ᐊᑕᓃᑦ ᓯᕗᓪᓖᑦ 8:43 - ᐊᒡᓔᑦ ᐃᑦᔪᕐᖕᓁᑦᑐᑦ

⁴³ ᑐᒃᓯᐊᓂᖏᑦ ᑐᓴᒃᑭᑦ, ᕿᓚᖕᒥᑦ ᐃᓂᒋᔭᕐᓂᑦ, ᐱᓇᓱᐊᕐᓗᑎᓪᓗ ᓄᓇᓕᑐᖃᐅᖏᑦᑐᑦ ᓂᓪᓕᐊᑦᔪᑎᒋᔭᓕᒫᖏᓐᓂᒃ; ᓄᓇᕐᔪᐊᕐᒥᐅᓕᒫᑦ ᐃᓄᐃᑦ ᐊᑎᕐᓂᒃ ᖃᐅᔨᓕᖁᓗᒋᑦ ᐃᓕᖕᓂᒡᓗ ᐃᓕᕋᒋᔭᖃᓕᕐᓗᑎᒃ ᐃᓴᕆᐊᓕᒥᐅᑎᑐᑦ, ᖃᐅᔨᒪᖁᓪᓗᒋᑦ ᐅᓇ ᐃᒡᓗᓕᐊᕋ ᐊᑎᕐᓂᒃ ᑐᓐᖓᕕᖃᕐᒪᑦ.

ᐊᑕᓃᑦ ᓯᕗᓪᓖᑦ 8:43 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 18:36

ᑕᕝᕙᓂᓗ ᐅᓐᓄᒃᑯᑦ ᑐᓂᕐᕈᓯᓐᓂᖅ ᓇᓪᓕᐅᑎᖕᒪᑦ, ᐃᓔᑦᔭ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᖃᒡᓕᒋᐊᕐᓗᓂ ᐅᖃᕐᐳᖅ, “ᐊᑕᓃᖅ, ᐂᑉᕋᕼᐋᒻ, ᐂᓴᑭᐅᓪᓗ, ᐃᓴᕆᐊᓕᐅᓪᓗ ᒎᑎᖓ, ᐅᓪᓗᒥ ᖃᐅᔨᔭᐅᓕᕆᑦ ᐊᑕᓂᐅᒐᕕᑦ ᐃᓴᕆᐊᓕᐅᑉ ᒎᑎᖓ, ᐅᕙᖓᓗ ᐱᔨᒋᒐᕕᖓ, ᑕᒪᒃᑯᐊᓗ ᐱᓇᓱᐊᕐᑕᒃᑲ ᐅᖃᐅᓯᕆᓯᒪᔭᒃᑯᑦ ᐱᓇᓱᐊᖃᑦᑕᕋᒃᑭᑦ.

ᐊᑕᓃᑦ ᓯᕗᓪᓖᑦ 8:60

ᓄᓇᕐᔪᐊᕐᒥᐅᓕᒫᑦ ᓯᓚᕐᔪᐊᕐᒦᑦᑐᑦ ᑐᑭᓯᖁᓪᓗᒋᑦ ᐊᑕᓂᖅ ᑖᓐᓇᑐᐊᖅ ᒎᑎᐅᖕᒪᑦ; ᐊᓯᖃᕋᓂᓗ.

ᐊᑕᓃᑦ ᐂᑉᐸᖏᑦ 19:19

ᐊᑏ ᒫᓐᓇ, ᐊᑕᓃᖅ ᒎᑎᒋᔭᕗᑦ, ᓴᐳᑎᓚᐅᕐᑎᒍᑦ ᕿᓄᕕᒋᕙᒋᑦ, ᐊᖓᔪᖅᑳᕐᔪᐊᑉ ᐱᔪᓐᓇᕐᓂᖓᓂᑦ, ᓄᓇᒥ ᐊᖓᔪᖅᑳᕐᔪᐊᖃᕐᕕᐅᔪᓕᒫᑦ ᖃᐅᔨᓕᖁᓪᓗᒋᑦ ᐃᕝᕕᑐᐊᖅ, ᐊᑕᓃᖅ ᒎᑎᑐᐊᖑᒐᕕᑦ.”

ᑯᕉᓂᑲ ᓯᕗᓪᓖᑦ 16:8

ᐊᑕᓂᖅ ᖁᔭᒋᓯᐅᒃ, ᐊᑎᖓ ᑐᒃᓯᐊᕐᕕᒋᓗᒍ, ᐱᓂᐊᕐᓂᕆᓯᒪᔭᖏᑦ ᐅᖃᐅᓯᐅᓕᑦ ᐃᓄᖕᓄᑦ!

