ᓴᒧᐃᓕ ᓯᕗᓪᓖᑦ 14:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᓴᐅᓕᓗ ᐅᖃᕐᐳᖅ ᑐᓂᕐᕈᓯᕐᑎᑦᓯᔨᒧᑦ ᐊᕼᐂᔭᒧᑦ, “ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓ ᕾᓚᐅᕐᓕ.” ᑍᑦᓱᒪᓂ ᐃᓴᕆᐊᓕᒥᐅᑦ ᐃᓄᖏᓐᓂᑦ ᓇᔪᕐᑎᒋᔭᐅᓚᐅᕐᒪᑦ ᒎᑎᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓ.

ᓴᒧᐃᓕ ᓯᕗᓪᓖᑦ 14:18 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 11:11

ᔪᕅᐊ ᑍᕕᑎᒧᑦ ᑭᐅᕗᖅ, “ᐃᓴᕆᐊᓕᒥᐅᑦ ᔫᑕᒥᐅᓪᓗ ᐅᓇᑕᕆᐊᕐᓯᒪᖕᒪᑕ, ᐊᑕᓂᐅᓪᓗ ᐃᒃᓯᕐᕕᖁᑎᖓ ᑍᑲᓃᒻᒪᑦ; ᐊᖓᔪᖅᑳᕋᓗ ᔪᐊᐱ ᐅᓇᑕᕐᑐᒃᓴᖁᑎᖏᓪᓗ ᑕᖕᒫᕐᓯᒪᓪᓗᑎᒃ ᑕᒫᓂᑐᐃᓐᓇᖅ; ᓱᖕᒪᓪᓕ ᐊᖏᕐᕋᕆᐊᖃᕐᐳᖓ, ᓂᕆᓗᖓᓗ ᐃᒥᕐᓗᖓᓗ, ᓄᓕᐊᕋᓗ ᓯᓂᖃᑎᒋᓗᒍ? ᑕᒪᓐᓇ ᐃᑦᔪᕐᓁᑦᑑᖕᒪᑦ, ᑍᒤᓕᐅᕐᓂᐊᖏᒻᒪᕆᒃᐳᖓ!”

ᒨᓯᓯ ᓯᑕᒪᖏᑦ 27:21

ᑐᓂᕐᕈᓯᕐᑎᑦᓯᔨᐅᑉ ᐃᓕᓯᕆᐅᑉ ᓵᖓᓂ ᓇᖏᕐᓗᓂ, ᐃᓕᓯᕆ ᐊᑕᓂᕐᒥᒃ ᐊᐱᕐᓱᕐᓂᐊᕐᒪᑦ ᐃᓱᒻᒥᕐᑐᐃᓂᕐᒧᑦ ᐊᑐᕐᑕᐅᕙᒃᑐᖅ ᔫᕆᒻ ᐊᑐᕐᓗᒍ; ᐅᖃᕌᖓᑦ ᐊᐅᓪᓚᖃᑦᑕᕐᓂᐊᕐᒪᑕ, ᐅᖃᕌᖓᓪᓗ ᑎᑭᖃᑦᑕᕐᓂᐊᕐᒪᑕ, ᐃᓴᕆᐊᓕᒥᐅᓕᒫᓂᒃ ᐃᓚᖃᕐᓗᓂ ᐃᓄᒋᐊᒃᑐᕐᔪᐊᓂᒃ.”

ᐃᓗᐊᕐᓮᔩᑦ ᐊᒡᓚᖏᑦ 20:18

ᐃᓴᕆᐊᓕᒥᐅᑦ ᑐᒃᓯᐊᕆᐊᕐᑐᓚᐅᕐᐳᑦ ᐱᑎᓕᒧᑦ, ᑍᑲᓂᓗ ᒎᑎ ᐊᐱᕐᓱᕐᐹᑦ, “ᓇᓪᓕᕗᑦ ᑭᖑᕚᖑᖃᑎᒌᓂᑦ ᓯᕗᓪᓕᕐᐸᐅᓗᑎᒃ ᐅᓇᑕᕆᐊᕐᑐᒃᓴᐅᕚᑦ ᐱᓐᔭᒥᓂᐅᑉ ᑭᖑᕚᖏᓐᓂᒃ?” ᐊᑕᓂᐅᑉ ᑭᐅᕔᑦ, “ᔫᑕᐅᑉ ᑭᖑᕚᖏᑦ.”

ᐃᓗᐊᕐᓮᔩᑦ ᐊᒡᓚᖏᑦ 20:23

ᐃᓄᒋᐊᒃᑐᕐᔪᐊᓪᓗ ᐃᓴᕆᐊᓕᒥᐅᑦ ᐂᓚᐅᕐᐳᑦ ᐊᑕᓂᐅᑉ ᓵᖓᓄᑦ ᕿᐊᓪᓗᑎᒡᓗ ᐅᓐᓄᒧᑦ ᑎᑭᓪᓗᒍ; ᐊᑕᓂᕐᒧᓪᓗ ᐊᐱᕆᓪᓗᑎᒃ, “ᐅᓇᑕᕆᐊᒃᑲᓐᓂᕆᐊᖃᕐᐱᑖ ᖃᑕᓐᖑᑎᑦᑎᓐᓂᒃ ᐱᓐᔭᒥᓂᐅᑉ ᑭᖑᕚᖏᓐᓂᒃ?” ᐊᑕᓂᐅᑉ ᑭᐅᕔᑦ, “ᐅᓇᑕᕆᐊᓕᕐᓯᐅᒃ.”

