ᓴᒧᐃᓕ ᓯᕗᓪᓖᑦ 2:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᓱᖕᒪᓪᓕ, ᐱᔪᒪᑐᓗᐊᖃᑦᑕᓕᕐᐱᓯ ᑐᓂᕐᕈᑎᒋᔭᐅᔪᓂᒃ ᐱᓇᓱᐊᕐᑕᐅᖁᓯᒪᔭᓐᓂᒃ ᐃᓄᖁᑎᓐᓄᑦ? ᖃᓄᐃᒻᒪ ᐃᕐᓂᑎᑦ ᐅᕙᓐᓂᑦ ᐅᐱᒋᓂᕐᓴᕆᕕᒋᑦ ᐃᒻᒥᖕᓂᒃ ᖁᐃᒃᓯᑎᑐᐃᓐᓇᓕᕐᒪᑕ ᑐᓂᕐᕈᑎᒋᔭᐅᔪᑦ ᐱᐅᓂᕐᐹᖏᓐᓂᒃ ᐱᕙᒃᓗᑎᒃ ᑐᓂᕐᕈᑎᒋᔭᐅᔪᓂᒃ ᐅᕙᓐᓄᑦ?’

ᓴᒧᐃᓕ ᓯᕗᓪᓖᑦ 2:29 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 10:37

“ᓇᓪᓕᐊᑦ ᐊᑖᑕᒥᓂᒃ ᐊᓈᓇᒥᓂᒡᓘᓐᓃᑦ ᐅᕙᓐᓂᑦ ᐅᖓᒋᔭᖃᕐᓂᕐᓴᐅᒃᐸᑦ, ᑖᓐᓇ ᐅᕙᓐᓄᑦ ᐃᓚᒋᔭᐅᔪᓐᓇᓐᖏᓚᖅ; ᓇᓪᓕᐊᓪᓗ ᐃᕐᓂᕐᒥᓂᒃ ᐸᓂᖕᒥᓂᒡᓘᓐᓃᑦ ᐅᕙᓐᓂᑦ ᐅᖓᒋᔭᖃᕐᓂᕐᓴᐅᒃᐸᑦ, ᑖᓐᓇ ᐅᕙᓐᓄᑦ ᐃᓚᒋᔭᐅᔪᓐᓇᖏᓚᖅ.

ᒨᓯᓯ ᑕᓪᓕᒪᖏᑦ 32:15

ᔨᓱᕋᓐᓕ ᖁᐃᒃᓯᓚᐅᕐᐳᖅ, ᐊᑭᕋᕐᑐᓕᕐᓗᓂᓗ; ᖁᐃᒃᓯᓚᐅᕐᐳᓯ ᓯᓕᒃᓯᓪᓗᓯ, ᒪᓂᖅᑲᑑᓕᕐᓗᓯᓗ; ᖁᐃᒃᓯᓚᐅᕐᐳᑦ ᓂᕿᒃᓴᓂᒡᓗ ᑲᑎᑦᓯᓯᒪᔪᐊᓘᓪᓗᑎᒃ; ᒎᑎᒥᒡᓕ ᐱᓐᖑᕐᑎᑦᓯᔨᒥᖕᓂᒃ ᕿᒤᓚᐅᕐᐳᑦ ᒥᑕᐅᑎᒋᓪᓗᒍᓗ ᕾᕐᑐᖅ ᐱᐅᓕᔭᐅᕕᒃᓴᕆᔭᓂ.

ᓘᑲᓯᐅᑉ ᐊᒡᓚᖏᑦ 14:26

“ᓇᓪᓕᐊᑦ ᐅᕙᓐᓄᑦ ᕾᔪᖅ ᐅᖓᓂᕐᓴᐅᒃᐸᑦ ᐊᑖᑕᒥᓂᒃ ᐊᓈᓇᒥᓂᒡᓗ, ᓄᓕᐊᒥᓂᒃ ᕿᑐᕐᖓᒥᓂᒡᓗ, ᖃᑕᓐᖑᑎᒥᓂᒃ ᓇᔭᖕᒥᓂᒡᓗ, ᐊᒡᓛᓪᓗ ᐃᒻᒥᓂᒃ, ᑖᓐᓇ ᐃᓕᓐᓂᐊᕐᑎᒋᔪᓐᓇᓐᖏᓚᕋ.

