ᓴᒧᐃᓕ ᓯᕗᓪᓖᑦ 17:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᑍᕕᑎᐅᓪᓗ ᐊᖑᑏᑦ ᓇᖏᖃᑎᓂ ᐅᖃᐅᑎᕔᑦ, “ᖃᓄᐃᑕᐅᔪᒫᕐᐹ ᐊᖑᑦ ᑍᓐᓇ ᑐᖁᑦᓯᔪᖅ ᑖᑦᓱᒥᖓ ᐱᓕᔅᑍᓂᒥᐅᒥᒃ, ᐃᓴᕆᐊᓕᒥᐅᓪᓗ ᑲᓐᖑᓇᕐᑐᒦᑎᐅᓂᖓᓂᒃ ᐲᕐᓯᔪᖅ? ᑖᓐᓇ ᖃᓄᐃᑦᑑᕙ ᑭᐱᔭᐅᓯᒪᖏᑦᑐᖅ ᐱᓕᔅᑏᓂᒥᐅᑖᖅ, ᒥᑕᐅᑎᖃᕐᑐᖅ ᒎᑎᐅᑉ ᐆᒪᔫᑉ ᐅᓇᑕᕐᑐᒃᓴᖁᑎᖏᓐᓂᒃ?”

ᓴᒧᐃᓕ ᓯᕗᓪᓖᑦ 17:26 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 19:4

ᐃᒻᒪᖄ ᐊᑕᓂᐅᑉ ᒎᑎᑦᓯ ᑐᓵᓚᐅᕐᐹ ᕌᑉᓴᑭᐅᑉ ᐅᖃᐅᓯᖏᑦ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᐅᖃᐅᓯᐅᖁᓚᐅᕐᑕᖏᑦ ᒎᑎᒥᒃ ᐆᒪᔪᒥᒃ ᒥᑕᐅᑎᖃᕐᑐᓂᒃ, ᐊᑕᓂᐅᑉ ᒎᑎᕕᑦ ᑕᒪᒃᑯᐊ ᐅᖃᐅᓯᐅᔪᑦ ᐅᕙᑦᑎᓐᓄᑦ ᒥᑕᐅᑎᖃᕐᓗᑎᒃ ᓱᒋᐊᕐᓕᒋᑦ ᑍᒤᑦᑐᓂᒃ ᐅᖃᓪᓚᒃᑐᕕᓃᒃ, ᑍᒤᒻᒪᑦ ᐃᓄᖁᑎᑦᑕ ᐊᒥᐊᒃᑯᖏᑦ ᒎᑎᒧᑦ ᑐᒃᓯᐅᑎᒃᑭᑦ.”

ᑯᕉᓂᑲ ᐂᑉᐸᖏᑦ 32:17

ᐊᖓᔪᖅᑳᕐᔪᐊᕐᓗ ᑎᑎᕋᓚᐅᕐᐳᖅ ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ ᒥᑕᐅᑎᒋᓪᓗᒍ, ᐅᖃᕐᓂᕐᓘᑎᒋᕚᓗ, ᐅᖃᕐᓗᓂ, “ᐃᓅᖃᑎᒌᒡᔪᐊᑦ ᒎᑎᒥᖕᓄᑦ ᐃᓄᖏᑦ ᓴᐳᑎᔭᐅᓚᐅᖏᒻᒪᑕ ᐱᔪᓐᓇᕐᓂᓐᓂᑦ, ᑍᒫᒃᑕᐅᖅ ᕼᐃᓯᑬᐊᐅᑉ ᒎᑎᖓᑕ ᐃᓄᖁᑎᓂ ᓴᐳᑎᔪᓐᓇᕐᓂᐊᓐᖏᓔᑦ ᐱᔪᓐᓇᕐᓂᓐᓂᑦ.”

