ᐊᑕᓃᑦ ᓯᕗᓪᓖᑦ 8:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² ᕿᓚᖕᒥᑦ ᑐᓴᓚᐅᕆᑦ, ᐱᓇᓱᐊᕐᓗᑎᓪᓗ, ᐋᖅᑭᒃᓱᕐᓗᒋᓪᓗ ᐱᔨᑎᑦ, ᐸᓯᔭᒃᓴᐅᔪᑦ ᓱᒋᐊᕐᓗᒋᑦ ᐱᓂᐊᕐᓂᕆᓯᒪᔭᖏᓐᓄᑦ, ᐸᓯᔭᒃᓴᐅᔪᓐᓁᕐᑎᓪᓗᒋᓪᓗ ᐃᓱᐊᕐᑐᒥᒃ ᐃᓅᔪᑦ ᐊᑭᓕᕐᓗᒋᑦ ᐸᓯᔭᒃᓴᐅᖏᓐᓂᖏᑦ ᒪᓕᒡᓗᒋᑦ.

ᐊᑕᓃᑦ ᓯᕗᓪᓖᑦ 8:32 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 22:21

ᐊᑕᓂᐅᑉ ᐊᑭᓕᓚᐅᕐᐹᖓ ᓱᓕᔪᒥᒃ ᐱᓇᓱᐊᕐᓂᕋ ᐱᓪᓗᒍ; ᓮᒻᒪᕐᑎᑉᐹᖓ ᐱᓂᐊᕐᓂᒃᑯᑦ ᐸᓯᔭᒃᓴᐅᖏᓐᓂᕋ ᐱᓪᓗᒍ.

ᐊᑕᓃᑦ ᓯᕗᓪᓖᑦ 2:32

ᐊᑕᓂᖅ ᓱᒋᐊᕐᓯᓂᐊᕐᐳᖅ ᔪᐊᐱᒥᒃ ᐸᓯᔭᒃᓴᐅᖏᑦᑐᓂᒃ ᐃᓄᐊᕐᓯᓂᕆᓚᐅᕐᑕᖓ ᐱᑦᔪᑎᒋᓗᒍ, ᐃᓄᐊᕐᓯᓚᐅᕐᒪᑦ ᐊᑖᑕᒐ ᑍᕕᑎ ᖃᐅᔨᓐᖏᑎᓪᓗᒍ, ᑖᑦᓱᒪᓐᖓᑦ ᑍᒃᑯᐊ ᐃᓄᑦᓯᐊᕙᐅᓂᕐᓴᐅᓚᐅᕐᒪᑕ: ᐋᑉᓄ ᓂᕆᐅᑉ ᐃᕐᓂᖓ, ᐃᓴᕆᐊᓕᒃᑯᑦ ᐅᓇᑕᕐᑐᒃᓴᖏᑕ ᐊᖓᔪᖅᑳᖓᑦ, ᐊᒪᓴᓗ ᔨᑎᕆᐅᑉ ᐃᕐᓂᖓ ᔫᑕᒃᑯᑦ ᐅᓇᑕᕐᑐᒃᓴᖏᓐᓄᑦ ᐊᖓᔪᖅᑳᖅ.

ᐊᑕᓃᑦ ᓯᕗᓪᓖᑦ 2:33

ᑖᒃᑯᐊᒃ ᑐᖁᑕᐅᓂᖏᒃ ᔪᐊᐱᒧᐊᕐᓂᐊᕐᒪᑎᒃ ᑭᖑᕚᖏᓐᓄᓪᓗ ᐃᓱᖃᖏᑦᑐᒧᑦ; ᑍᕕᑎᒧᓪᓕ ᑭᖑᕚᖏᓐᓄᓪᓗ, ᓇᖕᒥᓂᖏᓐᓄᓪᓗ, ᐃᒃᓯᕙᐅᑕᕐᔪᐊᖓᓃᑦᑐᓄᓪᓗ, ᓮᒪᓇᕐᑐᖃᕐᓂᐊᕐᐳᖅ ᐊᑕᓂᕐᒥᑦ ᐱᔪᒥᒃ ᐃᓱᖃᖏᑦᑐᒧᑦ.”

