ᐊᑕᓃᑦ ᓯᕗᓪᓖᑦ 8:36 - ᐊᒡᓔᑦ ᐃᑦᔪᕐᖕᓁᑦᑐᑦ

³⁶ ᕿᓚᖕᒥᑦ ᑐᓴᒃᑭᑦ, ᐃᓱᒪᒋᔪᓐᓁᕐᓗᒋᓪᓗ, ᐱᔨᕕᑦ ᐊᔪᕐᑐᓕᓂᖏᑦ, ᐃᓄᖁᑎᑎᑦ ᐃᓴᕆᐊᓕᒥᐅᑦ, ᐊᔪᕆᕐᑐᕐᓗᒋᓪᓗ ᐃᓅᓯᕐᒥᒃ ᐱᐅᔪᒥᒃ ᐊᑐᕆᐊᖃᕐᑕᖏᓐᓂᒃ; ᑕᕝᕙ ᓯᓚᓗᒃᑎᑦᓯᓕᕐᓗᑎᑦ ᓄᓇᖁᑎᖕᓄᑦ, ᑐᓂᓚᐅᕐᑕᕐᓄᑦ ᐃᓄᖁᑎᖕᓄᑦ ᓄᓇᑖᕆᔭᐅᖁᓪᓗᒍ.

ᐊᑕᓃᑦ ᓯᕗᓪᓖᑦ 8:36 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 18:1

ᑕᒪᑐᒪ ᑭᖑᕐᖓᒍᑦ ᐅᓪᓗᐃᑦ ᐅᓄᕐᑐᑦ ᐊᓂᒍᕐᑎᓪᓗᒋᑦ ᐊᑕᓂᐅᑉ ᐅᖃᐅᓯᖓ ᑎᑭᑉᐳᖅ ᐃᓔᑦᔭᒧᑦ, ᐊᕐᕌᒍᐃᑦ ᐱᖓᔪᐊᓐᓂ, ᐅᖃᕐᓗᓂ, “ᐂᓕᕆᑦ, ᐂᕼᐊᑉᒧᑦ ᐅᐸᒍᑎᓗᑎᑦ; ᓯᓚᓗᒃᑎᑦᓯᓂᐊᓕᕋᒪ ᓄᓇᒧᑦ.”

ᐊᑕᓃᑦ ᓯᕗᓪᓖᑦ 18:41

ᐃᓔᑦᔭᐅᓪᓗ ᐂᕼᐊᑉ ᐅᖃᐅᑎᕚ, “ᑕᑉᐸᐅᖓ ᐂᓕᕆᑦ, ᓂᕆᓗᑎᑦ ᐃᒥᓕᕆᑦ; ᓯᓚᓗᒡᔪᐊᖅ ᑐᓴᕐᓴᐅᓕᕐᒪᑦ.”

ᐊᑕᓃᑦ ᓯᕗᓪᓖᑦ 18:45

ᐊᑯᓂᐅᑎᓐᓇᒍᑦ ᓯᓚ ᑖᕐᓯᕗᖅ ᓄᕗᔭᓄᑦ ᐊᓄᕆᒧᓪᓗ, ᓯᓚᓗᒡᔪᐊᓕᕐᓗᓂᓗ. ᐂᕼᐊᑉᓗ ᐃᖏᕐᕋᓯᕗᖅ ᐂᓪᓗᓂᓗ ᔨᔭᕆᐅᓪᒧᑦ.

ᐃᓐᖏᕈᑎᑦ 119:133

ᐃᓅᓯᕋ ᒪᓕᑦᓯᐊᕐᑎᒍᒃ ᐅᖃᐅᓯᕐᓂᒃ, ᐊᔪᕐᑐᓕᓂᕐᓄᑦ ᓇᓪᓕᐊᓐᓄᓪᓘᓐᓃᑦ ᐊᐅᓚᑕᐅᓕᖁᓇᖓ.

