7 ᑍᒤᑐᐊᕈᕕᑦ ᐃᓄᖁᑎᒃᑲ ᐃᓴᕆᐊᓕᑎᑦ ᐲᕐᑎᓐᓂᐊᕐᐸᒃᑲ ᓄᓇᒥᑦ ᑖᒃᑯᓄᖓ ᑐᓂᑦᔪᑎᒋᓚᐅᕐᑕᓐᓂᑦ; ᑐᒃᓯᐊᕐᕕᒡᔪᐊᕐᓗ ᕿᒪᒡᓗᒍ ᐃᑦᔪᕐᓁᑎᓚᐅᕐᑕᕋ ᐃᓂᒋᓂᐊᕐᓂᕋᓚᐅᕐᑕᕋᓗ ᑕᑯᓐᓇᕈᒪᔪᓐᓃᕐᓗᒍᓗ; ᐃᓄᐃᓪᓗ ᐊᖅᑯᓵᕐᑐᑦ ᓇᑭᓕᒫᖅ ᐃᓴᕆᐊᓕᒃᑯᓐᓂᒃ ᓇᕐᕈᓇᕐᓂᕅᔪᒫᕐᐳᑦ, ᖁᔭᓈᕐᑕᐅᓯᒪᓂᕋᓕᕐᓗᒍᓗ.
ᐊᑕᓂᐅᑉ ᐃᓂᕐᑎᕐᓯᒪᒐᓗᐊᕐᑎᓪᓗᓂᐅᒃ, ᒎᑎᓐᖑᐊᓄᑦ ᑐᒃᓯᐊᖃᑦᑕᖁᓇᒍ; ᑭᓯᐊᓂᓕ ᐊᑕᓂᐅᑉ ᐃᓂᕐᑎᕆᐅᑎᒋᓯᒪᔭᖓᓂᒃ ᒪᓕᒍᓐᓃᓚᐅᕐᐳᖅ.
ᐊᑕᓂᐅᓪᓗ ᐅᖃᕐᕕᒋᕚ, “ᑐᒃᓯᐊᕐᓂᑎᑦ ᕿᓄᓂᑎᓪᓗ ᑐᓴᕐᐸᒃᑲ, ᑐᒃᓯᐊᕐᕕᒡᔪᐊᖅ ᑖᓐᓇ ᐃᑦᔪᕐᓁᓕᑎᑉᐸᕋ ᓴᓇᓚᐅᕐᑍᑦ; ᐃᓂᒋᓂᐊᕐᓕᕐᐸᕋᓗ ᑐᒃᓯᐊᕐᕕᐅᖁᓪᓗᖓ ᐃᓱᖃᖏᑦᑐᒧᑦ, ᒥᐊᓂᕆᓂᐊᕐᐸᕋ ᓴᐳᑎᕙᒡᓗᒍᓗ ᑍᒪᓐᖓᓕᒫᖅ.
ᓄᓇᒥ ᕆᑉᓚᒥ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑕ ᐋᓐᓂᕐᓯᕐᑕᐅᑎᓚᐅᕐᓗᓂᒋᑦ ᑐᖁᕋᕐᑕᐅᑎᑉᐰᑦ ᕼᐊᒫᑎᒥ ᓄᓇᒥ. ᑕᕝᕙ ᔫᑕᒥᐅᑦ ᐊᐅᓪᓚᕈᑦᔭᐅᓚᐅᕐᐳᑦ ᓄᓇᒋᓚᐅᕐᓯᒪᓐᖏᑕᒥᖕᓂᒃ ᓄᓇᑖᕐᑎᑕᐅᓪᓗᑎᒃ.
ᐊᑕᓂᐅᑉ ᐃᒡᓗᖓ ᐃᑯᐊᓪᓚᒃᐹ, ᐊᖓᔪᖅᑳᕐᔪᐊᓪᓗ ᐃᒡᓗᖓ, ᐃᒡᓗᓕᒫᓪᓗ ᔨᕉᓴᓕᒦᑦᑐᑦ; ᐱᒻᒪᕆᓕᒫᓪᓗ ᐃᒡᓗᖏᑦ ᐃᑯᐊᓪᓚᒃᑕᐅᕗᑦ.
