ᐊᑕᓃᑦ ᓯᕗᓪᓖᑦ 8:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐱᐅᔪᒻᒪᕆᐊᓗᖕᒥᒃ ᐊᖏᒡᓕᑎᕐᑕᐅᕕᒃᓴᕐᓂᒃ ᓴᓇᓯᒪᕗᖓ ᐃᒡᓗᒃᓴᕐᓂᒃ, ᐃᓂᒋᓂᐊᕐᑕᕐᓂᒃ ᐃᓱᖃᖏᑦᑐᒧᑦ.”

ᐊᑕᓃᑦ ᓯᕗᓪᓖᑦ 8:13 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 7:13

ᑖᓐᓇ ᓴᓇᔪᒫᕐᐳᖅ ᐃᒡᓗᒃᓴᓐᓂᒃ, ᑖᑦᓱᒪᓗ ᐊᖓᔪᖅᑲᐅᕕᖓ ᑲᔪᓯᑎᑦᓱᒫᕐᐸᕋ ᐃᓱᖃᖏᑦᑐᒧᑦ.

ᑯᕉᓂᑲ ᓯᕗᓪᓖᑦ 17:12

ᑖᓐᓇ ᐅᕙᓐᓄᑦ ᐃᒡᓗᓕᐅᕈᒫᕐᐳᖅ, ᑖᑦᓱᒪᓗ ᐃᒃᓯᕙᐅᑕᕐᔪᐊᖓ ᑲᔪᓯᑎᑦᓱᒫᕐᐸᕋ ᐃᓱᖃᖏᑦᑐᒧᑦ.

ᑯᕉᓂᑲ ᓯᕗᓪᓖᑦ 28:10

ᐃᓱᒪᒃᓴᕐᓯᐅᓕᕆᑦ ᒫᓐᓇ, ᐊᑕᓂᐅᑉ ᓂᕈᐊᕐᓯᒪᖕᒪᑎᑦ ᐃᒡᓗᓕᐅᖁᓪᓗᑎᑦ ᐃᑦᔪᕐᓁᑦᑐᒥᒃ; ᓲᖑᔫᓗᑎᑦ, ᐱᓇᓱᐊᕐᓂᐊᕐᐸᑦ.”

ᑯᕉᓂᑲ ᓯᕗᓪᓖᑦ 28:20

ᑕᕝᕙ ᑍᕕᑎᐅᑉ ᐃᕐᓂᓂ ᓲᓗᒨᓂ ᐅᖃᐅᑎᕚ, “ᓲᖑᓕᕆᑦ ᑲᑦᓱᖎᑦᓯᐊᕐᓗᑎᓪᓗ, ᐱᓇᓱᐊᕈᒫᕐᐳᑎᑦ. ᓯᕘᕋᖏᓪᓗᑎᑦ, ᓴᐱᕐᑍᓕᓗᑎᑦ; ᐊᑕᓂᐅᑉ ᒎᑎᐅᑉ, ᐊᒡᓛᑦ ᒎᑎᒪ ᐃᓚᒋᖕᒪᑎᑦ. ᑖᑦᓱᒪ ᕿᒪᖕᓂᐊᓐᖏᓛᑎᑦ ᐊᓚᕐᓂᐊᓐᖏᓛᑎᓪᓗ, ᐱᔭᕇᓚᐅᖅᑳᕐᑎᓐᓇᑎᑦ ᐱᓇᓱᐊᕆᐊᓕᖕᓂᒃ ᐱᔨᑦᓯᕐᓂᓕᒫᕐᓂ ᐊᑕᓂᐅᑉ ᐃᒡᓗᖓᓂᒃ.

ᑯᕉᓂᑲ ᓯᕗᓪᓖᑦ 28:6

ᐅᖃᐅᑎᓚᐅᕐᒪᖓ, ‘ᐃᕐᓂᕕᑦ ᓲᓗᒨᓂᐅᑉ ᐃᒡᓗᓕᐅᕈᒫᕐᐹᖓ ᐊᕙᓗᖃᕐᓗᒍ, ᑖᓐᓇ ᓂᕈᐊᓚᐅᕋᒃᑯ ᐃᕐᓂᕆᔪᒪᓪᓗᒍ, ᑖᑦᓱᒪᓗ ᐊᑖᑕᒋᓂᐊᕐᐹᖓ.

ᑯᕉᓂᑲ ᐂᑉᐸᖏᑦ 6:2

ᐃᒡᓗᓕᐅᓚᐅᕐᐸᒋᑦ ᐱᐅᔪᒻᒪᕆᐊᓗᖕᒥᒃ, ᐃᓂᒋᓂᐊᕐᑕᕐᓂᒃ ᐃᓱᖃᖏᑦᑐᒧᑦ.”

