ᐲᑦᑐᕉᓯ ᓯᕗᓪᓖᑦ 3:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᑍᒫᑦᓮᓐᓇᕐᑕᐅᖅ ᐅᐃᖑᔪᓯ, ᓄᓕᐊᓯ ᐃᓅᖃᑎᒋᑦᓯᐊᒐᒃᓴᕆᕙᓯ, ᐅᐱᒋᑦᓯᐊᕐᓗᒋᓪᓗ ᑎᒥᒥᒃᑎᒍᑦ ᓴᓐᖐᓐᓂᕐᓴᐅᖕᒪᑕ, ᑖᒃᑯᐊᑦᑕᐅᖅ ᐱᑎᑕᐅᖃᑎᒋᔪᒫᕋᑦᓯᐅᒃ ᒎᑎᐅᑉ ᐱᔪᓐᓇᕐᓯᑎᑦᓯᓂᖓᓂᒃ ᐃᓅᓯᕐᒥᒃ, ᑍᒤᓕᐅᕐᑐᒃᓴᐅᕗᓯ ᑐᒃᓯᐊᖃᑦᑕᕐᓂᓯ ᐊᒡᕕᐊᕐᑕᐅᖁᓇᒋᑦ.

ᐲᑦᑐᕉᓯ ᓯᕗᓪᓖᑦ 3:7 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 42:8

ᑍᒤᒻᒪᑦ ᒫᓐᓇ ᐊᖑᓴᓪᓗᕐᓂᒃ 7ᓂᒃ ᓰᐲᓪᓗ ᐊᖑᓴᓪᓗᖏᓐᓂᒃ 7ᓂᒃ ᐊᑐᐃᓐᓇᕈᐃᓕᕆᑦ, ᔫᐱᒧᓪᓗ ᐱᔨᓐᓄᐊᕐᓗᑎᑦ, ᑐᓂᕐᕈᓯᕐᓗᑎᓪᓗ ᐃᕝᕕᑦ ᐱᑦᔪᑎᒋᓗᑎᑦ ᑐᓂᕐᕈᑎᒃᓴᓄᑦ ᐃᑯᐊᓚᔭᒃᓴᓄᑦ; ᔫᐱᒧᓪᓗ ᑐᒃᓯᐅᑦᔭᐅᖁᓪᓗᑎᑦ, ᑖᑦᓱᒪ ᑐᒃᓯᐊᕐᓂᖓ ᐃᓚᓕᐅᕐᓂᐊᕋᒃᑯ ᓯᓔᑦᑐᒥᒃ ᐱᓂᐊᓚᐅᕐᓂᑦᓯᓐᓄᑦ ᓱᒋᐊᕐᑕᐅᑦᔪᑎᖃᖁᓇᓯ; ᓱᓕᔪᒥᒃ ᐅᕙᓐᓂᒃ ᐅᖃᐅᓯᖃᓚᐅᖏᓐᓇᑦᓯ, ᑖᑦᓱᑐᓇᖅ ᐱᔨᑦᑐᑦ ᔫᐱᑐᑦ.”

ᒫᑎᐅᓯᐅᑉ ᐊᒡᓚᖏᑦ 18:19

“ᓱᓕ ᐅᖃᐅᑎᒃᑲᓐᓂᕐᐸᑦᓯ, ᓄᓇᕐᔪᐊᕐᒥ ᒪᕐᕉᓗᓯᒃ ᐊᖏᖃᑎᒌᒃᑯᑦᓯᒃ ᓱᓇᑐᐃᓐᓇᕐᒥᒃ ᑐᒃᓯᐊᕈᑎᖃᕈᒪᓗᓯᒃ, ᑕᒪᑐᒥᖓ ᑕᕝᕙ ᑐᓂᓯᕕᐅᓂᐊᕐᐳᓯᒃ ᐊᑖᑕᓐᓄᑦ ᕿᓚᖕᒦᑦᑐᒧᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:3

ᐊᖑᑎᐅᑉ ᐅᐃᒋᔭᐅᓂᕐᒥᓄᑦ ᐊᑐᕆᐊᖃᕐᑕᓂ ᓄᓕᐊᒥᓄᑦ ᐊᑐᑦᓯᐊᕐᓕᐅᒃ, ᐊᕐᓇᐅᓪᓗ ᓄᓕᐊᕆᔭᐅᓂᕐᒥᓄᑦ ᐊᑐᕆᐊᖃᕐᑕᓂ ᐅᐃᒥᓄᑦ ᐊᑐᑦᓯᐊᕐᓕᐅᒃ, ᐊᑐᓂᓪᓗ ᐱᔭᕆᐊᖃᕐᑕᒥᖕᓂᒃ ᓈᒻᒪᒃᓯᑎᖃᑦᑕᐅᑎᑦᓯᐊᕐᓗᑎᒃ.

ᐃᐱᓯᒥᐅᓄᑦ 3:6

ᑕᒪᓐᓇ ᓇᓗᓇᕈᑎᖃᓚᐅᕐᐳᖅ ᔪᑎᐅᓐᖏᑦᑐᑦ ᑭᖑᕐᖑᑦᔨᔪᓐᓇᕐᓯᑎᑕᐅᓚᐅᕐᒪᑕ ᐃᓚᒋᔭᐅᓕᕐᓗᑎᒃ ᑎᒥᒧᑦ ᐊᑕᐅᓯᕐᒧᑦ, ᐱᖃᑕᐅᓕᕐᓗᑎᒃᓗ ᐊᖏᕈᑕᐅᓯᒪᔪᒥᒃ ᙭ᔅᑑᓯ ᔩᓱᓯᒃᑯᑦ ᐅᖃᐅᓯᕐᑎᒍᑦ ᑐᓴᕈᒥᓇᕐᑐᑎᒍᑦ.

