ᐊᑕᓃᑦ ᓯᕗᓪᓖᑦ 8:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᑕᑯᓐᓈᖁᓪᓗᑎᑦ ᑕᕝᕗᖓ ᐃᒡᓗᒧᑦ ᐅᓐᓄᐊᒃᑯᑦ ᐅᓪᓗᒃᑯᓪᓗ, ᑖᑦᓱᒧᖓ ᐅᖃᐅᓯᖃᓚᐅᕋᕕᑦ, ‘ᐊᑎᕋ ᑕᕝᕙᓃᑦᓱᒫᕐᐳᖅ,’ ᑐᓴᖁᓪᓗᑎᑦ ᐱᔨᕕᑦ ᑐᒃᓯᐊᕐᓂᖓᓂᒃ ᑖᓐᓇ ᐱᑦᔪᑎᒋᓪᓗᒍ.

ᐊᑕᓃᑦ ᓯᕗᓪᓖᑦ 8:29 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 11:13

ᑭᓯᐊᓂᓕ ᐊᖓᔪᖅᑳᕐᔪᐊᖑᓂᖓ ᐊᑕᖏᕐᓗᒍ ᐲᕐᓂᐊᓐᖏᒃᑲᓗᐊᕐᐸᕋ; ᐱᓂᐊᕐᓂᖃᓛᕐᐳᖓᓕ ᐊᑕᐅᓯᕐᒥᒃ ᑭᖑᕚᖑᖃᑎᒌᓂᒃ ᐊᒥᐊᒃᑯᔪᒫᕐᐸᕋ, ᐱᔨᒐ ᑍᕕᑎ ᐱᔪᑎᒋᓪᓗᒍ ᔨᕉᓴᓕᓗ ᐱᔪᑎᒋᓪᓗᒍ ᓇᖕᒥᓂᖅ ᓂᕈᐊᕐᓯᒪᒐᒃᑯ.”

ᐊᑕᓃᑦ ᓯᕗᓪᓖᑦ 11:36

ᑭᓯᐊᓂ ᐊᑕᐅᓯᕐᒥᒃ ᑭᖑᕚᖑᖃᑎᒌᓂᒃ ᓲᓗᒨᓂᐅᑉ ᐃᕐᓂᖓ ᐱᓯᒪᑎᓐᓂᐊᕐᐸᕋ, ᐱᔨᒐ ᑍᕕᑎ ᑭᖑᕚᕾᓐᓇᖁᓪᓗᒍ ᐃᑯᒪᑎᑦᓯᔪᒃᓴᒥᒃ ᖁᓪᓕᕐᒥᒃ ᔨᕉᓴᓕᒥ, ᑖᒃᑯᐊ ᐃᒡᓗᒐᓮᑦ ᓂᕈᐊᕐᓯᒪᒐᒃᑭᑦ ᑕᕝᕙᓂ ᐊᑎᕋ ᐃᓕᓯᒪᒐᒃᑯ.

ᐊᑕᓃᑦ ᓯᕗᓪᓖᑦ 14:21

ᕆᕼᐅᐳᐊᒻ ᓲᓗᒨᓂᐅᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᓚᐅᕐᐳᖅ ᐊᕐᕌᒍᖃᓕᕐᓗᓂ 41ᓂᒃ. ᐊᖓᔪᖅᑳᖑᓚᐅᕐᐳᖅ ᐊᕐᕌᒍᓂᒃ 17ᓂᒃ ᔨᕉᓴᓕᒥ, ᐃᒡᓗᒐᓴᖕᓂ ᐊᑕᓂᐅᑉ ᓂᕈᐊᓚᐅᕐᑕᖓᓂ ᐃᓴᕆᐊᓕᒥᐅᓂᑦ, ᑕᕝᕙᓂ ᑐᒃᓯᐊᕐᕕᐅᖃᑦᑕᕈᒪᓪᓗᓂ. ᕆᕼᐅᐳᐊᒻ ᐊᓈᓇᖓ ᐊᑎᖃᕐᐳᖅ ᓈᒪᒥᒃ ᐊᒧᓁᑎᒥᑦ ᐱᓯᒪᔪᖅ.