ᒎᑎᐅᓪᓗ ᐃᒡᓗᖓ ᐃᑯᐊᓪᓚᓚᐅᕐᐹᑦ, ᔨᕉᓴᓕᐅᓪᓗ ᐊᕙᓗᕐᔪᐊᖓ ᓯᖁᑦᑎᕐᓗᒍ, ᐊᖓᔪᖅᑳᕐᔪᐊᓪᓗ ᐃᒡᓗᕐᔪᐊᓕᒫᖏᑦ ᐃᑯᐊᓪᓚᒃᐰᑦ, ᐱᒋᔭᐅᔪᓪᓗ ᐱᔪᒥᓇᕐᑐᓕᒫᑦ ᐊᓯᕈᕐᓗᒋᑦ.
ᑕᕝᕙ ᓄᓱᒍᒫᕐᐸᒋᑦ ᓄᓇᒥᑦ ᑐᓂᓚᐅᕐᑕᓐᓂᑦ ᐃᓕᖕᓄᑦ; ᐃᒡᓗᒥᓪᓗ ᑕᕝᕙᓐᖓᑦ ᐃᑦᔪᕐᓁᑎᓚᐅᕐᑕᓐᓂᑦ ᐊᑎᓐᓂ, ᕿᒪᒍᒫᕐᐸᕋ ᓵᓐᖓᔪᓐᓃᕐᓗᒍ, ᐅᖃᐅᓯᐅᖃᑦᑕᓕᕈᒫᕐᐳᕐᓗ ᐅᖃᕐᓂᕐᓘᑕᐅᓗᓂ ᐃᓄᓕᒫᓄᑦ ᐊᖅᑯᓵᕐᑐᓄᑦ.
ᐃᔪᕆᔭᒃᓴᓐᖑᕐᐳᒍᑦ ᐃᓅᖃᑎᒌᒡᔪᐊᓄᑦ, ᐃᓕᕿᑕᒫᕈᑕᐅᓕᕐᓗᑕᓗ ᒥᑕᐅᑕᐅᓂᕐᒧᑦ ᐃᓄᖕᓄᑦ.
ᓇᕐᕈᓇᕐᓂᕋ ᑍᒪᓐᖓᑦ ᓵᓐᓃᑉᐳᖅ, ᑮᓇᕐᒪᓗ ᑲᓐᖑᓇᕐᓂᖓᑕ ᐅᓕᒃᓯᒪᕚᖓ.
ᐊᓐᓄᕌᒥᒃ ᖃᕿᐊᓕᕐᑐᕐᓯᐅᒻᒥᒃ ᐊᑎᔭᕌᖓᒪ, ᐃᓄᐃᑦ ᐃᔪᕆᕙᒃᐹᖓ.
ᐊᑎᕐᓯ ᐃᓕᔪᒫᕐᐸᓯ ᓂᕈᐊᕐᓯᒪᔭᓐᓄᑦ ᓇᕐᕈᒋᔭᒃᓴᓐᖑᖁᓪᓗᒋᑦ; ᐊᑕᓂᐅᓪᓗ ᒎᑎᐅᑉ ᑐᖁᑦᓱᒫᕐᐹᓯ; ᐱᔨᓂᓕ ᑍᒎᓯᖃᓕᕐᑎᑦᓱᒫᕐᐰᑦ ᐊᑎᖏᑕ ᐊᓯᐊᓂᒃ.
ᐃᓅᖃᑎᒋᔪᒥᓇᕈᓐᓃᕐᑎᑦᓱᒪᕙᒃᑲ ᐱᐅᒋᔭᐅᖏᑦᑑᑎᓪᓗᒋᓪᓗ ᐊᖓᔪᖅᑳᕐᔪᐊᖃᕐᕕᐅᔪᓕᒫᓄᑦ ᓄᓇᒥ, ᐱᐅᖏᑦᑐᒥᒃ ᐅᖃᐅᓯᐅᒐᔪᒃᑎᓪᓗᒋᑦ ᐊᑭᕋᕐᑐᕐᑕᐅᒐᔪᒃᑎᓪᓗᒋᓪᓗ ᓇᓂᑐᐃᓐᓇᖅ ᓄᓇᖃᓕᕌᖓᑕ.