ᑯᕉᓂᑲ ᐂᑉᐸᖏᑦ 6:33

ᑐᓴᓚᐅᕆᑦ ᕿᓚᖕᒥᑦ ᐃᓂᒋᔭᕐᓂᑦ, ᐱᓂᐊᕐᕕᒋᓗᒋᓪᓗ ᐃᓅᖃᑎᑐᖃᕆᔭᐅᖏᑦᑐᑦ ᐃᓕᖕᓄᑦ ᑐᒃᓯᐊᕐᓂᖏᑦ ᒪᓕᒡᓗᒋᑦ; ᓄᓇᒦᑦᑐᑦ ᐃᓄᓕᒫᑦ ᐊᑎᕐᓂᒃ ᖃᐅᔨᖁᓪᓗᒋᑦ ᐃᓕᖕᓂᒡᓗ ᓯᕘᕋᓕᖁᓪᓗᒋᑦ, ᐃᓄᖁᑎᒃᑐᑦ ᐃᓴᕆᐊᓕᒃᑯᑎᑐᑦ, ᖃᐅᔨᖁᓪᓗᒋᑦ ᑖᓐᓇ ᐃᒡᓗ ᓴᓇᓚᐅᕐᑕᕋ ᑍᔭᐅᔪᒃᓴᐅᖕᒪᑦ ᐊᑎᕐᓂ.

ᐃᓐᖏᕈᑎᑦ 102:15

ᑕᕝᕙ ᐃᓅᖃᑎᒌᒡᔪᐊᑦ ᐊᑕᓂᐅᑉ ᐊᑎᖓᓂᒃ ᓯᕘᕋᔪᒫᕐᐳᑦ, ᐊᖓᔪᖅᑳᕐᔪᐊᓪᓗ ᓄᓇᒦᑦᑐᓕᒫᑦ ᐃᓕᖕᓂᒃ ᓂᕐᑐᕐᓇᕐᑎᑦᓯᔪᒫᕐᐳᑦ;

ᐃᓐᖏᕈᑎᑦ 22:27

ᓄᓇᕐᔪᐊᕐᒦᑦᑐᑦ ᑕᒪᕐᒥᒃ ᐃᖅᑬᔪᒫᕐᐳᑦ, ᐊᑕᓂᕐᒧᓪᓗ ᓵᓪᓗᑎᒃ, ᐃᓚᒌᓕᒫᓪᓗ ᐃᓅᖃᑎᒌᒡᔪᐊᓂ, ᑐᒃᓯᐊᕈᒫᕐᐳᑦ ᓵᖕᓂ.

ᐃᓐᖏᕈᑎᑦ 33:14

ᐃᓂᒋᔭᒥᓂᑦ ᓇᔪᕐᑕᒥᓂᑦ ᑕᑯᓐᓇᕐᐳᖅ ᑕᒤᓐᓂᒃ ᓄᓇᕐᔪᐊᕐᒥ ᐃᓂᖃᕐᑐᓂᒃ.

ᐃᓐᖏᕈᑎᑦ 67:2

ᐱᓂᐊᕐᓂᑎᑦ ᖃᐅᔨᔭᐅᖁᓪᓗᒋᑦ ᓄᓇᒥ, ᐱᐅᓕᒃᓯᓃᓪᓗ ᐃᓅᖃᑎᒌᒡᔪᐊᓄᑦ ᖃᐅᔨᔭᐅᓗᓂ.

ᐃᓐᖏᕈᑎᑦ 86:9

ᐃᓅᖃᑎᒌᒡᔪᐊᓕᒫᑦ ᐱᓐᖑᕐᑎᓚᐅᕐᑕᑎᑦ ᕾᓗᑎᒃ ᐃᓕᖕᓄᑦ ᑐᒃᓯᐊᕈᒫᕐᐳᑦ ᓵᖕᓂ, ᐊᑕᓃᖅ, ᐊᑎᕐᓂᒃ ᓂᕐᑐᐃᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 11:9

ᐋᓐᓂᕐᑕᐅᔪᖃᕈᒫᓐᖏᓚᖅ ᑐᖁᑕᐅᔪᖃᖏᓪᓗᓂᓗ, ᐃᓘᓐᓇᖏᓐᓂᒃ ᖃᖅᑲᖁᑎᓐᓂ ᐃᑦᔪᕐᓁᑦᑐᒥ; ᓄᓇᓗ ᑕᑕᑦᓱᒫᕐᐳᖅ ᐊᑕᓂᕐᒥᒃ ᖃᐅᔨᒪᔭᖃᑦᓯᐊᕐᓂᕐᒥᒃ ᓲᕐᓗ ᑕᕆᐅᕌᓗᐃᑦ ᐃᒪᕐᐱᖕᒥ ᐅᓕᒃᓯᓯᒪᓂᖓᑐᑦ.

