ᐊᑕᓃᑦ ᓯᕗᓪᓖᑦ 8:35 - ᐊᒡᓔᑦ ᐃᑦᔪᕐᖕᓁᑦᑐᑦ

³⁵ “ᕿᓚᒃ ᒪᑐᓯᒪᓕᕌᖓᑦ ᓯᓚᓗᖃᑦᑕᕈᓐᓃᕐᐸᓪᓗ ᐊᔪᕐᑐᓕᓯᒪᓂᖏᓐᓄᑦ ᐃᓕᖕᓄᑦ, ᑐᒃᓯᐊᕐᐸᑕ ᐅᓇ ᐃᒡᓗ ᓵᓐᖓᓗᒍ, ᐊᑏᓪᓗ ᐅᐱᒋᓗᒍ, ᐊᔪᕐᑐᓕᓂᕐᒥᖕᓂᒡᓗ ᕿᒤᓗᑎᒃ, ᐃᓕᖕᓄᑦ ᐅᖁᒤᒃᓴᕐᑎᑕᐅᓯᒪᑎᓪᓗᒋᑦ,

ᐊᑕᓃᑦ ᓯᕗᓪᓖᑦ 8:35 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 8:33

“ᐃᓄᖁᑎᑎᑦ ᐃᓴᕆᐊᓕᒥᐅᑦ ᓵᓚᐅᒃᐸᑕ ᐊᑭᕋᒥᖕᓄᑦ ᐃᓕᖕᓄᑦ ᐱᐅᖏᑦᑐᓕᓯᒪᓂᕐᒥᖕᓄᑦ, ᐃᓕᖕᓄᑦ ᐅᑎᑐᐊᕐᐸᑕ, ᐃᓕᖕᓂᒡᓗ ᐊᑎᕐᓂᒡᓗ ᒪᓕᒍᒪᓕᕐᐸᑕ, ᑐᒃᓯᐊᕐᐸᑕᓗ ᕿᓄᓗᑎᒃ ᐃᓕᖕᓄᑦ ᐅᕙᓂ ᐃᒡᓗᒥ;

ᒨᓯᓯ ᑕᓪᓕᒪᖏᑦ 11:17

ᑐᒃᓯᐊᕐᕕᖃᖃᑦᑕᓕᑐᐊᕈᑦᓯ, ᐊᑕᓂᐅᑉ ᓂᓐᖓᒃᕕᒋᒐᔭᕐᒪᓯ, ᓄᓇᒧᓪᓗ ᓯᓚᓗᖃᑦᑕᕐᓂᖅ ᓄᖅᑲᕐᑎᒃᑲᔭᕐᐹ, ᓄᓇᖁᑎᓯᓗ ᐸᓂᓗᐊᓕᕋᔭᕐᐳᖅ ᓂᐊᖂᔭᒃᓴᓂᒃ ᐱᕈᕐᕕᐅᔭᕆᐊᒃᓴᖅ. ᑕᕝᕙᓂᓗ ᓄᓇᒥ ᑐᖁᑲᐅᕐᑐᕋᔭᕐᐳᓯ, ᑕᒪᓐᓇ ᓄᓇᑦᓯᐊᕚᓘᒐᓗᐊᕐᑎᓪᓗᒍ ᐊᑕᓂᐅᑉ ᑐᓂᓯᒪᔭᖓ ᐃᓕᑦᓯᓐᓄᑦ.

ᒨᓯᓯ ᐱᖓᔪᖏᑦ 26:19

ᓇᖕᒥᓂᖅ ᒪᑭᑕᔪᓐᓇᕋᓱᒋᓂᖅ ᐃᓱᒪᑦᓯᓐᓃᑦᑐᖅ ᓯᖁᒥᓐᓂᐊᕐᐸᕋ; ᓯᓚᓗᖃᑦᑕᕈᓐᓁᕐᓂᐊᕐᐳᖅ ᓄᓇᑦᓯᓐᓄᑦ ᓄᓇᓯᓗ ᓴᕕᕋᔭᒃᑐᑦ ᓯᑎᒃᑎᓐᓂᐊᕐᐳᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:6