ᑕᑯᒋᑦ, ᐅᓐᓄᐊᓪᓗᐊᑉ ᓇᓛᓃᑦᑐᑦ ᐃᓄᓕᒫᖏᓐᓂᒃ ᑎᓕᓯᓂᐊᕐᐳᖓ, ᑭᒡᒐᓐᓂᒡᓗ ᓂᐱᑯᓁᓴᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᐊᑕᓂᖅ ᐅᖃᕐᐳᖅ, ᐅᓇᑕᕆᐊᕐᑎᓐᓂᐊᕐᐸᒃᑲᓗ ᓄᓇᒧᑦ ᑕᒪᐅᖓ ᐃᓅᖃᑎᒌᒡᔪᐊᓄᑦ, ᓄᓇᓕᐅᖃᑎᒋᔭᓕᒫᓯᓗ ᐊᓯᕈᕐᑕᐅᑎᓐᓂᐊᕐᐸᒃᑲ ᑲᑉᐱᐊᓲᑎᒃᓴᓐᖑᕐᑎᓪᓗᒋᓪᓗ ᐋᖅᑭᒃᑕᐅᒃᑲᓐᓂᕐᓂᐊᕈᓐᓃᕐᑐᒥᒃ ᓄᓇᓕᕕᓂᑐᐃᓐᓇᐅᓕᕐᑎᓐᓂᐊᕐᐸᕋ.
“ᕼᐃᓯᑬᐊ ᐊᖓᔪᖅᑳᕐᔪᐊᖑᑎᓪᓗᒍ ᔫᑕᒥᐅᓄᑦ, ᒤᑲ ᒧᕆᓯᑎᒥᐅᖅ ᓇᓚᐅᑦᑍᓚᐅᕐᐳᖅ ᐅᖃᕐᓗᓂᓗ, ‘ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᓮᐅᓂ ᐱᕈᕐᓰᕕᒃᑎᑐᑦ ᐋᖅᑭᒃᓱᕐᑕᐅᔪᒫᕐᐳᖅ; ᔨᕉᓴᓕᒻᓗ ᐅᔭᕋᓛᖑᓂᕐᑎᑐᑦ ᖃᑦᑎᒃᓯᓯᒪᓗᓂ, ᑐᒃᓯᐊᕐᕕᒡᔪᐊᓪᓗ ᐃᓂᒋᔭᖓ ᐃᕕᒃᓱᒐᕐᓄᑦ ᐱᕈᕐᕕᐅᓯᒪᓗᓂ ᓂᐊᖁᑦᑕᕕᓂᑐᐃᓐᓇᐅᓕᕈᒫᕐᐳᖅ.’
ᑕᕝᕙ ᑐᒃᓯᐊᕐᕕᒃᔪᐊᖅ ᐱᓂᐊᕐᕕᒋᓂᐊᕐᐸᕋ ᓮᓗᐊᒧᑦ ᐱᓇᓱᐊᕐᓂᕆᓚᐅᕐᑕᑦᑐᑦ, ᓄᓇᓖᓪᓗ ᑖᒃᑯᐊ ᓇᕐᕈᒋᔭᐅᓕᕈᒫᕐᐳᑦ ᐃᓅᖃᑎᒌᒡᔪᐊᓄᑦ ᑕᒤᓐᓄᑦ.”
ᓱᖕᒪᑦ ᓂᓐᖓᒃᑎᓐᓇᓱᐊᕐᐱᓯᓐᖔ ᑐᒃᓯᐊᕐᕕᖃᕐᓂᑦᓯᓐᓄᑦ ᒎᑎᓐᖑᐊᓄᑦ ᑐᓂᕐᕈᓯᕐᕕᒋᓪᓗᒋᓪᓗ ᐄᑦᔨᑉᑎᒥ ᒎᑎᒋᔭᐅᔪᑦ? ᑍᒤᓕᐅᕋᓱᐊᕐᐱᓰ? ᓄᖑᑦᓯᐊᒻᒪᕆᒍᒪᓪᓗᓯ, ᓄᓇᒥ ᐃᓅᖃᑎᒌᒡᔪᐊᖑᔪᓄᑦ ᒥᑕᐅᑎᒋᔭᒃᓴᓐᖑᕈᒪᓪᓗᓯ ᐅᖃᕐᓂᕐᓘᑎᒃᓴᐅᔪᒪᓪᓗᓯᓘ?