ᔨᕆᒤᐊᐅᑉ ᐊᒡᓚᖏᑦ 25:29

ᑕᑯᓕᕆᑦᓯ, ᐃᒡᓗᒐᓴᒡᔪᐊᖁᑎᒪ ᐊᓯᕈᕐᑕᐅᑦᔪᑎᒃᓴᖓᓂᒃ ᑎᑭᑎᑦᓯᕙᓪᓕᐊᓕᕐᐳᖓ, ᓱᒋᐊᕐᑕᐅᓂᐊᕋᓱᒋᖏᑉᐱᓰ? ᓱᒋᐊᕐᑕᐅᖏᑦᑑᓂᐊᓐᖏᓚᓯ, ᑐᖁᕋᕐᑕᐅᑦᔪᑎᒃᓴᓯᓐᓂᒃ ᑎᑭᑎᑦᓯᓂᐊᕋᒪ ᐃᓅᔪᓕᒫᓄᑦ ᓄᓇᒥ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.’

ᒨᓯᓯ ᑕᓪᓕᒪᖏᑦ 26:15

ᕿᓚᖕᒥᑦ ᐃᓂᒋᔭᕐᓂᑦ ᐃᑦᔪᕐᓁᑦᑐᒥᑦ ᑕᑯᓴᓚᐅᕆᑦ, ᐃᓄᖁᑎᑎᓪᓗ ᐃᓴᕆᐊᓕᒥᐅᑦ ᓮᒻᒪᕐᑎᓪᓗᒋᑦ ᓄᓇᓗ ᓯᕗᓕᕕᓂᑦᑎᓐᓄᑦ ᐊᖏᕈᑎᒋᓯᒪᔧᑦ, ᐊᔪᕐᓴᕐᓇᖏᑦᑐᖅ ᓂᕿᒃᓴᖃᑦᓯᐊᕐᑐᕐᓗ ᓮᒻᒪᕐᑎᓚᐅᕈᒃ ᐅᕙᑦᑎᓐᓄᑦ ᑐᓂᓚᐅᕐᑍᑦ.’”

ᔮᓱᐊᑉ ᐊᒡᓚᖏᑦ 4:23

ᐊᑕᓂᐅᑉ ᒎᑎᑦᓯ ᔪᐊᕐᑕᓂᐅᑉ ᐃᒪᖓ ᓴᓗᐊᕐᑎᓚᐅᕐᒪᒍ ᐃᑳᕇᓚᐅᖅᑳᕐᑎᓐᓇᓯ ᔪᐊᕐᑕᓂᐅᑉ ᑰᖓᓂᒃ, ᑍᒫᑦᓮᓐᓇᖅ ᐊᑕᓂᐅᑉ ᒎᑎᑦᓯ ᐃᒪᖅ ᐊᐅᐸᓗᒃᑕᖅ ᓴᓗᐊᕐᑎᓚᐅᕐᒪᒍ ᐃᑳᕐᑐᐃᓐᓇᐅᓛᐅᖅᑳᕐᑎᓐᓇᑕ.

ᔮᓱᐊᑉ ᐊᒡᓚᖏᑦ 4:24

ᐃᓄᓕᒫᑦ ᓄᓇᕐᔪᐊᕐᒥᐅᑦ ᖃᐅᔨᖁᓪᓗᒋᑦ ᐊᑕᓂᐅᑉ ᐱᔪᓐᓇᕐᓂᕐᔪᐊᖓᓂᒃ; ᐃᓕᑦᓯᓗ ᐃᓕᕋᓱᐃᓐᓇᕐᓂᐊᕋᑦᓯ ᐊᑕᓂᕐᒥᒃ ᒎᑎᑦᓯᓐᓂᒃ ᐃᓱᖃᖏᑦᑐᒧᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:15

ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”

ᓴᒧᐃᓕ ᓯᕗᓪᓖᑦ 17:46

ᐅᓪᓗᒥ ᑕᕝᕙᓂ ᐊᑕᓂᐅᑉ ᑐᓂᓂᐊᕐᐹᑎᑦ ᐱᔪᓐᓇᕐᓂᓐᓄᑦ, ᐱᒋᐊᕐᓂᐊᕐᐸᒋᑦ, ᓂᐊᖁᐃᓪᓗ ᓇᑲᓐᓂᐊᕐᐸᕋ; ᐅᓪᓗᒥᓗ ᐱᓕᔅᑍᓂᒥᐅᑦ ᑕᖕᒫᕐᓯᒪᕕᖓᓂ ᑎᒥᕕᓃᑦ ᑐᓂᓂᐊᕐᐸᕋ ᑎᖕᒥᐊᓄᑦ ᖃᖓᑕᖃᑦᑕᕐᑐᓄᑦ ᐅᒫᔪᓄᓪᓗ ᓄᓇᒦᑦᑐᓄᑦ; ᓄᓇᕐᔪᐊᕐᒥᐅᓕᒫᑦ ᖃᐅᔨᖁᓪᓗᒋᑦ ᐃᓴᕆᐊᓕᒥ ᒎᑎᑕᖃᕐᒪᑦ.