ᐲᑦᑐᕉᓯ ᓯᕗᓪᓖᑦ 2:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐊᑕᓂᕐᒧᐊᕐᓯᒪᓕᕋᑦᓯ, ᐅᔭᖅᑲᒧᑦ ᐆᒪᔪᒧᑦ; ᐃᓄᖕᓂᑦ ᓇᕐᕈᒋᔭᐅᓚᐅᕐᑐᒧᑦ ᒎᑎᐅᓪᓕ ᓂᕈᐊᓚᐅᕐᑕᖓᓄᑦ ᑖᑦᓱᒧᖓ ᐱᕕᐊᕐᓇᒻᒪᕆᒃᑐᒧᑦ.

ᐲᑦᑐᕉᓯ ᓯᕗᓪᓖᑦ 2:4 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 28:16

ᑍᒤᒻᒪᑦ ᐊᑕᓂᖅ ᒎᑎ ᐅᖃᕐᐳᖅ: “ᑕᑯᒋᑦ, ᓮᐅᓂᒥ ᐅᔭᕋᖕᒥᒃ ᑐᓐᖓᕕᒃᓴᓕᐅᕐᐳᖓ, ᐆᒃᑐᕋᕐᑕᐅᓯᒪᔪᒥᒃ ᐅᔭᕋᖕᒥᒃ, ᐃᒡᓘᑉ ᑎᕆᖅᑯᒃᓴᖓᓂᒃ, ᑐᓐᖓᕕᒃᓴᒥᒃ ᐊᐅᓚᖏᑦᑐᒥᒃ; ᓇᓪᓕᐊᓪᓗ ᐅᒃᐱᕐᑐᖅ ᑐᐊᕕᕐᓗᓂ ᐱᓇᓱᐊᕆᐊᖃᕈᒫᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 42:1

“ᑕᑯᓯᐅᒃ ᐱᔨᒐ, ᑖᓐᓇ ᓴᐳᑎᓯᒪᔭᕋ, ᓂᕈᐊᕐᓯᒪᔭᕋ ᑕᕐᓂᕐᒪ ᖁᕕᐊᒋᔭᖓ, ᐊᓂᕐᓂᓐᓂᒃ ᐃᓗᒻᒥᕐᑎᓯᒪᔭᕋ; ᑖᑦᓱᒪ ᐃᓅᖃᑎᒌᒡᔪᐊᑦ ᐊᑦᔨᒌᒃᑎᑦᓯᓂᕐᒥᒃ ᑐᓂᓯᕕᒋᔪᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 55:3

ᓯᐅᑎᓯ ᒪᓂᓗᒋᒃ, ᐅᕙᓐᓄᑦ ᕾᓗᓯ; ᑐᓵᑦᓯᐊᕆᑦᓯ ᑕᕐᓂᓯ ᐃᓅᖁᓪᓗᒋᑦ; ᐊᖏᖃᑎᒋᔪᒪᕙᒋᑦ ᐃᓱᖃᖏᑦᑐᒧᑦ ᐊᑐᕐᓂᐊᕐᑐᒥᒃ, ᑍᕕᑎᒧᑦ ᐊᖏᖃᑎᒌᒍᑎᒋᓚᐅᕐᑕᓐᓂᒃ ᓇᒡᓕᒍᓱᖕᓂᓐᓂᒃ ᓱᖁᓯᕐᓂᐊᖏᑦᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 3:22

ᐅᑎᕆᑦᓯ, ᐊᑕᓂᕐᒥᒃ ᕿᒤᓚᐅᕐᑐᓯ ᑕᕝᕙ ᑲᑕᒃᓯᒪᓂᑦᓯᓐᓂᑦ ᐋᖅᑭᖕᓂᐊᕐᐸᑦᓯ. ᐅᖃᕐᐳᓯ, “ᐅᑎᕈᒪᕗᒍᑦ ᐊᑕᓂᐅᒐᕕᑦ ᒎᑎᒋᔭᕗᑦ.