ᑐᒃᓯᐊᕐᕕᒡᔪᐊᕐᓗ ᐃᑯᐊᓪᓚᒃᐹ, ᐊᖓᔪᖅᑳᕐᔪᐊᓪᓗ ᐃᒡᓗᖏᑦ ᐃᒡᓗᒐᓴᒡᔪᐊᓕᒫᓪᓗ ᔨᕉᓴᓕᒥ, ᐃᒡᓗᐃᑦ ᐱᒻᒪᕆᐅᓂᓕᒫᖏᑦ ᐃᑯᐊᓪᓚᒃᐰᑦ.
ᔨᕉᓴᓕᒥᐅᑦ ᐊᔪᕐᑐᓕᓚᐅᕐᒪᑕ ᕿᒃᓵᖕᓇᕐᑐᒥᒃ ᒥᑕᐅᑎᒃᓴᑐᐃᓐᓇᐅᓕᕐᐳᑦ, ᐅᐱᒍᓲᑎᖃᓚᐅᕐᑐᓕᒫᑦ ᒫᓐᓇ ᓇᕐᕈᓕᕐᐳᑦ, ᓱᓇᖃᖏᓐᓂᖓ ᑕᑯᓕᕋᒥᑦᔪᒃ, ᓇᖕᒥᓂᕐᓗ ᐋᓐᓂᐊᑎᑉᐳᑦ ᑲᓐᖑᓱᒃᓗᑎᒡᓗ.
ᐊᑕᓂᐅᑉ ᐊᓯᕈᐃᓂᐊᕐᓂᕋᕐᓯᒪᓂᓂ ᐊᑑᑎᑎᓕᑍᓐᓇᕐᐹ, ᐊᓯᕈᕐᑕᐅᑎᒻᒪᒍ ᓂᑲᒍᓱᖕᓂᖃᖏᑦᑐᒥᒃ, ᑍᒤᒍᒪᓂᐊᕐᓂᕋᕐᓯᒪᓂᓂ ᒪᓕᒡᓗᒍ ᐊᑭᕋᕗᑦ ᓵᓚᖃᕐᑎᒻᒪᒋᑦ ᑲᑕᒃᓯᒪᓂᑦᑎᓐᓂᒡᓗ ᖁᕕᐊᓲᑎᖃᕐᑎᑉᐰᑦ.
‘ᐃᓴᕆᐊᓕᐅᑉ ᑭᖑᕚᖏᑦ ᐅᖃᐅᑎᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐃᑦᔪᕐᓁᑦᑐᕕᖁᑎᒐ ᓇᕐᕈᓇᕐᓯᑎᓐᓂᐊᕐᐸᕋ, ᐱᔪᓐᓇᕐᓂᑦᓯᓐᓄᑦ ᐱᐅᔪᕆᑦᔪᑎᒋᓯᒪᔭᓯ, ᑕᑯᒥᒋᔭᓯᓗ, ᑕᕐᓂᑦᓯᓗ ᐱᔪᒪᔭᖓ; ᐃᕐᓂᓯ ᐸᓂᓯᓗ ᔨᕉᓴᓕᒧᑦ ᕿᒪᒃᓯᒪᔭᓯ ᓴᕕᒡᔪᐊᓄᑦ ᑐᖁᕋᕐᑕᐅᔪᒫᕐᐳᑦ.
“ᓇᕐᕈᓇᕐᓯᔪᒫᕐᐳᓯ ᒥᑕᐅᑎᒃᓴᐅᓕᕐᓗᓯᓗ, ᐃᓂᕐᑎᕈᑎᒃᓴᐅᓗᓯ ᑲᑉᐱᐊᓵᕆᑦᔪᑎᒃᓴᐅᓗᓯᓗ ᐃᓅᖃᑎᒌᒡᔪᐊᓄᑦ ᐊᕙᑎᑦᓯᓐᓃᑦᑐᓄᑦ, ᐃᖅᑲᕐᑐᐃᓕᕈᒪ ᓂᓐᖓᐅᒪᓂᒃᑯᑦ ᓂᓐᖓᕕᒡᔪᐊᕐᓯᒪᓂᒃᑯᓪᓗ, ᓱᒋᐊᕐᓯᓂᒃᑯᑦ ᑲᑉᐱᐊᓇᕐᑐᑎᒍᑦ, ᐅᕙᖓ ᐊᑕᓂᖅ, ᐅᖃᕐᐳᖓ.
