ᓴᒧᐃᓕ ᓯᕗᓪᓖᑦ 18:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᑕᕝᕙ ᓴᐅᓕᐅᑉ ᐅᖃᐅᑎᕔᑦ, “ᐃᒫᒃ ᑍᕕᑎ ᐅᖃᐅᑎᓯᐅᒃ, ‘ᐊᖓᔪᖅᑳᕐᔪᐊᖅ ᑐᓂᓯᕕᐅᔪᒪᓐᖏᓚᖅ ᐊᑭᓕᐅᑎᒃᓴᓂᒃ ᓄᓕᐊᒃᓴᒧᑦ ᐃᒫᖔᕐᓕ ᐱᓇᓱᐊᖁᔨᕗᖅ ᐱᓕᔅᑍᓂᒥᐅᑦ 100ᐃᑦ ᐅᓕᕝᕙᖏᓐᓂᒃ ᐱᔪᒪᕗᖅ, ᐊᑭᕋᖏᓐᓄᑦ ᐊᑭᓂᐊᕈᑎᒃᓴᐅᖁᓪᓗᒋᑦ.’” ᑍᒫᒃ ᓴᐅᓕ ᐃᓱᒪᖃᓚᐅᕐᐳᖅ ᑍᕕᑎ ᑐᖁᑕᐅᔪᓐᓇᖁᓪᓗᒍ ᐱᓕᔅᑍᓂᒥᐅᓄᑦ.

ᓴᒧᐃᓕ ᓯᕗᓪᓖᑦ 18:25 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 29:18

ᔧᑰᓪᓗ ᕅᒋᓕ ᓇᒡᓕᒋᓚᐅᕐᐹ; ᐅᖃᓗᓂᓗ, “ᐱᔨᑦᓯᕐᓂᐊᕐᐸᒋᑦ ᐊᕐᕌᒍᓂᒃ 7ᓂᒃ ᓄᓕᐊᕐᑖᕐᑎᓐᓂᐊᕈᕕᖓ ᕅᒋᓕᒥᒃ.”

ᒨᓯᓯ ᓯᕗᓪᓖᑦ 34:12

ᑐᒃᓯᕋᓚᐅᕆᑦᓯ ᓱᓇᒥᒃ ᐊᑭᓕᕐᑕᐅᔪᒪᖕᒪᖔᑦᓯ, ᓄᓕᐊᒃᓴᒧᑦ, ᑐᓂᕐᕈᑕᐅᖁᔭᑦᓯᓐᓂᒡᓘᓐᓃᑦ ᑐᓂᔭᕆᐊᖃᕐᑕᓐᓂᒃ ᐱᔪᒪᔭᑦᓯᓐᓂᒃ, ᑕᕝᕙ ᑐᓂᓯᕕᒋᓂᐊᕐᐸᑦᓯ ᖃᓄᑐᐃᓐᓇᖅ ᐅᖃᑐᐊᕈᑦᓯ ᐅᕙᓐᓄᑦ; ᑖᑦᓱᒥᖓ ᓄᓕᐊᕐᑖᕈᓐᓇᕐᑎᑕᐅᑦᓴᓚᐅᕈᒪ.”

ᓴᒧᐃᓕ ᐂᑉᐸᖏᑦ 3:14

ᑕᕝᕙ ᑍᕕᑎ ᐅᖃᕆᐊᕐᑐᕐᑎᑦᓯᕗᖅ ᐃᔅᐳᓯᑦᒧᑦ ᓴᐅᓕᐅᑉ ᐃᕐᓂᖓᓄᑦ ᐃᒫᒃ ᐅᖃᖁᓪᓗᒋᑦ, “ᓄᓕᐊᕋ ᒤᑲᐅᓪ ᐅᕙᓐᓄᐊᕐᑎᓚᐅᕈᒃ, ᐊᑭᓖᓚᐅᕐᓯᒪᒐᒪ 100ᓂᒃ ᐱᓕᔅᑍᓂᒥᐅᑦ ᐅᓱᖏᑕ ᐅᓕᕝᕙᖏᓐᓂᒃ ᑲᑎᑎᑕᐅᔪᓐᓇᕐᓯᖁᓪᓗᓄᒃ.”

ᔮᓱᐊᑉ ᐊᒡᓚᖏᑦ 5:3

ᑕᕝᕙ ᔮᓱᐊ ᐊᖕᒫᓂᒃ ᓴᕕᓕᐅᓚᐅᕐᓗᓂ, ᐃᓴᕆᐊᓕᒥᐅᑦ ᑭᐱᕔᑦ ᓄᓇᒥ ᑍᔭᐅᔪᒥ ᒋᐱᑦ-ᕼᐊᕋᓗᑎᒥᒃ ᖃᖅᑲᒥ.