ᔧᒥᓯᐅᑉ ᐊᒡᓚᖏᑦ 3:17

ᓯᓚᑐᓂᕐᓕ ᕿᓚᖕᒥᑦ ᐱᔪᖅ ᓯᕗᓪᓕᐅᑦᔨᕗᖅ ᓴᓗᒪᑦᓯᐊᕐᓂᕐᒥᒃ, ᐊᒻᒪ ᓮᓕᓂᕐᒥᒃ, ᐅᐃᒪᔮᖏᓐᓂᕐᒥᒃ, ᐱᖃᓐᓂᕐᓗᓂᓗ; ᐱᑦᔪᑎᒃᓴᑦᓯᐅᑦᓯᐊᕐᐳᖅ, ᓂᑲᒍᓱᒃᐳᖅ ᐱᐅᔪᓂᒡᓗ ᐱᕈᕐᑎᑦᓯᓪᓗᓂ, ᐊᑦᔨᒌᒃᑎᑦᓯᕗᖅ ᓱᓕᑦᓯᐊᕐᓗᓂᓗ.

ᒫᑎᐅᓯᐅᑉ ᐊᒡᓚᖏᑦ 22:16

ᑕᕝᕙ ᑎᓕᓯᕗᑦ ᐃᓕᓐᓂᐊᕐᑎᒥᖕᓂᒃ, ᐃᕉᑕᓯᐅᓪᓗ ᐃᑲᔪᕐᑎᖏᑕ ᐃᓚᖏᓐᓂᒃ, ᐅᖃᖁᓪᓗᒋᑦ, “ᐊᔪᕆᕐᑐᐃᔩ, ᖃᐅᔨᒪᕗᒍᑦ ᓱᓕᑦᓯᐊᕐᑐᒥᒃ ᐅᖃᐅᑦᔨᖃᑦᑕᕋᕕᑦ, ᐊᔪᕆᕐᑐᐃᖃᑦᑕᕋᕕᓪᓗ ᒎᑎᐅᑉ ᐃᓄᖕᓄᑦ ᐱᓂᐊᕐᑕᐅᖁᔭᖓᓂᒃ ᓱᓕᑦᓯᐊᕐᑐᒥᒃ, ᐃᓄᐃᑦ ᖃᓄᖅ ᐃᓱᒪᖃᕐᒪᖔᑕ ᐃᓱᒪᒋᓇᒋᑦ, ᖃᓄᐃᑦᑑᓂᖏᓐᓂᒃ ᑲᒪᖏᓐᓇᕕᑦ.

ᒤᑲᐅᑉ ᐊᒡᓚᖏᑦ 3:5

“ᑍᒤᒻᒪᑦ ᐊᑕᓂᖅ ᐅᖃᕐᐳᖅ, ᐃᓄᖁᑎᒃᑲ ᑕᒻᒪᕐᑎᑕᐅᕗᑦ ᓇᓚᐅᑦᑍᓂᕐᓗᒃᑐᓄᑦ, ᓮᓕᑦᓯᐊᕐᓂᕐᒥᒃ ᐊᖏᕈᑎᖃᕐᐸᒃᐳᑦ ᓂᕆᑎᑦᓯᔨᒥᖕᓂᒡᓗ, ᓂᕿᒃᓴᖃᕐᑎᑦᓯᖏᑦᑐᓄᓪᓗ ᓯᕘᕋᓵᕆᕙᒃᑐᑦ ᐅᓇᑕᕆᐊᕐᑐᕐᓂᐊᕐᓂᕋᕐᓗᒋᑦ.

ᕼᐆᓯᐊᑉ ᐊᒡᓚᖏᑦ 4:8

ᐊᒃᓱᐃᓕᕗᓯ ᐃᓄᖁᑎᒪ ᐊᔪᕐᓂᖏᓐᓄᑦ; ᑖᒃᑯᐊᓗ ᑲᔪᖏᓛᕐᐳᑦ ᐊᔪᕐᑐᓕᓂᕐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 34:2

“ᐃᓅᑉ ᐃᕐᓂᖓ, ᐃᓴᕆᐊᓕᒥᐅᑦ ᐰᕐᓯᔨᖏᑦ ᓵᓪᓗᒋᑦ ᐱᔪᒫᕐᑐᓂᒃ ᓇᓗᓁᕐᓯᕕᒋᓗᒋᑦ, ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᒥᐅᓄᑦ ᐰᕐᓯᔨᐅᔪᓯ ᐃᓕᑦᓯᓐᓂᑐᐊᖅ ᓂᕆᑎᑉᐳᓯ! ᐰᕐᓯᔩᑦ ᓰᐱᖁᑎᒥᖕᓂᒃ ᓂᕆᑎᑦᓯᔭᕆᐊᖃᓐᖏᓛᑦ?