ᐃᓂᕾᓐᓇᕈᒫᓐᖏᓚᓪᓗ ᐊᑕᓂᐅᑉ ᓄᓇᖓᓂ; ᐃᕗᕅᒥᓕ ᐅᑎᕈᒫᕐᐳᖅ ᐄᑦᔨᑉᑎᒧᑦ, ᓂᕆᔪᒫᕐᐳᓪᓗ ᓂᕿᓂᒃ ᓇᕐᕈᓇᕐᑐᓂᒃ ᐊᓯᕆᐊᒥ.
ᑐᓂᕐᕈᓯᕐᑎᑦᓯᔩᑦ ᐱᔨᑦᓯᕐᐸᒃᑐᑦ ᑭᒡᒐᕐᑐᕐᓗᑎᒃ ᐊᑕᓂᕐᒥᒃ, ᕿᐊᓕᕐᓕᑦ ᑐᒃᓯᐊᕐᕕᒡᔪᐊᑉ ᑐᕐᓲᖓᑕ ᑐᓂᕐᕈᓯᕐᕕᐅᓪᓗ ᐊᑯᓐᓂᖓᓂ; ᐅᖃᕐᓗᑎᒡᓗ, “ᐃᓄᖁᑎᑎᑦ ᓂᑲᒋᓚᐅᒃᑭᑦ, ᐊᑕᓃᖅ; ᐃᓅᖃᑎᒌᒡᔪᐊᓄᑦ ᔫᑎᐅᖏᑦᑐᓄᑦ ᓇᕐᕈᓇᕐᓯᑎᑕᐅᖁᓇᒋᑦ ᒥᑕᐅᑎᒋᔭᐅᖁᓇᒋᓪᓗ ᐅᖃᖁᓇᒋᓪᓗ, ‘ᓇᐅᒡᓕ ᒎᑎᖓᑦ?’”
ᑍᒤᒻᒪ ᐃᓕᑦᓯ ᐱᓪᓗᓯ ᓮᐅᓂᐅᑉ ᓄᓇᖓ ᒧᒥᒃᑎᑕᐅᔪᒫᕐᐳᖅ ᐱᕈᕐᓰᕕᒃᑎᑐᑦ, ᔨᕉᓴᓕᒻ ᓱᕋᒃᑎᕐᓯᒪᓕᕈᒫᕐᐳᖅ, ᑐᒃᓯᐊᕐᕕᒡᔪᐊᓪᓗ ᐃᓂᖓ, ᐱᖑᑐᐃᓐᓇᐅᓕᕐᓗᓂ ᓇᐹᕐᑐᓄᑦ ᐱᕈᕐᕕᑐᐃᓐᓇᐅᓕᕐᓗᓂ.”
ᑕᑯᒋᑦ, ᑐᒃᓯᐊᕐᕕᒃᔪᐊᖁᑎᓯ ᕿᒪᒃᑕᐅᔪᒫᕐᐳᖅ ᐃᓄᖃᕈᓐᓁᕐᓗᓂ.
ᔩᓱᓯᐅᑉ ᐅᖃᐅᑎᕔᑦ, “ᑕᒪᒃᑯᐊᓕᒫᑦ ᑕᑯᒥᓇᕐᓂᖏᑦ ᑕᑯᒐᓗᐊᕐᑕᓯ, ᓱᓕᔪᒥᒃ ᐅᖃᐅᑎᕙᑦᓯ, ᑕᕝᕙᓃᑦᑐᑦ ᐅᔭᕅᑦ ᐃᓂᒥᓂ ᖃᓕᕇᒃᑐᖃᕈᓐᓃᕈᒫᕐᐳᑦ; ᐃᓘᓐᓇᓕᒫᖓ ᓯᖁᒥᑕᐅᔪᒫᕐᒪᑦ.”
ᐃᓚᖏᑦ ᓴᕕᒡᔪᐊᒧᑦ ᑐᖁᑕᐅᔪᒫᕐᐳᑦ, ᐃᓚᖏᓪᓗ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᐳᑦ ᔫᑎᐅᓐᖏᑦᑐᓄᑦ; ᔨᕉᓴᓕᒻᓗ ᑐᓪᓕᕋᕐᓴᐅᔪᒫᕐᐳᖅ ᔫᑎᐅᓐᖏᑦᑐᓄᑦ, ᐱᕕᒃᓴᖓᑦ ᐃᓱᓕᓚᐅᖏᓐᓂᖓᓂ.”