ᓴᒧᐃᓕ ᓯᕗᓪᓖᑦ 14:24

ᐃᓴᕆᐊᓕᒥᐅᑦ ᐅᓪᓗᒥ ᑍᑦᓱᒪᓂ ᑕᖃᕗᑦ ᑳᖕᓂᕐᒧᑦ, ᓴᐅᓕ ᐅᖃᓚᐅᕐᒪᑦ, ᐊᖏᒻᒪᕆᒃᓱᓂ ᐃᒫᒃ: “ᓱᒋᐊᕐᑕᐅᔪᒃᓴᐅᕗᖅ ᓇᓪᓕᐊᑦ ᐅᓐᓄᓚᐅᖅᑳᕐᑎᓐᓇᒍ ᓂᕆᔪᖅ ᐊᑭᓂᐊᕇᓚᐅᖅᑳᕐᑎᓐᓇᖓ ᐊᑭᕋᓐᓂᒃ.” ᑍᒤᒻᒪᑦ ᓇᓪᓕᐊᓪᓘᓐᓃᑦ ᓂᕆᔪᖃᓚᐅᓐᖏᓚᑦ.

ᓴᒧᐃᓕ ᓯᕗᓪᓖᑦ 17:26

ᑍᕕᑎᐅᓪᓗ ᐊᖑᑏᑦ ᓇᖏᖃᑎᓂ ᐅᖃᐅᑎᕔᑦ, “ᖃᓄᐃᑕᐅᔪᒫᕐᐹ ᐊᖑᑦ ᑍᓐᓇ ᑐᖁᑦᓯᔪᖅ ᑖᑦᓱᒥᖓ ᐱᓕᔅᑍᓂᒥᐅᒥᒃ, ᐃᓴᕆᐊᓕᒥᐅᓪᓗ ᑲᓐᖑᓇᕐᑐᒦᑎᐅᓂᖓᓂᒃ ᐲᕐᓯᔪᖅ? ᑖᓐᓇ ᖃᓄᐃᑦᑑᕙ ᑭᐱᔭᐅᓯᒪᖏᑦᑐᖅ ᐱᓕᔅᑏᓂᒥᐅᑖᖅ, ᒥᑕᐅᑎᖃᕐᑐᖅ ᒎᑎᐅᑉ ᐆᒪᔫᑉ ᐅᓇᑕᕐᑐᒃᓴᖁᑎᖏᓐᓂᒃ?”

ᓴᒧᐃᓕ ᓯᕗᓪᓖᑦ 17:36

ᐱᔩᑦ ᑐᖁᑦᑎᓯᒪᕗᖅ ᓛᔭᓂᒃ ᓇᓄᕐᓂᒡᓗ; ᑖᓐᓇᓗ ᑭᐱᔭᐅᓯᒪᖏᑦᑐᖅ ᐱᓕᔅᑍᓂᒥᐅᑕᖅ ᑖᒃᑯᑎᑐᓇᖅ ᐊᑦᔨᑐᐃᓐᓇᐅᓂᐊᕐᐳᖅ, ᒥᑕᐅᑎᖃᕐᒪᑦ ᒎᑎᐅᑉ ᐆᒪᔫᑉ ᐅᓇᑕᕐᑐᒃᓴᖁᑎᖏᓐᓂᒃ.”

ᓴᒧᐃᓕ ᓯᕗᓪᓖᑦ 18:17

ᑕᕝᕙ ᓴᐅᓕ ᐅᖃᕐᐳᖅ ᑍᕕᑎᒧᑦ, “ᐅᓇ ᐸᓂᒐ ᐊᖓᔪᒃᓯᖅ ᒥᕋᑉ; ᐃᓕᖕᓄᑦ ᑐᓂᔭᕋ ᓄᓕᐊᕐᑖᖑᖁᓪᓗᒍ, ᓯᕘᕋᖏᓪᓗᑎᑦ ᐅᓇᑕᕐᓂᐊᕈᕕᑦ, ᐊᑕᓂᐅᑉ ᐅᓇᑕᕐᓂᖓᓂᒃ.” ᓴᐅᓕ ᐃᓱᒪᖃᓚᐅᕋᒥ, “ᐱᔪᓐᓇᕐᓂᓐᓄᑦ ᑖᑦᓱᒥᖓ ᐱᓇᓱᐊᖏᓪᓗᖓ, ᐱᓕᔅᑍᓂᒥᐅᓪᓕ ᐱᔪᓐᓇᕐᓂᖏᑦ ᐱᓇᓱᐊᖔᓕᕐᓕᑦ ᑖᑦᓱᒥᖓ.”

ᓴᒧᐃᓕ ᓯᕗᓪᓖᑦ 18:24

ᓴᐅᓕᐅᓪᓗ ᐱᔨᖏᑦ ᓴᐅᓕᒧᑦ ᐅᑎᕋᒥᒃ ᐅᖃᕐᐳᑦ, “ᑍᕕᑎ ᑍᒫᒃ ᐅᖃᓚᐅᕐᐳᖅ.”

ᓴᒧᐃᓕ ᓯᕗᓪᓖᑦ 19:1

ᓴᐅᓕᐅᑉ ᐃᕐᓂᓂ ᔫᓇᑕᓂ ᐊᖓᔪᖅᑲᐅᔪᖁᑎᓂᓗ ᐅᖃᐅᑎᕔᑦ ᑍᕕᑎᒥᒃ ᑐᖁᑦᓯᖁᓪᓗᒋᑦ. ᔫᓇᑕᓂᓕ ᑍᕕᑎᒥᒃ ᖁᕕᐊᒋᔭᖃᒻᒪᕆᓚᐅᕐᐳᖅ,