ᐲᑦᑐᕉᓯ ᓯᕗᓪᓖᑦ 5:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐃᓕᑦᓯᑦᑕᐅᖅ ᐃᓅᓱᒃᑑᔪᓯ ᐃᓐᓇᕐᓄᑦ ᐊᐅᓚᑦᓯᔨᓄᑦ ᐊᖏᕈᑎᒋᓯᒪᑦᓯᐊᕆᑦᓯ. ᑕᒪᑦᓯ ᐊᓐᓄᕌᕐᑐᒃᓴᐅᕗᓯ ᐱᐅᔪᕆᖏᓐᓂᕐᒥᒃ, ᐃᓕᑦᓯᓐᓄᑦ ᐱᔨᑦᓯᖃᑦᑕᐅᑎᓗᓯ, ᐊᒡᓔᑦ ᐅᖃᕐᒪᑕ, “ᒎᑎᐅᑉ ᐱᐅᔪᕆᔪᑦ ᐊᑭᕋᕐᑐᕐᐰᑦ, ᐱᐅᔪᕆᖏᑦᑐᓪᓕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖓᓂᒃ ᓮᒻᒪᕐᑎᑉᐰᑦ.”

ᐲᑦᑐᕉᓯ ᓯᕗᓪᓖᑦ 5:5 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 6:41

ᒫᓐᓇᓗ, ᒪᑭᓕᕆᑦ ᐊᑕᓃᖅ ᒎᑏ, ᐃᓂᖕᓄᐊᓕᕆᑦ ᑕᕾᕐᓯᕐᕕᖕᓄᑦ, ᐃᕝᕕᑦ ᐃᒃᓯᕐᕕᖁᑏᓪᓗ ᓲᖑᔫᑦᔪᑏᑦ. ᑐᓂᕐᕈᓯᕐᑎᑦᓯᔨᖁᑎᑎᑦ, ᐊᑕᓃᖅ ᒎᑏ, ᐊᓐᓄᕌᕐᑎᓚᐅᒃᑭᑦ ᐱᐅᓕᔭᐅᓂᕐᒥᒃ, ᐃᑦᔪᕐᓁᑦᑐᖁᑎᑎᓪᓗ ᖁᕕᐊᓱᒃᑎᒃᑭᑦ ᐱᐅᔫᓂᕐᓄᑦ.

ᔫᐱᐅᑉ ᐊᒡᓚᖏᑦ 22:29

ᒎᑎᐅᑉ ᐱᐅᔪᕆᔪᑦ ᐅᕐᕈᑎᑉᐰᑦ, ᐱᐅᔪᕆᖏᑦᑐᓪᓕ ᐱᐅᓕᕔᑦ.

ᔫᐱᐅᑉ ᐊᒡᓚᖏᑦ 29:14

ᐱᑦᓯᐊᕐᓂᕐᒥᒃ ᐱᓂᐊᕐᓂᖃᓚᐅᕐᐳᖓ, ᐱᐅᓯᕆᓪᓗᒍᓗ; ᐊᑦᔨᒌᒃᑎᑦᓯᓂᖅ ᐊᓐᓄᕌᑎᑐᑦ ᐊᑐᓚᐅᕐᐸᕋ ᓇᓴᕆᓪᓗᒍᓗ.

ᐃᓐᖏᕈᑎᑦ 132:16

ᑐᓂᕐᕈᓯᕐᑎᑦᓯᔨᖏᑦ ᐊᓐᓄᕌᕐᑎᓐᓂᐊᕐᐸᒃᑲ ᐱᐅᓕᔭᐅᓂᕐᒥᒃ, ᐃᑦᔪᕐᓁᑦᑐᖁᑎᖏᓪᓗ ᖁᕕᐊᓱᖕᓂᕐᒧᑦ ᕾᒐᓛᕐᓂᐊᕐᐳᑦ.