ᑖᓂᐊᓕᐅᑉ ᐊᒡᓚᖏᑦ 2:34

ᑕᑯᓐᓇᕐᑎᓪᓗᑎᑦ, ᐅᔭᕋᒃᔪᐊᖅ ᐲᕐᑕᐅᕗᖅ ᐃᓅᑉ ᐊᒡᒐᖏᓐᓅᖏᑦᑐᖅ, ᐃᑎᒐᖏᑦ ᓴᕕᕋᔧᑦ ᔭᕐᕋᐅᓪᓗᑎᒡᓗ, ᒥᓗᕐᑕᐅᕗᑦ ᓯᖁᒥᓪᓗᑎᒃ.

ᑖᓂᐊᓕᐅᑉ ᐊᒡᓚᖏᑦ 2:45

ᑖᓐᓇ ᑕᕝᕙ ᐅᔭᕋᒃᔪᐊᑉ ᑐᑭᖓ, ᑕᑯᓚᐅᕐᑍᑦ ᐲᕐᑕᐅᔪᖅ ᖃᖅᑲᒥ ᐃᓅᑉ ᐊᒡᒐᖏᓐᓅᖏᑦᑐᖅ, ᓯᖁᒥᑦᓯᓚᐅᕐᑐᖅ ᓴᕕᕋᔭᖕᒥᒃ, ᖃᑯᕐᓕᕐᒥᒡᓗ, ᔭᕐᕋᕐᒥᒡᓗ, ᓯᐅᓪᕕᕆᒥᒡᓗ, ᒎᓗᒥᒡᓗ. ᒎᑎᓪᓚᕆᐊᓘᑉ ᐊᖓᔪᖅᑲᕐᔪᐊᖅ ᑕᑯᑎᓚᐅᕐᐹ ᓯᕗᓂᒃᓴᒥ ᐱᔪᒫᕐᑐᓂᒃ: ᓯᓐᓇᒃᑐᕆᔧᑦ ᓱᓕᔪᖅ ᑐᑭᖓᓗ ᐅᒃᐱᕆᔭᒃᓴᐅᓪᓗᓂ.”

ᓴᑲᕅᐊᐅᑉ ᐊᒡᓚᖏᑦ 3:9

ᐃᓕᓯᓂᐊᕋᒪ ᐅᔭᕋᖕᒥᒃ ᐊᑕᐅᓯᕐᒥᒃ, ᔮᓱᐊᑉ ᓵᖓᓄᑦ, 7ᓂᒃ ᑮᓇᖃᕐᑐᓂᒃ, ᑎᑎᕋᕐᕕᒋᓯᒪᓂᐊᕐᐳᖅ ᐃᒫᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ, ᓄᓇᖃᕐᑐᑦ ᑕᕝᕙᓂ ᐊᔪᕐᓂᖏᑦ ᐲᕐᓂᐊᕐᐸᒃᑲ ᐅᓪᓗᒥ ᐊᑕᐅᓯᕐᒥ.

ᓴᑲᕅᐊᐅᑉ ᐊᒡᓚᖏᑦ 4:7

ᐊᒡᕕᐊᕐᑐᑦ ᖃᖅᑳᓗᒃᑎᑐᑦ ᐊᖏᑎᒋᔪᑦ ᔨᕈᐸᐱᐅᓕᐅᑉ ᓵᖓᓂ ᐊᓯᐅᓂᐊᕐᐳᑦ. ᑐᒃᓯᐊᕐᕕᒡᔪᐊᖅ ᓴᓇᒃᑲᓐᓂᕐᓂᐊᕐᐸᑦ, ᐅᔭᕋᒃ ᑭᖑᓪᓕᕐᐹᖅ ᐃᓕᒍᕕᐅᒃ, ᐃᓄᐃᑦ ᓂᐱᖅᑯᕐᑐᓗᑎᒃ ᓂᓪᓕᐊᔪᒫᕐᐳᑦ, ‘ᐱᐅᔪᐊᓗᒃ, ᐱᐅᔪᐊᓗᒃ!’”

