ᐲᑦᑐᕉᓯ ᓯᕗᓪᓖᑦ 2:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᕿᓚᕈᑦᔮᕐᑕᐅᓯᒪᔪᑎᑐᑦ ᐃᓅᒋᑦᓯ, ᕿᓚᕈᑦᔮᕐᑕᐅᓯᒪᓂᓯᓕ ᐃᔨᕋᑦᑐᕈᑎᒋᑦᑍᓕᓯᐅᒃ ᐱᐅᖏᑦᑐᒥᒃ ᐱᓇᓱᐊᕈᑎᑖᕆᓗᒍ; ᐃᓅᓯᖃᕆᑦᓯᓕ ᒎᑎᐅᑉ ᐱᔨᖏᑎᑐᑦ.

ᐲᑦᑐᕉᓯ ᓯᕗᓪᓖᑦ 2:16 ပူးပေါင်းရင်းမြစ်များ

ᒐᓔᑎᐊᒥᐅᓄᑦ 5:13

ᐃᓕᑦᓯᓕ ᐅᒃᐱᕐᑑᖃᑎᒃᑲ, ᕿᓚᕈᑦᔮᕐᑕᐅᖁᓪᓗᓯ ᕾᖁᔭᐅᓯᒪᕗᓯ; ᕿᓚᕈᑦᔮᕐᑕᐅᓯᒪᓂᓯᓕ ᑎᒥᐅᑉ ᐱᔪᒪᔭᖓᓄᑦ ᐊᐅᓚᑕᐅᑦᔪᑎᒋᓕᕐᑍᓕᓯᐅᒃ, ᓇᒡᓕᖕᓂᒃᑯᓪᓕ ᐊᑐᓂᑦ ᐱᔨᑦᓯᖃᑦᑕᐅᑎᓕᕆᑦᓯ.

ᕉᒪᒥᐅᓄᑦ 6:22

ᒫᓐᓇᓕ ᐊᔪᕐᓂᕐᒥᑦ ᕿᓚᕈᑦᔮᕐᑕᐅᓯᒪᓕᕋᑦᓯ ᒎᑎᒧᓪᓗ ᑭᒡᒐᐅᓕᕐᓗᓯ, ᐊᑭᓕᕐᑕᐅᕗᓯ ᑕᕝᕙ ᐃᑦᔪᕐᓁᑎᑕᐅᓂᕐᒥᒃ ᐃᓱᐊᓂᓗ ᐃᓅᓯᕐᒥᒃ ᓄᖑᓱᐃᑦᑐᒥᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:22

ᐃᓄᖕᒧᑦ ᓂᐅᕕᐊᖑᓯᒪᑎᓪᓗᒍ ᐊᑕᓂᕐᒧᑦ ᕾᖁᔭᐅᔪᖅ ᐊᑕᓂᐅᑉ ᐱᒋᔭᐅᔪᓐᓃᕐᑎᒻᒪᒍ. ᑍᒫᒃᑕᐅᖅ ᐃᓄᖕᒧᑦ ᓂᐅᕕᐊᖑᓯᒪᑎᓐᓇᒍ ᕾᖁᔭᐅᔪᖅ ᙭ᔅᑑᓯᐅᑉ ᓇᖕᒥᓂᕐᑖᕆᕚ.

ᕉᒪᒥᐅᓄᑦ 6:18

ᐊᔪᕐᓂᕐᒥᑦ ᕿᓚᕈᑦᔮᕐᑕᐅᓯᒪᓂᑦᓯᓐᓄᑦ, ᐃᓗᐊᕐᑐᓕᓂᕐᒧᑦ ᑭᒡᒐᕆᔭᐅᓕᕐᓯᒪᒐᑦᓯ.

