ᐲᑦᑐᕉᓯ ᓯᕗᓪᓖᑦ 2:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑍᒤᒻᒪᑦ, ᐊᔪᕐᑐᓕᑦᔪᑕᐅᔪᓐᓇᕐᑐᓕᒫᑦ ᓄᖅᑲᐅᑎᓕᕐᓯᒋᒃ ᓴᒡᓗᖃᑦᑕᕐᓃᑦ, ᑕᒃᑯᕐᒨᕐᓃᑦ, ᐱᔪᒪᕕᒡᔪᐊᕐᓃᑦ, ᒥᑕᐅᑎᖃᕐᓃᓪᓗ ᖃᓄᑐᐃᓐᓇᖅ.

ᐲᑦᑐᕉᓯ ᓯᕗᓪᓖᑦ 2:1 ပူးပေါင်းရင်းမြစ်များ

ᐃᐱᓯᒥᐅᓄᑦ 4:31

ᒪᒃᑯᐊ ᑕᒪᕐᒥᒃ ᐊᑐᕈᓐᓁᕐᓯᒋᒃ ᐅᒋᐊᓐᖑᓂᖅ, ᓂᓐᖓᕕᒡᔪᐊᕐᓂᖅ, ᓂᓐᖓᖕᓂᖅ, ᕾᒐᓛᖃᑦᑕᐅᑎᓂᖅ ᒥᑕᐅᑎᖃᕐᓂᕐᓗ, ᖃᓄᑐᐃᓐᓇᕐᓗ ᐆᒥᓲᑎᓃᑦ ᑕᒪᕐᒥᒃ.

ᔧᒥᓯᐅᑉ ᐊᒡᓚᖏᑦ 1:21

ᑍᒤᒻᒪᑦ ᐱᓂᐊᕐᓂᕐᓗᖕᓂᓕᒫᑦ ᓈᒻᒪᖏᑦᑐᓂᒃᓗ ᐱᓇᓱᐊᕐᓃᑦ ᐊᑐᕈᓐᓁᕐᓯᒋᒃ ᐱᐅᔪᕆᖏᓪᓗᓯᓗ ᐃᓚᓕᐅᕐᓯᐅᒃ ᐅᖃᐅᓯᖓ ᐃᓗᑦᓯᓐᓄᑦ ᑲᓐᖓᕐᓲᑎᒋᔭᖓ, ᑕᒪᓐᓇ ᐃᓕᑦᓯᓐᓂᒃ ᐱᐅᓕᓯᔪᓐᓇᕐᒪᑦ.

ᔧᒥᓯᐅᑉ ᐊᒡᓚᖏᑦ 4:11

ᐃᓕᑦᓯᓐᓄᑦ ᐊᑐᓂᑦ ᓈᒻᒪᒃᓴᖏᓪᓗᓯ ᐅᖃᕐᓂᕐᓗᖃᑦᑕᐅᑎᓂᐊᕋᓯ, ᐅᒃᐱᕐᑑᖃᑎᒌᑦ, ᐅᒃᐱᕐᑑᖃᑎᒥᓂᒃ ᐅᖃᕐᓂᕐᓘᑎᓕᒃ ᐅᕝᕙᓗ ᐃᖅᑲᕐᑐᐃᔪᖅ, ᐱᖁᔭᓂᒃ ᐅᖃᕐᓂᕐᓘᑎᖃᕐᒪᑦ ᐃᖅᑲᕐᑐᐃᓪᓗᓂᓗ. ᐱᖁᔭᓂᒡᓕ ᐃᖅᑲᕐᑐᐃᒍᕕᑦ, ᑕᕝᕙ ᐱᖁᔭᓂᒃ ᒪᓕᒃᑎᐅᓐᖏᓚᑎᑦ ᐃᖅᑲᕐᑐᐃᔨᐅᕗᑎᓪᓕ.