ᐊᑕᓃᑦ ᓯᕗᓪᓖᑦ 8:16

‘ᑍᒪᓐᖓᓂᑦ ᐃᓄᖁᑎᒃᑲ ᐃᓴᕆᐊᓕᒥᐅᑦ ᐊᐅᓪᓚᕐᑎᒐᒃᑭᑦ ᐄᑦᔨᑉᑎᒥᑦ, ᓂᕈᐊᓚᐅᓐᖏᓚᖓ ᐃᓴᕆᐊᓕᐅᑉ ᑭᖑᕚᖏᑕ ᐃᒡᓗᒐᓴᖏᓐᓂᒃ ᓇᓪᓕᐊᓐᓂᒃ, ᐊᑎᕋ ᐃᓂᖃᖁᓪᓗᒍ; ᑍᕕᑎᓕ ᓂᕈᐊᓚᐅᕐᐸᕋ ᐊᐅᓚᑦᓯᔨᐅᖁᓪᓗᒍ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ.’

ᐊᑕᓃᑦ ᓯᕗᓪᓖᑦ 8:43

ᑐᒃᓯᐊᓂᖏᑦ ᑐᓴᒃᑭᑦ, ᕿᓚᖕᒥᑦ ᐃᓂᒋᔭᕐᓂᑦ, ᐱᓇᓱᐊᕐᓗᑎᓪᓗ ᓄᓇᓕᑐᖃᐅᖏᑦᑐᑦ ᓂᓪᓕᐊᑦᔪᑎᒋᔭᓕᒫᖏᓐᓂᒃ; ᓄᓇᕐᔪᐊᕐᒥᐅᓕᒫᑦ ᐃᓄᐃᑦ ᐊᑎᕐᓂᒃ ᖃᐅᔨᓕᖁᓗᒋᑦ ᐃᓕᖕᓂᒡᓗ ᐃᓕᕋᒋᔭᖃᓕᕐᓗᑎᒃ ᐃᓴᕆᐊᓕᒥᐅᑎᑐᑦ, ᖃᐅᔨᒪᖁᓪᓗᒋᑦ ᐅᓇ ᐃᒡᓗᓕᐊᕋ ᐊᑎᕐᓂᒃ ᑐᓐᖓᕕᖃᕐᒪᑦ.

ᐊᑕᓃᑦ ᓯᕗᓪᓖᑦ 8:52

“ᑕᑯᓐᓇᓚᐅᕆᑦ ᐱᔨᕕᑦ ᕿᓄᓂᖓᓂᒃ, ᐃᓄᖁᑎᑎᓪᓗ ᐃᓴᕆᐊᓕᑏᑦ ᕿᓄᒃᐸᑕ, ᓈᓚᒃᐸᒡᓗᒋᑦ ᐃᓕᖕᓄᑦ ᓂᓪᓕᐊᔭᕌᖓᑕ.

ᐊᑕᓃᑦ ᓯᕗᓪᓖᑦ 9:3

ᐊᑕᓂᐅᓪᓗ ᐅᖃᕐᕕᒋᕚ, “ᑐᒃᓯᐊᕐᓂᑎᑦ ᕿᓄᓂᑎᓪᓗ ᑐᓴᕐᐸᒃᑲ, ᑐᒃᓯᐊᕐᕕᒡᔪᐊᖅ ᑖᓐᓇ ᐃᑦᔪᕐᓁᓕᑎᑉᐸᕋ ᓴᓇᓚᐅᕐᑍᑦ; ᐃᓂᒋᓂᐊᕐᓕᕐᐸᕋᓗ ᑐᒃᓯᐊᕐᕕᐅᖁᓪᓗᖓ ᐃᓱᖃᖏᑦᑐᒧᑦ, ᒥᐊᓂᕆᓂᐊᕐᐸᕋ ᓴᐳᑎᕙᒡᓗᒍᓗ ᑍᒪᓐᖓᓕᒫᖅ.