ᐃᔅᑕᐅᑉ ᐊᒡᓚᖏᑦ 9:25

ᐃᔅᑕᕐᓕ ᐊᖓᔪᖅᑳᕐᔪᐊᕐᒧᑦ ᐅᐸᒍᑎᓚᐅᕐᒪᑦ, ᑕᕝᕙ ᐊᖓᔪᖅᑳᕐᔪᐊᖅ ᐱᖁᔨᓕᓚᐅᕐᐳᖅ ᑎᑎᕋᕐᓗᓂᓗ ᑕᒪᓐᓇ ᐱᐅᖏᑦᑐᐊᓗᒃ ᐋᖅᑭᒃᑕᐅᓯᒪᔪᖅ ᕼᐂᒪᓂᒧᑦ ᔫᑎᓂᒃ ᓄᖑᑦᓯᔪᒪᓂᖅ ᑖᑦᓱᒧᖓ ᐅᑎᕐᑎᑕᐅᖔᖁᓪᓗᒍ, ᑖᓐᓇ ᐃᕐᓂᖏᓪᓗ ᕿᒥᑦᓯᕕᖕᒥ ᕿᒥᑕᐅᖁᓪᓗᒋᑦ.

ᐃᓐᖏᕈᑎᑦ 18:25

ᓂᑲᒍᓱᒃᑐᓄᑦ ᓴᖅᑭᓐᓂᐊᕐᐳᑎᑦ ᓂᑲᒍᓱᕐᑑᓗᑎᑦ, ᐸᓯᔭᒃᓴᐅᖏᑦᑐᓄᓪᓗ ᐸᓯᔭᒃᓴᐅᖏᓪᓗᑎᑦ ᓴᖅᑭᓐᓂᐊᕆᕗᑎᑦ.

ᐃᓐᖏᕈᑎᑦ 7:9

ᐱᐅᖏᑦᑐᓕᔪᑦ ᐱᐅᖏᑦᑐᓕᓂᖏᑦ ᐃᓱᓕᑎᓚᐅᒃᑭᑦ, ᐃᓱᐊᕐᑐᓕᔪᓪᓗ ᑲᔪᓯᑎᓪᓗᒋᑦ; ᐃᓱᐊᕐᑐᓕᔫᑉ ᐆᒻᒪᑎᖏᑦ ᐃᓱᒪᖏᓪᓗ ᒎᑎᐅᑉ ᖃᐅᔨᓴᕐᐰᑦ.

ᒨᓯᓯ ᐂᑉᐸᖏᑦ 23:7

“ᓱᓕᖏᑦᑐᒥᒃ ᐸᓯᔭᒃᓴᓐᖑᕐᑎᑦᓯᓇᓱᐊᕐᓂᖅ ᐃᓕᑦᓯᓐᓂᑦ ᐅᖓᓯᒡᓕ, ᐸᓯᔭᒃᓴᐅᖏᑦᑐᒥᒃ ᓈᒻᒪᓈᕐᓯᒪᔪᒥᒡᓗ ᑐᖁᑕᐅᑎᑦᓯᔪᒃᓴᐅᓐᖏᓚᓯ, ᓇᓪᓕᐊᓐᓂᑐᐃᓐᓇᖅ ᓯᕗᓂᕐᓗᓕᕐᑎᑦᓯᓂᐊᕐᐳᖓ ᑍᒫᒃ ᐱᐅᖏᑦᑐᒥᒃ ᐱᔪᖃᕐᐸᑦ.

ᒨᓯᓯ ᐂᑉᐸᖏᑦ 34:7

ᐊᖏᕈᑎᒋᓯᒪᔭᓐᓂᒃ ᓇᒡᓕᖕᓂᒃᑯᑦ ᑲᔪᓯᑎᑦᓯᕙᒃᐳᖓ ᑭᖑᕚᕇᑦ 1,000ᐃᑦ ᑎᑭᓪᓗᒋᑦ ᐃᓱᒪᒋᔪᓐᓁᕐᓯᔪᓐᓇᕐᓗᖓᓗ ᓈᒻᒪᖏᑦᑐᓕᓂᕐᓂᒃ ᐱᖁᔭᓂᒃ ᓈᓚᖏᓐᓂᕐᓂᒃ ᐊᔪᕐᑐᓕᓂᕐᓂᒡᓗ, ᑭᓯᐊᓂᓕ ᐸᓯᔭᒃᓴᐅᔪᓂᒃ ᐊᔪᕐᑐᓕᔪᓂᒡᓗ ᓱᒋᐊᕐᓯᖏᑦᑑᓂᐊᓐᖏᓚᖓ ᕿᑐᕐᖓᖏᑦ ᐃᕐᖑᑕᖏᓪᓗ ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:31

ᑍᒤᒻᒪᑦ ᐱᕈᕐᑎᑕᒥᖕᓂᒃ ᓂᕆᔪᒫᕐᐳᑦ, ᓇᖕᒥᓂᕐᓗ ᐱᓂᐊᕐᓂᕐᒥᖕᓄᑦ ᐊᕿᐊᑦᑐᕈᒫᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:15

ᐱᐅᖏᑦᑐᒥᒃ ᓈᒻᒪᖕᓂᕅᓂᖅ ᓇᓛᒎᕐᑐᓂᒡᓗ ᐱᐅᖏᓐᓂᕅᓂᖅ ᑖᒃᑯᐊᒃ ᑕᒪᖏᒃ ᐊᑕᓂᕐᒧᑦ ᓇᕐᕈᓇᕐᐴᒃ.