ᓂᕼᐃᒤᐊᐅᑉ ᐊᒡᓚᖏᑦ 5:9

ᑕᕝᕙ ᐅᖃᒃᑲᓐᓂᓕᕐᐳᖓ, “ᐱᓂᐊᕐᓂᕆᔭᑦᓯ ᐱᐅᓐᖏᓚᖅ! ᒎᑎᒥᒃ ᐃᒃᐱᒍᓱᑦᓯᐊᕆᐊᖃᕐᐳᓯ ᐱᐅᔪᒥᒡᓗ ᐱᓇᓱᐊᕐᓗᓯ, ᐊᑭᕋᕐᑐᕐᑎᕗᓪᓗ ᔫᑎᐅᖏᑦᑐᑦ ᐃᓅᖃᑎᒌᒡᔪᐊᑦ ᐱᑦᔪᑎᒃᓴᕐᑖᕐᑎᑕᒃᓴᕆᓐᖏᓚᕗᑦ ᐊᑭᕋᕐᑐᕈᑎᒃᓴᒥᒃ.

ᐃᓐᖏᕈᑎᑦ 44:13

ᐃᓅᖃᑎᑦᑎᓐᓄᑦ ᓇᕐᕈᓇᕐᑎᓚᐅᕐᐸᑦᑎᒍᑦ, ᒥᑕᐅᑎᒃᓴᓐᖑᕐᓗᑕᓗ ᐊᓖᒃᑯᑎᒃᓴᓐᖑᕐᓗᑕᓗ ᐃᓄᖕᓄᑦ ᐊᕙᑎᑦᑎᓐᓃᑦᑐᓄᑦ.

ᐃᓐᖏᕈᑎᑦ 74:18

ᐅᓇ ᐃᖅᑲᐅᒪᒍᒃ, ᐊᑕᓃᖅ, ᐊᑭᕋᕐᑐᕐᑏᑦ ᐃᓕᖕᓂᒃ ᒥᑕᐅᑎᖃᕐᒪᑕ, ᐃᓄᐃᓪᓗ ᓯᓔᑦᑐᑦ ᐊᑎᕐᓂᒃ ᐅᖃᕐᓂᕐᓘᑎᖃᕐᐳᑦ.

ᐃᓐᖏᕈᑎᑦ 79:12

ᐃᓅᖃᑎᕗᑦ ᐊᑭᓂᐊᕐᕕᒋᒃᑭᑦ 7ᐃᕐᑐᓪᓗᐊᕐᑐᒥᒃ ᐅᑎᕐᑎᑦᓯᕕᒋᓗᒋᑦ, ᐃᓕᖕᓂᒃ ᐊᑕᓃᖅ ᒥᑕᐅᑎᒃᓴᕐᓂᕆᓚᐅᕐᑕᖏᓐᓄᑦ ᒥᑕᐅᑎᒋᓗᒋᑦ!

ᐂᓮᐊᓯᐅᑉ ᐊᒡᓚᖏᑦ 37:23

ᑭᓇᒥᒃ ᒥᑕᐅᑎᖃᓚᐅᕐᐲᑦ ᐅᖃᕐᓂᕐᓘᑎᖃᕐᓗᑎᓪᓗ? ᑭᓇᒧᑦ ᓂᐱᖅᑯᕐᑐᓪᓗᑎᑦ ᓂᓪᓕᐊᓚᐅᕐᐱᑦ ᐃᔩᒃᑭᒡᓗ ᖁᒻᒧᑦ ᕿᕕᐊᖓᓪᓗᒋᒃ ᐱᐅᔪᕆᓂᕐᒧᑦ? ᐊᑭᕋᕐᑐᕐᓗᑎᑦ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᓐᓂᒃ!

ᔨᕆᒤᐊᐅᑉ ᐊᒡᓚᖏᑦ 10:10

ᐊᑕᓂᕐᓕ ᒎᑎᐅᓪᓗᓂ ᓱᓕᔪᑑᕗᖅ; ᒎᑎᐅᓪᓗᓂ ᐆᒪᕗᖅ, ᐃᓱᖃᖏᑦᑐᒧᑦ ᐊᖓᔪᖅᑳᕐᔪᐊᖅ. ᓂᓐᖓᒃᐸᑦ ᓄᓇ ᓴᔪᒃᐱᓗᒃᐳᖅ, ᓂᓐᖓᒡᓗᓂ ᐱᓇᓱᐊᓕᕐᐸᑦ ᐃᓅᖃᑎᒌᒡᔪᐊᓄᑦ ᓵᓚᒋᔭᐅᔪᓐᓇᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 9:25

“ᑕᑯᒋᑦ, ᐅᓪᓗᐃᑦ ᑎᑭᓕᕐᐳᑦ,” ᐊᑕᓂᖅ ᐅᖃᕐᐳᖅ, “ᓱᒋᐊᕈᒫᕋᒃᑭᑦ ᑭᐱᔭᐅᓯᒪᔪᑦ ᑭᓯᐊᓂ ᑭᐱᔭᐅᓯᒪᓇᑎᒃ.