ᒫᑎᐅᓯᐅᑉ ᐊᒡᓚᖏᑦ 11:28

“ᕾᒋᑦᓯ ᐅᕙᓐᓄᑦ, ᑕᒪᑦᓯ ᐊᒃᓱᕈᕐᑐᓯ ᐅᖁᒤᒃᓴᕐᑐᓯᓗ, ᑕᕾᕐᓯᕐᑎᑦᑐᒪᕙᑦᓯ.

ᒫᑎᐅᓯᐅᑉ ᐊᒡᓚᖏᑦ 12:18

“ᑕᑯᒋᑦ, ᑕᕝᕙ ᐱᔨᒐ, ᓂᕈᐊᕐᓯᒪᔭᕋ, ᓇᒡᓕᒋᔭᕋ, ᖁᕕᐊᒋᑦᓯᐊᕐᑕᕋᓗ. ᐊᓂᕐᓂᕋ ᑐᓂᓛᕐᐸᕋ ᑖᑦᓱᒧᖓ, ᐅᖃᐅᓯᖃᕈᒫᕐᐳᖅ ᐊᑦᔨᒌᒃᑎᑦᓯᓗᓂ ᔫᑎᐅᖏᑦᑐᓄᑦ.

ᒫᑎᐅᓯᐅᑉ ᐊᒡᓚᖏᑦ 21:42

ᔩᓱᓯᐅᑉ ᐅᖃᐅᑎᕔᑦ, “ᒎᑎᐅᑉ ᐅᖃᐅᓯᖏᓐᓂᒃ ᐅᖃᓕᒫᓚᐅᕐᓯᒪᓐᖏᓚᓰ ᐃᒤᓕᔪᓂᒃ? ‘ᐅᔭᕋᒃ ᑐᓐᖓᕕᒃᓴᖅ ᐃᒡᓗᓕᐅᕐᑎᓂᑦ ᓇᕐᕈᒋᔭᐅᔪᖅ ᑖᓐᓇ ᐱᓪᓚᕆᐊᓗᓐᖑᕐᐳᖅ ᑎᕆᖅᑰᓕᕐᓗᓂ; ᑕᒪᓐᓇ ᐊᑕᓂᐅᑉ ᓇᖕᒥᓂᖅ ᐱᓇᓱᐊᓚᐅᕐᐹ; ᐅᕙᑦᑎᓐᓄᓪᓗ ᑲᒪᓇᕐᑐᐊᓘᕗᖅ!’

ᔪᐊᓇᓯᐅᑉ ᐊᒡᓚᖏᑦ 14:19

ᐊᑯᓂᐅᖏᑦᑐᖅ ᓯᓚᕐᔪᐊᕐᒥᐅᑦ ᑕᑯᖃᑦᑕᕐᓂᐊᕈᓐᓃᕐᐹᖓ, ᐃᓕᑦᓯᓕ ᑕᑯᓛᕆᕙᑦᓯᓐᖓ; ᐃᓅᒐᒪ, ᐃᓕᑦᓯᑦᑕᐅᖅ ᐃᓅᓂᐊᕆᕗᓯ.

ᔪᐊᓇᓯᐅᑉ ᐊᒡᓚᖏᑦ 14:6

ᔩᓱᓯᐅᑉ ᐅᖃᐅᑎᕚ, “ᐊᖅᑯᑕᐅᕗᖓ, ᓱᓕᔫᓪᓗᖓ, ᐃᓅᓯᐅᕗᖓ; ᑭᓇᒥᒡᓘᓐᓃᑦ ᐊᑖᑕᒧᐊᕐᑐᖃᕈᓐᓇᓐᖏᓚᖅ, ᐅᕙᒃᑰᕐᓗᓂ ᑭᓯᐊᓂ.

ᔪᐊᓇᓯᐅᑉ ᐊᒡᓚᖏᑦ 5:26

ᓲᕐᓗ ᐊᑖᑕ ᓇᖕᒥᓂᖅ ᐃᓅᓯᖃᕐᒪᑦ ᐃᒻᒥᒃᑯᑦ, ᑍᒫᒃᑕᐅᖅ ᐃᕐᓂᓂ ᑐᓂᓯᕕᒋᕚ ᐃᓅᓯᖃᖁᓪᓗᒍ ᐃᒻᒥᒃᑯᑦ.