ᑖᒃᑯᐊᒡᓗ ᐱᔪᓐᓇᕐᓂᖃᕐᑎᑕᐅᕘᒃ ᒪᑐᓯᔪᓐᓇᕐᓗᑎᒃ ᕿᓚᖕᒥᒃ, ᓯᓚᓗᒍᓐᓁᓪᓕᖁᓪᓗᒍ ᐅᖃᐅᓯᐅᖁᔭᐅᔪᓂᒃ ᓇᓪᓕᐅᑎᔪᒫᕐᑐᓂᒃ ᐱᔭᕇᖏᓐᓂᕐᒋᓐᓂ, ᐱᔪᓐᓇᕐᓂᖃᕐᑎᑕᐅᒋᕘᒃ ᐃᒪᕐᒥᒃ ᐊᐅᓐᖑᕐᑎᑦᓯᔪᓐᓇᕐᓗᑎᒃ, ᓄᓇᕐᔪᐊᕐᒥᓗ ᖃᓄᐃᑦᑐᑐᐃᓐᓇᕐᓂᒃ ᐋᓐᓂᐊᓇᕐᑐᖃᕐᑎᑦᓯᔪᓐᓇᕐᓗᑎᒃ, ᖃᖓᓕᒫᖅ ᐱᖁᔨᓕᑐᐊᕈᑎᒃ.

ᓘᑲᓯᐅᑉ ᐊᒡᓚᖏᑦ 4:25

ᓱᓕᔪᒥᒃ ᐅᖃᐅᑎᕙᑦᓯ, ᐊᒥᓱᓂᒃ ᐅᐃᒡᒐᕐᓂᕐᑕᖃᓚᐅᕐᐳᖅ ᐃᓴᕆᐊᓕᒥᐅᓂ ᐃᓔᑦᔭ ᐃᓅᑎᓪᓗᒍ, ᑍᑦᓱᒪᓂ ᓯᓚᓗᓚᐅᖏᒻᒪᑦ ᐊᕐᕌᒍᓂᒃ ᐱᖓᓱᓂᒃ, ᑕᖅᑭᓂᒡᓗ ᐱᖓᓲᔪᕐᑐᓂᒃ, ᑳᖕᓇᕐᑐᕐᔪᐊᖃᓕᓚᐅᕐᐳᖅ ᓄᓇᓕᒫᒥ;

ᓴᒧᐃᓕ ᐂᑉᐸᖏᑦ 24:13

ᑕᕝᕙ ᒑᑦ ᑍᕕᑎᒧᐊᕐᐳᖅ ᐅᖃᐅᑎᓪᓗᒍᓗ, “ᐊᕐᕌᒍᑦ ᐱᖓᓱᑦ ᑳᖕᓇᑐᕐᔪᐊᑦ ᑎᑭᑦᑐᒃᓴᐅᕚᑦ ᐃᓕᖕᓄᑦ ᓄᓇᖕᓄᓪᓗ? ᐅᕝᕙᓗ ᑕᖅᑭᓂᒃ ᐱᖓᓱᓂᒃ ᕿᒫᓯᒪᓗᑎᑦ ᐊᑭᕋᕐᓂᑦ ᐱᔭᐅᓇᓱᐊᕐᑎᓪᓗᑎᑦ? ᐅᕝᕙᓗ ᐅᓪᓗᓂᒃ ᐱᖓᓱᓂᒃ ᖃᓂᒪᓐᓇᕐᑐᒧᑦ ᑎᑭᑕᐅᓗᑎᑦ ᓄᓇᖕᓂ? ᑖᒃᑯᐊ ᐃᓱᒪᒃᓴᕐᓯᐅᕈᑎᒋᓕᒃᑭᑦ, ᐅᖃᐅᑎᓂᐊᕐᐸᕐᒪ ᑭᐅᒍᑎᖕᓂᒃ ᐊᑕᓂᕐᒧᑦ ᐅᕙᓐᓂᒃ ᑎᓕᓯᓚᐅᕐᑐᒧᑦ ᐅᖃᐅᓯᕆᓂᐊᕋᒃᑯ.”

ᕉᒪᒥᐅᓄᑦ 15:9

ᔫᑎᐅᖏᑦᑐᓪᓗ ᓂᕐᑐᐃᓕᖁᓪᓗᒋᑦ ᒎᑎᒥᒃ ᓂᑲᒍᓱᖕᓂᖓ ᐱᑦᔪᑎᒋᓗᒍ. ᑎᑎᕋᕐᓯᒪᖕᒪᑦ, “ᑍᒤᒻᒪᑦ ᓂᕐᑐᕐᓂᐊᕐᐸᒋᑦ ᔫᑎᐅᖏᑦᑐᑦ ᐊᑯᕐᖓᓐᓂ, ᐃᓐᖏᕐᓗᖓᓗ ᓂᕐᑐᕈᒪᕙᒋᑦ.”