ᔮᓱᐊᑉ ᐊᒡᓚᖏᑦ 18:1

ᓄᓇ ᐅᓇᑕᕐᓂᒃᑯᑦ ᐱᑖᕆᒐᒥᑦᔪᒃ, ᐃᓴᕆᐊᓕᒥᐅᓕᒫᑦ ᑲᑎᕗᑦ ᓮᓗᐊᒥ, ᑕᕝᕙᓂᓗ ᑐᐱᖅ ᐊᑕᓂᐅᑉ ᓇᔪᕐᑕᖓ ᓇᑉᐸᕐᐹᑦ ᑲᑎᒪᕕᒃᓴᕆᓪᓗᒍ.

ᒨᓯᓯ ᑕᓪᓕᒪᖏᑦ 33:9

ᑖᒃᑯᐊ ᐊᑖᑕᒥᖕᓂᒃ ᐊᓈᓇᒥᖕᓂᒡᓗ ᐃᒫᒃ ᐅᖃᐅᓯᖃᓚᐅᕐᐳᑦ, ‘ᑖᒃᑯᐊ ᐃᓱᒪᒋᓐᖏᓚᒃᑲ’; ᖃᑕᓐᖑᑎᑎᒃ ᐃᓚᒋᓂᕋᓐᖏᓔᑦ, ᕿᑐᕐᖓᑎᒡᓗ ᐃᒃᐱᒋᓇᒋᑦ. ᐅᖃᐅᓯᕐᓂᒃ ᒪᓕᑦᓯᐊᓗᐊᒧᑦ, ᐊᖏᖃᑎᒌᖕᓂᒃᑯᑦ ᐅᖃᕐᕕᒋᓯᒪᔭᑎᑦ ᒪᓕᒡᓗᒋᑦ.

ᒨᓯᓯ ᐱᖓᔪᖏᑦ 19:15

ᓱᓕᑦᓯᐊᕐᑐᒥᒃ ᐱᓂᐊᕐᓂᖃᕆᑦ; ᐃᓔᓐᓇᕐᓯᐅᕐᓂᐊᕐᓇᒃ ᐃᓄᒃ ᐊᔪᕐᓴᕐᑐᑦ ᐱᓪᓗᒋᑦ ᐊᔪᕐᓴᖏᑦᑐᓪᓗ ᐱᓪᓗᒋᑦ, ᐃᓅᖃᑎᑎᑦ ᐊᑦᔨᒌᒃᑐᒥᒃ ᐱᓂᐊᕐᓂᖃᕐᕕᒋᔭᕆᐊᖃᕐᐸᑎᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:16

ᒫᓐᓇᓕ ᑕᕝᕙ, ᑍᒤᒻᒪᑦ, ᑭᓇᒥᒡᓘᓐᓃᑦ ᐃᓱᒪᒋᔭᖃᕈᓐᓃᕐᐳᒍᑦ ᓯᓚᕐᔪᐊᕐᒥᐅᑦ ᐃᓱᒪᒋᔭᖃᕐᓂᖏᑎᑐᑦ; ᑍᑦᓱᒪᓂᑦᑕᐅᖅ ᙭ᔅᑑᓯ ᓯᓚᕐᔪᐊᕐᒥᐅᑎᑐᑦ ᐃᓱᒪᒋᓚᐅᕋᓗᐊᕋᑦᑎᒍ, ᒫᓐᓇᓕ ᑍᒫᒃ ᐃᓱᒪᒋᓐᖏᓕᕐᐸᕗᑦ.

ᕉᒪᒥᐅᓄᑦ 16:18

ᑍᒤᑦᑐᑦ ᐊᑕᓂᑦᑎᓐᓂᒃ ᙭ᔅᑑᓯᒥᒃ ᑭᒡᒐᕐᑐᖏᒻᒪᑕ, ᓈᒻᒪᒃᓯᑎᑦᓯᓇᓱᑐᐃᓐᓇᕐᒪᑕ ᐱᔪᒪᓂᕐᒥᖕᓂᒃ ᐱᑦᔪᑎᑐᐊᖃᕐᓗᑎᒃ, ᐅᖃᐅᓯᕐᒥᖕᓄᑦ ᐅᖃᓪᓚᒃᑲᐅᓂᕐᒥᖕᓄᓪᓗ ᓯᓔᕐᕆᒃᓯᕙᒃᐳᑦ ᐃᓄᖕᓂᒃ ᐸᓯᔭᒃᓴᐅᖏᑦᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 13:19