ᔪᐊᓇᓯᐅᑉ ᐊᒡᓚᖏᑦ 5:40

ᐅᕙᓐᓄᓪᓕ ᕾᔪᒪᓐᖏᓚᓯ ᐃᓅᓯᕐᑖᕐᕕᒋᔪᓐᓇᕐᑕᑦᓯᓐᓄᑦ.

ᔪᐊᓇᓯᐅᑉ ᐊᒡᓚᖏᑦ 6:37

ᐊᑖᑕᒪ ᑐᓂᑦᔪᑎᒋᔭᓕᒫᖏᑦ ᐅᕙᓐᓄᐊᕐᓂᐊᕐᐳᑦ, ᐅᕙᓐᓄᐊᕐᑐᓂᒡᓗ ᖁᔭᓈᕐᓯᓂᐊᓐᖏᓚᖓ.

ᔪᐊᓇᓯᐅᑉ ᐊᒡᓚᖏᑦ 6:57

ᐊᑖᑕᐅᑉ ᐆᒪᔪᑉ ᑎᓕᓯᒪᖕᒪᖓ, ᐅᕙᖓᓗ ᐃᓅᕗᖓ ᐊᑖᑕᒐ ᐱᓪᓗᒍ, ᑍᒫᒃᑕᐅᖅ ᐅᕙᓐᓂᒃ ᓂᕆᔪᖅ ᐃᓅᓂᐊᕐᐳᖅ ᐅᕙᖓ ᐱᓪᓗᖓ.

ᕉᒪᒥᐅᓄᑦ 5:10

ᒎᑎᒥᒃ ᐊᑭᕋᕐᑐᕐᑎᐅᓚᐅᕐᑐᒍᑦ ᒫᓐᓇ ᒎᑎᒥᒃ ᐃᓚᓐᓈᖃᕐᓂᕐᒧᑦ ᐅᑎᕐᑎᑕᐅᓯᒪᓕᕐᐳᒍᑦ ᐃᕐᓂᖓᑕ ᑐᖁᖓᒍᑦ, ᐊᖏᓂᕐᓴᒥᒡᓕ ᒫᓐᓇ ᐃᓚᓐᓈᖃᕐᓂᕐᒧᑦ ᐅᑎᕐᑎᑕᐅᓯᒪᔪᒍᑦ ᐱᐅᓕᔭᐅᔪᒫᓕᕐᐳᒍᑦ ᑖᑦᓱᒪ ᐃᓅᓯᖓᒍᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:11

ᑐᓐᖓᕕᖕᒥᒃ ᐊᓯᐊᓂᒃ ᑐᓐᖓᕕᓕᐅᕐᑐᖃᕈᓐᓇᓐᖏᓚᖅ ᐃᓕᔭᐅᔭᕇᕐᓯᒪᔫᑉ ᐊᓯᐊᓂᒃ, ᑕᕝᕙ ᔩᓱᓯ ᙭ᔅᑑᓯᒥᒃ.

ᑯᓘᓯᐊᒥᐅᓄᑦ 3:4

᙭ᔅᑑᓯᓕ ᐃᓅᑦᔪᑎᒋᔭᓯ ᓴᖅᑭᑉᐸᑦ, ᐃᓕᑦᓯᑦᑕᐅᖅ ᓴᖅᑭᖃᑎᒋᔪᒫᕐᐸᓯ ᐱᓐᓇᕐᓇᕐᑐᕐᔪᐊᕐᒥᒃ ᐱᖃᖃᑎᒋᓗᒍ.

ᐲᑦᑐᕉᓯ ᓯᕗᓪᓖᑦ 1:19

᙭ᔅᑑᓯᐅᑉ ᐊᐅᖓᑕ ᐊᑭᑐᔪᕐᔪᐊᑉ ᑐᓂᕐᕈᑕᐅᓂᖓᒍᑦ, ᓰᐱᐅᑉ ᓄᕐᕋᖓᑐᑦ ᐱᐅᖏᓐᓂᖃᖏᑦᑐᑐᑦ ᓇᕐᕈᓇᕐᓂᖃᖏᑐᑐᓪᓗ.

