ᐲᑦᑐᕉᓯ ᓯᕗᓪᓖᑦ 1:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᒎᑎ ᐊᑖᑕᒋᓂᕋᕐᓗᒍ ᐅᖃᕐᕕᒋᕙᒃᑯᑦᓯᐅᒃ ᐊᑦᔨᒌᒥᒃ ᐃᓄᖕᓂᒃ ᐃᖅᑲᕐᑐᐃᓲᖅ ᐊᑐᓂᑦ ᐱᓂᐊᕐᓂᕆᔭᖏᑦ ᒪᓕᒡᓗᒋᑦ; ᑍᒤᒻᒪᑦ ᑕᒫᓂ ᐃᓅᓂᑦᓯᓐᓂ ᑖᓐᓇ ᐅᐱᒋᑦᓯᐊᕐᓗᒍ ᐃᓅᒋᑦᓯ ᓄᓇᒋᓐᖏᑕᑦᓯᓐᓃᓐᓇᑦᓯ.

ᐲᑦᑐᕉᓯ ᓯᕗᓪᓖᑦ 1:17 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 47:9

ᔧᑯᓗ ᐅᖃᕐᐳᖅ ᐰᕉᒧᑦ, “130ᓂᒃ ᐊᕐᕌᒍᖃᓕᕐᐳᖓ; ᐃᓅᓯᓐᓂ ᐱᐅᖏᑦᑐᓂᒃ ᐊᑐᕐᓯᒪᕗᖓ, ᓯᕗᓕᕐᒪᓗ ᐃᓅᓯᕆᓚᐅᕐᑕᖏᑕ ᓴᓂᐊᓂ ᐊᕐᕌᒍᒃᑲ ᖃᑦᓰᓐᓇᐅᓂᕐᓴᒻᒪᕆᐅᕗᑦ.”

ᑯᕉᓂᑲ ᓯᕗᓪᓖᑦ 29:15

ᑐᔪᕐᒥᐊᑎᑐᑦ ᑍᒤᑉᐳᒍ ᓵᖕᓂ, ᓂᐅᕐᕈᐊᑎᑑᕐᐳᒍᓪᓗ, ᓯᕗᓕᑦᑎᑐᑦ; ᐅᓪᓗᕗᑦ ᓄᓇᒥ ᑕᕐᕋᑎᑐᑦ ᑍᒤᑉᐳᑦ, ᓇᔪᐃᓐᓇᒐᒃᓴᕐᑕᖃᕋᓂᓗ.

ᑯᕉᓂᑲ ᐂᑉᐸᖏᑦ 19:7

ᒫᓐᓇᓕ ᑕᕝᕙ, ᐊᑕᓂᐅᑉ ᓯᕘᕋᓇᕐᓂᖓ ᐃᓕᑦᓯᓐᓃᓪᓕ; ᑲᒪᑦᓯᐊᕆᑦᓯ ᐱᓇᓱᐊᕐᑎᓪᓗᓯ, ᐊᑕᓂᖅ ᒎᑎᕗᑦ ᓈᒻᒪᓈᖏᓐᓂᖃᖏᒻᒪᑦ, ᐃᓔᓐᓇᕐᓯᐅᕋᓂᓗ, ᐊᑭᓕᕐᑕᐅᓂᒃᑯᓪᓗ ᐊᓯᑦᔨᕐᓱᐃᓲᖑᓇᓂ.”

ᔫᐱᐅᑉ ᐊᒡᓚᖏᑦ 34:19

ᐊᖓᔪᖅᑳᓪᓕ ᓇᓪᓕᐊᓐᓂᒃ ᐱᑦᓯᐊᕐᓂᕐᓴᖃᕐᐸᓐᖏᓚᖅ, ᐊᒃᓱᐃᑦᑐᓪᓗ ᐱᑦᓯᐊᕐᓂᕐᓴᕆᕙᓐᖏᓔᑦ ᐊᒃᓱᔪᓂᑦ, ᑕᒪᒃᑯᐊᓕᒫᑦ ᑖᑦᓱᒪ ᓴᓇᓯᒪᔧᓐᓇᕆᖕᒪᒋᑦ.

