ᐲᑦᑐᕉᓯ ᓯᕗᓪᓖᑦ 2:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐊᒡᓔᑦ ᐅᖃᕐᒪᑕ: “ᑕᑯᒋᑦ, ᐅᔭᕋᒃ ᐃᓕᕙᕋ ᓮᐅᓂᒥ, ᓂᕈᐊᕐᑕᐅᓯᒪᓗᓂ ᐱᓐᓇᕐᓇᕐᑑᓗᓂᓗ ᑐᓐᖓᕕᐅᓂᐊᓕᕐᑐᖅ ᑎᕆᖅᑯᕆᔭᐅᓗᓂ, ᓇᓪᓕᐊᑦ ᑖᑦᓱᒧᖓ ᐅᒃᐱᕐᑐᖅ ᑲᓐᖑᓱᒃᑎᑕᐅᓂᐊᓐᖏᓚᖅ.”

ᐲᑦᑐᕉᓯ ᓯᕗᓪᓖᑦ 2:6 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 49:24

ᑖᑦᓱᒪᓕ ᐱᑎᒃᓯᖓᑕ ᓴᓐᖏᓂᖓ ᓱᕐᕋᒃᑕᐅᓐᖏᓚᖅ, ᑖᑦᓱᒪ ᑕᓕᖏᒃ ᐃᕾᓕᑎᑕᐅᓯᒪᖕᒪᑎᒃ ᐊᔪᒐᖃᖏᑦᑑᑉ ᐊᒡᒐᖏᓐᓄᑦ ᔧᑰᑉ ᒎᑎᖓᓄᑦ ᓰᐱᓕᕆᔨᐅᑉ ᐊᑎᖓᓂᑦ, ᐃᓴᕆᐊᓕᐅᑉ ᕾᕐᑐᖓᓂᑦ,

ᐃᓐᖏᕈᑎᑦ 40:14

ᑲᓐᖑᓱᒃᑎᓚᐅᒃᑭᑦ ᓇᓗᓕᕐᓇᕐᑐᒧᓪᓗ ᑎᑭᑎᑎᓪᓗᒋᑦ ᐃᓅᓯᓐᓂᒃ ᐊᓯᕈᐃᔪᒪᔪᑦ; ᐅᑎᕆᐊᕐᑎᓪᓗᒋᓪᓗ ᓇᕐᕈᒋᔭᐅᓇᕐᑐᒧᑦ ᑎᑭᓪᓗᑎᒃ. ᐅᕙᓐᓂᑦ ᐱᐅᖏᑦᑐᒥᒃ ᐱᖁᔨᔪᑦ.

ᐃᓐᖏᕈᑎᑦ 89:19

ᑍᑦᓱᒪᓂ ᑕᑯᑎᑦᔪᑎᒃᑯᑦ ᐅᖃᓪᓚᖃᑦᑕᓚᐅᕐᐳᑎᑦ ᐃᑦᔪᕐᓁᑦᑐᖁᑎᖕᓄᑦ, ᐅᖃᕐᓗᑎᑦ: “ᐃᑲᔪᕐᑕᐅᑦᔪᑎᒃᓴᒥᒃ ᐋᖅᑭᒃᓯᓚᐅᕐᐳᖓ ᐱᔪᓐᓇᕐᓂᖃᕐᑐᒧᑦ, ᐃᓄᒋᐊᒃᑐᕐᔪᐊᓂᓪᓗ ᓂᕈᐊᕐᓯᒪᔭᕋ ᐊᖏᔪᕈᕐᑎᓚᐅᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 28:16

ᑍᒤᒻᒪᑦ ᐊᑕᓂᖅ ᒎᑎ ᐅᖃᕐᐳᖅ: “ᑕᑯᒋᑦ, ᓮᐅᓂᒥ ᐅᔭᕋᖕᒥᒃ ᑐᓐᖓᕕᒃᓴᓕᐅᕐᐳᖓ, ᐆᒃᑐᕋᕐᑕᐅᓯᒪᔪᒥᒃ ᐅᔭᕋᖕᒥᒃ, ᐃᒡᓘᑉ ᑎᕆᖅᑯᒃᓴᖓᓂᒃ, ᑐᓐᖓᕕᒃᓴᒥᒃ ᐊᐅᓚᖏᑦᑐᒥᒃ; ᓇᓪᓕᐊᓪᓗ ᐅᒃᐱᕐᑐᖅ ᑐᐊᕕᕐᓗᓂ ᐱᓇᓱᐊᕆᐊᖃᕈᒫᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 41:11