ᐲᑦᑐᕉᓯ ᓯᕗᓪᓖᑦ 3:10

ᐊᒡᓔᑦ ᐅᖃᕐᒪᑕ, “ᐃᓄᒃ ᐃᓅᓯᕐᒥᓂ ᐃᓅᑦᓯᐊᕈᒪᒍᓂ ᖁᕕᐊᓇᕐᑐᓂᒡᓗ ᐃᓅᓯᕐᒥᓂ ᑕᑯᔪᒪᒍᓂ, ᐅᖃᐅᓯᕐᓗᖕᒥᒃ ᐅᖃᕐᑍᓕᔪᒃᓴᐅᕗᖅ ᓴᒡᓗᑦᑍᓕᓗᓂᓗ;

ᐲᑦᑐᕉᓯ ᓯᕗᓪᓖᑦ 4:4

ᑍᒤᓕᐅᖃᑎᒋᕙᓚᐅᕐᑕᓯ ᑲᒪᓂᐊᕐᐳᑦ ᐱᓕᕆᐊᖏᓐᓂᒃ ᐱᓇᓱᐊᖃᑎᒋᔪᓐᓃᕋᑦᓯᐅᒃ ᐃᓅᓯᖃᕈᓐᓃᕋᑦᓯᓗ ᑐᑮᕈᑎᓯᒪᔪᑎᑐᑦ, ᑍᒤᒻᒪᑦ ᐅᖃᕐᓂᕐᓘᑎᖃᕋᓱᐊᓕᕐᐳᑦ ᐃᓕᑦᓯᓐᓂᒃ.

ᐲᑦᑐᕉᓯ ᓯᕗᓪᓖᑦ 4:2

ᒫᓐᓇᒥᑦ ᑕᒫᓂ ᓄᓇᒥ ᐃᓅᓯᓕᒫᓯ ᓈᓗᒍ ᐃᓅᔭᕆᐊᖃᓕᕐᐳᓯ ᒎᑎᐅᑉ ᐱᔪᒪᔭᖓᓄᑦ ᐊᐅᓚᑕᐅᓗᓯ, ᑎᒥᐅᑉ ᐱᔪᒪᔭᖓᓅᖏᑦᑐᖅ.

ᔧᒥᓯᐅᑉ ᐊᒡᓚᖏᑦ 5:9

ᓈᒻᒪᒃᓴᖏᓐᓂᕐᒧᑦ ᐅᖃᕐᓂᕐᓗᖃᑦᑕᐅᑎᓂᐊᕋᓯ ᐃᓚᑦᓯᓐᓄᑦ ᐅᒃᐱᕐᑑᖃᑎᒌᑦ, ᐃᖅᑲᕐᑐᕐᑕᐅᖁᓇᓯ; ᑕᑯᒋᑦ, ᐃᖅᑲᕐᑐᐃᔨ ᖃᒡᓕᕗᖅ ᐅᒃᑯᐊᒦᓕᕐᓗᓂ.

ᐄᑉᕈᐃᓄᑦ 12:1

ᑍᒤᒻᒪᑦ, ᐅᓄᕐᑐᕐᔪᐊᓂᒃ ᐅᒃᐱᕐᓂᑯᑦ ᐃᓅᓯᒪᔪᓂᒃ ᐊᕙᑕᖏᕐᑕᐅᓯᒪᒐᑦᑕ, ᐅᕙᑦᑎᓐᓄᑦ ᐊᒡᕕᐊᕐᑐᑦ ᐲᔭᓚᐅᕐᓚᕗᑦ, ᐊᔪᕐᓃᑦ ᐅᕙᑦᑎᓐᓄᑦ ᓂᐱᓐᖓᔪᑦ, ᐅᖁᒤᒃᓴᐅᑎᒋᔭᕗᓪᓗ; ᕿᓄᐃᓵᕐᓗᑕ ᐅᓪᓚᖃᑕᐅᓚᐅᕐᑕ ᑲᔪᓯᓗᑕ ᐅᐸᒐᓱᐊᕐᑕᕗᑦ ᓯᕗᓂᑦᑎᓐᓃᒻᒪᑦ,

ᑎᒧᑎᒧᑦ ᓯᕗᓪᓖᑦ 3:11

ᓄᓕᐊᖏᑦᑕᐅᖅ ᑍᒫᑦᓮᓐᓇᖅ ᐃᓕᖅᑯᓯᖏᑦ ᐅᐱᒋᔭᐅᔪᒃᓴᐅᕗᑦ, ᐃᓅᖃᓐᓂᐊᕐᑎᐅᖏᓪᓗᑎᒃ, ᐃᓱᒪᖃᑦᓯᐊᕐᓗᑎᒃ, ᑕᒤᑎᒍᓪᓗ ᐅᒃᐱᕆᔭᒃᓴᐅᑦᓯᐊᕐᓗᑎᒃ.