ᐃᓐᖏᕈᑎᑦ 39:12

ᐊᑕᓃᖅ ᑐᒃᓯᐊᕐᓂᕋ ᑐᓴᓚᐅᕈᒃ, ᓂᓪᓕᐊᓂᕋᓗ ᓯᐅᑎᖕᓄᑦ ᐱᓕ; ᓂᐰᑦᑑᓂᐊᕐᓇᒃ ᖁᕝᕕᐅᕐᓂᒃᑲ ᐱᓪᓗᒋᑦ. ᐃᓕᖕᓂ ᐃᓂᖃᕋᒪ ᓄᓇᖃᕐᑐᑐᖃᐅᓇᖓ, ᑕᒫᓂᕐᒥᐅᑕᑐᖃᐅᖏᓐᓇᒪ, ᓯᕗᓕᕕᓂᑦᑐᑦ.

ᐃᓐᖏᕈᑎᑦ 89:26

ᑖᑦᓱᒪ ᓂᓪᓕᐊᕕᒋᔪᒫᕐᐹᖓ, ‘ᐊᑖᑕᒋᕙᒋᑦ, ᒎᑎᒋᕙᒋᑦ, ᐱᐅᓕᔭᐅᓂᕐᒪᓗ ᕾᕐᑐᕆᕚᑎᑦ.’

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:16

ᓯᓚᑐᔪᖅ ᓯᕘᕋᒐᒥ ᐱᐅᖏᑦᑐᒥᒃ ᐊᑐᕐᑍᓕᕗᖅ, ᓯᓔᑦᑐᕐᓕ ᐃᓱᒤᓐᓇᕐᕆᓪᓗᓂ ᐊᑐᕆᐊᖃᓐᖏᑕᓂ ᑲᒪᒋᑦᓯᐊᓐᖏᓛ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:14

ᖁᕕᐊᓱᑦᓮᓐᓇᕐᐳᖅ ᐊᖑᑦ ᐊᑕᓂᕐᒥᒃ ᓯᕘᕋᔪᖅ, ᑖᓐᓇᓕ ᐆᒻᒪᑎᒥᓂᒃ ᓯᑎᑎᑦᓯᔪᖅ ᑲᑕᒍᒫᕐᐳᖅ ᐱᕐᕈᓗᐊᕿᓂᕐᒧᑦ.

ᔨᕆᒤᐊᐅᑉ ᐊᒡᓚᖏᑦ 3:19

ᐊᑕᓂᖅ ᐅᖃᕐᐳᖅ, “ᐅᖃᓚᐅᕐᐳᖓᓕ, ᖁᕕᐊᓱᒃᑲᔭᓚᐅᕐᐳᖓ ᐃᕐᓂᑦᑐᑦ ᐱᔪᒪᓗᓯ, ᓄᓇᒃᑯᒥᓇᕐᑐᒥᓗ ᓄᓇᖃᕐᑎᓪᓗᓯ. ᐃᓅᖃᑎᒌᒡᔪᐊᓄᑦ ᑭᖑᕐᖑᑎᔭᐅᕙᒃᑐᓂᑦ ᐱᐅᓂᕐᐹᒥᒃ. ᐊᑖᑕᒥᒡᓗ ᑍᔭᐅᕙᖕᓂᐊᕈᒪᓪᓗᖓ, ᖁᔭᓈᕐᑕᐅᓂᐊᕋᓱᒋᓇᖓᓗ.