ᒨᓯᓯ ᐂᑉᐸᖏᑦ 15:17

ᑕᒪᐅᓐᖓᐅᑎᓚᐅᕐᐸᑎᑦ ᑲᓐᖓᕐᓲᑎᒋᓪᓗᒋᓪᓗ ᓇᖕᒥᓂᖅ ᖃᖅᑲᖁᑎᖏᓐᓄᑦ, ᑕᕝᕗᖓ ᐃᓂᒃᓴᒧᑦ ᐃᕝᕕᑦ ᐊᑕᓃᖅ, ᓂᕈᐊᕐᓯᒪᔭᕐᓄᑦ ᐃᓂᒃᓴᕆᔪᒪᓪᓗᒍ, ᑐᒃᓯᐊᕐᕕᒡᔪᐊᕐᒧᑦ ᐃᕝᕕᑦ ᓇᖕᒥᓂᖅ ᓴᓇᓚᐅᕐᑕᕐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 43:7

ᐅᖃᐅᑎᓪᓗᖓᓗ, “ᐃᓅᑉ ᐃᕐᓂᖓ, ᑖᓐᓇ ᑕᕝᕙ ᐃᒃᓯᕙᐅᑕᕐᔪᐊᒪ ᐃᓂᖓ ᐃᑎᒐᖕᒪᓗ ᐃᑯᕋᖏᑕ ᐃᓂᖓ, ᑕᕝᕙᓂ ᐃᓂᖃᕐᓂᐊᕐᐳᖓ ᐃᓱᖃᖏᑦᑐᒧᑦ ᐃᓴᕆᐊᓕᒥᐅᑦ ᐃᓄᖏᑕ ᐊᑯᕐᖓᓐᓂ. ᐃᓴᕆᐊᓕᒥᐅᓪᓗ ᑭᖑᕚᖏᑕ ᐊᑎᕋ ᐃᑦᔪᕐᓁᑦᑐᖅ ᓇᕐᕈᓇᕐᓯᑎᓐᓂᐊᕈᓐᓁᕐᐹᑦ, ᑖᒃᑯᐊᓘᓐᓃᑦ, ᐊᖓᔪᖅᑳᕐᔪᐊᖏᑕᓘᓐᓃᑦ, ᒎᑎᒥᒡᓗ ᐊᓯᓐᓂᐊᕐᓯᒪᓂᖏᓐᓄᑦ, ᐊᖓᔪᖅᑳᕐᔪᐊᕕᓂᖏᑕᓘᓐᓃᑦ ᑎᒥᕕᓂᖏᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 43:9

ᒫᓐᓇ ᐊᓯᓐᓂᒃ ᒎᑎᖃᕐᓂᕐᒥᒃ ᓄᖅᑲᐅᑦᔨᓕᕐᓕᑦ ᐊᖓᔪᖅᑳᕐᔪᐊᕕᓂᖏᑕᓗ ᑎᒥᕕᓂᖏᑦ ᐅᕙᓐᓂᑦ ᐅᖓᓯᒃᓯᑎᑕᐅᓗᑎᒃ, ᑕᕝᕙ ᐊᑯᕐᖓᓐᓂ ᐃᓂᖃᓕᕐᓂᐊᕐᐳᖓ ᐃᓱᖃᖏᑦᑐᒧᑦ.

ᒫᑎᐅᓯᐅᑉ ᐊᒡᓚᖏᑦ 23:21

ᑐᒃᓯᐊᕐᕕᒡᔪᐊᕐᓗ ᑍᖃᓯᐅᑎᓗᒍ ᐅᖃᕕᒃᑐᖅ, ᑖᓐᓇ ᑐᒃᓯᐊᕐᕕᒃᔪᐊᖅ ᑍᖃᓯᐅᑎᓪᓗᒍ ᐊᖏᕐᐳᖅ, ᒎᑎᓗ ᑍᖃᓯᐅᑎᕚ, ᒎᑎ ᑕᕝᕙᓃᒻᒪᑦ;

ᐋᐴᓯᑕᓖᑦ ᐱᓂᐊᕐᓂᖏᑦ 6:14

ᑐᓴᓚᐅᕐᐸᕗᑦ ᐅᖃᕐᑎᓪᓗᒍ, ᑖᓐᓇᒎᖅ ᔩᓱᓯ ᓈᓴᕇᑎᒥᐅᖅ ᐆᒥᖓ ᑐᒃᓯᐊᕐᕕᒡᔪᐊᕐᒥᒃ ᐊᓯᕈᐃᓂᐊᕐᒪᑦ, ᐃᓕᖅᑯᓯᕗᑦ ᐊᓯᑦᔨᕐᓗᓂᒋᑦ ᒨᓯᓯᒥᑦ ᐱᓯᒪᔭᕗᑦ.”

ᐄᑉᕈᐃᓄᑦ 9:24

᙭ᔅᑑᓯ ᐃᑎᓚᐅᕐᐳᖅ, ᐃᑦᔪᕐᓁᑦᑐᕕᖕᒧᑦ ᐊᒡᒐᓄᑦ ᓴᓇᔭᐅᓯᒪᖏᑦᑐᒧᑦ, ᕿᓚᖕᒦᑦᑐᒧᑦ ᑕᕝᕗᖓ ᐊᑦᔨᐅᑎᑕᐅᓯᒪᔪᒧᑦ, ᓇᖕᒥᓂᕐᓗ ᕿᓚᖕᒧᐊᓚᐅᕐᐳᖅ ᒎᑎᐅᑉ ᓵᖓᓄᑦ ᓴᖅᑭᑦᓱᒪᓪᓗᓂ ᐱᑦᔪᑎᒋᓪᓗᑕ.