ᐊᑕᓃᑦ ᐂᑉᐸᖏᑦ 19:16

ᓯᐅᑏᒃᑭᒃ ᒪᓂᓗᒋᒃ, ᐊᑕᓃᖅ ᑐᓴᕆᑦ; ᐅᐃᓪᓗᑎᑦ, ᐊᑕᓃᖅ ᑕᑯᓴᒃᑭᑦ ᓯᓇᑯᕆᑉ ᐅᖃᐅᓯᖏᑦ, ᓈᓚᓛᐅᒃᑭᑦ ᒎᑎᒥᒃ ᐆᒪᔪᒥᒃ ᒥᑕᐅᑎᖃᕐᓗᓂ ᐅᖃᐅᓯᖃᕐᒪᑦ.

ᐊᑕᓃᑦ ᐂᑉᐸᖏᑦ 21:4

ᒎᑎᓐᖑᐊᓖᑦ ᑐᓂᕐᕈᓯᕐᕕᖏᓐᓂᒃ ᓴᓇᔭᐅᑎᑦᓯᒋᕗᖅ ᐊᑕᓂᐅᑉ ᐃᒡᓗᖓᓂ, ᐊᑕᓂᐅᑉ ᐅᖃᕐᓯᕆᓚᐅᕐᑕᖓᓂ, “ᔨᕉᓴᓕᒥ ᐊᑎᕋ ᐃᓕᓯᒪᓂᐊᕐᐸᕋ.”

ᐊᑕᓃᑦ ᐂᑉᐸᖏᑦ 21:7

ᒎᑎᓐᖑᐊᑉ ᐊᓯᕋᐅᑉ ᐊᑦᔨᖓᓂᒃ ᓴᓇᓯᒪᔪᒥᒃ ᐋᖅᑭᒃᑕᐅᑎᑦᓯᓯᒪᓚᐅᕐᐳᖅ ᐊᑕᓂᐅᑉ ᐃᒡᓗᖓᓂ, ᐊᑕᓂᐅᑉ ᑍᕕᑎᒥᒃ ᐃᕐᓂᖓᓂᒡᓗ ᓲᓗᒨᓂᒥᒃ ᐅᖃᐅᑦᔨᑦᔪᑎᒋᓚᐅᕐᑕᖓᓂᒃ ᐅᖃᕐᓗᓂ, “ᐅᕙᓂ ᐃᒡᓗᒥ ᔨᕉᓴᓕᒻᒥᓗ ᓂᕈᐊᕐᓯᒪᔭᓐᓂ ᐃᓴᕆᐊᓕᒥᐅᑦ ᑭᖑᕚᕇᖏᑕ ᓄᓇᒋᔭᓕᒫᖏᓐᓂᑦ, ᐊᑎᕋ ᐃᓂᖃᕐᑎᓐᓂᐊᕐᐸᕋ ᐃᓱᖃᖏᑦᑐᒧᑦ;

ᐊᑕᓃᑦ ᐂᑉᐸᖏᑦ 23:27

ᐊᑕᓂᖅ ᐅᖃᓚᐅᕐᒪᑦ, “ᔫᑕ ᑕᑯᓐᓇᕐᑕᓐᓂᑦ ᓅᑎᑦᓱᒫᕐᐸᕋ, ᐃᓴᕆᐊᓕᒥᐅᑎᑐᑦ ᓅᑦᓯᓂᕆᓚᐅᕐᑕᑦᑐᖅ, ᔨᕉᓴᓕᒻᓗ ᓂᕈᐊᕐᓗᒍ ᐃᒡᓗᒐᓴᒡᔪᐊᓐᖑᕐᑎᓚᐅᕐᑕᕋ ᓇᕐᕈᒋᓕᕈᒫᕐᐸᕋ, ᑖᓐᓇ ᐅᖃᐅᓯᖃᕐᕕᒋᓚᐅᕐᑕᕋ, ‘ᐊᑎᕋ ᑕᕝᕙᓂ ᐅᐱᒋᔭᐅᖏᓐᓇᖁᓪᓗᒍ.’”