ᐃᓐᖏᕈᑎᑦ 119:33

ᐊᑕᓃᖅ ᐊᔪᕆᕐᑐᓚᐅᓐᖓ, ᐊᑐᕐᑕᐅᖁᔭᕐᐱᑦ ᑐᑭᖏᓐᓂᒃ; ᑕᕝᕙ ᒪᓕᖕᓂᐊᕐᐸᒃᑲ ᐃᓅᓯᕐᒪ ᓈᓂᖓᓄᑦ.

ᐃᓐᖏᕈᑎᑦ 143:8

ᐅᓪᓛᒃᑯᑦ ᖃᐅᑕᒫᑦ ᑐᓵᑎᖃᑦᑕᓚᐅᓐᖓ ᓇᒡᓕᒍᓱᖕᓂᕐᓂᒃ, ᐃᓕᖕᓂᒃ ᑕᑎᖃᕋᒪ; ᑐᒃᓯᐊᕐᓂᒃᑲ ᐃᓕᖕᓄᑦ ᖁᒻᒧᐊᒃᐳᑦ; ᐊᔪᕆᕐᑐᓚᐅᓐᖓ ᐊᖅᑯᑎᒃᓴᒥᒃ ᐊᑐᒐᒃᓴᕆᔭᓐᓂᒃ.

ᐃᓐᖏᕈᑎᑦ 25:12

ᑭᓇ ᑍᒪ ᐃᓄᒃ ᓯᕘᕋᕙ ᐊᑕᓂᕐᒥᒃ? ᑖᓐᓇᐅᕗᖅ ᐊᔪᕆᑐᕐᓂᐊᕐᑕᖓ ᐊᖅᑯᑎᒥᒃ ᓂᕈᐊᕐᓯᒪᔭᒥᓂᒃ ᑖᑦᓱᒧᖓ.

ᐃᓐᖏᕈᑎᑦ 25:8

ᐱᐅᔫᕗᖅ ᐃᓱᐊᕐᑑᑦᓮᓐᓇᕐᓗᓂᓗ ᐊᑕᓂᖅ; ᑍᒤᒻᒪᑦ ᐊᔪᕐᑐᓕᔪᑦ ᐊᖅᑯᑎᒥᓂᒃ ᐃᓕᓐᓂᐊᕐᑎᑉᐰᑦ.

ᐃᓐᖏᕈᑎᑦ 27:11

ᐊᑕᓃᖅ, ᐊᖅᑯᑎᖕᓂᒃ ᐃᓕᓐᓂᐊᕐᑎᓚᐅᓐᖓ; ᑕᓯᐅᓚᐅᓐᖓᓗ ᐊᖅᑯᑎᒃᑯᑦ ᒪᓂᕋᑦᓯᐊᒃᑯᑦ, ᐊᑭᕋᕐᑐᕐᑎᒃᑲ ᐱᑦᔪᑎᒋᓪᓗᒋᑦ.

ᐃᓐᖏᕈᑎᑦ 32:8

ᐊᔪᕆᕐᑐᕐᓂᐊᕐᐸᒋᑦ ᐃᓕᓐᓂᐊᕐᑎᓪᓗᑎᓪᓗ ᐊᖅᑯᑎᒃᑯᑦ ᓇᐅᒃᑰᕆᐊᖃᕐᒪᖔᕐᐱᑦ; ᐃᓱᒻᒥᕐᑐᕐᓂᐊᕐᐸᒋᑦ ᐃᔨᓐᓄᑦ ᑕᑯᓐᓇᕐᓗᑎᑦ.

ᐃᓐᖏᕈᑎᑦ 5:8

ᐊᑕᓃᖅ ᑕᓯᐅᓚᐅᓐᖓ, ᐃᓱᐊᕐᑐᓕᓂᕐᓄᑦ, ᐊᑭᕋᕐᑐᕐᑎᒃᑲ ᐱᑦᔪᑎᒋᓪᓗᒋᑦ; ᐊᖅᑯᓯᓃᑦ ᑐᑭᓕᐊᕐᑎᓚᐅᕈᒃ ᑮᓇᕐᒪ ᓵᖓᓂ.