ᔨᕆᒤᐊᐅᑉ ᐊᒡᓚᖏᑦ 9:26

ᐄᑦᔨᑉᑎᒥᐅᑦ, ᔫᑕᒥᐅᑦ, ᐄᑐᒥᒥᐅᑦ, ᐋᒪᓐᒥᐅᑦ, ᒧᐊᐱᒥᐅᓪᓗ, ᐅᖓᓯᒃᑐᒥᐅᓪᓗ ᓯᐅᕅᓐᓇᕐᒥ ᓄᓇᖃᕐᑐᑦ ᐃᓅᖃᑎᒌᒡᔪᐊᑦ ᑭᐱᔭᐅᓯᒪᖏᑦᑐᐃᓐᓇᐅᖕᒪᑕ, ᐊᒡᓛᑦ ᐃᓴᕆᐊᓕᒥᐅᓕᒫᑦ ᑭᐱᔭᐅᓯᒪᓐᖏᓚᑦ ᐆᒻᒪᑎᒥᒃᑎᒍᑦ.”

ᐃᓯᑭᐊᓕᐅᑉ ᐊᒡᓚᖏᑦ 28:10

ᑐᖁᑕᐅᔪᒫᕐᐳᑎᑦ ᑭᐱᔭᐅᓯᒪᖏᑦᑐᓄᑦ ᐃᓅᖃᑎᒃᓴᔭᕆᓐᖏᑕᕐᓄᑦ; ᐅᕙᖓ ᐅᖃᕋᒪ, ᐊᑕᓂᖅ ᒎᑎ ᐅᖃᕐᐳᖅ.”

ᑖᓂᐊᓕᐅᑉ ᐊᒡᓚᖏᑦ 5:23

ᐃᓕᖕᓂᒃ ᐊᖏᔪᕈᕐᑎᓯᒪᒐᕕᑦ ᐊᑭᕋᕐᑐᓕᕐᓗᑎᓪᓗ ᕿᓚᖕᒥᐅᑦ ᐊᑕᓂᖓᓄᑦ; ᐃᒡᓗᖓᑕ ᐱᖁᑎᖏᓐᓂᒃ ᐃᒥᐅᑎᓂᒃ ᐃᓕᖕᓄᑦ ᕾᑕᐅᖁᔨᓚᐅᕋᕕᑦ, ᐊᖓᔪᖅᑳᖁᑎᑎᑦ ᓄᓕᐊᑎᓪᓗ ᐊᕐᓇᖁᑎᑎᓪᓗ ᐃᒥᖃᑎᒋᓪᓗᒋᑦ ᕔᓂᒥᒃ ᑖᒃᑯᐊ ᐊᑐᕐᓗᒋᑦ; ᓂᕐᑐᐃᓚᐅᕋᕕᓪᓗ ᒎᑎᖕᓂᒃ ᒎᓘᓂᒃ ᓯᐅᓪᕕᕆᓂᒡᓗ, ᑲᓐᓄᔭᓂᒡᓗ, ᓴᕕᕋᔭᖕᓂᒡᓗ, ᕿᔪᖕᓂᒡᓗ, ᐅᔭᕋᖕᓂᒡᓗ, ᑕᑯᔪᓐᓇᖏᑦᑐᓂᒃ ᑐᓵᔪᓐᓇᖏᑦᑐᓂᒡᓗ ᑐᑭᓯᐊᖏᑦᑐᓂᒃ, ᐅᐱᒋᓚᐅᖏᓐᓇᕕᐅᒃ ᒎᑎ ᐃᕝᕕᑦ ᐃᓅᓯᖓᓂᒃ ᑎᒍᒥᐊᕐᑐᖅ ᖃᓄᐃᓕᐅᕐᓂᓕᒫᓂᒃ.