ᐃᓐᖏᕈᑎᑦ 34:13

ᑕᕝᕙ ᐅᕾᑦ ᓴᐳᑎᓯᒪᔭᒃᓴᕆᕙᑦ ᐱᐅᖏᑦᑐᓂᑦ, ᖃᓃᓪᓗ ᐅᖃᐅᓯᖃᕐᑐᒃᓴᐅᓐᖏᓚᖅ ᓱᓕᖏᑦᑐᓂᒃ,

ᐲᑦᑐᕉᓯ ᓯᕗᓪᓖᑦ 2:22

ᑖᓐᓇ ᐊᔪᕐᑐᓕᓚᐅᓐᖏᓚᖅ; ᓴᒡᓗᑎᓪᓗᒍᓗ ᖃᐅᔨᔭᐅᓚᐅᕐᓯᒪᓇᓂ.

ᑍᑑᓯᒧᑦ 2:3

ᑍᒫᒃᑕᐅᖅ ᐊᕐᓁᑦ ᐃᓐᓇᐅᓂᕐᓮᑦ ᐊᔪᕆᕐᑐᒃᑭᑦ ᐃᑦᔪᕐᓁᑦᑐᒥᒃ ᐃᓅᓯᖃᖁᓗᒋᑦ, ᓱᓕᖏᑦᑐᒥᒃ ᐃᓅᖃᑎᒥᖕᓂᒃ ᐅᖃᐅᓯᖃᖃᑦᑕᖁᓇᒋᑦ ᐃᒥᐊᓗᐃᓐᓇᖁᓇᒋᓪᓗ; ᐱᐅᔪᒥᒡᓕ ᐊᔪᕆᕐᑐᐃᖁᓗᒋᑦ.

ᐃᓐᖏᕈᑎᑦ 32:2

ᓮᒻᒪᕐᑎᑕᐅᕗᖅ ᐃᓄᒃ, ᐊᑕᓂᐅᑉ ᑍᓯᕕᒋᔪᓐᓃᕐᑕᖓ ᐊᔪᕐᓂᖏᓐᓂᒃ, ᐊᓂᕐᓂᖓᓂᓗ ᐅᐃᕕᕐᕆᒃᓯᓂᕐᒥᒃ ᐱᑕᖃᕈᓐᓃᕐᑐᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:20

ᐃᓚᒃᑳ, ᓄᑕᕋᕐᑎᑐᑦ ᐃᓱᒪᖃᕐᓂᐊᕋᓯ; ᐊᔪᕐᓂᕐᒧᑦ ᓄᑕᕋᕐᑎᑑᕐᓗᓯ, ᐃᓱᒪᑦᓯᒍᓪᓕ ᐱᕈᕇᕐᓯᒪᓗᓯ.

ᕉᒪᒥᐅᓄᑦ 1:29

ᐱᐅᖏᑦᑐᓕᓂᕐᓂᒃ ᖃᓄᐃᑦᑐᑐᐃᓐᓇᑦᓯᐊᓂᒃ ᐱᓕᕆᕗᑦ, ᐱᐅᖏᑦᑐᓂᒃ, ᐱᔪᒪᕕᒡᔪᐊᕐᓂᕐᓂᒃ, ᐊᑭᕋᕐᑑᑎᓂᕐᓂᒃ, ᐊᓯᒥᖕᓂᑦ ᐱᖃᕐᓂᕐᓴᐅᔪᒪᓂᕐᒥᒃ, ᑐᖁᑦᓯᔪᒪᓂᕐᒥᒃ, ᐅᓇᑕᕈᒪᓂᕐᒥᒃ, ᓯᓔᕐᕆᒃᓯᓂᕐᒥᒃ, ᐅᒋᐊᓐᖑᖃᑦᑕᐅᑎᓂᕐᒥᒃ, ᑎᕐᓕᐊᖃᑦᑍᓂᕐᓂᒡᓗ.