ᐃᓐᖏᕈᑎᑦ 68:10

ᐃᓄᖁᑎᑎᑦ ᐃᓂᖃᓕᓚᐅᕐᐳᑦ ᑕᕝᕙᓂ; ᐃᕝᕕᑦ ᒎᑏ, ᐱᐅᔫᓂᕐᓄᑦ ᐱᒃᓴᖃᕐᑎᑦᓯᔪᑎᑦ ᐊᔪᕐᓴᕐᑐᓂᒃ.

ᐃᓐᖏᕈᑎᑦ 68:9

ᐃᕝᕕᑦ ᒎᑏ, ᓯᓚᓗᒃᑎᑦᓯᓚᐅᕐᐳᑎᑦ ᐊᒥᒐᖏᑦᑐᒥᒃ, ᑍᒫᒃ ᐱᒃᓴᕆᔭᑎᑦ ᓇᓗᓁᓚᐅᕐᐸᑎᑦ, ᑕᖃᓯᒪᔪᓐᓃᕐᑎᓪᓗᒋᓪᓗ.

ᐃᓐᖏᕈᑎᑦ 86:11

ᐊᑕᓃᖅ ᐊᔪᕆᕐᑐᓚᐅᓐᖓ ᐊᑐᕐᑕᐅᖁᔭᕐᓂᒃ, ᐃᕝᕕᑦ ᓱᓕᑦᓯᐊᕐᓂᖓᓄᑦ ᐃᓅᖁᓪᓗᖓ; ᐆᒻᒪᑎᒐ ᑲᑦᓱᖎᑦᓯᐊᕐᑎᓚᐅᕈᒃ ᐊᑎᕐᓂᒃ ᓯᕘᕋᔪᓐᓇᖁᓪᓗᖓ.

ᐃᓐᖏᕈᑎᑦ 94:12

ᖁᕕᐊᓱᒍᑎᒃᓴᖃᕐᐳᖅ ᐃᓄᒃ ᓱᒋᐊᕐᑕᐅᔪᖅ ᐃᓕᖕᓄᑦ ᐊᑕᓃᖅ, ᐊᔪᕆᕐᑐᕐᑍᓪᓗ ᐱᖁᔭᕐᓂᑦ ᐱᔪᒥᒃ.

ᐂᓮᐊᓯᐅᑉ ᐊᒡᓚᖏᑦ 30:21

ᓴᖑᓕᕈᑦᓯ ᑕᓕᕐᐱᒧᑦ ᓴᐅᒥᒧᓪᓘᓐᓃᑦ, ᓯᐅᑎᑦᓯᓐᓄᑦ ᑐᓄᑦᓯᓐᓂ ᓂᐱᖓ ᑐᓴᕈᒫᕐᐸᓯ ᐅᖃᕐᑐᖅ, “ᑕᒪᑦᔭ ᐊᖅᑯᑎᒃᓴᓯ, ᐱᓱᒡᕕᒋᓕᕐᓯᐅᒃ.”

ᐂᓮᐊᓯᐅᑉ ᐊᒡᓚᖏᑦ 35:8

ᐅᓄᕐᑐᓄᑦ ᐊᑐᕐᑕᐅᕙᒃᑐᒥᒃ ᐊᖅᑯᑎᕐᔪᐊᕐᑕᖃᓕᕈᒫᕐᐳᖅ ᑍᑲᓂ, ᑍᔭᐅᓗᓂ “ᐃᑦᔪᕐᓁᑦᑑᑉ ᐊᖅᑯᑎᖓ.” ᐊᔪᕐᑐᓕᔪᓄᑦ ᑕᒪᓐᓇ ᐊᑐᕐᑕᐅᔪᓐᓇᕈᒫᓐᖏᓚᖅ, ᒎᑎᐅᓪᓕ ᐃᓄᖁᑎᖏᓐᓄᑐᐊᖅ ᐊᑐᕐᑕᐅᔪᒫᕐᐳᖅ, ᓯᓔᑦᑐᓪᓘᓐᓃᑦ ᑕᒫᓂ ᑕᒻᒪᕈᒫᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 14:22