ᑖᓂᐊᓕᐅᑉ ᐊᒡᓚᖏᑦ 6:27

ᑖᓐᓇ ᐊᓐᓇᒃᑎᑦᓯᕙᒃᑐᖅ ᓴᐳᑦᔨᕙᒡᓗᓂᓗ; ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ ᐱᓂᐊᕐᓂᖃᕐᐳᖅ ᕿᓚᖕᒥ ᓄᓇᒥᓗ. ᑖᓂᐊᓕ ᓴᐳᑎᓚᐅᕐᐹ ᓔᔧᑦ ᐱᔪᓐᓇᕐᓂᖏᓐᓂᑦ.”

ᑖᓂᐊᓕᐅᑉ ᐊᒡᓚᖏᑦ 9:16

ᐊᑕᓃᖅ ᐱᓂᐊᕐᓂᑎᑦ ᐃᓱᐊᕐᑐᑦ ᑲᔪᓯᑎᓪᓗᒋᑦ, ᓂᓐᖓᐅᒪᓃᑦ ᔨᕉᓴᓕᒥᑦ ᓴᖑᑎᓚᐅᕈᒃ ᓂᓐᖓᐅᒪᕕᒃᔪᐊᕐᓃᑦ ᐃᒡᓗᒐᓴᒡᔪᐊᖁᑎᖕᓂᑦ, ᖃᖅᑲᒥᑦ ᐃᑦᔪᕐᓁᑦᑐᒥᑦ ᐊᔪᕐᑐᓕᓂᑦᑕ ᓯᕗᓕᑦᑕᓗ ᐱᐅᖏᑦᑐᓕᓂᖏᑕ, ᔨᕉᓴᓕᒻ ᐃᓄᖁᑎᑎᓪᓗ ᒥᑕᐅᑎᒋᔭᒃᓴᓐᖑᕐᑎᓯᒪᖕᒪᒋᑦ ᐃᓄᖕᓄᑦ ᐊᕙᑎᑦᑎᓐᓂ ᓄᓇᖃᕐᑐᓄᑦ.

ᔪᐃᓕᐅᑉ ᐊᒡᓚᖏᑦ 2:19

ᐊᑕᓂᐅᓪᓗ ᐃᓄᖁᑎᓂ ᑭᐅᔪᒫᕐᐰᑦ ᐅᖃᐅᑎᓗᒋᓪᓗ, “ᑕᑯᒋᑦ, ᑐᓂᓯᕕᒋᓂᐊᕐᐸᑦᓯ ᓂᐊᖂᔭᒃᓴᒥᒃ ᕔᓂᒥᒡᓗ ᓄᑖᒥᒃ ᐸᐅᕐᖎᓪᓗ ᐅᕐᓱᖏᓐᓂᒃ, ᓈᒻᒪᒃᓯᓂᐊᕐᐳᓯ ᐃᓅᖃᑎᒌᒡᔪᐊᓄᓪᓗ ᓇᕐᕈᒋᔭᐅᓂᐊᕈᓐᓁᕐᐳᓯ.

ᒨᓯᓯ ᑕᓪᓕᒪᖏᑦ 5:26

ᐃᓄᖕᒥᒃ ᐆᒪᔪᖃᓚᐅᕐᓯᒪᕚ? ᒎᑎᐅᑉ ᐆᒪᔫᑉ ᓂᐱᖓᓂᒃ ᑐᓵᓯᒪᔪᒥᒃ ᐅᖄᑎᓪᓗᒍ ᐃᑯᒪᒥᑦ? ᐅᕙᑦᑎᑐᑦ, ᑐᓵᓯᒪᒐᑦᑕ ᓂᐱᖓᓂᒃ ᐆᒪᓪᓗᑕ?

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:9

ᐃᓄᓕᒫᑦ ᐃᓕᑦᓯᓐᓂᒃ ᐅᓐᓂᕐᓯᐅᑎᖃᕐᒪᑕ ᐅᕙᑦᑎᓐᓂᒃ ᑐᓐᖓᓱᒃᑎᑦᓯᓂᕆᓚᐅᕐᑕᑦᓯᓐᓂᒃ ᑎᑭᑎᓪᓗᑕ, ᖃᓄᕐᓗ ᒎᑎᓐᖑᐊᖃᕐᓂᒥᒃ ᕿᒤᓪᓗᓯ ᒎᑎᒧᑦ ᓵᒋᐊᓚᐅᕐᓂᑦᓯᓐᓂᒃ, ᒎᑎ ᓱᓕᔪᑐᐊᖅ ᐱᔨᑦᓯᓕᕐᓗᒍ.

