ᓴᒧᐃᓕ ᓯᕗᓪᓖᑦ 14:37 - ᐊᒡᓔᑦ ᐃᑦᔪᕐᖕᓁᑦᑐᑦ

³⁷ ᑍᒤᒻᒪᑦ ᓴᐅᓕ ᐊᐱᕐᓱᕐᐳᖅ ᒎᑎᒧᑦ, “ᐅᓇᑕᕆᐊᕐᑐᒃᓴᐅᕗᖔ ᐱᓕᔅᑍᓂᒥᐅᓂᒃ? ᓵᓚᖃᕐᑎᓐᓂᐊᕐᐱᑎᒎᑦ ᑐᓂᓗᒋᑦ ᐃᓴᕆᐊᓕᒥᐅᑦ ᐱᔪᓐᓇᕐᓂᖏᓐᓅᑦ?” ᐊᑕᓂᕐᓕ ᑭᐅᓚᐅᓐᖏᓚᖅ ᐅᓪᓗᒥ ᑍᑦᓱᒪᓂ.

ᓴᒧᐃᓕ ᓯᕗᓪᓖᑦ 14:37 ပူးပေါင်းရင်းမြစ်များ

ᓴᒧᐃᓕ ᓯᕗᓪᓖᑦ 28:6

ᑍᒤᒻᒪᑦ ᓴᐅᓕ ᐊᑕᓂᕐᒥᒃ ᐊᐱᕆᓚᐅᕐᐳᖅ ᓱᔪᒃᓴᐅᖕᒪᖔᕐᒥ, ᐊᑕᓂᐅᓪᓕ ᑭᐅᓚᐅᓐᖏᓛ, ᓯᓐᓇᒃᑐᕐᓂᒃᑯᑦ, ᓇᓚᐅᑦᓵᕈᑎᒃᑯᓪᓘᓐᓃᑦ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑎᒍᓪᓘᓐᓃᑦ.

ᐊᑕᓃᑦ ᓯᕗᓪᓖᑦ 22:15

ᐊᖓᔪᖅᑳᕐᔪᐊᒧᑦ ᑎᑭᒻᒪᑦ, ᐊᖓᔪᖅᑳᕐᔪᐊᑉ ᐅᖃᐅᑎᕚ, “ᒤᑬᐊ, ᐅᓇᑕᕆᐊᕐᑐᒃᓴᐅᕕᑖ ᕌᒪᑦ-ᒋᓖᑦᒧᑦ, ᐅᕝᕙᓘᓐᓃᑦ ᐅᓇᑕᕆᐊᕆᐊᖃᓐᖏᓚᒍᑦ?” ᑭᐅᕗᖅ, “ᐅᓇᑕᕆᐊᓕᕆᑦ ᓵᓚᖃᕆᐊᕐᑐᕐᓗᑎᑦ; ᐊᑕᓂᐅᑉ ᑐᓂᔪᒫᕐᐹ ᐊᖓᔪᖅᑳᕐᔪᐊᕐᒧᑦ.”

ᐊᑕᓃᑦ ᓯᕗᓪᓖᑦ 22:5

ᔨᕼᐆᓴᐸᑦᓗ ᐅᖃᕆᐊᓪᓚᒃᐳᖅ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓄᑦ, “ᐊᑕᓂᖅ ᖃᓄᖅ ᐅᖃᐅᓯᒃᓴᖃᕐᒪᖔᑦ ᖃᐅᔨᒋᐊᖅᑳᓚᐅᕐᓗᒃ.”

ᓴᒧᐃᓕ ᐂᑉᐸᖏᑦ 5:23

ᑕᕝᕙ ᑍᕕᑎᐅᑉ ᐊᑕᓂᖅ ᐊᐱᕆᕚ, ᑭᐅᕚᓗ, “ᐅᓇᑕᕆᐊᕐᑍᓕᒃᑭᑦ ᑕᒫᓐᖓᑦ; ᑐᓄᐊᓂᓪᓕ ᐅᐸᓕᒃᑭᑦ, ᐅᓇᑕᕆᐊᕐᓗᓯᐅᒃ ᓇᐹᕐᑐᐃᑦ ᐸᐅᕐᖓᓖᑦ ᖃᓂᒋᔮᓂᑦ.

ᓴᒧᐃᓕ ᐂᑉᐸᖏᑦ 5:19

ᑍᕕᑎᓗ ᐊᑕᓂᕐᒥᒃ ᐊᐱᕐᓱᓚᐅᕐᐳᖅ, “ᐅᓇᑕᕆᐊᕈᓐᓇᕐᐳᖔ ᐱᓕᔅᑍᓂᒥᐅᓂᒃ? ᑖᒃᑯᓂᖓ ᓵᓚᖃᕐᑎᓐᓂᐊᕐᐱᖔ?” ᐊᑕᓂᖅ ᑭᐅᕗᖅ, “ᐊᑏ ᐅᓇᑕᕆᐊᓕᕆᑦ; ᓵᓚᖃᕐᑎᓐᓂᐊᕐᐸᒋᑦ ᐱᓕᔅᑍᓂᒥᐅᓂᒃ.”

ᓴᒧᐃᓕ ᓯᕗᓪᓖᑦ 23:4

ᑕᕝᕙ ᑍᕕᑎᐅᑉ ᐊᑕᓂᖅ ᐊᐱᕆᒃᑲᓐᓂᕐᐹ. ᐊᑕᓂᐅᓪᓗ ᐅᖃᐅᑎᕙ, “ᒪᑭᓪᓗᑎᑦ ᑮᓚᒧᐊᓕᕆᑦ; ᐱᓕᔅᑍᓂᒥᐅᑦ ᐃᓕᖕᓄᑦ ᑐᓂᓂᐊᕐᐸᒃᑲ.”