ᐃᓅᖃᑎᒌᒡᔪᐊᖑᖃᑎᑦᑕ ᒎᑎᖏᑦ ᓱᓕᖏᑦᑐᑦ ᓯᓚᓗᒃᑎᑦᓯᔪᓐᓇᕐᐹᑦ? ᓯᓚᒥᒡᓗ ᑯᕕᑐᐃᓐᓇᕐᑎᑦᓯᔪᓐᓇᕐᐹᑦ? ᑍᒤᑎᑦᓯᔪᓐᓇᕐᑐᖃᓐᖏᓚᖅ ᐃᕝᕕᑦ ᐊᓯᖕᓂᒃ ᐊᑕᓃᖅ ᒎᑏᒃ, ᐃᓕᖕᓂᑦ ᓂᕆᐅᒋᔭᖃᕐᐳᒍᑦ, ᐃᕝᕕᑐᐊᖅ ᑕᒪᒃᑯᐊᓕᒫᑦ ᐊᐅᓚᓐᓇᕕᒋᑦ.

ᔨᕆᒤᐊᐅᑉ ᐊᒡᓚᖏᑦ 42:3

ᐊᑕᓂᕐᒧᑦ ᑐᒃᓯᐅᑦᔭᐅᔪᒪᕗᒍᑦ ᒎᑎᑦᑎᓐᓄᑦ ᖃᐅᔨᔪᒪᓪᓗᑕ ᓇᒧᓐᖓᐅᔪᒃᓴᐅᖕᒪᖔᑦᑕ ᖃᓄᕐᓗ ᐱᔪᒃᓴᐅᖕᒪᖔᑦᑕ.”

ᔨᕆᒤᐊᐅᑉ ᐊᒡᓚᖏᑦ 6:16

ᐃᒫᒃ ᐊᑕᓂᖅ ᐅᖃᕐᐳᖅ, “ᐊᖅᑯᑏᑦ ᑲᑎᓐᓂᖏᓐᓄᑦ ᑕᑯᔭᕐᑐᕆᑦᓯ, ᐊᑐᕐᑕᐅᕙᒃᑐᑐᕾᓪᓗ ᖃᐅᔨᓇᓱᐊᕐᓯᒋᑦ, ᑐᑭᓯᑎᑕᐅᔪᒪᓗᓯ ᐊᖅᑯᒻᒥᒃ ᐊᑲᐅᔪᒥᒃ ᐊᑐᕐᓂᐊᕐᑕᑦᓯᓐᓂᒃ. ᑕᕝᕙ ᑕᕐᓂᑦᓯᓐᓄᑦ ᒥᕐᖑᐃᕐᓯᕐᕕᒃᓴᕐᓯᓂᐊᕐᐳᓯ. “ᑭᓯᐊᓂᓕ ᐅᖃᕐᐳᑦ, ‘ᐊᖅᑯᒻᒥᒃ ᑍᒤᑦᑐᒥᒃ ᐊᑐᕈᒪᓐᖏᓚᒍᑦ.’

ᔪᐃᓕᐅᑉ ᐊᒡᓚᖏᑦ 2:23

ᖁᕕᐊᓱᒋᑦᓯ, ᓮᐅᓂᐅᑉ ᕿᑐᕐᖓᖏᑦ, ᖁᕕᐊᓱᒋᑦᓯ ᐊᑕᓂᖅ ᒎᑎᓯ ᐃᓕᑦᓯᓐᓄᑦ ᐱᓂᐊᕐᓯᒪᓂᖓ ᐱᑦᔪᑎᒋᓗᒍ, ᓯᓚᓗᒡᕕᐅᑎᒻᒪᓯ ᓯᕗᓪᓕᕐᓯᐅᒻᒥᒃ ᓱᖁᓯᔪᐃᑦᑑᓂᕐᒥᓄᑦ, ᓯᓚᓗᒡᕕᐅᑎᓕᕐᒪᓯ ᓯᕗᓪᓕᕐᓯᐅᒻᒥᒃ ᑭᖑᓪᓕᕐᓯᐅᒻᒥᒡᓗ ᓲᕐᓗ ᑍᑦᓱᒪᓂᑐᑦ.