ᔨᐸᓁᐊᐅᑉ ᐊᒡᓚᖏᑦ 3:9

“ᑭᖑᓂᐊᒍᑦ ᐃᓄᖁᑎᒃᑲ ᓴᓗᒻᒪᕐᓴᕐᓂᐊᕐᐸᒃᑲ ᐅᖃᐅᓯᕐᑖᕐᑎᓪᓗᒋᓪᓗ. ᐊᑕᓂᐅᑉ ᐊᑎᖓᓄᑦ ᑐᒃᓯᐊᖁᓪᓗᒋᑦ ᑭᒡᒐᕐᑐᕐᓗᑎᒡᓗ ᐊᑕᐅᓯᐅᖃᑎᒌᒡᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 16:27

ᐃᓅᑉ ᐃᕐᓂᖓ ᑎᑭᑦᓱᒫᕐᒪᑦ ᐂᖏᓖᖁᑎᓂ ᐃᓚᒋᓗᒋᑦ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂᑦ, ᑕᕝᕙᓂ ᐊᑐᓂᑦ ᐊᑭᓕᕈᒫᕐᐰᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 22:16

ᑕᕝᕙ ᑎᓕᓯᕗᑦ ᐃᓕᓐᓂᐊᕐᑎᒥᖕᓂᒃ, ᐃᕉᑕᓯᐅᓪᓗ ᐃᑲᔪᕐᑎᖏᑕ ᐃᓚᖏᓐᓂᒃ, ᐅᖃᖁᓪᓗᒋᑦ, “ᐊᔪᕆᕐᑐᐃᔩ, ᖃᐅᔨᒪᕗᒍᑦ ᓱᓕᑦᓯᐊᕐᑐᒥᒃ ᐅᖃᐅᑦᔨᖃᑦᑕᕋᕕᑦ, ᐊᔪᕆᕐᑐᐃᖃᑦᑕᕋᕕᓪᓗ ᒎᑎᐅᑉ ᐃᓄᖕᓄᑦ ᐱᓂᐊᕐᑕᐅᖁᔭᖓᓂᒃ ᓱᓕᑦᓯᐊᕐᑐᒥᒃ, ᐃᓄᐃᑦ ᖃᓄᖅ ᐃᓱᒪᖃᕐᒪᖔᑕ ᐃᓱᒪᒋᓇᒋᑦ, ᖃᓄᐃᑦᑑᓂᖏᓐᓂᒃ ᑲᒪᖏᓐᓇᕕᑦ.

ᒫᑎᐅᓯᐅᑉ ᐊᒡᓚᖏᑦ 6:9

ᑍᒤᒻᒪᑦ ᐃᒫᒃ ᑕᕝᕙ ᑐᒃᓯᐊᕐᑐᒃᓴᐅᕗᓯ: ‘ᐊᑖᑕᕗᑦ ᕿᓚᖕᒦᑦᑐᑎᑦ: ᐊᑏᑦ ᐃᑦᔪᕐᓁᑦᑐᖅ ᐃᓱᒪᒋᔭᐅᑦᓯᐊᕐᓕ;

ᕉᒪᒥᐅᓄᑦ 11:20

ᑕᒪᓐᓇ ᓱᓕᕗᖅ. ᑍᒃᑯᐊᓕ ᓇᑲᑕᐅᓚᐅᕐᐳᑦ ᐅᒃᐱᖏᓐᓂᖏᓐᓄᑦ, ᐃᕝᕕᓪᓕ ᓇᖏᕐᐳᑎᑦ ᐅᒃᐱᕐᓂᒃᑯᑦ ᑭᓯᐊᓂ. ᑍᒤᒻᒪᑦ ᐱᐅᔪᕆᓕᕐᓂᐊᕐᓇᒃ, ᓯᕘᕋᓗᑎᓪᓕ ᓂᑯᕕᖓᒋᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:2

ᒎᑎᐅᑉ ᐊᑖᑕᑦᑕ ᐊᑕᓂᐅᓪᓗ ᔩᓱᓯᐅᑉ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᓮᒻᒪᕐᑎᑦᓯᓂᖓᑕᓗ ᐃᓚᒋᓕᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:6