ᐃᓐᖏᕈᑎᑦ 132:9

ᑐᓂᕐᕈᓯᕐᑎᑦᓯᔨᖁᑎᑎᑦ ᐊᓐᓄᕌᕐᓯᒪᓚᐅᕐᓕ ᓇᓛᒎᕐᓂᕐᒥᒃ, ᐃᑦᔪᕐᓁᑦᑐᖁᑎᑎᓪᓗ ᖁᕕᐊᓱᖕᓂᕐᒧᑦ ᕾᒐᓛᓗᑎᒃ.

ᐃᓐᖏᕈᑎᑦ 138:6

ᐊᑕᓂᖅ ᖁᑦᓯᒃᑲᓗᐊᕋᒥ, ᓱᓕ ᐃᒃᐱᒍᓱᑦᓯᐊᕐᐳᖅ ᒥᑭᒡᓕᑎᕐᓯᒪᔪᓂᒃ; ᐱᐅᔪᕆᔪᓪᓕ ᖃᐅᔨᒪᑦᓯᐊᕐᐰᑦ ᐅᖓᓯᒋᔭᖏᓐᓂᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 25:7

ᐱᐅᓂᕐᓴᐅᖕᒪᑦ ᐃᓕᖕᓄᑦ ᐅᖃᕐᐸᑦ, “ᒪᐅᖓ ᕾᓚᐅᕆᑦ,” ᐊᒃᐸᓯᖕᓂᕐᓴᒨᖁᔭᐅᒐᔭᕐᓂᕐᓂᑦ ᐊᖓᔪᖅᑳᕐᔪᐊᑉ ᑐᖏᓕᖏᑕ ᓇᔪᕐᓂᖓᓂᑦ, ᐃᔨᖕᓄᑦ ᑕᒪᓐᓇ ᑕᑯᓚᐅᕐᑍᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:34

ᓇᕐᕈᔪᓂᒃ ᓇᕐᕈᒋᔭᖃᕐᐳᖅ, ᒥᑭᒡᓕᑎᕐᓯᒪᔪᓪᓕ ᖁᕕᐊᒋᕔᑦ.

ᐂᓮᐊᓯᐅᑉ ᐊᒡᓚᖏᑦ 57:15

ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 61:10

ᐊᑕᓂᕐᒥᒃ ᖁᕕᐊᓱᒍᑎᖃᕈᒫᕐᐳᖓ ᐊᖏᔪᒥᒃ, ᑕᕐᓂᕋ ᐊᖏᔪᕈᕐᑎᑦᓯᔪᒫᕐᒪᑦ ᒎᑎᓐᓂᒃ; ᑖᑦᓱᒪ ᐊᓐᓄᕌᕐᑎᓯᒪᖕᒪᖓ ᐱᐅᓕᔭᐅᓂᕐᒥᒃ, ᐅᓕᒃᓯᒪᓪᓗᓂᖓᓗ ᓇᓛᒎᕐᓂᕐᒥᒃ, ᐅᐃᒃᓴᕐᑐᑦ ᑲᑎᑎᑕᐅᓂᐊᕐᑎᓪᓗᒍ ᓂᐊᖁᕐᒥᐅᓯᕐᑕᐅᔪᑎᑐᑦ. ᓄᓕᐊᒃᓴᕐᓗ ᑲᑎᑎᑕᐅᓂᐊᕐᓗᓂ ᐱᐅᓴᕐᓂᕆᕙᒃᑕᖓᑐᑦ ᐱᐅᓴᐅᑎᓄᑦ.