ᑕᑯᒋᑦ, ᐃᓕᖕᓂᒃ ᐆᒥᓱᒃᑐᓕᒫᑦ ᑲᓐᖑᓱᒃᑎᑕᐅᔪᒫᕐᐳᑦ ᒥᑕᐅᑎᒋᔭᐅᓗᑎᒡᓗ; ᐃᓕᖕᓂᒡᓗ ᐊᑭᕋᕐᑐᕐᑐᑦ ᓱᓇᐅᔪᓐᓃᕐᓗᑎᒃ ᓄᖑᑦᓱᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 42:1

“ᑕᑯᓯᐅᒃ ᐱᔨᒐ, ᑖᓐᓇ ᓴᐳᑎᓯᒪᔭᕋ, ᓂᕈᐊᕐᓯᒪᔭᕋ ᑕᕐᓂᕐᒪ ᖁᕕᐊᒋᔭᖓ, ᐊᓂᕐᓂᓐᓂᒃ ᐃᓗᒻᒥᕐᑎᓯᒪᔭᕋ; ᑖᑦᓱᒪ ᐃᓅᖃᑎᒌᒡᔪᐊᑦ ᐊᑦᔨᒌᒃᑎᑦᓯᓂᕐᒥᒃ ᑐᓂᓯᕕᒋᔪᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 46:13

ᐱᐅᓕᒃᓯᓂᕋ ᖃᒡᓕᑎᑉᐸᕋ, ᐅᖓᓯᒃᑐᐊᓘᔪᓐᓃᕐᐳᖅ, ᐱᐅᓕᒃᓯᓂᒃᓴᕋ ᐊᑯᓂᐅᓂᐊᓐᖏᓚᖅ ᐱᐅᓕᔭᐅᓂᖅ ᓮᐅᓂᒥ ᐃᓂᖃᕐᑎᓐᓂᐊᕋᒃᑯ; ᐃᓴᕆᐊᓕ ᓂᕐᑐᕐᓇᐅᑎᒋᒐᒃᑯ.”

ᐂᓮᐊᓯᐅᑉ ᐊᒡᓚᖏᑦ 50:7

ᐊᑕᓂᐅᑉ ᒎᑎᐅᑉ ᐃᑲᔪᕐᓂᐊᕐᒪᖓ; ᑍᒤᒻᒪᑦ ᑲᓐᖑᓱᒃᑎᑕᐅᓐᖏᓚᖓ; ᑍᒤᒻᒪᑦ ᑮᓇᕋ ᐅᔭᕋᒃᑐᑦ ᓯᑎᔪᑐᑦ ᒪᓂᕙᕋ, ᖃᐅᔨᒪᒐᒪ ᑲᓐᖑᓱᒃᑎᑕᐅᓂᐊᖏᓐᓂᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 54:4

ᑲᑉᐱᐊᓱᒃᑍᓕᒋᑦᓯ, ᑲᓐᖑᓇᕐᑐᒧᐊᕐᑎᑕᐅᓂᐊᓐᖏᓚᓯ; ᓇᓗᓕᕐᑎᑕᐅᓂᐊᓐᖏᓚᓯᓗ, ᑲᓐᖑᓱᒃᑎᑕᐅᓂᐊᕋᓯᓗ; ᐅᕕᒐᕐᑑᓂᑦᓯᓐᓄᑦ ᑲᓐᖑᓇᕐᑐᒦᓐᓂᕆᕙᓚᐅᕐᑕᓯ ᐳᐃᒍᕈᒫᕐᐸᓯ; ᐅᐃᒡᒐᕐᓂᐅᓂᑦᓯᓐᓄᑦ ᓇᕐᕈᓇᕈᑎᒋᓚᐅᕐᑕᓯ ᐃᖅᑲᐅᒪᔪᓐᓁᕈᒫᕐᐸᓯ.