ᒐᓔᑎᐊᒥᐅᓄᑦ 5:1

ᐊᔪᕐᓂᕐᒥᑦ ᕿᓚᕈᑦᔮᕐᑕᐅᓯᒪᕗᒍᑦ ᙭ᔅᑑᓯᐅᑉ ᕿᓚᕈᑦᔮᓚᐅᕐᒪᑎᒍᑦ; ᑍᒤᒻᒪᑦ ᓂᑯᕕᖓᑦᓯᐊᕐᓗᓯ ᐃᓅᓕᕆᑦᓯ, ᐃᓕᑦᓯᓐᓂᒡᓗ ᓯᐊᓛᕆᔭᐅᓂᕐᒧᑦ ᑐᓂᒃᑲᓐᓂᕐᑍᓕᓕᕆᑦᓯ.

ᔧᒥᓯᐅᑉ ᐊᒡᓚᖏᑦ 1:25

ᑭᓇᑐᐃᓐᓇᖅ ᑕᑯᑦᓯᐊᕐᑐᖅ ᐱᖁᔭᓂᒃ ᕿᓚᕈᑦᔮᕐᓯᔪᓂᒃ, ᐃᓄᖕᓂᒃ, ᐊᑕᕕᒌᓐᓇᓕᕐᓗᒋᓪᓗ, ᑖᓐᓇ ᓈᓚᑐᐃᓐᓇᓐᖏᓚᖅ ᐳᐃᒍᑐᐃᓐᓇᕋᓂᓗ ᐱᓂᐊᕈᑎᒋᓪᓗᒋᓪᓕ ᐊᑐᓕᕐᐰᑦ, ᐃᓄᒃ ᑍᒤᓕᐅᕐᑐᖅ ᓮᒻᒪᕐᑎᑕᐅᓂᐊᕐᐳᖅ ᐱᓇᓱᐊᕐᓂᕆᔭᒥᓂ.

ᔧᒥᓯᐅᑉ ᐊᒡᓚᖏᑦ 2:12

ᐅᖃᕅᒍᑦᓯ ᐱᓇᓱᐊᕈᑦᓯᓗ ᐃᖅᑲᕐᑐᕐᑕᐅᔪᒫᕐᑐᑎᑐᑦ ᐱᓇᓱᐊᖃᑦᑕᕆᑦᓯ ᐱᖁᔭᓄᑦ ᕿᓚᕈᑦᔮᕐᑎᑦᓯᔪᓄᑦ.

ᐃᐱᓯᒥᐅᓄᑦ 6:6

ᑕᑯᓐᓇᕐᑎᓪᓗᒋᑦ ᐱᑦᓯᐊᕋᓱᐊᑐᐃᓐᓇᖏᓪᓗᓯ, ᓈᒻᒪᒋᔭᐅᔪᒪᓂᕐᒧᑦ ᑖᒃᑯᓄᖓ; ᙭ᔅᑑᓯᐅᓪᓕ ᐱᔨᖏᑎᑐᑦ, ᐆᒻᒪᒻᒧᑦ ᐃᓗᖏᕐᓱᕐᑐᒧᑦ ᒎᑎᐅᑉ ᐱᔪᒪᔭᖓ ᓈᓚᒡᓗᒍ.

ᐲᑦᑐᕉᓯ ᐂᑉᐸᖏᑦ 2:19

ᐅᖃᐅᑦᔪᕐᓗᒋᓪᓗ ᕿᓚᕈᑦᔮᕐᑕᐅᓂᐊᕐᓂᕋᓗᒋᑦ, ᓇᖕᒥᓂᕐᓗ ᐊᔪᓕᕐᕕᖃᕐᓯᒪᒋᕗᑦ ᐃᓅᓯᑎᐊᕙᐅᓐᖏᑐᒧᑦ ᐃᓕᖅᑯᓯᕾᓐᓇᕐᓇᕐᑐᒥᒃ; ᑖᑦᓱᒧᖓ ᓵᓚᒋᔨᒋᔭᒥᓄᑦ ᐱᔨᒋᔭᐅᓕᕐᒪᑦ.