ᓴᒧᐃᓕ ᓯᕗᓪᓖᑦ 14:17

ᑕᕝᕙ ᓴᐅᓕ ᐅᖃᓕᕐᐳᖅ ᐃᓚᒥᓄᑦ ᓇᔪᕐᑎᒥᓄᑦ, “ᐅᓇᑕᕐᑐᒃᓮᑦ ᓈᓴᕐᓯᒋᒃ ᑭᓇᒃᑯᓪᓗ ᑕᒫᓃᖏᒻᒪᖔᑕ ᖃᐅᔨᓴᕐᓗᓯ.” ᖃᐅᔨᓴᕋᒥᒡᓗ ᖃᐅᔨᕗᑦ ᔫᓇᑕᓂᓗ ᐅᓇᑕᐅᑎᓂᒃ ᐊᒡᔭᕐᓯᔨᖓᓗ ᐱᑕᖃᖏᓐᓂᖏᖕᓂᒃ.

ᓴᒧᐃᓕ ᓯᕗᓪᓖᑦ 14:36

ᑕᕝᕙ ᓴᐅᓕ ᐅᖃᕐᐳᖅ, “ᐂᓚᐅᕐᑕ ᐅᓐᓄᒃᑯᑦ ᑕᐅᓄᖓ ᐱᓕᔅᑍᓂᒥᐅᓄᑦ, ᑐᖁᕋᕐᓗᒋᓪᓗ ᐅᓪᓛᑉ ᖃᐅᓂᖓ ᑎᑭᓪᓗᒍ; ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᖏᓪᓗᒋᑦ.” ᑖᒃᑯᐊ ᑭᐅᕗᑦ, “ᐱᐅᓂᕐᐹᖑᓇᓱᒋᔧᑦ ᐊᑐᓕᕈᒃ.” ᑐᓂᕐᕈᓯᕐᑎᑦᓯᔨᓕ ᐅᖃᕐᐳᖅ, “ᐊᑕᓂᕐᒧᑦ ᖃᐅᔨᒋᐊᓚᐅᕐᑕ ᑕᒫᓂ.”

ᓴᒧᐃᓕ ᓯᕗᓪᓖᑦ 23:9

ᑍᕕᑎ ᖃᐅᔨᒐᒥ ᓴᐅᓕᐅᑉ ᐱᐅᖏᑦᑐᒥᒃ ᐱᓇᓱᐊᕈᒪᓂᖓᓂᒃ ᐃᒻᒥᓄᑦ; ᑐᓂᕐᕈᓯᕐᑎᑦᓯᔨᒧᑦ ᐊᐰᐊᑕᒧᑦ ᐅᖃᕐᐳᖅ, “ᓴᒡᕕᖕᒥᐅᑕᖅ ᕾᓚᐅᕈᒃ.”

ᓴᒧᐃᓕ ᓯᕗᓪᓖᑦ 5:2

ᑕᕝᕙ ᐱᓕᔅᑍᓂᒥᐅᑦ ᑐᒃᓯᐊᕐᕕᖕᒥᓅᕈᑎᓚᐅᕐᐹᑦ ᒎᑎᓐᖑᐊᒧᑦ ᑍᒐᓐᒧᑦ, ᓴᓇᓐᖑᐊᕐᓯᒪᔪᒧᑦ ᑖᑦᓱᒪᓗ ᓴᓂᐊᓄᐊᕐᐹᑦ.

ᓴᒧᐃᓕ ᓯᕗᓪᓖᑦ 7:1

ᑍᒤᒻᒪᑦ ᑭᕆᐊᑦ-ᔨᕆᐅᑉ ᐃᓄᖏᑕ ᐂᓚᐅᕐᐹᑦ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖁᑎᖓ, ᑐᓂᕚᓪᓗ ᐊᖑᒻᒧᑦ ᐊᐱᓇᑕᑉᒥᒃ ᐊᑎᓕᖕᒧᑦ ᓄᓇᖃᕐᑐᒧᑦ ᐱᖑᐊᕐᔫᑉ ᖄᖓᓂ; ᐃᕐᓂᖓᓗ ᐃᓕᓯᕆ ᑲᒪᔨᐅᖁᔭᐅᓪᓗᓂ ᑐᒃᓯᐅᑦᔭᐅᓚᐅᕐᐳᖅ ᐃᑦᔪᕐᓁᓕᑎᑕᐅᓪᓗᓂ.