ᑕᕝᕙ ᑍᒪᓐᖓᑦ ᓴᐱᓕᓐᖏᓚᒍᑦ; ᖃᐅᔨᒪᒐᑦᑕ ᑎᒥᑦᑎᓐᓃᑎᓪᓗᑕ ᐊᑕᓂᐅᑉ ᐊᖏᕐᕋᖓᓂᑦ ᐊᕝᕗᑎᓯᒪᒐᑦᑕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:1

ᓇᒡᓕᒋᔭᒃᑳ, ᑖᒃᑯᐊ ᐅᕙᑦᑎᓐᓄᑦ ᐊᖏᕈᑕᐅᓯᒪᖕᒪᑕ, ᑍᒤᒻᒪᑦ ᐅᕙᑦᑎᓐᓂᒃ ᓴᓗᒻᒪᕐᓴᓕᕐᑕ ᓱᓇᓕᒫᓂᑦ ᐅᒃᐱᕐᓂᒃᑯᑦ ᓴᓗᒪᑎᑦᓯᖏᑦᑐᓂᑦ ᑎᒥᒥᒃ ᑕᕐᓂᕐᒥᒡᓗ, ᐃᑦᔪᕐᓁᓕᕙᓪᓕᐊᓕᕐᑕᓕ ᒎᑎᒥᒃ ᐃᒃᐱᒍᓱᑦᓯᐊᕐᓂᑦᑎᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:11

ᑕᕝᕙ ᖃᐅᔨᓕᕆᑦᓯ ᑕᒪᓐᓇ ᕿᒃᓵᒃᑎᑕᐅᓂᓯ ᖃᓄᖅ ᒎᑎᒧᑦ ᐊᑐᕐᑕᐅᓯᒪᓂᖓᓂᒃ; ᐱᒋᐊᒃᑲᓐᓂᕈᑎᒋᒐᑦᓯᐅᒃ ᐸᓯᔭᒃᓴᐅᔪᒪᖏᓐᓂᑦᓯᓐᓄᓪᓗ ᓇᓗᓁᕐᓯᑦᔪᑎᒋᓪᓗᒍ, ᓯᕘᕋᓂᖃᕐᑎᓚᐅᕐᒪᓯ ᓇᒡᓕᒍᓱᖕᓂᖃᕐᑎᒻᒪᓯᓗ ᐃᓱᒪᔮᕈᑎᖃᕐᑎᒻᒪᓯᓗ, ᐊᑲᐅᔪᒥᒃ ᐃᖅᑲᕐᑐᐃᓂᖅ ᓴᖅᑭᖁᓪᓗᒍ. ᑕᕝᕙ ᑕᒤᑎᒍᑦ ᓇᓗᓁᕐᐳᓯ ᐸᓯᔭᒃᓴᐅᖏᓐᓂᑦᓯᓐᓂᒃ.

ᒐᓔᑎᐊᒥᐅᓄᑦ 2:6

ᑍᒃᑯᓄᖓ ᑕᓯᐅᕐᑎᐅᓇᓱᒃᑑᒐᓗᐊᑦ ᖃᓄᐃᑑᒐᓗᐊᕐᒪᖔᑕ ᐅᕙᓐᓄᓪᓕ ᐃᓱᒫᓗᓇᖏᒻᒪᑕ; ᒎᑎ ᐃᓔᓐᓇᕐᓯᐅᖏᒻᒪᑦ, ᑍᒃᑯᓂᖓ ᐅᖃᐅᓯᖃᕐᐳᖓ, ᑕᓯᐅᕐᑎᐅᓇᓱᒃᑑᒐᓗᐊᑦ ᐅᕙᓐᓂᒃ ᐃᓱᒪᑖᑎᑦᓯᒃᑲᓐᓂᖏᒻᒪᑕ.