ᓇᕐᕈᓇᕐᑎᑉᐸᑦᓯᓐᖓ ᐃᓄᖁᑎᒪ ᐊᑯᕐᖓᓐᓂ ᓂᐊᖂᔭᒃᓴᓄᑦ ᑎᒍᒥᐊᓪᓗᐊᕐᑕᑦᓯᓐᓄᑦ ᓂᐊᖂᔭᓄᓪᓗ ᐊᒡᒍᕐᓂᑯᓄᑦ, ᑐᖁᒐᔭᖏᑦᑐᓂᒃ ᑐᖁᑎᑦᓯᖃᑦᑕᕐᐳᓯ ᐃᓅᔭᕆᐊᖃᖏᑦᑐᓂᒡᓗ ᐃᓅᑎᑦᓯᕙᒃᓗᓯ, ᓱᓕᖏᑦᑐᓂᒃ ᐃᓄᖁᑎᒃᑲ ᐅᖃᐅᑎᖃᑦᑕᕋᑦᓯᐅᒃ, ᓈᓚᒃᐸᒃᓗᑎᒡᓗ ᓴᒡᓗᓂᑦᓯᓐᓂᒃ.

ᓴᒧᐃᓕ ᓯᕗᓪᓖᑦ 3:13

ᐅᖃᐅᑎᓚᐅᕐᐸᕋ ᐃᓚᖏᑦ ᓱᒋᐊᕐᓂᐊᕐᓂᕋᓕᕐᓗᒋᑦ ᐃᓱᖃᖏᑦᑐᒧᑦ, ᐃᓔᑉ ᖃᐅᔨᒪᓚᐅᕐᐰᖅ ᐱᐅᖏᑦᑐᓕᓂᖏᑦ, ᐃᕐᓂᖏᑦ ᐅᖃᕐᓂᕐᓘᑦᔨᓚᐅᕐᒪᑕ ᒎᑎᒥᒃ, ᐃᓂᕐᑎᓚᐅᓐᖏᓔᓪᓕ.

ᐃᓐᖏᕈᑎᑦ 26:8

ᐊᑕᓃᖅ, ᐃᒡᓗ ᐃᓂᒋᔧᑦ ᐅᖓᒋᕙᕋ, ᐱᓇᕐᓇᕐᓂᕐᔪᐊᕕᓪᓗ ᐃᓂᒋᔭᖓ.

ᐃᓯᑭᐊᓕᐅᑉ ᐊᒡᓚᖏᑦ 34:10

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ, ᑕᑯᒋᑦ, ᐰᕐᓯᔩᑦ ᓵᓐᖓᓕᕐᐸᒃᑲ; ᓰᐱᖁᑎᒃᑲ ᑎᒍᓂᐊᓕᕐᐸᒃᑲ ᑖᒃᑯᓇᓐᖓᑦ, ᓂᕆᑎᑦᓯᔨᐅᔪᓐᓃᕐᑎᓪᓗᒋᓪᓗ ᓰᐱᖁᑎᓐᓂᒃ; ᐰᕐᓯᔩᑦ ᐃᒻᒥᓃᓐᓇᖅ ᓂᕆᑎᖃᑦᑕᕐᓂᐊᕈᓐᓃᕐᐳᑦ. ᓰᐱᖁᑎᒃᑲ ᓴᐳᑎᓂᐊᓕᕐᐸᒃᑲ ᖃᓂᖏᓐᓂᑦ, ᓂᕿᒋᔭᐅᑦᔮᔪᓐᓃᕐᓗᑎᒡᓗ ᑖᒃᑯᓄᖓ.”

ᐊᑕᓃᑦ ᐂᑉᐸᖏᑦ 12:6

ᔨᕼᐅᐊᓯ ᐊᕐᕌᒍᓂᒃ 23ᓂᒃ ᐊᖓᔪᖅᑳᕐᔪᐊᖑᓯᒪᓕᕋᓗᐊᕐᑎᓪᓗᒍ ᓱᓕ ᑐᓂᕐᕈᓯᕐᑎᑦᓯᔩᑦ ᐊᑕᓂᐅᑉ ᐃᒡᓗᖓᑕ ᓴᓇᔭᐅᓂᒃᓴᖓᓂᒃ ᐱᒋᐊᓚᐅᓐᖏᓚᑦ.