ᓘᑲᓯᐅᑉ ᐊᒡᓚᖏᑦ 6:42

ᓱᖕᒪᓪᓗ ᐃᓅᖃᑎᖕᓄᑦ ᐅᖃᕈᓐᓇᕐᐲᑦ ‘ᐃᓅᖃᑏᒃ, ᐃᑦᔨᓯᒪᐅᑎᑦ ᐃᔨᖕᓃᑦᑐᖅ ᐲᓚᐅᕐᓚᒍ,’ ᐅᕝᕙ ᓇᖕᒥᓂᖅ ᐃᔨᖕᓃᑦᑐᖅ ᐃᑦᔨᓯᒪᐅᑏᑦ ᕿᔪᐊᓗᒃ ᑲᒪᒋᓇᒍ? ᑕᒃᑯᕐᒨᕐᑐᑎᑦ, ᐃᑦᔨᓯᒪᐅᑏᑦ ᓇᖕᒥᓂᖅ ᐃᔨᖕᓂᑦ ᐲᖅᑳᕈᒃ, ᑕᐅᑐᑦᓯᐊᕐᓗᑎᑦ ᐃᓅᖃᑎᕕᑦ ᐃᑦᔨᓯᒪᐅᑎᖓᓂᒃ ᒥᑭᔪᒥᒃ ᐲᕐᓯᔪᓐᓇᕐᓂᐊᕋᕕᑦ.”

ᒫᑎᐅᓯᐅᑉ ᐊᒡᓚᖏᑦ 23:28

ᑍᒫᑦᓮᓐᓇᑦᑕᐅᖅ, ᓯᓚᑎᑦᓯᒍᑦ ᒎᑎᐅᑉ ᐱᖁᔭᖏᓐᓂᒃ ᒪᓕᑦᓯᐊᕐᑑᔮᕐᐳᓯ, ᐃᓗᑦᓯᒍᓪᓕ ᑕᑕᑉᐳᓯ ᑕᒃᑯᕐᒨᕐᓂᕐᒥᒃ ᐊᔪᕐᓂᕐᒥᒡᓗ.”

ᒫᑎᐅᓯᐅᑉ ᐊᒡᓚᖏᑦ 7:5

ᑕᒃᑯᕐᒨᕐᑐᑎᑦ! ᐃᔨᖕᓃᑦᑐᖅ ᓇᐹᕐᑐᕕᓂᐊᓗᒃ ᐲᖅᑳᓚᐅᕈᒃ, ᑕᕝᕙ ᑕᑯᑦᓯᐊᕈᓐᓇᕐᓯᓂᐊᕐᐳᑎᑦ ᐃᓅᖃᑎᕕᑦ ᐃᑦᔨᓯᒪᐅᑎᖓᓂᒃ ᐲᕐᓯᓇᓱᐊᓕᕈᕕᑦ ᒥᑭᔪᑯᓗᖕᒥᒃ.

ᐃᓐᖏᕈᑎᑦ 37:1

ᐊᔪᕐᑐᓕᔪᑦ ᐃᓱᒫᓘᑎᒋᓂᐊᕐᓇᒋᑦ, ᑐᓱᒋᓂᐊᕐᓇᒋᓪᓗ ᐱᐅᖏᑦᑐᒥᒃ ᐱᓇᓱᐊᕐᐸᒃᑐᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:20

ᓯᕘᕋᒐᒪ ᐃᓱᒪᒋᔭᑦᑐᑦ ᑕᑯᓂᐊᕋᓱᒋᖏᓪᓗᓯ, ᐃᓱᒪᒋᔭᑦᓯᑐᓪᓗ ᑕᑯᔭᐅᓂᐊᕋᓱᒋᓇᖓ ᐃᓕᑦᓯᓐᓄ; ᓯᕘᕋᕗᖓ ᐂᕙᓂᖃᕐᓂᐊᕋᓱᒋᓪᓗᒍ ᐱᓂᕐᓴᐅᔪᒪᔪᖃᕐᓂᐊᕋᓱᒋᓪᓗᒍᓗ, ᓂᓐᖓᐅᒪᓂᕐᑕᖃᕐᓂᐊᕋᓱᒋᕙᕋ, ᓇᖕᒥᓂᕐᓯᐅᕐᓂᕐᑕᖃᕐᓂᐊᕋᓱᒋᓪᓗᒍ, ᐅᖃᕐᓂᕐᓘᑎᓂᖃᕐᓂᐊᕋᓱᒋᕙᕋ ᑎᕐᓕᐊᖃᑦᑕᐅᑎᓂᕐᑕᖃᕐᓂᐊᕋᓱᒋᓪᓗᒍᓗ, ᐃᒻᒥᓂᒃ ᓂᕐᑑᑎᓂᕐᑕᖃᕐᓂᐊᕋᓱᒋᕙᕋ, ᐋᖅᑭᒃᓯᒪᑦᓯᐊᖏᓐᓂᕐᑕᖃᕐᓂᐊᕋᓱᒋᓪᓗᒍᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:1