ᐃᐱᓯᒥᐅᓄᑦ 1:17

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᒎᑎᖓ, ᐱᓐᓇᕐᓇᕐᓂᐅᑉ ᐊᑖᑕᖓ, ᑐᒃᓯᐊᕐᕕᒋᖃᑦᑕᕐᐸᕋ, ᑐᓂᓯᕕᐅᖁᓪᓗᓯ ᐊᓂᕐᓂᕐᒥᒃ ᓯᓚᑐᑎᑦᓯᔪᒥᒃ ᑐᑭᓯᑎᑦᓯᔪᒥᒡᓗ ᑖᑦᓱᒥᖓ ᖃᐅᔨᑦᓯᐊᖁᓪᓗᓯ.

ᐃᐱᓯᒥᐅᓄᑦ 3:14

ᑕᒪᓐᓇ ᐱᑦᔪᑎᒋᓪᓗᒍ ᐊᑖᑕᐅᑉ ᓵᖓᓂ ᓰᖅᑯᕐᐳᖓ,

ᐃᐱᓯᒥᐅᓄᑦ 6:9

ᐊᖓᔪᖅᑳᖑᔪᓯ, ᓂᐅᕕᐊᕆᓯᒪᓪᓗᒋᑦ ᐱᔨᒋᔭᓯ ᑍᒫᑦᓮᓐᓇᕐᑕᐅᖅ ᐱᓂᐊᕐᕕᒋᓯᒋᒃ, ᐃᓕᕋᓇᕐᓵᕐᑍᓕᒋᑦᓯᓗ ᓯᕘᕋᓵᕆᓂᒃᑯᑦ, ᐃᖅᑲᐅᒪᓗᓯ ᑕᒪᑦᓯ ᐊᖓᔪᖅᑳᖃᕋᑦᓯ ᐊᑕᐅᓯᕐᒥᒃ ᕿᓚᖕᒦᑦᑐᒥᒃ, ᑖᑦᓱᒪᓂᓗ ᐃᓄᐃᑦ ᐊᑦᔨᒌᖏᑦᑐᒥᒃ ᐱᓂᐊᕐᕕᐅᓐᖏᓚᑦ.

ᒨᓯᓯ ᑕᓪᓕᒪᖏᑦ 10:17

ᐊᑕᓂᖅ ᒎᑎᒋᔭᓯ ᒎᑎᒋᔭᐅᔪᓕᒫᓂᑦ ᐊᖏᓂᕐᓴᐅᖕᒪᑦ ᐱᔪᓐᓇᕐᓂᕐᐹᖑᓪᓗᓂᓗ. ᐱᔪᓐᓇᕐᑐᕐᔪᐊᖑᕗᖅ ᐊᔪᒐᖃᖏᑦᑐᕐᔪᐊᖑᓪᓗᓂᓗ, ᓯᕘᕋᒋᔭᐅᔪᒃᓴᐅᕗᕐᓗ. ᐃᓄᖕᓂᒡᓗ ᐃᓔᓐᓇᕐᓯᐅᓐᖏᓚᖅ, ᓯᓔᕐᕆᔭᐅᔪᓐᓇᕋᓂᓗ.

ᐱᓕᐱᒥᐅᓄᑦ 2:12

ᑍᒤᒻᒪᑦ ᓇᒡᓕᒋᔭᒃᑲ, ᑍᒪᓐᖓᑦ ᓈᓚᑦᓯᐊᖃᑦᑕᓚᐅᕋᑦᓯᓐᖓ, ᐃᓕᑦᓯᓐᓄᑦ ᓇᔫᑎᑎᓪᓗᖓᑐᐃᓐᓇᐅᖏᑦᑐᖅ, ᐱᓗᐊᕐᑐᒥᒃᓕ ᐃᓕᑦᓯᓐᓃᖏᑎᓪᓗᖓ, ᐱᐅᓕᔭᐅᓂᒃᓴᓯ ᑍᒪᓐᓇ ᐱᓇᓱᐊᕐᓯᐅᒃ ᐃᓕᕋᓱᒡᓗᓯ ᓴᔪᒃᓗᓯᓗ;