ᑖᓂᐊᓕᐅᑉ ᐊᒡᓚᖏᑦ 10:21

ᓯᕗᓪᓕᕐᒥᒡᓕ ᐅᖃᐅᑎᔪᒪᕙᒋᑦ ᒪᒃᐱᕐᑐᖅᑲᑦ ᓱᓕᑦᓯᐊᕐᓂᕐᒥᒃ ᐅᖃᐅᓯᓖᑦ ᖃᓄᖅ ᐅᖃᕐᒪᖔᑕ, ᑭᐊᓘᓐᓃᑦ ᑕᒪᑐᒥᖓ ᐃᑲᔪᕐᓯᓐᖏᓛᖓ ᒤᑰᑉ ᑭᓯᐊᓂ, ᑖᑦᓱᒪ ᐊᖓᔪᖅᑳᕕᑦ.”

ᓴᑲᕅᐊᐅᑉ ᐊᒡᓚᖏᑦ 10:4

ᑖᒃᑯᓇᖓᑦ ᓴᖅᑭᑦᑐᖃᕈᒫᕐᐳᖅ ᐊᖓᔪᖅᑳᓂᒃ ᐃᒡᓘᑉ ᑎᕆᖅᑯᐊᑐᑦ ᐊᑐᕐᑎᒋᔪᓂᒃ, ᐊᐅᓚᑦᓯᔨᓂᒡᓗ ᑐᐱᐅᑉ ᐸᐅᒍᐊᖓᑐᑦ ᐊᑐᕐᑎᒋᔪᓂᒃ, ᐅᓇᑕᕐᑐᒃᓮᓪᓗ ᐊᖓᔪᖅᑳᖏᓐᓂᒃ ᐱᑎᒃᓯᑐᑦ ᐅᓇᑕᐅᑎᑐᑦ ᐊᑐᕐᑎᒋᔪᓂᒃ, ᑕᓯᐅᕐᑎᓂᒡᓗ ᖃᓄᐃᑦᑐᑐᐃᓐᓇᕐᓂᒃ.

ᒫᑎᐅᓯᐅᑉ ᐊᒡᓚᖏᑦ 12:18

“ᑕᑯᒋᑦ, ᑕᕝᕙ ᐱᔨᒐ, ᓂᕈᐊᕐᓯᒪᔭᕋ, ᓇᒡᓕᒋᔭᕋ, ᖁᕕᐊᒋᑦᓯᐊᕐᑕᕋᓗ. ᐊᓂᕐᓂᕋ ᑐᓂᓛᕐᐸᕋ ᑖᑦᓱᒧᖓ, ᐅᖃᐅᓯᖃᕈᒫᕐᐳᖅ ᐊᑦᔨᒌᒃᑎᑦᓯᓗᓂ ᔫᑎᐅᖏᑦᑐᓄᑦ.

ᒫᑯᓯᐅᑉ ᐊᒡᓚᖏᑦ 12:10

ᐅᓇ ᐅᖃᓕᒫᕐᓯᒪᓐᖏᓚᓯᐅᒃ ᒎᑎᐅᑉ ᐅᖃᐅᓯᖏᓐᓂ? ‘ᐅᔭᕋᒃ ᐃᒡᓗᓕᐅᕐᑎᓂᑦ ᓇᕐᕈᒋᔭᐅᔪᖅ, ᑖᓐᓇ ᐱᓪᓚᕆᐅᓂᕐᐸᐅᓪᓗᓂ ᑎᕆᖅᑰᓕᕐᐳᖅ;

ᓘᑲᓯᐅᑉ ᐊᒡᓚᖏᑦ 20:17

ᔩᓱᓯᐅᑉ ᐃᓄᐃᑦ ᑕᑯᓴᕐᓗᒋᑦ, ᐅᖃᐅᑎᕔᑦ, “ᐅᖃᐅᓰᑦ ᐃᒤᓕᔪᑦ ᖃᓄᖅ ᑐᑭᖃᕐᐹᑦ? ‘ᐅᔭᕋᒃ ᐃᒡᓗᓕᐅᕐᑎᓂᑦ ᓇᕐᕈᒋᔭᐅᔪᖅ ᐊᑐᖏᓐᓂᕋᕐᑕᐅᓪᓗᓂ ᑖᓐᓇ ᐊᑐᕆᐊᖃᕐᓂᕐᐹᖑᓕᕐᐳᖅ ᑎᕆᖅᑰᓕᕐᓗᓂ.’