ᐱᐅᖏᑦᑐᒥᒃ ᐱᐅᓯᓖᑦ ᑐᓱᒋᓂᐊᕐᓇᒋᑦ, ᐃᓚᒋᔪᒪᓂᐊᕐᓇᒋᓪᓘᓐᓃᑦ;

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:31

ᐃᓄᒃ ᑲᑉᐱᐊᓱᒃᑎᑦᓯᕙᒃᑐᖅ ᑐᓱᒋᓕᕐᑍᓕᒍᒃ ᐱᓂᐊᕐᓂᖏᓐᓂᒃ ᓇᓪᓕᐊᓐᓂᑐᐃᓐᓇᖅ ᐊᑐᕐᑍᓕᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:5

ᓱᓕᖏᑦᑐᒥᒃ ᐅᖃᕐᑎᓪᓗᒋᑦ ᖃᐅᔨᔭᐅᓯᒪᓐᖏᓚᑦ, ᐸᓯᔭᒃᓴᐅᓂᖃᖏᓐᓇᒥᒃ.

ᐲᑦᑐᕉᓯ ᓯᕗᓪᓖᑦ 2:16

ᕿᓚᕈᑦᔮᕐᑕᐅᓯᒪᔪᑎᑐᑦ ᐃᓅᒋᑦᓯ, ᕿᓚᕈᑦᔮᕐᑕᐅᓯᒪᓂᓯᓕ ᐃᔨᕋᑦᑐᕈᑎᒋᑦᑍᓕᓯᐅᒃ ᐱᐅᖏᑦᑐᒥᒃ ᐱᓇᓱᐊᕈᑎᑖᕆᓗᒍ; ᐃᓅᓯᖃᕆᑦᓯᓕ ᒎᑎᐅᑉ ᐱᔨᖏᑎᑐᑦ.

ᔧᒥᓯᐅᑉ ᐊᒡᓚᖏᑦ 4:5

ᐅᑉᕙᓘᓐᓃᑦ ᐃᓱᒪᕕᓯ ᐱᑦᔪᑎᖃᕋᑎᒃ ᒎᑎᐅᑉ ᐅᖃᐅᓯᖏᑦ ᐅᖃᕐᓯᒪᓇᓱᒋᕕᓯᐅᒃ, “ᒎᑎᐅᑉ ᓯᖕᓇᒋᓪᓗᒍ ᐱᒋᔪᒪᒪᕆᒃᐹ ᐊᓂᕐᓂᖅ ᐅᕙᑦᑎᓐᓂ ᐃᓂᖃᕐᑎᑕᓂ”?

ᔧᒥᓯᐅᑉ ᐊᒡᓚᖏᑦ 3:14

ᐆᒻᒪᑎᑦᓯᒍᑦ ᐊᓐᓂᕈᑦᔨᓂᕐᒥᒃ ᐱᔪᑑᔪᒪᓂᕐᒥᒡᓗ ᐱᖃᕈᑦᓯ, ᓂᕐᑑᑎᓂᐊᕋᓯ ᓴᒡᓗᖁᓇᓯ ᓱᓕᔪᒧᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:3

ᐊᒃᓱᕈᕐᓗᑕ ᐱᓇᓱᐊᕐᓂᕆᔭᕗᑦ ᑕᒪᕐᑎᑦᓯᓇᓱᐊᕐᓂᕐᒥᒃ ᑐᓐᖓᕕᖃᓚᐅᖏᒻᒪᑦ ᓇᒻᒪᖏᑦᑐᒥᒃᓘᓐᓃᑦ, ᓯᓔᕐᕆᒃᓯᓇᓱᐊᕐᓂᕐᒥᒡᓘᓐᓃᑦ ᐃᓚᖃᓚᐅᓐᖏᓚᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:8

