ᓴᒧᐃᓕ ᓯᕗᓪᓖᑦ 12:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐅᓪᓗᒥ ᓂᐊᖂᔭᒃᓴᓂᒃ ᑲᑎᕐᓱᐃᕕᐅᓐᖏᓛᖅ? ᐊᑕᓂᖅ ᑐᒃᓯᐊᕐᕕᒋᓂᐊᕐᐸᕋ, ᑲᓪᓕᕐᑎᑦᓯᖁᓪᓗᒍ ᓯᓚᓗᒃᑎᑦᓯᖁᓪᓗᒍᓗ; ᑕᒪᓐᓇ ᑲᔪᓯᒃᐸᑦ, ᑕᑯᓗᓯᓗ ᖃᐅᔨᔪᒫᕐᐳᓯ ᐊᖏᔪᒥᒃ ᐊᔪᕐᑐᓕᓯᒪᓂᑦᓯᓐᓂᒃ, ᐱᓇᓱᐊᕐᓯᒪᔭᑦᓯᓐᓂᒃ ᐊᑕᓂᐅᑉ ᓵᖓᓂ, ᐊᖓᔪᖅᑳᕐᔪᐊᕐᑖᕈᒪᓪᓗᓯ ᑐᒃᓯᐊᓚᐅᕋᑦᓯ.”

ᓴᒧᐃᓕ ᓯᕗᓪᓖᑦ 12:17 ပူးပေါင်းရင်းမြစ်များ

ᐃᓐᖏᕈᑎᑦ 99:6

ᒨᓯᓯᓗ ᐂᕉᓂᓗ ᑐᓂᕐᕈᓯᕐᑎᑦᓯᔨᖁᑎᒋᕔᑦ, ᓴᒧᐃᓕᑦᑕᐅᖅ ᑖᑦᓱᒪ ᐊᑎᖓᓄᑦ ᑐᒃᓯᐊᕐᑎᐅᓚᐅᕐᐳᖅ; ᑖᒃᑯᐊ ᐊᑕᓂᕐᒧᑦ ᑐᒃᓯᐊᓚᐅᕐᐳᑦ, ᑖᑦᓱᒪᓗ ᑐᓴᓚᐅᕐᐰᑦ.

ᒨᓯᓯ ᐂᑉᐸᖏᑦ 32:30

ᖃᐅᑎᓪᓗᒍ ᒨᓯᓯ ᐃᓄᖕᓄᑦ ᐅᖃᓕᕐᐳᖅ, “ᐊᔪᕐᑐᓕᓚᐅᕐᐳᓯ ᐊᖏᔪᕐᔪᐊᒥᒃ ᐊᔪᕐᑐᓕᓂᕐᒥᒃ. ᒫᓐᓇᓕ ᖃᖅᑲᒧᑦ ᒪᔪᕋᕐᓂᐊᕐᐳᖓ ᐊᑕᓂᕐᒧᑦ; ᖃᐅᔨᔭᕐᑐᕋᓱᐊᕐᓗᖓ ᐃᓱᒪᒋᔪᓐᓁᕐᑕᐅᔪᓐᓇᕐᒪᖔᑦᓯ ᐊᔪᕐᑐᓕᓂᑦᓯᓐᓂᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 26:1

ᐊᐅᔭᒃᑯᑦ ᖃᓐᓂᕐᑐᑐᑦ ᓯᓚᓗᒃᑐᑐᓪᓗ ᐱᕈᕐᑐᓂᒃ ᑲᑎᕐᓱᐃᕕᖕᒥ, ᑍᒫᒃ ᓈᒻᒪᖏᓐᓂᕗᖅ ᓯᓔᑦᑑᑉ ᐅᐱᒋᔭᐅᓂᖓ.

ᔨᕆᒤᐊᐅᑉ ᐊᒡᓚᖏᑦ 15:1

ᑕᕝᕙ ᐊᑕᓂᐅᑉ ᐅᖃᕐᕕᒋᕚᖓ, “ᒨᓯᓯᓗ ᓴᒧᐃᓕᓗ ᐅᕙᓐᓄᑦ ᕿᓄᒐᔭᕋᓗᐊᕐᐸᑎᒃ, ᑖᒃᑯᐊ ᐃᓅᖃᑎᒌᑦ ᓂᑲᒋᓕᕋᔭᓐᖏᓚᒃᑲ, ᑕᑯᓐᓇᕈᒪᖏᓐᓇᒃᑭᑦ ᓇᔪᕐᑕᓐᓂᑦ ᐊᐅᓪᓚᖁᓚᐅᒃᑭᑦ.

ᔮᓱᐊᑉ ᐊᒡᓚᖏᑦ 10:12

ᐅᓪᓗᒥ ᑍᑦᓱᒪᓂ ᐊᑕᓂᐅᑉ ᓵᓚᖃᕐᑎᒻᒪᒋᑦ ᐊᒧᕅᑎᒥᐅᓂᒃ, ᔮᓱᐊ ᐃᓴᕆᐊᓕᒥᐅᓕᒫᑦ ᖃᐅᔨᑎᓪᓗᒋᑦ ᐊᑕᓂᕐᒧᑦ ᐅᖃᕐᐳᖅ, “ᓯᕿᓃᖅ ᓄᖅᑲᕆᑦ ᒋᐱᐅᓂᐅᑉ ᖁᓛᓄᑦ; ᑕᖅᑮᕐᓗ ᓄᖅᑲᖓᓗᑎᑦ ᐂᔭᓚᓐ ᓇᕐᓴᖓᑕ ᓇᓛᓂ.”