ᑯᕉᓂᑲ ᐂᑉᐸᖏᑦ 16:9

ᐊᑕᓂᖅ ᒫᓐᖓᑦ ᑕᐅᕗᖓ ᓄᓇᕐᔪᐊᓕᒫᒥᒃ ᑕᑯᓐᓇᕐᒪᑦ, ᓲᖑᓂᕐᒥᓂᒃ ᑕᑯᑎᑦᓯᔪᒪᓪᓗᓂ ᐆᒻᒪᑎᒥᒍᑦ ᐃᒃᐱᒍᓱᑦᓯᐊᕐᑐᓄᑦ ᑖᑦᓱᒥᖓ. ᐱᓂᐊᕐᓃᑦ ᑕᒪᑐᒧᖓ ᓯᓔᑦᑑᓚᐅᕐᒪᑦ; ᑍᒤᒻᒪᑦ ᒫᓐᓇᒥᑦ ᐱᒋᐊᕐᓗᒍ ᐅᓇᑍᓐᓇᕐᓂᐊᓕᕐᐳᑎᑦ.”

ᑯᕉᓂᑲ ᐂᑉᐸᖏᑦ 20:8

ᑖᒃᑯᐊᓗ ᓄᓇᖃᓕᕐᐳᑦ ᑕᒫᓂ, ᓴᓇᓚᐅᕐᐳᓪᓗ ᐃᑦᔪᕐᓁᑦᑐᕕᖁᑎᖕᓂᒃ ᐊᑎᕐᓄᑦ, ᐅᖃᕐᓗᑎᒃ,

ᑯᕉᓂᑲ ᐂᑉᐸᖏᑦ 33:4

ᑐᓂᕐᕈᓯᕐᕕᓕᐅᓚᐅᕐᐳᕐᓗ ᐊᑕᓂᐅᑉ ᐃᒡᓗᖓᓂ, ᐊᑕᓂᐅᑉ ᐅᖃᐅᓯᕆᓚᐅᕐᑕᖓᓂ ᐃᒫᒃ, “ᐊᑎᕋ ᔨᕉᓴᓕᒥ ᑐᒃᓯᐊᕐᕕᐅᑦᓮᓐᓇᕐᑐᒃᓴᐅᕗᖅ ᐃᓱᖃᖏᑦᑐᒧᑦ.”

ᑯᕉᓂᑲ ᐂᑉᐸᖏᑦ 33:7

ᐃᓕᓯᓚᐅᕆᕗᕐᓗ ᒎᑎᐅᑉ ᐃᒡᓗᖓᓄᑦ ᓴᓇᓐᖑᐊᕐᓯᒪᔪᒥᒃ ᒎᑎᓐᖑᐊᒥᒃ ᓴᓇᓚᐅᕐᑕᒥᓂᒃ, ᒎᑎᐅᑉ ᐅᖃᐅᓯᕆᓚᐅᕐᑕᖓᓂᒃ ᑍᕕᑎᒧᑦ ᐃᕐᓂᖓᓄᓪᓗ ᓲᓗᒨᓂᒧᑦ, “ᑖᓐᓇ ᐃᒡᓗ ᔨᕉᓴᓕᒦᑦᑐᖅ, ᓂᕈᐊᓚᐅᕐᐸᕋ ᐃᓅᖃᑎᒌᒡᔪᐊᓂᑦ ᐃᓴᕆᐊᓕᒥᐅᓂᑦ, ᐊᑎᕋ ᑕᕝᕙᓂ ᑐᒃᓯᐊᕐᕕᐅᖃᑦᑕᖁᓪᓗᒍ ᐃᓱᖃᖏᑦᑐᒧᑦ;