ᒤᑲᐅᑉ ᐊᒡᓚᖏᑦ 4:2

ᐃᓅᖃᑎᒌᒡᔪᐊᑦ ᐂᒍᑎᒃ ᐅᖃᕈᒫᕐᐳᑦ, “ᕾᓗᓯ, ᐊᑕᓂᐅᑉ ᖃᖅᑲᖓᓄᐊᓚᐅᕐᑕ, ᔧᑰᑉ ᒎᑎᖓᑕ ᐃᒡᓗᖓᓄᑦ; ᐃᓕᓐᓂᐊᕐᑎᓐᓂᐊᕐᒪᑎᒍᑦ ᐱᓂᐊᕐᓂᕐᒥᓂᒃ, ᐃᓅᓯᖃᓕᕐᓗᑕᓗ ᐱᓂᐊᕐᑕᐅᖁᔭᖓᓂᒃ.” ᓮᐅᓂᒥᑦ ᐱᖁᔧᑦ ᐱᒋᐊᕈᒫᕐᒪᑕ, ᐊᑕᓂᐅᓪᓗ ᐅᖃᐅᓯᖓ ᐱᒋᐊᕐᓗᓂ ᔨᕉᓴᓕᒥᑦ.

ᒫᑎᐅᓯᐅᑉ ᐊᒡᓚᖏᑦ 22:16

ᑕᕝᕙ ᑎᓕᓯᕗᑦ ᐃᓕᓐᓂᐊᕐᑎᒥᖕᓂᒃ, ᐃᕉᑕᓯᐅᓪᓗ ᐃᑲᔪᕐᑎᖏᑕ ᐃᓚᖏᓐᓂᒃ, ᐅᖃᖁᓪᓗᒋᑦ, “ᐊᔪᕆᕐᑐᐃᔩ, ᖃᐅᔨᒪᕗᒍᑦ ᓱᓕᑦᓯᐊᕐᑐᒥᒃ ᐅᖃᐅᑦᔨᖃᑦᑕᕋᕕᑦ, ᐊᔪᕆᕐᑐᐃᖃᑦᑕᕋᕕᓪᓗ ᒎᑎᐅᑉ ᐃᓄᖕᓄᑦ ᐱᓂᐊᕐᑕᐅᖁᔭᖓᓂᒃ ᓱᓕᑦᓯᐊᕐᑐᒥᒃ, ᐃᓄᐃᑦ ᖃᓄᖅ ᐃᓱᒪᖃᕐᒪᖔᑕ ᐃᓱᒪᒋᓇᒋᑦ, ᖃᓄᐃᑦᑑᓂᖏᓐᓂᒃ ᑲᒪᖏᓐᓇᕕᑦ.

ᓴᒧᐃᓕ ᓯᕗᓪᓖᑦ 12:23

ᐅᕙᓐᓂᓪᓕ, ᐅᖓᓯᒡᓕ ᐊᔪᕐᑐᓕᔪᒃᓴᐅᓂᕋ ᐊᑕᓂᕐᒧᑦ ᑐᒃᓯᐅᑦᔨᖃᑦᑕᕈᓐᓃᕋᔭᕈᒪ ᐃᓕᑦᓯᓐᓂᒃ; ᐊᔪᕆᕐᑐᖃᑦᑕᕐᓂᐊᕐᐸᑦᓯ ᐱᐅᔪᒥᒃ ᓈᒻᒪᓈᕐᑐᒥᒡᓗ.