ᐂᓮᐊᓯᐅᑉ ᐊᒡᓚᖏᑦ 45:25

ᐊᑕᓂᕐᒥᓕ ᐃᓴᕆᐊᓕᒥᐅᑦ ᑭᖑᕚᓕᒫᖏᑦ ᓵᓚᖃᕐᑎᑕᐅᔪᒫᕐᐳᑦ, ᓂᕐᑐᕐᓇᕐᑎᑕᐅᓗᑎᒡᓗ.’”

ᐃᓯᑭᐊᓕᐅᑉ ᐊᒡᓚᖏᑦ 18:13

ᐊᑐᕐᑎᑦᓯᔭᕌᖓᒥᓗ ᑮᓇᐅᔭᓕᕈᑎᖃᕋᓱᒃᐸᒡᓗᓂ, ᐅᓄᕐᓯᒋᐊᕐᑎᑦᓯᓗᓂ, ᑍᒤᑦᑐᖅ ᐃᓅᔪᒫᕐᐹ? ᐃᓅᔪᒫᓐᖏᓚᖅ. ᑕᒪᒃᑯᓂᖓ ᓇᕐᕈᓇᕐᑐᓂᒃ ᐱᓇᓱᐊᕐᓯᒪᓂᕐᒥᓄᑦ ᐃᓅᔭᕆᐊᖃᓐᖏᓚᖅ; ᑖᓐᓇ ᑐᖁᓂᐊᓪᓚᕆᒃᐳᖅ; ᑐᖁᓂᕐᒥᓄᓪᓗ ᓵᑕᒃᓴᑑᒐᔭᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 18:20

ᑕᕐᓂᖅ ᐊᔪᕐᑐᓕᔪᖅ ᑭᓯᒥ ᑐᖁᔪᒃᓴᐅᕗᖅ. ᐃᕐᓂᖓᓕ ᐸᓯᔭᒃᓴᐅᑦᔪᑎᖃᕐᑐᒃᓴᐅᓐᖏᓚᖅ ᐊᑖᑕᖓᑕ ᐊᔪᕐᑐᓕᓯᒪᓂᖓᓄᑦ, ᐅᕝᕙᓘᓐᓃᑦ ᐊᑖᑕᐅᔪᖅ ᐃᕐᓂᖓᑕ ᐊᔪᕐᑐᓕᓯᒪᓂᖓᓄᑦ ᐸᓯᔭᒃᓴᐅᑦᔪᑎᖃᕐᑐᒃᓴᐅᖏᓐᓂᕗᖅ; ᓈᒻᒪᓈᕐᑐᒥᒃ ᐃᓅᓯᖃᕐᑐᖅ ᓈᒻᒪᓈᕐᑐᒥᒃ ᐃᒻᒥᓄᑐᐊᖅ ᐊᑭᓕᕐᑕᐅᔪᒫᕐᐳᖅ, ᐱᐅᖏᑦᑐᓕᔪᕐᓗ ᐱᐅᖏᑦᑐᓕᓂᕐᒥᓄᑦ ᐃᒻᒥᓄᑐᐊᖅ ᐊᑭᓕᕐᑕᐅᑦᔪᒫᕆᕗᖅ.

ᐃᓯᑭᐊᓕᐅᑉ ᐊᒡᓚᖏᑦ 18:30

“ᑍᒤᒻᒪᑦ ᐃᓴᕆᐊᓕᒥᐅᑦ ᑭᖑᕚᖑᖃᑎᒌᑦ ᐅᖃᐅᑎᕙᑦᓯ, ᐃᓕᑦᓯ ᐊᑐᓂᑦ ᐃᓕᖅᑯᓯᓯ ᒪᓕᒡᓗᒋᑦ ᐃᖅᑲᕐᑐᕐᓂᐊᕐᐸᑦᓯ, ᐊᑕᓂᖅ ᒎᑎ ᐅᖃᕐᐳᖅ. ᓵᒋᐊᕆᑦᓯ ᐱᐅᖏᑦᑐᓕᓂᓯ ᕿᒪᒡᓗᒋᑦ, ᐊᔪᕐᑐᓕᓂᕐᒧᑦ ᑐᖁᔪᒃᓴᓐᖑᖁᓇᓯ.