ᐃᓯᑭᐊᓕᐅᑉ ᐊᒡᓚᖏᑦ 20:3

“ᐃᓅᑉ ᐃᕐᓂᖓ, ᐃᓴᕆᐊᓕᒥᐅᑦ ᐊᖓᔪᖅᑳᖏᑦ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ, ᐅᕙᓐᓄᑦ ᕾᕕᓰ ᐊᐱᕐᓱᕆᐊᕐᑐᕐᓗᓯ? ᐆᒪᓪᓗᖓ ᒎᑎᐅᒐᒪ, ᐊᑕᓂᖅ ᒎᑎ ᐅᖃᕐᐳᖅ, ᐊᐱᕐᓱᕐᑕᐅᔪᒪᖏᑦᑐᖓ ᐃᓕᑦᓯᓐᓄᑦ.

ᓴᒧᐃᓕ ᓯᕗᓪᓖᑦ 10:22

ᑍᒤᒻᒪᑦ ᐊᑕᓂᕐᒥᒃ ᖃᐅᔨᒋᐊᓕᕆᕗᑦ, “ᑖᓐᓇ ᐊᖑᑦ ᑕᒫᓃᑉᐹ?” ᐊᑕᓂᖅ ᑭᐅᕗᖅ, “ᑕᑯᒋᑦ, ᐱᖁᑏᑦ ᐊᑯᕐᖓᓐᓂ ᐃᔨᕐᓯᒪᕗᖅ.”

ᐃᓗᐊᕐᓮᔩᑦ ᐊᒡᓚᖏᑦ 20:28

ᐱᓂᕼᐋᓯᓗ, ᐃᓕᓯᕆᐅᑉ ᐃᕐᓂᖓ ᐂᕉᓂᐅᑉ ᐃᕐᖑᑕᖓ, ᑲᒪᔨᐅᓚᐅᕐᐳᖅ ᐅᓪᓗᓂ ᑍᒃᑯᓇᓂ), ᐅᖃᕐᓗᓂ, “ᐅᓇᑕᕆᐊᒃᑲᓐᓂᕆᐊᖃᕐᐱᑖ ᖃᑕᓐᖑᑎᑦᑎᓐᓂᒃ ᐱᓐᔭᒥᓂᐅᑉ ᑭᖑᕚᖏᓐᓂᒃ, ᐅᕝᕙᓘᓐᓃᑦ ᓄᖅᑲᕆᐊᖃᓕᕐᐱᑖ?” ᐊᑕᓂᐅᑉ ᑭᐅᕔᑦ, “ᐅᓇᑕᕆᐊᓕᕆᑦᓯ, ᖃᐅᒃᐸᑦ ᓵᓚᖃᕐᑎᓐᓂᐊᕐᐸᑦᓯ.”

ᐃᓗᐊᕐᓮᔩᑦ ᐊᒡᓚᖏᑦ 20:18

ᐃᓴᕆᐊᓕᒥᐅᑦ ᑐᒃᓯᐊᕆᐊᕐᑐᓚᐅᕐᐳᑦ ᐱᑎᓕᒧᑦ, ᑍᑲᓂᓗ ᒎᑎ ᐊᐱᕐᓱᕐᐹᑦ, “ᓇᓪᓕᕗᑦ ᑭᖑᕚᖑᖃᑎᒌᓂᑦ ᓯᕗᓪᓕᕐᐸᐅᓗᑎᒃ ᐅᓇᑕᕆᐊᕐᑐᒃᓴᐅᕚᑦ ᐱᓐᔭᒥᓂᐅᑉ ᑭᖑᕚᖏᓐᓂᒃ?” ᐊᑕᓂᐅᑉ ᑭᐅᕔᑦ, “ᔫᑕᐅᑉ ᑭᖑᕚᖏᑦ.”

ᐃᓗᐊᕐᓮᔩᑦ ᐊᒡᓚᖏᑦ 1:1

ᔮᓱᐊᑉ ᑐᖁᓂᖓᑕ ᑭᖑᓂᐊᒍᑦ ᐃᓴᕆᐊᓕᒥᐅᑦ ᐃᓄᖏᑦ ᐊᐱᕆᓕᕐᐳᑦ ᐊᑕᓂᕐᒧᑦ, “ᐃᓴᕆᐊᓕᐅᑉ ᑭᖑᕚᕇᖏᓐᓂᑦ ᓇᓪᓕᐊᑦ ᓯᕗᓪᓕᕐᐸᐅᓗᑎᒃ ᐅᓇᑕᕆᐊᕐᑐᒃᓴᐅᕚᑦ ᑬᓇᓂᒥᐅᓂᒃ, ᐅᕙᑦᑎᓐᓂᒃ ᐱᑦᔪᑦᔨᓗᑎᒃ?”

ᓴᒧᐃᓕ ᓯᕗᓪᓖᑦ 23:2

ᑍᒤᒻᒪᑦ ᑍᕕᑎ ᐊᑕᓂᕐᒧᑦ ᐊᐱᕆᕗᖅ, “ᐅᓇᑕᕆᐊᕐᑐᒃᓴᐅᕗᖔ ᐱᓕᔅᑍᓂᒥᐅᓂᒃ?” ᐊᑕᓂᐅᑉ ᑭᐅᕚ, “ᐊᑏ, ᐅᓇᑕᕆᐊᓕᕆᑦ ᐱᓕᔅᑍᓂᒥᐅᓂᒃ, ᑮᓚᒥᐅᓪᓗ ᐱᐅᓕᓗᒋᑦ.”