ᐃᐱᓯᒥᐅᓄᑦ 4:30

ᒎᑎᐅᓪᓗ ᐊᓂᕐᓂᖓ ᐃᑦᔪᕐᓁᑦᑐᖅ ᕿᒃᓵᒃᑎᓐᓂᐊᕋᓯᐅᒃ, ᑖᑦᓱᒧᖓ ᓇᓗᓁᒃᑯᓯᕐᑕᐅᓯᒪᒐᑦᓯ ᐅᓪᓗᒧᑦ ᐱᐅᓕᔭᐅᕕᒃᓴᒧᑦ.

ᐃᐱᓯᒥᐅᓄᑦ 5:33

ᑍᒫᒃᑕᐅᖅ ᐃᓕᑦᓯ ᐊᖑᑏᑦ ᐊᑐᓂᑦ ᓄᓕᐊᒥᖕᓂᒃ ᓇᒡᓕᒍᓱᒃᑐᒃᓴᐅᖕᒪᑕ ᐃᒻᒥᓂᒃ ᓇᒡᓕᒋᓂᕐᒥᒃᑎᑐᑦ, ᐊᕐᓁᓪᓗ ᐊᑐᓂᑦ ᐅᒃᐱᒍᓱᑦᓯᐊᕐᑐᒃᓴᐅᕗᑦ ᐅᐃᒥᖕᓂᒃ.

ᐃᐱᓯᒥᐅᓄᑦ 6:18

ᑐᒃᓯᐊᑦᓮᓐᓇᕆᑦᓯ ᐊᓂᕐᓂᒃᑯᑦ, ᑐᒃᓯᐊᕈᑎᖃᕐᓗᓯ ᓱᓇᑐᐃᓐᓇᕐᓂᒃ ᕿᓄᓗᓯᓗ. ᐃᒃᐱᒍᓱᑦᓯᐊᕆᑦᓯ ᓴᐱᓕᕐᑍᓕᓗᓯ, ᑐᒃᓯᐅᑦᔨᕙᒡᓗᓯ ᐃᑦᔪᕐᓁᑎᑕᐅᓯᒪᔪᓂᒃ ᑕᒤᓐᓂᒃ,

ᑯᓘᓯᐊᒥᐅᓄᑦ 3:19

ᐅᐃᖑᔪᓯ, ᓄᓕᐊᓯ ᓇᒡᓕᒋᓯᒋᒃ, ᐃᓕᕋᓇᕋᓱᐊᕐᓂᐊᕋᓯᓗ ᑖᒃᑯᓄᖓ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:4

ᐃᓕᑦᓯ ᐊᑐᓂᑦ ᖃᐅᔨᒪᒐᑦᓯ ᖃᓄᖅ ᐊᑐᓂ ᐱᑦᑍᓕᔪᓐᓇᕐᓂᕐᒥᒃ ᐃᑦᔪᕐᓁᖁᓪᓗᓯ ᐅᐱᓐᓇᑦᓯᐊᕐᓗᓯᓗ,

ᑍᑑᓯᒧᑦ 3:7

ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᓈᒻᒪᒋᔭᐅᓕᖁᓪᓗᑕ ᒎᑎᒧᑦ ᑭᖑᕐᖑᑦᔨᔪᓐᓇᖁᓪᓗᑕᓗ ᐱᐅᓕᔭᐅᓂᕐᒥᒃ ᓂᕆᐅᖕᓂᕐᑖᕆᓯᒪᔭᑦᑎᒃᓂᒃ.

ᐄᑉᕈᐃᓄᑦ 1:14

ᐂᖏᓖᓪᓕ ᐊᓂᕐᓂᐅᕗᑦ ᑎᓕᔭᐅᓯᒪᔪᑦ ᐱᔨᑦᓯᖁᓪᓗᒋᑦ, ᐃᑲᔪᕐᑎᐅᖁᓪᓗᒋᑦ ᐱᐅᓕᔭᐅᓂᕐᒥᒃ ᑭᖑᕐᖑᑦᔨᓂᐊᕐᑐᓄᑦ.

ᐲᑦᑐᕉᓯ ᓯᕗᓪᓖᑦ 3:1

ᑍᒫᒃᑕᐅᖅ ᐊᕐᓇᐅᔪᓯ, ᐅᐃᑦᓯᓐᓄᑦ ᑐᓂᓯᒪᑦᓯᐊᕆᑦᓯ, ᐃᓚᖏᑦ ᒎᑎᐅᑉ ᐅᖃᐅᓯᖏᓐᓂᒃ ᐅᒃᐱᖏᑦᑐᑦ, ᐅᒃᐱᓕᖁᓪᓗᒋᑦ ᐅᐃᓖᑦ ᐃᓕᖅᑯᓯᖏᑦ ᐱᑦᔪᑎᒋᓗᒋᑦ ᐅᖃᓪᓚᖕᓂᒃᑯᑐᐃᓐᓇᐅᖏᑦᑐᖅ,