ᕉᒪᒥᐅᓄᑦ 10:9

ᐃᒤᓕᖓᖕᒪᑦ, ᓇᖕᒥᓂᖅ ᖃᓂᒃᑯᑦ ᐅᖃᐅᓯᕆᒍᕕᐅᒃ ᔩᓱᓯ ᐊᑕᓂᐅᓂᕋᕐᓗᒍ ᐆᒻᒪᑎᒃᑯᓪᓗ ᐅᒃᐱᕐᓗᑎᑦ ᒎᑎᐅᑉ ᐆᒻᒪᕐᑎᓚᐅᕐᒪᒍ ᑐᖁᒥᑦ, ᑕᕝᕙ ᐱᐅᓕᔭᐅᓂᐊᕐᐳᑎᑦ.

ᒪᓚᑬᑉ ᐊᒡᓚᖏᑦ 3:10

ᑕᓪᓕᒪᐅᔪᐃᕈᑎᓯ ᐊᑕᖏᕐᓗᒋᑦ ᑐᓂᕐᕈᑎᒃᑯᕕᖕᒧᐊᓚᐅᕐᓯᒋᒃ, ᓂᕿᒃᓴᖃᓕᖁᓪᓗᒍ ᐃᒡᓗᓐᓂ; ᑕᒪᑐᒧᖓ ᐆᒃᑐᕋᓚᐅᕐᓯᓐᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᕿᓚᐅᑉ ᐃᒐᓛᖏᑦ ᐃᓕᑦᓯᓐᓄᑦ ᒪᑐᐃᕐᓂᐊᖏᒻᒪᖔᒃᑭᑦ ᑯᕕᓯᓂᐊᖏᒻᒪᖔᕐᒪᓗ ᓮᒻᒪᕐᑎᑦᓯᓂᓐᓂᒃ ᐊᒥᒐᓐᖏᓗᐊᕐᑐᒥᒃ ᐃᓕᑦᓯᓐᓄᑦ.

ᕼᐆᓯᐊᑉ ᐊᒡᓚᖏᑦ 14:1

ᐃᓴᕆᐊᓖ, ᐅᑎᓚᐅᕆᑦ ᐊᑕᓂᕐᒧᑦ ᒎᑎᖕᓄᑦ, ᐹᓪᓚᒃᓯᒪᒐᕕᑦ ᐱᐅᖏᑦᑐᓕᓂᕐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 14:13

“ᐃᓅᑉ ᐃᕐᓂᖓ, ᓄᓇᓕᐅᖃᑎᒌᒡᔪᐊᑦ ᐊᔪᕐᑐᓕᒃᐸᑕ ᐅᕙᓐᓂᒃ ᐅᒃᐱᕆᔭᖃᖏᓐᓂᕐᒧᑦ, ᐱᔪᓐᓇᕐᓂᓐᓄᓪᓗ ᐱᓇᓱᐊᕐᕕᒋᓕᕈᒃᑭᑦ, ᓂᕿᒃᓴᖃᐅᑎᖏᑦ ᓄᖑᑎᒐᔭᕐᐸᒃᑲ ᑳᖕᓇᕐᑐᕐᔪᐊᕐᒧᓪᓗ ᑎᑭᑎᓪᓗᒋᑦ, ᐃᓄᖏᓪᓗ ᑐᖁᕋᕐᑎᒃᑲᔭᕐᐸᒃᑲ ᐆᒪᔪᖁᑎᖏᓪᓗ.

ᐂᓮᐊᓯᐅᑉ ᐊᒡᓚᖏᑦ 9:13

ᐃᓄᖏᓪᓕ ᓱᒋᐊᕐᑎᒋᔭᒥᖕᓄᑦ ᓵᒋᐊᓚᐅᓐᖏᓚᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ ᓱᓕ ᕿᓂᕋᑎᒃ.