ᑯᓘᓯᐊᒥᐅᓄᑦ 3:24

ᖃᐅᔨᒪᒐᑦᓯ ᐊᑕᓂᕐᒥᑦ ᐊᑭᓕᕐᑕᐅᔪᒫᕋᑦᓯ ᑭᖑᕐᖑᑎᔭᒃᓴᐅᑎᑕᖓᓂᒃ ᐊᑭᓕᕐᑕᐅᓗᓯ; ᐊᑕᓂᖅ ᙭ᔅᑑᓯ ᐱᔨᑦᓯᕋᑦᓯᐅᒃ.

ᒫᑎᐅᓯᐅᑉ ᐊᒡᓚᖏᑦ 23:13

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᒎᑎᐅᑉ ᐊᑕᓂᐅᕕᖓᑕ ᐅᒃᑯᐊᖓ ᐅᒃᑯᐊᕐᓯᒪᒐᑦᓯᐅᒃ ᐃᓄᐃᑦ ᐃᑎᖁᓇᒋᑦ; ᓇᖕᒥᓂᕐᓗ ᐃᑎᕐᓯᒪᓇᓯ, ᑕᕝᕗᖓᓗ ᐃᑎᕋᓱᐊᕐᑐᑦ ᐊᒡᕕᐊᕋᓱᐊᕐᐸᓯ! [

ᔫᑎᐅᑉ ᐊᒡᓚᖏᑦ 1:4

ᐃᓚᖏᑦ ᐱᖏᑦᓯᕐᑐᕐᓗᑎᒃ ᐅᕙᑦᑎᓐᓄᑦ ᐃᓚᓕᐅᑎᓯᒪᖕᒪᑕ ᑍᑦᓱᒪᓂᐊᓗᖕᓂᑦ ᐅᖃᐅᓯᐅᔭᕇᕐᓯᒪᔪᑦ ᓱᒋᐊᕐᑕᐅᓛᕐᓂᕐᒥᖕᓂᒃ ᐱᓯᒪᓕᕇᕐᑐᑦ, ᑖᒃᑯᐊ ᐅᒃᐱᖏᑦᑐᑦ ᒎᑎᑦᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓇᕐᕈᓇᕐᓯᑎᑉᐹᑦ ᐃᒃᓯᒎᕐᓂᕐᒥᖕᓂᒃ ᐊᑐᕐᓂᕐᒥᖕᓄᑦ ᓱᓇᐅᑎᓐᖏᓛᓪᓗ ᐊᖓᔪᖅᑳᑐᐊᕗᑦ ᐊᑕᓂᑐᐊᕗᓪᓗ ᔩᓱᓯ ᙭ᔅᑑᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:5

ᐃᓕᑦᓯ ᖃᐅᔨᒪᑦᓯᐊᕐᐳᓯ ᓮᒻᒪᕐᓮᓐᖑᐊᑐᐃᓐᓇᕐᑐᓂᒃ ᐅᖃᐅᓯᖃᓚᐅᖏᓐᓇᑦᑕ, ᐱᖁᑎᓐᓂᐊᕈᒪᑐᐃᓐᓇᕐᓂᕐᒧᓪᓗ ᐅᖃᐅᓯᖃᓚᐅᖏᓐᓂᕗᒍᑦ, ᒎᑎᐅᑉ ᖃᐅᔨᒪᕚᑎᒍᑦ;

ᔪᐊᓇᓯᐅᑉ ᐊᒡᓚᖏᑦ 15:22

ᑎᑭᓚᐅᖏᒃᑯᒪ ᐅᖃᐅᑎᔭᕐᑐᕐᓗᒋᑦ, ᐊᔪᕐᓂᖃᕋᔭᓐᖏᓚᑦ; ᒫᓐᓇᓕ ᐸᓯᔭᒃᓴᐅᔪᓐᓃᕈᓐᓇᓐᖏᓚᑦ ᐊᔪᕐᓂᕐᒥᖕᓄᑦ.