗᒥ ᑎᑭᖅᑲᐅᖕᒪᑦ, ᐃᓄᐃᑦ ᑐᓂᕐᕈᓯᖅᑲᐅᖕᒪᑕ ᐱᓪᓚᕆᐅᓂᕐᐹᒥ ᑐᓂᕐᕈᓯᕐᕕᖕᒥ.

ᓴᒧᐃᓕ ᓯᕗᓪᓖᑦ 9:13

ᐃᒡᓗᒐᓴᖕᓄᐊᑐᐊᕈᑦᓯ, ᑕᑯᓂᐊᕐᐸᓯ ᖃᖅᑲᒧᐊᓚᐅᕐᑎᓐᓇᒍ ᐱᓪᓚᕆᐅᓂᕐᐹᒧᑦ ᓂᕆᔭᕐᑐᕐᓗᓂ; ᐃᓄᐃᑦ ᕾᖁᔭᐅᓯᒪᔪᑦ ᓂᕆᑦᔮᖏᑦᑐᑦ ᑖᓐᓇ ᕾᓚᐅᖏᓐᓂᖓᓂ, ᑖᑦᓱᒪ ᓮᒻᒪᕐᑎᑦᓴᕆᐊᖃᕐᒪᒋᑦ ᑐᓂᕐᕈᑏᑦ; ᑭᖑᓂᖓᒍᑦ ᕾᖁᔭᐅᓯᒪᔪᑦ ᓂᕆᓕᕐᓂᐊᕐᐳᑦ. ᒫᓐᓇ ᐂᒍᑦᓯᒃ, ᐊᖑᓂᐊᕐᐸᓯᒃ ᑕᑉᐸᐅᓐᖓᑐᐊᕈᑦᓯᒃ.”