ᑯᕉᓂᑲ ᐂᑉᐸᖏᑦ 6:26

“ᕿᓚᒃ ᒪᑐᒃᐸᑦ ᓯᓚᓗᖃᑦᑕᕈᓐᓁᕐᐸᓪᓗ ᐃᓕᓐᓄᑦ ᐊᔪᕐᑐᓕᓂᖏᑦ ᐱᓪᓗᒋᑦ, ᑐᒃᓯᐊᕐᐸᑕᓗ ᑕᕝᕙᓂ, ᖃᕿᐊᓕᕐᓗᑎᒡᓗ ᐊᑎᕐᓄᑦ, ᐊᔪᕐᑐᓕᓂᕐᒥᖕᓂᒡᓗ ᕿᒤᒃᐸᑕ, ᒥᑭᒡᓕᑎᕐᓗᑎᒃ ᐃᓕᖕᓄᑦ ᑐᒃᓯᐊᕐᐸᑕ,

ᑯᕉᓂᑲ ᐂᑉᐸᖏᑦ 6:24

“ᐃᓴᕆᐊᓕᒥᐅᓪᓗ ᐃᓄᖁᑎᑎᑦ ᓵᓚᐅᒃᐸᑕ ᐊᑭᕋᒥᖕᓄᑦ ᐃᓕᖕᓄᑦ ᐊᔪᕐᑐᓕᓂᖏᑦ ᐱᓪᓗᒋᑦ, ᐅᑎᕐᐸᑕᓗ ᖃᕿᐊᓕᕐᓗᑎᒃ ᐊᑎᕐᓄᑦ, ᑐᒃᓯᐊᕐᐸᑕᓗ ᕿᓄᓗᑎᒡᓗ ᓵᖕᓂ ᑕᕝᕙᓂ ᐃᒡᓗᒥ.

ᐊᑕᓃᑦ ᓯᕗᓪᓖᑦ 17:1

ᐃᓔᑦᔭ ᑎᓯᐰᑎᒥᐅᑕᖅ, ᒋᓕᐊᑏᑦ ᓄᓇᖓᓂᑦ, ᐅᖃᕐᐳᖅ ᐂᕼᐊᑉᒧᑦ, “ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ ᐃᓅᖕᒪᑦ, ᑖᑦᓱᒪ ᓵᖓᓂ ᓇᖏᕐᐳᖓ, ᐂᔪᖓᓇᕐᑐᖃᕐᓂᐊᓐᖏᓚᖅ ᓯᓚᓗᖃᕐᓂᐊᕈᓐᓃᕐᓗᓂᓗ ᐊᕐᕌᒍᓂ ᑖᒃᑯᓇᓂ, ᐱᖁᔨᓕᕐᓗᖓ ᐅᖃᓚᐅᖏᓐᓂᓐᓂ.”

ᒨᓯᓯ ᑕᓪᓕᒪᖏᑦ 28:12

ᐊᕐᕌᒍᓕᒫᕐᓗ ᓯᓚᓗᒃᑎᑦᓯᖃᑦᑕᕈᒫᕐᐳᖅ ᓄᓇᒋᔭᑦᓯᓐᓄᑦ ᓯᕐᓗᐊᕐᔪᐊᒥᓂᑦ ᕿᓚᖕᒥᑦ ᓮᒻᒪᕐᑎᓪᓗᓂᓯᓗ ᑕᒤᑎᒍᑦ ᐱᓇᓱᐊᕐᓂᑦᓯᒍᑦ, ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓄᑦ ᐅᓄᕐᑐᓄᑦ, ᐊᑐᕐᑎᑦᓯᔪᓐᓇᖁᓪᓗᓯ, ᐊᓯᑦᓯᓐᓂᓪᓕ ᐊᑐᕐᑐᐊᕆᐊᖃᖃᑦᑕᕈᒫᓐᖏᓚᓯ.

ᒨᓯᓯ ᑕᓪᓕᒪᖏᑦ 11:16

ᐃᒃᐱᒍᓱᑦᓯᐊᕐᑐᒃᓴᐅᕗᓯᓕ ᓯᓔᕐᕆᔭᐅᖁᓇᓯ ᐊᑕᓂᐅᑉ ᐊᓯᐊᓂᒃ ᒎᑎᓐᖑᐊᓂᒃ ᑐᒃᓯᐊᕐᕕᖃᖃᑦᑕᓕᖁᓇᓯ.