ᐂᓮᐊᓯᐅᑉ ᐊᒡᓚᖏᑦ 66:2

ᑕᒪᒃᑯᐊ ᓴᖅᑭᑎᑕᐅᓯᒪᔪᓕᒫᑦ ᐊᒡᒐᖕᒪ ᓴᓇᓯᒪᕔᑦ, ᑕᒪᕐᒥᓕᒫᕐᓗ ᐱᒋᕙᒃᑲ, ᐊᑕᓂᖅ ᐅᖃᕐᐳᖅ. ᐅᓇ ᑕᕝᕙ ᐃᓄᒃ ᑕᑯᓐᓇᕐᓂᐊᕐᑕᕋ, ᒥᑭᒡᓕᑎᕐᓯᒪᔪᖅ ᓯᖁᒥᓯᒪᔪᕐᓗ ᐊᓂᕐᓂᕐᒥᒍᑦ, ᐅᖃᐅᓯᓐᓂᒡᓗ ᑐᓴᕐᓗᓂ ᓴᔪᒃᑐᖅ.

ᐃᓯᑭᐊᓕᐅᑉ ᐊᒡᓚᖏᑦ 26:16

ᑕᕝᕙ ᓯᒡᔭᒥᐅᑦ ᐊᖓᔪᖅᑳᕐᔪᐊᖏᑦ ᐃᒃᓯᕙᐅᑕᕐᔪᐊᕐᒥᖕᓂᒃ ᕿᒤᔪᒫᕐᐳᑦ, ᐊᓐᓄᕌᒥᖕᓂᒡᓗ ᐊᖓᔪᖅᑳᕐᔪᐊᕐᓯᐅᑎᓂᒃ ᐲᔧᔪᒫᕐᐳᑦ, ᑕᑯᒥᓇᕐᓴᐅᑎᓖᓪᓗ ᐊᓐᓄᕌᑦ ᐲᔭᕐᓗᒋᑦ; ᓴᔪᖕᓂᕐᒥᒡᓗ ᐊᓐᓄᕌᖔᕈᒫᕐᐳᑦ; ᒪᓂᖅᑲᒥᓗ ᐃᒃᓯᕚᕈᒫᕐᐳᑦ ᓴᔪᑐᐃᓐᓇᓕᕐᓗᑎᒃ, ᐃᓕᑦᓯᓐᓂᒃ ᑲᒪᓂᐊᕐᓂᕐᒧᑦ.

ᑖᓂᐊᓕᐅᑉ ᐊᒡᓚᖏᑦ 11:12

ᐅᓇᑕᕐᑐᒃᓴᕐᔪᐊᓪᓕ ᐊᐅᓪᓚᕐᑎᑕᐅᒃᐸᑕ, ᐊᖓᔪᖅᑳᕐᔪᐊᖅ ᓯᕿᓂᐅᑉ ᓇᓛᓃᑦᑐᖅ ᐱᐅᔪᕆᓕᕈᒫᕐᐳᖅ ᑐᖁᕅᓗᓂᓗ ᑕᐅᓴᓐᑎᓂᒃ ᐅᓄᕐᑐᓂᒃ, ᓵᓚᖃᕐᓂᖓᓕ ᑲᔪᓯᔪᒫᓐᖏᓚᖅ.

ᒨᓯᓯ ᐱᖓᔪᖏᑦ 19:32

“ᐃᓄᑐᕾᑦ ᐅᐱᒋᑦᓯᐊᕐᓯᐅᒃ, ᐃᓐᓇᑐᕾᓪᓗ ᑲᒪᒋᑦᓯᐊᕐᓗᒋᑦ, ᒎᑎᓯ ᓯᕘᕋᒋᓗᒍ. ᐅᕙᖓ ᐊᑕᓂᐅᒐᒪ.

ᓘᑲᓯᐅᑉ ᐊᒡᓚᖏᑦ 22:26

ᐃᓕᑦᓯᓕ ᑍᒤᑦᑕᕆᐊᖃᓐᖏᓚᓯ; ᓇᓕᕐᓯᓕ ᐊᖏᓂᕐᐹᖑᔪᖅ ᐃᓕᑦᓯᓐᓂᑦ ᐃᓅᓱᖕᓂᕐᐹᑎᑐᑦ ᑍᒤᑦᑕᕆᐊᖃᕐᐳᖅ, ᓯᕗᓕᕐᑎᐅᔪᕐᓗ ᐱᔨᒋᔭᐅᔪᑐᑦ ᑍᒤᑦᑕᕆᐊᖃᕐᐳᖅ.

