ᐊᑕᓃᑦ ᓯᕗᓪᓖᑦ 8:56 - ᐊᒡᓔᑦ ᐃᑦᔪᕐᖕᓁᑦᑐᑦ

⁵⁶ “ᐊᑕᓂᖅ ᓂᕐᑐᕐᑕᐅᓕ, ᐃᓄᖁᑎᒥᓄᑦ ᐃᓕᒪᓱᖏᑦᓯᐊᕐᓂᕐᒥᒃ ᑐᓂᓯᔪᖅ ᐊᖏᕈᑎᒋᓯᒪᔭᒥᓂᒃ ᑲᔪᓯᑎᑦᓯᓪᓗᓂ ᑍᒤᓐᓂᐊᕐᓂᕋᕐᓯᒪᒐᒥ, ᐊᖏᕈᑎᒋᓯᒪᔭᓕᒫᒥᓂᒃ ᑐᓂᓯᓂᐊᕐᓂᕋᕐᓗᓂ ᓱᓕᑎᓯᒪᖕᒪᒋᑦ ᐱᔨᒥᒍᑦ ᒨᓯᓯᒃᑯᑦ.

ᐊᑕᓃᑦ ᓯᕗᓪᓖᑦ 8:56 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 10:10

ᖃᐅᔨᒪᓕᕆᑦᓯ, ᐊᑕᓂᐅᑉ ᐅᖃᐅᓯᕆᓯᒪᔭᓕᒫᖏᑦ ᐂᕼᐊᑉ ᐃᓚᓕᒫᖏᑦ ᐱᓪᓗᒋᑦ ᐊᑕᐅᓯᕐᒥᒡᓘᓐᓃᑦ ᓱᓕᖏᑦᑐᖃᕐᓂᐊᓐᖏᓚᑦ, ᐊᑕᓂᖅ ᐱᓇᓱᐊᕐᓯᒪᕗᖅ ᐅᖃᐅᓯᕆᓚᐅᕐᑕᓕᒫᓂ ᒪᓕᒡᓗᒋᑦ ᐱᔨᒥᒍᑦ ᐃᓔᑦᔭᒃᑯᑦ.”

ᑯᕉᓂᑲ ᓯᕗᓪᓖᑦ 16:36

ᐊᑕᓂᖅ ᓂᕐᑐᕐᑕᐅᓕ, ᐃᓴᕆᐊᓕᒃᑯᑦ ᒎᑎᖓᑦ, ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ! ᐃᓄᓕᒫᓪᓗ ᐅᖃᕐᓕᑦ, “ᐋᒦᓐ!” ᐊᑕᓂᕐᓗ ᓂᕐᑐᕐᑕᐅᓕ.

ᑯᕉᓂᑲ ᓯᕗᓪᓖᑦ 22:9

ᑕᑯᒋᑦ, ᐃᕐᓂᕐᑖᕈᒫᕐᐳᑎᑦ, ᑖᓐᓇ ᐃᓅᔪᒫᕐᐳᖅ ᐅᓇᑕᖏᓪᓗᓂ. ᐊᑭᕋᓕᒫᖏᓐᓂᑦ ᐅᓇᑕᕐᑕᐅᑎᑦᓱᒫᓐᖏᓚᕋ; ᐊᑎᖃᕈᒫᕐᐳᖅ ᓲᓗᒨᓂᒥᒃ, ᐃᓴᕆᐊᓕᒥᐅᑦ ᐅᓇᑕᕐᑕᐅᑎᑦᓱᒫᓐᖏᓚᒃᑲ ᒥᕐᖑᐃᕐᓯᕐᓇᕐᑐᒦᓪᓗᑎᒡᓗ ᑖᑦᓱᒪ ᐅᓪᓗᖏᓐᓂ.

ᑯᕉᓂᑲ ᐂᑉᐸᖏᑦ 14:6

ᓴᐴᓗᑕᓕᖕᓂᒡᓗ ᐃᒡᓗᒐᓴᖕᓂᒃ ᓴᓇᕗᖅ ᔫᑕᒥ, ᓄᓇᖓᓂ ᐃᓱᒫᓗᓇᕐᑐᖃᓚᐅᓐᖏᓚᖅ; ᐊᕐᕌᒍᓂ ᑖᒃᑯᓇᓂ ᐅᓇᑕᕐᓂᖃᓚᐅᖏᒻᒪᑦ, ᐊᑕᓂᐅᑉ ᓄᓪᓚᖓᑦᓯᐊᕐᓇᕐᑐᒦᑎᓚᐅᕐᒪᒍ.