ᐃᓯᑭᐊᓕᐅᑉ ᐊᒡᓚᖏᑦ 9:10

ᐅᕙᖓᑦᑕᐅᖅ ᓇᒡᓕᒋᓗᒋᑦ ᑕᑯᓐᓇᕐᓂᐊᕈᓐᓃᕐᐸᒃᑲ, ᓂᑲᒋᓂᐊᕈᓐᓃᕐᓗᒋᓪᓗ, ᐊᑭᓂᐊᕐᕕᒋᓂᐊᓕᕐᐸᒃᑲ ᐱᓂᐊᕐᓂᖏᑦ ᒪᓕᒡᓗᒋᑦ.”

ᒨᓯᓯ ᓯᑕᒪᖏᑦ 5:27

ᐃᒥᕐᒥᒃ ᐃᒥᕐᑎᒃᑯᓂᐅᒃ ᑕᕝᕙ ᐃᒤᑦᑑᓕᕋᔭᕐᐳᖅ, ᐃᒻᒥᓂᒃ ᓴᓗᒤᓕᑎᓯᒪᒍᓂ ᐅᐃᒥᓂᒃ ᐊᓯᓐᓂᐊᕐᓯᒪᒍᓂ, ᐃᒥᖅ ᑎᒥᖓᓄᑦ ᐃᑎᕐᑐᖅ ᑖᓐᓇ ᖃᓯᓕᓇᕐᓂᐊᕐᐳᖅ, ᓈᖅᑯᕐᑐᓯᓗᓂ, ᓇᓕᒃᑳᖓᓗ ᓱᕈᕐᓗᓂ, ᐊᕐᓇᕐᓗ ᐃᓅᖃᑎᒥ ᐊᑯᕐᖓᓐᓂ ᐃᑦᔪᕐᓇᕐᓯᓂᐊᕐᐳᖅ.

ᕉᒪᒥᐅᓄᑦ 2:13

ᐱᖁᔭᓂᒃ ᑐᓴᑐᐃᓐᓇᕐᑐᑦ ᓈᒻᒪᒃᓯᑎᑕᐅᖏᒻᒪᑕ ᒎᑎᐅᑉ ᓵᖓᓂ, ᐱᖁᔭᓂᒡᓕ ᒪᓕᑦᓯᐊᕐᑐᑦ ᓈᒻᒪᖕᓂᕋᕐᑕᐅᔪᒫᕐᐳᑦ.

ᕉᒪᒥᐅᓄᑦ 7:9

ᐱᖁᔭᖃᕐᓇᖓ ᐃᓅᓯᕐᒪ ᐃᓚᖓᓂ ᐃᓅᓚᐅᕋᒪ; ᐱᖁᔧᓪᓕ ᓴᖅᑭᒻᒪᑕ ᐊᔪᕐᓂᖅ ᐆᒻᒪᕐᐳᖅ ᑐᖁᓪᓗᖓᓗ.

ᒨᓯᓯ ᑕᓪᓕᒪᖏᑦ 25:1

“ᐃᓅᒃ ᒪᕐᕉᒃ ᐃᖅᑲᕐᑐᐃᕕᖕᒧᐊᕋᔭᕐᐸᑎᒃ ᐊᑲᐅᖏᑦᔪᑎᒋᔭᒥᖕᓂᒃ ᐋᖅᑭᒃᑕᐅᖁᔨᓗᑎᒃ, ᐃᖅᑲᕐᑐᐃᔨᐅᑉ ᐃᓱᒪᓕᐅᕈᑎᒃᐸᒋᒃ, ᐂᑉᐸᖓ ᐸᓯᔭᒃᓴᐅᖏᓐᓂᕋᕐᓗᒍ ᐂᑉᐸᖓᓗ ᐸᓯᔭᒃᓴᐅᓂᕋᕐᓗᒍ.

ᓴᒧᐃᓕ ᓯᕗᓪᓖᑦ 2:25

ᐃᓄᒃ ᐊᔪᕐᑐᓕᒃᐸᑦ ᐃᓅᖃᑎᒥᓄᑦ, ᒎᑎᐅᑉ ᓴᐳᑎᔪᓐᓇᕐᐹ; ᐊᑕᓂᕐᒧᓪᓕ ᐊᔪᕐᑐᓕᒃᐸᑦ, ᑭᓇᒧᑦ ᓴᐳᓐᓂᐊᕐᑕᐅᔪᓐᓇᕐᐹ?” ᓈᓚᓚᐅᓐᖏᓚᓪᓕ ᐊᑖᑕᖓᑕ ᐅᖃᐅᓯᖏᓐᓂᒃ; ᑕᕝᕙ ᐊᑕᓂᐅᑉ ᑐᖁᑦᓱᒪᓕᓚᐅᕐᐰᑦ.