ᑍᒤᒻᒪᑦ ᓇᓪᓕᐅᓐᓂᕐᓯᐅᕐᓂᖅ ᐊᑐᓕᕐᓚᕗᑦ, ᐳᕙᓚᕐᓯᐊᒃᓴᑐᖃᖅ ᐊᔪᕐᓂᕐᒦᑦᔪᑎᒋᔭᕗᑦ ᐱᐅᖏᑦᑐᓕᓂᖅ ᐊᑐᖏᓪᓗᒍ, ᐳᕙᓪᓚᖅᑯᑎᖃᖏᑦᑐᒥᒡᓕ ᓂᐊᖂᔭᕐᒥᒃ ᐃᑦᔪᕐᓁᑦᑐᒥᒃ ᓱᓕᑦᓯᐊᕐᓂᕐᒥᒡᓗ ᐱᖔᓕᕐᑕ.

ᔪᐊᓇᓯᐅᑉ ᐊᒡᓚᖏᑦ 1:47

ᔩᓱᓯᐅᓪᓕ ᓈᑕᓁ ᒥᒃᓯᒧᑦ ᕾᓕᕐᑐᖅ ᑕᑯᒐᒥᐅᒃ, ᐅᖃᐅᓯᕆᕚ, “ᑕᑯᒋᑦ, ᑕᕝᕙ ᐃᓴᕆᐊᓕᒥᐅᑕᓪᓚᕆᒃ, ᑖᑦᓱᒪᓂᓗ ᓱᓕᖏᓐᓂᕐᑕᖃᓐᖏᓚᖅ!”

ᓘᑲᓯᐅᑉ ᐊᒡᓚᖏᑦ 11:44

ᐃᓕᑦᓯᓐᓄᑦ ᑲᑉᐱᐊᓐᓇᒦᒃ! ᐃᓗᕕᕐᑎᑐᑦ ᓇᓗᓁᒃᑯᑕᖃᖏᑦᑐᑎᑐᑦ ᑍᒤᓐᓇᑦᓯ, ᐃᓄᖕᓄᑦ ᑐᓪᓕᕋᕐᑕᐅᓪᓗᑎᒃ ᐱᓱᒃᕕᐅᕗᑦ ᖃᐅᔨᒪᔭᐅᓇᑎᒃ.”

ᐂᓮᐊᓯᐅᑉ ᐊᒡᓚᖏᑦ 30:22

ᒎᑎᓐᖑᐊᕕᓂᓯ ᓯᐅᓪᕕᕆᒥᒃ ᒎᓗᒥᒡᓗ ᖄᐹᕐᓯᒪᔪᑦ, ᐃᒋᐅᖅᑲᕈᒫᕐᐸᓯ ᓴᓂᕐᑎᑐᑦ ᕾᒐᓛᕐᓗᓯᓗ ᐅᖃᐅᑎᔪᒫᕐᐸᓯ, “ᑕᑯᓐᓇᕈᒪᔪᓐᓃᕐᐸᑦᓯ!”

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:19

ᑲᑉᐱᐊᓱᖕᓂᐊᕐᓇᒃ ᐱᐅᖏᑦᑐᓕᔪᓂᒃ, ᐊᔪᕐᑐᓕᔪᓪᓗ ᑐᓱᒋᓂᐊᕐᓇᒋᑦ;

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:30

ᐆᒻᒪᑎᖃᕐᑐᖅ ᓮᓕᓂᕐᒥᒃ ᑎᒥᒥᓂᒃ ᐃᓅᓯᖃᕐᑎᑦᓯᕗᖅ, ᑐᓱᓂᖃᓗᐊᕐᑐᕐᓕ ᓴᐅᓂᕐᓂᒃ ᐊᐅᓂᕈᕐᑎᑦᓯᕗᖅ.

ᔫᐱᐅᑉ ᐊᒡᓚᖏᑦ 36:13

ᒎᑎᖃᖏᑦᑐᑦ ᓂᓐᖓᐅᒪᓂᕐᒥᒃ ᐃᓗᒥᐅᑕᖃᑦᓮᓐᓇᕐᐳᑦ; ᑖᑦᓱᒧᖓᓗ ᕿᓚᒃᑕᐅᒐᓗᐊᕋᒥᒃ ᐃᑲᔪᕐᑕᐅᔪᒪᓗᑎᒃ ᑐᒃᓯᐊᓚᐅᓐᖏᓚᑦ.