ᓄᓇᓄᑦ ᓇᒧᑐᐃᓐᓇᖅ ᐊᑕᓂᐅᑉ ᓯᐊᒻᒪᕐᑎᑦᓱᒫᕐᐹᓯ, ᐃᓄᖏᓐᓂᓪᓗ ᖁᐊᕐᓵᕈᑕᐅᔪᒫᕐᐳᓯ ᓱᔪᐊᓘᓐᓂᕐᒪᖔᑦᓯ ᐃᓱᒪᒋᔭᐅᓗᓯ; ᑍᒎᓴᒐᐅᓕᕐᓗᓯ ᐅᖃᐅᓯᐅᒐᔪᓕᕐᓗᓯᓗ.
ᕿᓚᒡᓗ ᓄᓇᓗ ᐃᑲᔪᕐᑎᒋᓗᒋᒃ ᐃᓕᑦᓯᓐᓂᒃ ᓈᒻᒪᒃᓴᖏᓐᓂᕋ ᐅᓪᓗᒥ ᓴᖅᑭᑉᐸᕋ, ᓈᓚᓐᖏᑐᐊᕈᑦᓯᓐᖓ, ᐊᑯᓂᐅᖏᑦᑐᖅ ᓄᓇᒥ ᑕᒫᓃᑦᓱᓐᓁᕐᓂᐊᕐᐳᓯ. ᐊᑯᓂᐅᖏᑦᑐᕐᓗ ᐃᓅᓂᐊᕐᐳᓯ ᑕᒫᓂ ᔪᐊᕐᑕᓂᐅᑉ ᐊᑭᐊᓂ ᓄᓇᑖᕆᓂᐊᕐᑕᑦᓯᓐᓂ, ᓄᖑᑕᐅᑦᓯᐊᕐᓂᐊᕐᐳᓯᓗ.
ᐊᖏᖃᑎᒌᒍᑎᒋᓚᐅᕐᑕᓯ ᑲᔪᓯᑎᖏᒃᑯᑦᓯᐅᒃ, ᐊᑕᓂᐅᑉ ᒎᑎᑦᓯ ᑎᓕᓯᑦᔪᑎᒋᓚᐅᕐᑕᖓ ᐃᓕᑦᓯᓐᓄᑦ, ᐱᔨᑦᓯᓕᕈᑦᓯᓗ ᒎᑎᐅᑉ ᐊᓯᐊᓂᒃ ᐹᒻᒪᒃᑎᕐᕕᒋᓕᕐᓗᒋᓪᓗ. ᑕᕝᕙ ᐊᑕᓂᐅᑉ ᓂᓐᖓᐅᓯᕐᒥᓄᑦ ᓱᒋᐊᕈᒫᕐᐹᓯ, ᐊᑯᓂᐅᖏᑦᑐᕐᓗ ᑕᒫᓃᑦᓱᓐᓁᕈᒫᕐᐳᓯ ᓄᓇᒥ ᐱᐅᔪᒥ ᑐᓂᓚᐅᕐᑕᖓᓂ ᐃᓕᑦᓯᓐᓄᑦ.”
“ᐅᒡᒍᐊᕐᐳᖓ ᓴᐅᓕ ᐊᖓᔪᖅᑳᕐᔪᐊᕈᕐᑎᓚᐅᕋᒃᑯ; ᐅᕙᓐᓂᒃ ᕿᒤᖕᒪᑦ ᒪᓕᒍᓐᓃᕐᓗᓂ, ᐱᖁᔨᑦᔪᑎᒋᔭᒃᑲᓗ ᑲᔪᓯᑎᓚᐅᖏᒻᒪᒋᑦ.” ᑕᒪᓐᓇ ᓴᒧᐃᓕᐅᑉ ᓂᓐᖓᒍᑎᒋᕚ; ᐊᑕᓂᕐᒧᓪᓗ ᕿᓄᓪᓗᓂ ᕿᐊᕗᖅ ᐅᓐᓄᐊᓕᒫᖅ.