ᓘᑲᓯᐅᑉ ᐊᒡᓚᖏᑦ 23:35

ᐃᓄᐃᑦ ᑕᕝᕙᓂ ᓇᖏᕐᐳᑦ ᑕᑯᓐᓈᕐᓗᑎᒃ; ᔫᑎᓪᓕ ᐊᖓᔪᖅᑳᖏᑦ ᒥᑕᐅᑎᖃᕐᐳᑦ ᔩᓱᓯᒥᒃ, ᐅᖃᕐᓗᑎᒃ, “ᐊᓯᒥᓂᒃ ᐱᐅᓕᓯᓚᐅᕐᐳᖅ; ᐃᒻᒥᓂᒃ ᐱᐅᓕᓕᕐᓕ, ᒥᓮᐊᓯᐅᒍᓂ ᒎᑎᐅᑉ ᓂᕈᐊᕐᓯᒪᔭᖓ!”

ᔪᐊᓇᓯᐅᑉ ᐊᒡᓚᖏᑦ 7:38

ᐅᕙᓐᓄᑦ ᐅᒃᐱᕐᑐᖅ, ᓲᕐᓗ ᐊᒡᓚᖕᓂ ᐅᖃᐅᓯᐅᓯᒪᖕᒪᑦ, ‘ᐃᒦᑦ ᐃᓅᓯᑖᕐᓇᕐᑐᒥᒃ ᑰᒃᑐᑦ ᐆᒻᒪᑎᖓᓂᑦ ᑰᓕᕈᒪᕐᐳᑦ.’”

ᐋᐴᓯᑕᓖᑦ ᐱᓂᐊᕐᓂᖏᑦ 1:16

“ᐃᓅᖃᑎᒃᑲ, ᐊᒡᓔᑦ ᓇᓚᐅᑦᓯᔭᕆᐊᖃᓚᐅᕐᒪᑕ, ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᕆᓯᒪᔭᖏᑦ ᑍᕕᑎᒃᑯᑦ, ᓇᓚᐅᑦᑍᑦᔪᑕᐅᓯᒪᔪᑦ ᔫᑕᓯᒥᒃ, ᑖᓐᓇ ᑕᓯᐅᕐᑎᐅᓚᐅᕐᒪᑦ ᔩᓱᓯᒥᒃ ᑎᒍᓯᓚᐅᕐᑐᓄᑦ.

ᕉᒪᒥᐅᓄᑦ 10:11

ᐊᒡᓔᑦ ᐅᖃᕐᒪᑕ, “ᑖᑦᓱᒧᖓ ᐅᒃᐱᕐᑐᖅ ᑲᓐᖑᓱᒃᑎᑕᐅᓂᐊᓐᖏᓚᖅ.”

ᐃᐱᓯᒥᐅᓄᑦ 1:4

ᐊᒡᓛᑦ ᓯᓚᕐᔪᐊᖅ ᓴᓇᔭᐅᓚᐅᖅᑳᕐᑎᓐᓇᒍ ᒎᑎᐅᑉ ᓂᕈᐊᓚᐅᕐᐹᑎᒍᑦ ᙭ᔅᑑᓯᒃᑯᑦ, ᐃᑦᔪᕐᓁᖁᓪᓗᑕ ᐸᓯᔭᒃᓴᐅᓂᖃᖁᓇᑕᓗ ᑖᑦᓱᒪ ᓵᖓᓂ ᓇᒡᓕᖕᓂᕐᒥᒍᑦ.

ᐃᐱᓯᒥᐅᓄᑦ 2:20

ᐃᒡᓗᓕᐊᖑᖃᑕᐅᓕᕐᓗᓯᓗ ᐋᐴᓯᑕᓖᑦ ᓇᓚᐅᑦᑍᔪᓪᓗ ᑐᓐᖓᕕᓕᐊᕆᓚᐅᕐᑕᖓᓐᓄᑦ, ᑐᓐᖓᕕᖕᒧᓪᓕ ᑎᕆᖅᑯᕆᔭᐅᕗᖅ ᑕᕝᕙ ᙭ᔅᑑᓯ ᔩᓱᓯ.