ᓘᑲᓯᐅᑉ ᐊᒡᓚᖏᑦ 12:1

ᐃᓄᐃᑦ 1,000 ᐅᖓᑖᓃᑦᑐᑦ ᑲᑎᕙᓪᓕᐊᑎᓪᓗᒋᑦ, ᐊᒡᓛᑦ ᐃᒻᒥᖕᓄᑦ ᑐᓪᓕᕋᖃᑦᑕᐅᑎᓕᕐᓗᑎᒃ ᐅᓄᓗᐊᒧᑦ, ᔩᓱᓯᐅᑉ ᐃᓕᓐᓂᐊᕐᑎᓂ ᓯᕗᓪᓕᐅᓪᓗᒋᑦ ᐅᖃᐅᑎᕔᑦ, “ᖃᐅᔨᓴᕆᑦᓯ ᐹᕆᓯᑦ ᐳᕙᓪᓚᖅᑯᑎᖓᓂᒃ, ᑕᒪᓐᓇ ᑕᒃᑯᕐᒨᕐᓂᐅᖕᒪᑦ.

ᒫᑯᓯᐅᑉ ᐊᒡᓚᖏᑦ 12:15

ᔩᓱᓯᐅᑉ ᐱᖏᑦᓯᕐᓱᕋᓱᐊᕐᓂᖏᑦ ᖃᐅᔨᒪᒐᒥᒋᑦ ᐅᖃᐅᑎᕔᑦ, “ᓱᖕᒫᑦ ᐅᕙᓐᓂᒃ ᐆᒃᑐᕋᓱᐊᕐᐱᓰ? ᑮᓇᐅᔭᖅ ᕾᑕᐅᓚᐅᕐᓕ, ᑕᑯᓚᐅᕐᓚᒍ.”

ᒫᑎᐅᓯᐅᑉ ᐊᒡᓚᖏᑦ 24:51

ᑕᕝᕙ ᐊᖓᔪᖅᑳᖓᑕ ᓱᒋᐊᕐᓗᒍ ᐃᒋᒃᑲᔭᕐᐹ, ᑕᒃᑯᕐᒨᕐᑐᑦ ᓱᒋᐊᕐᑕᐅᕕᒋᔭᖓᓄᑦ; ᑕᕝᕙᓂ ᕿᐊᓂᖃᕋᔭᕐᐳᑦ ᐊᒡᓕᕈᓛᕐᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 15:7

ᑕᑯᕐᒨᕐᑐᓯ! ᐂᓮᐊᓯ ᓱᓕᑦᓯᐊᕐᓗᓂ ᐅᖃᓚᐅᕐᐳᖅ ᐃᓕᑦᓯ ᐱᑦᔪᑎᒋᓪᓗᓯ! ᐅᖃᕐᓗᓂ:

ᐂᓮᐊᓯᐅᑉ ᐊᒡᓚᖏᑦ 2:20

ᐅᓪᓗᒥ ᑖᑦᓱᒪᓂ ᐃᓄᐃᑦ ᐃᒋᐅᖅᑬᓕᕈᒫᕐᐳᑦ ᒎᑎᓐᖑᐊᒥᖕᓂᒃ ᓯᐅᓪᕕᕆᓂᒃ ᒎᑎᓐᖑᐊᒥᖕᓂᒡᓗ ᒎᓗᓂᒃ, ᓇᖕᒥᓂᖅ ᓴᓇᓚᐅᕐᑕᒥᖕᓄᑦ ᑐᒃᓯᐊᕐᕕᒋᖃᑦᑕᕈᒪᓪᓗᒋᑦ, ᐃᒋᑦᓯᔪᒫᕐᐳᑦ ᓄᓇᐅᑉ ᐃᓗᐊᓂᒥᐅᑕᕐᓄᑦ ᐊᕕᓐᖓᐅᔮᕐᑐᓄᑦ ᐊᕕᓐᖓᐅᔮᕐᑐᓄᓪᓗ ᐃᓴᕈᓕᖕᓄᑦ.

ᐃᓐᖏᕈᑎᑦ 73:3

ᐱᐅᔪᕆᔪᓂᒃ ᑐᓱᓚᐅᕋᒪ, ᑕᑯᒐᒪ ᐱᐅᖏᑦᑐᓕᔪᑦ ᐊᔪᕐᓴᖏᑦᓯᐊᕐᓂᖏᓐᓂᒃ.