ᑯᕉᓂᑲ ᐂᑉᐸᖏᑦ 6:20

ᐃᔩᒃᑭᒃ ᑕᑯᓐᓇᖁᓪᓗᒋᒃ ᐅᕗᖓ ᐃᒡᓗᒧᑦ ᐅᓪᓗᒃᑯᑦ ᐅᓐᓄᒃᑯᓪᓗ, ᐃᓂᒋᓂᐊᕐᓂᕋᓚᐅᕐᑕᕐᓄᑦ ᐊᑏᓪᓗ ᑕᕝᕗᖓ ᐃᓕᓂᐊᕐᓂᕋᓚᐅᕋᕕᐅᒃ, ᑐᓴᖁᓪᓗᑎᑦ ᐱᔨᕕᑦ ᑐᒃᓯᐊᕐᓂᖓᓂᒃ ᑕᕝᕙᓂ ᐃᓂᒋᓂᐊᓚᐅᕐᑕᕐᓂ.

ᑯᕉᓂᑲ ᐂᑉᐸᖏᑦ 6:40

“ᒫᓐᓇᓕ ᒎᑎᒐ, ᐃᔩᒃᑭᒃ ᐅᐃᒃᑭᑦ ᓯᐅᑏᒃᑭᒡᓗ ᐊᖕᒪᕐᓕᒃ ᑐᒃᓯᐊᕐᓂᕐᓂᒃ ᐅᕙᓂ ᑐᒃᓯᐊᕐᓂᕆᔭᐅᔪᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 1:6

ᓯᐅᑏᒃᑭᒃ ᑐᓵᓚᐅᕐᓕᒃ, ᐃᔩᒃᑭᒡᓗ ᐅᐃᑕᓗᑎᒃ, ᑐᓴᕈᓐᓇᖁᓪᓗᑎᑦ ᐱᔨᕕᑦ ᑐᒃᓯᐊᕐᓂᖓᓂ ᒫᓐᓇ ᐃᓕᖕᓄᑦ ᑐᒃᓯᐊᕈᑎᒋᔭᓐᓂᒃ ᐅᓪᓗᒃᑯᑦ ᐅᓐᓄᐊᒃᑯᓪᓗ ᐱᔨᑎᑦ ᐃᓴᕆᐊᓕᑎᑦ ᐱᓪᓗᒋᑦ, ᐃᓕᖕᓄᑦ ᐊᔪᕐᑐᓕᓯᒪᒐᑦᑕ ᖃᕿᐊᓕᕐᐳᒍᑦ, ᐅᕙᖓᓗ ᐊᑖᑕᒪᓗ ᐃᒡᓗᒥᐅᖃᑎᖏᑦ ᐊᔪᕐᑐᓕᓯᒪᖓᑦᑕ.

ᓂᕼᐃᒤᐊᐅᑉ ᐊᒡᓚᖏᑦ 1:9

ᐅᕙᓐᓄᓪᓕ ᐅᑎᕈᑦᓯ ᐱᖁᔭᒃᑲᓗ ᒪᓕᒡᓗᒋᑦ ᐊᑐᓕᕈᑦᓯᒋᒃ, ᐅᖓᓯᒃᑐᐊᓗᖕᒧᑦ ᐊᐅᓪᓚᕈᑦᔭᐅᓯᒪᓕᕋᓗᐊᕈᑦᓯ, ᑕᕝᕙ ᓇᑭᑐᐃᓐᓇᖅ ᑲᑎᕐᓱᕈᒫᕐᐸᑦᓯ, ᐱᑎᓪᓗᓯᓗ ᑕᕝᕗᖓ ᓂᕈᐊᕐᓯᒪᔭᓐᓄᑦ, ᑕᕝᕙᓂ ᐊᑎᕋ ᑕᕝᕙᓃᖁᓪᓗᒍ.’