ᑯᓘᓯᐊᒥᐅᓄᑦ 3:25

ᐱᐅᖏᑦᑐᓕᔪᕐᓕ ᐊᑭᓕᕐᑕᐅᔪᒫᕐᐳᖅ ᐱᐅᖏᑦᑐᓕᓯᒪᓂᖓ ᒪᓕᒡᓗᒍ, ᐃᓅᑉ ᑭᓇᐅᑦᔪᓯᖓ ᑲᒪᒋᔭᐅᖏᒻᒪᑦ.

ᐄᑉᕈᐃᓄᑦ 12:28

ᑍᒤᒻᒪᑦ ᖁᔭᓕᓚᐅᕐᑕ ᐊᑕᓂᐅᕕᖕᒥᒃ ᐊᐅᓚᑎᑕᐅᔪᓐᓇᖏᑦᑐᒥᒃ ᐱᑎᑕᐅᓯᒪᓕᕋᑦᑕ, ᖁᔭᓕᓗᑕ ᒎᑎ ᑐᒃᓯᐊᕐᕕᒋᓚᐅᕐᓚᕗᑦ ᑖᑦᓱᒪ ᖁᕕᐊᒋᔭᖓᒍᑦ, ᐃᒃᐱᒋᑦᓯᐊᕐᓗᒍ ᐃᓕᕋᒋᓗᒍᓗ;

ᐄᑉᕈᐃᓄᑦ 4:1

ᑍᒤᒻᒪᑦ, ᒎᑎᐅᑉ ᐊᖏᕐᕕᒋᓯᒪᕚᑎᒍᑦ ᑕᕾᕐᓯᕐᕕᒃᓴᖃᖁᓪᓗᑕ, ᐊᑏ ᑲᒪᑦᓯᐊᓕᕐᑕ ᐊᖏᕈᑕᐅᓯᒪᔪᒧᑦ ᓇᓪᓕᑦᓯᓐᓂᒃ ᐃᑎᕐᑎᑕᐅᔪᓐᓁᓪᓕᔪᖃᖁᓇᒍ.

ᐲᑦᑐᕉᓯ ᓯᕗᓪᓖᑦ 2:11

ᓇᒡᓕᒋᔭᒃᑲ, ᕿᓄᕕᒋᕙᑦᓯ ᑕᒫᓂ ᓯᓚᕐᔪᐊᕐᒥ ᐊᖏᕐᕋᖃᖏᓐᓇᑦᓯ ᓄᓇᒋᓐᖏᑕᑦᓯᓐᓃᓐᓇᑦᓯ ᑎᒥᐅᑉ ᐱᔪᒪᓂᐊᓗᓐᖏᑦ ᐊᑐᕐᑍᓕᓯᐅᒃ ᑕᒪᒃᑯᐊ ᑕᕐᓂᑦᓯᓐᓂᒃ ᓵᓚᖃᕈᒪᖕᒪᑕ.

ᐲᑦᑐᕉᓯ ᓯᕗᓪᓖᑦ 3:15

ᐆᒻᒪᑎᑦᓯᒍᑦ ᙭ᔅᑑᓯ ᐅᐱᒋᑦᓯᐊᕐᓯᐅᒃ ᐊᑕᓂᕆᓗᒍᓗ. ᑍᒪᓐᖓᓕᒫᖅ ᐅᐸᓗᖕᒊᕐᓯᒪᓗᓯ ᓇᓗᓁᕐᓯᖁᔭᐅᒍᑦᓯ ᓂᕆᐅᖕᓂᕆᔭᑦᓯᓐᓂᒃ, ᑭᐅᑦᔪᑎᒋᔭᓯ ᓂᑲᒍᓱᖕᓂᖃᕐᓗᑎᒃ ᐅᐱᒍᓱᖕᓂᖃᑦᓯᐊᖁᓪᓗᒋᑦ;