ᕉᒪᒥᐅᓄᑦ 12:10

ᓇᒡᓕᒃᑎᒌᒋᑦᓯ ᐅᒃᐱᖃᑎᒌᑦ ᓇᒡᓕᖕᓂᖓᑐᑦ; ᐊᓯᑦᓯᓂᒃ ᐅᐱᒋᔭᖃᕐᓂᖅ ᐊᒃᓱᕉᑎᒋᓯᐅᒃ.

ᕉᒪᒥᐅᓄᑦ 13:14

ᐊᑕᓂᖅ ᔩᓱᓯ ᙭ᔅᑑᓯ ᐊᑎᓕᕐᓯᐅᒃ, ᑎᒥᐅᑉ ᐃᓕᖅᑯᓯᖓ ᓈᓚᒍᓐᓃᕐᓯᐅᒃ, ᐱᔪᒪᓂᖓ ᓈᒻᒪᒃᓯᑎᓐᓇᓱᐊᕈᓐᓃᕐᓗᒍ.

ᐃᐱᓯᒥᐅᓄᑦ 5:21

ᐃᓕᑦᓯᓐᓄᑦ ᐊᑐᓂᑦ ᑐᓂᖃᑦᑕᐅᑎᓯᒪᑦᓯᐊᕆᑦᓯ ᙭ᔅᑑᓯᒧᑦ ᑐᓂᓯᒪᓂᕆᔭᑦᓯᑐᑦ.

ᐱᓕᐱᒥᐅᓄᑦ 2:3

ᐱᓇᓱᐊᕐᓂᐊᕋᓯ ᓇᖕᒥᓂᕐᓯᐅᕐᓂᕐᒥᒃ ᐅᕝᕙᓗ ᐊᔪᖏᓐᓂᕐᓴᐅᓇᓱᒋᓂᕐᒥᒃ, ᐱᐅᔪᕆᖏᓐᓂᕐᒧᓪᓕ ᐃᓅᖃᑎᑦᓯ ᐃᓕᑦᓯᓐᓂᑦ ᐱᐅᓂᕐᓴᐅᓂᖏᓐᓂᒃ ᐃᓱᒪᖃᕆᑦᓯ.

ᑯᓘᓯᐊᒥᐅᓄᑦ 3:12

ᑍᒤᒻᒪᑦ ᐊᓐᓄᕌᕐᓯᒪᓕᕆᑦᓯ ᒎᑎᐅᑉ ᓂᕈᐊᕐᓯᒪᔭᖏᑎᑐᑦ, ᐃᑦᔪᕐᓁᑦᑐᑎᑐᑦ, ᓇᒡᓕᒋᔭᐅᔪᑎᑐᓪᓗ, ᐊᓐᓄᕌᕐᓯᒪᓗᓯ ᓇᒡᓕᖕᓂᕐᒥᒃ, ᐱᑦᓯᐊᕐᓂᕐᒥᒃ, ᒥᑭᒡᓕᑎᕐᓯᒪᓂᕐᒥᒃ, ᐱᐅᔪᕆᖏᓐᓂᕐᒥᒃ, ᕿᓄᐃᓵᕐᓂᕐᒥᒡᓗ.