ᐃᓐᖏᕈᑎᑦ 138:2

ᑐᒃᓯᐊᕐᓂᐊᕐᐳᖓ ᑐᒃᓯᐊᕐᕕᒡᔪᐊᖁᑏᑦ ᐃᑦᔪᕐᓁᑦᑐᖅ ᓵᓪᓗᒍ, ᐊᑏᓪᓗ ᖁᔭᒋᓗᒍ ᓇᒡᓕᖕᓃᑦ ᓱᖁᓯᔪᐃᑦᑐᖅ ᐃᓱᖃᖏᑦᑐᖅ ᓱᕐᕋᔪᐃᑦᑑᓃᓪᓗ; ᓴᖅᑭᑎᑦᓯᓚᐅᕋᕕᑦ ᐅᖃᐅᓰᑦ ᐊᑏᓪᓗ ᓱᓇᓕᒫᓂᑦ ᐊᖏᓂᕐᐸᐅᓂᖏᓐᓂᒃ.

ᐃᓐᖏᕈᑎᑦ 34:15

ᐊᑕᓂᐅᑉ ᐃᔨᖏᒃᑕ ᐱᓇᓱᐊᑦᓯᐊᕐᑐᑦ ᑕᑯᓐᓇᕐᐰᑦ, ᓯᐅᑎᖏᒡᓗ ᑐᓵᕗᒃ ᓂᓪᓕᐊᓂᖏᓐᓂᒃ.

ᒨᓯᓯ ᐂᑉᐸᖏᑦ 20:24

ᓄᓇᒥᓕ ᑐᓂᕐᕈᓯᕐᕕᖕᒥᒃ ᓴᓇᓕᕆᑦᓯ ᐅᕙᓐᓄᑦ; ᑕᕝᕙᓂᓗ ᑐᓂᕐᕈᓯᕐᓗᓯ ᑐᓂᕐᕈᑎᓂᒃ ᐆᑕᒃᓴᓂᒃ ᑐᓂᕐᕈᑎᓂᒡᓗ ᖁᔭᓕᑦᔪᑎᒃᓴᓂᒃ, ᓰᐱᓂᒃ ᐃᒻᒧᒃᓯᐅᒐᓂᒡᓗ ᑐᓂᕐᕈᓯᕐᑐᒃᓴᐅᕗᓯ; ᓇᓂᑐᐃᓐᓇᖅ ᐊᑎᕐᒪ ᐃᖅᑲᐅᒪᔭᐅᑦᔪᑎᒃᓴᖓᓂᒃ ᐱᑎᑦᓯᑐᐊᕈᒪ ᑕᕝᕙ ᑕᕝᕗᖓ ᕾᓂᐊᕐᐳᖓ ᓮᒻᒪᕐᑎᓪᓗᓯᓗ.

ᑖᓂᐊᓕᐅᑉ ᐊᒡᓚᖏᑦ 6:10

ᑖᓂᐊᓕᓕ ᖃᐅᔨᒐᒥ ᐱᖁᔭᖅ ᐋᖅᑭᒃᑕᐅᔭᕇᕐᒪᑦ, ᐊᖏᕐᕋᕐᐳᖅ ᒪᔪᕋᕐᓗᓂᓗ ᐃᒡᓗᕈᓯᕐᒥᓄᑦ, ᐃᒐᓛᕐᒧᑦ ᔨᕉᓴᓕᒧᑦ ᓵᖓᔪᒧᑦ, ᓰᖅᑯᕐᓗᓂᓗ ᑐᒃᓯᐊᕐᐸᒃᐳᖅ ᐅᓪᓗᖅ ᐱᖓᓱᐃᕐᓱᕐᓗᒍ, ᖁᔭᓕᓪᓗᓂᓗ ᒎᑎᒥᓄᑦ ᑍᒫᒃ ᐱᐅᓯᕆᕙᒃᑕᒥᑐᑦ.