ᒨᓯᓯ ᐂᑉᐸᖏᑦ 18:10

ᔨᑐᕉᓗ ᐅᖃᕐᐳᖅ, “ᐊᑕᓂᖅ ᓂᕐᑐᕐᑕᐅᓕ, ᐄᑦᔨᑉᑎᒥᑦ ᐊᓂᑎᑦᓯᓚᐅᕐᑐᖅ ᐰᕉᓪᓗ ᐱᔪᓐᓇᕐᓂᖓᓂᑦ!

ᓘᑲᓯᐅᑉ ᐊᒡᓚᖏᑦ 21:33

ᕿᓚᒡᓗ ᓄᓇᓗ ᓄᖑᔪᒫᕐᐴᒃ, ᐅᖃᐅᓯᒃᑲᓕ ᓄᖑᔪᒫᓐᖏᓚᑦ.”

ᒨᓯᓯ ᑕᓪᓕᒪᖏᑦ 12:10

ᑰᖕᒥᒃ ᔪᐊᕐᑕᓂᐅᑉ ᑰᖓᓂᒃ ᐃᑳᕈᑦᓯ, ᐊᑕᓂᐅᑉ ᓄᓇᑖᕐᑎᑦᓱᒫᕐᐹᓯ ᑕᕝᕙᓂ ᓄᓇᖃᕈᓐᓇᖁᓪᓗᓯ. ᐊᑕᓂᐅᑉ ᓴᐳᑎᓯᒪᔪᒫᕐᐹᓯ ᐊᑭᕋᕐᑐᕐᑎᑦᓯᓐᓂᑦ, ᐃᓱᒫᓗᖏᓪᓗᓯ ᑕᕝᕙᓂ ᓄᓇᖃᕈᓐᓇᖁᓪᓗᓯ.

ᒨᓯᓯ ᑕᓪᓕᒪᖏᑦ 12:12

ᑖᑦᓱᒪ ᐊᑕᓂᐅᑉ ᒎᑎᑦᓯ ᓇᔪᕐᑕᖓᓂ ᖁᕕᐊᓱᒃᑐᒃᓴᐅᕗᓯ, ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐃᓚᒋᓗᒋᑦ, ᓕᕔᑎᒃᑯᓪᓗ ᓄᓇᑦᓯᓐᓂ ᓄᓇᖅᑲᑎᒋᔭᓯ ᐃᓚᒋᓗᒋᑦ; ᐃᖅᑲᐅᒪᓗᓯ ᓕᕔᑎᒃᑯᑦ ᓇᖕᒥᓂᒃᓴᒥᓂᒃ ᓄᓇᖁᑎᖃᖏᒻᒪᑕ.

ᒨᓯᓯ ᑕᓪᓕᒪᖏᑦ 3:20

ᐃᓴᕆᐊᓕᒥᐅᖑᖃᑎᓯ ᐃᑲᔪᓚᐅᕐᓯᐅᒃ ᓄᓇᑖᕋᓱᐊᕐᓂᖏᓐᓂ ᐊᑕᓂᐅᑉ ᒎᑎᑦᓯ ᑐᓂᓚᐅᕐᑕᖓᓂᒃ ᔪᐊᕐᑕᓂᐅᑉ ᑰᖓᑕ ᓴᐅᒥᐊᓃᑦᑐᒥᒃ ᓄᓇᑖᑦᓯᐊᓚᐅᖏᓐᓂᓕᒫᖏᓐᓂ ᐊᒻᒪᓗ ᑕᒫᓂ ᐅᓇᑕᕆᐊᖃᕈᓐᓁᓚᐅᖏᓐᓂᖏᓐᓂ, ᐃᓕᑦᓯᓐᓄᑦ ᑍᒫᒃ ᐱᓇᓱᐊᕇᓚᐅᕐᒪᑦ ᑕᒪᑐᒥᖓ ᓄᓇᒥᒃ ᓇᔪᓕᕐᑕᑦᓯᓐᓂᒃ. ᑕᒪᑐᒪᓕ ᑭᖑᓂᖓᒍᑦ ᑕᒪᓐᓇ ᐊᓂᒍᕐᐸᑦ ᑕᒪᐅᖓ ᐃᓕᑦᓯᓐᓄᑦ ᓄᓇᑖᕆᔭᐅᑎᓚᐅᕐᑕᓐᓄᑦ ᐅᑎᕈᓐᓇᕐᓯᓛᕆᕗᓯ.’

ᓴᒧᐃᓕ ᓯᕗᓪᓖᑦ 3:19

ᓴᒧᐃᓕᓕ ᐱᕈᕐᐸᓪᓕᐊᓚᐅᕐᐳᖅ, ᐊᑕᓂᐅᓪᓗ ᐃᓚᒋᓚᐅᕐᐹ ᓱᓕᑎᖃᑦᑕᓚᐅᕐᐰᓪᓗ ᓴᒧᐃᓕᐅᑉ ᐅᖃᐅᓯᕆᔭᓕᒫᖏᑦ.