ᑎᒧᑎᒧᑦ ᓯᕗᓪᓖᑦ 5:1

ᐃᓄᑐᖃᕐᒧᑦ ᐃᓕᕋᓇᕋᓱᐊᕐᓂᐊᕐᓇᒃ, ᐊᑖᑕᒃᑐᓪᓕ ᑲᔪᖏᕐᓴᕈᒃ; ᐃᓅᓱᒃᑐᓪᓗ ᐊᖑᑎᑦ ᐅᒃᐱᕐᑑᖃᑎᒃᑐᑦ ᐱᓇᓱᐊᕐᕕᒋᓗᒋᑦ,

ᐄᑉᕈᐃᓄᑦ 13:17

ᓯᕗᓕᕐᑎᓯ ᓈᓚᒃᓯᒋᒃ ᐱᖁᔨᓂᖏᓪᓗ ᐊᑐᑦᓯᐊᕐᓗᒋᑦ; ᑕᕐᓂᑦᓯᓐᓂᒃ ᑲᒪᒋᔭᖃᕐᒪᑕ, ᐱᓂᐊᕐᓂᕆᔭᒥᓂᒃᑕᐅᖅ ᓇᓗᓁᕐᓯᔭᕆᐊᖃᕈᒫᕐᒪᑕ ᒎᑎᒧᑦ. ᖁᕕᐊᓱᒡᓗᑎᒃ ᐱᓇᓱᐊᖁᓪᓗᒋᑦ, ᖁᕕᐊᓱᖏᑦᑑᖏᓪᓗᑎᒃ, ᖁᕕᐊᒋᖏᓪᓗᒍ ᐱᓇᓱᐊᕐᐸᑕ ᐃᓕᑦᓯᓐᓄᑦ ᐃᑲᔪᕐᓂᖃᑦᔮᖏᒻᒪᑕ.

ᔧᒥᓯᐅᑉ ᐊᒡᓚᖏᑦ 4:6

ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᓂᒃ ᑐᓂᓯᕗᖅ, “ᑍᒤᒪᑦ ᒎᑎᐅᑉ ᐱᐅᔪᕆᔪᑦ ᐊᑭᕋᕐᑐᕐᐰᑦ, ᐱᐅᔪᕆᖏᑦᑐᓪᓕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᓂᒃ ᑐᓂᓯᕕᒋᕔᑦ.”

ᐲᑦᑐᕉᓯ ᓯᕗᓪᓖᑦ 3:8

ᑭᖑᓪᓕᕐᐹᒥᒡᓕ, ᑕᒪᑦᓯ ᐊᑦᔨᒌᒃᑐᒥᒃ ᐃᓱᒪᖃᖃᑎᒌᒃᑐᒃᓴᐅᕗᓯ, ᐃᓚᑦᓱᒋᖃᑦᑕᐅᑎᓗᓯ, ᓇᒡᓕᒃᑎᒌᒡᓗᓯ ᐃᓚᒌᒃᑐᑎᑐᑦ, ᓈᒃᑭᒍᓱᒡᓗᓯ ᒥᑭᒡᓕᑎᕐᓯᒪᓗᓯᓗ.

ᐲᑦᑐᕉᓯ ᓯᕗᓪᓖᑦ 4:1

ᑍᒤᒻᒪᑦ ᙭ᔅᑑᓯ ᐋᓐᓂᐊᓚᐅᕐᒪᑦ ᑎᒥᒥᒍᑦ, ᐃᓕᑦᓯᑦᑕᐅᖅ ᑍᒫᒃ ᐃᓱᒪᖃᓕᕆᑦᓯ ᐱᔪᓐᓇᐅᑎᒋᓗᒍ, ᐃᓄᒃ ᑎᒥᒥᒍᑦ ᐋᓐᓂᐊᑎᑕᐅᔪᖅ ᐊᔪᕐᑐᓕᓂᖅ ᐊᑐᕈᓐᓃᕐᒪᒍ.

ᐲᑦᑐᕉᓯ ᓯᕗᓪᓖᑦ 4:5

ᐃᓅᓯᕐᒥᖕᓂᒡᓕ ᒎᑎᒧᑦ ᐅᖃᐅᓯᖃᕆᐊᖃᕈᒫᕐᐳᑦ ᐅᐸᓗᖕᒊᕐᓯᒪᔪᒧᑦ ᐃᖅᑲᕐᑐᐃᓂᐊᕐᓗᓂ ᐃᓅᔪᓂᒃ ᑐᖁᖓᔪᓂᒡᓗ.