ᓴᒧᐃᓕ ᓯᕗᓪᓖᑦ 12:13

“ᒫᓐᓇᓕ ᑕᑯᒋᑦ ᑕᕝᕙ ᐊᖓᔪᖅᑳᕐᔪᐊᖅ ᓂᕈᐊᓚᐅᕐᑕᓯ, ᑖᓐᓇ ᐱᔪᒪᓚᐅᕐᑕᓯ; ᑕᑯᒋᑦ ᐊᑕᓂᐅᑉ ᑐᓂᓚᐅᕐᐹ ᐃᓕᑦᓯᓐᓄᑦ ᐊᖓᔪᖅᑳᕐᔪᐊᖑᖁᓪᓗᒍ.

ᓴᒧᐃᓕ ᓯᕗᓪᓖᑦ 12:19

ᐃᓄᓕᒫᓪᓗ ᓴᒧᐃᓕᒧᑦ ᐅᖃᕐᐳᑦ, “ᑐᒃᓯᐊᓚᐅᕆᑦ ᐊᑕᓂᕐᒧᑦ ᒎᑎᖕᓄᑦ, ᐱᑦᔪᑎᒋᓗᑕ ᑐᖁᖁᓇᑕ; ᒫᓐᓇ ᖃᐅᔨᕗᒍᑦ ᐊᔪᕐᑐᓕᓂᑦᑕ ᐊᓯᐊᒍᑦ ᐊᔪᕐᑐᓕᒃᑲᓐᓂᓚᐅᕋᑦᑕ, ᐊᖓᔪᖅᑳᕐᔪᐊᕐᑖᕈᒪᓪᓗᑕ ᑐᒃᓯᐊᓚᐅᕐᓂᑦᑎᓐᓄᑦ.”

ᓴᒧᐃᓕ ᓯᕗᓪᓖᑦ 2:10

ᐊᑕᓂᐅᑉ ᐊᑭᕋᕐᑐᕐᑎᖏᑦ ᐊᓯᕈᕐᑕᐅᒻᒪᕆᒍᒫᕐᐳᑦ; ᐱᒋᐊᕈᒫᕐᐰᑦ ᑲᓪᓕᕐᕕᐅᑎᓪᓗᒋᑦ ᕿᓚᖕᒥᑦ. ᐊᑕᓂᐅᑉ ᓄᓇᕐᔪᐊᕐᒥᐅᓕᒫᑦ ᐃᖅᑲᕐᑐᕈᒫᕐᐰᑦ; ᐊᖓᔪᖅᑳᕐᔪᐊᖁᑎᓂᓗ ᐱᔪᓐᓇᕐᓂᕐᒥᒃ ᑐᓂᓯᕕᒋᕚ, ᐱᔪᓐᓇᕐᓂᕐᒥᒡᓗ ᓂᕈᐊᕐᓯᒪᔭᓂ ᐱᑖᕐᑎᑉᐹ.”

ᓴᒧᐃᓕ ᓯᕗᓪᓖᑦ 7:5

ᑭᖑᓂᐊᒍᑦ ᓴᒧᐃᓕ ᐅᖃᕐᐳᖅ, “ᐃᓴᕆᐊᓕᒥᐅᓕᒫᑦ ᑲᑎᓚᐅᕆᑦᓯ ᒥᔅᐸᒥ, ᑐᒃᓯᐅᑎᓂᕐᐸᑦᓯᓗ ᐊᑕᓂᕐᒧᑦ ᑍᑲᓂ.”

ᓴᒧᐃᓕ ᓯᕗᓪᓖᑦ 8:6

ᓴᒧᐃᓕᓕ ᑕᒪᑐᒥᖓ ᖁᕕᐊᓲᑎᖃᓚᐅᓐᖏᓚᖅ ᐊᖓᔪᖅᑳᕐᔪᐊᕐᑖᕈᒪᑎᓪᓗᒋᑦ; ᑍᒤᒻᒪ ᓴᒧᐃᓕ ᐊᑕᓂᕐᒧᑦ ᑐᒃᓯᐊᓚᐅᕐᐳᖅ.

ᓴᒧᐃᓕ ᓯᕗᓪᓖᑦ 8:7

ᐊᑕᓂᕐᓗ ᐅᖃᕐᐳᖅ ᓴᒧᐃᓕᒧᑦ, “ᒪᓕᒃᑭᑦ ᐃᓄᐃᑦ ᐅᖃᐅᓯᕆᔭᖏᑦ ᐃᓕᖕᓄᑦ; ᐃᓕᖕᓂᒃ ᓇᕐᕈᓕᖏᒻᒪᑕ; ᐅᕙᓐᓂᒡᓕ ᓇᕐᕈᓕᕐᐳᑦ ᐊᖓᔪᖅᑳᕐᔪᐊᒥᖕᓂᒃ.