ᑎᒧᑎᒧᑦ ᐂᑉᐸᖏᑦ 3:16

ᒎᑎᐅᑉ ᐅᖃᐅᓯᕆᓯᒪᔭᖏᑦ ᐃᓘᓐᓇᑎᒃ ᒎᑎᐅᑉ ᐃᓱᒪᓕᐅᕈᑎᒋᓯᒪᖕᒪᒋᑦ ᐊᑐᕐᓇᕐᐳᑦ ᐊᔪᕆᕐᑐᐃᓂᕐᒧᑦ, ᐃᓂᕐᑎᕆᓂᕐᒧᑦ, ᐋᖅᑭᒋᐊᕐᑕᐅᓂᕐᒧᑦ, ᐃᓅᑦᓯᐊᕐᓂᕐᒧᓪᓗ ᐃᓕᓐᓂᐊᕈᑎᒃᓴᐅᓪᓗᑎᒃ,

ᐲᑦᑐᕉᓯ ᓯᕗᓪᓖᑦ 2:4

ᐊᑕᓂᕐᒧᐊᕐᓯᒪᓕᕋᑦᓯ, ᐅᔭᖅᑲᒧᑦ ᐆᒪᔪᒧᑦ; ᐃᓄᖕᓂᑦ ᓇᕐᕈᒋᔭᐅᓚᐅᕐᑐᒧᑦ ᒎᑎᐅᓪᓕ ᓂᕈᐊᓚᐅᕐᑕᖓᓄᑦ ᑖᑦᓱᒧᖓ ᐱᕕᐊᕐᓇᒻᒪᕆᒃᑐᒧᑦ.

ᐲᑦᑐᕉᓯ ᓯᕗᓪᓖᑦ 2:8

ᐊᓯᖏᓐᓂ ᐅᖃᕐᓯᒪᔪᖃᕆᕗᖅ, “ᑖᓐᓇ ᐅᔭᕋᒃ ᐃᓄᖕᓂᒃ ᓈᑎᑦᓯᔪᒫᕐᐳᖅ ᐹᓪᓚᒃᑎᑦᓯᔪᒫᕐᓗᓂᓗ.” ᑖᒃᑯᐊ ᐹᓪᓚᒃᐳᑦ ᐅᒃᐱᖏᓐᓇᒥᒃ ᐅᖃᐅᓯᐅᔪᓂᒃ, ᑖᒃᑯᓄᖓ ᑐᕌᖓᔫᒐᓗᐊᓂᒃ.

ᐲᑦᑐᕉᓯ ᐂᑉᐸᖏᑦ 1:20

ᓯᕗᓪᓕᕐᐹᒥᒡᓕ ᑐᑭᓯᔭᕆᐊᖃᕐᐸᓯ ᐅᓇ, ᓇᓚᐅᑦᑍᔪᑦ ᐅᖃᐅᓯᕆᓯᒪᔭᖏᑦ ᒎᑎᐅᑉ ᐅᖃᐅᓯᖏᓐᓃᑦᑐᑦ ᐃᓅᑉ ᓇᖕᒥᓂᖅ ᑐᑭᓕᐅᕆᓂᖏᓐᓄᑦ ᐱᓯᒪᖏᒻᒪᑕ.

ᐲᑦᑐᕉᓯ ᐂᑉᐸᖏᑦ 3:16

ᑎᑎᕋᕐᑕᒥᓂ ᑕᒤᓐᓂ ᑎᑎᕋᕐᓯᒪᖕᒪᑦ ᑕᒪᒃᑯᓂᖓ ᐅᖃᐅᓯᖃᕐᓗᓂ. ᐃᓚᖏᑦ ᑐᑭᓯᔭᕐᓂᖏᒻᒪᑕ, ᐃᓕᓯᒪᖏᑦᑐᑦ ᑐᓐᖓᕕᖃᑦᓯᐊᖏᑦᑐᓪᓗ ᒧᒥᒃᑎᑦᓯᓪᓗᑎᒃ ᐃᒻᒥᖕᓄᑦ ᐊᓯᕈᕐᑕᐅᑦᔪᑎᒃᓴᓕᐅᕐᐸᒃᐳᑦ, ᐊᓯᖏᓐᓄᑦᑕᐅᖅ ᐊᒡᓚᖕᓄᑦ ᑍᒤᓕᐅᕐᐸᒃᑭᕗᑦ.