ᔮᓱᐊᑉ ᐊᒡᓚᖏᑦ 3:10

ᔮᓱᐊᓗ ᐅᖃᕐᐳᖅ, “ᖃᐅᔨᒪᓂᐊᕐᐳᓯ ᒎᑎᐅᑉ ᐆᒪᔪᑉ ᐃᓚᒋᖕᒪᓯ, ᑖᑦᓱᒪ ᑲᔪᓯᑦᓯᐊᕐᓗᓂ ᐱᕙᓪᓕᐊᑎᓐᓂᐊᕐᐹᓯ ᓯᖏᑦᓯᖁᓪᓗᓯ ᑬᓇᓂᒥᐅᓂᒃ, ᕼᐃᑍᑎᒥᐅᓂᒃ, ᕼᐃᕔᑎᑎᒥᐅᓂᒃ, ᐱᕆᔧᑎᒥᐅᓂᒃ, ᒋᕐᒐᓮᑎᒥᐅᓂᒃ, ᐊᒧᕅᑎᒥᐅᓂᒃ, ᔨᐳᓮᑎᒥᐅᓂᒡᓗ,

ᔪᐊᓇᓯ ᓯᕗᓪᓖᑦ 5:20

ᖃᐅᔨᒪᕗᒍᓪᓗ ᒎᑎᐅᑉ ᐃᕐᓂᖓ ᑎᑭᓯᒪᖕᒪᑦ ᑖᑦᓱᒪᓗ ᑐᑭᓯᐊᓕᕐᑎᑉᐹᑎᒍᑦ, ᖃᐅᔨᖁᓪᓗᑕ ᑭᓇ ᓱᓕᖕᒪᖔᑦ; ᑖᑦᓱᒪᓃᑉᐳᒍᓪᓗ ᓱᓕᔪᒥ, ᐃᕐᓂᖓᓂ ᔩᓱᓯ ᙭ᔅᑑᓯᒥ. ᑖᓐᓇ ᒎᑎ ᓱᓕᔫᕗᖅ ᐃᓅᓯᐅᓪᓗᓂᓗ ᓄᖑᓱᐃᑦᑐᖅ.

ᓴᒧᐃᓕ ᓯᕗᓪᓖᑦ 11:2

ᓇᕼᐊᓴᐅᓪᓕ ᐊᒧᓁᑎᒥᐅᑉ ᑭᐅᕔᑦ, “ᐊᖏᖃᑎᒋᓂᐊᕐᐸᑦᓯ ᐊᑕᐅᓯᕐᒥᒃ ᐱᑦᔪᑎᖃᕐᑐᒥᒃ: ᐃᔨᓕᒫᓯ ᑕᓕᕐᐱᓯ ᐃᑎᕐᓴᓕᐅᕈᒻᒧᑦ ᑲᐅᓗᒋᑦ ᐊᒨᕋᕐᓂᐊᕐᐸᒃᑲ, ᑕᒪᑐᒧᖓ ᐃᓴᕆᐊᓕᒥᐅᓕᒫᑦ ᑲᓐᖑᓇᕐᑐᒦᑎᑕᐅᖁᓪᓗᒋᑦ.”

ᓴᒧᐃᓕ ᓯᕗᓪᓖᑦ 14:6

ᔫᓇᑕᓂ ᐅᖃᕐᐳᖅ ᐃᓅᓱᒃᑐᒧᑦ ᐅᓇᑕᐅᑎᒥᓂᒃ ᐊᒡᔭᕐᓯᔨᒥᓄᑦ, “ᐃᑳᓚᐅᕐᓗᒃ ᐱᓕᔅᑏᓂᒥᐅᑦ ᑭᐱᔭᐅᓯᒪᖏᑦᑐᑦ ᑕᖕᒫᕐᓯᒪᕕᖓᓄᑦ; ᐃᒻᒪᖄ ᐊᑕᓂᐅᑉ ᐱᓇᓱᐊᕈᑎᓂᐊᕐᐹᑎᒃᑯᒃ; ᐊᑕᓂᖅ ᐊᒡᕕᐊᕐᑕᐅᔪᓐᓇᖏᒻᒪᑦ ᓵᓚᖃᕐᑎᑦᓯᖁᓪᓗᒍ ᐅᓄᕋᓗᐊᕈᑦᑕ ᐅᓄᖏᒃᑲᓗᐊᕈᑦᑕᓘᓐᓃᑦ.”