ᓴᒧᐃᓕ ᐂᑉᐸᖏᑦ 24:10

ᑍᕕᑎᓕ ᓈᓮᑎᑦᓯᔭᕇᕋᒥ ᐃᓗᒥᒍᑦ ᐋᓐᓂᐊᓂᕐᒥᒃ ᐃᒃᐱᖕᓂᐊᓕᓚᐅᕐᐳᖅ, ᐊᑕᓂᕐᒧᓪᓗ ᐅᖃᕐᓗᓂ, “ᐱᐅᖏᑦᑐᐊᓗᖕᒥᒃ ᐊᔪᕐᑐᓕᓯᒪᕗᖓ ᑍᒤᓕᐅᕐᑎᑦᓯᓂᓐᓄᑦ. ᒫᓐᓇᓕ ᐊᑕᓃᖅ ᐃᓱᒪᒋᔪᓐᓁᕐᕕᒋᓚᐅᓐᖓ ᐱᐅᖏᑦᑐᓕᓯᒪᓂᓐᓂᑦ; ᓯᓔᑦᑐᐊᓗᖕᒥᒃ ᐱᓇᓱᐊᕐᓯᒪᒐᒪ.”

ᐊᑕᓃᑦ ᓯᕗᓪᓖᑦ 8:34

ᕿᓚᖕᒥᑦ ᑐᒃᓯᐊᕐᓂᖏᑦ ᑐᓴᒃᑭᑦ, ᐃᓱᒪᒋᔪᓐᓁᕐᕕᒋᓗᒋᓪᓗ ᐃᓄᖁᑎᑎᑦ ᐃᓴᕆᐊᓕᒥᐅᑦ ᐊᔪᕐᓂᖏᓐᓂᒃ, ᐅᑎᕐᑎᓪᓗᒋᓪᓗ ᓄᓇᒧᑦ ᑐᓂᓚᐅᕐᑕᕐᓄᑦ ᓯᕗᓕᕕᓂᖏᓐᓄᑦ.

ᔫᐱᐅᑉ ᐊᒡᓚᖏᑦ 12:15

ᒎᑎ ᓯᓚᓗᒃᑎᑦᓯᔪᓐᓁᕐᐸᑦ, ᑕᕝᕙ ᓄᓇ ᐸᓂᕐᐳᖅ; ᐃᒪᕐᒥᒡᓕ ᒪᑐᐃᕐᓯᑐᐊᕐᐸᑦ, ᓄᓇ ᐊᑕᖏᕐᓗᓂ ᖄᒥᑉᐳᖅ.

ᐂᓮᐊᓯᐅᑉ ᐊᒡᓚᖏᑦ 5:6

ᐊᑑᑎᖃᕈᓐᓃᕐᑎᑦᓱᒪᕙᕋ, ᕔᓂᒃᓮᓪᓗ ᐱᕈᕐᕕᖏᑦ ᓇᑲᑎᕐᑕᐅᖃᑦᑕᕐᓂᐊᓐᖏᓪᓚᑦ ᓄᓇᖓᓗ ᐊᕿᓕᓴᕐᑕᐅᕙᖏᓪᓗᓂ, ᐊᕚᓚᕿᐊᓪᓗ ᐅᕐᐱᒊᓪᓗ ᑲᑭᓐᓇᕐᑐᓖᑦ ᐱᕈᕈᒫᕐᐳᑦ; ᓄᕗᔧᓪᓗ ᐱᖁᔪᒫᕐᐸᒃᑲ ᑕᕝᕗᖓ ᓯᓚᓗᖁᓇᒋᑦ.”

ᕼᐊᒊᑉ ᐊᒡᓚᖏᑦ 1:10

‘ᑍᒤᒻᒪᑦ, ᕿᓚᐅᑉ ᓯᓚᓗᒃ ᓄᖅᑲᖓᑎᑉᐹ ᓱᓇᒥᒡᓘᓐᓃᑦ ᓄᓇᕐᔪᐊᕐᒥ ᐱᕈᕐᑐᖃᕈᓐᓇᕋᓂ.

ᓴᑲᕅᐊᐅᑉ ᐊᒡᓚᖏᑦ 14:17

ᐃᓄᐃᑦ ᓄᓇᒦᑦᑐᑦ ᓇᓪᓕᐊᑐᐃᓐᓇᖅ ᔨᕉᓴᓕᒨᖏᑉᐸᑕ ᐊᖓᔪᖅᑳᕐᔪᐊᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᑐᒃᓯᐊᕐᕕᒋᔭᕐᑐᕐᓗᒍ, ᕾᖏᑦᑐᑦ ᓯᓚᓗᒡᕕᐅᖃᑦᑕᕈᒫᓐᖏᓚᑦ.