ᑖᓂᐊᓕᐅᑉ ᐊᒡᓚᖏᑦ 9:18

ᓈᓚᓚᐅᕆᑦ ᒎᑏᒃ, ᑐᓵᓗᑎᓪᓗ; ᐃᔩᒃᑭᒃ ᐅᐃᑎᓚᐅᒃᑭᒃ ᑕᑯᓗᑎᓪᓗ ᐃᒡᓗᒐᓴᒡᔪᐊᓂᒃ ᓱᕋᒃᓯᒪᔪᓂᒃ ᐃᕝᕕᑦ ᐊᑎᕐᓂᒃ ᑍᒎᓯᖃᕐᑐᓂᒃ, ᐃᓱᐊᕐᑑᓂᑦᑎᓐᓄᑦ ᑐᒃᓯᐊᓐᖏᓚᒍᑦ, ᐊᖏᔪᐊᓗᖕᒥᒡᓕ ᓂᑲᒍᓱᖕᓃᑦ ᐱᑦᔪᑎᒋᓪᓗᒍ.

ᓴᑲᕅᐊᐅᑉ ᐊᒡᓚᖏᑦ 12:4

ᐊᑕᓂᖅ ᐅᖃᕐᐳᖅ, ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᕿᒻᒥᕐᔪᐊᓕᒫᑦ ᑕᑕᒥᑎᑦᓱᒫᕐᐸᒃᑲ, ᐃᑭᒪᔪᓪᓗ ᑐᑭᖃᕈᓐᓁᕐᑎᓪᓗᒋᑦ: ᔫᑕᒥ ᓄᓇᖃᕐᑐᑦ ᐃᔨᓐᓄᑦ ᑕᑯᓐᓈᕈᒫᕋᒃᑭᑦ, ᐃᓄᐃᓪᓗ ᓄᓇᓂᑦ ᐊᓯᖏᓐᓂᑦ ᐱᓯᒪᔪᑦ ᕿᒻᒥᕐᔪᐊᖏᑦ ᑕᐅᑐᒍᓐᓁᕐᑎᑦᓱᒫᕐᐸᒃᑲ.

ᒨᓯᓯ ᑕᓪᓕᒪᖏᑦ 12:11

ᑕᕝᕙᓂᓗ ᐊᑕᓂᖅ ᒎᑎᓯ ᓂᕈᐊᕈᒫᕐᐳᖅ ᐊᑕᐅᓯᕐᒥᒃ ᑖᑦᓱᒧᖓ ᑐᒃᓯᐊᖃᑦᑕᕐᕕᒃᓴᑦᓯᓐᓂᒃ, ᑕᕝᕙᓂ ᑐᓂᓯᖃᑦᑕᕐᕈᒫᕐᐳᓯ ᐃᓕᑦᓯᓐᓄᑦ ᐱᖁᔨᑦᔪᑎᒋᓯᒪᔭᓕᒫᓐᓂᒃ: ᑐᓂᕐᕈᑎᒃᓴᑦᓯᓐᓂᒃ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᑐᓂᕐᕈᑎᒃᓴᑦᓯᓐᓂᒃ ᑐᓂᓯᔪᓐᓇᖁᓪᓗᓯ, ᑕᓪᓕᒪᐅᔪᐃᕈᑎᒋᔭᓯᓗ ᐊᓯᖏᓪᓗ ᑐᓂᕐᕈᑎᒃᓴᕆᔭᓯ, ᑐᓂᔭᒃᓴᓯᓗ ᐱᓪᓚᕆᐅᔪᑦ ᐊᑕᓂᕐᒧᑦ ᑐᓂᔭᒃᓴᕆᓪᓗᒋᑦ ᐊᖏᕈᑎᒋᓯᒪᔭᓯ.

ᒨᓯᓯ ᑕᓪᓕᒪᖏᑦ 12:14

ᑕᒪᒃᑯᐊᓕ ᑐᓂᕐᕈᑎᒃᓮᑦ ᑐᓂᔭᒃᓴᕆᕙᓯ ᑐᓂᕐᕈᓯᕐᕕᖕᒥ ᐊᑕᓂᐅᑉ ᓄᓇᒥ ᓂᕈᐊᕐᓯᒪᔭᖓᓂ ᓇᓪᓕᐊᑦᑕ ᑭᖑᕚᕇᑦ ᓄᓇᖁᑎᖓᑦᑕ ᐃᓚᖓᓂ ᐊᓯᐊᓂᐅᖏᑦᑐᖅ. ᑕᕝᕙᓂ ᑭᓯᐊᓂ ᑐᓂᕐᕈᓯᕐᑐᒃᓴᐅᕗᓯ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᐃᓕᑦᓯᓐᓄᑦ ᐊᑐᕐᑕᐅᖁᓯᒪᔭᓐᓂᒃ.