ᓴᒧᐃᓕ ᓯᕗᓪᓖᑦ 17:10

ᐱᓕᔅᑍᓂᒥᐅᕐᓗ ᐅᖃᕐᐳᖅ, “ᐃᓴᕆᐊᓕᒥᐅᑉ ᐅᓇᑕᕐᑎᖏᑦ ᐅᓪᓗᒥ ᐆᒃᑐᕋᓪᓚᕆᖁᕙᒃᑲ; ᐊᖑᒻᒥᒃ ᕾᑎᑦᓯᓚᐅᕆᑦᓯ ᐅᓇᑕᖃᑎᒋᓂᐊᕐᑕᓐᓂᒃ.”

ᓴᒧᐃᓕ ᓯᕗᓪᓖᑦ 17:30

ᑖᑦᓱᒪᓐᖓᑦ ᑐᓄᓪᓗᓂ ᐊᓯᐊᓄᑦ ᓵᓪᓗᓂ ᐅᖃᕐᐳᖅ ᑍᒫᑦᓮᓐᓇᖅ; ᐃᓄᐃᓪᓗ ᑭᐅᕗᑦ ᑍᒫᑦᓮᓐᓇᖅ ᓯᕗᓪᓖᑦ ᑭᒡᒍᓯᖓᑐᑦ.

ᓴᒧᐃᓕ ᓯᕗᓪᓖᑦ 17:36

ᐱᔩᑦ ᑐᖁᑦᑎᓯᒪᕗᖅ ᓛᔭᓂᒃ ᓇᓄᕐᓂᒡᓗ; ᑖᓐᓇᓗ ᑭᐱᔭᐅᓯᒪᖏᑦᑐᖅ ᐱᓕᔅᑍᓂᒥᐅᑕᖅ ᑖᒃᑯᑎᑐᓇᖅ ᐊᑦᔨᑐᐃᓐᓇᐅᓂᐊᕐᐳᖅ, ᒥᑕᐅᑎᖃᕐᒪᑦ ᒎᑎᐅᑉ ᐆᒪᔫᑉ ᐅᓇᑕᕐᑐᒃᓴᖁᑎᖏᓐᓂᒃ.”

ᓴᒧᐃᓕ ᓯᕗᓪᓖᑦ 31:4

ᐅᕕᒃᑲᒧᑦ ᐅᖃᕐᐳᖅ ᓱᒋᐅᑎᖏᓐᓂᒃ ᐊᒃᔭᕐᓯᔨᒧᑦ, “ᓴᕕᒡᔪᐊᑦ ᑎᒍᓗᒍ ᑐᖁᓚᐅᓐᖓ, ᒎᑎᖃᖏᑦᑐᑦ ᐱᓕᔅᑍᓂᒥᐅᑦ ᑐᖁᑦᓯᖁᓇᒋᑦ ᐅᕙᓐᓂᒃ ᐱᔪᕆᑦᔪᑕᐅᖁᓇᖓᓗ.” ᐅᕕᒃᑲᕐᓕ ᑍᒤᓕᐅᕈᒪᓚᐅᓐᖏᓚᖅ ᑲᑉᐱᐊᓱᓗᐊᓚᐅᕋᒥ. ᑍᒤᒻᒪᑦ ᓴᐅᓕᐅᑉ ᓴᕕᒡᔪᐊᓂ ᓇᑉᐸᕐᓗᓂᐅᒃ ᒪᓂᖅᑲᒧᑦ ᐃᒻᒥᓂᒃ ᐅᕐᕈᕕᒋᕚ ᑲᐱᓪᓗᓂ.