ᐲᑦᑐᕉᓯ ᓯᕗᓪᓖᑦ 1:7

ᑕᒪᒃᑯᐊ ᐱᑦᔪᑎᖃᕐᐳᑦ ᐅᒃᐱᕐᓂᐅᑉ ᓇᓚᒍᑦᓯᐊᕐᓂᖓᓂᒃ, ᐱᕕᐊᕐᓇᕐᓂᕐᓴᐅᓪᓗᓂ ᒎᓗᒥᑦ ᓄᖑᔪᒫᕐᑐᒥᑦ ᐃᑯᒪᒧᑦ ᖃᐅᔨᓴᕐᑕᐅᕙᒃᑐᒥᑦ, ᐅᐱᒋᔭᐅᖁᓪᓗᓯ, ᐱᓐᓇᕐᓇᕐᑎᑕᐅᓗᓯᓗ ᐅᐱᒋᔭᐅᓗᓯᓗ ᔩᓱᓯ ᙭ᔅᑑᓯᐅᑉ ᓴᖅᑭᕝᕕᒃᓴᖓᓂ.

ᐲᑦᑐᕉᓯ ᓯᕗᓪᓖᑦ 2:7

ᐃᓕᑦᓯᓐᓄᓪᓕ ᐅᒃᐱᕐᑐᓄᑦ, ᐅᔭᕋᒃ ᑖᓐᓇ ᐅᐱᒋᔭᐅᕗᖅ. ᐅᒃᐱᕈᒪᓐᖏᑦᑐᓄᓪᓕ, “ᐅᔭᕋᒃ ᐃᒡᓗᓕᐅᕐᑐᓄᑦ ᓇᕐᕈᒋᔭᐅᔪᖅ, ᑐᓐᖓᕕᓪᓚᕆᐅᓪᓗᓂ ᑎᕆᖅᑯᕆᔭᐅᓂᖓ ᐊᑑᑎᖃᕐᓂᕐᐹᖑᓕᕐᐳᖅ.”

ᐲᑦᑐᕉᓯ ᐂᑉᐸᖏᑦ 1:1

ᓮᒨᓂ ᐲᑦᑐᕉᓯᒥᑦ, ᐱᔨᒋᔭᐅᓪᓗᓂ ᐋᐴᓯᑕᓕᐅᔪᒥᑦ ᔩᓱᓯ ᙭ᔅᑑᓯᒧᑦ, ᐱᑖᕐᓯᒪᔪᓄᑦ ᐅᒃᐱᕐᓂᕐᒥᒃ ᐱᕕᐊᕐᓇᕐᑐᒥᒃ ᐅᕙᑦᑎᑐᑦ ᒎᑎᑦᑕ ᐃᓗᐊᕐᑐᓐᖑᕐᑎᑦᓯᓂᖓᓄᑦ ᐱᐅᓕᔨᑦᑎᒍᓪᓗ ᔩᓱᓯ ᙭ᔅᑑᓯᒃᑯᑦ:

ᐲᑦᑐᕉᓯ ᐂᑉᐸᖏᑦ 1:4

ᑕᒪᒃᑯᑎᒎᓇᖅ ᑐᓂᓯᕕᒋᓯᒪᖕᒪᑎᒍᑦ ᐱᕕᐊᕐᓇᕐᓂᕐᒥᓂᒃ ᐊᖏᕈᑎᒋᓯᒪᔭᖓᑕᓗ ᐊᖏᔫᓂᖓᓂᒃ, ᑕᒪᒃᑯᐊ ᐊᖅᑯᑎᒋᓗᒋᑦ ᕿᒤᑎᑕᐅᒐᑦᓯ ᐱᐅᖏᑦᑐᐊᓗᖕᓂᒃ ᓯᓚᕐᔪᐊᕐᒦᑦᑐᓂᒃ ᐃᒃᓯᒎᕐᓂᒃᑯᑦ ᓴᖅᑭᑎᑕᐅᔪᓂᑦ, ᐃᓚᖏᐅᑎᑎᑕᐅᖁᓪᓗᓯᓗ ᒎᑎᐅᓂᖓᓂᒃ.