ᒨᓯᓯ ᑕᓪᓕᒪᖏᑦ 12:5

ᕿᓂᕆᐊᖃᕈᒫᕐᐳᓯᓕ ᐃᓂᒃᓴᒥᒃ ᐊᑕᓂᐅᑉ ᒎᑎᑦᓯ ᓂᕈᐊᕐᑕᖓᓂᒃ ᑭᖑᕚᖑᖃᑎᒌᓕᒫᑦ ᓄᓇᖏᓐᓂ ᐊᑎᖓᑕ ᐃᓂᒃᓴᖓᓂᒃ ᓇᔪᒐᒃᓴᖓᓂᒡᓗ; ᑕᕝᕙ ᑍᑯᖓ ᐂᖃᑦᑕᕆᐊᖃᕈᒫᕐᐳᓯ,

ᒨᓯᓯ ᑕᓪᓕᒪᖏᑦ 16:2

ᑐᒃᓯᐊᕐᕕᖕᒧᐊᕐᑐᒃᓴᐅᕗᓯ ᑐᖁᑦᓯᓗᓯᓗ ᓰᐱᖁᑎᑦᓯ ᐃᓚᖓᓐᓂᒃ ᐅᕝᕙᓗ ᐃᒻᒧᒃᓯᐅᒐᖁᑎᑦᓯᓐᓂᒃ ᖄᖏᕐᑕᐅᕕᒃᓯᐅᑎᒥ ᓂᕆᔭᒃᓴᐅᖁᓪᓗᒍ ᐊᑕᓂᐅᑉ ᒎᑎᓯ ᐅᐱᓐᓇᕐᓯᑎᑕᐅᓂᖓᓄᑦ.

ᒨᓯᓯ ᑕᓪᓕᒪᖏᑦ 16:6

ᑕᕝᕙᓂ ᑭᓯᐊᓂ ᐊᑎᖓᑕ ᐃᓂᖓᓂ ᖄᖏᕐᑕᐅᕕᒃᓯᐅᑎᒥᒃ ᑐᓂᕐᕈᓯᕐᑐᒃᓴᐅᕗᓯ ᓯᕿᓂᖅ ᓂᐱᓕᕐᑎᓪᓗᒍ, ᑍᑦᓱᒪᓂ ᐄᑦᔨᑉᑎᒥᑦ ᐊᐅᓪᓚᓕᕐᑎᓪᓗᓯ ᑍᒤᓪᓗᐊᓕᕐᑎᓪᓗᒍ ᐊᐅᓪᓚᓚᐅᕋᑦᓯ.

ᒨᓯᓯ ᑕᓪᓕᒪᖏᑦ 26:2

ᑕᕝᕙᓂ ᓯᕗᓪᓕᕐᐹᒥᒃ ᐱᕈᕐᑎᑕᑦᓯᓐᓂ ᐊᑕᓂᐅᑉ ᒎᑎᑦᓯ ᑐᓂᔭᖓᓂᒃ ᐃᓕᑦᓯᓐᓄᑦ, ᑲᑎᑦᓯᓯᒋᐊᕈᑦᓯ ᐊᑐᓂᑦ ᐃᕕᐅᔭᕐᓂᒃ ᐴᒃᓴᑦᓯᓐᓂᒃ ᓇᒃᓴᕐᑐᒃᓴᐅᕗᓯ ᑖᒃᑯᐊᓗ ᓯᕗᓪᓖᕐᐹᒥᒃ ᐲᔭᕐᑕᑎᑦ ᑐᓂᕐᕈᑎᒋᔭᒃᓴᕆᕙᑎᑦ ᑐᒃᓯᐊᕐᕕᖕᒧᑦ.